يمه يمه *  فاطمه ردي عليّه
يمه يمه * بهالمصيبه الحيدريه
             يمه يمه

يمه يمه فاطمه آثاره بيّه
راس حيدر ينطبر وآنه شبديه
صحت آنه بصوت وين امي الزجيه
راح ابوي المرتظى هاي المسيه
يمه يمه * هذا حيدر منطبر
يمه يمه * صدگ مليت الصبر
               يمه يمه

يمه ملاني الصبر گلبي بهواهم
يمه احبابي الوكت هالفرهداهم
يمه چانولي ضوه ويشع ضواهم
يمه بعيني شفت تنزف دماهم
يمه يمه  * ردت انطيچ الخبر
يمه يمه * شالو بعيد السفر
                  يمه يمه

ياجرح مثلك علي ماگلبيته
بويه آنه قصرت ماضمديته
شعضم شخصك ياعلي من فارگيته
يمه ابوي المرتضى صعبة قضيته
يمه يمه * باليله محتار الوصي
يمه يمه * اليله اوداع الولي
                  يمه يمه
 
يمه يمه ليلة اوداع و ظلامه
وآنه حالي مثل يادوح الحمامه
ياسلام الماشفت مثله سلامه
يا علينه الماگدر ليله ينام
يمه يمه * ليله مانامه بسهر
يمه يمه * ونخسف نور الگمر
                   يمه يمه

بويه صحنه ونخسف نورك يوالي
هايمه آني بقصتي بذيچ اليالي
اصد يمه للحسن حاله رماني
للحسين آنه من اصد يمه سباني
يمه يمه * هذا حالي وخوتي
يمه يمه * حيره ضلت حيرتي
                     يمه يمه

يمه ياليل القدر كونچ تشوفيه
سبل ايدينه الوصي يمه تحظريه
يمه ساعات الهجر ايحومن عليه
شلون حاله ونّته لمن تسمعيه
يمه يمه * بالنعش لمن سروا
يمه يمه * خذو گلبي وحملوا
                  يمه يمه
**
الى خادم امير المومنين ع
السيد محمد الموسوي الجابري

نعزيكم بشهادة صادق اهل البيت عليهم السلام

****
نار شبت سيدي بركانها
دارك ودار النبي عنوانها
****
صدگ شبت دارك والها اعتنيت
ونسه لمن بچت يمك بچيت
العمّتك يوم الطفوف تذكريت
ذيچ زينب بالطفوف شحالها
****
بالطفوف شحالها زينب تصيح
وعمتك ام الخدر تهوه وتطيح
وانتَ يالصادق من يومك جريح
تصورة دارك وحرگ اخيامها
****
انتَ يم اعيالك وصابك الم
حرگ دارك مو مثل حرگ الخيم
وانتَ ما بينك ومابين الحرم
وزينب ابين الجثث وكتارها
****
بين جثه وجثه زينبكم تون
وانتَ ندري سيدي بگلبك حزن
ياسليل المصطفى للطف تحن
ندري قصتك كربله وخبارها
****
انتَ يلّي صورة طف كربله
وانتَ يمدرس المذاهب مرحله
وانتَ يالصوتك وصل كل المله
وانتَ يانجم السمه وهلالها
****
اليوم فگدك سيدي ودمعك نزل
صادق اهل البيت انتَ من الازل
آيه انتَ انتَ ابن خير العمل
انتَ دستور الفقاها وبابها
****
يافقيه البيت يالمالك مثل
انتَ يمعلم المذاهب للعدل
كل اصول الدين يمك يا اصل
والفروع ويه الاصل بحزانها
****
خادم الامام الصادق
السيد محمد الموسوي الجابري

ياشاهد الطفوف * ومِن قَبَل الچفوف
                 ياباقر العلوم

انتَ الذي شاهد رسم ذيچ القضيه
لمن نزل صبط النبي بالغاظريه
وانتَ الشفت كثرة عدد من آل ميه
من شاهدة جدك اجه قَبَل اخيه
وتشاهد السيوف * ومن قَبَل الچفوف
                  ياباقر العلوم

انتَ الذي يوم الچنت بالطف تشاهد
شفت الالم مُر السبي بزغرك تجاهد
ياسيدي باقر علم علم الله واحد
لكن الك هذا الوصف بسمك يرائد
زينبكم وتشوف * ومِن قَبَل الچفوف
                    ياباقر العلوم

ياباقر اعلوم النبي وذيچ الامامه
تروي معالم كربله بأفضل علامه
من رافقك جور وعطش ويه اليتامه
ولمن شفة يم النهر بحر الكرامه
جدك روه الحتوف * ومِن قَبَل الچفوف
                    ياباقر العلوم

انتَ زرتها كربله وي زين العباد
حالة ابوك امرمره مسبي للبلاد
سجادك بهذا الوضع يتفنهه الجساد
لمن دفن روح النبي وللكوفه من عاد
يم النهر يطوف * ومِن قَبَل الچفوف
                    ياباقر العلوم

زينب مشت ذاك الدرب والباقر بحال
لمن يشاهد عمته مچتوفه بحبال
يروي مصيبة كربله والدمع همال
مروكم ابأرض الحرب وتشوف الابطال
واحدهم ابألوف * ومِن قَبَل الچفوف
                    ياباقر العلوم

كل المحن ذاك الدرب  من شاهدتها
ومچتف ابحبل العده لالله اقبلتها
دومك تسولف كربله اوما عفتها
كل لچمه من لچم السبي ولطف خضتها
مابيهم الارؤف * ومِن قَبَل الچفوف
                    ياباقر العلوم
**
بقلمي

الى خادم الامام الباقر ع
السيد محمد الموسوي الجابري

لبيك ياعلي * موالي حيدري
ياعلي مدد * ياعلي مدد * ياعلي مدد
****
لبيك ياحيدر علي الليله السياده
الليله دين الله يتم بيك القياده
عيد وغديرك سيدي افضل عباده
ونعمه تمت بسمه جبريل ناده
الشخصك انتمي * موالي حيدري
ياعلي مدد * ياعلي مدد * ياعلي مدد
****
ياعلي صحنه مدد وبزود ابو حسين
هالليله فرحانه السمه وكل الموالين
يامحله عيدك سيدي بهاي المضامين
وتمت آيات المجد لجل ابو الحسنين
لبيك سيدي * موالي حيدري
ياعلي مدد * ياعلي مدد * ياعلي مدد
****
مدد مدد ياعلي بسم الولايه
الليله آيات النصر رفتله رايه
قرآن لجلك ياعلي يرتل الهدايه
ومن ينزل ابأكبر حدث آيه على آيه
مدد يالهاشمي * موالي حيدري
ياعلي مدد * ياعلي مدد * ياعلي مدد
****
بسمك مدد ياعلي ناده المنادي
لمن سمعنه من النبي بسمك يهادي
ورغمن عليه الرفض ولي مُعادي
ويبقه والينه علي وخير العبادي
ملعون الناصبي * موالي حيدري
ياعلي مدد * ياعلي مدد * ياعلي مدد
****
ملعون فكر الناصبي اودار الزمن دار
الله نصب حيدره ومذكوره لخبار
ذيچ السقيفه ابلا سقف من كيد الشرار
رغمن يضل حيدر وصي وحامي الجار
وبحيدر نقتدي * موالي حيدري
ياعلي مدد * ياعلي مدد * ياعلي مدد
****
بحيدر احنه نقتدي بأصل العقيده
ولي مارادك علي لا مانريده
ولي ماخاض الحرب مكسوره ايده
شلون والي يُنتخب غير الصميده
هاذي غايتي * موالي حيدري
ياعلي مدد *ياعلي مدد *ياعلي مدد
****
بقلمي
الى خادم امير المؤمنين ع
السيد محمد الموسوي الجابري

منبر حق تعرف منبرنه * من الاجداد اتعلمنه
منبر دستور * يذكر عاشور
من الاجداد اتعلمنه
****
منبرنه الحق بيه ونشهد * تعلمنه من الآباء وجد
سالم يبقه شمايجدد * يهدي الكافر وليتعند
منبر واعي * كلش راقي
من الاجداد اتعلمنه
****
نعرف هالمنبر ماضيه * بيه احكام وبيه تربيه
بيه قرآن وبيه تعزيه * بيه عاشور وبيه لطميه
منبر ايمان * منبر احسان
من الاجداد اتعلمنه
****
ايمان واحسان المنبر * مانتكلم الا بمصدر
ماعدنه البالمنبر تاجر * مدرسة العالم بيه نفخر
سيرة جدنه * من جاهدنه
من الاجداد اتعلمنه
****
سيرة اجداد وماضينه * بهاي التربيه اتربينه
احذر يامن تحچي علينه * رايتنه راية مهدينه
راية حيدر * صارت مصدر
من الاجداد اتعلمنه
****
والسالم منبرنه انسالم * مهما كان ومهما حاكم
منبر حوزه ومنبر عالم * وبصوته نرفض كل ظالم
جامع مانع * للحق خاضع
من الاجداد اتعلمنه
****
عالمنبر تربيه انشاهد * ونقدس منبرنه انعاهد
عالمنبر لا لا منزايد * نقسم بالمعبود الواحد
ناخذ سيره * من تعبيره
من الاجداد اتعلمنه
****
ناخذ سيره ونهج وعدله * منبرنه الآيات اترتله
من الماضي الحاضر يعله * چم خادم منبرنه يسجله
يسجل خادم * حجه العالم
من الاجداد اتعلمنه
****
بقلمي
خادم المنبر
السيد محمدالموسوي الجابري

بويه وياكم خذوني * بالسفر لا تفجعوني
خذوني ويه العايله * من تسير القافله
لا تفجعوني
****
بويه يحسن بسفركم لا تفجعوني
هم مريضه وهم عليله هنا تخلوني
بويه مااحمل الفرگه شالت اضعوني
خادمه يحسين اروحن فدوه يعيوني
العليله يسموني * بالسفر لا تفجعوني
من السفر بعده غياب * بويه يشتد العتاب
لا تفجعوني
****
من السفر بعد المصيبه صح چبيره
لا تخليني يبويه هاي حيره
وبتهل الله بدعائي صبري اجيره
كون ابوي حسين ياخذني بمسيره
من المرض ينخطف لوني * بالسفر لا تخلوني
خذني بويه الكربله * امشي ويه القافله
لا تفجعوني
****
خذني بويه الكربله ويه خواتي
آنه بنتك فاطمه وتعرف صفاتي
بويه تدريني عليله بنايباتي
فاگده ومحرومه من كل امنياتي
وبسفركم تلچموني * بالسفر لا تخلوني
الدنيه بيه حايره * موتي وياكم تره
لا تفجعوني
****
موتي وياكم تره يصبح مصابي
بويه مااحمل تعب يكثر خطابي
لا تخلوني بحلم اگضي شبابي
وآنه من كثر البعد يكثر عتابي
وبعتابي تعرفوني * بالسفر لا تفجعوني
بوحدي ابقه بعلتي * يامصيبة غربتي
لا تفجعوني
****
يامصيبة وغربتي زادتلي همي
كون توصل كربله وديلي عمي
كون بويه فل خليته يمي
چان يصبح سلوتي يسكن لي وني
ادري غربه وتبچوني * بالسفر لا تفجعوني
خلي عبدالله الطفل * من اخوتي يصبحلي ضل
لا تفجعوني
****
خلي عبدالله يبويه امُنيتي اناغيه
حتى مابيني وبينه مرضي اسليه
بالچن يهون عليّه من احاچيه
ادري ماخذته المنيه بگلبي خليه
ومن اروحن ترحموني * بالسفر لا تفجعوني
كربله اكبر مصاب * عليّه مكتوب العذاب
لا تفجعوني
****
الى خادم العليله
السيد محمد الموسوي الجابري

عندما سُئل مسلِم بن عقيل كيف قطعت هذه الصحراء؟ أجاب قائلاً : "هذه الرحلة رحلة عشق .. لولا الحُبّ لهلَكْت"
****
القصيدة
مسلم الكوفه ومن طب ليها
مثل عمه المرتضى هد بيها
****
مثل عمه المرتضى مسلم يهد
هيچ مسلم بالحرب يحصد حصد
چنه ليث وبالگطه يكرد كرد
والله نعمين وكفوا راعيها
****
هيچ مسلم من وصل يوم الحرب
نخوته الكرار وفنونه الضرب
والگربله يموت وبگلبه رعب
هيچ مسلم اول وتاليها
****
هيچ مسلم شاهد وشافة زلم
هيچ مسلم غايته فِقه وعلم
هيچ راسم بالحرب لوحة رسم
رغمن اعلى خشومهم راعيها
****
مسلم وعنده الحرب سيف الرسول
اله يشهد حيدره فحل الفحول
هيچ مسلم بالحرايب من يصول
ضلت الكوفه تروط شبيها
****
ضلت الكوفه تروط من النزال
هيچ دارس بالحرب فن القتال
من مدارس حيدر تصوغ الرجال
مسلم اول من درس ماضيها
****
مسلم اول من درس يم حيدره
مسلم آلاف الزلم ماتگدره
مسلم شحده الوصل للگنطره
هذا رايه والزلم يسگيها
****
هذا رايه والزلم موت الحمر
صاح مسلم والزلم صار الها فر
ميّه وخمسين الف كلهم وذر
هيچ مسلم بالحرب يفنيها
****
بقلمي
السيد محمد الموسوي الجابري

حي ابو فاضل وحي اعلومه
شلون بيهم من برز للحومه
****
شلون بيهم من برز عباسها
شلون بيهم راس طگ براسها
حي ابو فاضل وحي فراسها
الله حيك يابدر ونجومه
****
الله حيك يابدر وهلالها
كون مثلك هالزلم وفعالها
هيچ ابو النوماس لو ينگالها
كون مثل الحيد مثل ارسومه
****
كون مثل الحيد ربنه اختارها
هيج عباس الزلم شنيارها
ولاذت العربان بصف اكتارها
وكل طريق احروبها ملزومه
****
طب ابو فاضل ميدان الحرب
هيچ المبختر للحومه يطب
للشمال وللشرچ وللغرب
هيچ ابو فاضل خلص يومه
****
هيچ يومه خلصه بسيفه رعد
هيچ حامل عالعده بعده وعدد
هيچ يتمايل چن طير السعد
هيچ داخت والعده مسمومه
****
هيچ داخت تالتهب نار العده
لمن العباس جر مهنده
طاحت الفرسان ذيچ الشارده
هيچ صولات الشهم مفهومه
****
هيچ صولات الشهم مغوارها
هد ابو فاضل وصلها الدارها
السيف بيده چن علي فقارها
ضلت اشباه الزلم معدومه
****
وينها شباه الزلم كر من جديد
خل تجيه محزمه وبيهم يعيد
قبضته لسيف بحبال الوريد
هاذ سبع الگنطره جيدومه
****
الى خادم العباس عليه السلام
السيد محمد الموسوي الجابري

(قصيدة موشح)

يمه ياجاسم  تغير حالي
آنه مهضومه وانادي الوالي

مادريت بحالي يمه من مشيت
شفتك على اترابها ودوهنيت
آنه من يمك جزيت وسلميت
وانته ماچنك تشوف اخيالي

يمه ضليت التفت عيني وراك
امدوهنه ياجاسم وانطر ضواك
ريت روحي وعمري يايمه فداك
اشلون اعوفك يالولد من تالي

اشلون اعوفك يبني وانته سلوتي
ياشبيبت هاشم وكل ضنوتي
من نخيتك ياشهم عد نخوتي
ردتك الكبري وتصير اگبالي

يبني اگبالي تصير امن انولي
وردتك الحداي انته الناگتي
بعد امك ياعمرهه وشيبتي
رتك بطول العمر تبرالي

ردت تبرالي ييمه الكبرتي
مادريت اتموت وآنه انسبي
انته يوم الكون تفدي الهاشمي
وانته لمت كبرتي حسبالي

آنه حسبتك مگلوب الحساب
وآنه عديتك بطل ويالشباب
يبني عفتك ياشهم على التراب
عفتك بذاك التراب الذاري

عفتك بذيج اليالي حنتك
وآنه اترجاك وانطر زفتك
امنين اجتني الغاضريه وطعنتك
رحت يبني وصوبت دلالي

رحت مني ومن رحت راح الگلب
عجنت يبني حنتك دمعي يصب
مااشوفن يالولد وين الدرب
رحت مني وايست يالغالي

رحت ياغالي وشفتك منذبح
چنت ورده ومن تفتحلي اصبح
من اشوفك يمه ينزف كل جرح
يمَه ياجسام لا تنساني
****
بقلمي

الى خادم القاسم بن الحسن ع
السيد محمد الموسوي الجابري

صبح يوم العاشر بميدانها
ثورة الحق كربله عنوانها
****
صبح يوم العاشر بوجه الصباح
حسين ويه انصاره لمهم للكفاح
وبسهم مسموم وبذيچ الرماح
وصلت حسين اوجزت لخيامها
****
صبح يوم العاشر الدنيه اغبرت
وكل النصار بحزمها اتحزمت
والمشيب ويه الشباب اتفرعت
كلمن اتجهز قبض بتارها
****
صبح يوم العاشر اتوجه حسين
نشر رايات العدل يسره ويمين
صار محور كربله لثائرين
يعني مشروع الجهاد اوطانها
****
صبح يوم العاشر بدم كربله
يعني قرآن وروايه نازله
نزل مشروع الجهاد انسجله
يعني مشروعك يوزن اوزانها
****
صبح يوم العاشر مشرع القتال
الامر بالمعروف وتكتبه الرجال
هيچ صارت كربله سوح النضال
بيها ابو السجاد واقع حالها
****
صبح يوم العاشر يوقع الكتاب
يعني ابو السجاد عيّنها الشباب
والجهاد وثورته شرعله باب
يعني لابد تنتفض اجيالها
****
صبح يوم العاشر يشرع الحكم
يعني يومچ كربله يزيل الظلم
يعني مفروض الجهاد اعلى الزلم
يعني رخصه وكربله منوالها
****
صبح يوم العاشر برخصه الدماء
حسين من مهد طريق الانبياء
كل زمان انجدده عقد الولاء
ونختم صك الولايه بجالها
****
صبح يوم العاشر وبعدَ السبي
يعني خدر يعني بجلال العبي
يعني زينب قائده بأمر النبي
يعني اكمال الرساله جلالها
****
صبح يوم العاشر تصدر امر
بين سبط المصطفى وام الخدر
بين عفة فاطمه وبين الصبر
خويه دستور العقيده افعالها
****
بقلمي
السيد محمد الموسوي الجابري

ابوذيات
****
ابونه علم العالم وجدنه
وربنه اختارنه آيه وجدنه
درب الشام من سرنه وجدنه
شفنه يزيد اوولاد الدعيه
****

زينب بالطفوف احملت طفين
ودمع العين خيمه والنار طفين
بنات حسين برض الشام طفين
وام الخدر وياهن سبيه
**
الى خادم زينب ع
السيد محمد الموسوي الجابري

انا بجدمي لبوالسجاد جديت
وعلى بابه اگعدت طلاب جديت
بين حسين والعباس جديت
المناسك والسعي بالغاضريه
****
على نهجك يبو اليمه سرينه
من البصرة لعد نحرك سرينه
مثل السيل هالوادم سرينه
لابد نوصل الگبتك سويه
****
بقلمي المتواضع
السيد محمد الموسوي الجابري

اعظم الله لكم الاجر والثواب
(قصيدة في ذكرى شهادة النبي ص)

قَابَ قَوْسَيْنِ أَوْ أَدْنَىٰ * عِندَهَا جَنَّةُ الْمَأْوَىٰ
هذا طاها في سَماها
عِندَهَا جَنَّةُ الْمَأْوَىٰ
****
ياولايه الكون بيدك يامُسدّد
بَشر الهادي نِزوله هذا احمد
معجرة قُرآن انتَ ربنه يشهد
من قراها سورة اقُرأ يامُحمد
من سَناها في سَماها
عِندَهَا جَنَّةُ الْمَأْوَىٰ
****
هذا طه مِن وصل رب الجلاله
عِرج بسمه وكُل كيانه اوبكماله
حتى املاك السمه تغبط مكانه
ربنه لمن حَمّله ثقُل الرساله
مَن دناها في سَماها
عِندَهَا جَنَّةُ الْمَأْوَىٰ
****
من دناها ومن وطئ جدمه جِنانه
يعني طه من وصل ارفع مكانه
يامحمد انتَ عنوانه وامانه
ونطوتلك كُل لياليَّ او زمانه
من عَلاها في سَماها
عِندَهَا جَنَّةُ الْمَأْوَىٰ
****
اصار بعدك يارسول الله نخبرك
نكروا احكام الرساله وذاك تعبك
نَصَبَوا بيهه السَقيفه المايرغبك
حيدره اذراعك يرفعه چفه چفك
من تلاها في سَماها
عِندَهَا جَنَّةُ الْمَأْوَىٰ
****
انتَ مابين انتَ حي بين الشهاده
ردت للامه توَصّي بالقياده
ردت تكتب بس علي فخر السياده
گالو عليك انتَ تهجر لا اراده
وصطفاها في سَماها
عِندَهَا جَنَّةُ الْمَأْوَىٰ
****
شلون انتَ من غبت ذيچ المسيه
تدري صار بفاطمه بعد الوصيّه
لا تغمض عينك وانظر اليّه
نادتك يالهادي بويه آنه الزچيّه
خُذ ولاها في سَماها
عِندَهَا جَنَّةُ الْمَأْوَىٰ
****
الى خادم رسول الله (ص)
السيد محمد الموسوي الجابري

اعظم الله لكم الاجر والثواب بمصاب مولاتنا فاطمة الزهراء عليها السلام
****
حيدره منفجع      * آه يكسر الضلع
دمع الفگد مو دمع * اتهل دمه عيونه
****
الله يعينك ياعلي وگلبك وجمره
شلون لو شفة الضلع والباب والعصره
ياحيدر وماينسكت لو شايف الصطره
عين الزچيه ياعلي من صوطهم حمره
گلبك المنصدع   *   آه يكسر الضلع
دم الزچيه دمع  *  اتهل دمه عيونه
****
اتهل دمه عيون الوصي وآلامه تتفجر
صعب الفگد ياحيدره مو هين المنضر
يافاطمه سر النبي والكون والكوثر
سبع السماوات احزنة من ضلعچ تكسر
حيدره منوجع          * آه يكسر الضلع
  بياحاله صار الوضع   * اتهل دمه عيونه
****
من حيدره حس الضلع مكسور يازهره
حيل الوصي منه نحل وبابه چم عثره
و بداره من يوم اعتزل ضل حاير بأمره
والدنيه ماتسوه بعد من ماتت الحره
عافته ويالدمع        * آه يكسر الضلع
گلب الوصي منشلع  * اتهل دمه عيونه
****
اتهل دمه عيون المحب او حيدره مجروح
والمحسن بيوم الوكع الربه صعدة روح
ياسيدي وشما جره صوت الوديعه يروح
الله يعينك ياعلي ليل ونهار اتنوح
گلبك المنصدع * آه يكسر الضلع
حزن الزچيه بشع * اتهل دمه عيونه
****
اتهل مدامع من دمه اوحيدر اولها
شحال الحسين ويالحسن زينب تشاهدها
عگب المصيبه ياعلي بيدك تغسلها
من شاهدة كسر الضلع شلون تحملها
آها ماتنسمع * آه يكسر الضلع
غايه عدها الربع * اتهل دمه عيونه
****
غايه عدهم فاطمه اوحيدر اتفجع 
من بعد فگد النبي الحكم مايرجع
آه يبسمار الحقد وفاطمه المصرع
والحسن چبده نمرد كربلاء افجع
خنصر المنگطع * آه يكسر الضلع
عدهم حقد مجتمع * اتهل دمه عيونه
****
خادم الزهراء عليها السلام
السيد محمد الموسوي الجابري

تم حذف قناة الشاعرة ام ياس الساعد بالخطأ
نروجو من خدام الامام الحسين ع
الاشتراك بالقناة الجديدة لطفا
https://www.tgoop.com/Alsaidyh

ملازم ورد جاهزة لجميع المواد للمعلميين والمدرسين.


https://www.tgoop.com/ahmed_alziwar14

(كروب خاص بالقرأن كذلك يوجد قناة خاصة بتعليم القرأن الكريم)
https://www.tgoop.com/ayaaa2585

شاهد ابداع الشاعر كامل السعيدي


https://www.tgoop.com/kamelAbdullah