ياجواد الائمه * الحكم للباري تسلمه
خلصة ذاك العمر * مثل اجدادك صبر
            الحكم للباري تسلمه

عمرك انته سيدي يخلص متاعب
هذا ديدن قصتك كلها عجائب
مثل آبائك صرة تحمل مصاعب
ياجواد احملت جودك للرغائب
قبرك يفوح عطر * مثل اجدادك صبر
          الحكم للباري تسلمه

      يامحمد ياجواد الائيمه
اليله عطرك من ضريحك نشمه
راية الحق سيدي بيدك ابهمه
دين طه المصطفى بروحك تسلمه
بدين جدك تأتمر * مثل اجدادك صبر
            الحكم للباري تسلمه

دين اجدادك بقه بسمك يعالي
بيك دستور الولايه ولاماني
ارفعة راية محمد للمعالي
ياشبيبة هاشم ودورك مثالي
طاعه عدك والامر * مثل اجدادك صبر
            الحكم للباري تسلمه

طاعه عدك سيدي اوسمك مرادي
عاصمة بغداد انته ياجوادي
جيت يم ابن الرضا بكل اعتقادي
راية الحق تترتفع رغم الاعادي
شيعه بامرك نأتمر * مثل اجدادك صبر
            الحكم للباري تسلمه

احنه بمرك سيدي ناخذ سياده
انته قائد ونعم نعم القياده
اسمك الجود اوجوادك ولمراده
شيعي سني بگلبه مرسومه السعاده
يوگف اباب القصر * مثل اجدادك صبر
            الحكم للباري تسلمه

چي صفاتك حيدرية اجوا عادوك
چي امام الجعفريه  مايفهموك
مثل جدك موسى بن جعفر يسموك
چنهم ولاچنك انته مايعرفوك
بالقيامة ابلا عذر * مثل اجدادك صبر
            الحكم للباري تسلمه
**
الى خادم الامام محمد الجواد ع
السيد محمد الموسوي الجابري

بويه وياكم خذوني   *  بالسفر لا تفجعوني
خذوني ويه العايله    *  من تسير القافله
                   لا تفجعوني
****
بويه يحسن بسفركم لا تفجعوني
هم مريضه وهم عليله هنا تخلوني
بويه مااحمل الفرگه شالت اضعوني
خادمه يحسين اروحن فدوه يعيوني
العليله يسموني * بالسفر لا تفجعوني
من السفر بعده غياب * بويه يشتد العتاب
                       لا تفجعوني
****
من السفر بعد المصيبه صح چبيره
لا تخليني يبويه هاي حيره
وبتهل الله بدعائي صبري اجيره
كون ابوي حسين ياخذني بمسيره
من المرض ينخطف لوني * بالسفر لا تخلوني
خذني بويه الكربله * امشي ويه القافله
                  لا تفجعوني
****
خذني بويه الكربله ويه خواتي
آنه بنتك فاطمه وتعرف صفاتي
بويه تدريني عليله بنايباتي
فاگده ومحرومه من كل امنياتي
وبسفركم تلچموني * بالسفر لا تخلوني
الدنيه بيه حايره * موتي وياكم تره
                  لا تفجعوني
****
موتي وياكم تره يصبح مصابي
بويه مااحمل تعب يكثر خطابي
لا تخلوني بحلم اگضي شبابي
وآنه من كثر البعد يكثر عتابي
وبعتابي تعرفوني * بالسفر لا تفجعوني
بوحدي ابقه بعلتي * يامصيبة غربتي
                     لا تفجعوني
****
يامصيبة وغربتي زادتلي همي
كون توصل كربله وديلي عمي
كون بويه هالطفل خليته يمي
چان يصبح سلوتي يسكن لي وني
ادري غربه وتبچوني * بالسفر لا تفجعوني
خلي عبدالله الطفل * من اخوتي يصبحلي ضل
                   لا تفجعوني
****
خلي عبدالله يبويه امُنيتي اناغيه
حتى مابيني وبينه مرضي اسليه
بالچن يهون عليّه من احاچيه
ادري ماخذته المنيه بگلبي خليه
ومن اروحن ترحموني * بالسفر لا تفجعوني
كربله اكبر مصاب * عليّه مكتوب العذاب
                لا تفجعوني
****
الى خادم العليله
السيد محمد الموسوي الجابري

عندما سُئل مسلِم بن عقيل كيف قطعت هذه الصحراء؟ أجاب قائلاً : "هذه الرحلة رحلة عشق .. لولا الحُبّ لهلَكْت"
****
القصيدة
مسلم الكوفه ومن طب ليها
مثل عمه المرتضى هد بيها
****
مثل عمه المرتضى مسلم يهد
هيچ مسلم بالحرب يحصد حصد
چنه ليث وبالگطه يكرد كرد
والله نعمين وكفوا راعيها
****
هيچ مسلم من وصل يوم الحرب
نخوته الكرار وفنونه الضرب
والگربله يموت وبگلبه رعب
هيچ مسلم اول وتاليها
****
هيچ مسلم شاهد وشافة زلم
هيچ مسلم غايته فِقه وعلم
هيچ راسم بالحرب لوحة رسم
رغمن اعلى خشومهم راعيها
****
مسلم وعنده الحرب سيف الرسول
اله يشهد حيدره فحل الفحول
هيچ مسلم بالحرايب من يصول
ضلت الكوفه تروط شبيها
****
ضلت الكوفه تروط من النزال
هيچ دارس بالحرب فن القتال
من مدارس حيدر تصوغ الرجال
مسلم اول من درس ماضيها
****
مسلم اول من درس يم حيدره
مسلم آلاف الزلم ماتگدره
مسلم بفن الحرب خط دائره
الموت رايه والزلم يسگيها
****
هذا رايه والزلم موت الحمر
صاح مسلم والزلم صار الها فر
ميّه وخمسين الف كلهم وذر
هيچ مسلم بالحرب يفنيها
****
بقلمي
السيد محمد الموسوي الجابري

حي ابو فاضل وحي اعلومه
شلون بيهم من برز للحومه
****
شلون بيهم من برز عباسها
شلون بيهم راس طگ براسها
حي ابو فاضل وحي فراسها
الله حيك يابدر ونجومه
****
الله حيك يابدر وهلالها
كون مثلك هالزلم وفعالها
هيچ ابو النوماس لو ينگالها
كون مثل الحيد مثل ارسومه
****
كون مثل الحيد ربنه اختارها
هيج عباس الزلم شنيارها
ولاذت العربان بين اكتارها
وكل طريق احروبها ملزومه
****
طب ابو فاضل ميدان الحرب
هيچ المبختر للحومه يطب
للشمال وللشرچ وللغرب
هيچ ابو فاضل خلص يومه
****
هيچ يومه خلصه بسيفه رعد
هيچ حامل عالعده بعده وعدد
هيچ يتمايل چن طير السعد
هيچ داخت والعده مسمومه
****
هيچ داخت تالتهب نار العده
لمن العباس جر مهنده
طاحت الفرسان ذيچ الشارده
هيچ صولات الشهم مفهومه
****
هيچ صولات الشهم مغوارها
هد ابو فاضل وصلها الدارها
السيف بيده چن علي فقارها
ضلت اشباه الزلم معدومه
****
وينها شباه الزلم كر من جديد
خل تجيه محزمه وبيهم يعيد
قبضته لسيف بحبال الوريد
هاذ سبع الگنطره جيدومه
****
الى خادم العباس عليه السلام
السيد محمد الموسوي الجابري

علي الاكبر من ميادين الحرب
نزل بالحومه مثل حيدر يطب
****
مثل حيدر من يطب للحومه
يحصد الفرسان بيّنه اعلومه
شمرة الكرار شبه ارسومه
مثل سجيل الغضب لمن يصب
****
مثل سجيل ونزل بالمعركه
ضنت الفرسان حيدر هل اته
مثل جده المرتضى وچن صولته
گلب ميدان الحرب فوگ الگلب
****
نزل ميدان الحرب ضنوا علي
گال جدي حيدره اوما انثني
هاي صولاتي انا شبه الوصي
حاصد الفرسان ومگطع الدرب
****
حاصد الفرسان گطع ادروبها
ضنوا الكرار طب لحروبها
چن علي بميدانه قالع بوبها
حتى ابن غانم دخل گلبه رعب
****
راس ابن غانم جابه للخيم
يم ابوه حسين ويرف بالعلم
بويه اريد الماي چن حيلي انهدم
من شحيح الماي جن چبدي انعطب
****
من شحيح الماي چبدي او چبدتك
روح للخيمات شاهد  عمتك
امك ابيا حال سرها ابرؤيتك
من يد جده المصطفى لمن شرب
****
الى خادم علي الاكبر ع
السيد محمد الموسوي الجابري

مارئتُ الا جميلا * وآ حسيناً وآ قتيلا
مارئتُ
****
زينب بهذا الحوار اترد على يزيد
تگله كد كيدك يشيطان العبيد
آنه بت حيدر علي تعرف اكيد
والحسين وكربله وگطع الوريد
مارئيتُ الا رسولا * وآ حسيناً وآ قتيلا
مارئتُ
****
افتخر آنه الي شفته ابكربله
گطع راس حسين ونصاره اوهله
وحرگ ذيچ اخيامنه و يامسأله
هناك چفين او سهم من حرمله
مارئتُ الا قليلا * وآ حسيناً وآ قتيلا
مارئتُ
****
ماشفت مثل الجميل الي انا شفته
يعني قربان الحسين آنا قرءته
رحت يمه والجسد قربه رفعته
وآنا زينب وگعدت يمه وندبته
مارئتُ الا عليلا * وآ حسيناً وآ قتيلا
مارئتُ
****
شفتك بوادي الطفوف شلون شفتك
شفتك مگطع وذر بس ماعرفتك
خويه زينب هالئجت خويه آنه اختك
او ادري بيهه نيتك الله رفعتك
مارئيتُ الا اصيلا * وآحسيناً وآ قتيلا
مارئتُ
****
مارئيت او ماشفت مثلك يالحسين
شيبك مخضب دمه عينك على الدين
وعلى شاطي العلگمي مگطوعه چفين
كيد كيدك يايزيد احنه نساوين
مارئيتُ الا سبيلا * وآحسيناً وآ قتيلا
مارئيتُ
****
احنه بس نسوان ونذلك تره احنه
آنه زينب والحرم للما عرفنه
آنه جدي المصطفى اوفاطمه امنه
وحنه جبرائيل بمر الله خدمنه
مارئيتُ الا وسيلا * وآحسيناً وآ قتيلا
مارئيتُ
****
الى خادم سيد الشهداء ع
السيد محمد الموسوي الجابري

ترويج( تيك توك)  حقيقي عراقي

1- مشاهدات
2- لايكات للمقطع
3- تسجيل اعجاب بالصفحة
4- رسائل
5- متابعين
للتواصل واتساب 07732320742
تلجرام
@ahmed_alziwar0

دعم مؤسسة منبريون الحسينية
#افضل قناة للنعي
https://www.tgoop.com/+P0VV4bLqtzuKdcQS
#للاشتراك بالدعم @ahmed_alziwar0