مُسلمك وين * بويه يحسين
              تسئل حميده
       
بويه اسئلك عالولي ماجتك اخبار
مسلمك وين ارتحل شو مخفي لنظار
گلي لا تخفي عليّ بالكوفه وصار
مسلم من فوگ القصر ذبوه الشرار
انصرت الدين * بويه يحسين
              تسئل حميده
       
تسئل تريد الخبر بنتك حميده
بويه تدري تألمت مسلم اريده
گلبي يحسين بعلم گطعوا وريده
الكوفه معروفه بغدر عندك اكيده
هملت العين * بويه يحسين
             تسئل حميده
       
هملت اعيوني تره اوطال الفراگ
دمعي عالخد من جره والمسلم اشتاگ
عمري من بعد الابو واحلامي تنباگ
بويه آنه  حسبت ومسبگه اسباگ
حتم البين * بويه يحسين
           تسئل حميده
       
حتمن وبيه الالم يابويه شفته
صعبه محتاره انتضر بالكوفه عفته
نوري يابويه طفه من بعدك انته
روحي الجيتك تنتظر وسمك ندبته
صايره ثنين * بويه يحسين
            تسئل حميده
       
تدري يابويه رحت ودوني للشام
وآنه وحدي بكربله حرگوها لخيام
للخرابه من وصلت او ليلي مانام
مسلم آنه من ندبت باگوها لحلام
سئلوا منين * بويه يحسين
            تسئل حميده
       
عيني تربي الجيتك سهرة ليالي
هايمه روحي تره حگي يغالي
وبخرابه يلابو تالي متالي
اخلافك آنه فاگده عزي ودلالي
رايح الزين * بويه يحسين
              تسئل حميده
        **
الى خادم مسلم بن عقيل ع
السيد محمد الموسوي الجابري

عيد الغدير الأغر


تاريخ يوم الغدير

18 ذو الحجّة 10ﻫ.


غدير خُمّ

هو وادٍ بين مكّة والمدينة، قريب من الجُحفة، وهو مفترق طرق للمدنيين والمصريين والعراقيين.


نزول آية البلاغ

بعد أن أكمل رسول الله(صلى الله عليه وآله) آخر حجّة حجّها ـ حجّة الوداع ـ رجع إلى المدينة المنوّرة، فلمّا وصل إلى وادي غدير خُمّ، هبط عليه الأمين جبرائيل(عليه السلام)، حاملاً له آية البلاغ: )يَا أَيُّهَا الرّسُولُ بَلِّغْ مَا أُنْزِلَ إِلَيكَ مِنْ رَبِّكَ وَإِنْ لَم تَفْعَل فَمَا بَلّغْتَ رِسَالَتَهُ وَاللهُ يَعصِمُكَ مِنَ النّاسِ((1).
فهي تنذر النبي(صلى الله عليه وآله) بأنّه إن لم ينفِّذ إرادة الله تعالى ذهبت أتعابه وضاعت جهوده، وتبدّد ما لاقاه من العناء في سبيل هذا الدين.
فانبرى(صلى الله عليه وآله) بعزمٍ ثابت وإرادة صلبة إلى تنفيذ إرادة الله تعالى، فوضع أعباء المسير وحطّ رحاله في رمضاء الهجير، وأمر القوافل أن تفعل مثل ذلك.
وكان الوقت قاسياً في حرارته، حتّى كان الرجل يضع طرف ردائه تحت قدميه ليتّقي به من الحرّ(2).

المصادر

1. المائدة: 67.
2. اُنظر: حياة الإمام الحسين

يروى عن رسول الله صلى الله عليه واله
من نازع عليا في الخلافة بعدي فهو كافر وقد حارب الله ورسوله، ومن شك في علي فهو كافر

مناقب آل أبي طالب ١: ٥٥١.

صُلِب ميثم التمّار رضوان الله عليه يوم الأحد في العشرين من ذي الحجّة سنة ستّين من الهجرة، وقُتل يوم الثلاثاء في الثاني والعشرين من ذي الحجّة.
كان مِيثَم التمّار عبداً لامرأة مِن بني أسد، فاشتراه أمير المؤمنين (عليه السّلام )منها فأعتقه، فقال: ما اسمُك ؟! قال: سالم،
فقال (عليه السّلام): أخبَرَني رسول الله (صلّى الله عليه وآله( أنّ اسمك الذي سمّاك به أبوك في العجم « ميثم ». قال: صدَقَ اللهُ ورسوله وصدق أمير المؤمنين، واللهِ إنّه لاَسمي
قال: فارجِعْ إلى اسمك الذي سمّاك به رسول الله صلّى الله عليه وآله ( أي ذَكَرك به ) ودَعْ سالماً.
فرجع إلى اسم « ميثم » واكتنى بأبي سالم.


المصدر

الارشاد للشيخ المفيد ص 153

العلاقات الدينية ممثلية البصرة

قال الإمام الحسن(ع): إنّ الشّاة أعقل من أكثر النّاس، تنزجر بصياح الرّاعي عن هواها، والانسان لا ينزجر بأوامر الله وكتبه ورسله.

المصدر : جلاء القلوب

العلاقات الدينية /ممثلية البصرة

منبر حق تعرف منبرنه * من الاجداد اتعلمنه
منبر دستور * يذكر عاشور
من الاجداد اتعلمنه
****
منبرنه الحق بيه ونشهد * تعلمنه من الآباء وجد
سالم يبقه شمايجدد * يهدي الكافر وليتعند
منبر واعي * كلش راقي
من الاجداد اتعلمنه
****
نعرف هالمنبر ماضيه * بيه احكام وبيه تربيه
بيه قرآن وبيه تعزيه * بيه عاشور وبيه لطميه
منبر ايمان * منبر احسان
من الاجداد اتعلمنه
****
ايمان اواحسان المنبر * مانتكلم الا بمصدر
ماعدنه البالمنبر تاجر * مدرسة العالم بيه نفخر
سيرة جدنه * من جاهدنه
من الاجداد اتعلمنه
****
سيرة اجداد وماضينه * بهاي التربيه اتربينه
احذر يامن تحچي علينه * رايتنه راية مهدينه
راية حيدر * صارت مصدر
من الاجداد اتعلمنه
****
والسالم منبرنه انسالم * مهما كان ومهما حاكم
منبر حوزه ومنبر عالم * وبصوته نرفض كل ظالم
جامع مانع * للحق خاضع
من الاجداد اتعلمنه
****
عالمنبر تربيه انشاهد * ونقدس منبرنه انعاهد
عالمنبر لا لا منزايد * نقسم بالمعبود الواحد
ناخذ سيره * من تعبيره
من الاجداد اتعلمنه
****
ناخذ سيره ونهج وعدله * منبرنه الآيات اترتله
من الماضي الحاضر يعله * چم خادم منبرنه يسجله
يسجل خادم * حجه اوالعالم
من الاجداد اتعلمنه
****
الى خادم المنبر
السيد محمدالموسوي الجابري

حسين من ارض المدينه * گصد مكه الله يعينه
اخذ وياه الحرم * للسبي وقصة خيم
گصد مكه الله يعينه
****
حسين من سار وطن جده يعوفه
وصل مكه وللسفر تحكم ضروفه
گال ياجدي انه وگبره يطوفه
لازم اوصل كربله ويخط حروفه
على السفر جدي نوينه * گصد مكه الله يعينه
انا گاصد كربله * خلي تسمعني المله
گصد مكه الله يعينه
****
گصد مكه وللحرب لمن نواها
كل بنينه واخوته بيده رواها
گالهم لازم نطبهه بمحتواها
هاي ذيچ وكربله ماكو سواها
كربله والطف بدينه * گصد مكه الله يعينه
كلها يمه عيلته * وكل اخوته وشيعته
گصد مكه الله يعينه
****
حسين من سار بأخوته وحرم عنده
شلون من خله العليله بوطن جده
العمر يبنيتي العليله وصل حده
لازم انسافر يبويه بروح وحده
وآخذ وياي الظعينه * گصد مكه الله يعينه
وانتِ من دون اخوتچ * بالمدينه بغربتچ
گصد مكه الله يعينه
****
حالت ابنيته العليله تصدع اجبال
لان خلاها بمرضها وحالها حال
تبچي وتحشم اهلها من الظعن شال
هم مرض هم عله بيها مدوهنه البال
بويه لَكبَر خل يجينه * گصد مكه الله يعينه
لو يجي عمي الشهم * ثلث تنعام ونعم
گصد مكه الله يعينه
****
بويه من تروح للطف بويه يحسين
عاد مكتوبك يجيني وتنسر العين
حتى اعرف سالم انتَ لو اجه البين
لو خذك من بين اديه ايزيد الونين
خل كتابك يمر بينه * گصد مكه الله يعينه
بويه شو تاه الفكر * مابقه عندي صبر
گصد مكه الله يعينه
****
آنه اتانيكم يبويه وانشد الجاي
ماخبر منكم يجيني الغربتي هاي
وينكم يهل الحميه بصوتي وبچاي
ماوصلكم ياوسافه ورايكم راي
ماوصل ليكم بچينه * گصد مكه الله يعينه
ابچي بليل ونهار * وانتظر منكم اخبار
گصد مكه الله يعينه
****
الى خادم الحسين ع
السيد محمد الموسوي الجابري

لماذا يبدأ العزاء من أول محرم؟

روي أنه قيل للإمام الصادق (عليه السلام): سيدي جعلت فداك ، إن الميت يجلسون له بالنياحة بعد موته أو قتله ، وأراكم تجلسون أنتم وشيعتكم من أول الشهر بالمأتم والعزاء على الحسين (عليه السلام) فقال (عليه السلام):

يا هذا إذا هل هلال محرم نشرت الملائكة ثوب الحسين (عليه السلام) وهو مخرق من ضرب السيوف ، وملطخ بالدماء فنراه نحن وشيعتنا بالبصيرة لا بالبصر ، فتنفجر دموعنا.

ثمرات الأعواد_36ـ37📚صبحكم الله بالخير
(العلاقات الدينية ممثلية البصرة )

روي عن علي بن أبي طالب (عليه السلام) قال
جودوا في الله وجاهدوا أنفسكم على طاعته

المصدر
غرر الحكم

(العلاقات الدينية ممثلية البصرة)

ثورة حسين الكتب ترويها
ثورة الحاضر مثل ماضيها
****
ثورة الحاضر مثل طف الحسين
ثورة الماضي ثبات الثائرين
ثورة الطف مدرسه للسائرين
شيعه والسنه الكتب تحچيها
****
شيعه والسنه الكتب تروي المضه
ثوره للحق كل مخالف ترفضه
ولي مظلوم الحسين يناهضه
هيج ثوره والعدل بانيها
****
هيچ ثوره بالسجل ماسجلة
بس ثورتك ياحسين اتمنهجة
خالد انتَ والطفوف اتوجة
بقه دستور الكرامه اعليها
****
ثورة الحق بيها منهجة الصلاه
سال دمك عالارض في كربلاه
تمم الاسلام دمك بالفلاه
ونرفع اذان للحق بيها
****
بيها اذان انرفع من كربله
والسجود بتربتك يامنهله
گمنه صوتك ياحسين نهلله
مثل متريد الارض تحميها
****
مثل متريد الارض بيها العدل
للجهاد امحزمين وما نمل
تضحيه نمشي بطريقك مانزل
نحمي حدنه والارض نزگيها
****
نحمي حدنه وثورتك تبقه شعار
ياحسين بكربله تصبح مزار
رمز للثوار من يطلبله ثار
نور انتَ ودمك مضويها
****
خادم اهل البيت ع
السيد محمد الموسوي الجابري

آه من ظلم العده و جور العباد
حسين للمظلوم حيَّ على الجهاد
        
حسين للمظلوم اعلن ثورته
بيوم عاشر ثوره صارت نخوته
راد ينصحها الامم ماسمعته
والقضيه  تورثوها بالعناد
        
بالعناد تورثوا جيل ويجيل
حسين من كتبوله يانسل الخليل
نريد منك من تجي بعيلك تشيل
الك يبن المصطفى كل الوداد
        
بكل وداد وصلت آلاف الكتب
من قراهه حسين والمدمع يصب
بعث مرسوله بسلم دارت حرب
راد ابن طه النبي يحيي البلاد
        
راد يحميها البلاد ويالمله
صوت كُل طاغي بغي مايحمله
من النحر صوته بزغ في كربله
ربي يشهد بالسمه سبع الشداد
        
ربي يشهد من وصلت بهالعيال
ونساء تتصارخ وعندي اطفال
ما ابايع يالكفر هذا مُحال
ونصر يتحقق من الله السداد
        
مسدده ثورة فكر بيها الصحاب
خطبوا بطف كربله اجمل خطاب
بالدماء تخضبوا احسن خضاب
ولحسين على الصحابه اعلن حداد
        
حسين من اعلن حداده بالطفوف
من ذكرهم گوموا جردوها السيوف
يصد شاطي العلگمي شاف الچفوف
الغوث ياعباس ياصوت المجاد
        
الى خادم اهل البيت ع
السيد محمد الموسوي الجابري

بويه وياكم اخذوني   *  بالسفر لا تفجعوني
خذوني ويه العايله    *  من تسير القافله
                   لا تفجعوني
****
بويه يحسن بسفركم لا تفجعوني
هم مريضه وهم عليله هنا تخلوني
بويه مااحمل الفرگه شالت اضعوني
خادمه يحسين اروحن فدوه يعيوني
من السفر بعده غياب * بويه يشتد العتاب
                       لا تفجعوني
****
من السفر بعد المصيبه صح چبيره
لا تخليني يبويه هاي حيره
وبتهل لالله بدعائي صبري اجيره
كون ابوي حسين ياخذني بمسيره
خذني بويه الكربله * امشي ويه القافله
                  لا تفجعوني
****
خذني بويه الكربله ويه خواتي
آنه بنتك فاطمه وتعرف صفاتي
بويه تدريني عليله بنايباتي
فاگده ومحرومه من كل امنياتي
الدنيه بيه حايره * موتي وياكم تره
                  لا تفجعوني
****
موتي وياكم تره يصبح مصابي
بويه مااحمل تعب يكثر عتابي
لا تخلوني بحلم اگضي حياتي
وآنه من كثر البعد يگرب مماتي
بوحدي ابقه بعلتي * يامصيبة غربتي
                     لا تفجعوني
****
يامصيبة وغربتي زادتلي همي
كون توصل كربله وديلي عمي
لو يبويه هالطفل خليته يمي
چان يصبح سلوتي يسكنلي وني
خلي عبدالله الطفل * من اخوتي يصبحلي ضل
                   لا تفجعوني
****
خلي عبدالله يبويه امُنيتي اناغيه
حتى مابيني وبينه مرضي اسليه
بالچن يهون عليّه من احاچيه
ادري ماخذته المنيه بگلبي خليه
كربله اكبر مصاب * عليّه مكتوب العذاب
                لا تفجعوني
****
الى خادم العليله
السيد محمد الموسوي الجابري

يمسلم * انا طوعه تحيرت
يمسلم * والعذر منك ردت
              يمسلم

ارتجي منك عذر جي ماعرفتك
انتَ مسلم بالشفاعه  مثل عمك
انا متأكده الشجاعه هاي منك
ولدليل الكوفه حارت حتى بسمك
يمسلم * انا ارجوا المعذره
يمسلم * العذر دنيه وآخره
                يمسلم

العذر دنيه وآخره منك اريده
آنه بالكوفه انتظر بنتك حميده
شرد اسولف عالشجاعه بالقصيده
شفت مسلم يرتجز ويذل عبيده
يمسلم * آنه وي بنتك عهد
يمسلم * بالامان وبالسند
                يمسلم

شفت بنتك من اجت ويه السبايه
لذت بكتار الحرم ظلي العبايه
انه يمها تمثلت ورفعت رايه
شاهدة كل المصايب والروايه
يمسلم * حرت شحچي للحرم
يمسلم * شلون ذليت الخدم
                    يمسلم

شلون ذليت الخدم وذل عبيدك
مثل عمك بالحرب ورايه بيدك
راطت الكوفه تره وصوت رعيدك
وآنه شاهد حالتك ينبض وريدك
يمسلم * اليوم بيك آنه افتخر
يمسلم * من شفت راية نصر
                    يمسلم

بيوم شفت انا النصر بالكوفه شفته
گال عمي المرتضى لمن عرفته
شاهد عليّه النبي مالحضه عفته
مسلم وحيده بقه شفته بغربته
يمسلم * اناسجلت الخبر
يمسلم * وستعدن للسفر
                 يمسلم

من شفت كل الحرم يمي سويه
كون عذري ينقبل يالهاشميه
انا طوعه وشاهدة مسلم رميه
كال ذكريني بعلي حامي الحميه
يمسلم * مثل عمك بالحرب
يمسلم * گالب الدنيه گلب
                  يمسلم

الى خادم مسلم بن عقيل
السيد محمد الموسوي الجابري

نزلوا اليوث العرين بكربله
معاهدين حسين بن عقد الوله
****
نزلوا اليوث العرين برض الطفوف
نصبوا اخيام الحرب جردو سيوف
صاحوا بصوت المراجل ياحتوف
مانبالي الموت هاي المرجله
****
نزلوا اليوث العرين اصبح قتال
شابچوا بيض وسمر ذول الرجال
بالطفوف بكربله عدهم نضال
والعميد حسين صاحلهم هله
****
نزلوا اليوث العرين اتعاهدوا
كل رجال الغاظريه اتحالفوا
نطوا لحسين العهد وتكاتفوا
اجر الكم وحضيتوا بمنزله
****
نزلوا اليوث العرين انطو دماء
على ثورة كربله تشهد سماء
شلون فتيه بكربله وگفوا فداء
ياحسين الي تريده نبذله
****
نزلوا اليوث العرين صك الحرب
قسموا بدم الحسين اول نطب
تيهت مشرادها وين الدرب
زمرة انجاس الي وگفت بالخله
****
نزلوا اليوث العرين وخيموا
اجوا يم حسين بآداب وحچوا
يبن حيدر للقتال اتراصفوا
نريد للتاريخ احنه نسجله
****
نزلوا اليوث العرين كتبوا عهد
يوم عاشر هيؤا عده وعدد
وقعوا مكتوبهم ختموا سند
والممات بكربله يومه حله
****
الى خادم انصار الإمام الحسين ع
السيد محمد الموسوي الجابري

لوح وخط بقلم        *        ابو فاضل رسم
                         بالغاظريه
****
افضل رسم بكربله من خطه عباس
چم لوحه خط بيها نصر فنان الحساس
فرشاته احسن للرسم وبفنه ينقاس
والمعركه تشهد اله صاحب النوماس
وبميدنه ابتسم        *        ابو فاضل رسم
                         بالغاظريه
****
عباس اله فنون الحرب بالخط الول
اهناه رسم شط علگمي وهنا تجول
چن كربله لوحة رسم بالفن تحول
ومن رسم سيف وطاس اله هذا المخيل
نحت افضل علم       *        ابو فاضل رسم
                         بالغاظريه
****
افضل علم يم النهر لوحاته تشهد
فرشاته ولوان الحبر بالطف تمجد
راسم على سوح الحرب بالفن تخلد
والماضي والحاضر اله فنه تجدد
تشهد اله الخيم      *        ابو فاضل رسم
                         بالغاظريه
****
يم المخيم من رسم دور المجاهد
چفينه جايبله نهر من الحومه عايد
هاي الفنون البالحرب وبالرمز رائد
يالبلوصف ماتنوصف حكمه ياقائد
ناتج اكبر قيم        *        ابو فاضل رسم
                         بالغاظريه
****
يانتاج بكربله اوبانت حروفه
خط القلم يابالفاضل لمن نشوفه
ياقيمنه وكربله ترسم جروفه
هذا منهج من علي  يالمانعوفه
رسم جربه وسهم      *        ابو فاضل رسم
                         بالغاظريه
****
خادم العباس ع
السيد محمد الموسوي الجابري

(لسان حال مولاتنا ام البنين ع)

كُل بنيني اربعه * والگمر عالمشرعه
            فدوه لحسين
****
آنه ضحيت ابنيني وكل عمرهم
حتى وفّي للرضيه فاطمه امهم
اعني اولاد الزچيه عمري الهم
اربع اولادي هديه بلا ثمنهم
ما اگولن فاجعه  * والگمر عالمشرعه
               فدوه لحسين
****
اعتذر يحسين يبني ماحظرتك
شلون عذري للزچية فاطمه امك
قصرو اولادي يمه ولاني يمك
ياشهيد الغاظريه فيض دمك
رايه الهم رافعه * والگمر  عالمشرعه
                فدوه لحسين
****
اعتذر منچ يزينب چي سبيه
انتي رحتي وي يتامه الغاظريه
وآنه ماضحيت يابنت الزچيه
ولا خذوني ميسره يالهاشميه
وبمسيرچ جامعه * والگمر  عالمشرعه
                 فدوه لحسين
****
افدي لحسين بنيني وفدي الروح
موجرح بحشاي تدري اربع اجروح
لاچن الخامس عجيبه المابطل نوح
حسين انفاسي ويروحي وسفه ويروح
بگلبي جمره ولاسعه * والگمر  عالمشرعه
                 فدوه لحسين
****
بگلبي جمره لاسعه من يوم غبتوا
والزمن يحچيلي عنكم من برزتوا
حملت حسين واخوته من حملتوا
كربله تخبرني عنكم ما تركتوا
حسين قصه لامعه * والگمر  عالمشرعه
                 فدوه لحسين
****
ياگمر هاشم ييمه شحاله حالك
ترضه زينب يأسروها وكل خواتك
جودك الما عفته مره بكل صفاتك
فاطمه تفديها يمه كل حياتك
بكل حياته الهم سعه * والگمر  عالمشرعه
                 فدوه لحسين
****
الى خادم ام البنين ع
السيد محمد الموسوي الجابري

(قصيدة موشح)

يمه ياجاسم  تغير حالي
آنه مهضومه وانادي الوالي

مادريت بحالي يمه من مشيت
شفتك على اترابها ودوهنيت
آنه من يمك جزيت وسلميت
وانته ماچنك تشوف اخيالي

يمه ضليت التفت عيني وراك
امدوهنه ياجاسم وانطر ضواك
ريت روحي وعمري يايمه فداك
اشلون اعوفك يالولد من تالي

اشلون اعوفك يبني وانته سلوتي
ياشبيبت هاشم وكل ضنوتي
من نخيتك ياشهم عد نخوتي
ردتك الكبري وتصير اگبالي

يبني اگبالي تصير امن انولي
وردتك الحداي انته الناگتي
بعد امك ياعمرهه وشيبتي
رتك بطول العمر تبرالي

ردت تبرالي ييمه الكبرتي
مادريت اتموت وآنه انسبي
انته يوم الكون تفدي الهاشمي
وانته لمت كبرتي حسبالي

آنه حسبتك مگلوب الحساب
وآنه عديتك بطل ويالشباب
يبني عفتك ياشهم على التراب
عفتك بذاك التراب الذاري

عفتك بذيج اليالي حنتك
وآنه اترجاك وانطر زفتك
امنين اجتني الغاضريه وطعنتك
رحت يبني وصوبت دلالي

رحت مني ومن رحت راح الگلب
عجنت يبني حنتك دمعي يصب
مااشوفن يالولد وين الدرب
رحت مني وايست يالغالي

رحت ياغالي وشفتك منذبح
چنت ورده ومن تفتحلي اصبح
من اشوفك يمه ينزف كل جرح
يمَه ياجسام لا تنساني

الى خادم القاسم بن الحسن ع
السيد محمد الموسوي الجابري