السلام عليكم احبتي جميعاً قناتي القديمه تم حذفها من تليجرام وهذه القناة الجديدة ولكم الاجر والثواب خدمة سيد الشهداء عليه السلام جميعاً

دمع عيني على خدي يريته
ابوي وحاضر مصابي يريته
اخذت الباب من عدهم يريته
وبيني وبينهم باب المنيه
****
السيد محمد الموسوي الجابري

اثر صوط الضربني ورماني
صدگ بسمار ضلعي ورماني
چنت يمك يبويه ورماني
ومن بعدك ضربني ابن الدعيه
*
السيد محمد الموسوي الجابري

مولوده الكرامه * لبوة الامامه
بزينب نفتخر
****
بزينب نفتخر يازين ابوها
مولوده الكرامه بشروها
حيدر والزچيه قبلوها
تربيت الامامه رىتبوها
بشرى وعلامه * لبوة الامامه
بزينب نفتخر
****
بشرى وعلامه تصح هديه
مولوده الرساله الهاشميه
نبارك حيدره وامها الزچيه
ياشيعة علي يالجعفريه
هنوها بسلامه * لبوة الامامه
بزينب نفتخر
****
هنوها بسلامه وذخر الاطياب
زينب بنت ابوها وداحي الباب
مولوده الرساله وصوت النجاب
فرحة هالمسيه كل الحباب
فرحه مستدامه * لبوة الامامه
بزينب نفتخر
****
يامحله الفرح بيت النبوه
نجمات السمه عالارض تهوه
مولودچ سعاده اليوم ضوه
شيعه ونفتخر بسمچ يحوه
والكون ونضامه * لبوة الامامه
بزينب نفتخر
****
بزينب نفتخر ياسر نبينه
يالبوة محمد من تجينه
يهلال الولاده ايهل علينه
مبروك العلي ومبايعينه
بفراح وهيامه * لبوة الامامه
بزينب نفتخر
****
الى خادم زينب ع
السيد محمد الموسوي الجابري

يارسول الله بصلافه * نكروا الحق والخلافه
رادوا المنهج يمر * على الظلال ونستمر
نكروا الحق والخلافه
****
نكروا الحق والخلافه الحيدريه
ونصبوا ذيچ السقيفه الداعشيه
علينه يتأمر يريد ابن الدعيه
والدليل بيوم عصروها الزچيه
باب الله باب فاطم * والنكرها صبح ظالم
بابها تسعر جمر * على الظلال ونستمر
نكروا الحق والخلافه
****
من بعد عين النبي وذيچ الوصيه
والسقيفه خرجت بس الاذيه
اگبال عين المرتضى وهجموا سويه
وحيدره مچتف بقه حامي الحميه
مچتف بحبل الوصيه * عينه تبقه على الزچيه
رادوا سنين العمر * على الظلال ونستمر
نكروا الحق والخلافه
****
نكروا الحق والخلافه لبوالحسينين
ربنه جاعلها الولايه وثابت الدين
احنه مانعرف اصلكم انتو من وين
نسأل التاريخ عنكم حمل وجهين
من بعد ذيچ الرساله * حكم حيدر بيه دلاله
نهج قرآن وفكر * على الظلال ونستمر
نكروا الحق والخلافه
****
نهج قرآن وفكر واعظم مصيبه
شلون ماتت فاطمه والله عجيبه
محله لموادع صفه خل وحبيبه
من غمضت عين النبي وبنتَ قريبه
گال يافاطم اليّه * موتتي وموتچ سويه
بعد ايام التمر * على الظلال ونستمر
نكروا الحق والخلافه
****
بعد ايام التمر وحشه الدنيّه
لان ماتت فاطمه بأعظم رزيه
بين باب وحايط وبين المنيه
ولاخجلتو من الله ولا من نبيّه
بلوه لو گلنا عصابه * بعض من ذول الصحابه
والوضع مايستقر * على الظلال ونستمر
نكروا الحق والخلافه
****
على الظلال ونستمر رادوها هيچي
وفاطمه نادت علي گربت منيتي
گال بنت المصطفى تمثلي بيتي
مارحمني الگوم من عرفوا هويتي
والهويته حيدريه * يعيش بالام الدنيّه
عمرچ ايام البدر * على الظلال ونستمر
نكروا الحق والخلافه
****
السيد محمد الموسوي الجابري

يم الحسن صفاتچ * آية حزن وفاتچ
يقراها ابو حسين
****
كونك يحيدر مستعد اقراها آيه
كل الصفات اتواجدة فاطمه رايه
ام الحسن كلچ صفه من البدايه
من عالم الذر للگبر حتى النهايه
آيه وصفه حياتچ * آية حزن وفاتچ
يقراها ابو حسين
****
آيه وصفه يافاطمه حتى بكلامچ
على العوالم فاجعه ساعة مماتچ
آيه انت من ثغر السمه نصاغة حياتچ
سورة الكوثر شاهده حملت صفاتچ
كلمه وعذب قرآنچ * آية حزن وفاتچ
يقراها ابو حسين
****
قرآن الچ يافاطمه اتحده العوالم
يقراها قرآن النبي ام الفواطم
يا ام ابوها فاطمه بنت الاكارم
حزنانه اعليها السمه والنجم هايم
كل الخلگ بچالچ * آية حزن وفاتچ
يقراها ابو حسين
****
كل الخلگ وكل محب يعنيله شخصچ
من الثاني والاول تره مغصبوب حقچ
رب السمه لمن صدر آيات أرثچ
قرآن دستور الخلگ ياكوثر اسمچ
حرگوا يزهره بابچ * آية حزن وفاتچ
يقراها ابو حسين
****
يازهره مدروسه الفتن يوم السقيفه
لعبوها صح بعد النبي كلمن بكيفه
دار الوصي شبت حقد بنار الخليفه
ياوسفه سيفك ياعلي ما اخذ حيفه
وسفه حرگها دارچ * آية حزن وفاتچ
يقراها ابو حسين
****
وشنفسره ياحيدر علي من اعتنوها
دار الزچيه من اجوا وباب ادفعوها
زجر وشتم الفاطمه من جاوبوها
ولنها مكسورة ضلع يوم اعصروها
المهدي ياخذ ثارچ * آية حزن وفاتچ
يقراها ابو حسين
****
خادم الزهراء عليها السلام
السيد محمد الموسوي الجابري

محد بالخلگ يوصل وفاها
بمصاب حسين والناعي وفاها
ام عباس من يوصل وفاها
ماتت من اثرها الغاظريه
****
السيد محمد الموسوي الجابري

الليله ولادة فاطمه * ابشاره من رب السمه
آية القرآن * كوثر وبرهان
ابشاره من رب السمه
****
آية القرآن كوثر فاطمه من السمه
بيها ابشر يامحمد هالكلام انتممه
سرها اسرار الامامه والعقيده فاطمه
بشرى للهادي نبينه والكلام انعممه
معجزة لكوان * كوثر وبرهان
ابشاره من رب السمه
****
معجزة لكوان فاطم ربنه سلم للرسول
يامحمد هاي كوثر بيها اتحده العقول
سرها مابين النبوه والامامه ولاصول
فرحة الشيعه يفاطم نورهم نور البتول
انكسرة الاوثان * كوثر وبرهان
ابشاره من رب السمه
****
الي گال ابتر نبينه هو مبتور الاصل
الله انطاها المحمد كوثر وگول وفعل
آية القرآن شاهد مصدر واكبر دليل
ولي يتحده الرساله جاهل بلايه عقل
جاهل وطغيان * كوثر وبرهان
ابشاره من رب السمه
****
بشرى من رب السمه فاطمه خصها الجليل
نزلة بسورة الكوثر خير تصبح لا مثيل
يعني قدمها المحمد ولي گال ابتر ذليل
بتشروا يا امة محمد خير زايد مو قليل
فرحه ياشبان * كوثر وبرهان
ابشاره من رب السمه
****
نور فاطم من تجله نور اركان السماء
لوله فاطم ما بقينه ولا بقة كل الحياء
والنبي من وصه بيها كوثر والها انتماء
بكل زمن شيعه وفرحنه هيه ام الاوصياء
عالي الايمان * كوثر وبرهان
ابشاره من رب السمه
****
الى خادم الزهراء ع
السيد محمدالموسوي الجابري

ثواب من صام يوما من رجب و شعبان
عَنِ النَّوْفَلِيِّ أنَّهُ قَالَ: سَمِعْتُ مَالِكَ بْنَ أَنَسٍ الْفَقِيهَ يَقُولُ: وَ اللَّهِ مَا رَأَتْ عَيْنِي أَفْضَلَ مِنْ جَعْفَرِ بْنِ مُحَمَّدٍ ( عليه السَّلام ) زُهْداً وَ فَضْلًا وَ عِبَادَةً وَ وَرَعاً، وَ كُنْتُ أَقْصِدُهُ فَيُكْرِمُنِي وَ يُقْبِلُ عَلَيَّ، فَقُلْتُ لَهُ يَوْماً، يَا ابْنَ رَسُولِ اللَّهِ، مَا ثَوَابُ مَنْ صَامَ يَوْماً مِنْ رَجَبٍ إِيمَاناً وَ احْتِسَاباً؟
فَقَالَ: ـ وَ كَانَ وَ اللَّهِ إِذَا قَالَ صَدَقَ ـ حَدَّثَنِي أَبِي، عَنْ أَبِيهِ، عَنْ جَدِّهِ، قَالَ، قَالَ رَسُولُ اللَّهِ ( صلى الله عليه و آله ) : "مَنْ صَامَ مِنْ رَجَبٍ يَوْماً إِيمَاناً وَ احْتِسَاباً غُفِرَ لَهُ".
فَقُلْتُ لَهُ: يَا ابْنَ رَسُولِ اللَّهِ، فَمَا ثَوَابُ مَنْ صَامَ يَوْماً مِنْ شَعْبَانَ؟
فَقَالَ: حَدَّثَنِي أَبِي، عَنْ أَبِيهِ، عَنْ جَدِّهِ، قَالَ، قَالَ رَسُولُ اللَّهِ (صلى الله عليه و آله) : "مَنْ صَامَ يَوْماً مِنْ شَعْبَانَ إِيمَاناً وَ احْتِسَاباً غُفِرَ لَهُ"

المصدر
أمالي الصدوق

🌴روي عن مولانا أمير المؤمنين علي عليه السلام:
(ومن تصدق بصدقة في شهر رجب ابتغاء وجه الله أكرمه الله يوم القيامة في الجنة من الثواب بما لاعين رأت ولا أذن سمعت ولاخطر على قلب بشر)

المصدر:
أمالي الصدوق:ص323.

صبحكم الله بالخير والعافية

بالكعبه الولاده * معناها السياده
مولود الوصي * حيدرنه علي
معناها السياده
****
بالكعبه الولاده وصار حيدر
والباري بولينه اليوم بشر
ياشيعة علي بالكون مصدر
الله و رسوله يدفع الشر
تمت السعاده * معناها السياده
مولود الوصي * حيدرنه علي
معناها السياده
****
تمت السعاده وفرحة الكون
لان مولود حيدر هذا مضمون
الكعبه وام علي وبعلي تدرون
من جابة وصي وشوفه العيون
وشاهد اجداده * معناها السياده
مولود الوصي * حيدرنه علي
معناها السياده
****
من جابة وصي حيدر يسموه
كلها تشاهده وحيدر تلگوه
وفاطم بت اسد ابنچ يحيوه
واملاك السمه نزلوا يهنوه
مفروض اعتقاده * معناها السياده
مولود تلوصي * حيدرنه علي
معناها السياده
****
حيدرنه علي مولود بحساس
وبالكعبه الشريفه طافة الناس
ياحجة الباري ورفعة الراس
يانسمة هوانه هيچ تنقاس
فرحتنه عباده * معناها السياده
مولود الوصي * حيدرنه علي
معناها السياده
****
فرحتنه عباده الكعبه مهده
رغمن على يحبه وعلى يضده
دنيه واخره يحمينه سِده
وبابك ياعلي محد يرده
وعليك اعتماده * معناها السياده
مولود الوصي * حيدرنه علي
معناها السياده
****
السيد محمد الموسوي الجابري

نلهج يا علينه دوم بسماك
والك رايه ترف عالكون بسماك
انطر الها جدار البيت بسماك
وعلى كل النسه مفتخره هيه
****
نولد بالكعبه حيدر وسماها
وبيت الله نفتحله وسماها
الله اختارها ام حيدر وسماها
وانطه البت اسد افضل هديه
****
الكعبه حملتك حيدر وسمها
بشخصك شاءت القُدره وسمها
انتَ وفاطمه امك وسمها
نرفع صيتك لعد هام الثريه
****
بيت الله نفتح بابه وسوره
والك آيات نقراها وسوره
محمد هاجة افراحه وسوره
لان انولد بالكعبه وصيه
****
نولد حيدر بيت الله ولطاف
الله اختار اله براهن ولطاف
ولي زار حيدر علي ولطاف
يحصلها الشفاعه الحيدريه
****
السيد محمد الموسوي الجابري

(ابيات في ذكرى شهادة زينب عليها السلام)

من اليسر ياخويه منايّت
ودرب الشام بيه تدري منايّت
مشدوها الفكر خويه منايّت
وتيّهت الدرب بالغاظريه

****

ابدليلي ارماح يوم الطف شكالي
اخوي حسين وصاني شكالي
نده عباس يازينب شكالي
بيدچ فصليه خويه اليه

****

انه بصوت الحزن خويه مناديت
وعليّه مارجع صوتك مناديت
كفوا منك يبو فاضل مناديت
اوفيت الكفاله الحيدريه

****

الدهر ياناس بخواني ولاني
وتغيّر بالسبي حالي ولاني
لا عباس اوصله ولاني
وصلة حسين من ناده عليه

****
الى خادم زينب ع
السيد محمد الموسوي الجابري

✨أحيوا أمرنا ✨

قال رسول الله (صلى الله عليه وآله) :-

استكثروا من الإخوان ، فإن لكل مؤمن شفاعة يوم القيامة

📙 ميزان الحكمة ١٦١

⚡ نسألكم الدعاء ⚡

ابوطلبه يسمونك وكاظم
وابد للغيظ ماتضهر وكاظم
اندبك حاجتي يمك وكاظم
اريد اليوم تگضيها اليه
***
     قصيدة للامام الكاظم
موشح
   
يلي عندك حاجه حاير بيها
اگصد الكاظم ويمه احجيها
***
روح ابدي حاجتك وقرء الكتاب
گبل طرف العين ينطيك الجواب
ماكوا داعي تبتدء كل السباب
ماكوا حاجه تفصل وترويها
*
لا تفصل حاجتك لبن الرسول
اخذ من عنوانها امّه البتول
هذا باب الله واركان الاصول
اسد بغداد الشدد يگضيها
****
يلي عندك حاجه يم باب المراد
خلي نيتك صافية وبيها اعتقاد
نادي ياموسى يا ابن الرشاد
بالصحن شو نيتك صفيها
**
صفي نيتك ياموالي من تريد
هذا ابن جعفر حمل گيد الحديد
باب للحاجات ينطيك ويزيد
اشما تكلفه حاجتك ينطيها
**
حاجتك مگضيه يم ابن الاطياب
موسى بن جعفر حمل اكبر مصاب
بالسجن مسموم ونواع العذاب
حتى شيعة حيدره ينجيها
***
حتى شيعة حيدره ترجى النجاة
بالسعاده تعيش بفصول الحياة
انعيش دنيه وآخرة وحتى الممات
يبن فاطم بسمك انمشيها
*

خادم الامام الكاظم
السيد محمد الموسوي الجابري

▪️ابن سنان ، قلت للرضا ( عليه السلام ):
ما لمن زار أباك ؟ ، قال : ( له الجنة فزره )

▪️عن الوشّاح ، قلت للرضا (عليه السلام) :
ما لمن زار قبر أبي الحسن (عليه السلام) ؟ 
قال: له مثل ما لمن زار قبر أبي عبد الله (عليه السلام)

📚المناقب ج3 ص442.

روي عن الامام موسى بن جعفر (عليه السلام)
فضل الفقيه على العباد كفضل الشمس على الكواكب، ومن لم يتفقه في دينه لم يرض الله له عملا.

بحار الانوار ج10 ص247 ح

روي عن الامام موسى بن جعفر (عليه السلام):
تفقهوا في دين الله، فان الفقه مفتاح البصيرة، وتمام العبادة، والسبب الى المنازل الرفيعة والرتب الجليلة في الدين والدنيا.

بحار الانوار ج10 ص247 ح13

﴿وَمَا أَرْسَلْنَاكَ إِلَّا رَحْمَةً لِّلْعَالَمِينَ﴾

نبارك لكم المبعث النبوي الشريف