خيول الاعوجيه ** على صدر بن الزچيه
يحشم ال عدنان ** اخوته وكل الوطان
على صدر بن الزچيه
****
خيول الاعوجيه بصدر الحسين
صاحت ياضليمه وتهمل العين
چا وين الهواشم عنه چا وين
وعباس الشفيه مگطه ادين
بيوم الغاظريه ** على صدر بن الزچيه
فزعة شيب شبان ** اخوته وكل الوطان
على صدر بن الزچيه
****
اخوته وكل الوطان وسماها
انطت كل عمرها انطت دماها
وكل هذا الجره بنحره فداها
صدگ سبعين الف من گابلاها
وبذيچ المسيه ** على صدر بن الزچيه
هاجت كل الحزان ** اخوته وكل الوطان
على صدر بن الزچيه
****
حسين مگطعينه موسد الگاع
وبخيول ال اميه ترضرض بساع
ماواحد نخاله ولا له فزاع
يا اوسع سفينه سرت وشراع
آهات المنيه ** على صدر بن الزچيه
صدره صبح نيشان ** اخوته وكل الوطان
على صدر بن الزچيه
****
ياصدرك الدامي بالطف هناك
ويارمح المنيه بخرز مگفاك
ياريت بعصركم سيدي وياك
مو بس بدمه ونحور تفداك
فده للفاطميه ** على صدر بن الزچيه
چان وياك عنوان ** اخوته وكل الوطان
على صدر بن الزچيه
****
على صدر بن الزچيه داست الخيل
يادمع المدامع من دمه يسيل
ياليل الموادع وحشة الليل
زينب والفواطم شافن الويل
ماعدهن حميه ** على صدر بن الزچيه
بيهن چم الم چان ** اخوته وكل الوطان
****
السيد محمد الموسوي الجابري

هاجت آلام البشر وحزانها
لان بالطف زينب اوعنوانها
****
زينب او عنوانها بأرض الطفوف
لافتت احزانها نحر وسيوف
زينب ابذيچ المسيه من تطوف
جثة حسين البقة نيشانها
****
جثة حسين الهوة اعلى الثرى
على الرمال وبالغبار مدثرى
زينب تشاهد جثث متوذره
وذاك راس حسين بيد اسنانها
****
وذالك راس حسين شالوه برمح
بگلب زينب چم الم وچم جرح
ليلها ونهارها وطر الصبح
لا محامي موته كل فرسانها
****
لا محامي ولا كفيل عدها بعد
ماتت الفرسان لاعده وعدد
بقه على الشاطي رمزها وسند
وليمين ويسرته وبتارها
****
وليمين ويسرته يم النهر
وراية العباس وترف كل دهر
وصدگ زينب ماتنام من القهر
هيچ سوت كربله وفعالها
****
يافعل نذكر بطف كربله
ويا مصيبه بالطفوف امحمله
زينب بذيچ المصيبه هامله
والعيون و من دمه جريانها
****

السيد محمد الموسوي الجابري

جيتك للنهر عباس خويه اگعد وحاچيني
بعدك عالكفاله ذيچ لو رايح تخليني
****
بعدك عالكفاله ذيچ لو راح اگطع الضنه
آنه البسمك اتنخيت ياعباس المچنه
بيدك محملي شديت والكربله نتعنه
تعدل محمل لو مال ياخويه وتتچيلي
****
قصة كربله عباس تروي ومنك اسمعها
واگطع يسرتي ويمناي ولجلچ عيني اشلعها
ودري بحيرتچ زينب وعيونچ مدامعها
من خيمه لعد خيمه يازينب تقهريني
****
من خيمه لعد خيمه وانتِ مكلفها بيتام
يازينب تراعيها بيوم المشيتچ للشام
زينب خويه عذريني راسي على الرمح جدام
وآنه الكافلچ زينب بحزانچ تهيجيني
****
شفتك عالنهر عباس بالحومه يفارسها
وبسيفك تگطع الروس كل الروس حاصدها
وانتَ وحدك الجيمان وبالحومه وتگابلها
خويه ياگمر عدنان انتَ شمعت اسنيني
****
ايتامك يراعي الجود آنه تكفلت بيها
ونطيتك عهد عباس آنه الها يراعيها
انته المحملي شديت ولايتام ترويها
وآنه الصابره الحره ياروحي ونضر عيني
****
ياروحي ونضر عيناي ياعباس يسبوني
وآنه على الهزل مريت الحالك تهمل عيوني
ترضاها الشمر وياي بعدك يحدي بضعويض
وعلى مصيبتك ونيت خويه لاتجافيني
****
جسمك على نهر مطروح راسك عالرمح وياي
وآنه الحالتك ارثي مهضومه وي ركب اعداي
انتَ الحيد ياعباس وانتَ سلوتي بدنياي
صارت دنيتي ضلمه من بعدك يسليني
****
الى خادم العباس ع
السيد محمد الموسوي الجابري

آه يسجاد *  آه يسجاد الحرم بيدك خذتهه
آه يسجاد * آه يسجاد المصيبه الي اتحملتهه
        آه يسجاد          آه يسجاد

چم مصيبه چم مراره تمرمرة
يبن فاطم بالمسيره اتحملة
من شفت ارض الطفوف اتحيرة
يبگه ابوك حسين جثه اتصورة
آه يسجاد * آه يسجاد الجثث لمن شفتهه
آه يسجاد * آه يسجاد ومرض روحك عفتهه
     آه يسجاد          آه يسجاد

آه يسجاد المصايب ولعجيبه
جثة احسينك بگة بالطف سليبه
بعد اغرب والمصايب هالغريبه
عمك العباس عالشاطي نصيبه
آه يسجاد * آه يسجاد الالم غير صفاتك
آه يسجاد * آه يسجاد الحرم لمهه بعباتك
     آه يسجاد          آه يسجاد

شلون حالك من شفت وجه تغيّر
شفت اخوك اموذرينه علي الاكبر
شلون حالك من شفت جسمه موذر
انهدم حيلك سيدي ولونك تعفر
آه يسجاد * آه يسجاد المصيبه مو مصيبه
آه يسجاد * آه يسجاد الدهر كثر نحيبه
     آه يسجاد          آه يسجاد

بعد يا اعظم جرح الماحملته
ذاك عريس الهواشم من حظنته
منذبح شفت الطفل ذبلانه شفته
اتوسد ابأرض الطفوف وصعبه قصته
آه يسجاد * آه يسجاد المصيبه ياعظمهه
آه يسجاد * آه يسجاد الطفوف وياهضمهه
     آه يسجاد          آه يسجاد

ماكفاهم ماجرا لك بالحرب
رحت ويه اعداك لديار الغرب
بمجلس ابن ازياد للكوفه تطب
گالو ابن الخارجي ودمعك يصب
آه يسجاد * آه يسجاد شجرالك بالدرب
آه يسجاد * آه يسجاد ابهضم مجلس تطب
     آه يسجاد          آه يسجاد

آه نذكر ماجره عليك بسبيهم
وانته ياتالي الامامه ابين اديهم
انته ياسهم الجرعته من حچيهم
نفوا دستور الرساله او نبيهم
آه يسجاد * آه يسجاد اوسهمهم من جرعته
آه يسجاد * آه يسجاد الامر الله رفعته
     آه يسجاد          آه يسجاد
**
الى خادم السجاد ع
السيد محمد الموسوي الجابري

انا بجدمي لبوالسجاد جديت
وعلى بابه اگعدت طلاب جديت
بين حسين والعباس جديت
المناسك والسعي بالغاضريه
****
على نهجك يبو اليمه سرينه
من البصرة لعد نحرك سرينه
مثل السيل هالوادم سرينه
لابد نوصل الگبتك سويه
****
السيد محمد الموسوي الجابري

يحسين بدربك جدينا
****
جدينا وخطينا بدربك
من البصره ويشهد حبك
والرايه ومنهجنا بأسمك
وراس البيشه يشهد بينا
يحسين بدربك جدينا
****
زوارك من راس البيشه
دربك هالاجواء انعيشه
ونذل ايزيد انذل جيشه
وبهاي الفطره اتربينا
يحسين بدربك جدينا
****
هاي الفطره من المرضع
لو رادوا نركع مانخضع
وينه الماسامع خل يسمع
هذا حسين وهاي اسنينا
يحسين بدربك جدينا
****
هاي سنينا حسين القائد
منهج واضح منهج واحد
يمك جينه المنحر شاهد
الله الشاهد ماناسينا
يحسين بدربك جدينا
****
ماناسينك كعبه ومنحر
يالصوتك بالعالم يفتر
انتَ الثوره وانتَ المحور
وانتَ القائد بسمك جينا
يحسين بدربك جدينا
****
جيناك على الموعد سرنا
يحسين ويمك موعدنا
بالموقف نعرف قائدنا
دم حسين بموقف دينا
يحسين بدربك جدينا
****
دم حسين السايل بالطف
لو رايد تحسبهن چم چف
چفين العباس وموقف
جربة عباس وتروينا
يحسين بدربك جدينا
****
خادم الحسين
السيد محمد الموسوي الجابري

لا فرق بين العرب ولاعجمي
قبله وحده ياحُسيناً ننتمي
****
ننتمي لحسين ولاصل الوجود
شيعه احنه ماتحد بينه الحدود
يضل دمنه شاهد اليوم الخلود
صار سلمان الفُرس محمدي
****
صار سلمان الفُرس من الرسول
من هل بيته وعترته و ال البتول
هيچ راد ينور افكار العقول
حتى نتحده الكفر والناصبي
****
حتى نتحده الكفر و هل الطُغاة
يامحمد انتَ دستور الحياة
مني سلمان وگلتها بكل ثبات
صاح سلمان وعلن مو فارسي
****
مني سلمان وحضه بأشرف لقب
لافرق بين العجم وحنه العرب
حب الحسين انجمعنه وهالسبب
تضل عال ارگابنه ماتنحني
****
عدنه دستور ونهجنه كربلاء
والقضيه واحده والمحتواء
احنه قدمنه الدماء تلوه الدماء
دمنه واحد فارسيّ وعربي
****
دم ابو مهدي و ابو زينب رسم
منهجوا تاريخنا او رفعوا علم
مثل سلمان المحمد من قسم
آنا برض حسين واضح مطلبي
****
حچي قاسم هيچ وضح هالامر
افدي روحي الكربله ونطي العمر
وبمسير حسين ماهمه الجمر
صاح لبيك حسيناً سيدي
****
السيد محمد الموسوي الجابري

من اليسر ياعباس رديت
ومن مايك يبحر الجود رديت
ترضاها الشمر بالسوط رديت
يضربني النذل وشگف بديه
****
تاه الفكر ياعباس والراي
وعفت جسمك على التربان وراي
شفت الجود يمه السيف وراي
بقت عنوان برض الغاضريه
****
خادمكم
السيد محمد الموسوي الجابري

من اليسر ياعباس رديت
ومن مايك يبحر الجود رديت
ترضاها الشمر بالسوط رديت
يضربني النذل وشگف بديه
****
تاه الفكر ياعباس والراي
وعفت جسمك على التربان وراي
شفت الجود يمه السيف وراي
بقت عنوان برض الغاضريه
****
خادمكم
السيد محمد الموسوي الجابري
https://www.tgoop.com/qwertyuiopasdfghjklasdfbnm

إنّ الاهتمام والمداومة في طلب فرج مولانا صاحب الزمان عليه السلام
من الله تعالى بشروطه الموجبة لقبول الطّلب والدّعاء،
يصير سبباً لقرب وقوعه.
ففي توقيع الإمام المهدي عجل الله تعالى فرجه الشريف إلى إسحاق بن يعقوب:

"أَكْثِرُوا الدُّعَاءَ بِتَعْجِيلِ الْفَرَجِ فَإِنَّ ذَلِكَ فَرَجُكُم"

*الشيخ الصدوق، كمال الدين وتمام النعمة، ص 485.

جينه يم گبرك نعزي فاطمه
والرسول وصحبته وحامي الحمه
****
جينه يم گبرك نعزي الأنبياء
وكل ملائكة السمه والاوصياء
بربعينك سيدي وهذا النداء
نواسي زينب والعليل بكربله
****
جينه يم گبرك نعزي كل شهيد
العلى دربك طاح مگطوع الوريد
مثلك المابايع حَكام العبيد
على دربك والشهاده توسمه
****
جينه يم گبرك نعزي كربلاء
من وصلنه التربتك عطرك دماء
كل فرد منه هتف لسمك فداء
جاهزين وللجهاد انعلمه
****
جينه يم گبرك نعزي ونستعد
انجدد البيعه ومنك نستمد
شيب والشبان صاحت يامدد
سيدي صك الشهاده تسلمه
****
جينه يم گبرك نأذن للجهاد
صرخت انصارك علة كل البلاد
شامخين وكل ضمايرنه اعتقاد
حار بينه المافهمنه انخاصمه
****
جينه يم گبرك ننادي ياحسين
وبدمانه ثورتك تنبض سنين
يالملكة ارواحنه بالخافقين
ارواحنه تطوف بظريحك هايمه
****
جينه يم گبرك نعزي العايله
من هضمها الشام وصلوا كربله
والعليل وحالته تبچي المله
هاي زينب وبدمعها تلملمه
****
الى خادم الحسين ع
السيد محمد الموسوي الجابري

(قصيدة في ذكرى شهادة النبي ص)

قَابَ قَوْسَيْنِ أَوْ أَدْنَىٰ * عِندَهَا جَنَّةُ الْمَأْوَىٰ
           هذا طاها      في سَماها
                عِندَهَا جَنَّةُ الْمَأْوَىٰ
****
ياولايه الكون بيدك يامُسدد
بَشر الهادي النِزوله هذا احمد
معجرة قُرآن انته ربنه يشهد
من قراهه سورة اقُرأ يامُحمد
       من سَناها      في سَماها
                عِندَهَا جَنَّةُ الْمَأْوَىٰ
****
هذا طه مِن وصل رب الجلاله
عِرج بسمه وكُل كيانه اوبكماله
حتى املاك السمه تغبط مكانه
ربنه لمن حَمّله ثقُل الرساله
  مَن دناها        في سَماها
         عِندَهَا جَنَّةُ الْمَأْوَىٰ
****
من دناها ومن وطئ جدمه الجِنان
يعني طه من وصل ذاك المكان
يامحمد انته عنوان وامان
ونطوتلك كُل لياليَّ الزمان
من عَلاها       في سَماها
         عِندَهَا جَنَّةُ الْمَأْوَىٰ
****
اصار  بعدك يارسول الله نخبرك
نكروا احكام الرساله وذاك تعبك
نَصَبَوا بيهه السَقيفه المايرغبك
حيدره اذراعك يرفعه چفه چفك
من تلاها        في سَماها
           عِندَهَا جَنَّةُ الْمَأْوَىٰ
****
انته مابين انته حي بين الشهاده
ردت للامه توَصّي بالقياده
ردت تكتب بس علي فخر السياده
گالو عليك انته تهجر لا  اراده
وصطفاها      في سَماها
         عِندَهَا جَنَّةُ الْمَأْوَىٰ
****
شلون انته من غبت ذيچ المسيه
تدري صار بفاطمه بعد الوصيه
لا تغمض عينك وانظر اليه
نادتك يالهادي بويه آنه الزچيه
خُذ ولاها    في سَماها
         عِندَهَا جَنَّةُ الْمَأْوَىٰ
****
الى خادم رسول الله (ص)
السيد محمد الموسوي الجابري

الثامنُ والعشرون من صفر ذكرى رزيّة الإسلام الكبرى ورحيل هادي البشريّة ونبيّ الرحمة (صلّى الله عليه وآله وسلّم)

في مثل هذا الليلة (28 صفر) من عام 11 للهجرة فُجعت الأمّة الإسلاميّة برحيل الرسول الأكرم نبيّ الرحمة وشفيع الأمّة محمد بن عبد الله(صلّى الله عليه وآله)، الذي بَعثه الله سبحانه وتعالى منقذاً للبشريّة، واختاره من بين البريَّة، ليكون هدىً وذكراً ونوراً؛ واصطفاه لتبليغ الرسالة السماويّة.
ورُوي عن الإمام محمد الباقر(عليه السلام) أنّه قال: «لمّا حضرت رسول الله(صلّى الله عيله وآله) الوفاة، نزل جبرائيل(عليه السلام) فقال: يا رسول الله أتريد الرجوع الى الدنيا وقد بلغت؟ قال: لا، ثمّ قال له: يا رسول الله تريد الرجوع الى الدنيا؟ قال: لا، الرفيق الأعلى».
قضى (صلّى الله عيله وآله) ويد أمير المؤمنين(عليه السلام) اليمنى تحت حنكه، ففاضت نفسه (صلّى الله عيله وآله) فيها، فرفعها (عليه السلام) الى وجهه فمسحه بها، ثم وجّهه وغمّضه ومدّ عليه إزاره واشتغل بالنظر في أمره.
ثمّ قام أميرُ المؤمنين عليّ بن أبي طالب(عليه السلام) بتغسيل جسد النبيّ الطاهر وكفّنه، لأنّ النبيّ(صلّى الله عليه وآله) كان قد قال: يغسّلني أقرب الناس إليّ ولم يكن ذلك سوى عليّ(عليه السلام)، ولمّا فرغ عليّ من تغسيل النبيّ(صلّى الله عليه وآله) كشف الإزار عن وجهه (صلّى الله عليه وآله) وقال والدموع تنهمر من عينيه الشريفتين:
(بأبي أنت وأمّي طبت حيّاً وطبت ميّتاً، انقطع بموتك ما لم ينقطع بموت أحدٍ ممّن سواك من النبوّة والأنباء. ولو لا أنّك أمرت بالصبر ونهيت عن الجزع، لأنفذنا عليك ماء الشؤون ولكان الداء مماطلاً، والكمد محالفاً وقلّا لك، ولكنّه ما لا يملك ردّه ولا يُستطاع دفعه! بأبي أنت وأمّي اذكرنا عند ربّك، واجعلنا من بالك).
ثمّ أنّ الإمام أمير المؤمنين علي بن أبي طالب(عليه السلام) كان أوّل من صلّى على جثمان رسول الله(صلّى الله عليه وآله)، ثمّ صلّى عليه المسلمون جماعة جماعة، ثمّ تقرّر دفنه (صلّى الله عليه وآله) في حجرته المباركة.
لم يكن حول النبيّ(صلَّى الله عليه وآله) في اللحظات الأخيرة إلّا علي بن أبي طالب وبنو هاشم ونساؤه. وقد علم الناس بوفاته (صلَّى الله عليه وآله) من الضجيج والصراخ الذي علا من بيت الرسول(صلَّى الله عليه وآله) حزناً على فراق الحبيب، وخفقت القلوب هلعةً لرحيل أشرف خلق الله. وانتشر خبر الوفاة في المدينة انتشار النار في الهشيم ودخل الناس في حزنٍ وذهولٍ رغم أنّه (صلَّى الله عليه وآله) كان قد مهّد لذلك، ونعى نفسه الشريفة عدّة مرات وأوصى الأمّة بما يلزمها من طاعة وليّها وخليفته من بعده علي بن أبي طالب. لقد كانت وفاته صدمةً عنيفة هزّت وجدان المسلمين.

س : ما هو حكم الوشم بالنسبة إلى الرجل والمرأة ؟ وهل يُعد حاجباً يمنع صحة الغسل أو الوضوء؟
ج: العمل المذكور في نفسه جائز، ولكن بالنسبة إلى المرأة إذا كان زينة عرفاً فلا يجوز إظهاره أمام الأجنبي. والوشم الذي تحت الجلد أو ليس له جرم لا يمنع من صحة الوضوء أو الغسل.

حسب رأي
السيدين العليين الحسينيين السيستاني والخامنئي دام ظلهما الوارف

عن الامام الحسن العسكري عليه السلام

أورع الناس من وقف عند الشبهة، أعبد الناس من أقام على الفرائض، أزهد الناس من ترك الحرام، أشد الناس اجتهادا من ترك الذنوب.

المصدر
بحار الأنوار

مبروك عليكم تتويج المهدي من ال محمد صلى الله عليه واله