Мактабларда дарсликларни пуллик ижарага қайтариш Конституцияга зид

2022 йилнинг сентябрида кўп муҳокамалар натижасида давлат мактабларидаги ўқув дарсликлари ниҳоят бепул қилинган эди. Чунки Конституцияга кўра, давлат умумтаълим мактабларида таълим бериш билан боғлиқ барча жараёнлар бепул. Бунда дарсликлар билан ўқувчиларни таъминлаш ҳам.

Бу борада Президент топшириғи берилиб, якунида давлат мактабларида болаларга дарсликларни бепул фойдаланишга бериш жорий этилди.

Айни ўринда янги Конституциянинг 50-моддасида ҳам "Давлат бепул умумий ўрта таълим ва бошланғич профессионал таълим олишни кафолатлайди", деб белгиланган. Моҳиятан бу борада конституцияда ўзгариш бўлгани йўқ.

Аммо 2025 йил учун тайёрланган Бюджетномада 2025/2026-ўқув йилидан 2-11 синфларда дарсликлар учун ижара тўлови ундириш тизимини қайта йўлга қўйиш кўрсатилган. Камига дарсликларни давлат ҳисобидан чоп этилиши ота-оналарда масъулиятсизлик келтириб чиқарган, деган ёлғон асос келтирилган.

Қани бунинг исботи? Қаерда, қанча ота-она, қандай кўринишда масъулиятсизлик қилган? Бундай ота-оналар ҳақида маълумот борми?

#antikonstitutsiya№1

👉 @r_kusherbayev

Эмомали Раҳмон интернетдаги "лайк"лар учун жиноий жавобгарликка тортмасликни буюрди

Тожикистон президенти Эмомали Раҳмон интернетдаги лайклар учун асоссиз жиноий ишлар қўзғатилганини танқид қилиб, ҳуқуқни муҳофаза қилиш органларини “бу амалиётга чек қўйишга” чақирган.

Масалан, сўнгги пайтларда ижтимоий тармоқлардаги материаллар ва видеоёзувлар далил сифатида тан олинаётгани туфайли, айрим фуқаролар қолдирган лайклар уларнинг таъқиб қилинишига сабаб бўлмоқда. Яъни баъзи идоралар уларга қарши асоссиз жиноий ишлар қўзғатмоқда ва бу ҳолатга чек қўйиш зарур, деди Раҳмон.

Президентга кўра, Тожикистон фуқаролари диний ёки мухолифат арбобларининг интернетдаги постларини томоша қилгани, лайк қўйгани ёки изоҳ қолдиргани учун турли муддатларга қамоққа ташланмоқда.

Масалан, 2024 йилнинг 15 август куни Хўжанд суди 46 ёшли фуқаро Жамшид Аминовни диний видеолар, хусусан, асосан рус тилидаги араб шайхларининг ваъзлари остига лайк қолдиргани учун 5 йил озодликдан маҳрум қилган.

☝Эмомали Рахмоннинг бу ҳаракати Ўзбекистон ҳуқуқни муҳофаза қилиш идоралари учун ҳам яхши "сигнал" деса бўлади. Ўзбекистонда ҳам 2023 йили навоийлик кекса аёлга беш йил олдин, яъни 2018 йили "Одноклассники" тармоғида таъқиқланган диний маърузага "лайк" босгани учун 3 йилга озодликни чеклаш жазоси берилганди.

Ўзи "лайк" учун жавобгарликка тортиш мантиқсизликдан бошқа нарсамас.

👉 @r_kusherbayev

❗️Иқтисодиёт ва молия вазирига мурожаат: Президент нотўғри топшириқ берган эдими шунда?

Бюджетнома лойиҳасида 2025/2026-ўқув йилидан 2-11 синфларда дарсликлар учун ижара тўлови ундириш тизимини қайта йўлга қўйиш кўрсатилган.

Буни қандай тушунмоқ керак: ўзи кўп йиллар давомида Конституцияга зид равишда ота-оналардан дарсликлар ижараси учун пул олиниб, оҳири бу тўхтатилганди. Яъни Конституцияга амал қилиш бошланган эди.

Энди яна янги Конституцияга зид ҳаракатларни давом этадими? Ёки Президент топшириғи хато бўлганмидики, Иқтисодиёт ва молия вазирлиги Президент иродасини синдиришга уринса?

Агар бюджетни тўлдириш истаги бўлса, нима учун отни калласидек имтиёз берилган монополист ва ер ости бойликларини олиб, истаганча сотаётган гуруҳларга берилган солиқ имтиёзлари бекор қилинмаяпти?

Бола пулини расво қилган, суюнчи пулини йўқ қилган Молия ва иқтисодиёт вазири бошчилигидаги масъулларнинг болаларни ҳаққидан маҳрум қилмай бюджетни шакллантиришга ақл салоҳияти етадими ўзи?

Етмаса ўринни бўшата қолинглар! Ўрнингизга сиздан-да ақлли, ватанпарвар, халқпарварроқ ёшлар топилади.

👉 @r_kusherbayev

❗️Пропан нархи 9,5 млн. сўмдан ошди

Биржа савдоларида пропан аввалги кунга нисбатан 200 тоннага камайтирилган ва бор йўғи 971 тонна пропан сотувга қўйилгани (талаб 2-3 карра юқори) учун нархлар 318,7 минг сўмга қимматлаб 9 509,5 минг сўмга етган.

Бу кетишда тез орада пропан нархи бензин нархига етиб олади.

👉 @r_kusherbayev

Бугун Президент Шавкат Мирзиёев Навоий вилоятига ташриф буюриб, йирик саноат объектлари ва ишлаб чиқариш корхоналари, ижтимоий соҳа ташкилотлари билан танишиш, янги лойиҳаларга старт бериш режалаштирилган.

Ташриф доирасида ҳудудни ижтимоий-иқтисодий ривожлантириш бўйича келгуси устувор вазифаларни белгилаб берилади.

👉 @r_kusherbayev

Янги хонадон харид қилишни истайсизми? — Asia Alliance Bank’дан ипотека кредитлари сизга бирламчи бозорда ўзингизга ёққан исталган хонадонни харид қилишга ёрдам беради

🏢 «Янги уй» ипотека кредити жуда ҳамёнбоп шартлар асосида Ўзбекистон Республикаси Иқтисодиёт ва Молия вазирлиги маблағлари ҳисобидан тақдим этилади:
🔹 Фоиз ставкаси — йиллик 17,5%.
🔹 Кредитнинг максимал миқдори — Тошкент шаҳрида 420 миллион сўмгача ва вилоятларда 330 миллион сўмгача.

Батафсил маълумот: https://aab.uz/uz/private/crediting/ipoteka-krediti-yangi-uy/

Агарда ушбу пул миқдори сизга ёққан хонадонни харид қилишга етмаса, бизда сиз учун аъло ечим бор — «Янги уй гибрид» ипотека кредити!

Бу эса 600 миллион сўмгача бўлган етишмаётган миқдордаги пулни қуйидаги шартлар асосида олиш имконини беради:
🔹 Кредит муддати — 180 ойгача.
🔹 Имтиёзли давр — 6 ойгача.
🔹 Кредит бўйича фоиз ставкаси — йиллик 27,0%.

Таклиф қилинаётган маҳсулотларнинг улкан афзаллиги шундаки, улар ҳам расмий иш жойида ишловчи фуқаролар учун, ҳам ўзини-ўзи банд қилган шахслар учун мос келади.

Бундан ташқари, сиз давлат маблағлари ҳисобидан тақдим этиладиган субсидиялар ёрдамида ипотекани банкда расмийлаштиришингиз мумкин!

Ташриф буюринг ва биз сизга ўз уйингизга эга бўлиш билан боғлиқ бўлган орзуингизни рўёбга чиқаришга ёрдам берамиз!

Батафсил маълумотга 1270 рақами ёки банкимиз сайтида эга бўлишингиз мумкин: https://aab.uz/uz/private/crediting/ipoteka-krediti-yangi-uy-gibrid/

Реклама

Фаралари қорайтирилган Cobalt оширилган нархда сотилади

Cobalt'нинг фаралари қорайтирилган GX Midnight AT версияси 155.231.000 сўмдан ёки ҳозиргисидан 7,3 млн.сўм қиммат нархда сотилади.

Компаниянинг билдиришича, 147.916.000 сўмлик GX-Style AT Plus версиясини ишлаб чиқариш давом этади.

☝️Фақат фаранинг рангини қорайтириш орқали (қолгани номаълум) одамларни янги модел машина деб ишонтириб, қиммат нархда сотиш фақат бизнинг монополистларни калласига келадиган ғоя бўлса керак. Қолганларни мияси қисиб қолади.

👉 @r_kusherbayev

Беш нафар вазирдан икки нафари депутатликка розилик берган

"Uzdiplomat"нинг ёзишича, Олий Мажлис Қонунчилик палатаси депутатлигига партиялар томонидан илгари сурилган беш нафар вазир номзоддан фақат икки нафари депутатликка ўтишга розилик берган.

Булар, ЎзЛиДеП дан номзоди қўйилган Мактабгача ва мактаб таълими вазири Ҳилола Умарова ҳамда «Миллий Тикланиш» партиясидан номзод, Маданият вазири Озодбек Назарбеков.

Қолган 3 нафар вазир, яъни Экопартиядан номзод - Экология ва атроф-муҳитни муҳофаза қилиш ва иқлим ўзгариши вазири Азиз Абдуҳакимов, ХДП номзоди Рақамли технологиялар вазири Шерзод Шерматов , «Адолат» партиясидан номзод - Адлия вазири Акбар Тошқуловлар ўз ўрнида, вазир лавозимида ишни давом эттиришади.

Бу ҳақида расмий маълумот ҳозирча берилмади.

👉 @r_kusherbayev

❗️Президент ижтимоий адолатни таъминлаш учун дарслик ва машқ дафтарларини бепул ижарага бериш топшириғини берганди

Мактаб дарсликлари ва машқ дафтарлари учун ижара тўловини тикламоқчи бўлганларга эслатма:

"Мактаб дарсликлари ва машқ дафтарларининг ижара тўловлари миқдорлари кескин оширилиши муносабати билан кенг жамоатчилик, ота-оналар томонидан билдирилган эътирозлар юзасидан Президентимизга ахборот берилди.

Мактаб дарсликлари болаларнинг умумий ўрта таълим олишида фавқулодда муҳим ўрин тутишини ҳисобга олиб ҳамда мактаб ўқувчилари ва уларнинг ота-оналарини, қонуний вакилларини қўллаб-қувватлаш, ижтимоий адолатни таъминлаш мақсадида давлатимиз раҳбари Вазирлар Маҳкамаси ва Халқ таълими вазирлигига мактаб дарсликлари ва машқ дафтарларини бепул ижарага беришни тезкор йўлга қўйиш юзасидан топшириқ берди".

2022 йил 5 сентябрь

Манба

👉 @r_kusherbayev

Сиёсий партиялар рўйхати бўйича сайланган депутатлар рўйхати

Рўйхатда вазирлардан ҳеч ким йўқ. Яъни бирорта ҳам вазир депутат бўлишни истамаган.

Қизиқ томони, партия раисларининг барчаси партия рўйхати асосида депутатликка сайланган. Яъни уларнинг ҳеч бири сайлов округидан тўғридан тўғри номзод сифатида кўрсатилиб, сайланмаган.

👉 @r_kusherbayev

Телеграм тармоғида турли блоглар жуда кўп, аммо сараланган блогларни ҳамма ҳам осонгина топа олмайди.

Шу сабабли биз сизнинг мушкулингизни осон қилиш учун энг фаол блогерларни блогини битта рўйхатда жамладик.
Биз ўзимизга ёққанларини сизга ҳам илиндик.

Ушбу ҳавола орқали ўзингизга ёққан бир ёки бир нечта блогларга аъзо бўлишингиз мумкин.

— Хўш, ўртоқлар, қани марҳамат 👉 Аъзо бўлиш 👈

👉 https://www.tgoop.com/addlist/uavg5tjM_vJiYzgy 👈

❗️"Права" учун имтиҳон топшириш нархлари оширилмайди

«Тошкент имтиҳон маркази»да ҳайдовчилик гувоҳномаси олиш учун имтиҳон топшириш нархи ошгани ҳақидаги хабарлар асоссиз. Бу ҳақда Kun.uz манбаси хабар берган.

Аввалроқ, ижтимоий тармоқларда ҳайдовчилик гувоҳномаси олиш учун имтиҳон топшириш нархи ошгани ҳақида хабарлар тарқалганди.

Билдирилишича, 1 ноябрдан имтиҳон марказида тўловлар эски нарх бўйича қолади.

👉 @r_kusherbayev

15 ёшгача болаларнинг ижтимоий тармоқлардан фойдаланиши тақиқланади

👉 @r_kusherbayev

Яна контрабанда ҳақида

anhor.uz сайтида эълон қилинган журналистик суриштирув материалини ўқиб, ўйланиб қолдим.

Тасаввур қилинг: давлат бюджети фақатгина жорий йилнинг 1 октябригача 390 миллиард сўмдан ортиқ маблағни тамаки контрабандаси туфайли йўқотган. Бу пуллар нимага сарфланиши мумкин эди? Балки мактаб, касалхона ёки йўллар учун. Ҳар ҳолда бу пуллар қайсидир маънода сиз ва биз учун хизмат қилиши мумкин эди.

Журналистлар Қашқадарёда ўтказган суриштирувда ноқонуний тамаки маҳсулотлари расталарда очиқчасига сотилаётганини, хатто вояга етмаганларга ҳам берилаётганини аниқлашибди.

Бу ҳолат, аслида бизда тамаки савдоси назорати етарли даражада эмаслигини исботловчи факт ҳисобланади.

Суриштирувга қайтадиган бўлсак, қашқадарёлик божхоначилар жорий йилда 336 миллион сўмлик ноқонуний тамакини мусодара қилган. Менимча бу жуда ҳам кичкина рақамлар.

Контрабанда — бу нафақат иқтисодий жиноят, балки сифати кафолатланмаган, соғлиқ учун зарарли бўлиши мумкин бўлган маҳсулотларни қўлимизгача етиб келиши ҳамдир.

Тегишли ташкилотлар бунга қарши курашиши ўз йўлига, жамоатчиликда ҳам контрабандага қарши иммунитет шаклланиши зарур. Одамлар контрабанда маҳсулотларини била туриб харид қилишдан тийилиши керак, юқорида айтганимдек, бу нафақат иқтисодий жиҳатдан, балки соғлиқ жиҳатидан ҳам зарарга ишлаши мумкин.

👉 @r_kusherbayev