📢 Учора Каардынацыйная рада правяла першае з серыі запланаваных пасяджэнняў, падчас якіх будзе абмяркоўвацца стратэгія дэмакратычных сілаў на 2025 год і выпрацоўвацца адпаведны план, у тым ліку па электаральнай кампаніі ў Беларусі.

📹 Абмеркаванне адбылося без трансляцыі ў YouTube - за такі фармат прагаласавала нарада фракцый, таму што тэма даволі адчувальная. Згодна з дзеючым Статутам, КР мае права праводзіць як адкрытыя, так і закрытыя пасяджэнні. 

🗣 Спікер Каардынацыйнай Рады Анжаліка Мельнікава: “Кожная фракцыя мела магчымасць выказаць свае прапановы і меркаванні адносна накірунку выпрацоўкі агульнай стратэгіі-2025. Дыскусія ўключала ў сябе і прагноз сцэнароў, у адказ на якія дэмакратычныя сілы і КР у прыватнасці павінны мець план дзеянняў. 

Відавочна, такое складанае і сур'ёзнае пытанне патрабуе далейшай глыбокай прапрацоўкі і абмеркавання - не толькі ўнутры КС, але і з іншымі палітычнымі суб’ектамі. Аднак па выніках учорашняга пасяджэння можна сказаць, што ў частцы рэагавання на электаральную кампанію 2️⃣0️⃣2️⃣5️⃣ года ў Беларусі большасць фракцый падтрымліваюць ідэю таго, што дэмакратычныя сілы павінны выйсці агульным інфармацыйным фронтам, выкарыстоўваючы ўсе даступныя медыя рэсурсы, у тым ліку ўласныя каналы і сацсеткі. 

Больш дэталізаванае абмеркаванне будзе працягвацца падчас стратэгічнай сесіі КР напачатку верасня, у якой прымуць удзел лідары фракцый, іх намеснікі, кіраўнікі камісій, Спікер, Віцэ-спікер, Сакратарыят і прадстаўнікі медыя групы.

📩 Нагадваем, што кожны / кожная можа даслаць свае прапановы ў форму зваротнай сувязі на сайце Рады. Дзякую ўсім тым, хто ўжо скарыстаўся гэтай магчымасцю! Для нас вельмі важна чуць голас выбаршчыкаў, бо толькі так мы зможам прымаць правільныя рашэнні, а нашыя людзі - рэальна ўплываць на палітыку.”

📣Парадак адкрытага пасяджэння Каардынацыйнай рады, 27.08.2024:

1) Прэзентацыя прававой камісіі КР, — Міхаіл Кірылюк, “Каманда Латушкі і Рух за Свабоду”.
2) Пытанне аб адкрыцці вынікаў галасаванняў КР, — Ліза Пракопчык, “Моладзевы Наступ”.
3) Прапановы да медыя групы КР, — Маргарыта Ворыхава, “Моладзевы Наступ”.

https://youtube.com/live/3dwm5Ikd2G0

Адкрытае агульнае пасяджэнне Каардынацыйнай Рады, 03.09.2024

1) Прэзентацыя камісіі КР па рэформах, — Юры Губарэвіч, КЛРС.
2) Рыштунак плана "Перамога", — Аляксандр Клачко, блок "Воля".

https://youtube.com/live/ok1i5IhVqXw

Адкрытае агульнае пасяджэнне Каардынацыйнай Рады, 10.09.2024

1) Агульныя вынікі стратэгічнай сесіі,— Спікерка і віцэ-спікерка
2) Азнакамленне з тэкстам зварота ў Камісію па нацыянальнай і рэгіянальнай бяспецы, паступіўшага ад арганізацыі Belpol,— Аляксандр Клачко, Кіраўнік Камісіі НРБ

https://youtube.com/live/82AadeN9FMc

Адкрытае агульнае пасяджэнне Каардынацыйнай Рады, 24.09.2024

Слуханні кандыдаткі на пасаду прадстаўніцы па сацыяльнай палітыцы АПК Вольгі Зазулінскай ,— Спікерка КР Анжаліка Мельнікава.

https://youtube.com/live/N5HnjIFBsVM

Адкрытае агульнае пасяджэнне Каардынацыйнай Рады, 08.10.2024

Некаторыя вынікі працы Каардынацыйнай Рады трэцяга склікання. Абмеркаванне,— Спікер, віцэ-спікерка, усе дэлегаты

https://youtube.com/live/-6u7Kpdmt7w

Каардынацыйная рада звяртаецца да парламентаў Латвіі, Літвы і Польшчы 🇱🇻🇱🇹🇵🇱

Па прапанове фракцыі "Каманда Латушкі і Рух «За Свабоду»", 11 Кастрычніка 2024 года Каардынацыйнай радай была прынята рэзалюцыя “Аб зваротах па спрашчэнню візавага рэжыму і паляпшэнню памежнага руху ў дачыненні да беларусаў”

У ёй Каардынацыйная рада звернецца да ўрадаў Латвіі, Літвы і Польшчы з просьбай палегчыць памежны рух для грамадзян Беларусі, а таксама спрасціць працэдуру атрымання віз, у тым ліку:

- дазволіць запрашэнні ад беларусаў, якія атрымалі міжнародную абарону; 🛡️
- разглядаць магчымасць выдачы гуманітарных віз у трэціх краінах для беларусаў, якія ратуюцца ад рэпрэсій. 🆘

Таксама будзе прапанавана правесці кансультацыі па спрашчэнні візавага рэжыму і верыфікацыі грамадзян з выкарыстаннем інструментаў дэмакратычных сіл для забеспячэння бяспекі і прадухілення абыходу санкцый.

❗️Заява наконт адказнасці Лукашэнкі і прадстаўнікоў рэжыму, якая была распрацавана і ініцыявана фракцыяй «Каманда Латушкі і Рух За Свабоду», набрала 96% галасоў дэлегатаў КР сярод прагаласаваўшых (56 з 80).

Лідар фракцыі Павел Латушка пракментаваў гэты факт:

«Я ўдзячны ўсім чальцам і чаліням Каардынацыйнай рады, якія прагаласавалі за прыняцце заявы "Аб падтрымцы зварота Літвы ў Офіс Пракурора Міжнароднага крымінальнага суда з заклікам расcледваць экстэрытарыяльныя злачынствы супраць чалавечнасці ў беларускай сітуацыі".

У галасаванні па заяве прынялі ўдзел 56 дэлегатаў КР, з якіх 54 (96,4%) аддалі голас "за", устрымаліся 2 дэлегата (3,6 %). Гэта паказвае, што ў нас ёсць абсалютная большасць прадстаўнікоў, выбраных беларусамі, якія падтрымліваюць важнасць прыцягнення да адказнасці Лукашэнкі за злачынствы супраць беларускага народа»

Адкрытае агульнае пасяджэнне Каардынацыйнай Рады, 22.10.2024

1) Дэбрыф візіта дэлегацыі КР у Бундэстаг,— Спікер, віцэ-спікерка
2) Неабходнасьць падтрымкі былых беларускіх добраахвотнікаў на баку Украіны і чальцоў іх сямей,— Фракцыя "Воля"

https://youtube.com/live/oW72puDvpXg

❗️Каардынацыйная рада прыняла Агульную стратэгію дзеянняў на “бязвыбарах”-2025.❗️

Падрабязнаці хутка 🔜

Каментар спікера Каардынацыйнай рады Анжалікі Мельнікавай:

«Сёння Каардынацыйнай радай большасцю галасоў была прынята агульная стратэгія дзеянняў дэмакратычных сіл на безвыбарах 2025, арганізаваных Аляксандрам Лукашэнкам. Гэтая стратэгія была распрацавана сумесна Каардынацыйнай радай, Офісам Святланы Ціханоўскай і Аб'яднаным пераходным кабінетам і Каардынацыйнай радай. Была сфармавана рабочая група, якая некалькі месяцаў працавала над гэтым дакументам. У ім выкладзены асноўныя дзеянні і пазіцыі дэмакратычных сіл, а таксама план дзеянняў, прапанаваны беларусам. Гэтая стратэгія — наш адказ недэмакратычным "безвыбарам" Лукашэнкі».

Беларуская дэлегацыя Каардынацыйнай рады ўпершыню афіцыйна прыме ўдзел у сесіі ПАСЕ ў студзені 2025 года.

6 лістапада Камітэт міністраў Савета Еўропы ўхваліў стварэнне Інфармацыйнага офіса па Беларусі ў Вільні, цяпер чакаецца галасаванне ў Сейме Літвы. Таксама пачнецца праграма стажыровак для беларусаў у Савеце Еўропы, нягледзячы на тое, што Беларусь не з’яўляецца членам арганізацыі.

Адкрытае агульнае пасяджэнне Каардынацыйнай Рады, 12.11.2024

1) Прэзентацыя Прыярытэтаў Міжнароднай Працы,—А. Мамаева, Еўрапейскі Выбар
2) Адкрыты мікрафон. Навіны камісій і фракцый,— Усе дэлегаты

https://youtube.com/live/Z722BIVrGoY

Аліна Коўшык пакідае Каардынацыйную раду ў сувязі з новым прызначэннем на пасаду кіраўніка тэлеканала «Белсат»

Яна падкрэсліла, што не можа сумяшчаць абавязкі ў Каардынацыйнай радзе на новай пасадзе.

"Я добраахвотна складаю мандат сяброўкі Каардынацыйнай рады", — заявіла Аліна. Лідарства фракцыі "Еўрапейскі Выбар" пераходзіць да Валерыя Мацкевіча.

Стратэгічны дыялог паміж дэмакратычнымі сіламі Беларусі і Украінай

На форуме імя Астрожскіх у Кіеве спікерка Каардынацыйнай рады Анжаліка Мельнікава прапанавала наладзіць дыялог паміж дэмакратычнымі сіламі Беларусі і ўкраінскім урадам. Яна адзначыла, што беларускія эксперты могуць працаваць па пытаннях бяспекі, сацыяльнай палітыкі, культуры і іншых сферах. Таксама яна прапанавала падпісаць мемарандум, каб дэмакратычныя сілы Беларусі прызнаваліся легітымнымі прадстаўнікамі грамадзянскай супольнасці.

Мемарандум можа ўключаць пытанні бяспекі, вываду расійскіх войскаў і ядзернай зброі з Беларусі, а таксама ўдзел дэмакратычных сілаў у мірных перамовах па Украіне.

Заклік не прызнаваць «выбары» ў Беларусі ў 2025 годзе

«Лукашэнка не мае права праводзіць выбары, бо з'яўляецца міжнародным злачынцам, вінаватым у злачынствах супраць чалавечнасці і саўдзеле ў агрэсіі. Дакументы з доказамі ягоных злачынстваў ужо перададзены ў Міжнародны крымінальны суд у Гаазе.

Мы заклікаем міжнародную супольнасць не прызнаваць гэтыя "выбары". Дыктатар не павінен мець такой легітымнасці».

Адкрытае агульнае пасяджэнне Каардынацыйнай Рады, 19.11.2024

1) Палаженне аб мерапрыемствах КР,— Яўген Караулаў, Камісія па пытаннях Статута й іншых унутраных дакумэнтах КР.
2) Палаженне аб рэйтынгавым галасаванне ў КР,— Яўген Караулаў, Моладзевы Наступ.

https://youtube.com/live/Fea66omtsDk

⚠️ Інфармацыя аб затрыманні і экстрадыцыі Васіля Веремейчыка

13 лістапада Васіля Веремейчыка, чальца Каардынацыйнай рады фракцыі "Беларусы" і экс-дабраахвотніка Палка Каліноўскага, затрымалі ў В’етнаме. Ужо 14 лістапада яго экстрадавалі ў Беларусь у выніку аперацыі КДБ.

Мы заклікаем усіх беларусаў, якія працягваюць барацьбу з рэжымам, быць надзвычай асцярожнымі і ўважліва выбіраць краіны для знаходжання. Некаторыя дзяржавы могуць не забяспечваць належнага ўзроўню бяспекі і быць уразлівымі для аперацый спецслужбаў Лукашэнкі

Заява Каардынацыйнай рады па сітуацыі з Васілём Верамейчыкам

13 лістапада 2024 года ў Хашыміне (В'етнам) быў затрыманы Васіль Верамейчык, дэлегат Каардынацыйнай рады і былы намеснік камандзіра батальёна "Волат" Палка Кастуся Каліноўскага.

Па атрыманай 19 лістапада інфармацыі ад мясцовай паліцыі, ён быў экстрадаваны ў Беларусь ужо на наступны дзень - 14 лістапада.

Па наяўных дадзеных, аперацыя была арганізавана Камітэтам дзяржаўнай бяспекі (КДБ) Беларусі. Хуткасць экстрадыцыі сведчыць аб загадзя падрыхтаванай спецаперацыі. У Беларусі Васілю Верамейчыку пагражае больш за 20 гадоў турэмнага зняволення ці нават смяротнае пакаранне па абвінавачаннях звязаных з яго палітычнай дзейнасцю і ўдзелам у баявых дзеяннях на баку Украіны.

Аб затрыманні Васіля стала вядома 14 лістапада. Каардынацыйная рада неадкладна звярнулася да міністэрстваў замежных спраў ЗША, Польшчы і Украіны, міжнародных арганізацый з просьбай умяшацца, высветліць абставіны справы і прадухіліць магчымую экстрадыцыю. Прадпрымаліся таксама спробы арганізаваць юрыдычную абарону Васілія, якія аднак сутыкаліся з тым, што адвакаты ў В'етнаме ў большасці сваёй адмаўляліся ўзяцца за гэтую справу. Тыя, хто пагадзіліся, не змаглі атрымаць доступ да інфармацыі, бо мясцовая паліцыя адмаўлялася даваць каментары. Толькі 19 лістапада стала вядома, што Васіля, верагодна, дэпартавалі ў Беларусь ужо на наступны дзень пасьля затрыманьня.
Сітуацыя Васіля Верамейчыка патрабуе асаблівай увагі.

Пасля ўдзелу ў пратэстах 2020 года ў Беларусі і пагрозы арышту ён эмігрыраваў ва Украіну, дзе ўступіў у Полк Каліноўскага. У якасці намесніка камандзіра батальёна "Волат" ён удзельнічаў у баях на поўдні і ўсходзе Украіны, быў паранены ў Мікалаеўскай вобласці, узнагароджаны медалём за заслугі.

Таксама Васіль з’яўляецца сузаснавальнікам Асацыяцыі беларускіх добраахвотнікаў. У 2024 годзе ён быў абраны ў Каардынацыйную раду Беларусі.
Па падставах, якія мы лічым неабгрунтаванымі, у 2023 годзе дэпартамент міграцыі Літоўскай Рэспублікі забараніў Васілю Вреамейчыку ўезд на тэррыторыю Еўрапейскага саюза. Гэта вымусіла яго шукаць прытулак у патэйцыйна небяспечных краінах.

Каардынацыйная рада Беларусі звяртаецца да міжнароднай супольнасці і праваабарончых арганізацый з заклікам прыкласці ўсе намаганні для абароны жыцця і правоў Васіля Верамейчыка.

Мы заклікаем:

- Урады краінаў свету спыніць супрацоўніцтва з сілавымі структурамі Рэспублікі Беларусь, у тым ліку прыпыніць дамовы аб экстрадыцыі і прававой дапамозе.
- Перагледзець падыходы да прадастаўлення міжнароднай абароны і гуманітарнага ВНЖ беларусам у Літоўскай Рэспубліцы і распаўсюджаннай практыцы прызнання беларусаў «пагрозай для нацыянальнай бяспекі», акцэнтуючы ўвагу на індывідуальных абставінах кожнага выпадку.
- Ініцыяваць перамовы з уладамі Беларусі аб магчымым абмене Васіля Верамейчыка на грамадзян Беларусі, асуджаных у Літве і Украіне за шпіянаж у інтарэсах Беларусі.
- Урад Украіны прызнаць Васіля Верамейчыка ваеннапалонным і ўключыць ў абменны фонд
Мы заяўляем аб недапушчальнасці экстрадыцыі палітычных актывістаў у Беларусь, дзе яны падвяргаюцца несправядліваму пераследу.
Заклікаем дэмакратычную супольнасць да скаардынаваных дзеянняў у мэтах абароны Васіля Верамейчыка і прадухілення новых такіх выпадкаў.
Мы выказваем салідарнасць з Васілём і яго сям'ёй і заклікаем да неадкладных дзеянняў у барацьбе за яго выратаванне.