Спікерка Каардынацыйнай Рады Анжаліка Мельнікава распавяла пра вялікае значэнне місіі беларускай дэлегацыі Каардынацыйнай Рады, якая ўпершыню ў гісторыі прадстаўляла нашу краіну ў ПАРЭ і сёння завяршыла сваю працу. Гэта важны крок для міжнароднага прызнання беларускай дэмакратычнай супольнасці і падтрымкі з боку эўрапейскіх партнёраў.

Такія сустрэчы адкрываюць новыя магчымасці для беларусаў. Парламентарыі 46 краін Эўропы аказваюць уплыў на палітыку дзяржаў – сябраў ПАРЭ, што спрыяе ўзмацненню санкцый супраць дыктатарскіх рэжымаў, умацаванню падтрымкі дэмакратычных інстытутаў і грамадзянскай супольнасці. Гэта сведчыць пра тое, што голас свабодных беларусаў гучыць на міжнародным узроўні, і Эўропа застаецца побач у барацьбе за дэмакратыю і правы чалавека ў Беларусі.

Жыве Беларусь! 🤍

🚩 Зварот Каардынацыйнай рады з нагоды гадавіны пачатку поаўнамаштабнага ўварвання РФ ва Украіну

Каардынацыйная Рада дэмакратычных сіл Беларусі трэцяга склікання, абраная 27 мая 2024, ажыццяўляючая дзейнасць на падставе Статута ад 8 ліпеня 2024.

24 лютага 2022 года Расійская Федэрацыя распачала поаўнамаштабную вайну супраць Украіны. Гэты злачынны напад стаў працягам доўгага ланцуга агрэсіўных дзеянняў Крамля, які парушае нормы міжнароднага права і пагражае бяспецы Украіны, Беларусі і ўсяго рэгіёна.

Каардынацыйная рада, ад імя беларусаў выказвае поўную падтрымку народу Украіны. Беларусь, захопленая рэжымам Лукашэнкі, была выкарыстана ў якасці плацдарма для гэтага нападзення, але абсалютная большасць беларусаў ніколі не падтрымлівала і не падтрымаюць гэту вайну. Аб гэтым сведчаць сотні беларусаў, якія ваююць на баку Украіны, а таксама сотні затрыманых і тых, хто знаходзіцца ў турэмным зняволенні за заклікі да падтрымкі Украіны, за заклікі да спынення агрэсіі, за данаты на ЗСУ, за перадачу інфармацыі пра перамяшчэнне расійскіх войск і дыверсіі супраць агрэсара на тэрыторыі у Беларусі і рф.

Мы ўпэўненыя, што наш абавязак не заміраць агрэсара, а дамагацца перамогі справядлівасці. Усе ваенныя злачынцы – ад Пуціна да Лукашэнкі і іх паплечнікаў – павінны паўстаць перад міжнародным судом. Мы заклікаем да змагання за перамогу Украіны, аднаўленне яе тэрытарыяльнай цэласнасці і мірнага жыцця. Гэтая перамога стане важным крокам на шляху да вызвалення і дэмакратычных перамен у самой Беларусі. Будучыня нашых краін звязаная, і разам мы зможам дамагчыся свабоды, справядлівасці і бяспекі для ўсіх.

Каардынацыйная рада дзякуе ўсім міжнародным партнёрам, якія падтрымліваюць Украіну і спрыяюць барацьбе за дэмакратыю. Мы заклікаем свет не спыняць падтрымку і ўзмацняць ціск на агрэсараў.

Слава Украіне! Жыве Беларусь! 💛

Каардынацыйная рада прыняла Рэзалюцыю: "Аб прызнанні інтэрвенцыі Расійскай Федэрацыі ў Рэспубліку Беларусь і ўсталяванні гібрыднай формы акупацыі"

26 лютага Каардынацыйная рада III склікання прыняла рэзалюцыю аб прызнанні інтэрвенцыі Расійскай Федэрацыі ў Рэспубліку Беларусь і ўсталяванні гібрыднай формы акупацыі.

Асноўныя палажэнні дакумента:
✅ Прызнаны факт інтэрвенцыі РФ у Беларусь, якая працягваецца з 1996 года
✅ Лукашэнка прызнаны захопнікам улады пасля антыканстытуцыйнага перавароту 1996 года
✅ Фактычны кантроль РФ над палітычнымі, эканамічнымі і вайсковымі рашэннямі Беларусі
✅ Распрацоўваецца юрыдычная база для тэрміна «гібрыдная акупацыя»
✅ Заклік да міжнароднай супольнасці ўзмацніць санкцыі супраць рэжыму Лукашэнкі і фінансавых цэнтраў РФ

📢 Чаму гэта важна?
Рэзалюцыя фіксуе залежнасць рэжыму Лукашэнкі ад Крамля і фактычны страту Беларусі суверэнітэту. Гэта першы крок да юрыдычнай ацэнкі дзеянняў Расіі як акупацыйных і да міжнародных ініцыятыў па аднаўленні незалежнасці Беларусі.

🤍 Беларусь будзе вольнай!

Сустрэча ў Міністэрстве адукацыі Літвы: што чакае беларускіх школьнікаў?

В.а. прадстаўніка па нацыянальным адраджэнні Кабінета Павел Баркоўскі, прадстаўніца па моладзевай палітыцы і студэнцтве Кабінета Маргарыта Ворыхава, дарадца Офіса Святланы Ціханоўскай па адукацыі і навуцы Таццяна Шчытцова і старшыня Камітэта па адукацыі і навуцы Каардынацыйнай рады Павел Церашковіч сустрэліся з кіраўніцай Дэпартамента адукацыі Іалантай Навіцкайтэ, дырэктаркай групы па міжнародным супрацоўніцтве Юргай Струмскінэ і іншымі спецыялістамі Міністэрства адукацыі, навукі і спорту Літвы.

Абмеркавалі:

✨ прыняцце ў Літве новага Закона аб меншасцях і яго ўплыў на дзейнасць школ для нацыянальных меншасцей;

✨ павышэнне кваліфікацыі настаўнікаў, якія вядуць заняткі з беларускімі дзецьмі;

✨ магчымасці інтэграцыі беларускай моладзі ў літоўскую сістэму адукацыі і арганізацыі адпаведных моўных курсаў;

✨ магчымасці для сумесных праектаў.

Паводле слоў Іаланты Навіцкайтэ, падыход да адукацыі нацыянальных меншасцей не зменіцца з увядзеннем новага заканадаўства. Закон аб адукацыі рэгулюе, сярод іншага, адукацыю нацыянальных меншасцей, і гэтае рэгуляванне застаецца ў сіле. Прадстаўніца міністэрства запэўніла, што ніякіх абмежаванняў для існуючых школ нацыянальных меншасцей, у тым ліку Віленскай гімназіі імя Францыска Скарыны, не плануецца. Школа працягне сваю дзейнасць у звычайным рэжыме, захоўваючы навучанне на беларускай мове.

Міністэрства рыхтуе новы двухгадовы план адукацыі, які прадугледжвае павелічэнне колькасці гадзін вывучэння дзяржаўнай (літоўскай) мовы для школ нацыянальных меншасцей. Аднак гэта не павінна адбывацца за кошт скарачэння гадзін, адведзеных на вывучэнне мовы нацыянальнай меншасці.

Іаланта Навіцкайтэ адзначыла важнасць інтэграцыі беларускай моладзі ў літоўскую сістэму адукацыі і магчымыя выклікі ў гэтым працэсе. Яна распавяла пра захады, якія прымаюцца, каб зрабіць гэты працэс як мага больш гладкім, асабліва ў частцы вывучэння літоўскай мовы, якая з’яўляецца абавязковым прадметам на выпускных экзаменах для ўсіх літоўскіх школьнікаў. Індвідуальныя запыты ў Міністэрства адукацыі, навукі і спорту разглядаюцца спецыяльнай камісіяй, якая можа вызваліць выпускнікоў ад гэтага экзамену, калі яны вучыліся ў літоўскай сістэме адукацыі толькі кароткі перыяд (да двух гадоў).

Акрамя таго, падчас сустрэчы прадстаўнікам Міністэрства адукацыі, навукі і спорту Літвы была прапанаваная ідэя арганізацыі сумеснай літоўска-беларускай канферэнцыі на тэму дэкаланізацыі і дэкамунізацыі адукацыі ва Усходняй Еўропе з выкарыстаннем досведу Літвы як прыкладу.

Павел Баркоўскі, в.а. прадстаўніка па нацыянальным адраджэнні Кабінета: «Для нас падтрыманне адукацыйных праектаў для беларусаў за мяжой, асабліва тых, што адбываюцца на нацыянальнай мове, гэта безумоўны прыярытэт. І Скарынаўская гімназія ў Літве – гэта добры прыклад менавіта такога, фактычна ўнікальнага праекта школы з беларускай мовай навучання па-за межамі краіны. Для беларусаў, якія цяпер вымушана знаходзяцца ў Літве магчымасць аддаваць сваіх дзяцей менавіта ў беларускую гімназію, гэта істотны крок для захавання ідэнтычнасці і прыналежнасці да нашай культуры. Агульная падтрымка беларусаў і іх права на адукацыю ў краінах ЕС – тая задача, якую мы спрабуем выконваць для магчымасці захавання падстаў будучага нацыянальнага адраджэння».

Маргарыта Ворыхава, прадстаўніца па моладзевай палітыцы і студэнцтве Кабінета: «Гэтая сустрэча – важны крок у барацьбе за адукацыйныя правы беларускай моладзі. Для нас прынцыпова, каб беларусы, вымушаныя пакінуць сваю краіну з-за рэпрэсій, мелі роўны доступ да адукацыі і магчымасці інтэграцыі ў Еўропе, не губляючы сваёй мовы і культуры».

@CabinetBelarus