ضقت والضيقات زادت يالخوي
والمتاعب جاوزت كل الحدود

قدني من ضيقي بعايش منطوي
افضل الوحده على كل الوجود

كلما جاء الليل خلاني اسروي
مع هواجيسي لأيام السعود

واترك العالم بدافع نفسوي
وابتعد عنهم ولا ارضى بالقعود

من عناي وضيقتي ملوي لوي
ضايق ن بالحيل ولا علي زود

وادي ابقى مع خيالاتي اخلوي
واسج سجات المفارق والشرود

مجتمع سيء وعالم فوضوي
وفي زمن قد راح ليت انه يعود

ضاعت الامال والنهج السوي
والجميل اليوم قابله الجحود

مجتمع ما هم داني واقصوي
فيه الا كيف له كسب النقود

والمبادي ما لقت له محتوي
والرجوله حاليا ما له وجود

عم فينا الجهل والحاصل شوي
عم فينا الغدر واطباع القرود

والعرب صارو بواقع ماسوي
للاسف خدام وعبيد لليهود

يا هجوسي سج سجات ابدوي
لا حداه الوقت بادر بالجهود

ما شكى ضيقه على من هو اعلوي
بس واصل بالعزيمه والصمود

من يبي القمه يكن عزمه قوي
النجاح اكبر من يناله الرقود

والفشل لو جاك اصحك تنزوي
الفشل هو اول بداية للصعود

ثق بنفسك مستحيل انك تهوي
ولا تسمع للمنافق والحسود

ما بقى يا خوك رجال اشلوي
كود واحد في الميه ولا يزود

#الشاعر_عبدالعزيز_الضبوعي

ما دام باقي رب وامالنا فيه
ودامنا بنعيش والراس ذا حي

ما همني هذا الزمان وبلاويه
انا لها به شي او ما معي شي

الرزق بيد الله ومن شاء يوتيه
سبحانه اللي بعد ليله اقبل الضي

والمال ارحم من بنفسه يساويه
هو الا وسيلة ماهو بشمسن وفي

#الشاعرن_عبدالعزيز_الضبوعي

مريت في .. بالي وشفت اتصالك
كنك دريت انك على البال مريت

وبادرتني الاحساس ومريت بالك
وانا احسبك عقب بعدي تناسيت

صوتك علاجي دمت مانع وصالك
تكفى تكلمني الا اصبحت وامسيت

ارتاح حين اسمعك و يا حبني لك
لا قلت كيفك ي الغلا وش سويت

لاني احبك موت وما ابغى بدالك
انت الوحيد اللي من الناس حبيت

ويشهد على حبي غلاك وخيالك
ما غاب عني يوم من يوم قفيت

عز الله اني اغليك واغلي خوالك
واهلك وجيرانك وربعك انا اغليت

اغليتهم من زود حب ن صفى لك
واغليت ارض ن فيها يا هيه حليت

وانت الله الله لا يطول انشغالك
عني ويمضي عمرنا مانا تعنيت

تسقي لي كؤس الوصل من دلالك
وتوروي ظما قلبي وتنهي التناهيت

اشتقت لك بالحيل مشتاق انا لك
والشوق ياخذني الك وين ما جيت

تكفى ترفق بي ترى القلب هالك
انت الدواء للقلب يا وافي الصيت

#الشاعر_عبدالعزيز_الضبوعي

اشوف الضروف تجور وتبين المخفي
وانا اشكر ضروف الوقت يوم تبين الخافي

عرفت بها الرفيق اللي يحط كفه بكفي
وعرفت بها الرفيق اللي تبين خايب وهافي

#الشاعر_عبدالعزيز_الضبوعي

كتبت فيكي ابيات شعري وخطيت
فيكي القصايد يا شريكة حياتي

ولولاكي يا محبوبتي ما تعنيت
اكتب ولا حبيت هرج و حكاتي

وكتبت لعيونك قصيدي وسجيت
في ذكر حبك يا هناي وسلاتي

حبيبتي اللي وسط هالقلب حليت
والقلب وحدك تسكنيه يا غناتي

اغلى البشر عندي ولافيك ساويت
انسان في الدنيا ولا لك سواتي

خليها في راسك ليا غبت او جيت
لا يمكن ان انساكِ غير في مماتي

انتي الذي من كل هالناس حبيت
حبيبتي اللي ساكنه وسط ذاتي

انتي الوحيدة اللي بها قد تمنيت
يا كل احلامي اي وكل امنياتي

وانا احبك موت ولو ما تحاكيت
وعز الله انك في خفوقي تباتي

وغلاك فاق الكل يا وافيه الصيت
ومحبتك ما ضرها ذا الشتاتي

مهما يطول البعد مانا ذي تناسيت
على العهد باقي وناظرك تاتي

وبانتظر ما دمت بالحب اوفيت
لا آخر حياتي عودتك يا ضناتي

ما انساك لو الحي متناسي الميت
ولو نساك الناس ب ذكرك احاتي

وماخون مهما غبت عني وصديت
ولو يخون الناس تلقي وفاتي

و هذا انا عبدالعزيز ما تخليت
عن المبادي والوفاء من صفاتي

باقي على حطت يدك ماني زليت
تتغير الوجهات ما غير جهاتي

يا حب عمري والفرح والتناهيت
يا بلسم جروحي ومصدر ثباتي

انتي الامل رغم اختلاف التواقيت
واشوفكي القوة ليا افنت قواتي

يا بسمة ايامي اي كفيت ووفيت
يا جعل ربي يحفظك يا مناتي

وعساه يجمعنا على خير في بيت
زوجين ع سنة سبد الكائناتي

باقولها كلمة من الحكي خصيت
نهاية ن وانتي احسبيها وصاتي

انتي الذي من بين هالناس حبيت
و انا بدونش ويش تسوا حياتي

#الشاعر_عبدالعزيز_الضبوعي

قال الضبوعي تأثـر الحيد الأصـم
من حالنــا المخذول والله العظيم

وضاعــت الاقــول كــله والــحكم
وصابــني الاحـباط يالأخ الــكريم

ما عــاد باقي يا صديقي المحترم
الا المجامــل والمنــافق والــعديم

راح الوفــاء واللي بــهم نرفع علم
وما بقــى الا ناس امثــال الحريم

والصدق ضاع من البداوة والعجم
والكل خان ولا وفـى حتى النديم

واهل الوفاء صـارو بخيبات والـم
من طعنة الاصــحاب والله العليم

الــكل لجل الــمال قد جدو الهمم
وباعو الشرف والعز لجله يا فهيم

وصـار راعي المال في راس الهرم
لو كان ما يسوا ريال قالوا حكـيم

المال أصبح في الزمن ذا هو الأهم
اما الرجولة والكرم موضــة قديم

والنذل قد هو عالي ن فوق القمم
والكفو شفته يشكي الجرح الاليم

جانا زمنـا عــكس ما بــه من سلم
واعــتز فيه اللاش والرجل اللئيم

واتمكن الـورعان واصحاب الذمم
واتحلبط الرجال والــشهم الكريم

صار الوفي خاين وصار الطيب هم
وصار الصديق بالانس ياذيه مقيم

وعند القساء يرجع تقول انه صنم
لا يملك النخوة ولا العقل الحكيم

كم يا حقايق موجعة يا كــم وكم
ماقول ما خلي وش الرأي السليم

لم يكـفني التعبير وحـروف القلم
لاجيت اوصف حال اشبه بالجحيم

#الشاعر_عبدالعزيز_الضبوعي

لي شخص لو يعرف كم اشتاق لوصاله
جاني لغرب الارض لو كان في المشرق

ولو يعرف كم اغليه ماكان صك جواله
وليته درى ان الشوق ب النار لي يحرق

وهو الوحيد الذي ما اقدر على اهماله
وهو الوحيد للفرح لا اقفى علي يسرق

فرقى جميع البشر عندي على جاله
ماهي بتفرق ولكن غيبته وحدها تفرق

#الشاعر_عبدالعزيز_الضبوعي

ما عاد انا مبسوط ولا انت مبسوط
خيم علينا الحزن بسبب اغلاطك

اصبحنا مكسورين وبحال مخبوط
و ما عاد تفرق كم عددها نقاطك

شق القلوب ما ينفعه ابره وخيوط
ولا عدت اصدق كذبتك وخراطك

#الشاعر_عبدالعزيز_الضبوعي

ما عاد ب يغريني الوصل ولا يأثر بي الفراق
اثنينهم صاروا سوا في عين راعي التجارب

خذ راحتك ما همني التقصير منك والشقاق
ما عدت انا عبدالعزيز ذي كان لجلك يحارب

#الشاعر_عبدالعزيز_الضبوعي

كانك تبي ياصاح تعرف وش الصح
ترى الصحيح انك على مبدا تكون

وليا بغيت لأنسان يا خوكك تنصح
على انفراد انصح ما دام انك تمون

#الشاعر_عبدالعزيز_الضبوعي

يا خي فداك الكون واهل البسيطة
ي الوافي اللي ما مثيلك أنسان

لاجيت ادور مكانك بهذه الخريطة
شفت الخريطة كلها عبدالرحمن

#الشاعر_عبدالعزيز_الضبوعي

كل صباح يكون متاح لك احد خيارين !
اما ان تكمل نومك مع احلامك ، او تستيقظ و تعمل بجد .

#صباح_الخير 💙

#دعوة_صباحية:

اللهم كُن لأمنياتنا مُجيباً ولضعفنا سنداً ولإنكساراتنا جابراً .🕊
#صباح_الخير💙

يخجلني طيب الغريب وقسوة الأقربون
وتدهشني وقفات الاول واعتذار الاخير

لكن على الله يا وقت ن خلى الطيبون
منه ، ولا عاد باقي .. الا الردي والحقيرِ

قالوا القريب ل قريبة وقلت لا تكذبون
ومن قبل كانوا يقولها ، واقول ما يصير

الين جربتهم .. يا غبن قلبي .. غبون
قلت الأقارب عقارب .. الصغير والكبير

يا ابناء عمي على الراس وكلما تطلبون
حاضر ، وتبشر ب السعد ما دامي قدير

وان كان شي فاق مقدوري فلا تتعبون
ما يخلق الشي من عدمه سوات القدير

العمر رحلة ..  قطار ، وحنا بها راكبون
وبنروح منها ولا نأخذ سوا افعول خير

ومن شانت افعالهم من رحمته يسلبون
ومن زانت افعالهم ماشفت منهم كسير

هذه الحياة فانية ـ وفيها البشر يلعبون
قليل من هو  تغانمها ..  وخاف السعير

والاغلبية .. فقط للمال ..كيف يجلبون
اقصى طموحاتهم شايب و شيخ وامير

يا رب لا ترجع الأعراب .. للمستعربون
واقضى لنا كل حاجة ي السميع البصير

انت العزيز القدير .. وغفراك للمذنبون
طلبت عونك ولا بغيرك اجير واستجير

اصحابي الغايبة وقت القسا وش تبون
لا زان وضعي نشدتو وكيفك انته بخير

بخير والحمد لله و ما اصحب الخيبون
انا رفيق الرفيق .. اللي لقيته .. النصير

#الشاعر_عبدالعزيز_الضبوعي

عليك السلام ورحمة الله وبركاته
يا محزم ن ما ارتخى يا الوافي الكامل

سلام الرفيق الذي جاء لك بكلماته
ولك يا بن مسفر كتبته صدق ما جامل

رفيق ع طول الغياب ما خان رفقاته
خوي القساء والسعه و الصاحب الصامل

فداك ذا الكون وذي شانت علاقته
وفداك راعي الردى و اللاش و الهامل

#هذه_الأبيات_مهداه_للصديق_الغالي .
#عبدالرحمن_محمد_محمد_مسفر .
#من_اخوك .
#الشاعر_عبدالعزيز_الضبوعي

اخوك درع وسيف ورماح وسهام
اياك ترضى في اخوك الشتيمة

الأخ نعمة ما تعوضها الأيام
وحياه دون اخوك ما الها قيمة

الأخ نعمة عاد في دين الاسلام
وذكرها في ايات الكتاب الكريمة

اخي عضيدي يا رفيقي ولو دام
جفاه انا ما اجفاه ولا اضيمه

اخي السند والرأي ياصاحبي عام
من هو مثيل الاخ ولا نديمة

والله ما تلقى في الشرق والشام
مثيل اخوك لو كنت فعلا غريمة

#الشاعر_عبدالعزيز_الضبوعي

يلومني الجاهل ويعذرني الحكيم
والحقيقة ما احسب حساب الملام

لأني اعرف وش هو الرأي السليم
ودامني اعرف مافي داعي للكلام

و الهموم المخفيه ب صدر الكريم
لا تحاول كشفها .. يا ابن الكرام

ب عتبرها سر اي .. والله العظيم
لان ما تعودنا .. على شكوا الانام

#الشاعر_عبدالعزيز_الضبوعي

يخجلني طيب الغريب وقسوة الأقربون
وتدهشني وقفات الاول واعتذار الاخير

لكن على الله يا وقت ن خلى الطيبون
منه ، ولا عاد باقي .. الا الردي والحقيرِ

#الشاعر_عبدالعزيز_الضبوعي