ان شاء الله منشرب شاي النّصر قريبا ببيوتنا ❤️✌🏻

تَيكبَر الزّيتون كل شِبر بشِبر ❤️‍🩹

ان شاءالله قريبا منلتَقى بظروف أحسن و نصر كبير يا أحلا و أجمل وَطن 🇱🇧💔

الخريف هون حلو بس مش أحلا من خريف بلادي 🍂
بتعرفوا ليش ؟ عشان هون الخريف بس مناظر طبيعية و بلا روح .. بس ببلادي 🇱🇧 كان الخريف الو روح و ريحة و طعمة و لون...
الخريف بلبنان يعني تجهيز المونة و الحطب، قطف الزيتون و الجوز .. مدّ السّجاد و تركيب الصوبيا .. التجهيز للمدارس و القرطاسية .. و تنزيل التياب الشتوية.
يمكن ما حدا يصدّق بس أنا كنت شم ريحة الخريف.. بس هالسّنة ريحة الخريف غير 💔 ريحته دم و موت و ظلم و دخان .. بسس
متل ما قلتلكن الخريف بلبنان الو روح .. ❤️‍🩹

بس لتعرفوا .. مش بس الخريف الو روح، بلبنان كل شي الو روح لإنو لبنان بلد الروح .. بتعرفوا انو اللبناني لما يفل بيترك روحو تحت ؟!

و لمّا نقلكن انو يلي بتقاتل فينا هيّ الرّوح صدقوا .. الرّوح يلي المقاوم بس بيعرفها و بيملكها .. لهيك لو نحنا بعاد بس الروح يلي تركناها تحت عن تقاتل كمان ، و هالشي عدونا ما بيملكه.. لهيك طوّل بالك يا لبنان و تحمّل يا حلو و تأكّد انو أبنائك المقاومين مش تاركينك و روحن كرمالك 💛

✍🏻#رزان_صلاح