قصيدة القائيه او نعي

لقاء زينب والحسين

عليهم السلام

🪞🪞🪞🪞🪞🪞🪞🪞


هسه اتكابلن يحســــــين  الاروح
وتســــمعني يخويه وراح اسمعك

واسولفلك حجي الشيبلي الراس
واخلي من الحجي كلبك يِوِجْعَكْ

صار اشهور اتــــاني الــــملگه وياك
واخبرنك بوضعي وكول  وضــــعك

وانشدنك يخويه اجروحك اهـــواي
وطابت لوبعدها اروضوض جسمك

ميته وياك لو بيـــدي بهذاك اليوم
ولا امشـــــي سبيه وما ادفـــــنك

اشكد اتوســـــلت يحســـين ما فاد
ردت اكعد عله الغــــــبره والمـــك

اطلعـــــهن وصـلك من جوه الكاع
واغسلنك ابدمعي فــــــيض دمك


ماقلـــــبوا يخويه وعالـــــهزيلات
مشوني غصب واســــــتمع ونك

اشمن ريحتك من فوك الانيــاگ
من راسك تفوح وهيل جنـــــك


خل نترك حجي الطــــف وبلاويه
وسولفلي يبعد اهلـــي عله امك

شحال امنه يخويه بيوم عاشـــــور
وحدر الخيل من شافته جسمك

اظن بروحهه اتفيي عله الاضـلاع
خافن تنكسر خويه وتلچــــمــك

وتسد عيونهه لو ردت الخــــيل
ماعدهه جسد هيه وتضمـــــك

ردت للســـــمه بقارورة ادماك
وتشكي يم ابو ابراهيم وضعك

وجابت روحك وكعدت تداويــك
وصبغت راسهه من لون دمــــك

و تباوع عالارض متمـــدد اهناك
شبكت روحــك وكامت تشـــمك

هيجي رويحت امي بنصك اتحوم
ومحتاره بقت منهو  الــــــيلمك

وردت للارض وياهـــــه جــــبريل
تدور خنصــــــرك وتنــــــوح يمك

وسوتلــك عزاء وينــــــعن الحـــور
وعله اصدورهن ســـــونه لطـــمك

يعـــــــازني يــريدن من عله النــوك
ويا مــــــــحله العـــــزاء يصير يمك




🪞الشاعرة ام زينب الحسيني

العباس يحضر امه
من وزن الموشح
شعر. .دكتور كاظم المعقلي
&&&&&&&&
يمه جيت احضر دفنتج غايِتي
ارد الف نعشج ييمه برايِتي
+++++++++++++
يمه هاي الرايه من فيض الجنان
بيها ريحة كربله بذاك الزمان
جيت الف بيها النعش يم الحنان
آيه هايه وجيتچ آنا ابآيِتي
ارد الف نعشچ ييمه برايتي
++++++++++++
جيتج امن الطف الج گاطع حدود
ارد اغسلج من دمِعْتي العالخدود
عذرا اتشيل النعش مالي زنود
بيش اشيلچ يمه صعبه احچايِتي
ارد الف نعشچ ييمه برايتي
++++++++++++
يمه من طف كربله وجيتج حزين
هاتف اتراوالي ينعه ام البنين
يمه رخصه اترخصت من الحسين
ورخصه من زواري يُمه ابثايِتي
ارد الف نعشچ ييمه برايتي
++++++++++++
كون الحّگ يمه بيچ الگه الحياة
بيدي انگط الماي الچ وكت الممات
يمه جايب ماي الچ من الفرات
صوغه من احسيني من تچايِتي
ارد الف نعشچ ييمه برايتي
++++++++++++
يمه جيتچ يلحبيبه ابلا چفوف
مستحي وروحي اعلى بيبانچ تطوف
خافن امقصر چنت يوم الطفوف
من اجاچ الراوي يروي اروايِتي
ارد الف نعشچ ييمه برايتي
++++++++++++
يمه جيتچ جايب اوياي الدموع
من جفن زينب توصيني وتلوع
تگلي سلّملي اعلى محنيت الضلوع
هاك اخذ لأم البنين اعبايِتي
ارد الف نعشچ ييمه برايتي
++++++++++++
يمه وصوني بنينچ مستحين
قبّل امنا اعلى الثغر واعلى الجبين
يمه رادوا دفنِتچ يم الحُسين
الزهره گالت تندفن بولايِتي
ارد الف نعشچ ييمه برايتي
++++++++++++
يمه منچ اعتذر يم الاباء
ازرت ابگلبچ مصايب كربلاء
يوم ابن حذلم اجه وصاح ابنداء
وخبّرچ عن دمي ومسنّايِتي
ارد الف نعشچ ييمه برايتي
++++++++++++
ارد اشيعج يمه بدموع وونين
ياحنين المنه ينبع كل حنين
گلبي يرفع نعشچ آنا ابلايا ادين
صعبه من ابتدي وصعبه انهايتي
ارد الف نعشچ ييمه برايتي
++++++++++++
يمه اودعچ يَم صفيّ الانبياء
أمّنت نعشچ بأدين اهل الكساء
راح اسوي قرايه الچ وانصب عزاء
الا ابچّي اهل العرش بقرايِتي
ارد الف نعشچ ييمه برايتي
++++++++++++

🫧🕊من اعمال ليلة الجمعة أن يقول المؤمن🫧🕊
عشر مرّات :

يا دائِمَ الْفَضْلِ عَلى الْبَريِّةِ
يا باسِطَ الْيَدَيْنِ بِالْعَطِيَّةِ
يا صاحِبَ الْمَواهِبِ السَّنِيَّةِ
صَلِّ عَلى مُحَمِّد وَآلِهِ خَيْرِ الْوَرىْ سَجِيَّةً
وَاغْفِرْ لَنا يا ذَا الْعُلى فى هذِهِ الْعَشِيَّةِ.

اناغيلك عشگ
من دم محترگ
صــار ســـــنين اتاني
عله عيوني غفه
حلم بس ماصفه
حلم صاحب زماني

يمته تثــمر الندبه وتظــــهر ديـــــنك الباقي
نهر ميت نشف طينه هيج صـــايره اعماقي
تره روحي بلا مهدي شجره مناطره الساقي
وكل ما طـالت الغيبه تبدي اتصوفر اوراقي

ايــن النجوم الزاهره
مو کلبي ناره موجره
شوكت ابقه انتضر … ياجرح العمر

من عشــــــگي ذاك الاولي
عندي وصي من رس علي
اكحل عيني بي … امامي المنتظر

اخاف الموت يلفيني
ومنك تنحرم عيني
غيري يشوفك وانه
تراب الگبر غاطيني

راح احجي جروحك
بداعت ذن جروحك اكسر غيبتك
محـد رد ثـار اهلك
وطلعت بيـن الـوادم تركض عمتك
......
الله يـا حـامـي الـشــــــريـعـة * * * أتـقـر وهـي كـذا مـروعه
بـك تـسـتـغـيـث وقـلـبـهـا * * * لـك عـن جـوى يـشكو صدوعه
تـدعـو وجـرد الـخـيـل مـصـغـيـه* * * لـدعـوتـهــا سـمـيـعه
وتـكـاد ألـسـنـة الـســــــ‎ـيـوف * * * تـجـيب دعوتها سـريعه
.....
وين ادورك … ليت شعري يوصل لحضرة جنابك
وشوف شيسوي بكلب اليحب غيابك
تدري كل جمعه افر وجهي اعله بابك
.....
من جمعه لجمعه
تهلكني الــــدمعه
لو تـــدري بحالي
چــن ام امضيعه

بنفسي … مره لو بالصدفه اشوفك
بنفسي … يمته اقبــــــلهن جفوفك
بنفسي … هسه مــره بطيف مرني
بنفسي … عيوني محتاجه لطيوفك

وهل مثلك يقبل مثلي
اذا رافضني بـس گلي
يوميه اكــــــولن هاي
بلا مهدي العمـر شلي

ياخذني الهجـــر ويرد
اريد اوصل لابن احمد
اين السبب المتصل بين الارض والسمه
ثارك بيه مـــــــــا يبرد
موجر گلبي چن مـوگد
يذبحني اليجامل على كسر امك فاطمه

نسو كسرة ضلعها
ملعون الــــدفعها
والبلوه صـــفعها
وبعدها الوادم تجامل

اسف جرحتك … ولكن مو قصد
ضل الاشتياق … ياخــذني ويرد
ابجيك بدمع … دمــــع فاگد ولد

بدونك كلشي ماينفع خـــل تهجرني الوادم
المهم عندي اشوفنك واسمع (الايا ايها العالم)
كلبي يترجم حروفك كوه يضل يضخ بالدم
مريض وعلتي مخفيه وانته تعرف المبهم

متى ترانا ونراك
وبيدك الرايه تصـيح
جــدي عالغبره ذبيح
تشفي بيدك جم جريح … متى ترانا ونراك

ياكاشف الكربِ عن وجه الحسين
اكشف كربة المهدي
فقد طال الصدى
بك يارب ياغياث المستغثين
حزنه بكل وكت يبدي
ازل عنهُ الاسى
فأليك الرجعى والمنتهى
فقد طال الصدى

بوجهك الكريم
بلطفك الرحيم
اجعل حوائجنا بهِ مقضيه
اجعل صلاتنه بهِ مقبوله
اجعل ذنوبنا بهِ مغفوره
بوجهك الكريم
-*-*-*-*-*-*-*
خادم القصيده
عزيز المياحي

هليلة هليلة أنهني فاطمة
والمصطفى الهادي وحماي الحمه

1
من قلبنا للنبي هنينه
للوصي راعـي الشدد وفينه
الليلة عيد الزهرة عاد علينه
ياهلا وكل الهلا نادينه

ويانه فرحانه أملاك السمه
والمصطفى الهادي وحماي الحمه

2
الليلة فاطم نورت دنيانه
وناده جبريل الملك آذانه
بالمدينة استقبلوا الريحانة
جنة الفردوس جت ويانه

بيها العرش باها هاي العالمة
والمصطفى الهادي وحماي الحمه

3
بالفرح يوم الفرح نتلاكه
وكل محب للزهرة يهدي أشواكه
الليلة كل شيعة علي مشتاكه
هذا حبنه ومانريد افراكه

والليلة دعوانه خدمة فاطمة
والمصطفى الهادي وحماي الحمه

4
من الجنان انقطفت التفاحة
والقلب بالحب نشر أفراحه
بالسمه جبريل رف أجناحه
من بزغ نور الشرف مصباحه

قبل الخلق فاطم هي متممه
والمصطفى الهادي وحماي الحمه

5
بيها مابين الخلك نتباها
بالشدايد كل وكت ننخاها
فاطمة الزهراء ماننساها
نعيش وياها ونموت وياها

والله العمر كله ألها نقدمه
والمصطفى الهادي وحماي الحمه

6
هاذي فاطم بيمن انجازها
شما خدمنا والله مانوفيها
رابح الجنة التقرب ليها
وخاب كلمن ماتمسك بيها

محلاها وياها حسن الخاتمة
والمصطفى الهادي وحماي الحمه

بغداد
امجد صاحب الشطري.

https://www.tgoop.com/rdeaa

لولادة الزهراء عليها السلام

بيوم مولد فاطمة الحره الزچية
صلي ياربي على خير البريه
★★★★★
بنورها انطانه الهداية من الفتن
صاحب الاحسان ربي والمنن
من علل هذا الوجود ام الحسن
مولد الْغَيَّر مقاييس الزمن
ندعي ربنا بكل صباح وكل مسيه
صلي يا ربي على خير البرية
★★★★★
العالمة بنت العلوم الكاملة
انطاها رب الكون اشرف منزله
الطاهره الحرة التقية الفاضله
ازهر الدين على كل دين اعتله
بهذا يوم الخير والساعة الهنيه
صلي ياربي على خير البرية
★★★★★
كتله من ايمان وإحساس وكرم
وفلسفة تشريع طَيَّح كل صنم
قدمت اروع مفاهيم. وقيم
وبينت شنهو المهم عن الأهم
عليك بام الخير والدرة النقيه
صلي ياربي على خير البريه
★★★★★
مولد الدره النقية الطاهرة
الدوم ميمونه وتقية وصابره
الراضية المرضية هيه وزاهره
جنة الدنيا وكمال الاخره
نظل ندعي بالانوار الفاطميه
صلي ياربي على خير البريه
★★★★★
لوحه بيت الشرف بالنور انرسم
بنور ساطع چان من قبل العدم
باب نعمه وخير  للباري وكرم
بحبها يوم الحشر مَنْزَّل  القدم
اعليك بالحره العفيفه الهاشمية
صلي ياربي على خير البرية

الشاعر حسن لعيبي الحريشاوي

 
مولد سيدة النساء  فاطمه ع
.
.
.

حبــيبة الســـماء .. فاطمه
ســـيدة الســخاء .. فاطمه
قل عنها ما تشاء .. فاطمه
ام الحسن
--------

حوراء آنســيه .. حـــوريه قدســـيه .. نفـحه آلاهيه
عطر العرش بيها
سبحانه جللها .. ومن نوره كملها .. للهادي ارسلها
ايـــات يتـــلـــيها
 
لاموعجيبه يابشـر من انته تسمع
لو انزلت على جـبل فاطم تصدع
 
ليس لها قــريـن .. فاطمه
والطورِ والسنين .. فاطمه
قل عنها ماتشـاء .. فاطمه
ام الحسن

--------

الجنه وما بيها .. ربك امسويها .. الفاطمه وطاريها
بگد مايحبها الله
الكون ومجراته .. والعرش واياته .. تسجد الكلماته
اعلـيها اذا صله
 
من قالها من حــر جهنم والله يسلم
صل الله علــى فاطمة الزهرا وسلم
 
نعم هي الخـيار .. فاطمه
في لجج البحار .. فاطمه
قل عنها ماتشاء .. فاطمه
ام الحسن

--------

بارينه دللها .. وعالـــناس فضــلها .. كـل الوجود الها
ورهن الاشارتها
والرفض الفكره .. خسران كل عمره .. المابيع الزهره
ينحرم نظــرتها
 
والماتصدله ام الحـسن يوم القيامه
لاماتفــيده من يعـــض اصبع ندامه
 
طوبى لمن يقول .. فاطمه
ريحانـة الرسـول .. فاطمه
قل عنها ماتـشاء .. فاطمه
ام الحسن

--------

جـــلت معـــانيهـا .. نور العرش بــيها .. نلهـــج ابطاريها
اطهر المخــلوقات
الحق نحچي منغالي .. بالصيتها عالي .. البنت النبي انوالي
اشرف الموجودات
 
لا اســيا ولامــريم اولامــيه مــنهن
الازغر مناقب فاطمه يوصلن فنهن
 
بوصلة الوجـود .. فاطمه
وسدرة الخلــود .. فاطمه
قل عنها ماتشاء .. فاطمه
ام الحسن

------

البحروفها اتــغنـــه .. يســـتاهل الجــنه .. والــراد يــــتدنه
للهادي خـــل يفرح
ميلادها الزاهر .. بوجه السمه ضاهر .. الاشرف ستر طاهر
بصوت الوفه نصدح
 
ستر السماوات السبــع جابــــت هدايا
من السمه الكل امرءه احجاب وعبايه
 
مختصر الجواب .. فاطمه
ايــقونة الحجاب .. فاطمه
قل عنها ما تشاء .. فاطمه
ام الحسن

-------

بيها الكرم معلم .. وبهالسخا نعلم .. تنطــي ولاتهـــتم
والزايد اتزيده
جبريل يگصدها .. حاجاته متردها .. طلباته من عدها
والها يـمد ايده
 
لو هوه حاجــه يريد مـــن رب البريه
واسطته صدگوني تره الزهره الزچيه
 
مقامـها عظيــم .. فاطمه
نعم لدى الكـريم .. فاطمه
قل عنها ما تشاء .. فاطمه
ام الحسن
-------
حيدر تركي الكربلائي
 
 

مولد الزهراء ع

مولاتي .. انتي نور ما يشبهچ ثاني
مولاتي .. ظل يفور عطرچ الرباني
مبروكه يزهراء مبروكه يزهراء
اللهم بارك للهادي الهاشمي
*
يالزچيه ابهل ولاده الله وزع نوره
سورة الكوثر بدونچ ما تصح! مبتوره
الدنيا گبلچ يالوديعه امغيمه ومكسوره
إلوحي بشرها صرتي وعكست النه الصوره

دنيانه .. تضوي دوم لجل هاي عيونچ
دنيانه .. بيها عين منها شفناه نورچ
مبروكه يزهراء مبروكه يزهراء
اللهم بارك للهادي الهاشمي
****
انتي دون الناس كلها صوره شغلت بالي
اندلع المولود عدنه بالذهب والغالي
يالزچيه من يثمنچ غير ربنه العالي
انتي من الله هديتچ ابو حسين الوالي

بس حيدر .. كفو صار آيه تشبه آيه
بس حيدر .. ما يلوگ الچ غيره امرايه
مبروكه يزهراء مبروكه يزهراء
اللهم بارك للهادي الهاشمي
****
ابو العتره الهادي احمد ما تصح ابدونچ
انتي ما بين الرساله والامامه اعيونچ
وصل انتي وسلسلتهم  گعدت اعله امتونچ
انتي اول مره صرتي ام ابو مضمونچ

يالزهره .. اچبيره دوم رغم زغر اسنينچ
يالزهره .. الله نور ودّع ابچفينچ
مبروكه يزهراء مبروكه يزهراء
اللهم بارك للهادي الهاشمي
****
بسمة الهادي اشحلاها بيها ضوه الديره
ابمولدچ يالزهره يدري اكتابه حل تفسيره
لوله انتي واهل بيتچ چا فلكنه ابحيره
لا شمس لا بحر يجري الهوه منهو ايديره

بارينه .. سوه كون چي يحبكم ثاري
بارينه .. سوه نور والعرش والذاري
مبروكه يزهراء مبروكه يزهراء
اللهم بارك للهادي الهاشمي
****

الشاعر اياد الديراوي

(موال) 🌷
مولد الزهراء ع


الـيـوم يـحـلـه الـفـرح خـلـونـه نـتـغـنـه

ونحضـر الـهـل حـفـل الـيـاس والـحـنـه

ونعوف كـل الـحـزن والـطـيـبـه نـتـعـنـه

الـمـا يـفـرح ويـبـتـهـج ياناس مـو مـنـه

بالدنيا كلشي اخـتلـف الـيـوم اشـوفـنـه

الأسـود انـبـدّلــه الابـيـض عـوض عـنـه

هاليوم مـن الـعـمـر ياشـيـعـه مـا چـنـه

حـبـنـه يـضـل للأبـد ولـلـمـوت نـتـمـنـه

نـلـهـج بأسم فـاطـمـة تـفـاحـت الـجـنـه

بـمـولـدهـه للمصطفى جـن وأنس هـنـه

*---------------------*---------------------*

✍خادم الزهراء (ع)
الشاعر رعد الجريخي

مولد الزهراء عليها السلام




طير الــــــفرح صدّاح
بالـــــــبهجه والأفراح
خل ننثر الـــــــــقداح
بسم الزچيه      
بسم الزچيه




كل محب هليله لازم يشعل اشموع الـسعاده
ايبارك لــــــسيد البريه ولخديجه ابهل ولاده
نزلت ابـــــهليله سوره عل سور تملك سياده
چن صلاه محفل ذكرها ، اي نعم ينعد عباده

وبمحفل الزهراء         مريم تجي وحواء
يلگن فرح واضواء        بسم الزچيه








هيه بس دون الخليقه من جنان الباري اصلها
چانت ابــــأحشا خديجه اتنادي يا يمه وتگلها
أزهرت يوم الـــــولاده سبعه وي سبعه لأجلها
واسطه ابين النبوه والأمامه الــــــــرب جعلها

برض المدينه اسرور       يوم انولد هلنور
صار الذنب مغفور           بسم الزچيه






كل مَلك أُمنيته صارت بالـــــــــمهد كون اليهزها
فاطمه ومو بس محمد رب محمد هم يــــــعزها
والدليل ابعرشه اسمها عل عرش كلمه اشيچزها
الله لو يبعث نبيه فاطمه ابلا شك يـــــــــــدزها

صارت بمر قيوم       أُم لهدعش معصوم
تفخر شمس و انجوم        بسم الزًچيه







اُم ابوها ومنه   ورثت هيبته وعلمه وكماله
هيه بس قدمها طه امن الـــنسا يوم ابتهاله
بيها سـر محد يفسره خصها بي رب الجلاله
بالـــــگبر هيه الشفيعه منكر اتجاوب سؤاله

ابكل شده وابكل عوز      تحضر نجاة وفوز
باچر صراط انجوز          بسم الزچيه







يله خل نرفع  ادينه ونندعي ابجاه الزچيه
ربي قرب ثم عجل صاحب الطلعه البهيه
يضهر وقسطاً وعدلاً تنملي ابجاله الوطيه
غايب وياساعه نحضه ابجيته الـ هي احلى جيه

من يضهر الموعود نفزع خدم واجنود
ننثر عمرنا اورود بسم الزچيه
ــــــــــــــــــــــــــــــــــــــــ
سيد علي عبدالزهره الناجي

اللهم صل وسلم...عله فاطمه

ابعدد انفاس الخلائق عالوطيه
صل عالزهراء يارب البريه
خلي املاك السمه ابهاي المسيه
اتطوف محفل فاطمه الزهره الزچيه
ينجمع...حب او ولاء
ينسمع...هذا النداء
يرتفع...صوت الصلا...عله فاطمه

المحفل ام حسين هالليله إجينه
بينه يتباهه النبي من اعتنينه
بالعشگ والشوگ والحب رددينه
صل يارب على بضعة نبينه
فاطمه...نور انولد
للسمه...أزهر بعد
هايمه...اطيور السعد...عله فاطمه

ابعث ايات الموده والتهاني
للنبي والمرتضى ايردد لساني
دعوه من عدكم لتحقيق الاماني
ايعجل الباري فرج صاحب زماني
بم حسن...يمته نمر
بالعلن...نبني الگبر
بالصحن...نقره الشعر...عله فاطمه

سيد علي الموسوي
ذكرى ولادة السيدة الزهراء ع

يازهراء ... يافاطمه

كوثر نبي الرحمه..نعمه وأجل نعمه
مولدهه للامه...خير وسعاده
والسيد الساده...گلب المحب ناده
يتحقق امراده...ابهاي الولاده
السيد الساده النبي هادينه
بالتهاني هالمِسه اتعنينه
من گلب والسان هالنادينه
يازهراء...يافاطمه

مبتشره دنيانه...فرحانه ويانه
نور الله بِسمانه...نور الزچيه
مولدهه شع نوره...واعداهه مقهوره
وشيعتهه مسروره...هاي المسيه
خل يعطِّر كل مُحب دَلاَّله
بالصلاة اعله الرسول وآله
هالنداء الفاطمه يتعاله
يازهراء...يافاطمه

كل الفخر بيهه...سماهه باريهه
واتهني مهديهه...خدام الحسين
بالفرحه تتشارك...يالغايب احرارك
تهتفلك انصارك...يبن المَيامِين
فدوه لاسمك ياشمس مصباحنه
يالضهورك بي تتم افراحنه
واسمع الليله اشتصيح ارواحنه
يازهراء...يافاطمه

سيد علي الموسوي

افراح.  مولد البتول الزهراء عليها السلام
.................................


صوت النوارس .غنّــه.
يا هلا. بعطر. .الجنّــه.
ــــــــ ــــــــ ــــــــ

فاحت نسايم والورد ضل خجلان.
ونتشر عطر الجنه بين الأكوان.
رحمه واجت عالارض من الرحمان.
انولدت الزهره .وفاركينه الاحزان.

ياس. بصواني. وحنه.
ياهلا.. بعطر.. الجنه.
ــــــــ ــــــــ ــــــــ
صوت المشاعر عالگلب يقره انغام.
يتنفس بشهگت عبير الاحــــلام.
من اجت فاطــــم نورت هالايام.
وارتفع وي مولدها سور الاســلام.

حب فاطمه الحزمنه
ياهلا.. بعطر.. الجنه.
ــــــــ ــــــــ  ــــــــ.

نورت  دنيانه  وخجل حتى   النور.
عن هالولاده كل محب ضل مسرور.
كلمن هجر صفگت فرح ما معذور.
خلّي الهلاهل تعبر السبع ابحور.

كل محب خل يتغنه.
ياهلا.. بعطر ..الجنه.
ــــــــ ــــــــ ــــــــ.

هاي.. العزيزه  الام لبوها انولدت..
وبسر سماوي  وحجر  طه تربت
بشهگت حنان انفاس امها تغذت
والملك. والحور.بسماهه انسعدت

جن وانس تتهنه
ياهلا بعطر الجنه.
ــــــــ ــــــــ ــــــــ.

حوراء انسيه ابتشر بيها الكون.
ياقوت جمشت. يشم. لؤلؤ مكنون.
آيه احتوت ايات صــار المضمون.
مصحف الشيعه غصب عالمايرضون.

الليله انولد موطنه.
ياهلا بعطر الجنه.
ــــــــ ــــــــ ــــــــ..

هــاي البشاره اتكللت بالافراح.
يم طاري اسمها المرض والهم ينزاح.
الليله البتول اتمركزت بالارواح.
نتبادل ابمحفلنــــه ورد القداح.

اجمل ورد قدمنه.
ياهلا بعطر الجنه.
ــــــــ ــــــــ ــــــــ
✍️ ابو منتظر الحجامي

البضعه وأم ابيهـــا فاطمتنه
اُمنه اعله عشگـــها فاطمتنه
أنه بيوم القيامه فاطمه اتنه
تجيني ام الحسن تشفع اليه
༺༺༻
حيدر بشار الدراجي

بس تنخه الزهره
بس تنخى الزهـــره
شعر:د-كاظم جاسب المعقلي
ـ@@@@@@
بس تنخى الزهـره...اي والله
المهموم تحضـره ... اي والله
هاي الزهـراء ام حسين
بنت احمد سيد الكونيـن
هاي ام العتــره ..اي والله
بس تنخى الزهـره..اي والله
******
هاي ام حسين اليندبها
ابدا لا ميحير...
كل ما تطلب من الزهره
بامر الباري يصير..
الله الخالقها الهالوادم
جود ورحمه وخير..
مادحها الرحمن ابذكره
بآيات التطهيـــر
بالمحشــر بنت المختار
تدرك كل شيعي المحتار
من نار الگشـره..اي والله
بس تنخى الزهـره ..اي والله
*****
هاي ام حسين الكرّمها
الباري من الأفضال
بضعة سيد الكون وامه
المدحتهه الاقوال
من عدها امتد جذر الهادي
وامتدتله الآل
ام العتره التحمل اسمه
أم لخير ارجال
بيها تشيَّد ركن الديـن
بسم العتره المعصوميـن
والكون وامـره ...اي والله
بس تنخى الزهره... اي والله
*****
حوريه وانسيه وتحمل
سر من الرحمن
ما صارت منها ولا دارت
ابداً بالاكوان
هيَّ الكفئ الحيدر وحده
الحيدر راعي الشان
ولوما حيدر ما يستاهل
فاطم اي انسان
مخلوقه لحيدر تگدير
مكتوبه بلوح التقدير
والجنه الخضـره...اي والله
بس تنخى الزهره ..اي والله
***
هاي الزهره بوكت الشده
بس تنخاها اوياك
امنا ونعم الام الزهره
ترجاها وترجاك
ندعو الباري بيوم المحشر
تتلاحگنه اهناك
ونلوذ ابسدها وتحمينا
من يوم الفتاك
بسم الزهره بيوم الكون
ساعات الشدات اتهون
وتهون الحسره...اي والله
بس تنخى الزهـره ..اي والله
***
متربيه اببيت اهل العصمه
وببيت الترتيل
من بيت العز البيه يهبط
يخدم جبرائيل
من بيت التسمع بأكتاره
تسبيح وتهليل
ذكر الله ابأطراف انهاره
وبآناء الليل
متربيه ابحضن المختار
وببيت الحيد الكرار
بيهم مفتخره ...اي والله
بس تنخى الزهـره ..اي والله
*****