يا رزيه..حلّـت بـ كوثر محــمد هـ المسيّه
يا رزيّه..عين حمره وضلع دامي بالزچـيّه

من الألم محــنيّه
الراضيه المرضيّه
__
بت محمد يا وِسف..ليش ازرگ منهه چَفْ
هاي ياقوت العـرش لا مارعـوهه
صدر دين الله انعصَر..وضلع لـ الجنّه انكسَر
و بابهه اعليهه بدفعهم طيحوهه

مو قبول..بت رسول..تنعصي..ويضربوهه

بت محمد..احجاب الله ينهِتك زحمه حجابه
بت محمد..عذبـوها يا وسافه الـ مو صحابه

بسوطهم مـدميّه
الراضيه المرضيه
____
بالخمـار الفاطـمي..ابابها شما تحــتمي
يدفع الباب اللعين اعله الوديعه
من العصره من الضرُب..وگع محسن عالترُب
گمر طاح بدمه متوضي ونجيعه

والسماء..بالبكاء..أذعِنت..عالزچيّه

بعين حمره..تگوم گوه و تالي توگع من  كسرهه
بعين حمره..وثانيّه الدخان ماخذ كل نَظـرهه

عـيونهه القدسيّه
الراضيه المرضيه
__
وردة الله امجَرحه..عله الحاله نايحه
هيچ معقوله جَزاهه بت محـمد
من شوكت بنت النبي..تشوفهه عين اجنبي
وعله قرأن العفاف چفوفه تِمتد

أُم إِمام..لا حرام..تنشِـتم..هواي زحمه

بالمدامع..تنادي يامَن في وجود الدنيه جاهي
بالمدامع..لظالمي لا تغفر ادعيتك إللهـــي

مصحف الحــنيّه
الراضيه المرضيّه
_
شافت أخذوه الولي..تصيح خلّو عن علي
لا اكشَّف وادعي صرختهه بدمعهه
ومن سِمع تاج الورِد..الظالم آمر عالعبد
فاطمه ايردهه اجه بچفّه صفعهه

تون تجود..من الحَقود..بالسياط..ايسكتوهه

و بأديهه..وبجسد نحلان من ضربات الأثنين
و بأديهه..تشاگف اسياط العبد عالحسن وحسين

نجمه بس مرميّه
الراضيه المرضيه
__
رَدَّت بدمع الشجـن..يگودهه حسين وحسن
والضلع عالگاع دمه يجري سِيله
حايره بهذه الجره..بالونيــن الطـــاهره
تگول صعبه تشوفني بنتي العقيله

دم تشوف..بالچفوف..والثياب..واعله وجهي

آه يزينب..هذه يوم و عدهه موعد چم رزيّه
آه يزينب..امـدلله تــروح بســفر للغـاضريه

بس ترد مســبيّه
الراضيه المرضيّه

الشاعر حاتم صبري الكاظمي

گلبي مصيوب واشعر احسين الـــــتصوب
گلبي مصيوب وانه كل خوفي اعله زينب
چَنّي بالطّف حاضره .. من طحت فوگ الثره
وانه كل خوفي اعله زينب
..................................

ويّه دفعة بابي يا شيعه وعصرتي
لــــعالم الطف سافرت انه وحسرتي
لنّـــي اسمع زينب اتون : يـا غُربتي
يُمَّه ريتِ ابذبح ابو الأكبر حــضرتي

يمه زينب آنه يمچ مو بعـــــيده
يمه زينب شفته من حزو وريده
يمه بسته ابمنحره .. من طحت فوگ الثوه
وانه كل خوفي اعله زينب
..................................

ضلعي مكسور وشفت محسن رميه
ميت وچن وصه الـــحسين ابوصيه
يلــــــشفتني ابلا ذنب فوگ الوطيه
خويه حاذر علـــــطفل بلـــغاضريه

خويه يحسين لو عطش فطر دليله
خويه يحسين احذر اسهام التجيله
حالي واساكم تره .. من طحت فوگ الثوه
وانه كل خوفي اعله زينب
..................................


من ولوني وداحي خيبر ما حضرني
بالـــــيمر بـ اُم الخدر يا شيعه مرني
والله لو ما جرئةِ الــــچفِ الصطرني
بنتي زينب ما سبوها وذبحو ابني

دمعي لو سال مو لجل حالي وجِنيني
دمعي لو سال زينب الـــبچتلي عيني
لن شفتها امحيره .. من طحت فوگ الثوه
وانه كل خوفي اعله زينب
..................................


من ضهر حيدر صده ايحاچيني وابزود
لا تخافين اعله زينب وانه مــــــــوجود
والله لَــــــــــفديها ابنظر عيني وبلزنود
تعطش اشلون واخوها الـساگي بالجود

آنه عباس مسحي دمعچ يلزچيه
انه عباس. والــــكفاله اتلوگ اليه
سَرني سبع الگنطره .. من طحت فوگ الثوه
وانه كل خوفي اعله زينب
..................................


حانتِ إمنيتي ويَزينب زيدي الــــونين
راح اروح ونلتقي يم نحر الــــحسين
يمه بالطف چني اشوفچ مالـچ امعين
شدي حيلچ من تطبين الـــــــدواوين

يمه بالشام موقفچ يصعب عليه
يمه بالشام والاشد لـــوعة رقيه
يا وضعها اتصوره .. من طحت فوگ الثوه
وانه كل خوفي اعله زينب
..................................


يمه زينب واخر اوصيه ارد اوصـــــــيچ
لو رجعتي امن السبي ومن محنتچ ذيچ
گولي لم الأربعه التحضر تواســــــــــيچ
فاطمه ابيوم القيامه الـــــــــتفتخر بيچ

يم البنين اصطفاچ الـــــباري ربچ
يم البنين يگضي حاجات اليطلبچ
مثلي شفتچ صابره .. من طحت فوگ الثوه
وانه كل خوفي اعله زينب
..................................

سيد علي عبدالزهره الناجي

وحشة ليل المكبره فاطمة يمه تــــره
خطوة خطوة بلايا روح
أمشي وارجع ليوره
.........................................
من وحشة ظلام البيت والدخان واحلامه
ألــج أبعث رسالة شوك يمه الليل ما نامه
يا فرحة شهر رمضان ياتسبيحه واصيامه
زينب من دمعها يطيح تكسر خاطر أيتامه
وأعثر بطولي كمت فــاطمة وينج صحت
خطوة خطوة بلايا روح
أمشي وارجع ليوره
......................................
أكعد كل فجر بسكوت امشي مشية الدمعه
لامن بيها أصبــر الروح لا بيها بعد رجعه
طبع التنولي أمن اتطيح ما تستانس الفزعه
هاي انتي بدفعة الباب صدرج مالزم ضلعه
جرح الي يفارك سماه عمره مـــــا يلكه دواه
خطوة خطوة بلايا روح
أمشي وارجع ليوره
....................................................
من ايهل فجر ملكاج أقنــــــع روحي موجودة
واركض ركضة المشتاك والكه الباب مسدودة
يا شدة جــــــــرح فركاج يمه بروحي معكودة
حـــــــلال الشدد حيدر دمعته أمجرحه أخدوده
زينب وحيدر سوه نمشي واندور ضوه
خطوة خطوة بلايا روح
أمشي وارجع ليوره
.............................................
أيد ابأيد من الباب أمشي ويرجع أخيالي
واتخيل هجوم الدار يمه وطبته أكبــالي
اتخيل لهيب النار وصلت طارف أذيالي
اذكر طيحة المحسن وسطرة خدج ابالي
ومن اعياين عالجذع أستمع كسر الضلع
خطوة خطوة بلايا روح
أمشي وارجع ليوره
.....................................................
أتنطر ضلام الليل والجم طلسم أجروحــه
هلبت والدي امن ايروح اسمع ونته ونوحه
ولـــــو طبعه طبع فقار دمعة عينه مذبوحه
لاجـــن شفته بالتشييع روحه اتشيع ابروحه
ليلة ليلة أنتضر والدي الكبرج يمر
خطوة خطوة بلايا روح
أمشي وارجع ليوره
.....................................................
خادم خدمة الحسين
الشاعر
محمد الموالي

( وزن الميـمر ) للزهــراء (ع)


إلـ چلمة وإن .. خَلّك فَطِن
لَتْجامل إعله الزهراء .. ضِلّ إلعَن الحاچيها
ــــــــــــــــــــــ
حبل الچذب كلش گصير إبطبعه
لا تسمع الگال إعله محسن بدعه
باب الزچيه إثگيل موش إتدفعـه

لـ أمّ الحسن خَلّك عون .. مو عايِّزَه وتآذيها
ــــــــــــــــــــــ
أضعف الإيمـان إبلسـانك دافـع
وللينفي كسر الضلع خلك رادع
كسّر إسنونه الگال حـيدر رابع

الله وعلي وياك إيصير .. واثق خُطاك إمشيها
ــــــــــــــــــــــ
ألف وخمسمية سنه إيحرفوها
كافي الزچيه إگبالك إيضربوها
هُمَه وخليفتهُم صدگ مصخوها

والما سِكَت والعباس .. إطوال اللِّسن نچويها
ــــــــــــــــــــــ
بْكتـاب (إبـن القـيس) لووِّح بيـدك
وگِلّه الصِحَاح المو صحيحه تفيدك
خصمـك تره إبمـاء العَكِر لَيصيدك

عاشت يمين إبن القيس .. واللعنه عَالينْفِيها
ــــــــــــــــــــــ
چَذِّبوا چِذبه و صدِّگوا چذبتهم
السُنَّه إحنـه وچـذبه كل سِنَتهم
مو شـيعي إليجـاملهـم إبفعلـتهم

باچر يّحضّر لَه جواب .. خل يحسب إلتاليها
ــــــــــــــــــــــ
صاحب المبدأ صير .. تاني المُنقِذ
سلمان صاحب .. لا تصاحب قُنـفِذ
صبرك على قبض الجمُر لا ينفِـذ

إيدك بِدين المُقداد .. ياهو الـذي يلويـها ؟
ــــــــــــــــــــــ
دنياك مثـل الگنطـره وإنتــه ادره
مگضيّه كلها و كِلنا تـالي إبحـفره
خَلْصانه خلّصها . ويه رَبْع الزهره

بلون الچِفَن وجهك مُوت .. وأم الحسن واليها
ــــــــــــــــــــــ

محني ودليلي انعاب وبروحي لجمات
اتلاكه بعد وياج يم بيتي هيهات
دمعي.. يجري.. يافاطمه مصابج هدم حيلي
......................

اختنك خنكت موت لوصار الغروب
قالع الباب هواي يالزهره متعوب
حيلي الگوي ابلياج يم حسن مسلوب
بين الغرب ضليت ماعندي محبوب

دمعي.. يجري.. يافاطمه مصابج هدم حيلي
.....................

شحجيلج اعله الصار من نعشج انشال
سوه الدمع نيشان بخدود العيال
يايمه كلهه اتصيح وتغير الحال
اعليهم يمر الليل بحزانه جتال

دمعي.. يجري.. يافاطمه مصابج هدم حيلي
.....................

اثمنطعش عمرج جان مووكت الغياب
وايتامج يخافون لو دكت الباب
كسرج كسرهم حيل شيطيب الصواب
وزينب حزينه اعليج وتشم بالثياب

دمعي.. يجري.. يافاطمه مصابج هدم حيلي
.....................

ادخل حجرتج اه بيهه الكه زينب
تنوح وتون ويلاه مهضومه تنحب
خايف عليهه بيوم نورج تغّيب
تنام اعله المصلاة من ونهه تتعب

دمعي.. يجري.. يافاطمه مصابج هدم حيلي
.....................

بليل الدفن من صار جتني المنيه
وعالمغتسل خليت روحي باديه
شفت الضلع مكسور وشسوه بيه
ثكل السمه والكاع طبكن عليه

دمعي.. يجري.. يافاطمه مصابج هدم حيلي
.....................

كلهن شفتهن بيج وبكلبي جمره
سطرت العين وصوط متنج يزهره
مصابج فلا انسا وساعاته مره
ماسامع ابدفان يدفن بعمره

دمعي.. يجري.. يافاطمه مصابج هدم حيلي
.....................

ادفن وهيل اتراب والشيب اجاني
وتضعضع ابفركاج حيلي وكياني
صار الوداع اوياج والهم ولاني
وسهم الزمن جتال لاماخطاني

دمعي.. يجري.. يافاطمه مصابج هدم حيلي



محمد هادي العقابي

صب يامدمع العين.. راحت ام الحسين
مكسوره وحزينه
امنين الراحه وارتاح.. وياهه الفرح راح
ام روح الحنينه
.......................

لاتكطع مسيلك يادمع عيني
انزل عله خدودي بحرگه جويني
اريد اذبل بعدهه شلي بسنيني
بعد ماضل بشر بالدنيا يرويني

كلشي بداخلي ايصيح.. بنگلت جدمك اتطيح
حيدر ياعلينه
بغربه ووحشه ضليت.. راحت شمعت البيت
ام روح الحنينه
.....................

اغّسل بيهه اني وهيه مالومه
وشفت شوفه تخلي الروح ملجومه
من كد العصر ضلعين مهشومه
ومتن ازرك وفوك العين ملطومه

هواي تاذت هواي.. حيره شلون اصب ماي
ياگلبي وونينه
جف محروك بالنار.. ماتت بيهه اثار
ام روح الحنينه
...........................

بليل اضلم شلتهه بحضني للتربه
امشي والتفت لاتحضر الغربه
الشامت لو وكف عاليندفن صعبه
يحزن بالوجه بس يفرح بگلبه

سوه البيه ماصار.. الحارك داري بالنار
ماريده يجينه
وحدي بليل دفان.. شايل نعش الأحزان
ام روح الحنينه
.......................

بكبرهه احفر أنه وتتراجف ايمني
واحس بدمي مايسري بشراييني
علي كلتلهه اني ماتشوفيني
اول مره احجي وماتحاجيني

سكته الدنيه والناس.. وكوه اشهك بالانفاس
گلبي الله اليعينه
حيلي اعليهه مهدوم.. أحجي وبلگت ادكوم
ام روح الحنينه
.........................

هلت اترابهه ونهالت اجروحي
شلون ارجع البيتي وبطرك روحي
دفنت الزهره اني وهدمت اسفوحي
يم زينب شلون اكدر أكف نوحي

راجع محني وتشوف.. مترب راس وجفوف
وجروحي ضعينه
بثوبي دموع وتراب.. دافن اغله الاحباب
ام روح الحنينه



محمد هادي العقابي

((#الوصيه ))
……………………………………………………………

من جبال الارض اثگل هالوصيه
يا علي ابابك يعصرون الزجيه
اوياها روحك تنعصر . ما الك بس الصبر
عالرزيه .. عالرزيه

……………………………………………………………



اي تصبر يحامي الجار . وما تحميها اعز ناسك
جلمة و إن ضربة سيف . تحز ابرگبة احساسك
چلمه والها يبقئ يفور . يطگ بركان نوماسك
هي و گبل ابن ملجم . تطبر يا علي راسك

تسمع اصوات الزلم هوسه اعل دارك
اعلى من نيرانهم مشتعله نارك
تطلع انفاسك جمر . ما الك بس الصبر
عالرزيه .. عالرزيه

……………………………………………………………


يل اوجوه الزلم منك . تگلب بالحرب صفره
الثنيتك رجس راح ايدوس .وسوط ابيمنته ايفره
بابك تدري بيه اثجيل . اجذوعه اثگل امن الصخره
وتسمع صوت بس يا صوت . كسرة ضلع للزهره

مثل رمح الحمزه بسمار ابصدرها
عوزه گد الشعره يطلع من ظهرها
وانت ظهرك ينكسر . ما الك بس الصبر
عالرزيه .. عالرزيه

……………………………………………………………


الميت و العدل و بصوت . دوم ايفزعك بأسمك
بس هي اعل فضه اصيح . موش ويا علي اتحشمك
و اتوج غيرتك نيران . يتچوّه الذي يلزمك
لان گلبك يظل يفور . من عينك يصب دمك

اتصيح فضه و بس تجر وياها حسره
تدري هذا الصوت لحساسك يكسره
تدري گلبك ينفطر . ما الك بس الصبر
عالرزيه .. عالرزيه

……………………………………………………………


تروح اوياهم وتمشي . وراك الزهره هم تطلع
يتلگاها ابن صهّاك . ابوجه فاطم يظل يصفع
شطوله السوط عد قنفذ . ابمتنها ونار ظل يلسع
تكلهم ما ارد للدار . الا وي علي ارجع

ما تهم بصوابها اتهم ابرجوعك
الضلع اهون عدها من شوفة دموعك
تفدي لعيونك عمر . ما الك بس الصبر
عالرزيه .. عالرزيه

……………………………………………………………


مثل العود گدامك . تظل امحنبه وانحيله
تظل امدنگه لو طبيت . تضم العين بالشيله
كلش حمره چي صهّاك . حط بالصفعه كل حيله
بيها الدمع يشعل نار . يحرگ لمن اتسيله

من تشوفك ما تكض بالجف ضلعها
و بعجل بردانها اتنشف دمعها
تلّچم سكته اشكثر . ما الك بس الصبر
عالرزيه .. عالرزيه

……………………………………………………………


وازيدك خبر عن زينب . تزيد اضعاف عن امها
تركض حافيه و الگاع . شوچ ويشرب ابدمها
حبل يحفر بديها اشطوط . يظل بالعظم يلچمها
سوگ وهذا يرمي احجار . وذاك اصياح يشتمها

صدگ فاطم تنشتم من الصحابه
لكن ابيتك تظل مو بالخرابه
ياعلي ايموت الخدر . ما الك بس الصبر
عالرزيه .. عالرزيه

……………………………………………………………
✍️ ( سيد خضر الزاملي )

انا الكسرو ضـــــــلعها ابدفعت الباب
انا الكل خوفي جان ايطيح الحجاب

حرت بوليدي وبضلعي
وحرت بالنار وبدمعي

اويلاه   اويلاه
    ــــــــــــــــــــــــــــــــــــــــــــــــــ

موقف دفعت الباب  قسم كلش رعبني
انا بنت السماوات  وسف قنفذ يسبني
وفلان اجرء وگام عله وجهي ضربني
حرت مابيني وبين طيحت محسن ابني

  انا بنت النبوه وبنت الاحساس
هضيمه الماهو زلمه يطكني ياناس
 
  انا البضلوعي بسماري
  وديه احتركت ابناري

اويلاه     اويلاه

ــــــــــــــــــــــــــــــــــــــــــــــــــــــــــــ

  صليل اضلوعي چتال  وانا روحي نحيله
الكسرو ضلعه ياناس ينام شلون ليله
  كلبي من الألم مات ولا هود عويله
  بفراكي ابني الحسين غده يلهب دليله

   انهضم بفراكي ابني ودمعه سجاب
     ويموت حسين كلما شاهد الباب

  عله الحايط اثر دمي
    وبالنار احترك جدمي

  اويلاه    اويلاه
ــــــــــــــــــــــــــــــــــــــــــــــــــ

    اجه الملعون ياناس وشايل مشعل النار
   اجاني شر يدور  وانا حسبالي خطار
   بحقد ضل يدفع الباب  ونبت بضلوعي بسمار
  صحت فضه اسنديني وطحت يم عتبت الدار

        انا الرب سمه يرضه الرضاهه
       لجن بالدنيا ماواحد رعاهه

          صعب مايلتم اصوابي
          ودمعتي صارت انگابي

             اويلاه    اويلاه
ــــــــــــــــــــــــــــــــــــــــــــــــــ

هاي انه ام الحسين  الملائك خدم عدي
تره موش انه  والله اليسطره افلان خدي
آنه ازغيره والموت ماهوه عله كدي
  اذا موتن يموتون الحسن وحسين ولدي

     بوليداتي وصيت انه ابو اتراب
      يداريهم اذا طولت الغياب

         هذوله الأعز من روحي
           يشوفتهم دوه اجروحي

     اويلاه     اويلاه
   ــــــــــــــــــــــــــــــــــــــــــــــــــ

  علي من بعدي مخنوك بقه ودمعه عله خده
   حنين وكلبه شفاف وعده افراكي شده
    بغيابي حيل ابو حسين مثل ماي وتبده
   جرح افراكنه ابيش علي يضمده ويشده

           يجرح افراكنه ماصحله مطياب
           رمح جن بالكلب يفراك الاحباب

             تفاركنه وخلص كلشي
           وعلي الوحده رفع نعشي

            اويلاه       اويلاه

ــــــــــــــــــــــــــــــــــــــــ
حسين عبدالزهره الدراجي

العباس ع.

لسان حال ابا الفاضل عندما وقف الحسين امامه محني الظهر باكي العين

اعتذر بچيتك...تنحني خليتك
   بلهفه لوداعي اجــيت
    چف يحظنك مالگيت
      تنحني خليتك.
     ++++++
بصوت ادركني اخي اعذرني جرحتك
طاح اخوي وچفك اصفگته سمعتك
امن المخيم للنهر وصلت دمعــتك

بصوت آه اسمعته صوت اختي الحزين
هدّمت يابــو الفضل ظــهر الحسين
اگبالي محني وفوگ خاصرتك لــدين
    اعليه قبل دموعــك
    طحت محني ضلوعك
انهض واوگع بقيــت
چف يحضنك مالگيت
    تنحني خليتك
     +++++++++
لا يصــير ابّالك وتعرفنــي انتــه
اتقبّل اچفوفي او بلل بيهن نظرته
بس وحگ الزهره شلته وما شربته

ابرودة الماي المستهه وگلبي نار
ردت اشربه والرضيع اگبالي صار
ذبّــل اعيــون الرباب الانتــــظار
    عالدرب اديها
    جيتي اتّانيها
حيل من هاي استحيت
چــف يحضنك مالكيت
   تنحني خليتك
     ++++++++
اشلون من طاح العلم زينب وضعها
آه مــن صاحت اخــو محد سمعها
اشكبره لغيابي نزل زينب دمعها

يابو الاكبر هم بچت زينب وراي
وتنظر بطوس اليتامه تريد ماي
واحد ايصبّر بالاخر عمنه جاي
   خجلتي امن سكينه
   گلها صابــو عيــنه
الهالسبب عنها بطيت
چف يحضنك مالگيت
     تنحني خليتك
      +++++++++
ويّه طيحت چفي الايسر عالوطــيه
يُمّه هــا عبــاس صاحتني الزچيه
العشره وي حسن خلصت هاي هيه

بيمن ايشد الظهره عگبك يميل
ياخو زينب ضلّت ابلايه كفيــل
ياهو ليردّه العله خيامك يعيل
    من يسد امچانك
    يحترگ صيوانك
ناحت الزهره وبچيت
چف يحضنك مالگيت
    تنحني خليتك
    ++++++++
اسهام عن الجود بعيوني شگفتها
اتبده وي الماي كل حيلي بوكتها
ملت من الفرس لشماته سمعتها

بضحكه صاحو كلهم العباس طــاح
والهظمني ال بلعمود گبالي صاح
وين زنجرتك هــذاك الحيل راح
     ضل وحيد احسينك
    ونحرگ اصواوينك
امن القهر خويه هويت
چف يحضنك مالكيت
    تنحني خليتك
    +++++++
حيرة الماعنده اخو اعرفها حيره
ينولي اسها وحجر اعرف مصيره
وللحوافر ينفرش جسمه حصيره

اوداعت الله افراگنه ماحس طويل
نلتقي روس برماح اويــه الهزيل
اتميل لرماح اويه زينب من تميل
     وترتوي الامك
     من دمع خدامك
تنذكر يمّي اعتنيت
چف يحضنك مالگيت
   تنحني خليتك
    ++++++++

ثائر الربيعي

الى القاء يازهرتي
الى القاء يازهرتي
،،،،،،،،،،،،،،،،،،،،،،،،،،،،،،،،،
رحتي وبعدج مايبرد  گلبي المشلوع
انه الماباجي ابعمره  اتغرگني دموع
انه المحد يكسرني  اتحيرني ضلوع
شكتب والدمعت عينج  عايش موضوع

شلون الحنان ... جوه الثره
يالزهره بي ... مدري شجره
ميت عليج  ... حيدر تره
الى القاء يازهرتي
،،،،،،،،،،،،،،،،،،،،،،،،،،،،،،،،،
شايف شيصير بحالك  لو غالي ايموت
شايف شيسوي بمتنك  ثگل التابوت
شايف من تفگد واحد  والبيته تفوت
شايف من رايد تصرخ  ومبحوح الصوت

عايش علي ... هلهن هذن
مني الگبر ... ماخذ وطن
هيج انحرم ... والله زمن
الى القاء يازهرتي
،،،،،،،،،،،،،،،،،،،،،،،،،،،،،،،،،
جنازه وشايل بمتوني  اجنازت محبوب
محتار ابلجمت گلبي   البالفرگه ايذوب
اليسئل عن حالي شلونه  كلش متعوب
تخنگني الحيره وانحب    لو صار اغروب

خدي نجوه ... ضهري نكسر
بعيني الدمع ... يحفر نهر
مثلي الوجع ... ما مر بشر
الى القاء يازهرتي
،،،،،،،،،،،،،،،،،،،،،،،،،،،،،،،،،
ميت والعايش دمعي   الساكن بالعين
شايل نعشج بس عثرت  بالشيب اسنين
عفتيني بلجمت روحي   وانتي اتعرفين
حيدر مايصبر ساعه    بعد ام احسين

ميت عليج ... وانه ابألم
جرح الوداع ... مثل السهم
يالزهره بيج ... گلبي نصدم
الى القاء يازهرتي
،،،،،،،،،،،،،،،،،،،،،،،،،،،،،،،،،
عشرتنه انباگت سكته  وحرگتها النار
فاطم من گبرج گومي   وخنرد ازغار
فتحي عيونج خل يبرد  گلبي المحتار
نسيني اجروح البيه   وكل ذاك الصار

راح الأمان ... يوم الجرح
مات الحنان ... وي الصبح
حلم السنين ... ضل منذبح
الى القاء يازهرتي

العبد ابوفايز الرافضي
الفاتحه على روح والدي

*🌤 في #كل_صباح*

*الحمد لله الذي عرّفني نفسه , ولم يتركني عَميان القلب.*

*الحمد لله الذي جعلني من أمة محمد صلى الله عليه وآله.*

*الحمد لله الذي جعل رزقي في يده , ولم يجعله في أيدي الناس.*

*الحمد لله الذي ستر عيوبي ولم يفضحني بين الناس.*

*📕 الصحيفة العلوية.*

*🔹يستحب في كل يوم🔹*


*بسم الله رحمن رحيم*

*اللهم صل على محمد وال محمد وعجل فرجهم*


*🌀 دعاء المعرفة*

*•اللهم عرفني نفسك فإنك ان لم تعرفني نفسك لم اعرف نبيك*

*•اللهم عرفني نبيك فإنك ان لم تعرفني نبيك لم اعرف حجتك*

*•اللهم عرفني حجتك فإنك ان لم تعرفني حجتك ضللت عن ديني*


*🌀 دعاء الغريق*

*اللهم يا رحمن يا رحيم ، يا مقلب القلوب ثبت قلبي على دينك.*

*🌀 السلام عليك يا سيدي و يا مولاي يا رسول الله*

*السلام عليك ياسيدي ومولاي يا امير المؤمنين*

*السلام عليك ياسيدتي ومولاتي فاطمة الزهراء  و على ولديك الحسن و الحسين و الائمة المعصومين من ولدك عليهم السلام.*

*السلام عليك يا سيدي ومولاي يا ابا صالح المهدي عجل الله تعالى فرجه الشريف ، السلام عليك حين تصبح و تمسي.*


*🌀 اللهم اجعلني في درعك الحصين التي تجعل فيها من تريد.*

*🌀 يارب محمد عجل فرج ال محمد*

*يارب محمد احفظ غيبة محمد*

*يارب محمد انتقم لابنه محمد عليهم السلام.*

*🌀 ٣ مرات اللهم صل على محمد وال محمد.*

( وزن الميـمر ) للزهــراء (ع)


إلـ چلمة وإن .. خَلّك فَطِن
لَتْجامل إعله الزهراء .. ضِلّ إلعَن الحاچيها
ــــــــــــــــــــــ
حبل الچذب كلش گصير إبطبعه
لا تسمع الگال إعله محسن بدعه
باب الزچيه إثگيل موش إتدفعـه

لـ أمّ الحسن خَلّك عون .. مو عايِّزَه وتآذيها
ــــــــــــــــــــــ
أضعف الإيمـان إبلسـانك دافـع
وللينفي كسر الضلع خلك رادع
كسّر إسنونه الگال حـيدر رابع

الله وعلي وياك إيصير .. واثق خُطاك إمشيها
ــــــــــــــــــــــ
ألف وخمسمية سنه إيحرفوها
كافي الزچيه إگبالك إيضربوها
هُمَه وخليفتهُم صدگ مصخوها

والما سِكَت والعباس .. إطوال اللِّسن نچويها
ــــــــــــــــــــــ
بْكتـاب (إبـن القـيس) لووِّح بيـدك
وگِلّه الصِحَاح المو صحيحه تفيدك
خصمـك تره إبمـاء العَكِر لَيصيدك

عاشت يمين إبن القيس .. واللعنه عَالينْفِيها
ــــــــــــــــــــــ
چَذِّبوا چِذبه و صدِّگوا چذبتهم
السُنَّه إحنـه وچـذبه كل سِنَتهم
مو شـيعي إليجـاملهـم إبفعلـتهم

باچر يّحضّر لَه جواب .. خل يحسب إلتاليها
ــــــــــــــــــــــ
صاحب المبدأ صير .. تاني المُنقِذ
سلمان صاحب .. لا تصاحب قُنـفِذ
صبرك على قبض الجمُر لا ينفِـذ

إيدك بِدين المُقداد .. ياهو الـذي يلويـها ؟
ــــــــــــــــــــــ
دنياك مثـل الگنطـره وإنتــه ادره
مگضيّه كلها و كِلنا تـالي إبحـفره
خَلْصانه خلّصها . ويه رَبْع الزهره

بلون الچِفَن وجهك مُوت .. وأم الحسن واليها
ــــــــــــــــــــــ