اعتقد ان الناس اللي يعيشو قريب من المقابر او عليه تحصل معهم اشياء لا تفسير لها ؟

القصه الثانيه ..

هذي حصلت مع واحده قريبتي المهم كانين ثنتين قريباتي وعايشات في بيتنا المهم واحده كانت واصل واصل تجلس تحارش بين الثانيه وابنه دئما وتفعل بينهم مشاكل ما تنتهي الى يوم تصايحت مع ابنها ذيك قوي وزعلت منه وقررت تخرج من بيتنا الى بيت بنتها ترتاح شوي وقدر الله وعملت حادث شنيع توفت به *الله يرحمها* ماقدر اوصف لكم انهيار ابنها بس ذا مش موضوعنا
طبعا ذيك ماكان عندها اي تانيب ضمير اطلاقا ولا حست للحظه انها السبب
الى ليله بعد وفاه الانسانه ذيك بثلاثه ايام خرجت من غرفته وبتصيح وبتقل فلانه بالغرفه تمام
دخلنا مافيش شي
وهي تقل والله انها كانت هنا
وتمسك رقبتها وتقل حاولت تخنقني ؟
فكرنا الموضوع كابوس وقلنا لها انها احلام وكذا
لكن الموضوع بدا يتطور وماكنت تنام ولا ليله وتقل لا هي بالغرفه وتجي تزورها وتضربها ..
لو كان عندها تانيب ضمير كنت بقول اعمال عقلها الباطن لكن مش حاسه لذيك اللحظه انها ظلمتها
واستمرت هكذا لدرجه قد كانت بتجنن خلاص لما تنام حد جنبها يطر يكون صاحي بسبب حالتها الزفته ..
الى يوم قررت تلحق نفسها بعد ماحست انه يمكن بسبب افعالها وقررت تفعل شي ظنت انه بيساعدها ..
ماكان عندها وب اعتقادها خيار غير هذا الشي .. طبعا حجزت للحج هي ولحد ثاني طلبت منه يحج لروح الانسانه اللي ماتت وسبحان الله مجرد مارجعت من الحج والشخص حج للانسانه ذيك انتهت الكوابيس فعليا وتماماً والان هي تمام ..

تتوقعو الله عاقبها بسبب افعالها ذيك ؟👋

تعرفو الملحد العربي جان بيرو عندما طلعو عليه اشاعه انه مات طلع ونفي وقال انا بصحه جيده خلو ربكم هذا يموتني ... طبعا بعد ثلاثه ايام مات ..
الموضوع مش هنا الموضوع انه الملحد مايؤمن بوجود الروح وتحصل اصاحبه الملحدين يقولو فل ترقد روحك بسلام😂😂 يعني مؤمنين بالروح او حشيش لا وكمان ترقد يعني البعث موجود .. تناقضهم مضحك ..
استغرب حاليا لما حد ملحد ينتحر او يموت وتدخل تكتب الى جهنم وبئس المصير ويدخلو بعض من المسلمين اللي انا اسميهم القطيع المسير يقولو لك حرام ذا ميت ما تجوز له الا الرحم .. بالعقل كيف اترحم له من اله هو ما امن به؟ قدنا استحي من الله اقل يرحمه 😂
الحاد وترويج لشذوذ مش معقول ذي الايام حتى بمسلسلات الاطفال يذكرو الشذوذ وكانه يحاولو يهيئو ادمغتهم للموضوع .. وع اساس حقوق المثليين كيف اعطي حقوق لشخص خالف قاعده الخلق الاولى ؟ هل اعطي حقوق للقاتل والمتحرش والباطش ؟ ع اي اساس ؟
وكمان يحاولو يقنعوك اانه كذا تركيبتهم الجينيه كذب وستين كذب يعني ايش الله كان بيخلقها ذكر مثلا بس غلط وفعل لها جسد انثى العنه عليكم😂 كذب مافي شي اسمه دخلها مدري ايش ومدري ايش
طالما يقدر يخلف اذا هو ذكر وطالما هي تقدر تخلف انثئ بلا كثره كلام دعم هولا بيخلي المجتمع مضطرب الهويه لازم امثالهم يتعالجو في مصحات نفسيه او يتهمشو لانهم يتحملو ذنب انفسهم محد ثاني يتحمل مثل المريضه هذيك دانه سلطان اللي تحولت الى رجل وتزوجت رجل متحول الى انثئ والان هي حامل🌚💔 ماكنت حابه اذكر هذا الشي بس عشان تعرفو انه مرض في عقلهم لا غير .. وصار لما الواحد ينتقد يرجعو ضده😂😂 لدرجه صرت اخاف يتكلمو عن المسيح الدجال واقول هاه ابو عين واحده يقولو اسكتي ي متنمره ي عنصريه😂😂😂 الله لا يبلينا بس ...

الموقف طويل يحتاج وقت اكتبه والتفاعل ضعيف لهذا تم الالغاء😂

بعضهم يقولو اريام انتي تحكي حاجات غريبه قوي .. ي اعزائي يعني لو مش غريبه بحكيها لكم ليش😂😂😂؟ بالمنطق اكيد مابقول الا اشياء لفتت انتباهي لانها غريبه وغير معتاده

حصل معي موقف غرييييب جدا جدا والله كانه خيال ولولا حصل معي ماكنت مصدقه ابدا ابدا لما احكيه لكم بتحسو انكم في فلم او انه حكايه خياليه لكن والله انها حصلت معي بالحرف شي للان ما فهمت تفسيره ☹️
متفاعلين اقوله عشان احتاج اعرف لوحد حصل معه هذا الشي او بس انا ولو حد حصل معه كيف بدا هل مثلي او مختلف اساله كثير في راسي بحثت بالطب النفسي بس لا اجابات

تفاعلو عشان احس اني ما اكلم نفسي😂

مرحبا ..
طبعا ذي اول مره بحياتي احكي هذا الموضوع لحد لاني حاسه محد بيصدقني😂😂😂
طبعا يا جماعه بدا الموضوع في مره كنا مسافرين صار لنا ١٤ ساعه بالباص توقفنا مكان موقف الباص وكان باقي لنا اربع ساعات لوما نوصل لوجهتنا .. المهم قررنا نرتاح للفجر ونكمل السفر لانه الساعه كانت ١١ المساء واصبحنا مرهقين جدا .. المهم نزلنا في اقرب فندق وحجزنا جناح ثلاث غرفه ..
المهم كل حد اختار غرفه وبقيه غرفه واحد محد اختارها😂😂 مدري كيف كان شكلها مخيف شوي وماكان عندي خيار
دخلتها ي جماعه والله المكان كله غبار وتراب انا مش عارفه متى اخر مره سكنو ناس هذا الجناح😂 بس مطرين وهي بس نص ليله😂
دخلت الغرفه اي مكان المسه يدي تمتلي تراب كان الجو حار قوي
رحت بشغل المكيف كان من المكيفات القديمه اللي يجي داخله مروحه والله ماقدر تتشغل من الغبار اللي عليها😂😂 رجع يطلع لي تراب وصوت مزعج خلااااص طفيته ورجعت فوق السرير سحبت غطاء كان عليه مليان غبار ونمت انا مرهقه جدا ١٤ ساعه سفر
المهم وانا نايمه كذا بعز نومي احس حد جنبي وماسك على يدي تمام
تخيلو افتح عيوني وحد جنبي بالسرير وبيشوف لي وهو مبتسم انا نايمه وراده وجههي على جهه الجدار واشوفه امام وجههي خلااااص مت خوف كنت احاول اصيح او اتحرك بس مش قادره اتحكم بجسمي خااالص تعرفو شلل النوم او الجاثوم مثله بس الفرق اني متعوده كنت ع شللل النوم وذا احسه شي مختلف وهو كان مبتسم وبس المهم كذا فجاءه انقز بقوه وكاني كنت نايمه واصحى وانا على طريقه نومي ذيك بس مافي حد امام وجههي قمت بسرعه لصيت الضوء وانا اشوف للمكان مافي حد كاني كنت احلم ..
اعتقدت انه من الاجهاد لانه ارهقنا ب السفر وهذا الشي وضع دماغي بعمل رغم اني نايمه رجعت مكاني بس للامانه مازلت خايفه قوي وصوره الشخص مازلت في ذاكرتي ملامحه واضحه قووووووي وانا متاكده اني ما كنت احلم انا متاكده اني شفت الانسان ذا وانا واعيه شكله يشببهنا بس غريب شوي مدري كيف اشرح لكم ..
اليوم الثاني سافرنا وجهتنا ووصلنا
في شي غريب بيحصل معي .. اصبحت عصبيه قووي اتنرفز بسرعه طول الوقت
نمت الليله الثانيه ماشفته
معناتها الموضوع كان اجهاد فعلا ؟
لكن اليوم الثالث ..
وانا نايمه فوق سريري بشقتنا الجديده
اصحى ع حد بيلمس شعري وكان نفس الشخص نفس الملامح
ماقدرت اتحرك وكانت نبضت قلبي شديده احاول انادي امي بس مش قادره خاااااالص وشوي انقز بقووووه وكاني كنت نايمه !!!
انا في نفس الهيئه بس الفرق انه مافيش اي حد!!!
فكرتها هلوسات نفسيه ؟ يمكن ضغط عصبي لاني ذيك الفتره اصبحت عصبيه قوي .. لكن ليش ليش نفس الشخص ليش ؟؟؟
قلت لعل دماغي بيهيئ لي صور مش موجوده .. بس والله اصبح عندي خوف غير مبرر ..
وبعدها بد الموضوع يتطور اكثر .. بدات اشوفه بصوره يوميه وكاني احلم او كاني بين الحلم والحقيقه مع العلم اني ماشفته وانا صاحيه تماما ابدا دئما لما اكون نايمه ..
المهم كلمت امي اني اصبحت اشوف كوابيس غريبه بس ماشرحت لها ايش هن
فكنت احيانا اجهد وانام بعد العصر وهي تجلس جنبي والله العظيم انه مجرد ما تخرج امي من الغرفه احس ان في حدد دخل وبيشوف لي واصحى واشوفه والتفتت اشوف امي مش موجوده وبعدين انقز وهي مش موجوده فعلا
واناديها وتقل راحت المطبخ تجيب شاي او حاجه وكنت استغرب .. لو الموضوع نفسي انا ايش عرفني ان امي خرجت اصلا☹️

المهم اعرفكم ما تقرءو المنشورات الطويله .. الموضوع طويل وباقي حاجات غريبه قوي حصل ت
لو تحبو اكمل 👋

طبعا الموضوع هذا حصل قبل سنه ونص نكمل
المهم ليوم كذا تصايحت مع امي لاني كما ذكرت اصبح عصبيه ي جماعه حظرت كل صاحباتي ماعاد كنت اطيق احد وحصل عندي كرههه شديددد لموضوع الاعراس لدرجه والله كنت لوما امر من جنب محل يبيع فساتين زفاف نفسي ادخل اقطعهن اتخيلهن ينحرقين وابتسم😂😂 اكره اي حد يتقدم لي اكرههه موووت
اكره كل شي يخص الاعراس لدرجه كنت اذا حظرت عرس ما شوف لكوشه العروسه كان يجيني غثياااان ..
المهم تصايحت مع امي ودخلت الغرفه حقي وغلقت وجلست ابكي وبعدين نمت وانا نايمه حسيت بحد بيمسح دموعي ويمسح لي شعري فكرتها امي لانه بالعاده امي تعمل كذا
وخاصه لو جاءت تصحيني تمسح شعري
المهم بدات اصحى بشكل كامل والتفتت ع اساس احظن امي والصدمه مافيش حددد😳 انا لوحدي بالغرفه والغرفه مغلقه .. انا مش مجنونه والله حسيت بحد مسح شعري انا متاكده اني بكامل وعييي
فتحت وخرجت وكلهم بالغرفه الثانيه..
المهم تطور الوضع
وصرت اي حد اقول شكله حللو الشخص ذا يجي الحلم بهذا الشكل لو حتى ممثل
ومره جاني بشكل حد وطبعا كنت اعرفه من الابتسامه وقلت له انت اللي بتجي واصل ب احلامي
قال ايوه اي حد يعجبك بكون هو
ومره ثانيه جاء بشكل حد ثاني وكانت اول مره يفتح سالفه باالحلم بس ذاك الحلم كنت بالفندق اللي نمت فيه ذيك اليله وحلمت جسمي ثقيييييل وصحيت وهو امامي وبيقل لي انه يحبني ومدري ايش
انا كنت منصدمه ايش وديني ذاك الفندق
قال لي انه يزعم كان متزوج وطلق زوجته عشاني وانه هذا بيته
وحاجات غبيه ونقزت وانا بغرفتي وامي نايمه جنبي وانا مازلت احس جسمي ثثثقيل وعرفت انه مازلت تحت تحكمه
رفعت راسي فوق وشفته في وجهههي وصحت بقوه كنت خايفه وهو مبتسم بس ويشوف لي احاول اصحي امي لانه مجرد ما امي تلمسني بستعيد نفسي
امي كانت تسمع صوتي بس بشكل خفيف ولانه نومها خفيف صحيت ومجرد ما لمستني نقزت مره ثانيه ومافيش اي حد بالغرفه .. اصبح الامر متعب جدا ..
انا اشوف نفس الشخص من سنه تقريبا والوضع يتطور !!!
نكمل 👋

نكمل ..
اصبح الموضوع متعب ماكنت اشوف الشخصيه هذي ابدا الا اذا نمت لدرجه كرهت انام والله
وتطور الوضع اكثر وكنت لو نمت لحالي والله احس بجسده جنبي
كلمت خالتي تجيب بناتها عندي وكنت انام بينهن لانه لو في فراغ بحس به وانا نايمه والله ماكنت اتوهم انا احس بجسد شخص ويد شخص بس اصحى من النوم و التفتت مافي اي شي ..
الى يوم حلمت انه جاء واخذني بيت اهله .. كان بيته كبير قوووي وفي وسط غابه كلها اشجااار
كان البيت ثلاثه ادوار كانه قصر
وعايش مع امه وابوه وثنتين خواته ومعه اخ كبير وجدته المريضه
ماكان حد منهم يكلمني وكانه محد طايقني وماكنت انا مرتاحه معهم ابدا ابدا كنت اشعر بالخوف منهم
مثلا تجي واحده تدي لي ماء او شي بلمح البصر قدها بالدرج فكنت احس بالخوف منهم ..
كانو يصلو ويدو لي سجاده اصلي..

المهم صحيت من الحلم وانا احس ما اقدرش احرك جسدي خاالص وهذا يعني اني ما خرجت من الحلم فعليا مازل الشخص هذا موجود التفت يمين ويسار بعيوني احاول اشوف فين هو الشي الوحيد اللي اقدر احركه هو عيوني ..
والمحه بطرف الغرفه اخاف والتفتت امامي وهو في وجههي .. وارجع انقز بقوه ومافيش اي حاجه كاني كنت احلم ..

لمره رحت بيتهم كمان
وكنت ب الدور الثاني واسمع صياح شديد
وعرفت ان ابو الولد ذا بيصبح فوقه بسببي ويهدده انه يتركني
والولد مصر نتزوج
وبعدين اخته بتقول لي انه ما ينفعش اكون هناك ولا عندهم واني عملت لهم مشاكل
وانه ابوها بيتصايح مع اخوها بسببي ..
وانا مش فاهمه شي ..
المهم جدتها كانت تشتي ماء التفتت شفتها ورجعت اشوف للماء بروح اجيب لها والتفتت مره ثانيه والماء في يدها وانصدمت
واخته قالت لي انتي ما تنفعي تكوني هنا لانه احنا كلنا ننطير وانتي لا
وفجاءه نقزت وانا في غرفتي جسدي ماقدر احركه ابدا يعني مازلت في الحلم وهو مسك خدي الاايسر ويقول انه مستحيل يتركني وكان مبتسم وابتسامته بحد ذاتها مخيفه..
كنت اصيح قوي وامي قومتني ونقزت وماشفت اي شي كاني في سلسله احلام
امي صيحت ايش ذي الكوابيس كل ليله تصيحي لازم اوديش عند القران ومن هذا الكلام وانا ماكنت مهتمه لكلام امي انا احاول افسر ايش بيحصل !!
الى مره حكيت لواحده صاحبتي اني اشوف احلام غريبه وقالت لي انه تعرف مفسر احلام فضييع وانه دئما تفسر عنده ويفسر لها بالحرف هو خريج شريعه اسلاميه وكذا ومعه مركز دراسه اسلاميه وكذا اروح افسر عنده .. قلت لها تمام لانه احلامي غريبه ولانه انا اشوف نفس الشخص نفس الملامح نفس الابتسامه كمان بيته تكرر معي صرت حافظه البيت فقررت اروح لو بيشوف تبرير ل احلامي هذي

اخر منشور بيكون الاخير 🌚 👋 تفاعلو احس نفسي اكلم ناس😂

معليش ماعاد كملت عشان امي كانت تاعبه وما عاد فتحت ..
اليوم اكتب لكم ختام الاحلام هذي .

المهم اخذت رقم مفسر الاحلام واتصلت له قال لي كم للاحلام والخ
وهل الشخص نفسه قلت ايوه
قال هذا مش حلم عشان افسره انما احلامك هذي هي بوابه دخولك لعالم اخر
ضحكت بمسخره وهو سكت
قال لي بيجو لك عرسان
قلت ايوه
قال ليش ما تزوجتي
قلت مايخصك انا جيت افسر حلمي ماجيت ادور خطابه
ضحك
قال هل سبق ورحتي عند القران
قلت ايوه وحكيت له قصه عيوني وانه تعافو والحمد لله
قال لي معك حل واحد انه تتخلصي من هذي الاحلام
انك تتزوجي ترتبطي بحد بعلاقه بحيث ان الشخص الذي بيحاول يرتبط فيك من عالم ثاني يفقد الامل
انا هنا انفعلت بدون تبرير 😂😂 وحاولت اكتم نفسي وغلقت والله العظيم كنت اشوف ليدي وهي ترجف بقوه من شده العصبيه كنت اشتي اضربه
واعصابي مشدوده جدا
نمت وحلمت اني في بيتنا وامي بتجمع اغراضي
قلت له ليش
قالت انتي بتنقلي من هنا
وقفت بدهشه اقل لها فين اروح
وهي اقتربت انا تجمدت من الخوف نظاراتها كانت مخيفه
قالت بتطلعي من البيت ومدري كيف تحرك راسها وانا رجعت للجدار قلت ايش تشتي مني خلوني في حالي وهي اقتربت وصااااحت في وجههههي بشده
ونقزت انا بخوف وانا نايمه في غرفتي وامي جنبي بس جسدي مشدود مش قادره احركه خاااالص وعرفت اني مازلت داخل الكابوس
وفجاءه اسمع صوت سلاسل اشوف لطرف الغرفه وفي شخص اعور مربوطه ارجله بقيود سلاسل يعني وهو يمشي بالغرفه وبيلتفت لي
ياليلاااااه ماقدرش اوصف لكم شعوري
رجعت بشوف الجهه الثانيه وانصدم به بيضحك وكانه مبسوط وهو بيخوفني مدري يعاقبني
وجالسه اصيح ل امي تصحيني
انا اصيح ب اسمها بس امي تسمع كلام مختلف ومجرد ماصحيت ي فرج الله اول ما نادت ب اسمي نقزت من جديده وصحيت وقدرت اسيطر ع نفسي والغرفه فاضيه وجلست احمد الله ان الموضوع ذا في عالم الاحلام بس هههههههه
وبقي الموضوع يتكرر واشوفه بنص احلامي
ليوم حلمت اني في مكان غريب كله ابواب
المهم وانا جالسه فجاءه يدخلو عشره اشخاص ويسجدو لي 😑💔
والتفتت يمين وهو جنبي بيشوف ويلقني كلمات بلهجه عمري ماسمعتها ولغه ماعرفهاش خاالص مثل لغه الافريقين كذا مدري كيف بس الكلمات سريعه وغريبه ومبتسم كالعاده😑
صحيت بسرعه وانا اردد الكلمات اللي كان يقولها ..
الى ذاك اليوم لما جاءت ام خطيبي الحالي ..
كنت اكرههها موت وما اطيق اجلس معها كل ماجاءت اشوف لي صرفه ومن داخلي شي يقول انه بتطلبني ل ابنها وانه ضروري ارفض ومن جهه كلام مفسر الاحلام ذاك .. المهم يوم جلست معي اجباري وفتحت الموضوع اقسم بالله كنت اشتي اموتها وانا احاول اسيطر على نفسي .. امي كانت ضاغطه علي اوافق لانه الولد بيعجبهم وكل اهلي وكنت بين احاسيس قاتله داخلي
واطريت اوافق قسم بالله كنت بقتل نفسي من شده الضيق ذاك اليوم ولا قدرت اكلم حد وكنت اكره الولد قوووي لدرجه اتمنى يموت ..
وفي ذيك الليله جاء الشخص هذا بس ب هيئه خطيبي وجلس يضربني😂😂قسما بالله انضربت طول الليل
وكنت اقاوم الشعور الذي داخلي
واصبح الوضع مختلف كل ليله احلم خطيبي ذا يقتلني يخنقني يضربني
كنت معقده منه قووووي
ليوم حفله الخطوبه حقي والله العظيم لبست الدبله حسيت شي داخلي انكسر وخلاص تغيرت وجهه نظري عن الولد فجاءه وتقبلته وانا كنت اكرهه موت وكل يوم ادعي يموت.. ومن ذاك اليوم الى الان مرت ثلاثه اشهر تقريبا ماعاد شفت ذاك الشخص ابدا ابدا وكل شي انتهئ الكوابيس والاحلام وشلل النوم كل حاجه اختفت تماماً...
وسلامتكم🌚👋 اللي عاشو احداث مشابهه هاتو للبوت

#مشاركه من ملكه قلبه

سلام..

طبعا القصه هذي حصلت مع قريبتي مشابهه القصه اللي حصلت مع اريام..."

بتكلم لكم بلسانها بكل كلمه قالتها لي":
قولو ي جماعه قريبتي عمرها تقريبا ب 15 وهي من محبي الاغاني والافلام والمسلسلات بكل انواعها بشكل كبيررر تقدرو تقولو ادمان😁

كان الوقت 2 الليل وهي تتابع مسلسل بعدين نامت وهو تتفرج ع التلفزيون بعدين بداءت تحلم اختها واخوها بيحاولو يتخلصصو منها اخذوها ع مكان بعييد وهي تسمعهم يتكلمو بس مش عارفه اي لغه قالت لغه غريبه جدددا ماسمعتها ابدا وهي تصيح وتبكي يتركوها ليش يشتو يتخلصصو منها بعدين اختها قالت لها احنا مأمورين نبعدك عن عالمنا بعدين غطوها بكيس وسمعت صوت رجال صوته غليييظ قوي وسمعت اخوتها بيكلموه بنفس اللغه اللي كانو يتكلمو بها مافهمت ولاشي !!!

بعدين حست شي يشوف لها وهي نوم بلبيت طبعا فتحت عيونها وشخص جالس جنبها ومعاه طفل تقريبا بعمر ٥ سنوات "شكل الطفل كان جممميل جدا اما الشخص الكببير كان مخيف جدا كان طووويل ولونه اسود اذانه كبار وانفه كبيير ومليان شعر جسمه "*

حست بخوف شددديد اول ماشافته وجسمها كله ثققيل ما تقدر تحركه ولا تقدر تنطق حاولت تصيح بس ماقدرت ابدا زي جاثوم النوم اول ما تكلم عرفت صوته كان غليييظ جدا مو صوت بشر ابداا وهو نفسه اللي كان يتكلم مع اخوتها بللغه الغريبه قال لها انا اعرفك من زمان انا احبك انتي هذا ابني ويأشر للطفل اللي معاه، وزوجتي عند الباب منتظره لي ...

التفتت لباب الغرفه إلا تشوف شي اسسوود ولاباين شي منه كله مغطى بالاسود"طبعا ي جماعه إيش موقف زوجته وهو يعترف لها بحبه امامها😂😂هذا اكثر شي حيرني بلقصه صراحه😑"

بعدين قال لها لاتكلمي حد اني جيت لا عندك او شوفتيني ولاتكلمي حد عن اخوتك لانك اتندمي.. واختفى؛!!

فزززت من النوم ع أذان الفجر ومافي اي احد التلفزيون شغال وهي بنفس الوضعيه اللي نامت عليها تعوذبت من الشيطان وقامت توضت وصلت وهي تحسب انه كابوس صح انها كانت قلقه من كلامه الأخير بس مافكرت وثاني يوم قالت لامها وخواتها عن اللي شافته...

طبعا القصه طويله فبحاول اقسمها اجزاء

اول ماكلمتهم ضحكو شوي ع كلامها وقالو لها مجرد كابوس من الاغاني والافلام و و و صح تحسبه كابوس بس قلقه وخايفه طوال اليوم ...


**ثاني يوم كمان ع الساعه 2 الليل "تقول ي جماعه ما يجي إلا الساعه 2 بلليل قال لها ما يقدر يطلع إلا هذا الوقت😣" المهم قالت صحيت ع أحد ينادي باسمها وعرفتته من صوته كان الشخص نفسه بس
كان متمدد جنبها وقريب منها قووووي لدرجه انه يلمس وجهها باأنفه! ..أول ما فتحت عيونها خااااافت بشكل كبير ع القرب اللي هو قريب منها حاولت تصيح ولا نفع قال لها:انا إيش قولت لك لاتكلمي حد عني واتكلمتي وهذا اول عقاب لك بكون قررريب منك دائما مثل ظلك😦...

بعدين قال لها انا اعرفك واعرف كل شييي عنكك من طفولتك لحد الان "ي جماعه قالت كانت تشوف نفسها وهي طفله كأنه فلم كل شي كان يعرضه عليها "!؟؟؟!
"مره وهي طفله وقعت ع إلارض وانجرحت جرررح كبير برجلها وقال لها انه هو اللي دفشها ع الارض😣 لا والمشكله انها شافت نفسها وهي طفله توقع وهو اللي دفشها فعلااا بس هذيك الايام ماشافته"

واشياااء كثثيره من طفولتها وحياتها شافتها وتشوفه و هو اللي كان السبب بس بوقتها ماكنت تشوفه مرئي "ماعد بذكر المواقف عشان اختصر لكم😁😅

طبعا ي جماعه هي بلغرفه نوم والباب مغلق وتشوف امها طالعه من الدرج لاعندها "مدري كيف بس زي الخيال😅😂 "وهو قام وقال لها لو تكلمتي اني جيت شوفي البلكونه تبع غرفتك بوقعك منها وبيروح دم كثيير من راسك ويدك اليمين تنكسر وارجولك الثنتين بينتهو وتتعوقي بعدين بجي واقتلك ...!

اتخبئ ورا الستاره قالت هوو طووويل ي جماعه والستاره قصيره بس اول ماتخبئ وراها ماعاد بين منه ولاشي😣😦

بعدين نقزززت ع صوت امها تصحيها لصلاه الفجرر راحت تشوف ورا الستاره ما في ولاشي كل شي زي الخيييال!!!

سوري بين انسى اكمل كونو ذكروني عبر البوت😂😂

نكمل

**اليوم الثالث طوووال اليوم قلقه وخايفه تخاف يعمل اللي قاله لو تكلمت لحد انه جاء وخايفه منه كمان بنفس الوقت وقلقه إيش اللي بيحصل لها حاولت تفسره كثثثير!!!!بس ولا في فايده شي خارج عن المألوف ...

الساعه 2 الليل طبعا راحت تنام بغرفه اختها مع اختها بحكم انها خايفه من النوم لحالها ..فتحت عيونها وهي تحس بخوووف كبيرر وشافته يدخل من الشباك شوي شوي زي اللي مايشتي يعمل ضجه زي السرق وشافته يحظن الطفل ويحطه ع الارض ويقرب منها قووي وابتسم لها ابتسامه مخيفهه وقال لها ايوا كذا تعجبيني احب فيك انك تسمعي الكلام بعدين قال انا احبببك انا اشتي اتزوجك ومرتي بتكون خدامه لك بكامل رضاها وهي تنتضر موافقتك وبعيشك زي الملكه احسن من عالم البشر هذا انا عاشقك !!
وجلس عندها كثثيرر ي جماعه يحكي لها عن حياته بس اللي فهمته ان ذولا مو بشررر" بختصر لكم ماعد بحكي لكم إيش قال عن حياته" هي كانت تحاول تحرك يدها اللي اختها ماسكه لها ولا قدرت زي الشلل كانت بس تبكي دموعها ينزلو من الخوف...

قام من جنبها وراح للشباك بعد الستاير ع الخفيف وفتحه شوي شوي وقبل ما يطلع التفت لفته مريببه مخيفه وأخذ الطفل واعطه لزوجته اللي كلها اسود في اسود وطلع من الشباك وغلقه شوي شوي وهي نقزت ع صوت امها تمسح دموعها وتكلمها ليش تبكي طبعا البنت ماقدرت تتمالك نفسها من الخوف حضنت امها وبكيت اختها صحيت خايفه من بكاءها وحكت لهم عن كللل اللي بيحصل لها لأنها تعبت من الوضع والخوف...

اختها قامت تتفقد الشباك لو كان مفتوح لو أحد طلع منه كيففف بيكون مغلق من الداخل ولا كان أحد طلع او دخل منه!!!

امها منعتها من الاغاني والافلام والمسلسلات ومن كل شي يخص التليفون او التلفزيون البنت ضلت طول اليوم تقراء قرآن وتدعي انها تقدر تواجهه وتتكلم لما يجي وتوقفه ....

الساعه 12 الليل امها جابت لها ملحح بيدها بحكم انه يبعد الشياطين "تعرفون الامهات وايمانهم بهذه الاشياء😂" واليد الثانيه سكين😂
وفتحت سوره البقره ع الراديو ونامت ...

صحت 2 الليل نفس امسس نفس الدخله من الشباك ونفس القرب بس المره هذي ي جماعه كانت تقدر تتكلللم بس ما تقدر تتحرك اول مانطقت قالت" أعوذ بالله من الشيطان الرجييم "قالت ي جماعه صورته اول مانطقت كلها خوووف وغضبب ومتفاجئى وصارت تكرر كلامها وتعيد فيه وتكرره تقول ي جماعه كانه كان يحرق كان يسد اذانه ويصيح وقفففي اسكتتتتتي لااااااااااا قالت كان شكله يتغير ويتلون مدري كيف 😑..الطفل اللي معاه اختفئ وهو اختفئ ع طول وهو يصرخ وهي نقزت من النوم بس هذي المره تحس بتحسسن وما في خووف زي كل مره قامت توضت وصلت الفجر وجلست تقراء قرآن وتدعي

اليوم الأخير ي جماعه صحت ع الوقت المعتاد بس المره ذي ماشافته هو زي كل مره ..يده فقططط قالت يده كانت مرئيه وشافتها الشخص ماشفته هي ظلت تتعوذب وهو قال خلاص انتي احرقتيني صورتي انتهت بسببك واختفى...هذا اخر كلام له وآخر مره يجي ...بعدين ابتعدت عن الاغاني والافلام لان بعتقادها انهن السبب في قله الذكر...🖤

خلصنا 😂😂😭😭😭قلت لكم ذكروني عبر البوت
انا قد كنت نسيت ان معي قناه😂😂😂💔💔💔💔💔💔💔

سلاااااام ، مرحبا كيفكم ،
نتكلم عن الموقف اللي حصل لنا مع ذيك الانسانه ،
احنا كنا مسافرين بين منطقتين كل منطقه تبعد عن الثانيه مسافه ١٤ ساعه والغريب انه المنطقتين الطريق بينهم شبهه خالي من السكان ، لان المنطقه االي احنا رايحين لها هي تقريبا ع الحدود مع دوله ثانيه
طبعا بما انه احنا مو من ذيك الدوله فمطرين ناخذ جوازاتنا معنا ونتاكد ان كل شي تمام
لانه قبل دخولنا المنطقه اللي مسافرين لها با بنمر من منطقه عسكريه ،
المهم اخذنا جوازتنا وسافرنا
مع باص نقل جماعي ،
وصلنا المنطقه العسكريه بعد خلونا نقول ٧ ساعات او اكثر ، المهم نزلنا هناك في شويه تفتيش ونمشي
واحنا منتظرين شفت واحده منقبه
واقفه تبكي امام الضابط وهو يشكك فيها وانها وانها * هم نسبوها لجماعه محدد ماحبش اذكر الموضوع ذا * المهم اتهمت وقالو لها احنا بنرسل جوازك للعاصمه يشوفوه ويرجع ، يعني بيرجع بكره المساء اذا امورك تمام بنخليك تمشي واذا لا بتجلسي معنا

اخي كان يشوف لها ويقل لي شوفي كيف بيتعاملو معها

تخيلو الانسان ذي بتكون لوحدها داخل منطقه عسكريه كبيره !
كانت تدعي والله
شوي قد بنمشي جاء الضابط وقال لنا جوازتكم بنسال عنها بالسفاره اليمنيه المعذره ما بنخليكم تغادرو الا بعد ما نتاكد
ققلنا له ليش ايش فيها جوازاتنا تمام الفيزه تمام مافيش شي غلط
تخيلو ايش العذر😂 اول مره يمنيين يسافرو من هناك ، اعتذر لنا وقال ما يقدرش قبل ما ترد السفاره اليمنيه
طبعا المفروض السفاره ترد ذيك الساعه الا ان الوقت تعدا منتصف الليل وسفارتنا ما تداوم ليلا😂
الباص اللي المفروض نكون فيه المعكسر قال لهم يمشو طالما السفاره ماردت
فبننام معهم ذيك االيله ، تخيلو معي
جلسنا بنفس الغرفه اللي الانسان ذي بها ،
المهم كان الجو جدا حار
اشترينا ماء
وهي جالسه ساكته ، امي مكنتها قاروره وقالت خذيها
لانه مش معقوله الجو حار وهي ما تشرب
قالت شكرا تسلمي
قالت امي الا تاخذها
اخذته وشربتها كامل😂 وقالت ل امي جزاك الله خير انا عندي سكر وكان فمي جف وفلوسي كلها احتجزوها☹️💔
قالت امي طالما احنا سوا فلا تقلقي للعلم الانسان من دوله ثانيه
المهم زادت لها واحده😂
جلسنا معها الليل كامل المفروض الصباح يجي الردد لكن المفجاءه😂 طلع اليوم الثاني جمعه واحنا ناسيين والسفاره مغلقه 😑💔💔
ايش اقل لكم كانت اسوا لحظه واحنا هناك لانه ماكان فيش تغطيه تقريبا ولا اتصال ولا نت ولا ناس ولاحاجه😂
قال الضابط بيفتحو عصر
المهم اشترينا غداء من المعسكر واكلنا معها ، غدا ايش اقل لكم قدوه اكل معسكرات😂جاء وقت العصر وجانا الرد من السفاره وانه كل شي تمام
الضابط اعتذر لنا وقال انتو احرار
بس المشكله كما ذكرت نحنا في منطقه شببهه خاليه مافيش سيارات
قلت له الان كيف مافيش سيارات
قال مافي غير انكم تطلبو سياره من اقرب منطقه هنا تبعد خمس ساعات😂😂 تصورو نطلب الان السياره تجي بعد خمس ساعات
ماكان عندنا خيار وطلبنا ،
المهم السياره بتوصل المساء ما تصدقوني لو اقل لكم ان السياره وصلت
والعاصمه ردو على المعكسر يخلو الانسان هذي تروح
وامي قالت طالما اخذت جوازها وماعندها احد بناخذها معنا
ووصلناها للمدينه المطلوبه ودعت لنا وراحت في حال سبيلها وللان كل ما افكر بالقصه اقل ضرب من المستحيل ،، بدون اي سبب توقفنا ونمنا معها واكلنا معها وروحنا معها ووصلناها وجههتها بدون مانعرفها ☹️💔💔
الان تثقو ان الله بيسخر ناس لناس !؟👋