مافيه طاري يمر القلب ماجابك
‏كل الطواري تمرك وإنتِ سيدتها.

مشاعر تشبه الماء والنسيم العليل
‏من عاشها معك مادور على غيرها.

الحب في كل الليال المقبلات
‏ماهو لغيرك ياحبيبتي الحب لك.

عسى حلو الليال اللي معك يا غايتي تزداد
واعيشك عمر واهنابك حياةٍ مالها آخر.

أنت العوض عن ماضي أيامي السود
و أنت القبال السمح و أصدق مرادي.

قلبي وفكري وكل المشاعر تداريك
ياللي خذيت القلب وش عاد باقي.

الله يبارك بالليالي يوم إني لقيتك
في ليلةٍ تسوى بقايا سـنيني.

دايم أقول الله يقرب لي الخير
‏والله استجاب وبعدك عن طريقي.

‏عذرته وسامحته على كل ماسواه
‏ومديت له كف المفارق و ودعته.

‏بخصتك وشفتك شئ مايستحق الجهد
‏وصديت عنك صدة القانع الراضي.

والله انك لحالك والخلايق كلها لحال
و مالك في عيوني ياغناتي شبيه.

وجهك أكثر وجه ممكن يوقفني سنين
‏أتناسى به حياتي و كثر ظروفها.

لك مكان ملكته بين هدب الجفون
لا يطوله غريب ولا قريب يجيه.

وانا من غيرتي حتى الهوى لا تعداك
اقول وش تبي ياهوى في حلالي.

ياسحر الألباب يامنوة عزيز الجناب
‏نفسي عزيزه وفي وصلك مضحي بها.

أمانة لو عثى فيك الزمان وبعثرك مرات
‏ تعال وجرب شعور الأمان بلمة يديني.