بتعرف قيمتي بكره وتتمنى تعيد الأمس
‏وصدقني مايمرّك مثلي لو تصبر دهر.

خذاك الوقت وكابرت ونسيت
لين ضاعت من يديك أوفى يدين.

أحد يدورلك خطأ وأنت ما أخطيت
‏وأحدٍ يدورلك عذر وأنت مخطي.

اخترت اعز النفس وابعد واخليك
ما عادت أيامي معك مثل ماكان.

كسرت قلب بالحيل يغليك
حطمتني وانا احسبك كل الامان.

حتى على نفسي انا كنت ابديك
زرعت لي الفرحة وانا كلي حزن.

عين بكت لك امس واليوم تشكيك
ياقوة قلبك كيف بعثرت انسان.

عفى الله عنك يا حلم ٍرسمته بالطريق وتاه
وأنا في داخلي فوضى حزن وأوجاع مختلطة.

‏جبرتني أبتعد عنك وأنا مانويت
خليتني أقسى عليك وأنا أحبك.

اضحك مع ربعي ولاني بمسرور
سارح بفكري واشتكي ضيم فرقاك.

عفى الله عن جوفٍ به الحزن ماينشاف‏
يكن الضيق في صدره ولا جاب له طاري.

‏فاقدك والكون بغيابك كئيب
لا أحدٍ قبلك ولا بعدك أحد.

‏عفت خلق الله من بعيد وقريب
وأعتزلت الناس من بعدك للأبد.

كل واحد صار بعيوني غريب
من فقدتك .. كن فاقد لي بلد.

‏كان همي في حياتي لا تغيب
‏الحياة بدون ضحكاتك نكد.

‏ماني أول شخص فاقدٍ له حبيب
بس بـ غيبتك أنا اكثر من فقد.

امداك تنسى الزعل وتقول سامحني
من بعد ذاك الخطأ ودك تراضيني.

قدامهم كيف جالك قلب تجرحني
‏ادميت قلبي بكلمه و ادمعت عيني.

اياني واياك باسلوبك تمازحني
‏حاسب ضميرك اذا ودك تحاكيني.

‏ان كنت ولهان او ودك تصالحني
‏تعال وخل السوالف بينك وبيني.