‏طبعي گهوة شما تعضني النار حيل
‏أكسب من النار محمود الصفات ....
‏روحي ابوها الضيم وامها المستحيل
‏هية وسنين الگحط ولدن خوات ....

‏لـ ‌ عطاالسعيدي⁩

طب الـ بيتنه وعاين على الحيطان
وشوف شلون من نهوى بشر نهواه

ضلع شايل صور موتانه والعدلين
وضلع وحده العلي ما نحط صورة وياه


باء البسملة يرهم الوحده يصير
علي مو (ش)ـين حتى تلاثة احط فوگاه

سعد شميل

تبـعدني شعجب مو جنت عكازات
حته بنــومتك يـــم راسك تمدهــن

لـ سعد شميل

آنه و الجنطـه
و شكـو بروحـي خضار
أتراب اهلنه
الـ ما رضـه يفارگ قميصي و الحنيـن
آنه و الجنطـه أنتشـابه
مدري ياهو ..
يگود بينه و مدري وين مسافرين ..!


محمد لفته العماري

شلي بالعين الوسيعة الما تضم بصبيها تصوير المُحب

كاظم إسماعيل الكاطع

انه وطرواك طاحونة هوه

يفرنه الهوه العالي
ياشارع يلمني بليل

مامش ّ بيت من اسوالفك
خالي...

كاظم اسماعيل الكاطع 💜

انذبح گلبي وتشضه بصد رموشك

نائل المظفر 💜

ليليَـه بعيونـــــــي آيتخـطّه
ومـا ماخذ آمـن النوم غطّه
كل صـفنه تشمرني بمحطه
بـردان كَلبي ومـــــــا تغطّه


عبد الكريم القصاب 💜

منو اليسوه !
وتطيح بحظره چفوفه طفل نعسان



بيلسان امين💜

من كوني عزيز اگضي الليالي وحيد
انه الردو سلامي و لهفتي بـ شتريد


علي مهدي 💜

بعدني امشي بتوالي الليل
ياهسة وبعد هسة
بعدني امشي بدرب مجهول
ويادرب الحبيبه شما بعد ونسة

كاظم اسماعيل كاطع

هواي وادم
راحت وردت اجت
وإنتَ عمداً ما اجيت إتزورنه

جن ولا هي عيونه لجلك عمت
من تخالط عيدنه وعاشورنه


صاحب الضويري