شوط كربلائي 
في حق قمر العشيره
أبا الفضل العباس عليه السلام
....................
حيرها الدهر عباس .. وينك ما تحاجيها
وضع أختك صعب ياحيد .. وتريدك تباريها
...................
وضع أختك صعب ينقاس .. ياعباس أبو الغيره
مابين الغرب للشام .. من ديره لعد ديره
مهظومه أوتدير العين .. صوب المشرعه أبحيره
عباس البطل مامات
ماكطعت أمل هيهات
جاوب ياأبو الحملات
تخسف بالشماته الكاع .. جلمة زينب أشبيها
.....................
تعصر ظلت الجفين .. نادت والدمع مدرار
عباس أعله مد الصوت.. حركو خيمتي بالنار
وين أنطي الوجه ماوين .. يابن والدي الكرار
حاجيها تره أتحاجيك
مهظومه أوتحشم بيك
حسرة زينب أتبجيك
ماتنفض غبار الموت .. حته أتسر معانيها
..................
أنته البالوصف معروف .. صيتك للبخت فِرضا
ياكافل خدرها أشلون .. ترضا أم الخدر ترضا
حاديها الشمر والنوك .. هِزل للشمس عِرضه
يالنشمي تعل لختك
تنخه أو دخلت أبختك
وتزامط تره أبهلتك
عباس أو ثلث تنعام .. أدري الكلفه يكظيها
 ................
عبد الله أنذبح عطشان .. شبت بالخيم نيران
بجفوف الزغار أحبال .. خلت عالجلد نيشان
أومن شافت أمير أحسين .. طاح أبحرمة الميدان
ركضت لاذت أبسده
تشكي أوتنتحب عنده
بمه أتحلفه أوجده
وتصد للنهر وتصيح .. صار الخفته تاليها
 ................
محنيه الظهر وتنوح .. بضعت فاطمه الزهره
أنته أعالنهر مطروح .. وحسين أنخسف صدره
سيل أمنالشتايم صار .. منك تطلب النصره
كوم الكربله أحييها
أوزينب اختك أحميها
ابسوطه الشمر ياذيها
وبزودك يراعي الزود .. ترهب كل أعاديها
 ................
خادم أهل البيت
الشاعر : أسماعيل الجوراني
الثلاثاء :7/3/2017

أبيات نعي : ليلة القاسم عريس الطفوف
عن لسان حال
رمله أم القاسم العريس
وهي تناشد قمر العشيره عليه السلام
.....................
عباس ياعم الولد
الولد حانت زفته
محلاته بثياب العرس
هودج عروسه أبخيمته
شبان جابوله ورد
شبان شعلو شمعته
أحديثات جابن له عطر
أحديثات عجنن حنته
أو كامت تهلهل أخته أله
أوكامت تهلهل عمته
ووليدي سباح الكلب
عالوجنه سالت دمعته
مايقبل أبزفه عرس
ينتظر عمه أوجيته
ونته ولامنك خبر
ها يابو فاضل ياكمر
يمته ترد من النهر
أو جسام تكمل فرحته
........................
خادم أهل البيت
الشاعر : أسماعيل الجوراني
الجمعه : 6/9/2019

أبيات نعي
عن لسان حال
رمله أم الأمام
القاسم عريس الطفوف
....................
يا شيعة علي الكلكم محنه
يامن يون وياي ونه
على العريس وبدمه تحنه
وبليلة زفافه ماتهنه
.......................
أنه الفاكده بالطف وحيدي
وصفك بيدي هايه أو هايه أيدي
أونشف من ونتي الدم أبوريدي
ياشيعه البجي الجسام زيدي
.....................
أريد أنصب على أوليدي عزيه
ولطم هامتي بثنين أديه
طفت شمعة شبابه أبهالثنيه
عسى لاشفت أرض الغاضريه
....................
خادم أهل البيت
الشاعر : أسماعيل الجوراني
السبت : 7/9/2019

نزله
الأمام القاسم العريس عليه السلام
.....................
هذا ياهو هذا طب الحومه
حيدر الكرار جن أرسومه
.....................
الجيش كله أحتار ياهوَ النزل
القاسم العريس لو جده الفحل
راجله أوفرسان ماتنعد قِتل
والثلث تنعام منا أبيومه
.....................
عن يمين الجيش ويه الميسره
كام ياخذ روسهم كص بلسره
أبشمرة العباس سبع الكنطره
أبغيرته أوسيفه الجثث مختومه
.....................
حير الفرسان من طب الحرب
الروس مو بلكيف يكطعها غصب
الراجله المشرادها أدور درب
ألف هنياله الشرد بهدومه
.....................
سوه ذاك اليوم بيهم نايره
دايره خطله أوكف بلـ الدايره
خله أقطاب المعسكر حايره
وآل أميه صبحت مصدومه
.....................
بس يكول ألسانه ياحيدر مدد
أشما عدد يوصله ينباد العدد
أبكربله الجيمان خلاها قدد
شيلو موتاكم جيَف مزكومه
.....................
أنه تربات الحسن جدي علي
أبزودي هذا اليوم أصليكم صلي
والدي وصاني بحسين الولي
أطلابه وياكم ألي محسومه
.....................
اليوم أله الجيش أسطرنه سطر
مالكم عندي أبد ذرة عذر
حرمله والنازع الغيره الشمر
هذا ميدان الحرب وعلومه
.....................
أبيوم أبو السجاد بلطف مرتهن
عاد نفسه العلي منظار الزمن
والثلث تنعام يوليد الحسن
جدك أبزوده العدا مهمومه
.....................
هاشمي معروف من جدٍ وأب
فارس أوغيراوي معدن من أدب
أبكربله ياجاسم أتسوي العجب
أبزودك أطناب الكفر مهدومه
.....................
خادم أهل البيت
الشاعر : أسماعيل الجوراني
الخميس : 28/9/2017

شوط كربلائي
-----------
ليلة القاسم العريس
-----------------
زفنه أبدموع العين -- مفجوعات بـمصابه
هاي أمعلكه أبثوبه -- هاي أترطب أرضابه
-----------------
جلن جلت المهظوم -- عن أيمينه ويساره
والمدمع عله الخدين -- يلهب ماطفت ناره
صوت أمنلسمه ناداه -- عمك قلت أنصاره
شب أبغيرة الشبان
ياسبط النبي العدنان
عمي أحسين للميدان
خليني أفوت الساع -- قبل جدمه وترابه
-----------------
ماجت كربله بلناس -- فرت راجله أوفرسان
عجه أوماتشوف العين -- صعدت للسمه التربان
تصهل للمنايا أسيوف -- جاسم حاصر الجيمان
صد أوعاين أبعينه
ناده أوسيفه بيمينه
وينه الناصبي وينه
كلمن حاربك يحسين -- سيفي أيغركه بخضابه
-------------------
بحساب الزلم معروف -- نوماس الحسن جسام
ما هم للمنايا أوفات -- غيراوي أوثلث تنعام
ماخذ شمرة الكرار -- ميدان الحرب لو كام
صدر المعركه دومه
صيت الغانمه أعلومه
رمله اليوم محرومه
أبنهه أبزود وجدانه --ويه الموت أله أطلابه
-----------------
جندل خيرة الفرسان -- نشمي أويسلم النشمي
رمله أتهلهل أوتنخاه -- يابعدي أوبعد أمي
حد ماينكطع نعلك -- ماريدك ترد يمي
عمك يلولد نصره
أجبر خاطر الزهره
يبني أوأطلب البشره
باجر بلحشر هنيال -- ياهو أبيمنته أكتابه
------------------
برقية عهد لحسين -- فزعة جاسم الليله
وحنه أبمجلس الشبان -- مابينه البخل حيله
خدام أونضحي الروح -- ما نقبل عله العيله
كلمن طول ألسانه
لومهما كبر شانه
ضده أنثور مولانه
الثارك ياخضيب الشيب -- كلمن حاسب أحسابه
---------------------
رباط العهد وياك -- مكبرة النجف تشهد
يوميه قوافل موت -- بيهه أمحبتك مرقد
شبان أبعمر جسام -- سوو للوفه مربد
صوره أتعاهد أبصوره
تبقه الشيعه منصوره
هاتف حبك أونوره
نصدح من ظمايرنه -- درب الموت منهابه
----------------------
خادم أهل البيت
الشاعر : أسماعيل الجوراني
الأثنين : 15/8/2016

نزله : ليلة القاسم العريس
عن لسان حال
رمله أم الأمام القاسم عليه السلام
.....................
يمه جاسم من تغير أعليهم
فدوه نجمات الظهر وريهم
......................
خلهم أيضيعون ببطون الحرب
كون للشرده فلا تنطي درب
أركابهم بالسيف أكطعها غصب
ووولجهنم بالغصب  وديهم
......................
يابطل صنديد يوليدي الفحل
حارب أبغيرة علي أهل الدجل
خلهم أبتعدادهم يصبح خلل
أبصولتك يبن الحسن خزيهم
.....................
بالحسن يبن الحسن يامؤتمن
كلي عمرك ناذره الهاي المحن
النصرة حسين الغريب المرتهن
اله بالحومه طفي أطفيهم
.......................
يا وحيد أمك يمعزوز النفس
أرد أشوفك ميت أبثوب العرس
غيم أمنالغيظ وحجبها الشمس
هاشم أشجابت زلم دريهم
......................
يمه أريدلك شجاعه أبكربله
بالحرب كرار جن عقد الوله
تشبه الأكبر علي بالمرجله
ماي وتبده أبأرض خليهم
......................
اليفرمنك يجاسم خاليفر
لا تلحكه أو لاتطك طكة غدر
بالصدر أطعن عدوك بالصدر
حتى أبوك أوجدك أترضيهم
.....................
عمك العباس سبع الكنطره
من نزل للجيش جسد مفخره
مثله أريدك ياعظيم المقدره
بلوة العباس هم تبيلهم
.....................
أبدمك الطاهر أريدن حنتك
أشما يهل عاشور تضوي شمعتك
ليلة العريس تصبح ليلتك
يلا يابو الغانمه صفيهم
...................
الشباب أبمجلسك تجري الدمع
ومك الزهره رغم كسر الضلع
تحضر المجلس تسجل بالجمع
ونته بالشده تجي أتكفيهم
....................
خادم أهل البيت
الشاعر : أسماعيل الجوراني
الثلاثاء :20/8/2019

نزله ( سيفه حده )
لمديح شجاعة الأمام
علي الأكبر عليه السلام
......................
سيفه حده
بيده مده
أو بيهم الأكبر تغده
هوه جده
ياهو كده
من يعد لعداه عده
.....................
صفنه  صارت   ذبلك  أبره
وين  طاحت   صوت  يظهر
رويه  طكت   رويه  بالطف
من  شهر   صمصامه  الأكبر
أكو  بيها   أبسيفه  ماتت
بيها  ماتت    لحظت   الكر
علي  سوح   الحومه  عيده
نشمي  أبن   نشمي  الغضنفر

رفعت أجفوف الدعاء
ليلى لبواب السماء

رده سالم
كون غانم
شال كل روس الفواطم
هوه جده
ياهو كده
من يعد لعداه عده
......................
ناس  تسئل   هذا  الأكبر
لو  علي   جده  الصميده
ناس  فرت   من  رعبها
الروح  مو   هينه  أكيده
غار  يمنه   غار  يسره
يا  حلاته    سيفه  بيده
ثغره  باسم   عزمه  ثابت
جيش  كامل   ظل  يبيده

علي شمعة كربلاء
شرف أدوار الولاء

جيش أميه
أبلا خطيه
صار للأكبر ضحيه
هوه جده
ياهو كده
من يعد لعداه عده
......................
غيم  دلهم   راسه  دخن
من  نزل   سوح  المنيه
زم  أشافه   رفله  شارب
ناده  من   غيره  وحميه  
أنه  أبن   سبع  المثاني
أنه  أخو    سكنه  ورقيه
اليوم  أحامي   عن  أمامي
حسين  أبن   خير  البريه

روحي لحسيني فداء
بيهم أتحول بلاء

كص ركبهم
غاد ذبهم
عاود النوب أو ضربهم
هوه جده
ياهو كده
من يعد لعداه عده
..................
ريح  صرصر   صار  الأكبر
الله  سخرها   أعله  زمره
من  تشرك   من  تغرب
من  تكظ   عايل  تهطره
ياهو  لاحه   ذاري   منها
أعجاز  نخله   خاوي  عمره
تك  نفسهم   من  لفاهم
كربله  جن   ميبر  أبره

أبعينهم ضاك الفضاء
غركو أبسيل الدماء

ساعة الكر
علي الأكبر
جيشهم بالحومه أدبر
هوه جده
ياهو كده
من يعد لعداه عده
.....................
ساعه  أخذ   والنوب  ساعه
رد  عليهم   سيفه  شرع
سوه  بيهم   خوش  عمله
جثه  فوك   الجثه  جمع
راسه  حاسر   كله  غيره
عفيه  الأنزع   أبن  الأنزع
من  دخل   سوح  المعارك
لما  حد   وافاه  مصرع

أعتلى صهو الأباء
وستحق هذا الرثاء

بي شهامه
من عمامه
الضحو النهج الأمامه
هوه جده
ياهو كده
من يعد لعداه عده
.....................
خادم أهل البيت
الشاعر : أسماعيل الجوراني
الجمعه : 23/8/2019

أبيات نعي
عن لسان حال
ليلى أم الأمام علي الأكبر عليه السلام
.........................
بسيوف العدا الليله توذر
يا شبان جسم أوليدي الأكبر
أنصبو للبجي والنوح منبر
أبمجالسكم ترى الزهراء تحضر
.................
أريد أعله الولد رادود ينعه
أو طفل بيده بخور أوطفل شمعه
ترى أوليدي علي مكسور ضلعه
وانه أبخيمتي من ون أسمعه
.....................
شبيه المصطفى حلو المعاني
عليه اليوم حاربني زماني
قتيل أرداه وانه ورداني
بحور النايبه أبهاي الثواني
........................
خادم أهل البيت
الشاعر : أسماعيل الجوراني
السبت : 7/9/2019

نزله
في حق شجاعة وشهامة
الأمام علي الأكبر عليه السلام
................
هذا ميدان الحرب
الكدها بيكم خاليطب
سيفي بيدي .. الحومه عيدي
ماكو للشارد درب
..............
سيطره الأكبر نصبله .. أشلون شيال اللوا
كامت أنفاس العساكر .. كوه تتنفس هوا
أوغبرت سوح الحريبه .. ونحجب بيها الضوا
أو من ثغابير التراب .. أنزاح عسكرهم خوا

كام يحصبهم حصب
روسهم يكطع غصب
يا يزيدي .. الحومه عيدي
ماكو للشارد درب
................
أشبه الناس أبمحمد .. وبعلي عقد الوله
أبكربله ثبت وجوده .. حكها تفخر كربله
مشكل الجيش أبيمينه .. وبيساره مشكله
أمنين ما ملتي غرفتي .. هاي مكيوله أله

بالشجاعه أشكد صلب
موقف العسكر صعب
الحز وريدي .. الحومه عيدي
ماكو للشارد درب
..................
موهبة فن الشجاعه .. كلها بيه أمسطره
سالفه أتجر السوالف .. جنه سبع الكنطره
لا وحق جده الصميده .. جنه جده حيدره
خله كراته اليكرها .. صوره جدآ نادره

تشهد أبطون الكتب
زارع الحومه رعب
كل صعيدي .. الحومه عيدي
ماكو للشارد درب
....................
ضهضب الشاب الحسيني .. ياعلي حيدر مدد
مايثني الضربه بيهم .. هالشبل من هالأسد
راجله أوفرسان صارت .. كلها بالحومه قدد
هلهلت ليلى لبنها .. نامي ياليلى رغد

ناده والمدمع يصب
أغلب أو ما أنغلب
ذولي صيدي .. الحومه عيدي
ماكو للشارد درب
....................
عفيه نوماس الهواشم .. بيه ينشد الظهر
واجه الوحده العساكر .. هوه واحد ونتصر
بالوجه محد كدرله .. بالغدر أصبح وذر
شنهو كلنه أبحق الأكبر.. ما يجي نكطه أأبحر

بالخلق طبعه خصب
طيب أحنين عذب
من وعيدي .. الحومه عيدي
ماكو للشارد درب
...................
خادم أهل البيت
الشاعر : أسماعيل الجوراني
الأحد : 8/9/2019

أبيات نعي
أستشهاد الأمام عبد الله الرضيع
وعن لسان حال أمه الرباب
......................
تون أم الولد ونه شجيه
أو تحط عالراس تربان الثنيه
أوتنادي وينك أووين المنيه
أو يذبحك بالسهم أبن الدعيه
...................
يروح أمك يعبد الله يغالي
جان أوياك لذه لليالي
هسه أشما أصد للمهد خالي
أريدن موتتي ترحملي حالي
....................
يمه يالكلبك حنين أوصافي
غير أسمك ما رهم لشفافي
ودي أسئلك ونته جفنك غافي
بارد أتراب الكبر لو دافي
.....................
خادم أهل البيت
الشاعر : أسماعيل الجوراني
الأثنين : 9/9/2019

أبيات نعي  : حدي
لمصرع الطفل
عبد الله الرضيع عليه السلام
........................
من تشرب معين الماي
عبد الله الطفل ذكره
جابوه أبجبد عطشان
ردوه أبسهم نحره
بعده أعله المنيه أزغير
ما كمل سنه عمره
وبنبلة زنيم الكوم
ذبلت وركته الخضره
طوله أشكبر عبد الله
السهم الذابحه أشكبره
صوره أتشيب الرضعان
والراضع لبن حره
عالطفل الرضيع اليوم
يلطم بالعزا صدره
عبد الله أنذبح مظلوم
يندب يهمل العبره
عبد الله فقير الحال
هل لي تعشكه الفقره
..........................
خادم أهل البيت
الشاعر : أسماعيل الجوراني
الأثنين : 9/9/2019

أعكيلي
لذكرى أستشهاد
عبد الله الرضيع عليه السلام
..................
الأمام حتى البكماطه أذبحونه
....................
عاجل من ظالم للظالم
ماي الشط ما تشرب هاشم
حتى الطفل البمي حالم
من يطلب ماي أتنحرونه
.................
كلب أمحجر عد العسكر
جسد منظر بس يامنظر
سدد سهمه الذبح المنحر
والركبه أهواي أزغيرونه
..................
من فعل الجيش الأجرامي
منظر دامي أبمعنى الدامي
طفل حسين اليرضع ظامي
مذبوح أبخيمه أيوسدونه
...................
العاف الغيره أوبايع دينه
أوبس الدينار أيسد عينه
من يامله أومن ياطينه
أنتم هاليوم أتقيمونه
..................
خضره أيامه أزغير عمره
ذبلن بالحر نحره أوصدره
يطلبله الماي أبن الزهره
ماقبلو جبده أيبردونه
...................
موقف بالطف جدآ نادر
لمن صابه أبسهمه الغادر
من أكماطه الأيد أتسافر
لحسين أتحس دمع أعيونه
..................
مذبوح أوليدي أبيا تهمه
تنحب تلطم عالراس أمه
نوبه أتشمه أونوبه أظمه
أبحنيه أتهزه أمن متونه
...................
أبحنيه أتكظ جفه أوصبعه
عبد الله الشفاف أبطبعه
يلعب تتخيل وي ربعه
أومحلاها الضحكه البسنونه
..................
أباليل العاشر من عاشوره
حزن الشيعي أبصوت أوصوره
بيعه الحيدر حامي الجوره
لو يدري أعداه أيفجرونه
....................
خادم أهل البيت
الشاعر : أسماعيل الجوراني
الأثنين : 9/9/2019

نزله : وداعيه
ختامية مجلس ليلة العاشر من محرم
....................
أويلاه يفاطمه
أويلاه يفاطمه
...................
1
يا ثالث أقمار الهده .. أويلاه يفاطمه
حسين ظل الوحده

ما بين ثكنات العده
ماله معين أيسانده

أنصاره صرعى أمدده
والدم بحر منها غده

كربله بحر أمنالدمه .. أويلاه يفاطمه
...................
2
جايب رضيعه البالمهد .. أويلاه يفاطمه
يطلبله ماي أوتالي رد

بالسهم مذبوح الولد
دمه عله نحره جمد

يا فاطمه شاحب جسد
دلال أبو اليمه أنمرد

من شافه ذابل مبسمه .. أويلاه يفاطمه
....................
3
شبان كلهم مرجله .. أويلاه يفاطمه
جدهم علي عقد الوله

جاسم والأكبر قابله
عالكاع جثه أمرمله

ناده الحسين المبتله
هديتي حيلي كربله

ابحالة شبابي الصادمه .. أويلاه يفاطمه
.....................
4
يا فاطمه عندك خبر .. أويلاه يفاطمه
عباس مدعاة الفخر

شلوة علي فارس مضر
مغدور والراس أنطبر

مكطوعه جفين الكمر
وحسين مكسور الظهر

ميت عضيده أو خادمه .. أويلاه يفاطمه
......................
5
حانت سويعات الصفر .. أويلاه يفاطمه
باجر أذا طر الفجر

فوك الصدر يكعد شمر
والخيل تسحك عالصدر

وخدود ربات الخدر
بجفوف عسكر تنسطر

بالخيمه نار أو ضارمه .. أويلاه يفاطمه
.....................
6
يا فاطمه بنت النبي  .. أويلاه يفاطمه
بالنار مجويه العبي

عالهزله تمشي للسبي
الحره النسبها الطالبي

من الهظم تحبي حبي
تصعد التل الزينبي

ليلة الوحشه القادمه .. أويلاه يفاطمه
.....................
7
عاشر محرم بالحزن .. أويلاه يفاطمه
نستقبله نلطم نون

الداعي منه ممتحن
والدمعه تجري عالوجن

يافاطمه الزهره يمن
مكسوره ضلعينج غبن

رزقينه حسن الخاتمه .. أويلاه يفاطمه
........................ .
خادم أهل البيت
الشاعر : أسماعيل الجوراني
الأثنين : 9/9/2019

هوسات جنوبيه
لذكرى ولادة أشرف الكائنات
حبيب رب العالمين
أبا القاسم محمد
عليه وعلى أله أفضل الصلاة وأتم التسليم
...................
رسول الله أوحبيبه اليوم ميلاده
أوعلى العاده رجعنه أنداوم العاده
نهني المرتضى الكرار وولاده
ها ها
أوبنته الزهره انهنيها
أبميلاده أوبي ننخيها
أهل المحفل سجليها
أهل المحفل سجليها
ها ها  ( أتحضرينه )
والطاح أبشده أتحضرينه
..................
شعلنه اليوم شمعة مولد المختار
ولطيبه أوعطرها أنصدت الأنظار
صلو أعله النبي وآل النبي الأطهار
ها ها
أبهاي الليله المزدانه
الصلى أبكلبه وبلسانه
بالمحشر يكبر شانه
بالمحشر يكبر شانه
ها ها  ( أو عد بيها )
أضربها أبعشره أو عد بيها
......................
خادم أهل البيت
الشاعر : أسماعيل الجوراني
الأربعاء : 13/11/2019

مولود
لذكرى ولادة منقذ البشريه
حبيب الله أبا القاسم محمد
عليه وعلى أله أفضل الصلاة وأتم التسليم
....................
 يا جماله يا جماله
مثله بالكون أستحاله
....................
أحمد المبعوث أسمه
ياحلات أوصاف رسمه
يا عبير أنفاسه نسمه
بيها عطر أمنالجلاله
....................
يا جماله أومحلا نوره
نور الدنيه أبحضوره
صارت البشرى ابظهوره
للعدل خيط الدلاله
...................
هذا يا مولود صاير
عمت الدنيا البشاير
بالسمه أتأذن مناير
حيل محموده خصاله
....................
أبمولد الذات النقيه
أشرقت شمس التقيه
وله عصر الجاهليه
ونولد عصر الرساله
...................
أنكسر أيوان كسره
بشرى للأعراب بشره
النبي والد الزهره
نوره عالأكوان لاله
...................
صاحب أخلاق أومعاني
حبه متملك كياني
فدوه أروحله عساني
أطمع أبلحظت وصاله
....................
أبذكرى ميلاده السعاده
تعني تحقيق الأراده
حقي أحييها الولاده
وحمد الله تعاله
....................
يا حبيب الله محمد
كلمن أبأسمك تشهد
فاز والشي المؤكد
بالحشر ياخذ مناله
.....................
الواحده أبعشره صلاتي
صلي ويايه يغاتي
سر نجاتك سر نجاتي
عالنبي أنصلي وأله
......................
خادم أهل البيت
الشاعر : أسماعيل الجوراني
الأثنين : 11/11/2019

مولود
لذكرى ولادة أشرف خلق الله
حبيب رب العالمين أبا الزهراء محمد
عليه وعلى أله أفضل الصلاة وأتم التسليم
.....................
عنوان التسامي
يا ساكن مرامي
يفضحني غرامي
أبهاليله هيامي
محمد .. يا محمد .. يا محمد/2
.......................
للمحفل دعاني .. سلطان الأماني
ألكاك أبثواني .. لو شخصك أندبه/2
يا نور البصيره .. يا سر السريره
شخصك عالوتيره .. والزهره أحبه/2

محمود الأسامي
بحساسي أوكلامي
يفضحني غرامي 
أبهاليله هيامي
محمد .. يا محمد .. يا محمد/2
.....................
يا أشرف ولاده .. تغمرني السعاده
كلمن وجتهاده .. ترجمته شعوري/2
يا أغله الغوالي .. ياخذني خيالي
وسرح للمعالي .. ميلادك سروري/2

ياشمعة ضلامي
أهديك أنسجامي
يفضحني غرامي
أبهاليله هيامي
محمد .. يا محمد .. يا محمد/2
.....................
مبعوث السلامه .. معشوق اليتامه
ما ينطق كلامه .. بلسان البشر/2
سبحانه تعالى .. رحمن الجلاله
خصاه أبرساله .. مدعاة الفخر/2

أبميلاده أهتمامي
بكماطي أوفطامي
يفضحني غرامي
أبهاليله هيامي
محمد .. يا محمد .. يا محمد/2
.................
أبهاليله السعيده .. أتخذه وريده
دستور أوعقيده .. سيد المرسلين/2
ينطيني مرادي .. ويطمن فؤادي
بالمحشر معادي .. الهادي الأمين/2

وتباها أبوسامي
بالجنه مقامي
يفضحني غرامي
أبهاليله هيامي
محمد .. يا محمد .. يا محمد/2
.......................
ببنيته الزجيه .. وبحيدر وصيه
وحسين أوأخيه .. يارب السمه/2
هالمحفل تديمه .. وتبارك نعيمه
ويعاود نسيمه .. أبخير الخاتمه/2

محبوبي العصامي
مايتركني ضامي
يفضحني غرامي
أبهاليله هيامي
محمد .. يا محمد .. يا محمد/2
......................
خادم أهل البيت
الشاعر : أسماعيل الجوراني
الثلاثاء : 12/11/2019

قصيده كعديه
مؤيده لشرعية مظاهراتنا السلميه الشعبيه في عراقنا الجريح
.................
ضد الأحزاب الملعونه الباكت خيراته
ثاير هالشعب المظلوم أو تهتف أصواته
الأحزاب السياسيه
كلتها حراميه
ثاير هالشعب المظلوم أو تهتف أصواته
.....................
هالشعب رايد خلاصه أوطلع سلمي بالتوافق
والأحزاب أبكل قساوه وجهت صوبه البنادق
بالرصاص الحي شهيد بعده بالدنيا مراهق
نازل أبحقه يطالب قتلته أرباب السوابق
لجل شيطان الكراسي .. حتمت أهل الجناسي
عالوطن هاي المئاسي .. وبقتل شعبه تصادق

شيطان المنصب يتفنن ظل بغرائاته
صوب أرمي خالشعب أبتعس حالاته
ماهمتها الرعيه
كلتها حراميه
ثاير هالشعب المظلوم أو تهتف أصواته
.....................
من صنم بغداد طاح الهذا يومك بالحياة
أحزاب متنفذه تسمت بسم عدة تسميات
دوم ما عدها عقيده أو لاكو ذرة مستحاة
تنهب أبخيرات أرضه والشعب محروم بات
لاجبير السن تهنه .. لاشباب أبريع سنه
طاح بيده ما تمنه .. الله يلعنها الجناة

عالمنصب كلمن يتنصب تطلع ثغراته
باليمنه أوباليسره أيفرهد يتبع نزواته
عارات الأنسانيه
كلتها حراميه
ثاير هالشعب المظلوم أو تهتف أصواته
.........................
هالوطن مظلوم شعبه في زمن ذاك النظام
35 وتلاثين عام أو فوكها 16 عام
نص عقد وجيال عده عايشه أبواقع حطام
والحكومات العميله تنعم أبصحو أو منام
الحكومه أبسد حكومه .. أبالها أتسوي الترومه
الشعب لحد يلومه .. من يواعد بنتقام

عالماراعه حق الناس أو لاهي أبلذاته
قرر هالشعب المظلوم أيباشر ثوراته
بحقوقه الدستوريه
كلتها حراميه
ثاير هالشعب المظلوم أو تهتف أصواته
.....................
الوزير البرلماني أبكيفه يلعب شاطي باطي
والشعب من المزابل يغبش أيجمع قواطي
أو كم كفائات أبشهاده عايشه أبذل البساطي
الحجي هذا موثق مو حجي مني أعتباطي
صار للعالم شهيره .. رغم خيراته الكثيره
هالشعب حاله فقيره ..والنفط بحر أحتياطي

ميزانيه أتكفي العالم وارد نفطاته
كم منفذ ويجاور دوله وين أيراداته
الباكت هالميزانيه
كلتها حراميه
ثاير هالشعب المظلوم أو تهتف أصواته
.......................
الكل سياسي الخان شعبه وله أيد أبهالدمار
تنصب باجر مقاصل والشعب يستوفي ثار
الباع للرشوه ظميره لا يفكر بالحوار
الربيع الشعبي قادم والشعب بيده القرار
محكمته ينصبها الشعب .. ويحاسبه أبكلشي نهب
والكال عالثوره شغب .. هذا بخلاقه غبار

سلميه الثوره العاداها نعرف غاياته
باجر يتحاسب وتبين نعرت جلماته
الطعنت بالقوميه
كلتها حراميه
ثاير هالشعب المظلوم أو تهتف أصواته
....................
خادم أهل البيت
الشاعر : أسماعيل الجوراني
الأربعاء : 27/11/2019

قناة الشاعراسماعيل الجوراني
https://www.tgoop.com/sMailAljorae

هوسات جنوبيه
لذكرى ولادة فخر المخدرات
السيده زينب عليها السلام
....................
أبو القاسم محمد كظ أياديها
أخي جبريل أجاني أو كال سميها
زينب والأسم أختاره باريها
ها ها
هاي السماها الباري
رفعت راسي أو عز داري
نور البيها أمن أنواري
ها ها ( أمغذيها )
والباري أعلومه أمغذيها
.....................
فجر خامس جمادي الأول أنواره
شعت حين شعت جابت أبشاره
بيت آل النبوه اليوم خطاره
ها ها
حور أبهيئة أنسيه
جنها الزهره المرضيه
تكطر طيبه أو حنيه
ها ها  ( وفايه )
وبيوم المحشر وفايه
....................
خادم أهل البيت
الشاعر : أسماعيل الجوراني
الأثنين : 30/12/2019
 

مولد
لذكرى ولادة فخر المخدرات
العقيله زينب عليها السلام
....................
أبمولد الحره عقيلة كربله
تهنئه الحيدر علي عقد الوله
.......................
تهنئه الحيدر علي حامي الحمه
أوللحسن وحسين ومهم فاطمه
ولرسول الله عشكنه أنترجمه
يا رسول الله جهدنه أتقبله
......................
بالمدينه اليوم بيت آل النبي
من جبير السن الى أزغر طالبي
أمكيف أبنور العقيله الزينبي
أو بالسعد هاليوم دلاله أنمله
.......................
ميت ألف عالخير مدعاة الفخر
صارت أبهاليوم يا خير البشر
الوحي جبريل جايبلك خبر
ربك الشرفها بشرف منزله
......................
زين أب زينب علوم المعرفه
هالأسم زينب أكيده أتشرفه
كعبه للأخلاق معدن للوفه
وبأسمها الشام تصفه أمدلله
.......................
حره بت حره أونسب أشرف نسب
تستحق بت حيدره أسمى الرتب
يامناره يا صحن قبة ذهب
زينب الجنه بسمها أمسجله
......................
في جمادي الأولى خامس غرته
النبي فرحان هوه أو عترته
وحنه واجبنه نترجم فرحته
والتهاني أتشيع مابين المله
...................
ياس وبخور أوشمع محفل شكر
والصلاة أعله النبي بعد الذكر
واجب أبهاليله ولحد الفجر
والأجر يوم القيامه أتخيله
......................
خادم أهل البيت
الشاعر : أسماعيل الجوراني
الأثنين : 30/12/2019