- كُلما بَعثرتك الحياة ، رتبها بالقرآن ، لملم شتات روحك بآياته ، أزهر به ، تغنى بكلماته ، فبه السعادة والفلاح ومنه الأمان ودونه الشقاء والتعاسة ، به تشرق الروح وينور الوجه وتعلو عليه إبتسامة مصدرها الفؤاد .
لا تستغرب اذا تغير حالك للأسوأ وأصبحت متضارب ومضطرب الفؤاد ما دمت بعيداً عن القرآن وعن عظم آياته وعمق الفاظه وحروفه .
تجربتي مع القرآن هي أفضل تجربة وأكثرها تأثيراً في حياتي فلم أرى أياماً أكثر سعادة من ايامي معه ولم أرى أتعس أيام من أيامي بدونه.
فـ بالقران ومعه حياة القلوب وطبها.

يَوْمَ نَطْوِى ٱلسَّمَآءَ كَطَىِّ ٱلسِّجِلِّ لِلْكُتُبِ ۚ كَمَا بَدَأْنَآ أَوَّلَ خَلْقٍۢ نُّعِيدُهُۥ ۚ وَعْدًا عَلَيْنَآ ۚ إِنَّا كُنَّا فَٰعِلِينَ ﴿١٠٤﴾

- سُورَةُ الأَنبِيَاءِ " الجزء السابع عشر (اقترب للناس حسابهم)"

- تفسير الآية "لا يخيفهم الهول العظيم يوم القيامة، بل تبشرهم الملائكة: هذا يومكم الذي وُعِدتُم فيه الكرامة من الله وجزيل الثواب. يوم نطوي السماء كما تُطْوى الصحيفة على ما كُتب فيها، ونبعث فيه الخلق على هيئة خَلْقنا لهم أول مرة كما ولدتهم أمهاتهم، ذلك وعد الله الذي لا يتخلَّف، وَعَدْنا بذلك وعدًا حقًا علينا، إنا كنا فاعلين دائمًا ما نَعِدُ به."

اللهم يا من قلت
﴿ والصبح إذا تنفس ﴾
أكتب لنا من أنفاس هذاالصباح خيراً نعلمه، ورزقا نكتسبه، وبُشرى نسعد بها .. فنحن عبيدك وبين يديك لا حول لنا ولا قوة الا بك

قبل فترة أكتشفت اني في حالة ركض مستمرة، دائماً ابحث عن هدف جديد و أستعجل حدوثه، و هذا الشي مزعج و متعب لأن الاحلام و المطالب ما تنتهي و الانسان بطبعه محب للمزيد، فمن غير المعقول أن أكون دائماً في حالة انتظار.

نعم للسعي و لكن استمتع بالرحلة و اتركها لله يجيبها بالوقت المناسب.

- اللهم أصلح لي ديني الذي هو عصمه أمري، وأصلح لي دنياي التي فيها معاشي، وأصلح لي آخرتي التي فيها معادي، وإجعل الحياة زيادة لي في كل خير، واجعل الموت راحه لي من كل شر

- يا حي يا قيوم برحمتك أستغيث اصلح لي شأني كله ولا تكلني إلى نفسي طرفة عين

- اللهم أخرجني من حول نفسي وقوتي الى حولك وقوتك يا أكرم الأكرمين

ربنا يخلي لينا الناس البشدونا للحياه، في كل مرة نيأس ونضعف فيها♥️

ح يفضل اجمل ما يملكه الأنسان علي الأطلاق هو "السيره الطيبه" سيرتك وانت عايش وسيرتك ما بعد وفاتك.

تبقي زول طيب وخالي وراك اثر طيب في كل مكان ومع كل زول اتعاملت معاه بتساعد كل الناس الحولك ودود ومحبوب ولما تجي سيرتك ح تجي بكل خير والناس تشكر فيك ولما زول يحاول يشكك فيك ف اي حاجه ح تلاقي مية شخص بيدافع عنك ..
السيره الطيبه الحسنه  م بتجي من فراغ ولا بسهوله وحقيقي افضل ما يتركه الأنسان خلفه هو "الأثر الطيب "💜
#الهبهاآاانةة.

"الحياة عبارة عن محطات"
لو قعدت في كرسي قدام محطة قطر مثلاً..
وقعدت تتفرج على ناس شايلة شنطتها ونازلة وناس طالعة..
والشريط حركتو بسرعة ممكن تفهم الحياة كويس جداً!
عاين حولك كم زول هسا معاك وفجأة لقيتو ركب قطار الحياة وفات!
لاحظ كم حاجة كانت عزيزة عليك وانت ذات نفسك في لحظة اضطريت تمشي وتسيبها وراك!
بستغرب جداً من الناس البتمسكو بالحياة
وبتمسكو بالحاجة العندهم رغم انو ممكن في اي لحظة يمشو ويخلوها..
اكيد سمعتو قبل كدة قصة الراجل الكان كل مرة بجي بلقى مسكين قاعد تحت ضل شجرة بيتهم وبقوم بنهرو وبطردو
ف في يوم المسكين زعل منو شديد وقال ليه.. "يحميني ضلو وبكرة يمشي ويخليه كلو"
وفعلاً بكرة جاء ولقى الراجل مات!..
احنا لو ختينا في بالنا اننا ما معمرين في الحتة القاعدين فيها دي ولا في الحياة بشكل عام ..
صدقوني تعاملنا مع غيرنا حيختلف تماماً!
حنكون اكثر عطاء
والعطاء دا مافي حاجاتنا العندنا بس
حتى في مشاعرنا
واسلوب تعاملنا مع الغير!
بالجد بتحير جداً من الناس الكعبة
البتدس أغراضها الما عندها أي معنى "لا تُسمن ولا تُغني من جوع" بتدسها أول ما تحس انو القدامها دا حيحتاج ليها
ما عنو ممكن يكون الغرض الدساهو دا النوع الممكن استخدامو ما حينقص منو حاجة
بس في ناس متمسكة بالدنيا لدرجة ما قادرة تستوعب انو دوام الحال من المحال
كل شي حيتغير بين ليلة وضحاها
وصدقوني صدقوني ماف شي حيفضل غير الذكرى!
ف ليه نخلي في أذهان الناس ذكريات سيئة عننا؟؟
ليه نعامل الناس بالسوء في حين انو الكلمة الطيبة أحسن منها ماف!
اي انا معاكم انو مرات في ناس التعامل معاهم صعب جداً..
لكن انا مقتنعة تماماً انو مهما كان القدامنا دا انسان سيء بنقدر نطفي السوء الفيه دا بتعاملنا احنا السمح!!
اهتداءً بقوله تعالى:-
(ولا تستوي الحسنة ولا السيئة ۚ ادفع بالتي هي أحسن فإذا الذي بينك وبينه عداوة كأنه ولي حميم)[فصلت 34 - 35]

ف يلا ندفع السيئة بالحسنة❤️
#زُبيدة_الزومة
#زُبيديات

*المشي جنب الحيط*
طول عمرنا امي معلمانا المشي جنب الحيط
في ناس كتار بشوفوه ضعف
لكن في الحقيقة هو القوة!
اسهل شي في الدنيا رد الإساءة
لكن ما اي زول بقدر يترفع عنها!
امي ربتنا على انو الحياة عبارة عن صفحات
واي صفحة بمجرد ما يتكتب عليها حتنطوي وتجي اختها.
ف دايماً بتوصينا انو صفحتنا لازم تكون نضيفة!
ما نكون متلومين مع زول،
ونخلي الناس هي التتلوم فينا براحتها
مصيرهم يعرفو غلطهم ووقتها حنكون قفلنا صفحتهم وما حيكون في زمن يصلحو غلطتهم أصلاً.
"الحياة متقلبة"
عشان كدة اكتر عبارة بتصبرنا بيها لما نشتكي ليها من حاجة "م مشكلة دوام الحال من المحال!"
احنا حقيقة ما مطلوب مننا حاجة غير نصبر
وبعداك بنشوف بعينا!
"عوض ربنا اسمح منو ماف"
وعمرو ربنا ما بضيع زول وكل أمره ليه
امي انسانة عظيمة جداً
علمتنا دااايما نكون عااليييين
ماف زول يقدر يصلنا
عالين بأخلاقنا
بتعاملنا
بصدرنا الواسع
وصفاء نيتنا
والحمد لله اننا عمرنا ما عاينا لحاجة زول
ولا عمرنا ما حسدنا زول على حاجة
ولا اتدخلنا في شي ما بخصنا
بالجد انا لو بتمنا تربية لأولادي..
ف حااتمنى تربية امي لينا ❤️
ما شاء الله تباارك الله ولا حول ولا قوة الا بالله..
#زُبيديات
#زُبيدة_الزومة

مش مُهم تحب المُهم إنّك ترتاح، الحاجة اللي هتريحك هتلاقي نفسك بمرور الوقت بتتعلّق بيها وبتحبها، عكس الحاجة اللي بتحبها لو هي مش مريحاك هتلاقي نفسك من كُتر الضغط وقِلة الراحة بتفقد مشاعر الحُب اللي جوّاك تجاه الحاجة دي، الراحة دايمًا بييجي بعدها حُب .. لكن قلة الراحة بييجي بعدها مُعاناة وخيبة أمل.

﴿ وَاذْكُر ربّكَ إِذَا نَسِيتَ ﴾

- سبحان الله
- الحمد لله
- لا إله إلا الله
-و الله أكبَر
- أستغفر الله العظيم وأتوب إليه
- لاحَول وَلا قُوة إلا بالله العلي العَظيم…❤️.!