ممكن لايك مع تعليق

انه بخرابه انت بسجن
وثنينه بنـفـس الـحــزن
انت بحديد انه بحبل * جروك بس انه بهزل
دنيانـــــه مأســات دنيانـــــه مأســات

❥ــــــــــــ❁¤ــــــ¤❁ـــــــــــــ❥

انـه بخرابه ومـا طبگ جفني ثواني
سجنك اضلم وشكثر تبچي وتعاني
انت تدعي للفرج بـس شـدعـي اني
انــه كــون بكربـله مــوتـي خــذاني

تمـنـيت امــوت بـكــربـله
ولا صوت اميه اعليِ عله
دمعاتي وي دمعك تهل * جروك بس انه بهزل
دنيانـــــه مأســات دنيانـــــه مأســات

❥ــــــــــــ❁¤ــــــ¤❁ـــــــــــــ❥

انـت نعــشــك شايـلــه مـتـن الجسر
وانــه عـنــدي حسين ينزف كـل كتر
چبدك بسم من تخضب جرحك اشبر
حسين اقل اجروحه فاگد منه خنصر

سجنك يذَكرني بصور
ذبني بخرابه انه الدهر
ضلمه وابد ماتنحمل * جروك بس انه بهزل
دنيانـــــه مأســات دنيانـــــه مأســات

❥ــــــــــــ❁¤ــــــ¤❁ـــــــــــــ❥

الشيعونه مـــــو عرف ناس الغرب
انه فوگ المغتسل دمعي يـــــصب
ريتك تـــــشوف المتن من الضرب
كــــــــــــــربله عليه ولا خلت گلب

الهدولي بســــوط المتن
جروك من سجن لسجن
اجروحي يلچمها الغسل * جروك بس انه بهزل
دنيانـــــه مأســات دنيانـــــه مأســات

❥ــــــــــــ❁¤ــــــ¤❁ـــــــــــــ❥

بـــــــالسجن محروم من نـور الشمس
وانه مــــــــــن اتنفس اتـــراب النفس
تراب اذا افتحها عيني تــــــــنترس
من العطش رضعاني ابد ماالهم الحس

مـــــوتهم اطفالي العطش
ومنهم سوه باليل هدعش
عبدلله مذبوح الطفل * جروك بس انه بهزل
دنيانـــــه مأســات دنيانـــــه مأســات

❥ــــــــــــ❁¤ــــــ¤❁ـــــــــــــ❥

انه راسي من الحزن شيبه عالشيبه
صــــاحوا عليك الغريب انه الغريبه
جنازتك فوگ الجسر هــاي المصيبه
والمصيبه غـــــــــربه تابوتك تجيبه

امتون غربه الشالتك
محد فزع من اخوتك
لا والي يمك لا اهل * جروك بس انه بهزل
دنيانـــــه مأســات دنيانـــــه مأســات

تمتـــــــ خادم العقيله ✍️
مـقتـدى سـالـم الـجيـاشـي

https://www.tgoop.com/sakiAtashi

قصيده بحق باب للحوائج
موسى ابن جعفرعليه السلام
‌:⁠-⁠*⁩‌:⁠-⁠*⁩‌:⁠-⁠*⁩‌:⁠-⁠*⁩‌:⁠-⁠*⁩‌:⁠-⁠*⁩‌:⁠-⁠*⁩
نور الله تضن تطفي يهارون
هيهات الشمس تحجبه السجون
اليوم الكاضميه
تفسر هل القضيه
هيهات الشمس تحجبه السجون
‌:⁠-⁠*⁩‌:⁠-⁠*⁩‌:⁠-⁠*⁩‌:⁠-⁠*⁩‌:⁠-⁠*⁩‌:⁠-⁠*⁩
ضنك منتصر بس انت غلطان
الكاضم صار الك للدوم سجان
معروف الفرق واضح البرهان
ملاذ وتعتني من كل الاوطان
المتعني ويكصده
حاير ما يرده
تضوي كبته وتشوفه العيون
هيهات الشمس تحجبه السجون
‌:⁠-⁠*⁩‌:⁠-⁠*⁩‌:⁠-⁠*⁩‌:⁠-⁠*⁩‌:⁠-⁠*⁩‌:⁠-⁠*⁩‌:⁠-⁠*⁩‌:⁠-⁠*⁩‌:⁠-⁠*⁩
ابن جعفرلبس تاج الامامه
معروف النسل ابن النشامه
وين ايام ملكك والزعامه
سجنك ما منع علمه وكلامه
كل ضنك دفنته
عايش ما عرفته
أئمه احياء ضلو ما يموتون
هيهات الشمس تحجبها السجون
العلويه آلاء
----------------
كل ضنك تسمه وتقضي اعليه
امام ومقتضى الحال ابمحاجيه
قطب الرحه هوه والله يدريه
واله كل الوجود ابين جفيه
نكصده وينه آهات
رغم كل المسافات
طريق الجنه هوه وليه يكصدون
هيهات الشمس تحجبها السجون
✍️طالبة الزهراء
---------------
تصور بسجنه ذكره تمحي
ما تدري الزمن ضل ساجنك بي
يضل للدوم عار عليك خلي
كل عام المصاب احبابه تبجي
ما تنسه مصابه
عليه تگصداحبابه
سكن برواحنه رغم اليكرهون
هيهات الشمس تحجبه السجون
✍ام خضير المهدويه
‌-----------------
هذا ابن النبي والكل يعرفه
ياباب الحوائج هذا وصفه
تضل مصيبته على الشيعه كلفه
دمه الي يتجاره
صبح النه مناره 
هذا ابن النبي ومنه يهابون
✍️ام نرجس
‌----------------
ماننسه مصابك سيدي دوم
ياكاظم الغيظ المات مسموم
صعب نورالجلاله تحجبه الغيوم
عرش الطاغي  هده
من عليه تعده
ضل بكل زمن هالطاغي ملعون
هيهات الشمس تحجبه السجون
✍️ام نورالباقر المالكي
-----------------
تمت القصيده باقلام شعارات قرابين الطف اللهم عجل لوليك الفرج يا مهدي مدد

https://www.tgoop.com/sakiAtashi

*نعي لسان الحال زينب عليه السلام*

يحسين خويه ضيعيتك.
بين العده ومـا وچديتك.
ناديت بس ما هيسيتك.
*اختك وشو مترد عليه.*

للحومه جيت ودمعتي اتسيل.
جيتك انحيله وفاگده الحيل.
خويه اشتكيلك فزعه الخيل.
*ما ادري اروحن يا نويه*


كل الحرم ركضن ابهيمه.
تاهن يخويه ويا هضيمه.
وعيوني صارن شبه غيمه.
*مطرن مصايبهن سويه*

يحسين وينك حاچي اختك.
زينب يـبـعـد اهلي ندبتك.
مطروح وسفه ومن وصلتك.
*وعيونك ايصدّن عليه*

بهداي تحچي وحيل ذبلان.
وتگلي زينب خويه عطشان.
والماي وسفه بـيـد عدوان.
*وعداك ما عدهم حميه*

بآخر نفس تحچي يغالي.
وتـگـول بـاريـلـي اعيالي.
شلون اشتگيلك خويه حالي.
*والدهر وسفه خان بيه*

خـان الـدهـر بـمّـدلـلـتكم.
زينب وچـنّـي امفارگتكم.
نـوگ الهزل جابوا لختكم.
*يحسين سموني سبيه*


*تمت باقلام الشاعرات أم يحيي العبودي وطالبة الزهراء القريشي لايجوزحذف الأسماءشرعاءنسألكم*


https://www.tgoop.com/sakiAtashi

‏مقطع صوتي من ياصاحب الامران الأمريدعوك

(قصيده )
لاستشهاد سيدي ومولاي موسى بن جعفر
لسان حال السيده معصومه
        (عليهم السلام)
:::::::::::::::::::::::::::::::::::::::
منك ما سمعنه حجايت وداع
من فراگ السجون الظلمت الگاع
::::::::::::::::::::::::::::::::::
رحت بلا وصيه واليموتون
بالبنيات يابويه يوصون
ابلايه وداعت الله تسد العيون
لشريلك عمر لو هيسه ينباع
::::::::::::::::::::::::::::::::::::::
طالت غيبتك فرگاك اليطول 
ما ادري عدل ما ادري مچتول
عندي چان امل حي والدي نگول
هسه انگطع ضني والامل ضاع
::::::::::::::::::::::::::::::::::::
هضيهه عليك بويه تعيش مفگود
بعد هيهات يابويه الي تعود
متت مرضوض ساگك من الگيود
تسيل دموم يابويه من
الذراع
::::::::::::::::::::::::::::::::::::::
صار سنين صوتك ما سمعته
عدل لو مات شخصك ما عرفته
وونين الگلب يكتلني سكته
من اسمع وفاتك والخبر شاع
:::::::::::::::::::::::::::::::::::::
غريب اتموت وانه ما حضرتك
لا شميت صدرك لا حضنك
الله وباج ما گايل لبتك
عليك الموت ليش استعجل بساع
::::::::::::::::::::::::::::::::::::::
تمت بعون الله بقلم خادمه خدام الحسين عليه السلام                  (العلويه الاء)
اثواب هذا العمل الى روح المرحوم والدي والى ارواح امواتي جميعا
::::::::::::::::::::::::::::::::::::::::
...
...

https://www.tgoop.com/sakiAtashi

من حدر الطوامير  ٠٠  الكاظم كتب تحذير
                أليريد النهايات   السعيده                          
                خل يموت وتعيش العقيده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بدينه اقيود بس  مالزمت ايده
سجين الكاظم  وسوه   اليريده
الكلمه  اتقاتل    وتوكع  شهيده
وكل  ماتندفن      تطلع  جديده
٠٠٠٠٠٠٠
       عاشت ذيج الجفوف ٠٠ العبرت حاجز الخوف
                   ألبعين الضلم يصرخ نشيده
                   خل يموت  وتعيش العقيده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
العبره   بكل    قضيه   بالنهايه
وابن جعفر عرف اصل الحكايه
درسها الخطه   من أربع  زوايه
وبكل     زاويه  ثبتله       ثايه
٠٠٠٠٠٠٠٠٠
     يدري الساق مرضوض ٠٠  وصاح الضلم مرفوض
                     والماتوصل  اخباره وبعيده
                      خل يموت وتعيش العقيده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
شوكه بعينهم    صار  وعماهم
امام الرافضه    يعرف  دواهم
حرسهم لو سمع موسى اجاهم
القصور الطاغيه يوصل بجاهم
٠٠٠٠٠٠٠٠٠٠٠٠
       ماينهزم  منصور   ٠٠٠  مايطفه يضل نور
                 توكع عروشهم ثورة وريده
                 خل يموت وتعيش  العقيده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
  اجتمع حشد الضلم يدرس الحاله
  شلون من  السجن   طلعت رساله
  انفصل عن شيعته  وكلمن مشاله
  وبعدنه  ماخلصنه     من   نضاله
   ٠٠٠٠٠٠٠٠٠٠٠٠٠٠٠٠
          شطلع هاي الاخبار ٠  والجمعه الوعد صار
                     يريد الشيعه والشيعه تريده
                     خل يموت  وتعيش العقيده
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مات ألا  رشيد  وموسى مامات
ودويلات  الضلم صارت خرفات
العلي امربيه  منه الذله  هيهات
نزل   روسهم      وارتفع  رايات
٠٠٠٠٠٠٠٠٠٠٠٠٠٠٠٠
       لسه ايوزع امراد  ٠٠٠  عايش أسد بغداد
                  قبابه كل سنه ترجع جديده
                  خل يموت   وتعيش العقيده
٠٠٠٠٠٠٠٠٠٠٠٠٠٠٠٠٠٠٠٠٠٠٠
        عبد الجليل المالكي

🍂🍂..


https://www.tgoop.com/sakiAtashi

هونك بالله يالجناز هذا الشايلنه منين
جنازة موسى ابن جعفر عليها الناس ملتمين


1
آنه الزهرة يالجناز آنه أم الحزن والنوح
جيت من المدينـة اليوم جيت بلا جسد بس روح
كالولي أبو الطيبات جسمه أعله الجسر مطروح

أمشي وأعثر بممشاي أدوّر أبني بدموع العين


2
على جسر الرصافة هناك شفت جنازة المسموم
ناديته بقلب مكسور كوم اكعدلي يامظلوم
آنه ادري اليجيله الموت كل أهله عليه تحوم

بس موسى غريب يموت وأحبابه وهله بعيدين


3
ياحيف وألف ياحيف بطاموره الولي يسمووه
وبذاك السجن ويلاه وحَدّه بحيرته يخلوه
لمن غمضاها العين تالي من السجن شالوه

مسموم الجبد ياناس منه مرضرضه الرجلين


4
ثلت أيام ظل مطروح والسلسلة بجفينه
كلّها تصيح هذا منين مانعرف عناوينه
لن ناعي المصيبة يصيح الكاظم هذا والينه

صاح أعله الجنازة وناح ماحضروا هله الطيبين


5
يوم الشالوا التابوت جن أنشال دلالي
كمت اصرخ يهل جناز ريض وارحم بحالي
هذا أوليدي أخذني وياه وخلي جثته كبالي

أريد أشبع بواجي عليّه وعفر بالدمة الخدين


6
حماميل أربعة حملوا وحضروا خيره أصحابة
ومن ذاك الجسر شيعوا ونار الحزن لهابه
غريب الكاظم المسموم واويلي على مصابة
 
هذا صوت المحبين ظل يعله بدمع وونين


7
وليدي باللحد دفنوا مو مثل البكه حيران
ذاك الظل على التربان عاري بخطه الميدان
لا ناصر اله ولمعين وزينب حايره برضعان

مصاب حسين ابو السجاد مثله ماتشوف العين

بغداد
امجد صاحب الشمري
...
https://www.tgoop.com/sakiAtashi

شوط كربلائي لإستشهاد الإمام الكاظم ع

****
شوط كربلائي لإستشهاد الإمام الكاظم ع

****


لاصارت ولادارت ::: بطاموره إنسجن قرآن

مصيبة سابع أهل البيت ::: عجيبه تشيب الرضعان

****

تكرم عن بني العباس !!!! ورثو آل أميه أحقاد

أحفاد الذي گادو !!!! بالطف العلي السجاد

اللقب بس يختلف هُمّه !!!! نفس الگوم والأصفاد

الذرية النبي ظلمو

سلبو ذبحو وسمو

وگبور إشكثر هدمو

السقيفه الأسست هالجور ::: من چتل أم حسن للآن

****

سجنه ضَيِّگوه إعليه !!!! وحتى إِزيارته ممنوع

النهار يخلصه مثل الليل !!!! إِبظلمه وبالعطش والجوع

ساگه رَضَّه ثقل الگيد !!!! وغده عظم وجلد وضلوع

نَحَّل جسمه كِثرِ الهم

چبده يفور حار السم

إنمرد وإِتگَطَّع إِتخَذَّم 

تِگَلَّب والأَجَل وافاه !!!! فگده فَطَّر الحيطان

****

خليفة جعفر الصادق !!!! سلام الله على موسى

الگمر والشمس والجنه !!!! تشم إِبّابه وتبوسه

وتشوف الدول كلها !!!! زوار الصحن هوسه

إِعتنينه أفواج مشايه

ومواكب خدمته هوايه

تِرِف گلوب والرايه

العلا حُبَّه شهيد يموت !!!! لا واللّٰه موخسران

****

ربنه إنتقم من هارون !!!! والكاظم رفع قدره

أمير الكاظميه أصبح !!!! القبب تشهدله والحضره

بجنحانه مسح جبريل !!!! الشباچ العلا گبره

ولقب باب الحوائج زاد

إبن جعفر أسد بغداد

وإذا أهله عليه إبعاد

  الشيعه الخُلَّص أولاده !!!! والخدام والجيران

****

من أرض العراق اليوم !!!! المدينة قم وإلى مشهد

تعازي نبعث أويه الريح !!!! المعصومه ولأبو محمد

موبس مرقد القاسم !!!! حزين إِتوشح بأسود

العشاگه الحزن شامل

وبالأغصان الورد ذابل

الشرع لوسامح وقابل

نطبر عالنحور بسيف !!!! لأجل العذبه السجان

****

خادم العليله هادي العگيلي الناصري
...
....

https://www.tgoop.com/sakiAtashi

اليوم بيبان السجن مفتوحه
طلع لكن گبله طلعت روحه

......................................
سنين والكاظم يعيش الانتظار
بسجن ما ينعرف ليله من النهار
وصارت الطامورة للمظلوم دار
دار ممنوع العذيبي ايلوحه
......................................
معاشر الحيطان ومفارگ هله
وسلوته صارت ادموعه الهامله
لا خبر لا واحد اليوصل إله
هاي امور الابد ما مسموحة
.........................................
ظلوا اينقلونه من سجن لسجن
طاح بيد القاسي گلبه وما يحن
والغريب ترافگ وياه الحزن
وعينه لـ الله ورحمته مشبوحه
.........................................
وفتحوا الباب النسدت من سنين
وقرروا يطلع المظلوم السجين
لچن ما فرحت گلوب المؤمنين
وظلت لهذا الوكت مجروحه
........................................
الناس تنتظره يجي ويستقبلوه
ولنّه جثة على الجسر نايم لگوه
وانعرف مسموم لمّن گلّبوه
وبقت جثته على الجسر مطروحه
..........................................
موسى ابن جعفر امدد عالجسر
وظال يتفرج عَلي كل اليمر
بعد ذيچ الغربة وسنين الاسر
وذاكه صبره ودمعته المسفوحه
.........................................

الشاعر سماح الجنابي
....



https://www.tgoop.com/sakiAtashi

اليوم موسى الكاظم اندگ بابه
انريد مهدينه يجي امن اغيابه
ــــــــــــــــــــــــــــــــــــــ
عدنه يم باب الحوائج غايه
انريد يظهر قائد المشايه
ايجهز الجيش ويشيل الرايه
الدنيه غابه وهوه سبع الغابه
ــــــــــــــــــــــــــــــــــــــ
گالو الدگ باب موسى الكاظم
مايرد فشلان يفرح لازم
رايدين احنه ظهور القائم
انصير خدامه ونبوس اترابه
ــــــــــــــــــــــــــــــــــــــ
چم علي بن سويد بينه ايتاني
ايصيح ياربي الصبر چواني
وين البوجهه ضوه رباني
المهدي مامعقوله ينسه احبابه
ــــــــــــــــــــــــــــــــــــــ
اليوم يم باب الامام الرافضه
اتصيح سهلنه الامر يابوالرضه
يللي ساگك بالحديد امرضرضه
ويومك ايفت الفؤاد امصابه
ــــــــــــــــــــــــــــــــــــــ
انريد الابشاره تعبنه امن السؤال
سيدي ولا تنطي للشامت مجال
ندعي من الله العظيم الـمتعال
ايعجلنه بالفرج واسبابه
ــــــــــــــــــــــــــــــــــــــ
الدنيه ظلمه وبس ابوصالح ضوه
خل يمر عالمختنگ نسمة هوه
واستقرت وين بالمهدي  النوه
المثله ماجابت ابد جيابه
ــــــــــــــــــــــــــــــــــــــ
ناس گالو بدعويه قصته
وناسه سموهه خرافه غيبته
وين ابوصـالح يبين حوبته
ابسطرة ايده ويخرس الجذابه


محمد الجماسي
اللهم عجل لوليك الفرج



https://www.tgoop.com/sakiAtashi

جرد شيعي دقيق وعدنه تعداد
زوار وخدم كل عام تزداد

إيد إبأيد نمشي ونزحف انزورة
والهاي الزيارة أرواح منذورة
ورساله الـ  آلِ أُمية توصل الصورة
حلم ترجع سبايا وسجن ينعاد

ورد عدنه الخبر لجنازة مطروحة
وحماميل اربعة بس همه واللوحة
سمع بيها الموالي وشانت بروحة
اليوم إعلة الجسر كل شيعته غاد

موجود المصابه منشغل باله
وموجود اليجود ابروحة وبماله
وموجود اليخدمه هو وعياله
عقيدة عدنه موسى ينطي المراد

مو همنه العطايا والمهم مكسب
الاهم عدنه الاجر والاكثر اليتعب
واهمهن كلهن ابابه نظل ننحب
وبَلكت بالبواجي انصيرله اظماد

نصير اضماد كون وبلسم إجراحه
ومرهم يطر سِمه الگَطع اصفاحه
ونصيح العاش موسى ومات ذباحه
ومصدر للامان بهاي البلاد

من ظلمة وسجن صارتله گبتين
ورُخام ومن ذهب صارت حياطين
الكاظم حيل يشبه جده الحسين
ويسميه الموالي بأسد بغداد

خدام ابن جعفر صارو اهواي
كلهم كلمة وحدة وطلعو ابراي
وذاك الجاي يخدم ذاك مشاي
ومثل سيل المطر خدامة مهداد

الشاعر عباس جبار ااشويلي
20/رجب 1446 هجري
21 / 1/ 2025 ميلادي


https://www.tgoop.com/sakiAtashi