مضايق وزهجان والمشاكل تدور حولينك وكل ما تطلع من مشكلة تقع في الثانية، حتى بيتكم زهجت منو!😩
تعال معاي كدا دقيقتين يا قميل🤌🏻
صح أنت حاليا في ضغوطات ومشاكل ومرات بتحاول تتهرب من الواقع الإنت عايشو بحاجات كثيرة، بسسس انا جيتك في الوتر الحساس🫸🏻😂
الهرب ما حل!
طيب الحل شنو؟!
الحل إنك تتقبل الواقع،
أتقبل الواقع كيف؟!
ماتستعجل أسي بوريك🙂‍↔
يعني تتعايش مع الوضع تحاول تتأقلم، يعني في العز مشاكل وجوطتك دي في حاجة حلو أكيد ولو صغيرة، حاول دايما تعاين للحاجات بنظرة ثانية، حاول تغير نظرتك السلبية والله حتشوف الدنيا من زوايا حلوة شديد، وكأبسط مثال عندك الليل صح هو مظلم وموحش بس فيه بطلع البدر🌚، والله شفت المرمطة والزهج دا ماااف مواطن سوداني سلم منها، فما تزعل نفسك وتعيش دور المكتئب.

قوم أنفض غبار اليأس من جدران قلبك وأفتح الستار لعل أشعة الأمل تنير قلبك، أيوة كدة أضحك هو نحنا عايشين كثير عشان نضيع الوقت بالزعل.
اوع تكشر 🤭 والسلام


دايره اشوف قصصكم في زمن الحرب أو قصص ناس بتعرفوها عبرت و استغلت المحنة لى منحة ما تبخل علينا حتي ولو بعبارة تحفيزية اعجبتك
#كل_محنة_منحة
#سامعنك_للصحة_النفسية
#صحتك_النفسية_هي_مبتغانا

أجمل إحساس ممكن نقدمه للأسير هو احساسه بالفخر ، خصوصا لو كان سبب الأسر دفاع عن عرض💜
احساس الأسير بالفخر حيساعدو كتير يتشافى ويرجع يتأقلم بسرعة وحترفع من معنوياته شديد 💜


#أبطال_المعتقل
#في_كل_روح_تحيا_أمل
#قوم_امشي_أقرا
#سامعنك_للصحة_النفسية

تعافي الأسرى النفسي هو واجب مجتمعي، ومسؤوليتنا كلنا ، بل هو واجب علينا اننا نساعدهم ونقيف معاهم 💜 وأي كلمة حتفرق معاهم شديد لأنهم في مرحلة حساسة جداً
خليكم لطيفين معاهم ومع أُسرهم لأنو كمان الأسرة محتاجة دعم 💜


#أبطال_المعتقل
#في_كل_روح_تحيا_أمل
#سامعنك_للصحة_النفسية

يلا مع السلامة أنا ماشي الشغل........

دي أهم عبارة في حياة أي موظف، لأنو العمل والسعي هي الركيزة الأساسية لأي إنسان، لاكن في بيئة العمل بنواجه ضغوطات مادية، إجتماعية ونفسية. حنقيف شويتين على الضغوطات النفسية عشان نعرف أسبابها ونتائجها وكيف نتطلع منها بأقل الخسائر.

🔵 تأثير بيئة العمل على الصحة النفسية:
- البيئة السلبية: تؤدي ضغوط العمل المزمنة، وغياب الدعم، أو التمييز إلى ارتفاع مستويات القلق والاكتئاب وحالات "الاحتراق الوظيفي" (Burnout).
- البيئة الإيجابية: بيئة داعمة تشجع على الإبداع والانتماء، مما يعزز الثقة بالنفس ويقلل من التوتر.

🔵 الخاتمة:
بيئة العمل الصحية ليست رفاهية، بل ضرورة استراتيجية. الاستثمار في الصحة النفسية للعاملين يعود بفوائد جمّة على المؤسسة والفرد معًا، من ارتفاع الإنتاجية إلى تعزيز الولاء الوظيفي. في النهاية، تحقيق التوازن بين متطلبات العمل والاحتياجات الإنسانية هو أساس التنمية المستدامة في أي مجتمع.

🔵 أنا أُفضِّل العمل من منزلي لأن بيئة العمل  مفسدة للصحة النفسية........ مع أم ضد؟؟
#قابل_للنقاش

#سامعنك_للصحة_النفسية
#صحتك_النفسية_هي_مبتغانا

الأمان ❤️‍🩹:

الأمان في العلاقات ما معناتو إنك ما تزعل أو تختلف، لكن معناتو إنك تكون مرتاح تقول الحاصل، متأكد إنك ما حتتجرح أو تُتقلل، وإنك ما محتاج تمثل عشان تنقبل.

العلاقة الآمنة ❤️‍🩹✔️:
هي البتخليك تكون نفسك، براحتك، بدون خوف ولا قلق. بتلقى فيها احترام، فهم، ووجود حقيقي. الشخص البيديك أمان ما بيخليك تمشي تنوم وزعلك في قلبك، ما بيختفي وقت الشدة، وما بيخليك تشك في نفسك.

علامات العلاقة انها آمنة:
• بتتكلموا بصراحة، حتى لو في زعل.✔️
• بتحس إنك مسموع ومفهوم، مش متهم.✔️
• ما في تلاعب ولا “لعب بالعقل”، كل شي واضح.✔️
• وجوده ثابت، ما بيظهر وقت المزاج ويختفي وقت الحاجة.💁🏽‍♀️
• الخلافات بتكون نقاش، ما حرب.🙅🏽‍♀️
• ما بتحس إنك ماشي على قشر بيض، بل ماشي بأمان.❤️‍🩹

الأمان مش شي بتطلبه، الأمان شي بتحسه.
تحسه في نظرة، في رد الفعل، في التفاصيل الصغيرة. تحسه لما تحس إنك مهم، محبوب، ومقبول بكل حالتك.❤️‍🩹

الخلاصة؟
الأمان هو القاعدة لأي علاقة حقيقية. لما تلاقيه، حافظ عليه. ولما تغيب علامات الأمان؟ راجع نفسك، لأنك تستاهل علاقة تحميك، ما تكسرك.
#اختيارك_امانك
#صحتك_النفسية_هي_مبتغانا
#سامعنك_للصحة_النفسية

ناس كتار فقدوا نفسهم وهم بيجروا ورا محتوى لحظي...بنت انهارت عشان فرقتها المفضلة اتحلت، و واحد ترك شغفه عشان ترند، لكن في النهاية رجعوا لنفسهم وللراحة الحقيق.
الترفيه اللحظي ما بيدينا راحة دائمة.

،،طيب تعالو أحكي ليكم كم قصة كدا،،....

🔺️قصة واحدة كانت بتعاني من قلة الثقة وبتجيها إضطرابات عابرة، وزولتنا دي من جيل Z يعني مدمنة tik tok... وfollower ل k pop و بتقلدهم في أي شي وأسلوب حياتها مستنبطاه منهم وبنت ثقتها ف نفسها إعتمادا عليهم...
  وذات يوم أعضاء فريق ال k pop دا إتفارقو وخلو الغنا وبسبب الشي دا خشت ف حالة إكتئاب وحياتها إدهورت ومرت بإضطرابات نفسية مزهلة لحدي ما إتعالجت......

🔺️ومن الأحداث الغريبة، كان ف رسام هو ما مبدع شدييد بس محتاج حبة تدريب ومواصلة ف شغف الرسم عشان يكون مبدع... لكن ما كان بلقى دافع ومحفز من نفسو ومن المجتمع حولينو فقرر يترك الرسم ويشوف هواية سريعة وخفيفة يملا بيها فراغو فقرر؛ يكون تكتوكر وسبحان الله إكتسب متابعين ومعجبين كتاار وبقى مشهور ولقى إقبال من المجتمع الحولينو، لكن هو ف زات نفسو ما كان مرتاح عايش ف توتر مستمر وخايف إنو يفقد متابعينو أو يخسر المعجبين وضغوطات نفسية وما متقبل نفسو زي زمان.
 في ذات يوم قعد مع نفسو والله هداه قرر يخلي التيك توك ويرجع لهوايتو القديمة الرسم. لأنو أدرك كمية الرضى والتقبل التاام الكان عايشو لمن كان بيرسم وقرر إنو ما يشتغل برأي الحولينو بل يواصل ف تحسين مهارتو ف الرسم ولو أخد زمن طويل لحدي ما يصير فنان مشهور ومرتاح نفسياً أولاً.

🔺️ومن هنا ي مجتمع سامعنك العظيم أي زول من الليلة يراجع نفسو ويشوف:
◽️  الناس المتابعهم وبحضر ليهم ديل تأثيرهم قدر شنو ف حياته؟...
◽️وهل التأثير دا أخد منحنى سلبي ولا إيجابي؟؟....
◽️ونحاول نخت فواصل وحدود بين الواقع العايشنو والحاجات البنحضرها.
◽️ والترفيه البكون سريع غالبا تأثير عابر، لكن الترفيه البياخد زمن عشان يتبني بكون ثابت وتأثيرو عميق ومُرضي.

#سامعنك_للصحة_النفسية.
#صحتك_النفسية_هي_مبتغانا.

في ناس اتأذوا فعلاً... لكن بقوا عايشين في دور الضحية لحد ما بقى عادة.
يرفضوا الحلول، يلوموا الناس، ويخافوا من التغيير.
الراحة اللحظية دي ما شفاء... دي سجن.
الوجع ما عيب، لكن البقاء فيه خيار.
المفاتيح في يدك، فهل حتقوم ولا تظل في نفس الدائرة؟

عقلية الضحية ما معناتها إن الشخص فعلاً اتظلم، لكن معناتها إنو بعيش في دور المظلوم بشكل دائم، حتى بعد ما الفرصة جات ليه يتغير أو يتعافى.

الشخص اللي عنده عقلية ضحية بيشوف إنو كل الحاصل ليه سببو الناس، والظروف، والحياة. ما بياخد مسؤولية، وما بيحاول يغير وضعو، ودايمًا عندو قصة فيها هو المظلوم والباقين هم الجناة.

علامات عقلية الضحية:
• دايمًا بلوم الناس، وما بعترف بدوره في أي خطأ.
• بيستخدم الشفقة كطريقة ياخد بها اهتمام أو دعم.
• بيرفض الحلول، وبيحب يكرر نفس المشاكل.
• بيخاف من التغيير، لأنه متعود على دور “المجروح”.
• أي نصيحة بيشوفها هجوم، وأي مساعدة بيشوفها تقليل.

الخطر؟
عقلية الضحية بتخلي الشخص عالق في مكانه، ما بيتطور، وما بيعيش سلام حقيقي. لأنها تريّح مؤقتًا، لكنها تسجن على المدى البعيد.

الخلاصة؟
الكل اتأذى في وقت ما، لكن الفرق بين التعافي والتدمير هو القرار:
هل حتعيش حياتك شايل الوجع؟ ولا حتقوم وتعالجو وتكمل؟
الضحية الحقيقية هي الزول القاعد في نفس الدائرة، رغم إنو المفاتيح في يدو.

#سامعنك_للصحة_النفسية.
#صحتك_النفسية_هي_مبتغانا.

مرات بنعمل حاجات بتأذينا ونحن عارفين... ونقول ليه؟
نخاف من التغيير، من الوحدة، من المواجهة، ونضيع وقتنا.
بس أول خطوة للحل؟ تقعد مع نفسك، وتواجهها بحب.

ليه !؟

كلمة من تلاته حروف بس قادرة تقلب حياتنا فوق تحت ...

مرات بنكون تايهين ومستعجلين ماشين وعايزين نلحق نلحق ايه م عارفين ماشين علي وين م عارفين !؟

عايزين نصل بس ونبقي زي الناس الهناك ديلك ...

بنسمع كتير شديد كلام يسئ لينا وم بنقدر نتصرف نفكر في الكلمه الاتقالت لدرجة انها ممكن تحمينا النوم !؟...

وليه فلان قال كده وليه عمل كده وليه وليه وليه !؟

بندخل ناس حياتنا ونحن عارفين انهم توكسيك و ح يتعبونا ...

بنفضل العلاقات السامة والمؤذية وبنخاف من العلاقات الصحية وبنشوفها غريبة ...!؟

بنقعد مع أصحاب م اصحابنا بجد بس لأننا خايفين من الوحدة ...
بنماطل ونسوف أعمال ومهام كتيرة شديد ونجي للديدلاين نعملها ونتجرس !؟؟
بنهدر الزمن ونقضيهو في اكتر حاجات فارغة في حين انو ده اكتر مورد محدود بالنسبة لينا !؟...

تصرفات كتيرة شديد م بتخدمنا وم بتوصلنا لي هدفنا بتكسلنا وتخلينا اوت اوف مود وتعبانين اليوم كلو ويوم وراء يوم نلقي السنة خلصت ومف اي انجاز !؟
طيب تعالو تاني نسأل نفسنا ليه !؟
وعشان ايه نحن بنعمل كده وهل نحن بنحب نفسنا كفاية عشان ناذيها بالطريقة دي وم نصل للهدف الاساسي الربنا خلقنا عشانو !؟؟
اقعدو مع نفسكم واسألوهاكم سؤال وحبوها وم تكونو صارمين معاها ...
خليكم حنينين علي نفسكم عشان مف غيرها بيقيف معاكم اذا وقعتو ...
وحتي لو م لقيتو جواب كفاية انكم قعدتو واعترفتو انو في مشكلة لازم نحلها ...

وزي م دايماً بنقول انو مجرد م عرفنا المشكلة يبقي اتحلت ...💜
واجه نفسك بحب 💜

#سامعنك_للصحة_النفسية.
#صحتك_النفسية_هي_مبتغانا.

* الرحلة أم الوجهة🤔؟؟....
* متعة الطريق أم فرحة الوصول؟؟!!...

     عشان نحقق أي هدف في حياتنا، لااازم  الهدف دا يكون واااضح وما كدا وبس، بل لازم نضع خطة واضحة ونعرف الطريق المفروض نمشي فيهو ونتوقع الحلو والمر فيهو؛ عشان ما نفقد الأمل والعزيمة ونرجع لنقطة الصفر ونثبت فيها.

* لدينا هنا وجهات نظر مختلفة:
1️⃣ الحياة بدون أهداف واضحة تصبح فوضى. الهدف هو البوصلة التي تحدد الإتجاه وتعطي معنى للجهد المبذول ولكن؛ الانشغال بالوجهة قد يحوّل الحياة إلى سباقٍ مرهق. فالبعض يعلق سعادته على تحقيق هدفٍ ما، وعندما يصل إليه، يكتشف أنه لم يعد يعني له ما كان يعنيه ذات يوم. هنا يبرز سؤالٌ جوهري: هل النهاية هي كل شيء؟

2️⃣ الرحلة.... حيث تصنع الحياة في الطرف المقابل، فالتجارب التي نعيشها والدروس التي نتعلمها والعلاقات التي نبنيها خلال السفر إلى الهدف هي ما يمنح الحياة عمقاً وقيمة. ولكن، التركيز المفرط على الرحلة قد يؤدي إلى التيه فبدون أهداف قد نضيع في دوامة اللحظات العابرة دون إنجاز حقيقي.


✨️والتكامل حين تصبح الرحلة في حد زاتها وجهةً جديدة والحكمة تكمن في الجمع بين الرؤيتين✨️.
#سامعنك_للصحة_النفسية.
#صحتك_النفسية_هي_مبتغانا.

لى بنقسي على نفسنا بالطريقه دي؟
كل واحد يسأل نفسة السوال دا و ما تنسو تشاركونا اجاباتكم و مشاكلكم على رابط صراحة
و في الختام قول كلمة لى نفسك في التعليفات

رابط صراحة
https://www.tgoop.com/SRA7AHBOT?start=ld5p5dd9pc

#فضفض
#سامعنك_للصحة_النفسية
#صحتك_النفسية_هي_مبتغانا

في ناس طيبتهم بتخليهم يحاولوا ينقذوا الكل… حتى لو بيتعبوا نفسهم.
لكن الحقيقة؟ ما كل زول عايز يتغير… وإنت ما مطالب تنقذ العالم.
أنقذ نفسك أول، وبعدها ساعد من مكان قوة، مش من استنزاف.

عقدة المُنقذ… تعب المحبة الزيادة 💔

في ناس، من كتر ما قلوبهم طيبة وحنينة، بيحسوا إنو واجبهم “ينقذوا” كل زول حوالينهم…
ينقذوا الزعلان، المنهار، التايه، المؤذي أحيانًا… حتى لو كان دا بيأذي نفسهم 😔

💭 بتحصل كيف؟
تلقاك دايمًا بتشيل هم غيرك، بتجري تطفّي نيران ما ولعتها، وبتدي من طاقتك وعاطفتك حتى وانت فاضي جوّا 💔

بتقول:

“يمكن أنا أقدر أغيّرو، يمكن لو وقفت معاه يتعدل…”
وما بتقدر تقول “لا” حتى لو تعبك ظاهر!

👀 لكن الحقيقة؟
• الناس ما بتتغير إلا لو هي عايزة تتغير 🛑
• حبك ما لازم يكون “خلاص” ليهم، أحيانًا يكون “تذكير” بس 💌
• إنت ما مطالب تعالج العالم، مطالب تعتني بنفسك أولاً 🌱

🕊️ لو حاسي إنك في الحلقة دي:
• اسأل نفسك: “هل أنا فعلاً بمُدِّي مساعدة؟ ولا بغطّي على خوفي من الرفض؟”
• تعلَّم تقول “كفاية كده، تعبت” بدون تأنيب ضمير.
• ذكر نفسك: “أنا أستحق إنو حد يحبني ويهتم بيا، زي ما بعمل مع الناس.” 🤍

ما غلط إنك تكون طيب… لكن الطيبة ما معناها تفقد نفسك 🫂
خلي إنقاذك الأول يكون لنفسك… بعدها أي مساعدة منك تكون من مكان قوة، مش من مكان استنزاف 💫

#سامعنك_للصحة_النفسية
#صحتك_النفسية_هي_مبتغانا

بتقارن يومك العادي بلحظة نجاح ناس تانيين؟ ده ظلم لنفسك.
السوشيال ميديا بتعرض اللقطة الحلوة… ما الرحلة كلها.
خليك فاكر: طريقك مختلف، ومقارنتك الوحيدة المفيدة هي مع نفسك.

طبعا كلنا لو قاصدين او لا بنقارن الناس بينا وبنقارن حتى أطفالنا ما بينهم ومرات نحنا برانا بنقارن نفسنا مع ناس تانية

والمقارنة دي جزء معاناة كبيرة بعانوا منها الشباب سواء كانت على مستوى الانجاز او السلوك أو المؤسسات أو غيره

حاليا اكتر مقارنات وبعانو منها اغلب الشباب هي مقارنة في الانجاز

والحاجة دي بتحفزها اكتر شي الميديا

الميديا حاليا لاعبة دور ضاغط وبتعرض الانجازات المثالية وان كانت زائفة وده بعمل لينا كم مشكلة


✋ المقارنة في السوشيال ميديا... بتجرّك بالحِيلة

1. بتقارن روحك بي شنو؟

في السوشيال ميديا الناس بتنزل اللقطات الحلوة بس... صورة بعد ما نجح، فيديو بعد ما سافر، بوست بعد ما خلص مشروع.
لكن إنت بتقارن ده بي يومك العادي، بظروفك، بتعبك... وده ظلم ليك ساكت.


2. بتحس إنك متأخر؟

المشكلة ما فيك... المشكلة إنو إنت ما شايف كواليس الناس التانين.
شايف اللحظة، وما شايف المشوار.
فـ طبيعي تحس إنك واقف، وهم "طايرين"، لكن في الحقيقة كل زول عندو وقاتو الصعبة.


3. مزاجك بيتأثر بدون ما تحس

تفتح الفون تتونس شوية، تطلع بعد ساعة ومودك مقلوب.
ليه؟ لأنك شُفت مليون حاجة ممكن تخليك تحس إنك ما أنجزت، أو إنك "ما كفاية".
وكل ده ما واقعي.


4. خلي المقارنة تكون بينك وبَينك

سجّل خطواتك، ولو كانت بسيطة.
احتفل بي إنجازاتك، حتى لو كانت زغنونة.
وقول لنفسك: "أنا ماشي في سِكّتي، براي... ما زيي زول".

احل المشكلة كيف

١/راقب نفسك اولا

٢/راقب الحسابات المتابعاها وممكن تعمل ليها الغاء متابعة

٣/حدد زمن للتصفح، التصفح العشوائي بدي مشاعر سلبية ونفسيتك بتتعب.

#سامعنك_للصحة_النفسية
#صحتك_النفسية_هي_مبتغانا

🌹 وردة اليوم: لي أنا بهمل صحتي 🌹

حصل يوم سألت نفسك:
ليه دايمًا بتنسى تهتم بنفسك؟
ليه أولوياتك دايمًا غيرك، حتى لو الثمن كان صحتك؟

يلا، كل واحد يسأل نفسه السؤال ده بصدق.
وولّعوا التعليقات بكلمة "لنفسي"،
واكتبوا لها بكل حب :
"أنتِ تستحقي كل السَّمح، وتستاهلي كل الحب والاهتمام،
مافي حاجة أهم منك، ومن أولوياتك، ومن صحتك."

#خليك_أنت_أولويتك
#صحتك_النفسية_هي_مبتغانا
#سامعنك_للصحة_النفسية

أسرة قوم الخيرية تهنئكم بحلول عيد الأضحى المبارك، أعاده الله عليكم بالخير واليمن والبركات، نسأل الله أن يجعل أيامكم سعادة وقلوبكم عامرة بالمحبة والطمأنينة.
كل عام وأنتم بخير!💜💜

#سامعنك_للصحة_النفسية
#صحتك_النفسية_هي_مبتغانا

مرات بتحس إنك ما قادر؟
تايه؟ فتران؟ وبس غلبك الحال؟

لا، مايوم ولا يومين..
فترة طويلة، قايم ماقايم! قاعد ماقاعد!
حاسس كأنك موجود بس ماعايش، أي شي حواليك شبه بعضو، مافي طعم، لا حماس، لا دافع، لا إنجاز.

تعال نحكي ليك إنت مالك؟!

إنت بتعاني من حاجة اسمها الاحتراق النفسي - Burnout

يعني عقلك، قلبك، جسمك... كلهم تعبانين أكثر من اللازم
من شيل الهم ، من التفكير، من المحاولة المستمرة.

طيب إنت هسي حتقول لي الحل شنو؟!
حوريك ياجميل💜
انت محتاج تفصل شوية...
تمسك ورقة وقلم وتكتب، تفضفض، تطلع كل الزحمة الجواك.
صدقني، حترتاح.
امشي، وأقعد في الطبيعة كتير ، وماا تضغط على نفسك، والفضفضة لحد قريب منك، كلو بساعد...
والمهم من دا كلو؟!
إنت ما براك💜، نحن هنا معاك، تعال احكي لينا ونحن سامعنك.. 💜
#صحتك_النفسية_هي_مبتغانا
#سامعنك_للصحة_النفسية