من الباب اجاني وكلت
بابي انه ما ينسد

وعزبته كتله هلا
ما سدلي باب بوجه
وبيبان گلبي شگد

بس للاسف بالغت
حسبالي تعبي حلو

انطيت كل الكحل
والجفن چان ارمد

والله انقهر ع التعب

و للاسف گلبي نقي
المفروض گلبي اسود

عقيل العرد ❤️

شايف اذا ما تلگه واحد موجود
يفهم عليك اشبيك من اتگله
وتشوف روحك وحدّك يم الناس
والحسبه تسحب واهسك للذله
هي المصيبه الما ايبين موجوع
ولا يدري اصلا وين راس العله
مشكلتي اضحك حتى لمن مخنوگ
اليشكي همه الناس تبدي اتمله
الگالو عليه تغيرت ما يدرون
حتى النفس بالگوه جاي اوصله
ما امشي صاير الا اذا هندس حيل
واتوقعو هيج انسان كاره ضله
مو زين واكف ما طحت، وتعتبون!!
عدكم عنب تردون مني السله؟!
ماصحلي موت الرحمه حتى تخلصون
بعدين كولو فلان مات و وله
يوميه شتله تموت من البستان
هنيالي لــو بأولها ميت كله

يوسف الساعدي ❤️

وجع وحشه وظما يفتت
اناشغ والدموع اتكت
شاورني الجرح عوفه وكَلتله اسكت

عبد الكريم القصاب ❤️

183 __

ضمّيت الحچي بنجمة
ومشت بيّه الدروب جروح
وانت بعيد
ماميّز گمت مابين
برد العافية ءِمن حرورة اللچمة….

الجميل ميثاق الهلالي ❤️

ياميل اليرد بيه خضار الطيش
واشرب شوفك بعيني
وارد توني اكلك ليش
كل ما الم بذر لصباي جفك ينثر سنيني

حيدر الاريحي ❤️

اه يلكلك تناقض
خدك وكلبك عجايب
صورة مو طبق الاصل
خدك بلون الوفر ليلة ضباب
وكلبك بلون الكحل
وجان همك تستغلني وغصن المكابر أترشة ذل
صرت باعيادك مغني
وصرت بعراسك طبل
وكاس واحد مرة من صحتك شربتة سنين خلاني ثمل

الكاطع

وذاك من ذاك اللگه النجمه العزيزه
بلا سمه ودگلهه عينه !!

#عريان ❤️

بيك
أذبل كل خضاري
وشبّت الصفصاف أشب !!

#عريان ❤️

يتلاگن بگلبي التوابيت
وادم نستني و الها حنيت
آيا غربتي التارسه البيت
ريحت دمع بهدومي شميت

#موعود_قاسم_الرشيدي ❤️

لَا تَتْرُكْ الرَّمْلَ يَهْذِي دُونَ أَخِيلَةٍ
حَمْرَاءَ تُنْبِتُ مِنْ حَبَّاتِهِ زَهَرَا

لَا تُغْلِقْ الصَّحْوَ دُونَ الْحُلْمِ ذَا أَمَدٌ
يَطُولُ فِيكَ اشْتِهَاءً كُلَّمَا اخْتَصَرَا

وَذِي الْحِكَايَاتُ هَمْسٌ مِنْ غِوَايتِهَا
أَنَّ الشُّمُوسَ تُحَاكِي سَرْدَهَا الْعَطِرَا

وَأَنَّكَ الآنَ تَارِيخٌ وَكَاتِبُهُ
وَمَا عَدَاكَ اقْتِبَاسٌ مِنْكَ فِيكَ جَرَى

#ابراهيم_الغالبي ❤️

يلمني الينده بگلبة ويگلة الليل وشلة حد
ويدليني السرابة الليل
ويدور صدگ بعيونة ما يبرد
يحيف من الجزر للمد
ولك عفية ابليس اتريد واحد عالچذب يشهد

#عباس_الغالبي ❤️

أحب التعب بالچلمة
تحييني
وتبچيني
وتسليني
وفز من التعب چلمة
سمح حزني وحلاتة بچلمة يندلني
آنة وي الأحبهم غيم
شايلني بعسر حلمة
لابية المطر شباچ للحسرة
ولا بية اليلم الفيض من گبرة.
أحب التعب بالچلمة
تراويني المراية الخاتلة بگلبي
اشوف الدم
اشوف الهم
اشوف العثرة بالشريان من تحلم
اشوف هواي من گلبي وگول الچلمة ماتنذم
يعيرني الحمل بالشيل
مايدري الثگل بلسم
أحب التعب بالچلمة

#عباس_الغالبي ❤️

من اخر وجع بالروح
الك بيه حنين وخوف

ومن اول صبح للعين
احطك عافية اعلهً الشوف

غيض الگلب صفنة هور
و مر اسمك غنا ومشحوف

گبل ماعرفك مشيب
وچنت ما ابين بوجهي..
وهسه الشيب ع المكشوف

عقيل العرد

الراحل عريان السيد خلف 💔

القيامه !!!

ما هديتهن بس طيرت منهن
وكحات البگلبي وگوه ساجنهن

جوا من الجفن مكبرة وكلها اعزاز
المواقف والسوالف كوه دافنهن

الميت بالعيون شما سگيته يموت
بحلمهن ما يعيش الما يثمنهن

والبيهن نزف دام الثياب انظاف
شما ضميتهن نزفك يبينهن

العجايب سبعة بس من شفت هاي الناس
شفت گلبي وضميري وصبري ثامنهن

عقيل العرد

حمد يبني
وفه النهران بعيونك
وگبل دارك حمد تلگه السمار يبات بگلوب اليودونك
طير اشما كبر جنحك
وازهگ حد سمار الحيف مادام السمه بلونك

حمد شال السلف مبخوت طاريّك
حلاتك عالغريب اتفيض واتعزب معانيّك

حمد يبني غلاتك عزة الديرة
عرفت اهلك ( هلااا ) وعنوان للضاعن تصاويره


كاظم علي الركابي ❤️

يا گلبي مخبوص النهر
كلمن محضّر شصّه..
ماخذني وين ليا جرف!
يا دمعه تطفي الغصّه!
مو گتلك عيون الغرُب
ما النه بيهن حصّه!
عش وچّدونه بمدرسه
وباگونه بأول فرصه…

#ميثاق_الهلالي ❤️

عمر لو سنة
اعل البيبان ؟
هاي اللچمة سامعها
گبل ما اصير هم دنيا
چذب عمر البشر مو راي
راي الطيش والأحلام
وأماني معلگة نيتها اعل نيتها

يخافون اعل ضحكتهم !
يباروها بدمع جاهل
يدارون الحرگ بالليل
ينسون الگمر جاهل !
سنة تاكل سنة امن الحيل والوادم حلم جاهل


#عباس_الغالبي ❤️