✅ Юксак эътироф

✨Ёш ҳарбий хизматчилар ўртасида намунали хулқи, ташаббускорлиги
ва тиришқоқлиги билан барчага ўрнак бўлаётган ҳарбий хизматчиларнинг ота-оналарини ДХХ Чегара қўшинлари қўмондонининг “Ташаккурнома”си билан тақдирлаш яхши анъанага айланиб улгурди.

💦Жумладан, Наманган, Бухоро ва Жиззах вилоятларида туғилиб, айни дамда юртимиз сарҳадлари дахлсизлигини ишончли қўриқлаб келаётган, хизмат фаолиятида юқори натижаларга эришаётган бир гуруҳ ҳарбий хизматчиларнинг
ота-оналарига “Ташаккурнома”лар тақдим этилди. Тақдирлаш жараёнида юқори қўмондонликнинг махсус табриги ўқиб эшиттирилди.

✅Ўз ўрнида ота-оналар фарзандларига қаратилаётган бундай юксак эътибордан жуда хурсанд эканликларини ўз дил изҳорлари билан ифода этдилар.

🛟 www.tgoop.com/sarhad_uz

🏘 Чегарачилар учун замонавий иншоот фойдаланишга топширилди

📌 Наманган вилояти Чортоқ туманида ДХХ Чегара қўшинлари тасарруфидаги ҳарбий бўлинма ҳарбий хизматчилари учун бунёд қилинган янги бино тантанали равишда фойдаланишга топширилди. Тадбирда Наманган вилояти ҳокими Шавкатжон Абдураззоқов иштирок этиб, сарҳадларимизни муносиб ҳимоя қилаётган чегарачиларни янги иншоотлар билан муборакбод этиб, Қуролли Кучларимизда амалга оширилаётган кенг кўламли ислоҳотлар хусусида тўхталиб ўтди.

❄️ Янги бинода хизмат учун зарур барча инфратузилма ва замонавий қулайликлар яратилган бўлиб, ҳарбий хизматчилар учун яшаш хонадонлари ҳам фойдаланишга топширилди.

www.tgoop.com/namvilhok

☄️ Янги бинолар тантанали тарзда топширилди

🔵 Наманган вилояти Учқўрғон туманининг Қирғизистон Республикаси билан чегарадош ҳудудида жойлашган ДХХ Чегара қўшинларига қарашли ҳарбий бўлинманинг янги мажмуаси фойдаланишга топширилди. Қисқа вақт ичида бир неча объектлар, жумладан, маъмурий, турар-жой бинолари, шунингдек спорт мажмуаси ҳамда ахборот кутубхона марказлари, тикувчилик цехи қуриб, битказилди. Бугун эса тантанали очилиш мароси бўлиб ўтди.

✅Тадбирда Наманган вилояти ҳокими Шавкатжон Абдураззоқов иштирок этиб, бу ерда амалга оширилган бунёдкорлик ишлари, энг аввало муҳтарам Президентимиз, Қуролли Кучлар Олий Бош қўмондони Шавкат Мирзиёев томонларидан илгари сурилган ислоҳотлар самараси эканини таъкидлади.

🤔 Тантанали маросимда ҳарбий хизматчилар ва уларнинг оила аъзолари, фахрийлар ва маҳалла фаоллари иштирок этдилар.

www.tgoop.com/namvilhok