يازهراء مدد
ليلة ولادة الامام الحسن ع 1439 / الموفق والحبيب الرادود سيد حميد الطويرجاوي / كلمات سيد حامد النعيمي / كربلاء المقدسة.
رابط المشاهدة والتحميل من اليوتيوب
https://youtu.be/aZL8DvNOROo

عظم الله اجورنا واجوركم

ماكان بتوفيق الله عز وجل لأئمة البقيع

بصوت الموفق الملا سيد حميد الطويرجاوي 1439
رابط المشاهدة والتحميل من اليوتيوب
https://youtu.be/2jIzxMgs51Q

گطع چف الظلم منحر ولك بت
حرگو خيمة العتره ولك بيت
يصادق ما غبت عنهم ولك بت
حارت بالمفر حيرة رقيه

يا الله
يازهراء

رمله (ع) تكلم الامام القاسم (ع)

فرگه وليل رادن حيل / وانته الحيل ياجسام
گلبي ذاب كافي اغياب / جوه اتراب ليش اتنام

حضرته الورد يُمَّهْ / چنت امناطره عرسك
تالي مي ورد بيدي / أرشن بي على گبرك
يبو چف الترف ترهم / تتحنه ابنزف دمك
ومو چكليت چف الطف/طش چم سيف إله ابجسمك

طحت اهناك وانه اتناك / روحي اوياك كلهه آلام
گلبي ذاب كافي اغياب / جوه اتراب ليش اتنام

عشت بعدك جرح ينزف / ماحاچي ابألم وضعه
جرح مالاگي اليضمده / ولا صحله الذي ايسمعه
يجيني الليل وبسكته / تبدي اتسولف الدمعه
سوالف بالگلب ماتت / چنهه اسوالف البضعه

ابحرگ الدار ولي صار / من اشرار والظلام
گلبي ذاب كافي اغياب / جوه اتراب ليش اتنام

أشد حيلي ابحزن طاريك / يرخه ابساعة اونيني
أگابل صورتك كل ليل / ونطرنك تحاچيني
گلي اشلونچ ابيا حال / منك كلمه تكفيني
أم ابلا ولد ياناس / تعوض زهرة اسنيني

ياشيال حملي المال / غربه الحال عگبك دام
گلبي ذاب كافي اغياب / جوه اتراب ليش اتنام

سؤال ابالي يتردد / بي تخنگني العبره
من السيف اجه ابراسك/ وصارت هامتك حمره
صحت الآخ لو چلمة / يُمَّه ابساعة الطبره
الغصن من ينكسر عوده / بيه اتحس تره الشجره

انته الروح يامجروح / ليش اتروح وكتي اسهام
گلبي ذاب كافي اغياب / جوه اتراب ليش اتنام

صبر أيوب ماينفع / للفارگ أعز غالي
ياجسام كل حسره / أشوف الموت يبرالي
متنه اثنين بس يفرق / يبني حالك وحالي
انته السيف كتالك / وانه الفرگه كتالي

حزن وآه چم ويلاه / عل ملگاه صار احلام
گلبي ذاب كافي اغياب / جوه اتراب ليش اتنام


خادم الزهراء (ع)
سيد حامد النعيمي

محرم الحرام 1440

يرجى الانتباه لحركات كلمة / يمه /

مولاتي رقيه ع تكلم جيش الاعداء

لو خذيتوهه حياته / لا تسلبوهه عباته
بيهه غطاني ابحنانه / وهيه آخر ذكرياته

ذاكه شمر وبس ثواني ويعتدي
ابنحر ابويه ابسيفه ايحز يبتدي
لحظه وعيونه تغمض والدي
وتسهر اعيوني ابْفَرِكَْتَهْ وَحَّدِي

ابلا أبو عطفو عليه / ترفه روحي رحمو بيه
ابغربه ومضيعه مچاني / وهيه آخر ذكرياته

لو هجمتو ادري مابيكم رحم
گلبي اتحرگونه وي حرگ الخيم
خلو اذاني ابلا تراچي وتجري دم
من أشمنهه عباته أنسه الألم

من اشمهه اذكر حنانه / ويمهه أحس چني ابأمانه
وفيه إلي لو راح فيه / وهيه اخر ذكرياته

مهله انطوني أسولف گلبي ذاب
أرد أگل لحسين ياسيد الشباب
مو مقامك تگعد انته اعله التراب
آ يغالي گومتك صارت سراب

خلي افرش ليك روحي / وارجع وطيب جروحي
ابنص شماته وماكو عمي/ وهيه اخر ذكرياته

ها يذخري وجهي بعدك وين ادير
بويه نومه ابدون حضنك بيهه أحير
كله نار الطف يريدلنه چبير
وآنه جدمي بويه بالخطوه زغير

اوصلك وبساع مگدر / شمر يمك بويه يفتر
وعين سوطه اعله بناتك / وهيه آخر ذكرياته

خلي أفرض لو وصلتك يالحنين
إنته جسم ابدون منحر ياحسين
ابكل شبر دورته بويه الصوت وين
رايده اسمع صوت منك لو ونين

بلكي ابونت المنيه / تلفظ اسمي يارقيه
وتفتح ايدينك إليه / وهيه اخر ذكرياته

بويه أرحم من تغمض اعيون إلك
ولاتشاهد عالجمر تركض هلك
وعمتي زينب بيهه يندار الفلك
والشمر يمشي ابقراره محملك

وماينوم عيني الليل / من أشاهد داستك خيل
ابصدري دوسات الحوافر / وهيه اخر ذكرياته



خادم الزهراء (ع)
سيد حامد النعيمي

محرم الحرام 1440








‏

يامهدي روحي لك الفدا

ضاعن اسنين العمر / ولظهورك أنتظر
بالواقع أجريلك دمع / وبگلبي وياك اجتمع
خليني اشوفك خليني اشوفك

عاين الجيتك صور ترسن خيالي
يخلص الليل ويرد وانه اعله حالي
گاعد انطر طلعتك يغلى الغوالي
العنكبوت ابچفي عشعش شافه خالي

يمته چفي ايسالمك / كافي اظل أتأملك

كل جمعه تخلص أنوجع / وبگلبي وياك اجتمع
خليني اشوفك خليني اشوفك

شوگي مو شوگ ام ولد كاتلهه إلفراگ
شوگي إلك لا ما أظن تشتاگه عشاگ
هيچ واكثر سيدي صدگني أشتاگ
شوگ غرگان إلنفس من ريته ينباگ

ابغيبتك يبن الشيم / دنيه مابيهه طعم

يايوم يتغير الوضع / وبگلبي وياك اجتمع
خليني اشوفك خليني اشوفك

صرت ادورك بالمجالس والزياره
دولتك بالكوفه أنظر بس مناره
سيدي يادوله إلك بيهه سفاره
ليهه أريدن أعتني سويلي چاره

آنه تايه ياوطن / اعليك امشي ام الحسن

تلزمهه إيدي وانتفع / وبگلبي وياك اجتمع
خليني اشوفك خليني اشوفك

هذا مجلس منصب وانه يقيني
ابلايه دعوه تحضر وتنظر حنيني
وادري تلطم هسه وي لطمت إديني
ليش ماتگدر تشوفك هيه عيني

يانبض نبض الگلب / زيل عن عيني الحجب
‏
لحظات اشوفك أقتنع / وبگلبي وياك اجتمع
خليني اشوفك خليني اشوفك

عندي أبو وآنه يتيمك بيه إرحم
ابروحي عاشت أمنيه ابعاشور نلتم
وعل نحر يشتد لطمنه ونجري الدم
ونبچي الجرح السبي ونار المخيم

ونذكر اچفوف الگمر / الكسرن الزينب ظهر

ونذكر كسر لمك ضلع / وبگلبي وياك اجتمع
خليني اشوفك خليني اشوفك

أحتضر يبن الحسن موتي ابنحيبي
عاجز الطب ماگدر يطفي لهيبي
شفته حاير يادوه ينطي طبيبي
گتله طبي أعرفه شوفة حبيبي

الوي حبيبه مفترگ / تلگه گلبه محترگ

ونه ابحزن بس ينسمع / وبگلبي وياك اجتمع
خليني اشوفك خليني اشوفك


خادم الزهراء(ع)
سيد حامد النعيمي


محرم الحرام 1440

بتوفيق الله وبركة الزهراء ع ودعائكم عند اكتمال باقي القصائد يتم النشر
ولأي استفسار او سؤال هذا تلجرامي الخاص وانا خادم خدمة اهل البيت ع

https://www.tgoop.com/sayedhamid10

الغاية من النشر القراءة وليس التعليقات

دُعَاء وزيارة يَوْمِ الْجُمُعَةِ
( ويستحب الصلاة على محمد وال محمد 100 مره وكل مازاد كان افضل)

الدعاء

بِسْمِ اللَّهِ الرَّحْمنِ الرَّحِيمِ
الْحَمْدُ لِلَّهِ الْأَوَّلِ قَبْلَ الْإنشْاءِ وَ الْإحْيَاءِ ، وَ الْآخِرِ بَعْدَ فَنَاءِ الْأَشْيَاءِ .
الْعَلِيمِ الَّذِي لَا يَنْسَى مَنْ ذَكَرَهُ ، وَ لَا يَنْقُصُ مَنْ شَكَرَهُ ، وَ لَا يُخَيِّبُ مَنْ دَعَاهُ ، وَ لَا يَقْطَعُ رَجَاءَ مَنْ رَجَاهُ .
اللَّهُمَّ إِنِّي أُشْهِدُكَ وَ كَفَى بِكَ شَهِيداً ، وَ أُشْهِدُ جَمِيعَ مَلَائِكَتِكَ وَ رُسُلِكَ ، وَ سُكَّانِ سَمَاوَاتِكَ وَ حَمَلَةِ عَرْشِكَ ، وَ مَنْ بَعَثْتَ مِنْ أَنْبِيَائِكَ وَ رُسُلِكَ ، وَ أَنْشَأْتَ مِنْ أَصْنَافِ خَلْقِكَ .
أَنِّي أَشْهَدُ أَنَّكَ أَنْتَ اللَّهُ لَا إِلَهَ إِلَّا أَنْتَ ، وَحْدَكَ لَا شَرِيكَ لَكَ وَ لَا عَدِيلَ ، وَ لَا خَلْفَ لِقَوْلِكَ وَ لَا تَبْدِيلَ .
وَ أَنَّ مُحَمَّداً عَبْدُكَ وَ رَسُولُكَ ، أَدَّى مَا حَمَّلْتَهُ إِلَى الْعِبَادِ ، وَ جَاهَدَ فِي اللَّهِ عَزَّ وَ جَلَّ حَقَّ الْجِهَادِ ، وَ أَنَّهُ بَشَّرَ بِمَا هُوَ حَقٌّ مِنَ الثَّوَابِ ، وَ أَنْذَرَ بِمَا هُوَ صِدْقٌ مِنَ الْعِقَابِ .
اللَّهُمَّ ثَبِّتْنِي عَلَى دِينِكَ مَا أَحْيَيْتَنِي ، وَ لَا تُزِغْ قَلْبِي بَعْدَ إِذْ هَدَيْتَنِي ، وَ هَبْ لِي مِنْ لَدُنْكَ رَحْمَةً إِنَّكَ أَنْتَ الْوَهَّابُ . صَلِّ عَلَى مُحَمَّدٍ وَ آلِ مُحَمَّدٍ : وَ اجْعَلْنِي مِنْ أَتْبَاعِهِ وَ شِيعَتِهِ ، وَ احْشُرْنِي فِي زُمْرَتِهِ ، وَ وَفِّقْنِي لِأَدَاءِ فَرْضِ الْجُمُعَاتِ ، وَ مَا أَوْجَبْتَ عَلَيَّ فِيهَا مِنَ الطَّاعَاتِ ، وَ قَسَمْتَ لِأَهْلِهَا مِنَ الْعَطَاءِ فِي يَوْمِ الْجَزَاءِ ، إِنَّكَ أَنْتَ الْعَزِيزُ الْحَكِيمُ‏

زيارة الامام الحجة (عج) في يوم الجمعة

الزيارة

السَّلَامُ عَلَيْكَ : يَا حُجَّةَ اللَّهِ فِي أَرْضِهِ ، السَّلَامُ عَلَيْكَ يَا عَيْنَ اللَّهِ فِي خَلْقِهِ ، السَّلَامُ عَلَيْكَ يَا نُورَ اللَّهِ الَّذِي بِهِ يَهْتَدِي الْمُهْتَدُونَ ، وَ يُفَرَّجُ بِهِ عَنِ الْمُؤْمِنِينَ ، السَّلَامُ عَلَيْكَ أَيُّهَا الْمُهَذَّبُ الْخَائِفُ ،السَّلَامُ عَلَيْكَ أَيُّهَا الْوَلِيُّ النَّاصِحُ .
السَّلَامُ عَلَيْكَ يَا سَفِينَةَ النَّجَاةِ ، السَّلَامُ عَلَيْكَ يَا عَيْنَ الْحَيَاةِ ، السَّلَامُ عَلَيْكَ صَلَّى اللَّهُ عَلَيْكَ وَ عَلَى آلِ بَيْتِكَ الطَّيِّبِينَ الطَّاهِرِينَ‏ .
السَّلَامُ عَلَيْكَ ، عَجَّلَ اللَّهُ لَكَ مَا وَعَدَكَ مِنَ النَّصْرِ ، وَ ظُهُورِ الْأَمْرِ ، السَّلَامُ عَلَيْكَ يَا مَوْلَايَ ، أَنَا مَوْلَاكَ عَارِفٌ بِأُولَاكَ وَ أُخْرَاكَ ، أَتَقَرَّبُ إِلَى اللَّهِ تَعَالَى بِكَ وَ بِآلِ بَيْتِكَ ، وَ أَنْتَظِرُ ظُهُورَكَ وَ ظُهُورَ الْحَقِّ عَلَى يَدِكَ ، وَ أَسْأَلُ اللَّهَ أَنْ يُصَلِّيَ عَلَى مُحَمَّدٍ وَ آلِ مُحَمَّدٍ ، وَ أَنْ يَجْعَلَنِي مِنَ الْمُنْتَظِرِينَ لَكَ ، وَ التَّابِعِينَ وَ النَّاصِرِينَ لَكَ عَلَى أَعْدَائِكَ ، وَ الْمُسْتَشْهَدِينَ بَيْنَ يَدَيْكَ فِي جُمْلَةِ أَوْلِيَائِكَ .
يَا مَوْلَايَ : يَا صَاحِبَ الزَّمَانِ ، صَلَوَاتُ اللَّهِ عَلَيْكَ وَ عَلَى آلِ بَيْتِكَ ، هَذَا يَوْمُ الْجُمُعَةِ ، وَ هُوَ يَوْمُكَ ، الْمُتَوَقَّعُ فِيهِ ظُهُورُكَ ، وَ الْفَرَجُ فِيهِ لِلْمُؤْمِنِينَ عَلَى يَدِكَ ، وَ قَتْلُ الْكَافِرِينَ بِسَيْفِكَ ، وَ أَنَا يَا مَوْلَايَ فِيهِ ضَيْفُكَ وَ جَارُكَ ، وَ أَنْتَ يَا مَوْلَايَ كَرِيمٌ مِنْ أَوْلَادِ الْكِرَامِ ، وَ مَأْمُورٌ بِالْإِجَارَةِ ، فَأَضِفْنِي وَ أَجِرْنِي صَلَوَاتُ اللَّهِ عَلَيْكَ وَ عَلَى أَهْلِ بَيْتِكَ الطَّاهِرِينَ .

ونسألكم الدعاء

☝️☝️☝️ تم نشر بعض قصائد محرم ١٤٤٠ والباقي سيتم نشره بعد أكماله بتوفيق الله والزهراء ع ودعائكم

لسان حال فاطمة العليلة ( ع )

نتشابه ابنفس البدايه/ وكلشي اختلف وكت النهايه
يوسف هله ردو إله / واهلي ضحايه ابكربله
كلشي اختلف وكت النهايه

عشنه الفرگه وبعمر الطفوله
أكبر منه همنه من نگوله
الفرح شبرين مانگدر نطوله
الطفل ياناس صعبه محني طوله

ويعيش وحده ابحسرته ايبات/وبشعره باين حزنه شيبات
لا عايله تتكفله / واهلي ضحايه ابكربله
كلشي اختلف وكت النهايه

يوسف مو عليل احتاج اهله
وبيه الشوگ جمره جوه دله
وآنه ابروحي شوگ ابجسمي عله
العليل ابلا هله أيامه ذله

والزهره ملت عيني الباب / لا غافيه ولا ردو احباب
ياهو أسأله وني اعتله / واهلي ضحايه ابكربله
كلشي اختلف وكت النهايه

ابفرگت والده من عدهم إثنين
بس اعيون راحن بعد إلسنين
وانه ابليله إلي ينراد چم عين
مو يعگوب أنا فارگت إلحسين

المالي الارض من طيب عطفه / چم يوم إلي مابسته چفه
أتأمله واتخيله / واهلي ضحايه ابكربله
كلشي اختلف وكت النهايه

السهر مليته وي حچي العواطف
الجفن لحظه غفه وبعين خايف
شفت عبدالله منه الريج ناشف
عصرت اعيوني بللت الشفايف

ما إرتوه عطشان من نام / من عاينت ذابحته إلسهام
من حرمله وظلم الملا / واهلي ضحايه ابكربله
كلشي اختلف وكت النهايه

قِصْتِي ابنوح خلصت يوسف ارتاح
يشم نحر الأبو منه العطر فاح
وابوي ابنحره يشتم سيف ذباح
واهلي بالسبي والروس برماح

وضعن الحرم ميت كفيله / وزينب صفت فوگ الهزيله
متن انوله لمدلڶه / واهلي ضحايه ابكربله
كلشي اختلف وكت النهايه



خادم الزهراء ( ع)
سيد حامد النعيمي

محرم 1440