الفاطم حِنْيَنِ اضلوعي وسلمن
عن عصرتهه اناشد من وسل من
علي يل احضرت يونس وسلمان
عجب ماتحضر الزهره الزچيه

(موضوع القصيدة من خيال الشاعر)

طير كل ما يجوع يگصد بيت الزهراء (ع) فيگلهه

يباب الله اعتنيتچ منچ اشيطلع
الصدگ جوعان بس ابشوفتچ اشبع
بيدچ بس دعا ماشلتي چف نداف
ولا أذيتي حنطه ابطشت اليزرع
بيتچ گاع خضره اولو أكلت ابصيف
چفچ فَيّه يوگف فوگي من يركع
خير الله اشكثر بس انتي كل الخير
يمچ راسي ادنگه وبكرامه أطلع
اليچهبچ بالفجر ورده ندى اتچهبيه
يتبلل فرح مو مستحه ينگع
يِفَيْضِ اجيوب چفچ وانتي من تطين
غيمه وتمطر الحد ما فلح تقنع
لو فريتي رحه منهه تعتذرين
بير الطيبه عندچ كل وكت تنبع
آنه امعاشرچ واهواي ربعي اطيور
مابيهم إلي مثلج جنح يفزع
مثل طبع الگمر ماينسمع كل صوت
وچهچ چن حَسَنْ مو سيف من يلمع
يزهره احسان فعلچ مو جزاته احسان
رايد اوفي إذنچ مني خل تسمع
مولاتي أشوف ابابكم بسمار
چهالچ من تصدله اعيونهم تدمع
عليه خل ابني عشي باچر ايدفعوه
بسمارچ اريده ابصدري من يطبع
حضره الخاطرچ بسمارچ أتلگاه
من صدري يطب من ظهري خل يطلع
بمچانچ أنا وافراخي خلنه انطيح
ولا طولچ يطيح وحزن يتگبع

.... سر جمال شخصيتك في : ( لا ) ... ( لماذا ) .... ( إذاً ) ...!!!
لا : للكبرياء والغرور.
لماذا : لأنك مجرد إنسان طين ,وماء ,ومصيرك للفناء .
إذاً : كن متواضع ,ولين الجانب مع البشر.
*
لا : للكذب والخداع والخيانة .
لماذا : لأنها تنقص من قدرك ولا ترفعه .
إذاً : كن صادق ووفي وواضح.
*
لا : للغباء والسذاجة
لماذا : لأنك سـتغدو أضحوكة بين الناس.
إذاً : كن ذكي وفطن وواعي الفكر.
*
لا : للحب الزائف ولبس الأقنعة .
لماذا : لأن الحـب أكبر مما تتوقع .
إذاً : كن حـب واحد ....وقلب واحد.
*
لا : للظلم وللقسوة.
لماذا : لأنها من منغصات الحياة وهضم الحقوق.
إذاً : كن عادل وحنون وصاحب روح.
*
لا : للثقة الزائدة.
لماذا : لأنه سـ يأتي يوم تقع في شراك الغطرسة.
إذاً : كن ....خير الأمور اوسطها..
*
لا : للتبلد وعدم اثبات الذات .
لماذا : لكي يكون لك مكانة في المجتمع .
إذاً : كن صاحب حضور مميز لـ ترقى.
*
لا : للتحجر وموت الضمير.
لماذا : لأنك بهما لست أنسان.
إذاً : كن متفهم وأيقظ ضميرك
*
لا : للطمع والجشع.
لماذا : لأنك غبي لو ظننت أنها شجاعة .
إذاً : كن قنوع بـ ما كتب لك في الحياة.
*
لا : لـ مراقبة الناس وكشف أسرارهم .
لماذا : لأن بيتك من زجاج وكتابك مفتوح .
إذاً : غير نفسك قبل أن تغير الناس وأغلق كتابك.
*
لا : للكتابة الركيكة .
لماذا : لأنها مضيعة للوقت وخسائر للورق .
إذاً : كن صاحب حرف وقلم جميلين.
***
لا : للنظر لـ من حولك بـ نصف عين .
لماذا : لأنهم يملكون عينان .
إذاً : أنظر لهم بـ عين عادية.

https://www.tgoop.com/PAfms

قصيدة لوفاة مولاتي زينب (ع) يرجى مراعاة بعض الكلمات لوجود الحركات عليها

لسان حال مولاتي زينب ع


يابو فاضل گوم من گبرك إليه
زينبك وانتظرك ابيوم المنيه
ياگمر اني الحبيبه / أحتضر وحدي وغريبه

يخويه الغُرْبِتِي تبچي الحياطين
من شافتني وحدي امسبّله ايدين
چنت أتمنى اموت وراسي مابين
چفك والحضن وگبالي احسين

اليحتضر من تلتم التوديعه اخوته
والله الوادم تِهَنّيه اعله موته

إنته ماتحضر عجيبه/ أحتضر وحدي وغريبه

خلصت خويه أيامي وسنيني
بس ماخَلّص اعليكم ونيني
ظل لاخر نفس إلكم حنيني
ابصوركم كل وكت متروسه عيني

ماردت بس الصور وتمر بلعيون
آنه اريدن ياگمر يمي تحضرون

كل جرح إنتم طبيبه / أحتضر وحدي وغريبه

لَمّن عاينت ماكو اهلي بالدار
ذكرت ايام حزني وخيمتي ونار
الطف مني أخذهه ازغار واكبار
وظل من آل أميه اشلون تذكار

بعده باذاني صهيل اخيولهم ذاك
وصوت حزني عالشريعه أحچي وياك

مادريت أختك سليبه/ أحتضر وحدي وغريبه

من ليل اهدعش أيامي بس ليل
والتل خويه ما خلالي كل حيل
أسَبّحْ ياعلي واقراهه ترتيل
حتى اچفوفي توصل دمعي اليسيل

بس تعال وشوف حالي اشلون بعدك
حالي ظهر احسين چنّه ابيوم فگدك

المثلك اشيحمل مغيبه / أحتضر وحدي وغريبه

عرگ وجهي وبده يتخافت الصوت
وْملك الموت واگف بيده الموت
صعبه الغربه من اتشيل تابوت
النعش من يمشي كون اوياه زاتوت

لو نويت اتمرني أحلفك خويه بمك
لاتجي وبالعين باقي بعده سهمك

ينفطر گلبي ابنحيبه / أحتضر وحدي وغريبه



خادم الزهراء (ع)
سيد حامد النعيمي

1440

ياعلي

الاربعاء سنكون ان شاءالله في خدمة أمير المؤمنين والانسانية علي بن ابي طالب (ع) في ذكرى ولادته الميمونة
.
التفاصيل داخل البوست

علي باب الكرم أگصد وجداي
فدوه اهلي الإسم حيدر وجداي
طبيبك يا گلب أيس وجد داي
مزمن حب علي وأثر عليه

ماهزت جذع لانخله ام حيدر
بيت الله اهتز إلهه وحايطه إلهه انطر
فرق عن بت اسد من جابت الكرار
مريم ام نبي وبالجيبه تتحسر
طبت بت اسد بيت الله ثلث ايام
شتلت بي علي ودر اوصي خضر
هبل لونه انخطف باچر علي ايبديه
علي چف النبي البي روس تتكسر
رَجْفَتْ جيش أميه من إجه العباس
هيچ امن انولد منه ارتجف خيبر
من خط شاربه كشخاته ذوالفقار
ورتلته الحروب الفارس الأندر
حچاه اهواي الله ابسالفة قرآن
ومحمد بَسّطه وظل صعب يتفسر
ما وصفه ابشمس چي لن طبعهه اتغيب
ولا وصفه ابگمر أحواله تتغير
علي بطباعه ثابت يشبه الآذان
يكبر صيته بس مامره يتكبر
علي غصن المحبه ابعين كل عصفور
ومسامر عشگ زينب وبو الاكبر
من گد ما حنين ابذاك حر الصيف
من الگاع تعطش هوه يتفطر
العداله العنده يتمناهه كل ميزان
اليشطره ابسيفه ايساويه لو كَبّر
علي علم الفضاء اشما تدرسه ادوخ
لدوره ابكتب واسنين تتحير
اختصارن للحچي ربنه المحمد گال
علي للدين صاير قاعده ومحور

عظم الله اجورنا واجوركم
بمصاب باب الحوائج موسى بن جعفر (ع)