وَجّهْتُ وَجْهِي للمجالس/سيفي اللطم وبفعلي عابس
وِبْخِدْمِتِي أتباهه/واضح إلي معناهه
هاي المجالس/من خير إلحسين

المجالس إلهه أتعنه لحد موتي
ومابطل لطم حد شيل تابوتي
مثل صوت الرعد مايندثر صوتي
ومثل الليل أخوف اعداي بسكوتي

من صَدْرَي ألَطمه الله شاهد/أسطر شكو بالدنيا حاقد

والسطره ما ينساهه/واضح إلي معناهه
هاي المجالس/من خير إلحسين

من ألطم صدگ مادورت سمعه
اليدور سمعه والله احسين ميرفعه
وأعرف إلمن أبچي آنه مو شمعه
وعندي احسين أكبر من بچي ودمعه

لو ما ثَوُرْتَه ونحره حاضر/ ليهسه ما تحچي المناير

احسين الأمس أحياهه/واضح الي معناهه
هاي المجالس/من خير إلحسين

اليلطم عالجرح ماينحسب عاقل
وآنه اجروح لحسين اشكثر شايل
ألچم بالجرح وحسين يستاهل
واظّلْ مالطم هذا الينحسب جاهل

حر المصيبة گلي احمد/حد القيامة يله يبرد

والعتره اظل أنعاهه/واضح إلي معناهه
هاي المجالس/من خير إلحسين

المجالس منهه اتعلم فرد غايه
الينطي للسبط يتجازه بهوايه
گال احسين للحبه ورفع رايه
درب الناس عوفه وأمشي ويايه

ليزيدك اهجر إنته فايز / لتعوف دربي وتبقى عاجز

البينه اقتدو نهواهه /واضح إلي معناهه
هاي المجالس / من خير إلحسين

آنه من أگول احسين محبوبي
مو بس بالسواد اخلاقي گد ثوبي
بعد عاشور اظل امهذب اسلوبي
ولاترجع خطايه العندي واذنوبي

مو موسم وكشخه محرم/كل زين كل عام ايتقدم

بالزين يفرح طه/واضح إلي معناهه
هاي المجالس/من خير إلحسين

عهد هالليله گل لحسين ايمامك
ابمحرم دوم ايدي ابإيد خدامك
وماشوّه مجالس تنعى آلامك
والحاربني أگله إفتح إلثامك

لا تحچي دوم اعله الشعائر/درب اليضد احسين عاثر

وام الحسن أذاهه/واضح إلي معناهه
هاي المجالس/من خير إلحسين



خادم الزهراء (ع)
سيد حامد النعيمي

لسان حال مولاتي فاطمة العليلة (ع)


من ليل إلوداع / مني العمر ضاع
من احسين خالي البيت / طفله ابلا اهل ظليت
من ليل إلوداع / مني العمر ضاع

اليفارگ غالي دنيا ابعينه ماتحله
يظل عايش حياته عيشة الدلّه
والمثلي يعيش اشلون بعد اهله
اليوجع گلبي جرح احسين أندله

مو مثل إلجروح / متوسط الروح

يخنگ بِيّه واتأذيت / طفله ابلا اهل ظليت
من ليل إلوداع / مني العمر ضاع

كل خطوه ابظعنهم كسرت اضلوعي
ابگد غبرة مشيهم طاحن ادموعي
زغيره آنه وچبير اهواي موضوعي
بس حيطان يمي إلهه اشتكي لوعي

ومتردلي اجواب / عن حال الاحباب

من كثر الدمع مليت / طفله ابلا اهل ظليت
من ليل إلوداع / مني العمر ضاع

من يوم اتبعتهم والجدم حافي
واهس ضحكتي مكسور بشفافي
وبروحي الحزن لو لحظه ما غافي
حِمْل الفرگه والهم كاسر اچتافي

خلالي الفراگ / بس نار الاشواگ
من راح الظعن ناديت / طفله ابلا اهل ظليت
من ليل إلوداع / مني العمر ضاع

على باب الخلگ من توگف الفقره
تتاني الينطي إديهه وفضله اتشكره
وانا اباب الدرب هل واگفه اتنطره
ياهو اليترس ايدي اخبار للعتره

ماصحلي مكتوب / لو چلمه يادوب

بس ترتاح روحي ريت / طفله ابلا اهل ظليت
من ليل إلوداع / مني العمر ضاع

كل مغرب تشيط الروح بالخنگه
ونار الفرگه كلشي ابروحي اتحرگه
وللغيّاب احن واتنطّر الملگه
أدور البيت غير اجروحي ما ألگه

واتذكر احسين / يشبگني كل حين

عگبه امن الحزن سليت / طفله ابلا اهل ظليت
من ليل إلوداع / مني العمر ضاع




خادم الزهراء (ع)
سيد حامد النعيمي

لسان حال عبدالله الرضيع (ع)

تدري ابحالي يارب ذبحو امناغاي
إلك شكواي منهم حرمله والماي
فوگ صدري دمي يجري / عمري ست اشهور عمري
إلك شكواي منهم

ماعشت بالطف طفوله وابتسامه
ليلي من نار العطش مگدر أنامه
ابچبدي منهه افطور خلتلي علامه
وكربله بس موت مابيهه سلامه

الهوه ابحسراتي ماشهگه شهگت الموت
والكاروك صاير يشبه التابوت

وانتظر يدفني گبري / عمري ست اشهور عمري
إلك شكواي منهم

يبست ارياگي وگلب يرحمني ماصح
والعطش بشفافي من الشمس أوضح
حال وضعي مو لساني ادموعي تشرح
حرمله إقطع نزاع القوم واذبح

ما أنساهه هل چلمه تأذيني
سمعهه احسين وعيونه تصد عيني

ابموتي ابويه چنه يدري/عمري ست اشهور عمري
إلك شكواي منهم

موتي حاضر مو وهم أصل الحقيقة
والسهم من حرمله يندل طريقه
شاف نحري چن ذهب يلمع بريقه
إشتهى الدمي يضوگه من يريقه

من ابعيد واقرا ابگلبه كل نيته
إجاني ابنحري يغفه هاي أمنيته

وانه الك سلمته امري / عمري ست اشهور عمري
إلك شكواي منهم

آه من بچفوف ابويه طاح دمي
چان ظهره منكسر بمصاب عمي
وِبْمُصَابِي شفته راد ايموت يمي
ماگدر يمشيله خطوه ينطيني لُمّي

اشْيِگِلْهه هاچ ابنچ هلي المدمع
وهيه الچان أملهه مرتوي أرجع

وارجع الضحكات زغري / عمري ست اشهور عمري
إلك شكواي منهم

ابحضن ابويه وناگع ابدم المنيه
وگمت أحس اگماطي جمره يچوي بيه
فرفحت بالموت حد طيحت إديه
واسمع أمي اتصيح آه يالغاضريه

خذيتي الغالي مني وْفُرْغَت احضاني
واحد هوه وماعندي ولد ثاني

ينجبر ماظنه كسري / عمري ست اشهور عمري
إلك شكواي منهم




خادم الزهراء (ع)
سيد حامد النعيمي

من قصائد محرم 👆

العذر عند كرام القوم مقبول

تاج راسي الرواديد خدام الامام الحسين ع برنامج قصائد محرم هاي السنة صار عندي تقصير وياكم بسبب ظروفي المرضية المزمنه الحرجه (الاكثر ميدري بيهه ) ووفاة السيد قاسم ابن عمي (الله يرحمه) في وقت حرج جدا تزامن مع المرض ووقت كتاباتي لمحرم ووفقنا الله لكتابة قصائد للاخ الحبيب سيد حميد الطويرجاوي ولبعض الرواديد
واما قصائد ايام محرم للرواديد عامة الله يشهد تحاملت على كل شي واتممت 3 قصائد واحاول اكمل بعد بأسرع وقت للايام الجايه فأعتذر اول شي من الزهراء والامام الحسين عليهم السلام
ومنكم تاج راسي اعرف اكو اهواي منتظريني وراسلوني واني خادم لتراب خدام الامام الحسين ع ولكن قدر الله وماشاء فعل
ونسألكم الدعاء ونلتمسكم العذر .

الغاية من النشر القراءة وليس التعليقات

دُعَاء وزيارة يَوْمِ الْجُمُعَةِ
( ويستحب الصلاة على محمد وال محمد 100 مره وكل مازاد كان افضل)

الدعاء

بِسْمِ اللَّهِ الرَّحْمنِ الرَّحِيمِ
الْحَمْدُ لِلَّهِ الْأَوَّلِ قَبْلَ الْإنشْاءِ وَ الْإحْيَاءِ ، وَ الْآخِرِ بَعْدَ فَنَاءِ الْأَشْيَاءِ .
الْعَلِيمِ الَّذِي لَا يَنْسَى مَنْ ذَكَرَهُ ، وَ لَا يَنْقُصُ مَنْ شَكَرَهُ ، وَ لَا يُخَيِّبُ مَنْ دَعَاهُ ، وَ لَا يَقْطَعُ رَجَاءَ مَنْ رَجَاهُ .
اللَّهُمَّ إِنِّي أُشْهِدُكَ وَ كَفَى بِكَ شَهِيداً ، وَ أُشْهِدُ جَمِيعَ مَلَائِكَتِكَ وَ رُسُلِكَ ، وَ سُكَّانِ سَمَاوَاتِكَ وَ حَمَلَةِ عَرْشِكَ ، وَ مَنْ بَعَثْتَ مِنْ أَنْبِيَائِكَ وَ رُسُلِكَ ، وَ أَنْشَأْتَ مِنْ أَصْنَافِ خَلْقِكَ .
أَنِّي أَشْهَدُ أَنَّكَ أَنْتَ اللَّهُ لَا إِلَهَ إِلَّا أَنْتَ ، وَحْدَكَ لَا شَرِيكَ لَكَ وَ لَا عَدِيلَ ، وَ لَا خَلْفَ لِقَوْلِكَ وَ لَا تَبْدِيلَ .
وَ أَنَّ مُحَمَّداً عَبْدُكَ وَ رَسُولُكَ ، أَدَّى مَا حَمَّلْتَهُ إِلَى الْعِبَادِ ، وَ جَاهَدَ فِي اللَّهِ عَزَّ وَ جَلَّ حَقَّ الْجِهَادِ ، وَ أَنَّهُ بَشَّرَ بِمَا هُوَ حَقٌّ مِنَ الثَّوَابِ ، وَ أَنْذَرَ بِمَا هُوَ صِدْقٌ مِنَ الْعِقَابِ .
اللَّهُمَّ ثَبِّتْنِي عَلَى دِينِكَ مَا أَحْيَيْتَنِي ، وَ لَا تُزِغْ قَلْبِي بَعْدَ إِذْ هَدَيْتَنِي ، وَ هَبْ لِي مِنْ لَدُنْكَ رَحْمَةً إِنَّكَ أَنْتَ الْوَهَّابُ . صَلِّ عَلَى مُحَمَّدٍ وَ آلِ مُحَمَّدٍ : وَ اجْعَلْنِي مِنْ أَتْبَاعِهِ وَ شِيعَتِهِ ، وَ احْشُرْنِي فِي زُمْرَتِهِ ، وَ وَفِّقْنِي لِأَدَاءِ فَرْضِ الْجُمُعَاتِ ، وَ مَا أَوْجَبْتَ عَلَيَّ فِيهَا مِنَ الطَّاعَاتِ ، وَ قَسَمْتَ لِأَهْلِهَا مِنَ الْعَطَاءِ فِي يَوْمِ الْجَزَاءِ ، إِنَّكَ أَنْتَ الْعَزِيزُ الْحَكِيمُ‏

زيارة الامام الحجة (عج) في يوم الجمعة

الزيارة

السَّلَامُ عَلَيْكَ : يَا حُجَّةَ اللَّهِ فِي أَرْضِهِ ، السَّلَامُ عَلَيْكَ يَا عَيْنَ اللَّهِ فِي خَلْقِهِ ، السَّلَامُ عَلَيْكَ يَا نُورَ اللَّهِ الَّذِي بِهِ يَهْتَدِي الْمُهْتَدُونَ ، وَ يُفَرَّجُ بِهِ عَنِ الْمُؤْمِنِينَ ، السَّلَامُ عَلَيْكَ أَيُّهَا الْمُهَذَّبُ الْخَائِفُ ،السَّلَامُ عَلَيْكَ أَيُّهَا الْوَلِيُّ النَّاصِحُ .
السَّلَامُ عَلَيْكَ يَا سَفِينَةَ النَّجَاةِ ، السَّلَامُ عَلَيْكَ يَا عَيْنَ الْحَيَاةِ ، السَّلَامُ عَلَيْكَ صَلَّى اللَّهُ عَلَيْكَ وَ عَلَى آلِ بَيْتِكَ الطَّيِّبِينَ الطَّاهِرِينَ‏ .
السَّلَامُ عَلَيْكَ ، عَجَّلَ اللَّهُ لَكَ مَا وَعَدَكَ مِنَ النَّصْرِ ، وَ ظُهُورِ الْأَمْرِ ، السَّلَامُ عَلَيْكَ يَا مَوْلَايَ ، أَنَا مَوْلَاكَ عَارِفٌ بِأُولَاكَ وَ أُخْرَاكَ ، أَتَقَرَّبُ إِلَى اللَّهِ تَعَالَى بِكَ وَ بِآلِ بَيْتِكَ ، وَ أَنْتَظِرُ ظُهُورَكَ وَ ظُهُورَ الْحَقِّ عَلَى يَدِكَ ، وَ أَسْأَلُ اللَّهَ أَنْ يُصَلِّيَ عَلَى مُحَمَّدٍ وَ آلِ مُحَمَّدٍ ، وَ أَنْ يَجْعَلَنِي مِنَ الْمُنْتَظِرِينَ لَكَ ، وَ التَّابِعِينَ وَ النَّاصِرِينَ لَكَ عَلَى أَعْدَائِكَ ، وَ الْمُسْتَشْهَدِينَ بَيْنَ يَدَيْكَ فِي جُمْلَةِ أَوْلِيَائِكَ .
يَا مَوْلَايَ : يَا صَاحِبَ الزَّمَانِ ، صَلَوَاتُ اللَّهِ عَلَيْكَ وَ عَلَى آلِ بَيْتِكَ ، هَذَا يَوْمُ الْجُمُعَةِ ، وَ هُوَ يَوْمُكَ ، الْمُتَوَقَّعُ فِيهِ ظُهُورُكَ ، وَ الْفَرَجُ فِيهِ لِلْمُؤْمِنِينَ عَلَى يَدِكَ ، وَ قَتْلُ الْكَافِرِينَ بِسَيْفِكَ ، وَ أَنَا يَا مَوْلَايَ فِيهِ ضَيْفُكَ وَ جَارُكَ ، وَ أَنْتَ يَا مَوْلَايَ كَرِيمٌ مِنْ أَوْلَادِ الْكِرَامِ ، وَ مَأْمُورٌ بِالْإِجَارَةِ ، فَأَضِفْنِي وَ أَجِرْنِي صَلَوَاتُ اللَّهِ عَلَيْكَ وَ عَلَى أَهْلِ بَيْتِكَ الطَّاهِرِينَ .

ونسألكم الدعاء لنا ولوالدينا

عظم الله اجورنا واجوركم واحسن الله عزائكم

قصيدة [ آخر كلام ]
للشاعر منتظر الكويشي


المستهل :

يا حسين .. مُختصـر وآخــر كلام
يا حسين .. آني احبــك والسـلام
يا حبيبي يا حبيبي ياحبيبي ياحسيــن

.................

أختصر وادري بمحبـــتــــــك مايكفّيها اختصار
معرفة ونعمة وكرامة وحبك انطاني وقار
شكد حچوا رادوا اعوفك بس حچيهم والجدار
انت ثم انت اني غيرك والله ماعندي اختيــار

يا حسين .. مو عشـگ واصل هيام
يا حسين .. آنــــي احبـــــك والســلام
ياحبيبي ياحبيبي يا حبيبي ياحسيـــن

*

رادوا العُــذّال اعوفك والنواصـــب هم تريد
ما أذل لا وأخضعلهم واليحب طبعه عنيــــد
كل علقهم آنه أبــدل هالذهـــب ويه الحديد
يبقى بسم حسين نبضي واللعن حصة يزيد

يا حسين .. حبك انطــــاني مَـــقــام
يا حسين . آني أحبـــك والســــلام
ياحبيبي ياحبيبي يا حبيبي ياحسيـــن

*

مو فقط وجداني رادك هاي صيحه من العقل
لا حبيــــب إلا حُسيّــناً ديــــنـــي بيها يكتمل
طهرت روحي بخدمتك وافخر بهذا الفعل
والله يامحبــــوبي والله من محبتك ما أمــل

يا حسين .. دنيّـتي ابدونك ظـلام
يا حسين .. آنـي احبــك والسـلام
ياحبيبي ياحبيبي يا حبيبي ياحسيـــن

*

يا نـهـج الله ورســــــوله اشلون اتركك وابتعد
وآنه يـــــــــوم اللي أزورك عمـــري تـَـوّه ينولد
مادمـــت عالحـــــق واتبـــعك مايهمني الينتقد
من تسجل اسمي بسجلك يعني نلت آنه المجد

يا حسين .. هــــذا قانــــــون الغـرام
يا حسين .. آني احبـــك والسـلام
ياحبيبي ياحبيبي يا حبيبي ياحسيـــن

*

ياقبس نــور الحقيقة الماطفى ابمر الوكت
يعجز الساني اشيوصفك والله مهما اتكلمت
سيـّدي بطف كربلائك آنه حيل اتحيرت
انت أول واحــــد انت مامتـــت لمّن متت

يا حسين .. كل سنة المجلس يقام
يا حسين .. آني احبــــــك والسلام
ياحبيبي ياحبيبي يا حبيبي ياحسيـــن

***

كل محرم من يمرني يعصف بروحي الحنين
وتطلع الصيحة وحدها ياحبيبي يا حسيــــن
الله لايحرمني منك وارتقي بهذا اليقيــــن
الله يرزقني ازورك سيدي بالأربعين

يا حسين .. اي وحگ رب الأنـام
يا حسين .. آني أحبـك والسـلام
ياحبيبي ياحبيبي يا حبيبي ياحسيـــن

قصيدة الامام السجاد (ع)

لسان حال مولاي صاحب الزمان ع

عمري كتاب اجروح يحباب / كله حزن عنوانه الباب
قريتو اهواي محد عرف تفسيره
من عنواني تبدي عدكم الحيره
عمري كتاب اجروح يحباب

صفحات عمري بس حزن / وجروحي أبد ما تستچن
كل يوم لمصيبه أون / وهالليله للسجاد أحن
ابصفحة امصابه انچوي ابجمر الخيام
وگوه من اقراهه ماليهه الظلام

وجه الحُروف امغَطّه دخان / وتلطم صَدُرْ لحسين بحزان

حرف السين راسه امثلمه تطبيره
من عنواني تبدي عدكم الحيره
عمري كتاب احزان يحباب

بوراقَه عَايَنْت انْرسم / حاير علي ابنار الخيم
وعينه على فرت الحرم / ظليت كاتلني الألم
مايِطَفّيهه الدمع بوراقه نار
وحافيه اجدام الحرم والسطر حار

چم خسفَه بَالْسَطْرِ ابْظَهر / تعني جدم زينب عثر

وگامت والنظر للشاطِيِ ادْيره
من عنواني تبدي عدكم الحيره
عمري كتاب احزان يحباب

مابيه حيل اعله السبي / ويتبع أثر بنت النبي
ماهمه سوط الناصبي / همه صلاته والعبي
يمسح ابخطوات عمته امن الأثر
وصوت إله ضربوهه اختك ياگمر

كل غالي متلمسه الزغار / لؤلؤ أَخَيْتَكْ يامحار

چنت اعليهه حارس يابو الغيره
من عنواني تبدي عدكم الحيره
عمري كتاب احزان يحباب

عكازه دمعه ويرتچي / وعل ياعلي من ينتچي
مابين عِلّه والبچي / مخنوگ صدره بالحچي
مو علي چنه علي ابيوم الضلع
صلب واگف طوله بس كله دمع

وحده تِكَسّرِلّه الگلب / لمن رقيه تنضرب

الشمر سوطه ابحقد مايرحم ازغيره
من عنواني تبدي عدكم الحيره
عمري كتاب احزان يحباب

قصة هلي ماتنقره / لكتاب ميحمله الجره
أجسادهم فوگ الثرى / وحروفهم متطشره
چنت اظن فوگ الألف همزة جرح
ثاري راس احسين هذا اعله الرمح

للشام مهدينه اليزيد / والشايله چف العبيد

يوصل بالعجل ممنوع تأخيره
من عنواني تبدي عدكم الحيره
عمري كتاب احزان يحباب



خادم الزهراء (ع)
سيد حامد النعيمي

محرم 1440

نهنئكم بمولد خير الكائنات في الارض والسماء ، خير الخلق من الاولين والاخرين ، النبي المصطفى نبي الرحمة محمد (صلى الله عليه وآله وسلم )أعادها الله على الجميع بالخير والرحمة والمودة واخص بالذكر إمام زماننا الحجة المنتظر عجل الله فرجه وسهل مخرجه ومراجعنا العظام دام ظلهم و شعبنا العراقي الصابر على المحن ، وندعو الجميع بهذه المناسبة الى وحدة الكلمة والصف من اجل بناء العراق الجديد.

_إدارة القناة.

مو سيف النبي طبعه ترافاه
اول من شهد لله ترى فاه
محمد لو مشه طوله ترى فيه
جمال الله وعلي حامي الحميه

السلام عليكم
اخواني اخواتي تاج راسي خدمة اهل البيت ع
أكرر اعتذاري لكم جميعاً لعدم كتابة ونشر قصائد طيلة الفترة السابقة بسبب مرضي المزمن الحرج ومقبل على عملية ثالثه لنفس المرض واحتاج دعائكم وقبول العذر
وأسأل الله لكم ولي التوفيق الدائم وقبول الأعمال

خادمكم
الشاعر سيد حامد النعيمي

آنه حيدر والوصيه الچتفتني
وأقره بأيات الصبر بس ﻻ نختني
ودمعتي أحزام------غيرة أيمام
____
عشت أنه أويالوصيه أبگلب دامي
وكل حرف ينزف مأسي من كﻻمي
أنه حماي الدخيل الچنت أحامي
شلون أخلي البيتي توصل هل الأسامي

وتحچي الأيام----غيرة أيمام
وأقره بايات الصبر بس ﻻنختني
____
أسمع أبدمعي البقى أيسولف مسيله
علي اليوگع بالشدايد    يعتنيله
وأنتي بين الباب والونه   الثچيله
وأني أحضرچ چن أحسن مستحيله

وبيه اﻻﻻلم----غيرة أيمام
وأقره بايات الصبر بس ﻻنختني

____
عشت يومچ نار تنكت بس مخالب
والمصايب نار مشتعله المصايب
ومن شفت محسن وگع فوگ الترايب
زعل فقاري وهتف ﻻزم أحاسب

وأدري الأسﻻم----غيرة أيمام
وأقره بايات الصبر بس ﻻنختني
____
خوفي چان اعلى الأذان اتذبحه اﻻسيوف
العصرتچ رادت تضيع كلشي معروف
الهاذه طه بالوصيه چتف أچفوف
بيهه خيبر صار ماي أبعين اليشوف

وهدمة أصنام----غيرة أيمام
وأقره بايات الصبر بس ﻻنختني
____
أنه شايل عذر خجلان   أمنگوله
عذر يومچ يابس أبشفتي أعله طوله
وگع طولي أوياچ من طحتي أبسهوله
من سمعة الباب يصرخ ذوله ذوله

صابني أسهام----غيرة أيمام
وأقره بايات الصبر بس ﻻنختني
____
أدري چان الدين يالزهره حجابچ
وباب رحمة الله أدري چان بابچ
الكون كله أنصاب من بسمار صابچ
ولطم صدره حتى جبريل أبمصابچ

ويه الأيتام----غيرة أيمام
وأقره بايات الصبر بس ﻻنختني
______
خادم أهل البيت (ع)
أبوحسين السرگودي...🕊🕊🕊

قناة ” معناً لنرتقي “
رابط القناة على التلگرام 👇👇👇
https://www.tgoop.com/kararyy5

والتي تشتمل على نشر أجمل القصص المتنوعة 📚🗞️
الحكم والامثال + دروس في التنمية📊 + صور متنوعة📸 + خواطر + فديوهات 🎥

متع عقلك ' أفتح قلبك ' وطوّر قدرات ' ثقف نفسك .

✅معاً لنرتقي ✅