استقبال عاشور الليلة الاولى

بدى عاشور واتحزم دمع بينه
تسعر ناره رايد يوفي لحسينه

رايه العين واتهل دمعه من اترف
وعاشور الهوه ميموت لا ميخف
يعني اشما نعيش الدمعه لا متجف
وتظل ذكرى محرم جمره تچوينه

تحيى ارواحنه بس بمصاب احسين
وْعهد منطين لُمّه بلطمة الايدين
لطمنه انتركه من تترك رَمِشْهَه العين
دگّات الگلب لطمات ايدينه

من تبدي المجالس بينه كل الحيل
القصيدة ابياتهه من تنقري ترتيل
نتمنى يُطُول ومايخلص الليل
چي يمنه ام حسن واليخدم اتعينه

اليحضر بالمجالس موش ياهو الچان
عبد لحسين لاچن ينحسب سلطان
كل خادم تِغِبْطَه املاك هل أكوان
چي لحسين واهله سَبّل اسنينه

نتركهه عقيدتنه اشلون نتغير
إعقلهه بچي يعگوب واتصور
مايوصل بچينه الگطعة المنحر
شيصبره الحبيبه صابو اجبينه

الدمع هذا فرع من عين بدويه
نستاحش حزن من يجري اشويه
سيد جاسم ويترك نعاويه
اشتظن يرتاح وِيْهَوّدْ جفن عينه


خادم الزهراء (ع)
سيد حامد النعيمي

لسان حال مولاتي زينب ع
( الليلة السابعة )


خانگني طف احسين وانفاسي انته
والمثلك ابكل حين تحتاجه اخته
خويه خويه
عباس إنهض رادتك زينب

ابنص كربله واخوان ماعندي تفزع
عباس عگبك ليش فازعلي مدمع
ماينشف ايتانيك لعيوني ترجع
ترضاهه چف السوط بمتوني يطبع

خويه خويه
عباس إنهض رادتك زينب

دخان عامي العين ودروبي تسعر
وصوب الشريعه اشلون اوصَلّك اكدر
اختك دربهه ابعيد والجيش يفتر
لونك عدل عباس يا كافلي احضر

خويه خويه
عباس إنهض رادتك زينب

أحچي ابهمس والصوت بحزانه ناداك
يسمعني خاف الماي من احچي وياك
عباس فوگ الگاع شمطيّح إلواك
يعني بعد هاليوم ما أمشي بحماك

خويه خويه
عباس إنهض رادتك زينب

حرگو خيم وانخاك ماتدري اصار
گعدت غصب عباس بمچانك النار
موقف يخي والبيه ملچومه إلزغار
عين اللهب كل حين لايتامي تندار

خويه خويه
عباس إنهض رادتك زينب

وموقف أشد بي صار عرش الله موجوع
خَلّه رقيه ابسيل دم تجري ادموع
خيل العدا لحسين ما خلت اضلوع
رغم الحرب والصوت طگ ضلعه مسموع

خويه خويه
عباس إنهض رادتك زينب

وموقف أشد فرهود خدري نظرته
ويمي علي واعليل طاح وعذرته
عكازته مسلوب واني نصرته
وگتله اعتذر هليوم گلبك كسرته

خويه خويه
عباس إنهض رادتك زينب



خادم الزهراء (ع)
سيد حامد النعيمي

الليلة الرابعة
ام البنين(ع) توصي الامام العباس (ع)

يانظر هلعين ياعضيد حسين
أمك وريد اوصيك لابن الزچيه افديك

يعباس الگمر منك بزغ نوره
جمالك بالگمر اصبح عكس صوره
علي ابزغرك الي اخبر بطل دوره
ذخر يبني علي ضمك مثل سوره

من وسط قران من صنع رحمان
آية وفه طاريك لبن الزچيه افديك

نذر يبني عَلَيْ للزهره ناذرتك
عله حسيني اطشنك وجا وكتك
اعوضها فگد محسن ردت جيتك
واريدنه يظل سالم خدر اختك

خل تظل بحماك ياگمر ونخاك
اختك تزامط بيك لبن الزچيه افديك

أحشمك ياگمر واسمع حچي أمك
يغالي والگلب ينبض غدا بسمك
أريدك بالحرب ترخص غلى دمك
چفوفك كون اشوفنهه مثل عمك

وانته بيك الزود من زغر موجود
راية فخر اهديك لبن الزچيه افديك

يبو فاضل لعد زينب فخر ليه
تذل شانك وريد الهامه محنيه
النهر گصتك لون جودك يشح ميه
خبر فگدك ولا مشوهه مسبيه

كافل الهه تريد ياشهم ياحيد
ياذيني الياذيك لبن الزچيه افديك

ابو اليمه حبيبي وزهرة سنيني
سكن روحي وسكن گلبي وسكن عيني
أخوتك ياگمر وانته فده حسيني
أفَدِّيكم لجل أمه لجل ديني

خادمه للدين ولتراب حسين
لا دنْيِتَكْ تغريك لبن الزچيه افديك

يگلهه اچفوفي يايمه وبعد هامه
ملك لحسين والمنحر فدى ايتامه
نظر عيني لجل مولايه جدامه
إله وحده وتظل وحده عله اخيامه

جَاوِبَت تحتار ياكتر تندار
سهم الدهر يعميك لبن الزجيه افديك


خادم الزهراء (ع)
سيد حامد النعيمي

نزلة لمولاي علي الاكبر ع
الامام الحسين ع يكلم الامام العباس ع

يَكَفّال علي صال بچفوفه شال الراية

الحرب راد لزم سيف ظل يفخر ابنوماسه
بلخيام الي گال بحچايه شايل راسه
انا الحيد بلطباع طالع على عباسه

الكفر هاي عزم راي يتعنه الهه اعناية
يكفّال علي صال بچفوفه شال الراية

برز ليث كفو وزود مشهوده ابني اعلومه
بِلَ اوْصاف يشع نور جدي النبي برسومه
بللثام من ايغير چن الوصي بالحومة

يطش روس ولنفوس مرعوبه منه اهوايه
يكفّال علي صال بچفوفه شال الراية

بده ازماط بلچفوف سيفه ابغضب ظل يلهب
برز ليه بكر راد يتباهه وسط الملعب
بلطفوف علي عاد ضربة علي وي مرحب

وْمن الخوف طفه الشوف والجيش تَيّه رايه
يكفّال علي صال بچفوفه شال الراية

اليلاگيه عذر راد لملاگه موت ايكلف
البرز ليه ثُگُل بيه بس جدمه لو فر ايخف
جدم خيل رجف حيل شاف الزلم من ترجف

السهم تاه بمسراه چي ترجف الرمّايه
يكفّال علي صال بچفوفه شال الراية

يعباس علي عاد خن بوسه من الگصه
اله انگول طلب هاذ خل نستغل هالفرصة
من الجيش الي اوياه وايخلي الك هم حصه

ليفنيه دحاچيه گله احنه نفس الغاية
يكفّال علي صال بچفوفه شال الراية


خادم الزهراء (ع)
سيد حامد النعيمي

لمولاتي فاطمة العليلة (ع) (الليلة الثالثة)
شعر خادم اهل البيت (ع)
الشاعر منتظر الكويشي محرم 1443

بقيت امنــاطـــــــرة ابّابك
وأكل روحي صدى اغيابك
ترجع يمتى لحبـــــابــــك
يبويه يبويه
…………………

ماگلك تعـــــال وروحي تتعذب
بس البيت بعدك والله ماينطب
أنه المثلي يبويه بهالعمر تلعب
وآنه بنـار هجــرك گلبي يتلهب

ناري بالگلب تســري
وينك يابعد عمـــري
بعدك مارحم دهري
يبويه يبويه
……………

يالرايـــــــح بدوني وماترد ليه
ماتدري الافراگ ايموّت الابنية
بس تدعيلي ربك علتي مشفيه
غير افراگ وجهك كلشي مابيه

كل العلة هجـــرانك
اباوع فارغ امچانك
تاكل روحي نيرانك
يبويه يبويه

……………

من أنظر مكانك فـــــــــارغ أتألم
وادعيلك تردلي ودمعي ينزل دم
كلما تبــتــعـــد للمــــــوت تتقدم
لاچمني الگلب من عاشـر امحرم

أكتبـــلك رســـــالاتـي
واشــرحـــلك مُعاناتي
طفت بالغيبة شمعاتي
يبويه يبويه
…………

من حزن لحزن بعدك يعافيتــــي
متغربة صرت وآنه بوسط بيتـي
تگلي الناس وحدچ تــالي ظليتي
يبويه شلون گلي بهـــاي تاليتي


لا اخواني لا انتَ
ما واحد رجع شفته
تره هاي الگلب علته
يبويه يبويه

………………

أناطر والهجــر يجرحني بجروحه
شلون يعيش گلي الفارگت روحه
ماعاف الگلب حســــراته لا نوحه
انام وعيني صوب الباب مشبوحه

يومين الدهر ظني
طالت غيبتك عني
انوح ومستمر وني
يبويه يبويه
……………

غفيت وشاهدت بالرؤية هالكابوس
بس دخان يصعد والنفس محبوس
چن عمتي سبية وعالرمــاح الروس
بين الباع بخته وفاگــــــد الناموس

خوفني الحلم ارجع
اشوفك والگلب يهجع
روحي بغيتك تطلع
يبويه يبويه

قناة الشاعر منتظر الكويشي

رابط القناة 👇👇👇👇👇👇👇
https://www.tgoop.com/joinchat-GR6KaGp7mbNkNTZi

نتشرف بمتابعتكم خدام الإمام الحسين

القناة تختص بنشر القصائد الحسينية 📜

✨✨✨✨✨✨✨✨✨✨✨
تخلص جروحي وأنسه آلامي
شمحلاهـا يمك أگضـي ايامي
✨✨✨✨✨✨✨✨✨✨✨

اللهم وفقنا لخدمة سيد الشهداء ( عليه السلام )

عظم الله اجورنا واجوركم واحسن الله عزائكم وجعلنا الله واياكم من خدمة محمد وال محمد(ع) الطيبين الطاهرين وعجل الله تعالى فرجهم الشريف

للّه امسبّل المنحر بدَ احسين (بيده)
دنيا وْياه تتزاحم بدِ احسين
موش الخادم البادي بدَ احسين
من ماخلّه جبرائيل فيّه

ماذا قال الامام الحسين لجبرائيل بعد مقتله !!

لمّا سقـط الامام الـحسـيـن عـليہ الـسّـلام على رمــال كـربـلاء
أحسّ الإمام بـبـروده , وهواء بارد !
فتح عينيہ ,
وقال : من هذا الذي يظـلّـل لي عن حرارة الشمس ؟
فقال جبرائيل (ع) : أنا يا أبا عبداللہ ...
أظلّل لک عن حرارة الشمس
فقال الإمام الحسين سلام اللہ عليہ :
يا جبرائيل , دع الشمس تحرقني ,
لعل اللہ "عز وجل"يخفّف عن شيعتي حرارة يوم القيامة "

فداك روحي ياحبيبي يا حســين

السَّلَامُ عَلَى مَنْ أُرِيقَ بِالظُّلْمِ دَمُهُ، السَّلَامُ عَلَى الْمُغَسَّلِ‏  بِدَمِ الْجِرَاحِ، السَّلَامُ عَلَى الْمُجَرَّعِ بِكَأْسَاتِ الرِّمَاحِ، السَّلَامُ عَلَى الْمُضَامِ‏  الْمُسْتَبَاحِ، السَّلَامُ عَلَى الْمَهْجُورِ فِي الْوَرَى، السَّلَامُ عَلَى مَنْ تَوَلَّى دَفْنَهُ أَهْلُ الْقُرَى، السَّلَامُ عَلَى الْمَقْطُوعِ الْوَتِينِ، السَّلَامُ عَلَى الْمُحَامِي بِلَا مُعِينٍ.
السَّلَامُ عَلَى الشَّيْبِ الْخَضِيبِ، السَّلَامُ عَلَى الْخَدِّ التَّرِيبِ‏ ، السَّلَامُ عَلَى الْبَدَنِ السَّلِيبِ، السَّلَامُ عَلَى الثَّغْرِ  الْمَقْرُوعِ بِالْقَضِيبِ، السَّلَامُ عَلَى الْوَدَجِ الْمَقْطُوعِ، السَّلَامُ عَلَى الرَّأْسِ الْمَرْفُوعِ، السَّلَامُ عَلَى الْأَجْسَامِ الْعَارِيَةِ فِي الْفَلَوَاتِ، تَنْهَشُهَا  الذِّئَابُ الْعَادِيَاتُ، وَ تَخْتَلِفُ إِلَيْهَا السِّبَاعُ الضَّارِيَاتُ.

كأني بمولاي الامام السجاد ع
يقول عند دفن الجسد الطاهر لابيه ع

يحيلي الدفنة احسيني بيا عين
وذر لميته أصد جسمه بيا عين
لون الزينب امن احچي بيا عن
الشفته اتموت ما تبقه المسية

كأني بمولاتي زينب (ع) من صباح الحادي عشر الى رجوعها في يوم الاربعين

عند الخروج الى السبي وهي تنظر الى جسد الامام الحسين (ع) قالت

صباح الثورة مو دمعه وهلهه
اختك شالت الراية وهي الهه
لذل ايزيد وي شامه وهلهه
ورد ابراسك ونصري سويه

فعند السبي أراد الاعداء ان يغيضوها فجعلوا رأس الامام (ع) في مقدمة الضعن فقالت

القائد راسه مايرهم ورايه
وزيره اوياه من امشي ورايه
مشينه بالسبي آية وره آيه
وخوي البسملة وْمِنّه الْبِدِيَهْ (البداية)

وعند وصولها ليزيد (لعن) قال لها (لعبت هاشم بالملك فلا خبر جاء ولا وحي نزل)
وتفاخر قائل مارأيتِ صنع الله بكم

فقالت

هلا بالجاي من الله علينه
هلي عالين بس اكثر علينه
هلك ماقيسهم بظفر علينه
ولا بگماط عفته اعله الوطية

تفخر والقتل عاده سمه النه
گمر عباس وچفوفه سمه النه
عرشك والحكم تعلم سملنه
وشامك والفخر والكوفه اليه

ولما رجعت عند قبر الامام الحسين (ع) قالت له

نقص بينه خبر مني ورد لك
شتلت ابشامهم شتلة ورد لك
گتلك بالنصر ارجع ورد لك
وهسه اترخص ارجع يم رقية

كما وعدناكم فقد تم نشر الدرس الاول من دروس المقامات
#اشترك_بالقناة_ليصلكم_كل_جديد
رابط القناة👇👇👇👇👇👇
https://youtube.com/channel/UCJ88-ajt0DjPAu_tVQPW3aw

ذكرى شهادة نبي الرحمة والمغفرة أبي القاسم محمد صلى الله عليه وآله وسلم

قصيدة (( بعدك يتيمة ))
ميمر

بعدك يتيمه بيا حال ..
تدري إشجره اعله الزهره
******************
من غمضت عيونك يسيد الأكوان
واتيتم الدين ونعاك القرآن
ياوحشة الزهره وگلبهه الوجعان
فارغ مكانك تلگاه ..تسچب عليك العبره
*****************
فارغ مكانك والمن تصد العين
لو شافت بفگدك دموع الحسنين
لي وين يمسافر رحيلك لي وين
كل لحظه يالغالي بعام ..والدمعه صارت جمره
*****************
جمر الدمع ما ينطفي وجرح الروح
هيهات يشفه والحمل ظل مطروح
گلب الولي الكرار بعدك مجروح
يصبر الزهره اعله الآه ..
بس گلبه بيش يصبره
*****************
بعدك يغالينه شحصل بالأطياب
ما حفظوا الحرمه التسمّوا أصحاب
دفعوا على الزهره يهادينه الباب
والضلع صابه البسمار ..
وطاح الجنين بعصره
******************
من أضرموا يم دارهه النار شلون
ما فكروا هذي بنت سيد الكون
شيمتهم الأحقاد من يغدرون
رادوا خلافه وخانوك..
واتربصوا للعتره
******************
والله لو أم الحسن تشكي اليوم
وترفع إديهه للآله القيوم
جان الأرض خسفت بأشرار الگوم
يالماردت نقمه تصير ..
يا رحمة الله الكبرى
******************
بأمر الوصيه ملتزم حامي الجار
لولاهه چان الحكم حكم الفقار
بدعوة الزهره هالكواكب تندار
آذوهه بعدك يا حيف ..
خانتك هاي الزمره
******************
خادم الحسين عليه السلام
عمار هليل الواسطي

زيارة الإمام الحسن العسكري (عليه السلام)