اا

((جَبلوني))


حنيــــتلك .. من جبلوني گمت احن
مشتاگه بـس مابيه أون
غـــــربةّ أهل غربةّ متن

حنيتــــلك .. والـموت يـم راسـي دِنه
والفرگه اكثر مـــن سَنه
مو خوه اذا اعيـشن أنه

لفني بثـــوبك المســـلوب .. لفني
تراهو الموت خويه حسين .. لفني
عگبك من دموعي أعـليك .. لفني
وألطم بالحجر صبح ومسيه

لطمت أعليك بحجار
ومن فوگ السطح نار
والشمــات والســــوگـ
وشمرونه بشـــكو حار

متت خويه متت ..

"""""""""""""""""""""""""""""""""""''''''''''

اشتاگيتلك .. مشتاگه بنفاسي البقن
يـــاديرةّ اهلي والوطن
أقسملك بچبد الحسن

اشتاگيتلك .. ماتگضي يحسين وتفض
جبت العمـــر نار وركض
وصّيـــاح وخيول الترض

موش الصوت بَــــح يحسين .. بحبال
عليك وگلي شنهــو الصــــار .. بح بالـ
الهضيمه .. وآنه اگلك صرت .. بحبال
ولعيونك حجر تشگف اديه

اصيح ورايح الصوت
أخيتك رايده تمــوت
واهل الشام مـو ناس
تعال الحگلي زاتـوت

متت خويه متت ...

"""""""""""""""""""""""""""""""""""''''''''''

وديتلك .. بيد الحمــــامه الزايره
وشالت دمعتي وطايره
گليـــله مـــاتت صابره

وديتلك .. لوعةّ غــــريبه أمّجـبله
وبيـها جمر مـــن كربله
وچم صيحه من العايله

الك وي الحمــــامه دمـوع .. وديت
وسلام البي نفس مخنوگ .. وديت
تمنيت شـــكثــر يحســـين .. وديت
بساعةّ موتي يمي تكض اديه

يمي وتمسح الراس
وكـون وياك عباس
وتشيعوني بالدمـوع
لا شمــــات لا الناس

متت خويه متت ..

"""""""""""""""""""""""""""""""""""''''''''''

بديتلك .. كــل مغــربيه بدمعتي
جمــره بغيابك شوغتي
والطاري جيتك دمعتي

بديتلك .. حسرةّ گلب شــابع ألـم
ودخان من ذيچ الخـيم
ولوعةّ اخو إيجر السهم

عيوني مـــن المّتانه أعـليك .. بديت
معـــزتك خــويه يالتــدريش .. بديت
عليه .. وعمري الك يحسين .. بديت
الجيتك لو تجيني بهل المسيه

تمـنيت وفــلا جـيت
الك يحسين حنيــت
الطولك يبن الاجـواد
يخامس شمعةّ البيت

متت خويه متت ...

عبد زينب
محمد الابراهيمي

لحن (جَبلوني)
بصوت
ملا حسن الزينبي
الشطره

الامام موسى بن جعفر عليه السلام

بجروح السجن
ودموع الحزن
يبچي لعمّته الراحت سبيه
٠٠٠٠٠٠
بسجن موسى بن جعفر غابت علومه
ومن گيد السلاسل تنزف دمومه
رغم هاي الجروح وروحه مالومه
ينوح على المشت للشام مهضومه
بگيد السلسله
يذكر كربله
وينصب مأتم بسجن المنيه
٠٠٠٠٠
بسجن طاموره ظلمه وتخنك بروحه
موسى الكاظم ودم تنزف جروحه
لچن مو للجراله ونّته ونوحه
على الراحت سبي دمعاته مسفوحه
يذكر عمّته
وسالت دمعته
مچتوفه بحبل بين آل اميه
٠٠٠٠٠٠٠٠٠٠
بسجن هارون موسى الكاظم اتعذّب
ساجد وبسجوده الظالم اتعجّب
بظلام الليل يبچي الكاظم وينحب
على المسبية عمته الطاهره زينب
كلما ينجرح
يتذكّر رمح
شايل راس ابن حامي الحميه
٠٠٠٠٠٠٠٠٠
خافوا من علومه ونهجه وفكاره
ظنّوا بالسجن يطفون انواره
لأن يدرون الله الخالق اختاره
خليفة طه جده بعلمه وسراره
بعلمه وحكمته
فارض هيبته
كلها تهابه شيج الجعفريه
٠٠٠٠٠٠٠
عكب كلّ الجراله الظالم يسمّه
مات الكاظم ومحّد حضر يمّه
بنعش مسموم شالوا للجسر جسمه
بلا تشييع منعو شيعته تلزمه
مجروح شكثُر
من سم الغدُر
گطّع چبدته سمّ المنيه
٠٠٠٠٠٠٠
فزعت شيعته من سمعت اخباره
صارت كل أهل بغداد انصاره
بين اليبچي بين يطالب بثاره
شالوا نعش موسى الكاظم لداره
نصبو مأتَمَه
عَزّو فاطمه
راحوا للرضا بأمر الوصيه

سيد زيد الفحام
~~~~~~~~~~~~~~~~~~~~~~~~~~

موشح للإمام موسى بن جعفر عليه السلام

وين عن موسى بن جعفر شيعته
ليش ما حضرت تشيل جنازته
٠٠٠٠
ليش ما حضرت تشوفه بيا وضع
امگيّد ودم الجرح ما ينگطع
ميت ومسموم چبده المنصدِع
لا أهل لا من عشيره الحضرته
٠٠٠
لا أهل لا من عشيره التنتفض
جنازته المطروحه ظلت عالارض
نادوا عليها بحقد أهل البغُض
مات امام الرافضه وما شالته
٠٠٠٠
مات امام الرافضه صاح اللعين
السندي بن شاهك على موسى الحزين
آل هاشم عن ابنهم موسى وين
ليش ما حضروا لموسى ابغربته
٠٠٠٠٠٠
ليش ما حضروا لموسى المنسجن
مات مسموم وجرح گلبه الحزن
خلص عمره لهله ولبيته يحن
بسجن تحت الكاع تهمل دمعته
٠٠٠٠٠
بسجن تحت الكاع عاش بلا ضوه
كل وكت مخنوك صدره بلا هوه
امگيّدينه بسلسله وبيها انچوه
لحدما مات الامام ابحسرته
٠٠٠٠٠
لحدما مات الامام ابن النبي
بسجن هارون اللعين الناصبي
مات مسموم الغريب الطالبي
بأمر من هارون سمّو چبدته
٠٠٠٠٠٠
بأمر من هارون شالوه للجسر
حجة الله موسى بچفوف الأسر
حقد ابن شاهك مثل حقد الشمر
ما رحم حال الامام ابمحنته

سيد زيد الفحام
~~~~~~~~~~~~~~~~~~~~~

باب الحوائج. موسى بن جعفر
٠٠٠٠٠٠
وين اصحاب الحوائج خل يجون
اباب موسى يشتكوله وينتخون
هذا بيده الكون والكُن فيكون
كل أمر يصعب على الكاظم يهون

أمّن يزاير. بس تنخه يحضر
باب الحوائج. موسى بن جعفر
٠٠٠٠٠٠٠٠٠٠٠٠
موسى بن جعفر عظيم المنزله
اباب صَحنه تنحل اعظم معضله
زور يالمحتاج وتوجّه اله
گبل ما تنخه يگلّك يا هلا

حَل الشدائد. بس هو يگدر
باب الحوائج. موسى بن جعفر
٠٠٠٠٠٠٠٠٠٠٠٠
كل مريض مأيّس وضايع دواه
خل يجي للكاظم ويطلب شفاه
يشفه من يشتم عطر گبره وهواه
وما يخيب الّلزم شبّاچه ونخاه

يكرم ضيوفه. لا ما تعذّر
باب الحوائج. موسى بن جعفر
٠٠٠٠٠٠
هذا موسى الرافض الذل والخنوع
زور يا زاير ضريحه بكل خشوع
وذكر مصابه وعليه اجري الدموع
باجر بگبرك يحوّلهن شموع

أدّيله حقّه. من تعرف اكثر
باب الحوائج. موسى بن جعفر
٠٠٠٠٠٠
موسى نور الله الصراط المستقيم
مثل جده حسين عند الله عظيم
ما يرد محتاج والعنده مقيم
طوف يالزاير ودك باب الكريم

بچفوفه ينطي. شما تنخه اكثر
باب الحوائج. موسى بن جعفر
٠٠٠٠٠٠
احنه خدام الامام وشيعته
عالوعد كل عام نحيي زيارته
جتمعت الزوار كلها ابحضرته
جينه هالليله نشيع اجنازته

نشفي بدمعنه. چبده التوذّر
باب الحوائج. موسى بن جعفر
٠٠٠٠٠٠
وين هارون وقصوره ودنيته
خل يجي يشوف السجين وگبته
موسى بن جعفر ملائك خدمته
گبره عالي وبالسمه ترف رايته

والينتميله. رابح ميخسر
باب الحوائج. موسى بن جعفر

سيد زيد الفحام
~~~~~~~~~~~~~~~~~~~~~~~~~

رايحات بـــدون اهــلنه رايحـــات
--------------------------------------------------------------
رايحات الحادي شـال وي الصـبح
نمشي ويماشي ضعنه اجم رمــح
يــــوم نغار اعـله زينب مـايصـــح
هيـــج خلاني يعابي ألله الفــرات

رايحات بـــدون اهــلنه رايحـــات
-------------------------------------------------------------
رايحات وماكو بس صـوت العويل
ومحد يعدل المحــامل مــن تمـيل
تنحجي حــجايتـه لــتفارك كفيـــل
ويامصيبتـــه الـي كفلوه ابـــــنات

رايحات بـــدون اهــلنه رايحـــات
--------------------------------------------------------------
رحـــــت مــتباريـني للــعباس عـيــن
عكب عيني اخواني مجتوفه الاديـن
ويــن ياعــيون الكمر شـــوفني ويـن
عـــــل هـــزيله مــــو مقام مـــدللات

رايحــات بـــــدون اهــلنه رايحـــات
--------------------------------------------------------------
بدون ابوفاضـل هضيمك اكطع درب
من ايده يا وسفة صـرت لـيد الغرب
بيـه حـــسره انكطعت انــياب الكلب
موضعن عباس إلي ايلوحــة الشتات

رايحــــات بـــدون اهــلنه رايحـــات
--------------------------------------------------------------
ها ياابوفاضل السبي لممشة بجفاك
حسره بعيون الخدر اصـــبح ضواك
ذاك بــــاب الـــشام يـاعــــبـاس ذاك
والله وسفه ابـابه توكفلك خــــوات

--------------------------------------------------------------
يالــــي صرتلنــه كـــلب أم وأبـــو
صار كلشي اخلافك لزينب عــــدو
آه ياعازة لحمه لمـــاعدهه اخـــــو
تصـــبح بدمعه وعــــلا دمعه تبات

رايحات بـــدون اهــلنه رايحـــات
--------------------------------------------------------------

قناة ملا يوسف العبودي
https://www.tgoop.com/sewDtXQAw_s4RqA
.. .

خلوني اون زايد ونيني

‏مقطع صوتي من كسرت ظهري من مشيت

دار الوکت وین یالماخذ الحیل

وشطلع حسین من گلبی للخیل

دار الوکت وین یلماخذ الحیل

ذاك الوكت راح. مو من مهر طاح

من كلبي للخيل. من كلبي للخيل

من ظهره گال انذبحه انگدر

بس من گفاه يتعذب اكثر

چا حگهم الناس

ماهوه عباس

ــــــــــــــــــــــــــــــــــــــــــــــــــــ

ما حشمینه نرید فزاع بس ردنه نسمع صوت زلمه

هیه المره المحترکه شترید فی اوستر ترتاح یمه

ماهوه اخوچن های بس گاع بس هاذه یمکن ضال دمه

ماهوه بس صاحنلی لمی چا هسه ماودلی المه

بین الرمل وسیوفهم غاب تردنه خن انلم التراب

بینه الوکت دار

شفت الخیم نار

یالماخذ الحیل. یالماخذ الحیل
ــــــــــــــــــــــــــــــــــــــــــــــــــ

هنه الیعورن کلش اهوای بس های کلش تختلف های

خویه الرخیص انگله بالمای چا لیش یغله اکبالك الماي

و الخيل تركض حيل يحسين جا ليش فوكك تمشي بهداي

كلمن ابكيفه يذبحك ايريد حتي الذبح هم صار بي راي

من نخرة كال انذبخه نكدر

بس من كفاه يتعذب اكثر

جا حكهم الناس

ماهوه عباس

من كلبي للخيل. يالماخذ الحيل

ــــــــــــــــــــــــــــــــــــــــــــــــــــــ

ماجر نفس بالموت الحسین ثکلت الکاع اوکامت اتمیل

توخر الخیل و تلتم الناس توخر الناس اوتلتم الخیل

مو مال ساعه اجروحك اهواي لا مال من الصبج لليل

و الشال راسك كام تعبان وشل ابنحرك سيفه و الحيل

تعبان يعني اشكثر ماذيك

من شفته طول بالذبح بيك

يالماظكت ماي. تعبتك اوياي

يالماخذ الحيل یالماخذ الحیل

ــــــــــــــــــــــــــــــــــــــــــــــــــ


من بعد ذيج ادوارتي اعليك ياخويه جا وحده امن الثنين

لو انته يمي او انه ماشوف لوشوف بس امخلص حسين

كالو ترس بي نترس الكاع شبكي الرمل لو ردتي تبجين

املاكيج يمكن بس عبرتي مسحوك بس ماينشاف بالعين

لا شفت منه ولاطلع صوت

جا هوه هيج الرايد ايموت

وبنحرك اتطوف. تعبت السيوف

يالماخذ الحيل. يالماخذ الحيل

ــــــــــــــــــــــــــــــــــــــــــــــــــــــ

لازلم عدنه اولا صواوین لاظل ستر لاعدنه نغار

بلكوه المهم لاجن الصوط ياكل امتون ازغار و اكبار

راح احجي و انته ابكيفكك انوب بس هاي وافهم عكبك اشصار

اليامرحله اختك واصله حسين
من تلبد امن الناس بالنار


بطلنه لحد يفزعنه

والله احسنلنه انموت كلنه

صحتلهن ابصوت احسلهه التموت

يالماخذ الخيل. يالماخذ الحيل



ـــــــــــــــــــــــــــــــــــــــــــــــــــــــ





{تم الناشر.}{ رهف الکعبی}

اللهم صلي علي محمد وآل محمد

وعجل فرجهم و انعل اعداهم


حمزه الحسناوي

نعي علي ابو حسن 🔥
يبويه حسين لـــــــــــــو يم راسي تگعد
دمعك بالجـفن خلـــــــــــــــيه يلــــــبد
مـــــــاريدن حــزن بوجـــوه الـيــــــصد
وتشوفك زيــــــــــــــــــنب وتنكسر بيه

اسمع ياحــــــــسين وشـــــد الحــــزام
هــــــواي اتـعيل بيكم بــــعدي الايــــام
الحسن مسموم واخـتك تمشي للشام
وانتــــــه بــــــلايه راس اعله الوطيـــــه
ــــــــــــــــــ
حسن اصبر يبويـــــــه وظــــــم الدموع
احلفك بالزچيــــــــهپ وكــــسر الظلوع
مــــابــــــــياش اون وگلـــيــبي مشلوع
ارحــــــــــــم حــالـتي ابهيـده عـليــــــــه

صيحو الزيــــــــنب وصـــيحو ام كلثوم
حـــــل وكــــــت الموداع ولـدي هليوم
چــــــــبدك يالحسن بالطشت مسموم
واخــــــــوك حسين حدر الاعوجـيـــــه

يزيــــــــــــــنب گربي بويــــــــــــه وتدني
هــــــــــــواي اليوجعنج يوجـــــــــــعني
حـــــــــــــيل دمـــــــــــــوع عينج عذبني
ضميهن الظــــــــــيم الــــــــــــــغاضريه


ياعباس ادري بـــــــــــــــــــــيك وفــــاي
اريدنك تصير الزيــــــــــــــــنب افــــياي
اعـــصر عينك الـــــــهه بشحت الــماي
يبو فاضل وصـــــــــــــــــيتي الهاشميه

✍️ ملا يوسف العبودي 🔥..


✍️ملا يوسف العبودي 🔥
… .ذمه اليمسح رابط القناة
قناة الناعي ملا يوسف العبودي
جبت العمر أختار بس لونين
الاسود للحزن والأبيض اجفانه 07712251217

قناة تلگرام خاصه ملا يوسف العبودي
https://www.tgoop.com/+Kcf1Q4Z1yM5lNjgy
..
قناة تلگرام عامه ملا يوسف العبودي

https://www.tgoop.com/sewDtXQAw_s4RqA

قناة وات ساب  ملا يوسف العبودي
https://chat.whatsapp.com/KzUmhtvSLWH1ZNZ0W5wlr5
قناة وات ساب ملا يوسف قصائد ونعي
https://chat.whatsapp.com/BL2Iy4xHRDQADXM0gFqhBv

قناة قصائد ملا يوسف العبودي

https://www.tgoop.com/+Kcf1Q4Z1yM5lNjgy

قصائد ونعي كتابتي ملا يوسف العبودي 🔥

جبناه  العمر نختار بس لونين
الاسود للحزن  والابيض اچفانه

https://www.tgoop.com/+2ISXMijqx2U4ZTBi

🔥🔥🔥....