طرت علي ضحكة ما كنها إلا أرض الله الواسعه
‏يا مال الجنة .. يا وجه ٍ ما زِلت أعيش فقدانه

على الوعد ما جيت والعمر محدود
‏ونفسيّتي في غيبتك لك عليها

‏ما باقي إلا ضحكة تغيب و تعود
‏حتى ماهيب الضحكة اللي تبيها

‏نسيتني ؟ ولاّ أنت مثلي من بعيد
‏لا أسج عنك ولا الطواري رديّة

‏ قَلْ الكلام ولا بقى غير تنهيد
‏يجاوبك عن كل ليلة شقيّة

‏وفي سلوتي عنّك أشككّ والأكيد
‏" إنّي الضعيف وذكرياتك قوّية "

‏أحبك وأتحفى طواريك و ذكراك
‏ويشيلك قلبٍ أبيض فيك متباهي

‏تحلويت السنيـن اللي قضت وياك
‏وتملكت الشعُور .. الفارق الراهي

‏ولا في عيني اللي .. مِثلك و شـرواك
‏وعينك ما لقت من حولها أشباهي

‏ويمرّ طاريك ويهب الهوى من شمال
‏ويعكّر الصفو .. قلبٍ ، يطلب إعانته

‏لازال يعزف على لحن اللقا والوصال
‏حتى .. لو إنه يعاني وسط زنزانته

‏ماغيّرت منزلة حبّك صدوف الليال
‏جوارحي .. لو يطول البعد ما خانته

‏ما أحبك إلين تاخذك السنين الطوال
‏أحبك .. إلين ربي ياخذ آمانته

تضيق بوجهي الدنيا و ألاقي في رحابك باب
‏واحسك مثل شيٍ كان ينقصني و كملته

‏اجي صُوبك وانا لوجهك يسابق وجهي الترحاب
‏واشوفك مثل نجمٍ فالسما كم لي تخايلته

‏حبيبي والمدى حالك وأنا في غيبتك مرتاب
‏ولا غيرك هَوى قلبي ومن قلبي أنا نلته

‏جوارحي لـ الغياب المر مضطره
‏والوصل مانيب فيه اليوم متجود

‏ان كانك تروح مره و تحضر مره
‏انا اقدر اروح / لكن ماقدر اعود

‏- سعد بن لويبه

انت ليلي و فجري و كل أوقاتي

‏يمر وجهك و ياخذني و أنا هيمان وأشوف
الدرب لـ عيونك و ابدأ فيك مشواري

رمشك جهاتي و نظراتك عناويني
وعيناك أرض تمسيني و أصبحها

‏ينتهي الليل بالشوق ويبدأ الصباح باللهفه

الصدف ماتجمع اثنين لو دار الزمان
‏يكذبون اللي يقولون تجمعهم صدف
‏ ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ
‏كل يوم تمر رجلي على ذاك المكان
‏وانا مالي فيه حاجه ولاعندي هدف

‏سهل جدًا ألاقي من يعوض خيبتي ويّاك
‏صعب جدًا مثل صبري على خيباتك تلاقي

‏وعساك اذا لقيت تلاقي اللي مثلك وشرواك
‏مادام الطيبين شوي ، لا تكمل على الباقي

‏شكرت الحظ يوم انه كشف لي عن ثمن فرقاك
‏يطول الوقت قبل يعلمك عن قيمة فراقي

أسمٍ بقى رغم المسافات مآثور
‏ كلّ ما طرأ لي ؟ عاود البال طيشه

‏ وأنا طيورٍ فوق شبّاكك تدور
‏ باعت مسافات الخضار بـ دريشة

‏ ما زال وجهك غربة سنين وشهور
‏ أحتاج أحبه مرّة أخرى .. وأعيشه

‏غديت اودع المقفي ولا آحب اسمع التبرير
‏أشوف ان التفاصيل الكثيره ما لها داعي

‏فـ انا يا اللي تظن اني بدونك ما احسن التدبير
‏هجرتك واشتعل نور الحياه و زانت اوضاعي

‏فلا شكراً على وقتك ولا اعذرني على التقصير
‏انا من يوم فارقتك تلاشت معظم اوجاعي

‏ماجيتك ألعب بالمشاعر وأخليك
‏وماجيتك لأجل أستغفلك وأستغلك

‏گيف أنشغل عنك؟ وأنا منشغل فيك
‏ليت الشعور اللي بقلبي وصلك

‏تغريني أشيائك ، وأتوه بمعانيك
‏وأقرا تفاصيلك وبعضك وكلك

‏طموحي أستحوذ على كل مافيك
‏أنا معاگ أشعر بـ حب التملك

‏جعل يفداك القصيد اللي يثير اعجابك
‏تدري ان ذكراك بين الذكريـات ازينها

‏حافظك بـ اصغر تفاصليك و ادقّ اسبابك
‏و معتبرك اجمل توافيق القدر و أثمنها