خوفتني
بعد ماعندي شجاعة اشتاگلك حتى من اريدك
يالتفاصيلك چذب بالدنيا غيري يطيح بيهن
مثل ما طاح العمر گطرة على ايدك
خوفتني !
خوفي من الصوت ما فارگني ليلة !
الصوت من گد قوته يبعد
واحس روحي اجيله
لو تسمعه ؟
چا عرفت شسوه بية
لو تسمعه
چا خفت مثلي
وبقيت سنين مو وياي
بية !
"صوت اصابيعك وهن يطلعن من جفوف ايدية"
خوفتني !
وخوفتي من باب گلبي
خاف ينسد والك جية
وخاف افتحه
وكلشي بالدنيا عداك يمر علية
فوبيا البيبان
من ما ودعتني بدت بية
فوبيا !
من كلشي غيرك
لا اتمناهن لغيري
ولا اتمنالك تعيش الجاي اعيشه
انا احبك !
والافكار الجاي يجبرني عليها الليل
كلش خوفتني
جاي احس بروحتك مو الاولية
جاي احسها الجاوبت بيها سؤالك
من ردت معنى الاذية
جاي اخافك يا اماني!
اني خايف ذكرياتك تحتكرني
وما تخليلي فراغ لشخص ثاني
العمر عندك حبيبي
العمر ماينحط بجنطة حبيبي
شلون خليته ويا قمصانك الاحبها
الجاي اعيشه الله لا حطه ويا عمرك
جاي احس باسوء ايام الناس
دفعة وحده انچفت بية
جاي اعيش الما اتمنالك تجي وتشوفه بية
جان ممكن نبقه
بس ما رهمتلنا
جان ممكن مثل ما جابتك كبالي القصيدة
تشيلني وتاخذني يمك
چان ممكن للاحلام الفارغة الما الها داعي
الماخذتني ناس لا اعرفهم شكلهم
ولا ردت فد يوم يظل بية عطرهم
جان ممكن للاحلام تكلي شنهو تريد ؟
چا كلتلها اشمك !
مستحي من انتظاري لطولك الما مشتهيني
اني اشك ظل شي حلو بالدنيا
بي اگدر اشبهك
كلشي بي حكمة بزواله الا وجهك !
كلشي ممكن چان بس صوتك نساني ؟
وحيل صعبة للتهمه يحس بعد ما صار يهمك
جرب اسمي وصيح بية !
جاي احس حروفه تصغر
جرب اسمي
بية خوفي لا خدار اطرافي يكثر
والشلل ما يفهم رغبة چفوفي لو ردت ساعتها اضمك
اني واصل مرحلة ما مشتهيها
جاي اخاف من الاطفال
التوها اجت للدنيا بس ما شايلة اسمك !
اني اكدر ابچي
وعيوني الهيها بدمعتي
وما اظل بكل وكت وبكل فراغ گبالي ارسمك
بس اخاف عيوني اخر شوفة الها
وياخذك مني العمى
ومرتين اخسرك
اني اكدر ما اذكرك
وجهك الچنه دمعتي بكل مكان
گبال ياهو الچان تنزل
عادي اكدر ما اذكره
ماعشت عمري علمود
صوتك الما منه ثاني
الي من اسمع شكو بالدنيا صوت
ابقه احس ناقصني صوت
عادي عندي يروح وماحس بوجوده
اني اكدر ما اذكرك
بس تفاصيلك تعب !
كلشي بالدنيا من اروحنله يرجعني عليك
اني اكدر ما اذكرك
بس احب اتناسى بيك ..

اكرهك !
لان احبك وصعب تفهم هاي
انت المشكلة وانت الخصم والحل
اكرهك چي تضعفني
وقراري وياك اكسره وينتهي قبل لا يكمل
اكرهك چي من يسألوني عنك ناس
اچذب
ها يحبني
ولو مشوا اخجل !
اكرهك چي اخاف اختبرك ، ادري تطيح !
ماريد انطي حجة لنفسي واتفشل
اكرهك چي احس بنقص من تغيب
والمشكلة بجيتك نقصي ما يكمل
من انطيك عمري وادري عمري يضيع
وعلى كلمة احبك لازم اتوسل !

لو بينك وبيني اهون ، شگل للناس ؟
شكد حاجيلهم عنك ، شكلهم مل ؟
شگلهم والـ شلونك بيها اغص مرات
شگلهم والعرف من يوجعك يندل
سكتت بروحتك مو راضي لا والله
بلعت ريجي هذا الحجي المايكمل
اخر مرحلة من الوجع سكتة تصير
الحجي ميكفي مو يعني السكوت اسهل

سألني بكل سهولة على اصعب الاشياء
وجاوبته بصعوبة وكتله لا سهلة
الوداع يغير المعنى وطبقة الصوت
ويچتف اللسان ويسجن الجملة
يبو موقف تحرك اكثر من الريح
مدري شلون ظلت واكفة الشتلة
لو واكفلي لحظة شلون اليصلون
اقدملك ثبات اكثر من القبلة

صار وجهچ أرشفة لكلشي گبل شوفة عيونچ

محد يحترگ گلبه علية ؟
ويمد ايده ويطفي النار بية
اذا الـ ببيتي ضدي شحال جاري
يلم فوگي حطب وتزيد ناري

شالوك حتىٰ مِن الحلم
وحلمك يجيني بِلا صور
وبِلا خلگ ..
ولمن أفز
يبچي الحَلم
وأثنينّا علىٰ الراس
تنگابل ندگ
رادوني ماشوفك أبد
ويا حال من بَعدك صرت؟
غصن وخذوني مِن الشجر
وذبوني يم نار الهجر
واليوم ،باچر
أحترگ
عشت بطرگ روحّي
بسوادين العشگ

دزولي ابيات تحبوها
خلي ابوگ منكم وانزل
@tufysayatbot

بروحك چمّ سما وما غيمت ويايّ
عليه تزُخ عطشّ ومنشف السبّعة
المفارك مبين عذره يمشيّ وياه
الما بيه شوگ طافي العِشك بيه لمعة
بگصايب يا حلّم شديت روحك خيط ؟
خيطك من يمُر دخان ما گطعه .

احتركي كبالي مو فد مشكلة احتركي
وصدكي عيونج الشلعتني من عرگي
التجارب غيرتني وهسة صرت انسان
دم الجثة احر من الهلا بحلگي

اثاريني شثگلني وما ادري بروحي
ولا واحد تلگاني
حتى الگالي ما اكدر اتخطاك
ملت روحه من عندي وتخطاني
وهذا الچنت حيل اهواه
ابد ما چان يهواني
مخلصها عرك وي عيني خاف تنام !
واكلها تحملي وتاني
اثاري الليل هذا المايخلصه وياي
يخلص وي شخص ثاني

2100 ♥️

ايابه
5 اشهر حتى دخلنا 100 جديدة !
هواية والله

آني مليت العِتاب
والاغاني والغياب
شَرد اگُلك يا حَبيبي ؟
كلمة تكفي للجواب
بعديش !

لا سفرة شمس واتناها يمتى تموت
ولا تگضي بدمع واعبرها واتعدا

ولو تدري عليك شكثر محتام
چا سابگت جدمك وية الطيور
اخافن بدلوا ريشك ينعام
تره سهام الشماتَ تصيد الصگور
واخافن لا يشمونك يشمام
ولو بالليل گلبي إعليك ناطور
تراني اعلگ سنين بليلك شموع
ولو ليلك تكفه بضوه الوجنات

3 أصوات ونقفل ع القرار

شكرا لرأيكم
اكتبها وانزلها

من عيني طحت گد ما بجيت عليك
صوچي بعيني شلتك لازم اتحمل
خسرتك لان بالغت بمحبتك حيل
الزرع مرات من كثر السگي يذبل
لو بينك وبيني اهون ، شگل للناس ؟
شكد حاجيلهم عنك ، شكلهم مل ؟
شگلهم والـ شلونك بيها اغص مرات
شگلهم والعرف من يوجعك يندل
سكتت بروحتك مو راضي لا والله
بلعت ريجي هذا الحجي المايكمل
اخر مرحلة من الوجع سكتة تصير
الحجي ميكفي مو يعني السكوت اسهل
وغمضت بوداعك وانا ذاك الچان
مايرمش لون سيف على وجهة انسل
ومن فتحت چن شايل غطا التنور
نار لهبت نار وتحرگ المبتل
فاضت والمكابر گوه سد الباب
وتدافعنا ويگلي انت زلمة اعقل !
ودمام الحرب دگ والصهيل اقبل
بس الوجع واگف كلشي بية اختل
حرب مابين عقلي وگلبي والمفروض
واحد ينتصر والثاني لا يقتل !
اجه عقلي بدليل ومنطق وبرهان
وسيف ودرع بيده وخيله المحجل
واجه گلبي بطرگ ذاك البياض البيه
گتله شهالضياع تطب حرب واعزل !
طلع صورتك كال انا راعي الگاع !
من اقاتل مو مثل ميقاتل المحتل
اصف وي گلبي ؟ خافن كبريائي يضيع
اصف وي عقلي ؟ خاف احلامي تترمل
حرت مثل الـ بمشية بنته جاه ديان
من الوادم ومن بنته يتختل
ليش بعقلك من تعاملت وياي ؟
وليش من اعتب واحترگ ما تخجل ؟
وليش فراگي عندك عادي ؟
"اغص بهاي"
وليش انا بدونك يومي مايكمل ؟
وليش انا اليبادر بالمراضاة ؟
ليش انا الما اتحمل وانت تتحمل !
على اتفه سبب تكسر عظم وياي
وانا على اليزعلن مالي حق ازعل
الـ ليش شكد كلتها ؟ وبقت اخر ليش
ليش انا لحد الان ما ارحل !
عفتلك شاعريتي السمرا حتى ارضيك
عفت السيف كمت اكتب ع المكحل
وانا خيالهن والعندي مملوحات
وكتبت الفاهيات لخاطر اتغزل
قصايد وادعي لغيرك وهن عليك
ويسمعهون ويتراضون وانا اذبل
اجيتك شارد من الماضي
اجيت ارتاح !
وعلى اليشرد من الماضي الدرب يطول
اجيت ارتاح يمك شيلتني سيوف
وغصبا خضت حرب الريح والمشعل
مابية بعد والجاي ربع الراح
لا تنغر بالشكل عمري الصدگ وشل
گدتني وصدگت !
ما ادري بالمضموم
تايه جنت ويصدگ المايندل
ثاري الياخذوه ينعدم هم ينگاد !
حلوة البدايات وتالي تتبهذل
وچذب ثاري السواجي
الگلوب گلوب !
گلب يزرع ، گلب يسگي ، گلب منجل
آه يابو گلب منجل
خنتني اقذر خيانة
تصور الجاسوس من احطه وياك
يستنكف ومايقبل
چنت تخوني وما لاحظت معذور
لان چنت بوكت ارسم المستقبل
اكرهك !
لان احبك وصعب تفهم هاي
انت المشكلة وانت الخصم والحل
اكرهك چي تضعفني
وقراري وياك اكسره وينتهي قبل لا يكمل
اكرهك چي من يسألوني عنك ناس
اچذب
ها يحبني
ولو مشوا اخجل !
اكرهك چي اخاف اختبرك ، ادري تطيح !
ماريد انطي حجة لنفسي واتفشل
اكرهك چي احس بنقص من تغيب
والمشكلة بجيتك نقصي ما يكمل
من انطيك عمري وادري عمري يضيع
وعلى كلمة احبك لازم اتوسل !
وانا من الوادم المنطين دم للگاع
بگدك ما عشگت الكاع يمدلل
صوچي ماعشت واقع عشت باحلام
يحبني ، يعاركني ، يغار ، واتخيل !
احترم نفسك يگلبي !
اقتنع ميريدوك
لمن تدري ميراضوك لا تزعل
اقتنع يالمو عزيز اقتنع كافي تلوب
الي يعرف الجواب بيا وجه يسأل ؟
العتب ع المايقدر العتب هم خذلان
مو ياهو اليجي يتعتب اتمهل !
ولك حتى الشجر يا گلبي هم وجهين
شكد تبدلوا وياك ! دتبدل !
لا تبقه ابيض
گلوب التحبهم سود
واثگل من تخف وجوهم تثگل
ترى السبعين محمل چذب مو سبعين
غير واقعك واحمل فقط محمل
واصعب !
السهل ما ينحسبله حساب
سامح مرة
بس مرتين لا تقبل
يا گلبي ارحمني
وصلت عزتي للگاع
انا لو ما بياضك والله ما انذل
اكو بعض المشاكل حلها ان ما تبات
واكو بعض المشاكل حلها تتعطل
واكو بعض المشاكل مايحلها الموت
واكو بعض المشاكل حلها ما تنحل!