اصبغلج أضافرج وتحبيني؟

🔴 بالفيديو |

هطول امطار في العاصمة بغداد.

زَخت الدنيا مُطر
نمشي انه وانتَ بلا سگف
بس فَنها گطرة تلوحنا
حيل انعجب بينه الندى
وگطرات بأوراق الشجر غسلت نفسها بروحنه

مطر
وسوالفك مثل المطر حلوة
نتبلل لحدما بـ العشك نروة

عِنيت وبَس عليه الجدم يَعني
ولا غَيره الگَلُب بالناس يَعني
اگِله شگد تحِبني يگول يَعني
شنو اليَعني مِنو يفَسرها اليه ؟

- جَبار رَشيد

.

شليّ بأخبار الحبيبة الماتَحب
وشليّ بعيون الوسيعة ..
الما تشوف بعيني نضرات المحب ..

- كاظم اسماعيل الگاطع

بروحك چم سمة وما غيّمت وياي
عليه تزخ عطش ومنشف السبعة
بگصايب ياحلم شديت روحك خيط
خيطك من يمر دخان ما گطعه
ثكلت بروحي جثة وما لكت جناز
وخيالك كمت أشوفه منين ما اضيعة
اليسافر للببجي يأخذ عيوني متاع
على جفني ولام جايه مخيطه الدمعه
اليفاركني شبر أبقه التفتلة سنين
وأتاني بيا جرح يا لجمة الترجعه
لـ عِلي رُشم

كتلي من تعطش ترويك الچفوف
وهذا انا العطشان وين چفوفك؟

محمد عبود السوداني

راح أصبُر بدونك وأرهم بليّاك
وأذبح رمَش عِيني الچان يبچيلك .

🔴 طقس العراق: أمطار رعدية بدءاً من مساء اليوم وضباب في الصباح.

بسَديه أنشلِت من حَرب
وماخِذني چان النَزِف
وموت وصريخ وكَتِل
والدِنيا تتعارَك
من السَدية رأسًا كِمِت
باوعِت لإيدي وطِبت
وماهَمني كُل النَزِف
چي سالِم سوارَك

شسويتلي
وهلگَد صرت مشتاقلك
انا ماناقصَني شَي بس
مدري ليش احَتاجلك .

ترسَتك مايّ خوه ولانداوة الگيت
طلعَ جودك شبچَ وأسَرار تطشر
خاويتك عِشب وين كُل نسيم تميّل
جرّبتك شجر بريَح تتكسرَ
ومِن صارت صدُگ ردَتك ولو حاجَوز
وغصُب عذرك قبلته خاف تتعور
بزلاتك أضم رِدتك ضميَر تصَير .

لـِ سمَيرّ صبيحَ .

يَا كُل الـ بگلبي وَلو مو أنتَ بي؟
چا هِسه انَه خَالي وكُلشيء مَ عِندي…
أنِتَظرتك…وأنتظر وعِيوني وكِت موت انطيهن
لوَاحِد ينِتُظر بعَدي…

شَايِف مِن يچن كلهن ؟
لا بيك التگوملهن ، ولا بيك التِرتبَهن
حِزنك ، خُوفك ، والضَياع الـ بيك
گلي شلون متحَملهن ؟

ديربَالك على عيونّك
راح اروح ، وانِي هم راح ابقى
ارَاقب من بَعيد
مِقتنع بالصَار كُلي شلون هيج
ليش ماوضحِت كُلشي وحِجيت
الگه احسَن منك بيَا دنيا هاي
انِي صَدكني ردِت ، بَس مالكيت
جِنت ارد فَرحان اذا نتلاكه يُوم
هَاي اول مرة اگول شعندي جّيت ؟

اريد ارتاح لو ليله!
ياهو اليخسر
حجايه
و يكلي شبيك
و احجيله
ياهو اليشتهي عيوني
و افرغ ضيمي
و ابجيله.

صح رُوحي ذبّلت مِن رحت
بَس الله مَا ينساها
الشجرة التمَوت مِن العَطش
باچر بَلم تلگاها !