اجه رمضان ابد لاتطلع الباب..
خلي الناس يمعود يصومون

لأن وجهك عسل والنفس
تدنه عليه!

اخاف بشوفتك
كلهم يفطرون

_جبار رشيد

صعد سوك النذالة ونزل ذاك السوك!

وربح بيها الحرامي واليعرف يبوك.

الذنب ذنب الرعية وموش ذنب النوك

تربطون اجربها وصاحيها..🤦🏻‍♀️

_جاسم الجشاف🤎

‏يا هنيّ و يا شوگ روحي
و يا عزيز و يا مزار
يطفح بچفي حنينيّ
ومن حَنيني إعليك أغار

عريان السيد خلف

يامن مكدر علي
غيرك فصاله صعب جن ادوب اخيط واشك؟

_الكاطع🤍

شليّ بأخبار الحبيبة الماتَحب
وشليّ بعيون الوسيعة ..
الما تشوف بعيني نضرات المحب ..

- كاظم اسماعيل الگاطع

عطاشة ‏وغير عينك ذيج
ماظن عين تروينا

عريان السيد خلف

🍃



اسمك دوه لكل جرح..بس جرحك شكده؟

بچفوفك تهد جبل
ويمك تضيع الزلم
يم اليتامه شعجب شو تنگلب ورده؟

ماعدنه غيرك علي مفتاح كل شده




#فواز_رشم
🍃💔

🍃

#علي

ما نحتار لو جيناك كلك بوب مفتوحه
ي اول نور لو شفناك تترس عينه ملوحه
الما باجي بحياته وجاك
بس يوكف على الشباك
ادموعه تصير مفضوحه

منو غيرك يفك باب الله ويلوحه

اليكض شباجك ويبجيك
شيشلعه ويحس بيديك
ما ينشال لمن تنشلع روحه

ي اول نور داوه الناس بجروحه

لجروحك الف فدوه نروح احنه #واهالينا
احنه بشاربك مولاي
اذا مو بيك بيمن ينغفر لينا..؟


#فواز_رشم
💔🍃

سُمُر
شمسك جوتنه متاع
نبرد
گبّتك جلباب
نتيه
ترفرف من بعيد
نعرى
فكرك ابره وخيط
نلگاك اعل گدنه ثياب
نعطش
فيضك يفك باب
وشنلگاك
ذبح
هوّ الذبح تعويد
بالحز الرگب تنهاب
حياة
مكملين نعيش
ماطولك وحي وترتاب
مادامك شجر وفياي
صحاري ارواحنا اتانيك
شما صار الوكت حطّاب .

اجيت الليلة اودعكم
ما اظن للصبح باقي
هذا المنحني عودي
وهاي الذابلة اوراقي

_كاظم الكاطع🤎

شيلة زنودج وزن للكون
خاف يميل... وتبّين بحال الزمن خلّة

_عريان السيد خلف🕊️🤎

الليلة لليلة
هد عليه الليل بخيول الظلام
امنين اجيب الحيل ويرد خيله

لـ الكاطع

جرح الكبل يستحي شو هسه صاير وكح!
بي حالة من الغجر!!
الليل كله سهر، وينام وكت الصبح

_كاظم الكاطع 🕊️🤎

🍃

( كل عام وانه جرح ما ينشفي بغيرك)
كل عام وانه اختنگ وابچي بتصاويرك

كل عيد أريدك تجي..
ويخيبن ضنوني

من الليل اكض الدرب
وانطر لحد الصبح
(عبالي عندك گلب ..ما يگدر بدوني)

وچم عيد مر وخلص
وذيج اعله نفس الدرب ..
تنتظرك عيوني

( كل عام وانت ضحك وانه الحزن لوني )


#فواز_رشم
💔🍃

🍃





العيد ..من طولك يجيني
العيد..من يترس سمارك ماي عيني

بلا ضحكتك ..عيدهم مابي محنه
بلا ضحكتك..عيدهم مو مال اهلنه





#فواز_رشم
🍃💔

🍃


باجر عيد
باجر دموع الحزن تندل دربها

باجر من اشتاگلك ياديره اطبها

الليله اكلب بالرسايل
بلكي منك عيدك مبارك واحبها

الليله اعايد ذكرياتك وحده وحده
واطفه سكته

شلي بالعيد وضحكته..؟

شلي بالناس التعايد..ماكو انت


#فواز_رشم
🍃💔

باجر عيد
باجر تعرض عيونّج يحٓلوة
والعذاب يزيد

يلي تعودت ملگاك
ماكو اصعب من التعويد

يل رحٓتي بدون وداع
بعدج و الحٓياة متفيد
هنيآلي اذا بالموت
بلكي نصادفج ونلوحٓ أيد بأيد

يل صرتي بعيدة هواي عن العين
عن الكلب موش بعيد

الج دگات كلبي تزيد
وابد ما يوم مرة تهيدِ
وصليلج صلاة العيد ، وانتي الوحٓدج تنامين
ومخلية وراج انسان
ومخلية حبيب وحٓيد

باجر عيد
باجر والحزن يلكٓاني وتلكاه
ويا محٓلى الحٓزن بالعيد

- || كاظم اسماعيل الگاطع