«اخرعلامه»
«شيعتي»
~~
وين بدر الهاشميـــــه  ياخذ ابثار الزچيــــه
ينتهــــي عهد الفجور  ياهله ابيوم الظهور
ياخذ ابثار الزچيه
__
چـم قرن مراوتعده ننتظــر منك علامـــه
اعليها آمال البنينـه انشوف انـوار الأمامه
اتعيش هالامه ابتآخي اوتوصل الشاطي السلامه
كل العلامــــــــات اظهرت
السفياني واجيوشه لفت
كل المســـــــــاجد فجرت 
للنبي حرفواسلامــــــــــه

ذوله احفاد السقيفـه  حملو احقاد الخليفـه
وين قايدنـــــه الغيور  ياهله ابيوم الظهور
ياخذ ابثار الزچيه


احنه شفنه چم علامه اوچم شخص ظالم حكمنـــــــه
من الخليفه لآل اميـه والله من عدها انهظمنـه
كلمن اتسلط علينــــه لا نفعنـه اولارحمنه

داعش اجت هذا العصر
لاهدف عدها اولافكــر
بس القتل بس الغـــدر
والذبح صاير سهمنــه

للفرج احنه نتانـــــــي  وين رايات اليماني
ويه صاحبها العصور  ياهله ابيوم الظهور
ياخذ ابثار الزچيه


ظهرت اهوايـه علايم طلعة المهدي قريبـه
احنــه نلعن من يوقت ابطلعته ماعدنه ريبه
للفرج ندعي ابغيابــه اشوكت بارينــه يجيبـه

لويستجاب  النه الدعه 
غايبنه الله ايطلعـــــــه
شمس الولايه الساطعه
تنگضي محنة الغيبـه

للبدع يمحــي اثرها  للعدل رايـه نشرها
للظلم يهدم قصــور  ياهله ابيوم الظهور
ياخذ ابثار الزچيه


وين اصحاب الولايه العدها ايمان ابظهوره
خلي بالدنيه یصفـي احسابـــــــه ويرتب اموره
ايشوف نفسـه تهوه المن العلــي لوزمرة الشوره

لـــــويظهر الغـايب بعد 
ماتنفــع التوبـــــــه ابد
من هسه رسخ المعتقد 
اصلح النفس الشروره

حارب النفس اوهواها  فاطمه تكسب رضاها
يوم ابنها من يثـــــور  ياهله ابيوم الظهور
ياخذ ابثار الزچيه


يامن الغايب تتانـــي اورايد اتشــاهد انـواره
موقفك هاليلـه حدد اتنصره من يطلب ابثـــاره
تعلن البيعـه الأمامك تنصره اوتنصر افكــاره

واتبايعـــــــه ابدم النحر
تاخذ امن اسلافك عبر
تحمـيــــه من جورالدهر 
مثل انصــــــــاره الغياره

صفي نيتك هالمسيــه  خلي روحك مهدويه
النصرته جندي فخور  ياهله ابيوم الظهور
ياخذ ابثار الزچيه


وين هذا اليوم وينــه اسنين مصباحه نتانـــــــي
نسمع ابيت الله ظاهر حاكم البيــــــــــه الآمانـي
اينادي ياثار الزچيـــه المانسيته كل زمانــي

وينادي ياثار الضلـــــــع
بغيابي اهل لجله الدمع 
اوگلبي يشيعه منفجـع
عله امصاب الغاضريه اوعمتـــــــــي الراحت سبيه
__
تمت
الشاعر فالح العامري

https://www.tgoop.com/falehalameri

بسم الله الرحمه الرحيم

سوال
ميمر
~
هالمثل متعلمينه.
عيسى اوموسى ابدينه

جا وين صار الاصلاح 
وينه اليفكر وينه
◾◾◾◾◾◾
لونحجي احنــه عالصحابه الأشرار
شنهو السبب من شعلو الذيج النار
تطلع علينـــــه ناس بانواع اخبار
بالشرك يتهمونــــه الحب الكرار

ايكولون احنه احبابه
للمصطفى اصحابه

چا ليش زهق الأرواح 
وينه اليفكر وينه

*الشاعر فالح العامري*
◾◾◾◾◾◾
شنّوا حــرب عالمرتضى وشذنبه
وشنهي الذنب محسن وكع عالعتبه
ماهابوا الهادي ولاخافوا ربــــــه
يدرون فاطم روح ابوهـــه وگلبه

حق فاطمه يغصبونه
ومال النبي ايعرفونه

حقهه عند الله ما راح
وينه اليفكر وينه

✍️الشاعره ام حيدر الطائي
◾◾◾◾◾◾
من نحكم اعله الموصحب بالكفران
ناخذ الحجه من النبـــي والقرآن
وعدهم أحاديث وذكرها الشيخان
قال الزجيه بضعتي عالي الشــان

نحلتها ايغصبوها
اوصيته مانفذوها

اباب النبي صار اصياح. 
وينه اليفكر وينه

✍️الشاعره ام مجتبى الجزائري
◾◾◾◾◾◾
دين المصالح صار عدهم  الدين
وكرهو علي الكرار من ذاك الحين
من  بالسقيفه اجتمعوا  الشياطين
لازم الحاجب يعله من فوك العين

حب الكراسي حبهم 
موش النبي صاحبهم

الاسلام ظل للاشباح
وينه اليفكر وينه

✍️ الشاعره ام محمد الساري
◾◾◾◾◾◾
خل يسمعون الخطبته بيها  اشگال
العتره وكتابه وحيدره بيـده شال
من حبني حبهم خلي تفهم  لجيال
كل هالادلــه ايچذبوها الانــذال

ابكسر الضلع يسبونه
ابروح النبي يفجعونه

ترسو كلبنه بجراح
وين اليفكر وينه

✍️الشاعره ام اسعد الشمري
◾◾◾◾◾◾
ماعدهم ابـــــداً لا عقل لا تفكيـر
عدهم الـــدين ابنطق كلمة تكبير
شوهوا معنى الصحبه اهل التكفير
همهم السـلطه مايهمهم شيصير

عافــوا اجنازة طاهه 
ولا من حضر واراهه

كسر الضلع حيف انباح 
وينه اليفكر وينه

✍️الشاعره شيماء ام نور
◾◾◾◾◾◾
رحمه فلا عدهم هذوله الاحقاد
حملو ضغينه عله العتره الامجاد
الغصب الخلافه ثبتو همه الاسياد
وسفه الصحابه صایره بس الحاد

نكـرو شريعة ربهم
بس الخلافه همهم

وسفه الدين ابچفهم طاح
وينه اليفكر وينه

✍🏻الشاعره ام عباس الحسيني
◾◾◾◾◾◾
تمت بعون الله

https://www.tgoop.com/mslmapnAGyel

نفس النار

~~
نار البيها حرگو عتبت الزهره
ردت تستعر بعتــــاب سامره
◾◾◾◾◾◾
الزمان ايعيد نفسه وحنه شاهدنه
امس بأرض المدينــه النار چوتنه
واليـــــوم ارجعت تلهب ابديرتنه
نتحمل لهبها احنــــــــــه چم مره

*✍️الشاعر فالح العامري*
◾◾◾◾◾◾◾️
يا نار السقيفه بكت تلهب دوم
حركت باب فاطم والدمع مسجوم
ورجعت وجرت بمخيم المظلوم
ولحد الان عدهم بغض للعتره

✍🏼 الشاعرة ام حيدر الحمزه الطائيه
◾️◾️◾️◾️◾️◾️◾️
جم مــــره نشوف النار بالاعتاب
اول نار للزهـــره احرگوها الباب
مانعرف حقدهم شنهي الاسباب
ولبيت النبي متعنيه هالزمـــــره

✍️الشاعره ام محمد الشاهين
◾◾◾◾◾◾
ونار أحقادهم چـــم مره شبوها
على بيـــت النبـــوّه ومايطفوها
من يوم السقيفه الحـرب علنوها
ملعونه وخبيثه تبگـــه هالشجره

✍️الشاعره ام نور الباقر المالكي
◾◾◾◾◾◾
نـــار احقادهم ضرمت بلارحمـه
على اعتاب الزچيه الزمـره ملتمه
لباب الدار حرگت واصبحت ظلمه
ظلت. نارهـــم تلهب مثل جمره

✍️الشاعره ام. البنين

◾️◾️◾️◾️◾️◾️◾️◾️

بگت تفتل وكل سـا تشتعل يم دار
من عتبة الزهـــره مهجة المختار
لعد سامره وصلت ماطفت هالنار
وبس يرجع المهدي ماتضل وجره

✍️الشاعره شيماء ام نور
◾◾◾◾◾◾ ◾
تمت بعون
عليه السلام
🕊قناة مسلم بن عقيل ع🕊
قناة مخصصه لنشر القصائد الحسينيه
المشتركه بين مجموعة شاعرات اهل البيت في الرابطه
باشراف الاستاذ الشاعر فالح العامري

تحتوي القناة على كلما يكتب في رابطةمسلم بن عقيل من لطميات+ابوذيات نعي +فزاعيات+دارميات
هدفنا خدمتكم
نسالكم الدع
https://www.tgoop.com/mslmapnAGyel

وداع الزهراء وزينب الحوراء ع
🔲🔲🔲🔲🔲🔲

هالليله فاطـــم تنحب الزينب
ودعــت بتها والگلــــب يلهب
🟰🟰🟰🟰🟰🟰
تركت الحـــره الضيم دنياهه
ضلت وحيده ومحد وياهـــه
تشكي الزمـــن قهره تولّاهــه
عگب الزچيه دم دمعها يصب

✍️الشاعره شيماء ام نور
🟰🟰🟰🟰🟰🟰🟰🟰
عگب ام حسن زينب تره وحيده
ضيم الدهــــر كل ما اله ايزيده
لسه الحضن يالوالـــــده تريده
طعم الوفــــه بعدچ تره يصعب

✍🏻 الشاعره نور الناصريه
🟰🟰🟰🟰🟰🟰🟰🟰
صعبه ابـــــــد ماتنطفي نــاري
ياشمعتي وياســـلوتي بــــداري
يمه الدمـــع بعدچ يضل جـاري
مني الزمـــــن كلشي حلو سلّب

✍️الشاعره شيماء ام نور
🟰🟰🟰🟰🟰🟰🟰🟰
دهري سلب روحي وترك لوعه
رحتي بهضم يايمـــه موجوعه
دربي انطفت يالغاليـه شموعه
وبفرگتچ ضــــــل گلبي يتعذب

✍🏻 الشاعره نور الناصريه
🟰🟰🟰🟰🟰🟰🟰🟰
ضل الگلب موجـــوع عل فرگه
وي كل نفس شهگه بأثر شهگه
ماضن بعـــد يحصل الي ملگه
طول العمر روحـــي الچ تنحب

✍️الشاعره شيماء ام نور
🟰🟰🟰🟰🟰🟰🟰🟰
روحي تضل تنحب الـــچ للدوم
يالرحتي من عدنـه بگلب مهضوم
حزني يضل طول العمر مــو يوم
والگلــب من فگدچ تــراه شيب

✍🏻 الشاعره نور الناصريه
🟰🟰🟰🟰🟰🟰🟰🟰

https://www.tgoop.com/shaymaumnoor

المهدي وثأر الزهراء ع
⚔️🗡️⚔️🗡️⚔️🗡️⚔️

ســـل سيفك يمام العصر بُرده
وگلب فاطمه من الاصحاب بَرده
دم محسنها ترضه يـــروح برّده
وكسر الضلع نيرانه ســــــــريه
⚔️🗡️⚔️🗡️⚔️🗡️⚔️🗡️⚔️

✍️الشاعره شيماء ام نور

الزهره احمولها هم اگوى منهم
يمهدي اضهر واخذ الثــار منهم
حشه يسمونهم اصحاب منهم
اشباه ارجـٰـــال مـــابيهم حميه

✍️الشاعره شيماء ام نور
⚔️🗡️⚔️🗡️⚔️🗡️⚔️🗡️⚔️
https://www.tgoop.com/shaymaumnoor

بسم الله الرحمن الرحيم

قصیده لاستشهاد مولاتي وسيدتي فاطمة الزهراء ع


مئآتم بالارض. مئآتــم بالسمه
سواد بكل كتر. عـزاء الفاطمه
     يفاطمه. .......  يفاطمه

♡___

شـعائر الحـزن. لجـل ام الحسن
جرحها ضل يئن.مصايب والمحن
عليها بس نون على طول الزمـن
نضل نرثي المحن نواسي المؤتمن

لامــنه الزاچیه. دمع نجري دمـه
     يفاطـمه .......  يفاطمه

✍🏻الشاعره ام عباس الحسيني

♡____

نضل نجري دمع لطمنا ينسمع
نواسيها ابجمـع ولا نقبـل ردع
گلبنا منفجــع  نذوب الها شمع
عليمن تنصفع  وضلعها ينوجع

لربها شاكيه  الجموع الظالمه
     يفاطمه ………. يفاطمه

✍️الشاعره شيماء ام نور

♡____


جمـــوع الحاقده  لدارها راصده
چفوف اهل الرده حطبها موگده 
العقيله امناشده  شـنو يلّي سده
تخاف من العـده  لامها امسنده

لبوها راجيـه   علي حامي الحمه
      یفاطمه............. یفاطمه

✍🏻الشاعره ام عباس الحسيني

♡____

علي لمّــن حظر على الزهـره نظر
ضلعها منكســر  وعلى العتبه گمر
نهض ماضل صبر وجأ أنف الغدر
ذكر عهده وظفر  لعد سـيد البشر

الوصيه باقيــــه  ليــوم الموزمه
    يفاطمه  ………… يفاطمه

✍️الشاعره شيماء ام نور

♡____

وصيـة النبـي  حمـلها الابـــــي
عهد لابــد وبي لـردع الناصبي
يشيعه تأهــبي مئآتــم انصبي
لفاطم اندبـــي  عليـها وانحبي
  
بفگد الغاليــه  القضيه مؤلمــه
    يفاطمه............. يفاطمه

✍🏻الشاعره ام عباس الحسيني

♡____
القضيه موجعـــه گلبنه تصدعـه
الزچيـه امودعـه عيونهه دامعـه
فدكهه ضايعـــه بصبرهه بارعـه
لَوّنهــه رافعــــه اديهـه مشرّعــه

عليهم داعيـه  الصحابه الحاكمه
     يفاطمه ………… يفاطمه

✍️الشاعره شيماء ام نور

https://www.tgoop.com/shaymaumnoor

مئآتم بالارض مئآتم بالسمه.............
____♡
الرادود الحسيني علي العيداني

مئاتم..........

‏الرادود الحسيني سيد عباس العگده

مصيبه وطلب حاجه من فاطمه المظلومه عليها السلام
◾️◾️◾️◾️◾️◾️◾️◾️

عليلــــه وطيبتي الزهــــراء حلها
لمن ارثيها واشكي بنــــوح حالها
هظيمه العدو بــــاد بحقد حيلها
كسر اضلعها والمحسن رميــــــه
◾️◾️◾️◾️◾️◾️◾️

✍️الشاعره شيماء ام نور

«يمّه يازهراء»
«ثلاثة ترباع الشيعتي»
~~~
يمّه يالعفتينـــــــــي   اوياچ ماخذتينـــــي
صعب يمّــه افراگچ    ظلمه اشوفن دارچ
اوياچ ماخذتينـــــي
▪︎▪︎▪︎
وين عني رايحــه يمّــي الحنينــــــــــه
خلص گلبـــي والله من نوحه اوونينّـه
اعليچ ابگه هالعمرآنــــــــــه حزينــــــه
اعليه بعدچ موحشه ابعينــــي المدينه

الدمع كحلت عينــي   الفرگه شي نسينـي
ماتردلّـــــــي اخبارچ   ظلمه اشوفن دارچ
اوياچ ماخذتينـــــي


اوياچ خذتــــــــــي يمّه كل آمال عندي
اوراح اظل يم الحسن بالدنيـــه وحدي
گبل ايـام افگدت يايمّــــــــــــــــه جدي
النوب فگدچ يالحبيبــــــــــه مرد چبدي

ادموعي ابگه اجريها   محنتـي اشيگضيها
حالي اشد من حالـچ   ظلمه اشوفن دارچ
اوياچ ماخذتينـــــي


يمّــــــه يازهراء يازهرة حياتـــــــــــي
حبچ اوصـورتچ مافارگت ذاتــــــــــي
ابهالسفروياچ خذتـــــــــــي امنياتـــي
ريت ويـــاچ الدنت ساعة مماتـــــــــي

اولااظل للحزانــــي   واليتم عنوانـــــــــي
من بعد انــــــوارچ     ظلمه اشوفن دارچ
اوياچ ماخذتينـــــي


اشلون اعيش ابدارمن عندچ خليــــــه
هاي داري الچانت ابنورچ زهيّــــــــــــه
اشلون اشوف ابعينـــــي بابچ يالزچيّه
لوعـــــة البسمــــارتجدّدعليـــــــــــــــه

والمآسي اگبالــــــي     يالمچانچ خالـــــــي
من يسدامچــــــانچ     ظلمه اشوفن دارچ
اوياچ ماخذتينـــــي


يمّــــــه يالعفتينــــــــي اجرع للمصايب
يالحنينـه انتــــــــــــــي يااغله الحبايب
يمّه من نـــارالهجردلالّـــــــــــــــي ذايب
رحتي عنـــــي اوراح اظل بس للنوايب

ريتچ اتسمعينــــــي   گبل متودعينـــــــي
اشگد قليلـــه ايامچ   ظلمه اشوفن دارچ
اوياچ ماخذتينـــــي


وين اروحن يمّــه عنّــــي لورحلتــــــي
يمّــــه اضيع ابدنيتــــي لاماحسبتــــي
والأشد يايمّــــــــه بأرض الطف غربتي
ريت ذاك اليـــوم يالزهره حضــرتـــــي

من بعدوليانــــــــي   بسمچ اندب آنــــــي
ابگلبي تسعر نارچ     ظلمه اشوفن دارچ
اوياچ ماخذتينــــي


كســــرضلعچ يمّــــه يتجدّد اشوفـــــه
حين صدراحسين مهشوم ابطفوفـــــه
ابلادفن يم الحسن آنــــــــه اعوفــــــه
وآنـــــــه اروح اميسره الديرة الكوفــه

والعده يحدونـــــــي   يمّه وايسبونـــــــي
مالگيت انصــــارچ     ظلمه اشوفن دارچ
اوياچ ماخذتينـــــي

▪︎▪︎▪︎▪︎▪︎▪︎▪︎▪︎▪︎
تمّت    
الشاعر فالح العامري
غير مبرئ للذمه كل من يحذف اسم الشاعر وينسب القصيده له
                            👇
https://www.tgoop.com/falehalameri

من روائع الاستاذ القدير فالح العامري حفظه الله ورعاه في استشهاد المظلومه الطاهره فاطمة الزهراء عليها وعليهم افضل الصلاة والسلام
قصائد تستحق النشر والإعجاب

«يافرج الله»
«شيعتي»
سيّدي يمته نراك للفرج نسمع نداك
طـــوّلت غيبتك ننتظـــــــر جيّتك
للفرج نسمع نداك


حايرامنين ابدي عتبــــي الحضرتك ياشبل حيدر
شيعتك صــــــارت طراي والشمل منــــها تطشـّر
الظالم ابسيفــــــــــه ولاها منهوغيـرك الـــها ينغر
لحّگ اعليــــها يغايب گبل مامحنتـــــها تكبــــــــر

حاضرها والماضي انظلم
وابحــــــالها محـّـد رحــم
بوجـــــوها الضيم انرسم
تريد يوم الی بـــــي تنسر

راح چم جيل التناك عينه ماشافت لواك
اتــأمّلت طلعتك ننتظــــــر جيّتك
للفرج نسمع نداك


تدري من يوم انولدنـــــه للفرج كل جمعـــــه ننطر
الجيتك الساعات نحسب ثــورتك يمتـــــــه تفجّر
گــــــــــوم ياناصرالمذهب اورايـــــــة الكرّارانشر
افرض ابهالدنيـــــه عدلك ابحكمك المظلوم انصر

راح العـد ل وي حيـدره
حكمتنه طغمـــــه كافره
احفـاد السقيفه الغــادره
اسلامــــها بس بالمظاهر

جورصارابكل مچان وين نلگي للأمان
يحصل ابدولتك ننتظــــــر جيّتك
للفرج نسمع نداك


عالجمراحنه قبضنـــــــــه اوننتظرجيتك يغـــــايب
غيبتك طالت علينــــــــــه اجرعنه بالغيبه مصايب
ياولينه انتــــــــــــــه تعلم اتحكـّمت بينـــــــــه النواصب
فجّرونــــــــه ذبّحونـــــــــه منهو البحگنــه يطالب

اگبورالبقيـــــــع اتهدّمت
اوســـامرّه تدري اتفجّرت
دولت الصبيـــــان احكمت
ابهالحكم شفنــــه العجايب

تدري گضينه السنين بين حسرات اوانين
انقذالــوالتك ننتظــــــر جيّتك
للفرج نسمع نداك


ايروح حاكم يلفــــي حاكم اعلينه اعظم واشد ظلمه
ابهالوكت يوميّـــــــــه فتوه للموالــــــــي اتبيح دمّــــــــــه
شمس للحريــّــــه ماكو من غبت لليــوم ظلمــــــــه
المن انوجـّــــــه عتبنه حالنــــــــه محّد يهمّــــــــــه

والتدّعــي ابحگّ البشر
بحكامها دمنـــــه انهدر
ردّ الشمــرحقده ظهــــر
يذبح الزار ابواليمـّـــــه

اعليك مايخفه اللي صار ياشبل حامي الجار
فجـّــرو شيعتك ننتظــــــر جيّتك
للفرج نسمع نداك


دمنــــه ابلبنان يجري اوبالنخيب اوارض طيبـــــه
مرتفع صوت الظلامه اوحگنـــه ضايع من يجيبــه
الشيعه بالبحرين ترزح بالمطامير الرهيبـــــــــــــه
اوبالعراق اوارض مكــّــه عايشه الشيعه ابمصيبـه

يبن الحســن عندك خبـــر
مارحم بالشيعــــــه الدهر
ادخيلك يبن فارس مظــر
اشلون لوطالت الغيبـــــــه

صاربالشيعه الدمار انذبحت ابوضح النهار
عجّل امـــروّتك ننتظــــــر جيّتك
للفرج نسمع نداك


امروّتك ادركنـــــه يغايب يابقية الله اونبيـّــــه
انريد ناظرنـــــــــه نكحّل ابشوفتك گبل المنيـّـــــــه
انريد عرش الظلـم تهدم اوتمحــــي دولة آل اميـّــه
اوتصلب الجبتين بيدك الهشّمواضلوع الزچيـّــــــه
والبـــــاب تانت طلعتك
يايــوم تســــرج مهرتك
ونريد نسمـــــع صرختك
يالثار الغاضريـّــــــــــــــه

نادي يبن الطيبين يالثارات الحسين
اهجــرالغـربتك ننتظــــــر جيّتك
للفرج نسمع نداك


الليله اعذرنـــــــي يغايب لوجرح گلبك لچمتــــه
هاذه من ضيم العليـّـــــه دارك ابهمـّــــي گصدتــه
الغيرك آنــــــه المن اگصد اوواسطــــــه لله جعلتــــــه
محّد اليرحم ابحالـــــــــي اويجري للمصابــــــــي دمعته

بس ا نتـه يبن العسكري
تجبــــــرالكسـرة خاطري
الجيتك شبحت الناظري
منيتـــــــي وجهك اشوفه گبل ساعــــــات المنيــّـــه
___
تمّت
الشاعر فالح العامري

https://www.tgoop.com/falehalameri