Сифатли таълим учун асос мустаҳкамланмоқда

Хусусий университет очмоқчи бўлганлар бундан буён ўйлаб иш тутишига тўғри келади. Вазирлар Маҳкамасининг қароридан ўрин олган талабларга кўра, ҳар қандай янги ОТМ камида 5 000 кв.м бинода ташкил қилиниши, дастлабки устав капитали, техник жиҳозлар, дастурий таъминот, молиявий заҳиралар билан фаолият бошлаши лозим.

Ҳар бир элемент таълимни сифатли ташкил этиш учун зарурий шарт сифатида кўриляпти. Бу талаблар ҳар бир талабанинг ҳуқуқини кафолатлайди.

Мабодо келажакда муассаса ёпиладиган бўлса ҳам, талаба билим олишда, бошқа ОТМга ўтишида молиявий томондан ҳимояланган бўлади.

➡️ www.tgoop.com/shokirjonov

Самарқандда 7 тонна ош тайёрланадиган фестивал ўтказилади

1–3 август кунлари Самарқанд шаҳрида ўтадиган «Самарқанд оши» фестивалида меҳмонлар рекорд даражада тайёрланадиган ошпалов ва кўнгилочар дастурларга гувоҳ бўлишади.

Фестивал доирасида 200 дан ортиқ ошпаз 20 хилдан зиёд ошни тайёрлаш бўйича беллашади. Шу билан бирга, миллий таомлар намойиши, хорижий мамлакатлар ошхоналари кўргазмалари ва шарқ ширинликлари ярмаркалари ўтказилади.

«Боқий шаҳар»да эса тадбирнинг энг асосий воқеаси – 7 тонна самарқандча ошни бир вақтнинг ўзида тайёрлаш маросими бўлади.

Фестивал меҳмонлари кулинария мастер-класслари, ҳунармандчилик кўргазмалари ва концерт дастурларидан баҳра олишлари мумкин.

➡️ www.tgoop.com/shokirjonov

«Анор» – ватандошларни ўзаро бирлаштирувчи лойиҳа

«Ватандошлар» жамоат фонди томонидан ташкил этилган «Анор» лойиҳаси хорижда яшовчи 50 нафар ёшни бир жойда жамлади. Бўстонлиқ туманидаги «Ниҳол» оромгоҳида 12 кун давомида ёшлар ўзбек тили, маданияти ва тарихини чуқур ўрганиш имконига эга бўлди.

Лойиҳа давомида миллий рақслар, қўшиқлар ва спорт тадбирлари ўтказилди. Шунингдек, «O‘zbekistonlikmiz» мобил иловаси ёрдамида ёшлар тилни масофадан самарали ўрганиш имконига эга бўлишди.

«Биз болалар учун янги муҳит яратишни, уларга илҳом бағишлашни истадик. Бунинг учун энг яхши мутахассисларни таклиф қилдик», — дейди «Ватандошлар» жамоат фонди вакили Муниса Умурзакова.

Ўзлигимизни англаш ва сақлаш миллий барқарорликнинг асоси. Бу каби лойиҳалар ёшларимизга ана шу имкониятни беради.

➡️ www.tgoop.com/shokirjonov

Гулистон марказий стадиони қайтадан қурилади

Сирдарё вилояти марказида спорт ҳаётининг юраги бўлган стадион замонавий қиёфа касб этади — реконструкция лойиҳаси тақдимоти ўтказилди.

Сирдарё вилояти ҳокими в.б. Эркинжон Турдимов Гулистондаги марказий ўйингоҳни тубдан янгилаш режаси билан танишди.

Реконструкциядан сўнг 11 минг ўринли стадион футболдан ташқари кўплаб спорт турлари ва маданий тадбирларга хизмат қилади. Лойиҳа доирасида трибуналарда сояли жойлар, санузеллар, овқатланиш нуқталари ва болалар учун алоҳида майдончалар ташкил этилади.

Ўйинчилар, ҳакамлар ва журналистлар учун махсус хоналар, тиббий пунктлар ҳамда маъмурий бинолар барпо этилади. Стадион хавфсизлиги, видеокузатув тизими, ёнғинга қарши ҳимоя ва тез ёрдам хизмати билан тўлиқ жиҳозланади, дея ваъда қилишмоқда.

➡️ www.tgoop.com/shokirjonov

Андижон ва пичоқ

Аввал биттаси ичволиб, кўчада байкерларга пичоқ ўқталди.

Сўнгра ичволиб, кампирини сўйишга қасд қилган чол участковойни пичоқлаб қўйди.

Ниҳоят, бугун бошқа бири хотинини пичоқлаб ташлабди...

➡️ www.tgoop.com/shokirjonov

«Жарима солиняпти» демасдан аввал, парламентда нима бўлаётганини билайлик

«Дала четига экин экмадинг деб, фермерларга жарима солишяпти», деган гаплар тез тарқалди. Лекин ҳақиқат шуки — ҳали ҳеч қандай қонун қабул қилингани йўқ.

Бу фақат 1-ўқиш, яъни концептуал муҳокама. Бундан кейин ҳали иккинчи ва учинчи ўқиш бор, яъни муҳокамалар энди бошланади.

Боз устига, лойиҳага мухолифат ХДП, 20тадан ошиқ депутатлар қарши чиққан. Шунча одам жим тургани йўқ.

Қонунчилик палатасидаям ўзгартириш киритиш шарти билан 1-ўқишда тасдиқланди. Энди муҳокама майдони очиқ: бемалол фикр, таклифинглар бўлса, билдиришингиз мумкин.

➡️ www.tgoop.com/shokirjonov

Фақат бир савол кўнгилни ўртамоқда: содир этилган қоидабузарликларнинг аксарияти светофорнинг қизил чироғига ўтиш экан.

Йўлларда ҳаракат хавфсизлигини таъминлаш учун бевосита масъул «ОблГАИ»ни хотини правасидан маҳрум қилинармикан йўқми? Чунки бир йил ичида уч марта қизилдан ўтган ҳайдовчи правасидан маҳрум қилинади, маълум бир муддатга.

Ё қонун қоида бу хоним-афанди учун ёзилмаганми?

Комментда ўқувчиларимиздан бири ёзганидек: ўз оиласида қоидабузарликни эплай олмаган одам бутун вилоятни эплармиди?

Срочно ишдан олиш керак!

➡️ @shokirjonov

Самарқанд темирйўл вокзали олдидаги 16 йил аввал кўмиб юборилган ерости ўтиш йўлини яна кавлаб очишяпти экан. (Кўмиб юборилган дўконлар очилмаскан лекин, чунки устида дарахтлар ўсиб ётибди аллакай)

Аввалроқ Амир Темур ва Алишер Навоий (Мустақиллик) кўчалари кесишмасидаги "туалетга айланиб кетди" баҳонаси билан кўмиб юборилган ерости ўтиш йўлини очишганди.

Самарқандда ўзи шунақа. Тунелларри мустаҳкамроқ бўлсин деб уч-тўрт йилга тупроқ билан кўмиб қўйишади. Шуниси сал чўзилиб кетди...

➡️ @shokirjonov

Хатирчида азалдан бир аҳмоқона одат бор.

Куёв келинни уйига опкетгани келса йигирма-ўттиз чоғли совмол куёвжўралар куёв бошчилик шартли чимилдиқни ичига кирволишади.

Кейин келинни янгалари тўш, қайнатилган тухуму пишириқларни тарелка-лаганларга солиб опкиришади. Бояги куёвжўралар эвазига лаганчага пул солишлари керак.

Энди, маънавиятсиз, палағда авлод етишиб чиқдию.

Нарса обкирган янгаларга тухум бўлса қоқоғлайсан, гўшт бўлса — маъраб берасан, эмасам пул йўқ, дейишни одат қилибди.

Э, ўша тарбия берган...

➡️ @shokirjonov

Muxlislik madaniyati shakllanayotganligi haqida

#oʻzbekchilik #qadriyat #ildiz

▶️YouTube: https://www.youtube.com/watch?v=iC2uCLSNr3k

✈️Telegram |📷 Instagram | 🌐Facebook | ▶️YouTube |🌐 X (Twitter)

#Комментда_ёзишяпти

«Шу жуда ичимдаги гапни топиб ёзибсизлар.

Яқинда Жиззахда қайинсинглимнинг қизини чиқардик, шу расвогарчиликларни ҳаммаси бор экан шу ерда ҳам.

Энг ёмон удумлардан бири «Куёвни сотиб олиш», деган жойи ҳам бор экан. Тўй маросими тугагандан кейин куёвжўралар куёвни олиб кетишиб, янгадан сотиб олишни сўрашаркан. Бечора янга бир тўда ичиб-сасиб ётган, ким қайси ҳовлида яширинган куёвжўраларни излаб топиб қанча деса, шу пулни бериб «сотиб» оларкан, бўлмаса куёвни юборишмас, янга бормаса куёв жўралари олдида бир тийнлик бўлар экан.

Бу маҳалла аҳли «катталар» қаёққа қарашар экан, билмадим?

Ундан ҳам расвоси — куёвга кийим кийдириши ҳам бор экан. Куёвни ялонғоч қилиб кийимини янгалар кийдиришар экан. Ўлганинг яхши, дейсан. Ўзи шу тўйдан бери бирон жойга ёзиш керак экан, деб юрувдим. Жудаям расво удумлар кўпайиб кетган экан.

Йигитлар шунчалик жирканадиган даражада пастлашиб кетганини шу ерга бориб билиб келдим. Телевизорда бериладиган «оталар сўзи»даги воқеалар ҳаётдан олинар экан. Мен воқеаларни тўқишади, деб юрардим...»

➡️ @shokirjonov

Самарқандда шу кеча кундузда 400 кишилик тўйга кетадиган харажатни ҳисоблаб беришди)

Ортидан муҳим тузатиш беришди:

Бунақа тўй қилаётганларни аксарияти миграция (АҚШ, Европа, Исроил) ва бизнес вакилларидир.
Айнан миграциядагиларга молиявий саводхонлик керакмас. Максимум 1 йиллик ойлигига тўй қилаяпти ва ўз ҳаётини яшашда давом этаяпти. Улар учун бу ўз шахсиятини кўз-кўз қилиш экан.

Енгил тин оламиз)

➡️ @shokirjonov

Россия президенти Владимир Путин Россия фуқаролигига эга бўлмаган шахсларнинг шартнома асосида РФ Қуролли кучлари сафида хизмат қилишига рухсат берувчи фармонни имзолади.

Расмий услубдан халқона, тушунарли услубга ўгирилса, энди Россияда кўчада учраган мигрантни ушлаб обориб, қоғозга мажбурлаб қўл қўйдириб, урушга ташлаш бошланади.

Мигрантман деганинг қоч Россиядан!

➡️ @shokirjonov

Ориф Толипов зўр таққос келтирибди.

Про лигада ҳозир адашмасам 6 тами клуб қолган.

Суперлигада 12 та клуб қолдириб, ҳу бир йилгидек 4 даврали форматга ўтиш керак.

16 клубли формат емаяпти унча. Аутсайдерлар яққол ажралиб қолмоқда. Кучлилар кўпроқ ўзаро ўйнаши керак...

➡️ @shokirjonov

Миллий чемпионатимизда биринчи давра якунланди

Суперлигада бугун 15-турнинг сўнгги ўйинида "Нефтчи" "Хоразм" устидан 2:0 ҳисобида ғалабага эришди ва жадвалда иккинчи ўринга кўтарилиб олди.

Ўз майдонида сўнгги уч учрашувда етакчиларга қарши ўйинларда атига 1 очко жамғарган "Динамо" эса учинчи ўринга тушиб кетди.

Иккинчи давра августнинг бошида бошланади.

➡️ @shokirjonov

Ногиронлиги бўлган фуқаролар учун иш ўринлари яратилмоқда

Иш топиш ҳар ким учун осон эмас. Айниқса, ногиронлиги бўлган фуқаролар учун. Аммо сўнгги йилларда уларни меҳнат бозорига қайтариш бўйича муайян ҳаракатлар кузатиляпти.

Давлат томонидан меҳнат қилиш истагида бўлган ногиронлар реестри юритиляпти. Иш берувчилар шу орқали тўғридан-тўғри номзод билан боғлана олади.

Расмий маълумотларга кўра, ҳозиргача 121 мингдан ортиқ инсон айнан шу тизим орқали ишга жойлаштирилган. Бу яхши натижа. Лекин ишга жойлашган одамлар учун шароит қандай?

Мазкур масала Халқ демократик партияси ташаббуси билан ташкил этилган “Мунозара майдони” лойиҳасида муҳокама қилинди.

Лойиҳанинг Telegram, Instagram, YouTube ва Facebook саҳифалари орқали жараёнларни кузатиш, фикр билдириш, иштирок этиш мумкин. Оммавий муҳокама — жамиятда соғлом позициянинг бошланғич нуқтаси.

Видеонинг тўлиқ вариантини ҳавола орқали кўришингиз мумкин.

➡️ @shokirjonov

Чет элда 3 ойдан кўп бўлганлар ОИТВ (одам иммунитет танқислиги вируси — ВИЧ/HIV) га мажбурий текширилади

Узлуксиз 90 кун ва ундан ортиқ муддат давомида чет элда бўлиб қайтган 18 ёшдан 60 ёшгача бўлган:

- Ўзбекистон Республикаси фуқаролари,
- Ўзбекистон Республикаси ҳудудида доимий яшайдиган чет эл фуқаролари ва фуқаролиги бўлмаган шахслар

Шунингдек,

- меҳнат фаолиятини амалга ошириш учун республикамизга кириб келаётган чет эл фуқаролари ва фуқаролиги бўлмаган шахслар — мажбурий равишда ОИТВга тиббий текширувдан ўтказилади.

Қонун қонунчилик палатаси депутатлари томонидан қабул қилиниб, Сенатга юборилди.

➡️ @shokirjonov