Рамазонда ифторга чақирган поп...

Германияда Рамазон ойида поп уйига бир фабрикада ишлайдиган турк ишчиларни ифторликка чақиради. Баъзи ишчилар узрли бўлгани учун қабул этмадилар, баъзилари попни ҳафа қилмаслик учун даъватни қабул этдилар. Ифтор вақти меҳмонларни поп қўлида Қуръони Карим билан кутиб олади, меҳмонларнинг ёнига келиб:
– Мен Қуръон эшитишдан катта завқ оламан, бирингиз ўқисангиз, мен тингласам, – деди.
Поп Қуръони Каримни стол устига қўйиб ошхона томон юрди. Бу орада ўртага совуқ сукунат чўкди. Ҳамма бир-бирига умид билан боқарди, аммо ҳеч ким Қуръон ўқишни билмас эди. Ораларидан бири:
– Эй, ичимизда биронтамиз "Фотиҳа"ни билармиз, Қуръонни очиб, "Фотиҳа"ни ёддан ўқийверсин, поп қаердан биларди буни, – деди.
Улардан бири Қуръонни ўртасидан очиб, Фотиҳани ўқий бошлади. Шу аснода поп хонага кираркан, қараса Қуръон ўқиш бошланибди, кўрдики китобнинг ўртасидан очилган, яқин келиб:
– Бир дақиқа, сен Қурон ўқимаяпсан, чунки ўқиётганинг у сура Қуръоннинг бошида, – деди-да, сўзида давом этди.
– Аслида мен сизларни бу ерга нимага чақирдим, қандайки олти аср адолат-да дунёда ҳукм юритган Усмонлининг неваралари бугун бизга хизматкор ҳолига тушди, саволи қийнар эди, саволимга жавобни сизлардан олдим, раҳмат. Сизнинг аждодингиз Усмонли динига мустаҳкам боғлиқлигидан дунёга ҳукмдор бўлди. Сизлар эса Қурондан ўзоқлашдингиз ва бугун хизматкор ҳолига тушдингиз.

@Jaloliddinrumiyy🍃