لا باركَ الله بالدُنيـا إذا أنقطعـتْ
أسبـاب دُنياكِ عَـن أسبـابِ دُنيانـا!

- الرساله ؛ بلسمة هسه جنت اقرا كلامج بالقناة عن الدين والوضع الحالي وع الجرح والله كل كلمة 😔😔
ابسط شي بعد محد يعترف بالعلاقات الغير شرعية ويسموها مسميات تبينها عادي مثل مدتكول الاخت يدوروها بما يتماشى ويه رغباتهم
اكلهم ماكو شي اسمه صداقة بين ولد وبنية يابه حرام
ماكو شي اسمه كبلز بدون خطوبه وعقد قران
من اناقشهم يكلولي هو انتي حاطة عقدتج النفسية ويه موضوع الصداقة 😂😂
يعني اطلع اني عندي عقدة نفسية والصداقة بين ميل وفيميل حلال عادي 🤝🏻
صدك بهالوقت اصعب شي الواحد يضل متسمك بمبادئه ودينه بوسط عالم اباحت كل المحرمات ..

اوو اووو اووو موضوع چبير هسه اذا أكعد أحجي بي ما أخلص أبد
بس بما انهُ ما عندي شي يلا نحچي وأرد على المسج مالتج الحلو🌚💘

مبدئيًا حبيبة انتِ دتحجين على موضوعين الصداقة وحد والعلاقات وحد
وبالحالتين حرام وهاي منتهين منها
خلي نجي على الاولى جديات اتعجب على اللي يكول اكو صداقة بين ولد وبنية
اول شي دينيًا محرمة ورب العالمين من حرمها بيها حكمة بليغة ولعدة اسباب كُلها تصب في مصلحة الشخص وحفاظاً على قلبه ومشاعره ونفسيته من الآذى
والشغلة اللخ بس لو ادري شنو المواضيع المشتركة اللي بين الاثنين ؟ خنكون واقعيين يعني احنا صديقات وبنات وكلوز ومو كُلشي نكدر نحجي خو على شنو هالغلبة هاي جديات😂😭 اني بنية صديقتي تكون بنية وفضت راحت او العكس على شنو هالعدم الراحة هاي لانهُ اساس الصداقة هي تكون مكان مريح آمن ما أتقييد وهالشي متصير بالصداقات المذكورة أعلاه😂
وشوفي مهما صارت هي تنلاص بالأخير ومتستمر ابد وهم لأسباب عدة ف منين متشوفيها دينيًا مجتمعيًا فاشلة فشل ذريع😂👍🏻

اما الشغلة الثانية العلاقات اللي هي اكيد مُحرمة ويعني شي چبير وذنبه عظيم والعالم دتستسهله
يعني ما بُنيي على باطل فهو باطل حتى لو بالنهاية تنتهي بزواج
ف الموضوع خطير بس لا حياة لمن تنادي يعني وصلنا لمرحلة بنسبة٩٥٪؜ من المجتمع تشوف هالشي طبيعي وعادي
وكلها تعرف هالشي حرام مو صغار هُم
اكو اصول اكو ضوابط للارتباط والخطبة شرعها رب العالمين بس محد ملتزم بيها
والله ها مو أختي الچبيرة تدري ها مو أمي تدري
يابه شنو أختي الچبيرة شنو أمي مو مبرر ولا شي يهون الموضوع ويسوي حلال وعادي

اكو حديث عليهِ افضل الصلاة والسلام يگول
بدأ الاسلام غريبًا وسيعود غريبًا فطوبى للغُرباء 🤍
ف إن شاء الله يا رب نكون من ذولي الغُرباء😔🤍

ترا كومة مواضيع ما اقتصرت على هاي اللبس والميك اب
يعني لو تشوفون التويتر مرة منزلين صورة بنية منقبة ولابسة لبس اسلامي
لو تشوفون التعليقات هذا لبس الدواعش واني اخاف من اشوف وحدة بالشارع لابسة هيج واحنا وين بأفغانستان تعليقات بنات و ولد
خلي العكس لبس قصير لا هاي حُرية شخصية وميصير أحد يتدخل
يا اخي ما گلت على الاولى حُرية شخصية وبكيفها
يعني الحجي والتفاعل تفقع المرارة مُستفز حيل مُستفز
يعني بكل شي اذا تركزين ف صداااااااع وتنهارين العالم تحسيها غريبة الاطوار والله

ف آخر شي أعتزلوا قدر الأمكان والله هاي نصيحتي للعالم وخلوا دائرتكم ضيقة ونظيفة
(المرء على دين خليله فينظر احدكم من يُخالل )مرات انتو اشخاص زينين وملتزمين وعندكم مبادئ يجيكم أحد مو مُناسب الكم ومو نفس الالتزام والتوجهات خنكول ف بلا متحسون وخصوصًا اذا تصيرون على هالشخص كُلش كلوز لانهُ حتتشاركون هواي اشياء ف بلا وعي تنجرفون ف حاولوا تحيطون نفسكم بأشخاص نفس توجهاتكم ونفس الافكار علمود لا تتعبون ولا هم تفتر همتكم وناس تذكر ناس💙

شباب لا تسألوني ترا أحب أحجي ومن أبلش احجي ما أسكت😂😂😭💙
تصبحون على خير

كُلَّ شيءٍ مُوحِشٌ،
حتى المسيرُ بلا يديكَ كئيبُ

اخر سطر😂😂😔

ردت اعلق عليها بس اخاف من نور مع الاسف😔

شكد يسوون ميمز عن جنون العظمة مالت المهندسين
بس مو مثل جنون العظمة اللي تشوفوها عند الصيادلة

الي يعرف نفسه ميهمه 🌚😂