ልረሳሽ እየጣርኩ ነው...😔

ከአዱኛው 👏

በሶፊ😃

👉👂🙄 @bestletters

ገደል ግቢ በሏት❗️

ከአስታውሰኝ 👏

በሶፊ 😃

👉👂🧐 @bestletters

ግጥም😍

Unknown poet 👏

በሶፊ😃

👉👂😯 @bestletters

ናፍቆት 😍

"ሁሉም የአንቺ ሆኗል የእኔ የምለው የለም 😔"

✍ከኤፍሬም ስዮም 👏

በሶፊ😃

👉👂😦 @bestletters

የማርያም ንግስ እለት 🤗

✍ ከኤፍሬም ስዮም👌

🔊በሶፊ 😷

👉👂👏 @bestletters

"ተከራያችን"

ብቅ ባልኩ ቁጥር የምታሳየኝ ፈገግታ ልብን የሚያርድ ነው...ለፈገግታዋ ግን አፀፋውን መልሼ አላውቅም...ፈገግታዋ እንደጎመዘዘኝ ሁሉ ፊቴን አጨፍግጌ አልፋለሁ።ደግሞ ቤቴ ገብቼ በመጋረጃው አጮልቄ እመለከታታለሁ...እውነት ይቺ ሴት ከእኛ ወገን ናት? ማለቴ ከሰው ወገን? (ምን አልባት ወገን ለሚለው ፍቺ ብሔር እንዳሰጡት!) በጣም ውብ ነች ምናምን እያልኩ ከራሴ እማከራለሁ!ብቻ እንዲህ እንዲህ እያኩ ሰነባበትኩ...ለፈገግታዋ የጨፈገገ ፊቴን ምላሽ እየሰጠው።እንደተለመደው በአንዱ ቀን ቤት ገብቼ እማዬ የምታፈላውን ፀዴ ቡና እና ከቆሎ ጋር እየኮመኮምኩ ቴሌግራም ላይ "ሶፊ..." የሚል መልክት ደረሰኝ ፕሮፋይሉን ሳልከፍት ከሩቁ ስመለከተው ቆንጆ ሴት እንሆነች ገመትኩ...ይሄማ ወንድ ነው "የማርያምን ብቅል እየፈጨው ነው" ብዬ ከጓደኞቼ ጋር የቴሌግራም ቀደዳዬን ቀጠልኩ..."ሶፊ" የሚለው ቴክስት ተደገመ ፕሮፋይሉን ገብቼ ሳየው ተከራያችን...ክው አልኩ..."እኔኮ እኔን የጠራሽኝ ስላልመሰለኝ ነው አቤት ያላልኩት" ስላት። "አካውንቱ ያንተ አይደለም እንዴ? እንደውም ድምፅህን ካላክልኝ አላምንህም" አለች። "የሶፊ ደብዳቤ ቁጥሩ አይታወቅም " ብዬ ላኩላት አመነችኝ።
...ለምን እንደሆነ ባላውቅም ወንድሜን ትፈራዋለች እሱ አጠገቤ ካለ ፈገግታ የምለግሳት እኔ ስሆን የጨፈገገ ፊቷን የምትለግሰው እሷ ናት። በቴሌግራም ማውራት ጀመርን በጣም ተግባባን...በተገናኘን ቁጥር የምትከፍለው ነገርና አለፍ ብሎም እንደ ባለ ሀብት ከሚሰራት ነገር ውጪ ሌላው ፀባይዋ መልካም ነው...ብቻ አንዳንዴ እንደ ህፃን የሚሰራት ነገር አለ...መሀል አስፓልት ላይ በዜብራው ሰኞ ማክሰኞ ካልተጫወትኩ የምትለው ነገር አለ...አንዳንዴ ትክ ብዬ ሳጤናት ከህብረተሰቡ ሐሳብ ጋር ክፉኛ የተጣላች ትመስለኛለች...ሁሌ አዲስ ሰው ናት ትገርመኛለች በሩቅ ስመለከታት ቆብ መድፋት የቀራት ለነፍሷ ያደረች አለምን የናቀች መናኝ ተመስለኝ ነበር...ቀረብ ብዬ ሳያት ጨርቋን መጣል የቀራት...ብቻዋን እያወራች መንገደኛን ማባረር የቀራት...የእብደትን ብዙዎቹን ፎርማሊቲ ታሟላለች...በደንብ ስቀርባትስ? ሳይኮሎጂካሊ የተጎዳች ብዙ ፍቅርን የምትሻ ...ያን ፍቅር የሚሰጣት ስላጣች፤ከህብረተስቡ ሐሳብ የተጣላች መሆኗ ገባኝ።አመጿንም የምትገልፀው በአለባበሷም በፀጉሯ ስታየል...በምታደርገው ሁሉ... ህብረተሰቡ ስርሃቴ የሚላቸውን በመጣስ ነው። እሷን ባገኘው ቁጥር መሳቀቅ ጀመርኩ...እንዲህ ሆነሽ ከእኛ ጊቢ ወጣሽ?! እማዬ አየችሽ ?!
ሲላት ፀጉሯን ግማሹን በርገንዲ ተቀብታው ግማሹን ምንም ሳታስነካው ትመጣለች..."ምነው ቀለም አለቀባቸው?" እላታለሁ ስቃ ታልፋለች።ቀይ ገላዋን ጥቂት ልብስ ብቻ ጣል አድርጋበት ትመጣለች።በድንጋጤ አይኖቼ እንደፈጡጡ ኮቴን አውልቄ እሰጣታሁ...ለማንም ግድ አይሰጣትም "ተዋቸው ይሄ ስታጠፋ ብቻ የሚያይህ ህዝብ...ስትቸገር ትዝ የማይለው ልክ ስታጠፋ ለመሳደብ ግር ይላል።" ትለኛለች ከልቧ እንደተበሳጨች ቲማቲም የመሰለው ፊቷ እያሳበቀ...ካፌ መቀመጥ ምቾት አይሰጣትም "ቁጭ ብዬ እንደ ህፃን ሚሪንዳ ልጠጣልህ...የሚጎመዝዝ ነገር የሆነ የሚመር ነገር ይሻለናል " ትለኛለች። "ቁጭ ስንል ተረጋግታ አታወራኝም አሁንም አሁንም ርዕስ ትቀይራለች...የማወራትንም እንብዛም አታደምጠኝም...አውርቼ አውርቼ አስተያየቷን ስጠብቅ...እ? ትለኛለች። እንደ አዲስ እንድነግራት ነው መሰል።ሁሉ ነገሯ ይገርመኛል።እኔም ጠጪ ሆኜ ላርፈው ነው...ብዙ የመጠጣት ልምድ የለኝም በሁለት "ሀበሻ" ሞቅ ይለኛል እዛ ላይ የሚበራ የሚጠፋ መብራት ሲጨመርብት አበቃ! መንገዳገዱም ያምረኛል...በጣም ትስቅብኛለች...እሷ ልምድ ስላላት ይሁን ወይ ተፈጥሮዋ ስለሆነ አላውቅም 7 ወይም 8 ሳትጠጣ ወደ ቤት አንሄድም፤ሞቅ እንኳን አይላትም።ሁልጊዜ 5ኛው ላይ ስትደርስ ተነስታ ትደንሳለች ብቻዋን ፀጉሯን እየነሰነሰች።
ወደ ፍቅር የገባነው በአንድ አጋጣሚ ነው...ያው ሰው ከተቀራረበ...ፍቅር ሌላ ትርጉም ያለው አይመስለኝም ስሜት ነው መላመድ ነው...እውነት ለመናገር እኔ ውበቷን ባደንቅም ፈፅሞ ለፍቅር አላሰብኳትም...ማለት ከእኔ በሁሉም ነገር ትልቃለች በእድሜም ጭምር።እዚህ ከተወዛገበ ህይወቴ ላይ የእሷን የተወዛገበ ባህሪ ጨምሬ ማበድ አልፈለኩም ነበር...ግን ብቸኝነቴን ታስረሳኛለች...ነፃነቷ ደስ ይለኛል። ድምጿ አያምርም፣የዘፈን ግጥም መያዝም አትወድም ግን ትዘፍንልኛለች...ከልቤ ታስቀኛለች...በዛ ላይ ልቧ እስኪጠፋ ትወደኛለች...ግን ለፍቅር አላሰብኳትም።i was just enjoying the company.

ከተመቻችሁ አይቼ እቀጥለዋለሁ ስለዚህ አስተያየት ስጡ።


የሶፊ ደብዳቤ 👉 @bestletters

"should we feel this way?"
#next_time

"ተከራያችን"

ክፍል ፪

ግን ለፍቅር አላሰብኳትም።i was just enjoying the company.
በዛ ላይ በሰዓቱ እኔ ሌላ የምወዳት ለፍቅር የማስባት እንስት ነበረች-----በጣም እወዳታለሁ ላጣት አልፈልግም-----በሁለት ልብ ማነከብ ጀመርኩ -----እኔ በምትወደኝና እኔ በምወዳት መካከል …..በሰዓቱ ማንን መምረጥ እንዳለብኝ አላዉቅም ነበር፡፡ የምወዳትን እንዳልተዋት ልቤ ከጅሏታል እወዳታለሁ ከሷ ለአንድ ቀን ስርቅ መንፈሴ ይታወካል ….ልቤ አማጣት አምጣት አይኔ አሳየኝ አሳየኝ እያሉ ያሥጨንቁኛል ….ከምትወደኝ እንዳልርቅ አሳዘነችኝ የፍቅርን ቅጣት አውቀዋለሁ ደግም ልራቃት ብል የት ብዬ እርቃታለሁ አንድ ጊቢ እየኖርን ፡፡ እንዲህ በሁለት ልብ እያመነታሁ ሳለሁ አንድ ቀን ልቤን ወደ አንድ ዉሳኔ የሚያደርስ አሳዛኝ ነገር ተፈጠረ የምትወደኝ ለስራ ወደ ክፍለ ሀገር ሄጄ ባለሁበት ወቅት ድምጿ ጠፋብኝ…….ያልተለመደ ስለነበር በጣም ተጨነኩ…… ወደ ክፍለ ሀገር ስሄድ በስርዓቱ ነበር የሸኘችኝ ለሶስት ቀናት ያህል ስልኳን ብቀጠቅጥም ሊሰራ አልቻልም …..በአራተኛዉ ቀን እናቴን በወሬ በሀል ጠየኳት መታመሟን እና ሀኪም ቤት ትናንት እንደተመለሰች አጫወተችኝ...ሌላ ነገር እንዳትጠረጥር ብዙም ጥያቄ አላበዛሁም ፡፡ በነጋታዉ ወደ ቤት ለመመለስ ትኬት ቆረጥኩ…እንደ አጋጣሚ ማታ ላይ ደወለችልኝ ራሷ ደወለችልኝ ተስገብግቤ ስልኩን አነሳሁት ለካ በጣም ናፍቃኝ ነበር...አንዳንድ ሰዉን ካላጣኸዉ በስተቀር ለዛ ሰዉ ያለህን ትክክለኛ ስሜት አታዉቀዉም፡፡
በመጥፋቷ ይቅርታ ጠይቃኝ አሟት እንደነበር እና ልታየኝ እንደጓጓች በደከመ ድምፅ ነገረችኝ...ይባስ እንዳይደክማት ብዙ ጥያቄ ማብዛት አልፈለኩ ነገውኑ እደማገኛት ነግሬያት ስልኩን ዘጋውት።
አንድም ቀን እንደሚያማት ነግራኝ አታውቅም ምን ተፈጠረ በድንገት? "You don't know when your last goodbye is." አልኩ ለራሴ።

ይቀጥላል።


ባለመመቸት ነው ዘለግ አድርጌ ያልፃፍኩት አፉ በሉኝ ቀጣዩን በቶሎ በመፃፍ እክሳለሁ።


መልካም ምሽት

የሶፊ ደብዳቤ 👉 @bestletters

"ተከራያችን"

ክፍል ፫

ደራሲ ፦ ሶፊ



የጀመርኩትን ስራ ዳር እንኳ ሳላደርስ ማልጄ ተነስቼ ጉዞዬን ወደ ቤት መጓዝ ጀመርኩ...
ረዘም ያለ ጉዞ ስለሆነ እንደቀደመ ጊዜዬ እንደማደርገው በመስኮት በኩል ተቀምጬ ቀና ስል የተፈጥሮን ውበት እየተመሰጥኩ...ጎንበስ ስል ስለህይወት የሚያወጋውን የበዓሉ ግርማን "ደራሲው" የተሰኘውን መፅሐፍ እያጣጣምኩ መንገዱን ባማረ ሁኔታ ተጓዝኩ...ብቻ ጭንቅላቴ ምን ሆና ይሆን? ምንድነው ያመማት እያለ በመሀልበጥያቄ ያጣድፈኛል ሀሳቡን መልስ ስለማላገኝለት ችላ እለዋለሁ...አመሻሽ ላይ አዲስ አበባ ገባኹ...ብዙም እቃ ስላልያዝኩ ጠደፍ ብዬ ታክሲ ያዝኩ...ቅርብ የነበረው ቤት ራቀብኝ የማያልቅ መንገድ ማብቂያ የሌለው ጉዞ መሰለኝ...ቤት ደርሼ የምትወደኝን እስካይ ጓጉቻለሁ። የጥያቄ መሀት ድንገተኛ አደጋ አጋጥሟት ይሆን ? እማዬ ደግሞ እንደዛ አላለችኝም። እሺ ምን ሆና ነው ? ምንድነው መድረስ ሲፈልጉ መንገዱ የሚርቀው እያልኩ ስነጫነጭ ሰፈር ደረስን።
የሰፈር ሰዎችን ሰላም ነው? እግዚአብሔር ይመስገን እያልኩ ለሰላምታ እዳያቆሙኝ ጎንበስ እያልኩ እጅ እየነሳው ወደ ቤት ተንደረደርኩ...የጊቢ በር ቁልፍ ስላለኝ ሰተት ብዬ ገባሁና ቅድሚያ ወደ ተከራያችን፥የምትወደኝ ወደ እርሷ ቤት ምንም ሳላንኳኳ ገባኹ(ከዛ ቀደም አንድም ቀን ቤቷ ገብቼ አላውቅም እንዲሁ እልፍ ስል አየዋለሁ እንጂ)...ጋቢ ለብሳ ሶፋው ላይ ጋደም ብላ ስልኳን እየነካካች ነበር...ድንግጥ አለች...እኔ መሆኔን ስታውቅ ስልኳን ወርውራ ለመነሳት ስትል እዛው ሁኚ አኳትና ሄጄ አቀፍኳት...ዘለግ ላለ ጊዜ ጥብቅ አድርጌ አቀፍኳት ግን አልታወቀኝም...አንገቷን ወደኋላ ሳብ አድርጋ ጉንጬን ሳም አደረገችኝና "ይበቃል ልትገለኝ ነው እንዴ?" ለምን እንደሆነ አላውቅም የማጣት ድጋሚ አይኗን የማየው አልመሰለኝም ነበር።ግንባሯን ሳም አድርጌ በርከክ ካልኩበት ተነስቼ...የጥያቄ ናዳ ማግተልተል ጀመርኩ
"ደህና ነሽ? ምን ሆነሽ ነው ? ምንሽን ነው ያመመሽ? እንደሚያምሽ ነግረሽኝ እኮ አታውቂም ድንገት ምን ተፈጥሮ ነው ሆስፒታል ለሶስት ቀን የገባሽው? ፊትሽ ልክ አይደለም ገርጥተሻል? ቆይ እሺ ምንድነው አሉሽ ዶክተሮቹ?"ቀን ሙሉ ጭንቅላቴ ሲጨቀጭቀኝ የነበረውን ጥያቄ ዘረገፍኩት።
ከት ብላ ሳቀችብኝ ኧረ በስመአብ ምንድነው ይሄ ሁሉ ጥያቄ ፤ ትንፋሽ ውሰድ እንጂ። ደግሞ ዛሬ ስለህመሜ ምንም ላወራህ አልፈልግም አንተም ከመንገድ ነው የመጣኧው እናትህም ደጅ ደጅ ሲያዩ ነበር ሂድ ሰላም በላቸው ናፍቀዋል።
አሁን ግን እንዴት ነሽ እሺ ? አልኳት አይን አይኗን እያየሁ። አሁንማ በደንብ አገገምኩ ተመስገን እድሜ ለእናትህ አጥሚቱ ምግቡን በላይ በላይ ሲልኩልኝ ነበር። ጥያቄ ባለመመለሱ ቅር እያለኝ "ሰላም ከሆንሽ መልካም ልክ ነሽ አንቺም አረፍ በይ በጥያቄ አላድርቅሽ በቃ ነገ ውጪ እንገናኛለን ሰላም እደሪ።" ግንባሯን ሳም አድርጌያት ወጣኹ።
ቅድሚያ እናቴን ገብቼ ባለማየቴ ራሴን ታዘብኩት..."እማ እናቴ" እያልኩ ሳሎን ስገባ ጭር ብሏል...ልጅቷ ብቻ ነው ያለችው ሰላምታ ከሰጠዋት በኋላ እማዬስ ስላት መኝታ ቤት እንደሆነች አሳወቀችኝ...ከፍቴ ስገባ እናቴ ፀሎት እያደረሰች ነበር...ዞር ብላ ፈገግ አለችና ወደ አልጋው ቁጭ እንድል ጠቆመቺኝ ምንም ሳልናገር ሄጄ ጋደም አልኩ እና ፀሎት እስክትጨርስ ጣራ ጣራውን እያየው ተጠባበኳት...ፀሎቷን ስትጨርስ ሶፊ ወርቅ መጣኧልኝ አለችና ግንባሬን ሳም አድርጋ አቀፈቺኝ
ዛሬ እንደምትመጣ ለምን አልነገርከኝም...ብላ የፀሎት መፅሐፉን አሳለመችኝ...እኔም እንደምመጣ አላወኩም ነበር አልኳት አይኔን ከአይኗ እያሸሸው፤ ስዋሽ አይኔን መርምራ የምታውቅብኝ ይመስለኛል...የሄድክበት ስራ ተሳካ አለችኝ አዎ ተሳክቷል አልኳት...ደአይነት ልጅቷ ቡና እንድታቀራርብ ንገራት እንኳን መጣህ ቤቱ ጭር ብሏል አለችኝ...መጠጣት ባልፈልግም እሺ አልኳት።
ራት በልተን ቡና ጠጥተን...የተለመደው አይነት የእማዬን ደስ የሚል ጨዋታ ከድሮ ታሪክ ጋር እያነሳች ስታወጋኝ ቆይተን ወደ መኝታ ሄድን።ደክሞኝ ስለነበር ወዲያው ነው እንቅልፍ የወሰደኝ።
ጠዋት ማልጄ ተነሳው...የምትወደኝ ጋር ደወልኩ እና በሩን እንድትከፍትልኝ ነገርኳት...ተነሳሁና ቀስ ብዬ እነእማዬን እንዳልቀሰቅስ እየተጠነከኩ ወደ ቤቷ ሄድኩ ገርበብ አድርጋው ትታው ተመልሳ ሄዳ ተኝታለች...ሁለታችንም አንድ ነን የጠዋት እንቅልፍ አይሆንልንም።ገብቼ ወደ አልጋዋ በርከክ ብዬ በጎ ማደሯን ጠይቄያት...ረፋዱ ላይ ልንገናኝ ቀጠሮ ያዝን እና ተሰናብቻት ወጣሁ።
፨፨፨፨፨፨፨፨፨፨፨
ደረሰች ሳነብ የነበረውን መፅሐፍ ከድኜ ሰዓቱን ተመለከትኩ ከተቃጠርንበት 10 ደቂቃ ቀድማለች...እንደወትሮ መጠጥ ቤት አልተቀጣጠርንም...ካፌ ነበር የተገናኘነው።ረዘም ያለ ጥቁር ኮት፣ጅንስ፣ሱሪ፣ቡትስ ጫማ፣የፀሐይ መነፅር...ህመሟ ውበቷል ሊጋርደው ሊደብቀው አተቻለውም።
ቁሜ ለሰላምታ ጠበኳት ፈጠን ብላ መጥታ ተጠመጠመችብኝ...ለተመለከተን እረጅም ጊዜ ያልተያየን ጥንዶች እንመስላለን።
ወንበር ስቤ እንድትቀመጥ ጋበዝኳት...ፈገግ ብላ "ሶፊዬ እንዳንተ የሚንከባከብ ወንዶችን ያብዛልን" አለች። "ማለት ብዙ ወንዶች እንዲከቡሽ ነው የምትፈልጊው? "አልኩ ቅናት ቢጤ እየሸነቆጠኝ።
አስተናጋጁን ማኪያቶ እና ኬክ አዘዘችው፤ወደ እኔ ዞራ "ኬክ እንዴት እንደናፈቀኝ" ብታውቅ አለቺኝ።በመገረም "ኬክ እኮ ጣፋጭ ነው...ማኪያቶም ስኳር..." "አቋረጠችኝና እና እኔ ጣፋጭ አይወድልኝም ያለህ ማነው?" "አይ ከእኔ ጋር ሁሌ..." "ሶፊ እኔ እና አንተ እኮ ሲመሽ ነው የምንገናኘው ማታ ማታ ደግሞ መጠጣት ነው የምፈልገው!"አለችኝ ረገጥ አድርጋ።

ተረጋግታ ተቀመጠች እንደቀደመ ጊዜ መቅበጥበጥ አላየሁባትም።
"ከማን ነው የምትሸሽው?" አልኳት።ጥያቄዬ ድንገት ስለነበር እንደመደንገጥ አለችና "ኸረ ከማንም።" አለች "ሰው ብዙ ጊዜ አዘውትሮ የሚጠጣው የሆነ የሚሸሸው እውነት ሲኖር ነው።ከራስሽ ጋር ግን አውርተሽ ታውቂያለሽ ማለት ሁሌም ሽሽት ላይ ያለሽ ነው የምትመስይው።ቀን በስራ ስትዳክሪ ታመሻለሽ...ማታ ዳንኪራ ቤት ነሽ።" ምንድነው የሆንሽው ?"
"አላውቅም ብቻ ግን እንዲህ አልነበርኩም" ብላ ዝም አለች።
እሺ እሱን ሌላ ጊዜ ማውራት ስትፈልጊ ትነግሪኛለሽ...አሁን ምንድነው ድንገት ያመመሽ?
ትክዝ ብላ "ድንገት አይደለም...ሁሌ ልነግርህ እያልኩ ትጨነቃለህ ብዬ የምተወው...እኔም ህመሜን ካወኩ 1 አመት ሆነኝ ብቻ አሁን ብሷል ስላሉኝ እና አሳሳቢ ደረጃ ላይ ስለሆነ ነው ልነግርህ የወሰንኩት"አለች እንዳቀረቀረች። በጣም ደነገጥኩ አመዴ ቡን አለ።አስተናጋጁ ያዘዘችሁን ከፊቷ አስቀምጦ ሄደ።
እሺ ምንድነው ? ንገሪኛ አልኩ።
"ሶፊ እዚህ ምድር ላይ ለትንሽ ጊዜ የመጣው እንግዳ ነኝ።" አለች ቀና ስትል እያለቀሰች መሆኑን አስተዋልኩ...ሶፍት አንስቼ እየሰጠዋት...ይሄ ምን ማለት ነው ?ምንድነው የምታወሪው ሁላችንም እንግዳ አይደለን አልኳት በድንጋጤ እየተርበተበትኩ።"ስምንት ወራት ብቻ ነው ያለሽ አሉኝ" አለችና ሲቃ በተቀላቀለበት ድምፀት ማልቀስ ጀመረች።እንባ ቢተናነቀኝም አብሪያት አላለቀስኩም።እንደምንም አቅፌ አባበልኳት ከዝምታ በቀር ግን የማፅናኛ ቃል አላገኘውላትም።

ይቀጥል?

👉👂🤗 @bestletters

"ተከራያችን"

ክፍል ፬

ደራሲ፦ሶፊ

ደረቴ ላይ ልጥፍ እንዳለች እንባዋን ጠርጋ ቀና ብላ እያየቺኝ በሹክሹክታ ማውራት ጀመረች "ሶፊ እንደዚህ የምሆነው ከአንተ ጋር ብቻ ነው ታውቃለህ? ለነገሩ አንተ አይገባህም።
ብዙ ወንዶች እንዲያወሩኝ እፈቅድላቸዋለሁ፣አብረውኝ እንዲስቁ እንዲለምዱኝ አደርጋቸዋለሁ...በልባቸው እንዲያነግሱኝ፣የሴትነት መለኪያቸው እንዲያደርጉኝ እፈልጋለሁ ግን ከማንም ጋር መሆንን አልፈልግም...ማንም ያየኛል እንጂ አይነካኝም...በኔ ረፍት አጥተው ሲንከራተቱ ሳይ ደስ ይለኛል።ህይወታቸው ውስጥ እኔ እኖራለሁ እነሱ ግን በእኔ ህይወት ውስጥ ቦታ እንዲኖራቸው አላደርግም።
...ማንንም ሰው ስፈልግ እና እኔ ስፈቅድለት ብቻ ነው የሚያገኘኝ።
...አንተን ግን ሶፊ ፈልገኝ አትፈልገኝ ሳላውቅ ከጉንህ ነኝ ልሸሽህ ርቄህ በብዙ ሰው ብከበብም፤ሐሳብህ ይከተለኛል...ሌላው ሰው ሰው አይመስለኝም ያንተ ሳቅ ጨዋታ ይናፍቀኛል...የሚገርምህ ብዙ ውድ ቦታዎች ሊወስዱኝ እና ሊያዝናኑኝ የሚመኙ ወንዶች አሉ ለእነሱ ከእነ ገንዘባቸው ቦታ የለኝም...ሶፊ ልቤ ውስጥ ትልቅ ቦታ አለህ።
...ማንም ሰው ምን እንደማስብ እንዲያውቅ አልፈልግም፤ለማንም የልቤን ተንፍሼ አላውቅም ብቻዋን ላሳደገችኝም ለእናቴም ቢሆን።ለሰዎች እንቆቅልሽ መሆን እፈልጋለሁ ሁሌ የእኔን ትብትብ ለመፍታት ረፍት ሲያጡ ሳይ ደስ ይለኛል።ምን አስባ ነው እያሉ ሲያስቡ ደስ ይለኛል።
ልቤ በፍጥነት መምታት ጀመረ...ፀጉሯን እየዳበስኩ እንድታወራ አበረታታዋት።
በረጅሙ ተንፍሳ ቀጠለች...
ዛሬ ግን የልቤን ልተንፍስ ቀሪውን ጊዜዬን፤አጭሯን ጊዜዬን የእውነት ሳላስመስል በፍቅር ልኖረው ነው የምፈልገው።
"ሶፊ አፈቅርሀለሁ"
ድንጋጤዬን ልደብቀው ብሞክርም አልቻልኩም ቃላቶች ተሰወሩብኝ ዝም ዝምም አልኳት።
አንገቷን ደፈት አድርጋ ይባስ ወደኔ ተለጠፈች...ምላሽህን አልጠብቅም ድንገት ስለነገርኩህ ግራ ሊገባህ ይችላል እኔ ግን ገና በደንብ ሳታውቀኝ፤ቴሌግራም ላይ ማውራት ሳንጀምር ነው የወደድኩህ...ለእናትህ ያለህ ፍቅር፣አሳቢነትህ፣ለሰው የምትሰጠው ዋጋ ላንተነትህ እንድገዛ አድርጎኛል።በፊትም ስለኔ ምን እንደምታስብ ሳላውቅ ነው የወደድኩህ አሁንም ምላሽህን ሳልጠብቅ እወድሀለሁ።
አሳዘነችኝ ልቤ ተንሰፈሰፈላት ግን አፈቅርሻለሁ ብዬ ልዋሻት አልፈለኩም።እኔም እወድሻለሁ ግን ፍቅር...ስላት አቋረጠችኝና ፍቅር መላመድ ነው ቀስ እያለ ይመጣል...የሚቀረኝን ጊዜ ካንተ ጋር...እኔም በተራዬ አቋረጥኳት " እንደዛ አትበይ ትድኛለሽ ብዙ ዘመን ትኖሪያለሽ ገና..." ስላት።ቀበል አድርጋ አብረኧኝ ከከተማ መውጣት አትፈልግም ስራ አስፈቅድ ፤ ህይወት አጭር ናት በውጣ ውረድ ታጥረን ስንዳክር የህይወት ጣፋጭ ጎኗን ሳናያት እንዳናልፍ እ? የሆነ የፏፏቴ ድምፅ፣ዝዋይ ገዳማቱን ጎብኝተን ሐይቁ ዳር የአምላክን ተፈጥሮ፤የጨረቃዋን ውበት፥ውብ መፅሐፍ እያነበብክልኝ (መፅሐፍ ማንበብ አትወድም እኔ ሳነብላት ብቻ ነው ደስ የሚላት...)
እሳት እየሞቅን ፎጣዋን፣ተጠቅልላ ጨረቃዋ ሀይቁ ላይ ብርሃኗን ደፍታ የፈጠረችው ውበት፣ የበዓሉ ግርማ አጫጭር አረፍተ ነገር ውቧን ተፈጥሮ ሲገልፁ በአይነ ህሊናዬ ታዮኝ...እሷ ቀጥላለች የአክሱምን ሐውልት፣አክሱም ፅዮን፣ጎንደር ፋሲለ ደስ...ከት ብዬ ሳኩና ምንድነው ሀገርህን እወቅ መስራት ጀመርሽ እንዴ? አልኳት።...እሷም ታውቋታል በሳቅ እያጀበችኝ እኔ መች ሁሉንም አልኩ አንዱን ጋር ሄደን እንዝናናለን አልኩ እንጂ ቀስ በቀስ ደግሞ...አለምን እንዞራለን አለችኝ ፈገታ ሳይለያት።
፨፨፨፨፨፨፨፨፨፨፨
ከዛ ጊዜ ጀምሮ የምወዳትን ማሰብ እርግፍ አድርጌ ትቼ ከምትወደኝ ጋር ያለኝ ጊዜ ከእርሷ ጋር ማሳለፍ ጀመርኩ ከእማዬ ጋር አቀራረብኳቸው።እማዬ በፊትም ትወዳታለች ግልፅ ሰው እወዳለሁ ትለኝ ነበር ግን እንደሚያማት ልነግራት አልደፈርኩም።ከስራ ስመለስ ውጪ ማምሸቱን እርግፍ አድርገን ተውን ቡና እስኪፈላ እሷ ቤት እናመሻለን፣ፊልም እያየን ወይም መፅሐፍ አንብልኝ ትለኛለች።ገፀ ባህሪያቶችን አብረን እንተነትናቸዋለን እንከራከርባቸዋለን፣እንደ እብደቷ አይደለችም ደስ የሚል የማስተዋል ጥበብ አላት፤እይታዎቿም ጠለቅ ያሉ ናቸው።
አይገርምም ሰዎችን በፍቅር አይን ስንመለከታቸው እንከን ማጣታችን? በፊት ነገረ ስራዋን ሁሉ እታዘብ እና እኮንናቸው ነበር አሁን በጎ ነገሯ ብቻ ነው የሚታየኝ እውነትም ፍቅር መላመድ ነው ይበልጥ እየወደድኳት መጣው።
ጠዋት አብረን ወደየስራችን እንሄዳለን፣አልፎ አልፎ ናፍቆቷ ሲያይልብኝ ስራ ቦታዋ ድረስ እሄድና ምሳ አንድላይ በልተን እመለሳለሁ። ማታ ከስራ ተጠባብቀን አንድ ላይ ቤት እንገባለን አንዳንድ ቀን እማዬ ቡና እስካታፈላ ምግብ አብረን እንሰራለን።(ባለሙያ ነኝ አብሶ እርሷ ስትሰራ መየት በጣም ይዋጣልኛል።)...ከእምዬ ጋር ስናወራ እናመሻለን።(እማዬ ጨዋታ አዋቂ ናት።)...ረጅም ጊዜ በዚህ ሁኔታ ውስጥ አለፍን በጣም ተላመድን፣ህመሟን ረሳሁት፤ቼክ ተደርጌ መጣሁ ስትለኝ ብቻ ነው የማስታውሰው...ህክምና አብሬያት ሄጄ አላውቅም፤ምን እንደሚያማትም ጠይቄያት አላውቅም።ስለሱ ፈፅሞ እንዲወራብኝ አልፈልግም።
አንድ ቀን እንደተለመደው ራሷን ትከሻዬ ላይ ደገፍ አድርጋ መፅሐፍ እየተረኩላት ድንገት ስቅስቅ ብላ ማልቀስ ጀመረች።የመፅሐፉ ታሪክ ፍፁም የማያስለቅስ ስለሆነ ግራ በመጋባት "ምን እንደሆነች ጠየኳት።ቶሎ አልመለሰችልኝም ገፅታዋ ላይ እልህ ይነበባል..."ለዚህ ሁሉ አባቴ ነው ተጠያቂ የእናቴ ደግሞ ይቅር የማይባል ነው!" አለችና ማልቀሷን ቀጠለች።ምንም አልገባኝም ምን ብዬ ላባብላት?

ይቀጥላል።


👉👂🙄 @bestletters

"ተከራያችን"

ክፍል ፭

ደራሲ ፦ ሶፊ


አባቴን አላውቀውም በልጅነቴ እኔና እናቴን ጥሎን እንደጠፋ እናቴ ነግራኛለች።የምጠራው በእናቴ አባት ስም ነው፤የእኔም የእናቴም አባት አንድ ነው።እንደውም አንዳንድ ሰው እህቴ እንጂ እናቴ አትመስላቸውም።
ፊቷን ጫን ብላ እንባዋን በእልህ ጠረገችው...ወደ ገጿ ልመለከት አልደፈርኩም ሰው ሲያለቅስ ማባበል አልችልም...ይጨንቀኛል እረበሻለሁ...እሷ ሆናብኝ ነው እንጂ ብሸሽ ሁሉ ደስ ይለኛል። በትዝታ ወደኋላ እየተጓዘች ትመስላለች አይኖቿ ቦዝዘዋል እዚህ የሚመለከቱ አይመስሉም...በጥልቅ ኀዘን ታሪኳን መንገር ቀጠለች...
የእናቴ ቤተሰቦች ገንዘብ ያላቸው ስለነበሩ ገንዘብ እንብዛም አልተቸገርንም እኔን ለማሳደግም ብዙ ውጣውረድ አላየችም።ኃላፊነት አልነበረባትም ሌሎች ስለተወጡላት። ነፍስ እስካውቅ ድረስ የአባቴ አለመኖር አላሳሰበኝም ነበር።እያደኩ ስመጣ ግን የማላውቀው አባቴ ናፈቀኝ።አንድ ቀን ሊያየኝ ይመጣል በሚል ተስፋ ብዙ አመታቶች አለፉ የሚገርምህ 18 አመት ሲሞላኝ እኔው ራሴ ማፈላለግ ጀመርኩ።ነገር ግን ከእናቴም ሆነ ከእናቴ ቤተሰቦች ምንም አይነት ፍንጭ ማግኘት አልቻልኩም።ለምን እንደሆነ ባላውቅም እናቴ ስሙን እንኳን ልትነግረኝ ፈቃደኛ አልነበረችም። ስለእርሱ ክፉ ክፉን ከመንገር ግን አልቦዘነችም።ስለሱ ገና ሳነሳ አፍ አፌን ትለኛለች "የት ደረሽ እንኳን ብሎ ጠይቆ ያውቃል?" ትለኛለች። ከልጅነቴ ጀምሮ "አባትሽ የማይረባ ሰው ነበር!" እያለች ነው ያሳደገችያሰብኩት ብትለኝም አባቴን ልጠላው አልቻልኩም ትዳር ለሚባለው ነገር ግን ጥሩ አመለካከት የለኝም።
አባቴን መፈለጉ ተስፋ አስቆረጠኝ...ዩንቨርስቲ እያለው የአባቴን ፍቅር ይተካልኛል ብዬ ያሰብኩት ፍቅረኛ መያዝ ነበር። እኔም እንደሌላው ሰው የተረጋጋ ህይወት እንድኖር እመኝ ነበር።የእናቴን ስህተት ላለመድገም እፈልግ ነበር።ግን አልሆነም ሁለታችንም ልጆች ስለነበርን ልቦቻችንን አቁስለን ተለያየን።ከዛ በኋላ ነው አባቴን የጠላሁት የእናቴ ህመም በጥቂቱም ቢሆን የተሰማኝ።
ስለትዳር ስለቤተሰብ ስለማህበረሰብ ያለኝ አመለካከት የጨለመ ሆነ! አየህ የብዙ ታዳጊዎች እና የብዙ ማህበረሰቦች መቃወስ፣አላማ የሌለው ትውልድ መፈጠር፣ለራሱ፣ለቤተሰቡ ለማህበረሰቡና ለሀገሩ ፍቅር የሌለው ትውልድ መፈጠሪያው ምንጩ ትዳር ነው። በሙሉ መጥፎ ነው እያልኩህ አይደለም!ሁለት ያልተግባቡ ሰዎች ናቸው ግራ የገባው ትውልድ የሚፈጥሩት ልልህ ፈልጌ ነው።ልጆች ለዚህ አለም እንግዳዎች ናቸው የሚቀርፃቸው መጀመሪያ ቤተሰብ ነው፤ከዛ ማህበረሰቡ ከዛ አሁን አለምን ለማወቅ ቀላል ነው ኢንተርኔቱ የሚያሳድርበት ተፅህኖ ይኖራል! አስበኧዋል ሁሉም ወላጅ ኃላፊነቱን ቢወጣ? ይቺ አለም ውብ ትሆን ነበር፤ክፉ ሰው ባይጠፋም ይቀንስ ግን ነበር ! ሁሉም ወላጅ ኃላፊነቱን ቢወጣ በየጎዳናው የምናያቸው ህፃናት በጥሩ ሁኔታ ተቀርፀው ያድጉ ነበር...ሁሉም ወላጅ ኃላፊነቱን ቢወጣ እንደ እኔ አይነት ግራ የገባው ፍቅር ያጣ ትውልድ ይቀንስ ነበር...ሁሉም ወላጅ...እንባዎቿ ተንጠባጠቡ...ሳግ ንግግሯን አቋረጣት...ምንም አውርቼ ላፅናናት አልሞከርኩም አውርታ ይውጣላት ብዬ ዝም አልኳት...
እንደምንም ብላ ንግግሯን ቀጠለች...ተመርቀን እስክንወጣ የህይወቴ መልክ ፍፁም ተለወጠ...ሌላ ሰው ሆንኩኝ ንፁህ ልቤን በማጉደፍ ተጠመድኩኝ...ተበዳይ ነኝ ብሎ ሲያላዝን የነበረ ልቤ ብዙ ወደድኩሽ ባዮቼን በደለ አቆሰለ...የምኖርለት አላማ የሌለኝ ራእይ የሌለው ሰው ሆንኩ...ጊዜያዊ ደስታ ብቻ ማሯሯጥ ጀመርኩ...ይሳቃል፣ይጨፈራል ጨዋታ አለበት በተባልኩት ቦታ ሁሉ እሄዳለሁ ገሀነምም ቢሆን አይጨንቀኝም። በየመሸታ ቤቶቹ ታዋቂ ሆንኩ የመጠጥ ሱስ ውስጥ ተዘፈኩ...እንደምንም ትምህርቴን ጨረስኩ...ቤተሰብ ስራ የምቀጠርበትን መንገድ አመቻቸልኝ ወር እንኳን አልተቀመጥኩም...ግን ሁሉም ነገር ይሰለቻል።ለምንድነው የምኖረው ለሚለው ጥያቄ መልስ ማጣት ከባድ ነው።
በዚህ በሚያበሳጭ ህይወት ላይ እናቴ እንደ እናት ችግሬን ልትሰማኝ ጊዜ አልነበራትም ከሷ በማይጠበቁ ድርጊቶች ተጠምዳ ነበር።በዛ እድሜዋ ወንድ ትቀያይር ነበር።ይባስ ብሎ የምታመጣቸው ወጣት ወንዶች እኔንም ያስቸግሩኝ ነበር።ከባድ ሱስ ውስጥ ገባች...ህይወቷ ማጬስ፣መጠጣት እና መቃም በሚባሉ አዳፋ ተሸፈኑ።እናቴ እናት አልሆን አለቺኝ ቆሸሸችብኝ...በእሷ እንደዚህ መሆን ሳይሆን እኔን እዚህ ምድር ለማምጣት ምክንያት በመሆኗ ጠላዋት።ጠምጄ ያዝኳት አብሬት መሮር አስጠላኝ አንገሸገሸኝና ተከራይቼ ወጣው።አይኗን ካየውት አመት አልፎኛል።ደውላ እንኳን አታውቅም።አንዳንዴ ያበደችም ይመስለኛል።የእውነት ግን ጤነኛ ናት? ብዬ ብቻዬን የተብሰለሰልኩባቸው ጊዜያት እልፍ ናቸው።አንደኛውን ጥሎኝ የጠፋው አባቴ ይሻለኛል።እናቴ እያለች አልነበረችም።አለች እና ዝም አለች።
እኔም ዝም አልኳት...ቃላት ስሜትን ይገልፃል ብዬ አላምንም ልፍስፍስ ነው።ዝምታ ግን ይሻላል።
ብቻዬን መብሰልሰል ጀመርኩ አሁን ይቺ ሴት እንደዚህ ነች እያልን እንፈርዳለን እንጂ ምን ሆና ይሆን ብለን ጠይቀን እናውቃለን? በገፋችን መጠን እንገፋታለን።እሳትነቷን እናራግበዋለን...ይሄን ሁሉ ያሳለፈች ሰው አትመስልም።ከልቤ አዘንኩላት...ላልርቃት፤ልንከባከባት ለራሴ ቃል ገባሁ።

ከሀሳቤ የእናቴ ጥሪ አባነነችኝ " ሶፊ እናንተ ልጆች ዛሬ ምነው ድምፃችሁ ጠፋ? ደሞ እንቅልፍ የለም? " እያለች እናቴ ገርበብ ያለውን በር ከፍታ ገባች። የምወዳት ግን ደገፍ እንዳለችኝ እንቅልፍ ወስዷት ነበር።" ውይ ተኝታለች እንዴ ? " እናቴ በኅዘኔታ እያየቻት።" አዎ እማ እኔም አላየኋትም ነበር።"አልኩና ቀሰቀስኳ ነቃች፤እናቴን ስታይ ፈገግ አለች። "ማሚ ደክሞኝ ጥዬው ተኛው" አለችአይኗን በአይበሉባዋ እየዳበሰች።"ይሄ ጥለውት ካልተኙ መች ይለቃል ብለሽ" አለች እናቴ እየሳቀች እኛም በፈገግታ አጀብናት። "በይ ሰላም እደሪ ቆልፊው እኛም እንውጣ አለች እናቴ ወደበሩ እየተራመደች።ሞቅ ባለ ፈገግታ "ሰላም እደሪ" አልኩና እናቴን ተከተልኳት። በልቤ "ዛሬ የሰላም እንቅልፍ ትተኛለሽ" አልኩ።

ይ~ቀ~ጥ~ላ~ል?

"ነገ ብዬ ስለቆየው በጣም ይቅርታ በነገሮች ያለመመቻቸት ነው።ላጓጓችሁ ፈልጌ አይደለም በእውነት ብችል በየቀኑ ብለቅ ደስ ይለኛል።

✍ ሶፊ

መልካም ጊዜ "



👉👂😃 @bestletters

"ተከራያችን"

ክፍል፦፮

ደራሲ፡ሶፊ

ሰሞኑን ፀባይዋ ተቀይሮብኛል ነው ወይስ እኔ ነኝ የተቀየርኩት? እንደበፊቱ አብረን አናመሽም ወይ እኔ ወይ እሷ ስራ አምሽተን እንመጣለን።ማታ ሳንተያይ።ቀን እንዴት ነሽ ብዬ ሳልደውል የምውልባቸው ቀናትም መጡ...እንደተቀራረብነው ሳይታሰበኝ እየተራራቅን መጣን...ለሁሉም ጊዜ አለሁ ይል አይደል መፅሐፉ።እኔን ለማግኘት ምክንያት እንዳልፈለገች፤እንገናኝ ስላት ምክንያት መደርደር ጀመረች...ቢሮዋ አካባቢ ሄጄ ምሳ እንብላ ስላት "ውይ አሁን እኮ በላሁ ብዙ ስራ ስላለኝ ወዲያው ወደ ቢሮ ተመለስኩ...በቃ ማታ በጊዜ እመጣለው" ትለኛልች ግን አትመጣም።በግማሽ ልቤ የእናቴን ወግ እየሰማው፤በግማሽ ልቤ በሯ ሲከፈት ድምፅ ለመስማት ጆሮዬን እጥላለሁ... አንዳንዴ እንዲውም የእናቴን ወግ አልሰማትም ።

ምን ተፈጥሮ እንደሆነ ባልገባኝ ምክንያት ንፋስ የማያስገባ የነበረው ቅርበታችን፤ስንዝር ክፍተትን ፈጠረ ቀጥሎም ፍፁም እየተራራቅን መጣን መሀላችን ደግሞ ሁለታችንም መሻገር የከበደን ገደል ዝምታ አለ።
አንድ ቀን ቢሮ ቁጭ ብዬ እያሰብኳት ስተክዝ ይሄን ግጥም ፃፍኩላት...

ርዕስ፦ስፈልግ አጣዋት

የፍቅሬ መጠኑን ልኬቱን አስልታ
እንዳትወጣ ስታውቅ ከልቤ ውስጥ ገብታ
ኩራት አሰከራት
ማፍቀሯን አስረሳት
ፍቅሬንም ዘንግታው ልመና መሰላት
ስትፈልገኝ እንጂ ስፈልግ አጣዋት።

ምን ሆና ነው ለሚለው ጥያቄ መልስ ሳላገኝ ቀናት፣ሳምንታት ነጎደው አንድ ወር ተቆጠረ።ግራ ገባኝ...አንድ ቀን እንደምንም እንድንገናኝ አግባባዋት በፊት የምንገናኝበት መጠጥ ቤት ቀጠረቺኝ...ደነገጥኩ መጠጣት ጀመርሽ እንዴ? አልኳት። መልስ አልሰጠችኝም 12:30 እንዳታረፍድ አለችና ስልኩን ዘጋችው። አእምሮዬ ሌላ ጥያቄን ያግተለትልብኝ ጀመር።እንቆቅልሽ!
30 ደቂቃ ቀደም ብዬ ደረስኩ።እሷ 30 ደቂቃ አርፍዳ መጣች።ሌላ ሰው መስላለች ለፕሮግራም ካልሆነ በስተቀር እንዲህ ሜካፕ ስትለቀለቅ ተመልክቼ አላውቅም።ሹራብ፣ከሹራቡ በላይ ኮት፣ጥብቅ ያለ ጅንስ፣ቀይ ክፍት ሂል ጫማ...
እንዲህ ሆና አይቻት አላውቅም።ብሽቅ አልኩ ልታቅፈኝ ጎንበስ ስትል እጄን ዘረጋውላት...የእጆቿ ጥፍሮች ተንጨፋረዋል(ድሮም ጥፍር ሲረዝም ያስጠላኛል።)...የአውሬ እንጂ የሰው ጥፍር አልመስልህ አለኝ...ስንት ጎዳና ላይ እጆቿን ይዤ በኩራት እንዳልተጓዝኩ ይዞ ጥቂት መቆየት ዘገነነኝ ቆሎ ለቀቅኳት።እኔ የወደድኩትን ማንነቷን ልታጠፋ የምትታገል መስሎ ታየኝ...ልክ ከማህበረሰቡ ጋር እንደተጣላች ከእኔም ጋር ግልፅ ጦርነት የጀመረች መሰለኝ...ደግሞ እኔ ምን አደረኳት?
የቀጠለችው ዊግ ቀለሙ ቀይ ነው...አይኗን ቀይ ቀለም ተለቅልቃዋለች...ከንፈሯ ደማቅ ቀይ ሊፒስቲክ...ቀይ የጥፍር ቀለም...ሁሉንም አልወደድኩትም።ወንበሩን አስተካክላ እየተቀመጠች...ኮቷን በሁለት እጆቿ ያዝ አድርጋ "እ እንዴት ነኝ ? አላማረብኝም?" አለችኝ።እንደተናደድኩ በሚያሳብቅ ድምፀት "በእውነት ምንም አላማረብሽም! የህፃናት የስህል ደብተር መስለሻል።ምንድነው የተለቀለቅሽው? መልክሽ ምናለሽ? " ተነጫነጭኩ። በድል አድራጊነት ተመለከተቺኝ።
ምን ልጠይቃት እንደቀጠርኳት እንኳን ጠፋብኝ።
"ምን ሆነሽ ነው? "
"ምን ሆንኩ
"ይገባሻል አይደል ምንም እንደድሮው አይደለሽም።አንድ ጊቢ ሆነን አንገናኝም።ስቀጥርሽ ምክንያት ታበዣለሽ።አይመችሽም። ያደረኩሽ ነገር አለ? የእኔ ይሁን እሺ እማዬን እንኳን ሰላም ካልሻት ቆይቷል።ምንድ ነው የተፈጠረ ነገር አለ? "
ስልክ በላይ በላይ ይደወልላታል ያወራሁትን ትስማ አትስማ እንኳን አላውቅም። ልክ ስጨርስ ጠብቃ ስልኩን አነሳችው።
ስልክ ወዬ እንዴት ነህ?...እሺ...እ...እሺ...ይሆናል...አይደል...
.
.
.
.
ኧረ እየሰማሁ ነው።በፍቅር እያወራሁ ነው።
እሺ ወይ እንድዛ እናድርግ እኔ እደውላለሁ።"
አለችና አስተናጋጁ ልምዷን ስለሚያውቅ ፍቃዷን ሳይጠይቅ ያመጣውን ቢራ ግጥም አድርጋ ጠጣችና። " እያልከኝ ምን ነበር? "

መድገም እየቀፈፈኝ እንደምንም ስሜቴን ታግዬ..."ምን ሆነሽ ነው የጠፋሽው? " አልኳት።


ይ~ቀ~ጥ~ላ~ል።

50👍 ሲያልፍ ቀጣዩን እለቀዋለሁ።

"Someday you will wake up and ask yourself this question:
Where are the peoples i used to know?"

👉👂😔 @bestletters

"ተከራያችን "

ክፍል፦፯

ደራሲ፦ሶፊ

" ምን እያልከኝ ነበር? " አለች ወደኔ እያየች

መድገም እየቀፈፈኝ እንደምንም ስሜቴን ታግዬ..."ምን ሆነሽ ነው የጠፋሽው? " አልኳት።
"ምንም አልሆንኩም...የጠፋሁበትንም ምክንያት ደጋግሜ ነግሬህ የለ ስራ ነው።" አለችና ዝም ስትል።
ከእንግዲህ ምንም መጠየቅ ትርፉ ድካም መስሎ ተሰማኝ፤አውቆ የተኛን ቢቀሰቅሱት አይሰማም።ምንም ልትነግረኝ እንዳልፈለገች ሁኔታዋ ይናገራል።
"ጨከጨኩሽ አይደል?" አልኳት። መልስ አልሰጠቺኝም።
ከቢራዬ ጎንጨት ብዬ ጥያት የመሄጃ ሀሳብ አብሰለስል ጀመር።አንዳንድ ሰዎች መሄጃ ያጣን ይመስላቸዋል።ከእናቴ ጋር እያወራሁ ባመሽ በስንት ጠሀሙ፤የሚወዱኝን ጓደኞቼን ባገኝስ...ፊልም ባይ መፅሐፍ ባነብ ብዙ የምወዳቸውን ነገሮች ማድረግ እየቻልኩ።ከማይወደኝ ጋር ምን እሰራለሁ?
ይቀየራሉ ሰዎች ይቀየራሉ ማንም ባለበት አይረጋም።አፈቀርኩህ ያለችህ የወደደችህ መስሏት ይሆናል።ግራ ገብቷት ነው ግራ ያጋባችህ። ታዲያ ስትፈልገኝ ብቻ ነው የምትነግረኝ አልፈልግህም ተብሎስ አይነገርም? የምን ሽሽት ነው? እናቴም
"ስልኳ አሁንም አሁንም ይጠራል።"
ትቆያለሽ? እኔ ትቼው የመጣሁት ስራ አለ። (በልቤ እሱ ነው የሚያዋጣኝ አልኩ።) ትጠብቀኛለች። ትንሽ እቆያለሁ አለቺኝ። አስተናጋጁን ስጠራው ተወው ስወጣ እከፍላለሁ አለች። የአለማየሁ ገላጋይን "ሐሰተኛው~በእውነት ስም" የሚለውን መፅሐፍ ከጠረቤዛው ላይ አነሳሁና...ግርምት ባልተለየሁ ፈገግታ "ሰላም እደሪ አልኳት...መልእክት እየፃፈች የስልኳ እስክሪን ላይ እንዳፈጠጠች "ሰላም እደር አለቺኝ።" ደግሜ ላያት እደማልፈልግ ልቤን እያስጠነቀኩት። "ጎንበስ ብዬ ጉንጯን ሳም አደረኳት...ይሁዳስ እንደዛ አይደል ያደረገው? ለድሮ ማንነቷ አሳልፎ ሰጠዋት ?" ማን ነው ምንን አሳልፎ የሰጠው?
እኔ ምን አደረኩ ? እሷ ናት የተቀየረችብኝ።እያልኩ እራሴን ከወቀሳ ለማዳን መሯሯጥ ጀመርኩ።
እኔንማ ገድላኛለች የምወዳትን ትቼ ከእርሷ ጋር እንደሆንኩ ታውቃለች? የማልወዳቸውን ነገሮች ለእሷ ብዬ እንደማደርግ ታውቃለች? አታውቅም!
ለእሷ ብዬ ያደረኳቸው ያ ሁሉ ነገሮች ምንም ናቸው ማለት ነው። ባዶ መና ።
እሺ እንዴት ነው...እንደዛ ቀርባ አስለምዳኝ ብቻዬን የምችለው።
ብዙ የእኔ የምላቸው ነገሮች የእርሷ ስለሆኑ...እርሷን ማጣት ማለት ራሴን ማጣት መስሎ ተሰማኝና ራሴን ጨምድዶ ያዘኝ።

" ሰው የሰጡትን ቦታ ካላወቀ ምን ይደረጋል?"

ቤት ስገባ እናቴን ሰላም ብቻ ብያት ትንሽ ራሴን እዳመመኝና ማረፍ እንደምፈልግ ነግሬያት ወደ መኝታ ክፍሌ ገብቼ...ሳስብ አደርኩ።
በመጨረሻም የመጣልኝ ሀሳብ ራሴን በሳምንት ነገሮች መጥመድ ነው።ከስራ በተጨማሪ ኦንላይን አጫጭር ትምህርቶችን መማር ጀመርኩ።
ሳልደውል እሷም ሳትደውልልኝ...ሶስት ሳምንት ሞላ በዛው ሳምንት እኔ ክፍለ ሀገር ለስራ ጉዳይ ሄድኩ 1 ወር የሚያስቆይ ስለነበር ደስ እካለኝ ነው የሄድኩት።
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨
ወሩን ሙሉ ያለምንም እረፍት አሳለፍኩ።ደውላልኝ አታውቅም እኔም አልደወልኩላትም። ልመለስ አካባቢ እናቴ ድንገት ስለእርሷ ጠየቀችኝ ስለ እርሷ አንስታብኝ ስለማታውቅ ግራ ተጋባው። "ደውላልህ ታውቃለች" ብላ ነበር የጠየቀቺኝ።
"አዎ እማ ተደዋውለን ነበር ምነው አዲስ ነገር አለ?" ብዬ ጠየኳት ልቤ ፈራ እያለ። "አይ እንዲያው ነው" አለቺኝ ድምጿ ላይ ግን የሆነ ነገር እንዳለ ተረዳው።"ምንድነው እማ? አመማት እንዴ ?" አልኩ ይበልጥ እየተጨነኩ። "ኧረ እንዲያውም" አለች። "በጣም ትቀራረቡ ስለነበር ዝም መባባላችሁ አሳስቦኝ ነው።" ለዚህ መልስ ስለሌለኝ ዝም አልኩ። ሌላ ሌላ ነገር ስናወጋ ቆይተን ተሰነባብተን ስልኩ ተዘጋ።ያልተዋጠልኝ ነገር አለ። ሁለት ቀን አይደለች ስሄድ እደርስበታለሁ ብዬ ተፅናናሁ።
፨፨፨፨፨የመጀመሪያው መጨረሻ፨፨፨፨፨፨፨፨
ከሁለት ቀን በኋላ ወደቤት ለመሄድ በለሊት ነበር የተነሳሁት እንደተለመደው በመስኮት በኩል ተቀምጬ ወቅቱ የአብይ ፆም በመሆኑ "ሕማማት" የሚል ዲያቆን ሄኖክ ሀይሌ የፃፈውን መንፈሳዊ መፅሐፍ የአምላካችንን ሕማም በሚገርም ብዕር ስለተከተበ በፍፁም ተመስጦ በአይነ ህሊና ተጉዤ..."ይሁዳ ሊሸጠው ሲያስማማ እንዴት አምላክህን አሳልፈህ ትሰጣለህ? እርሱ እኮ መምህርህ ነው እያልኩ እሞግታለሁ። አይነ ስውራንን ሲያበራ፥የተመለከቱ አይኖችህ እንዴት የአምላክህን ጌትነት ጋረዱብህ? አንካሶችይሁዳን ሲዘሉ፤ሽባ ሲተረተር ድዊያን ሲድኑ፤እንዳልተመለከትክ እግሮችህ እንዴት አምላክህን ለመክሰስ ተራመዱ እያልኩ። ወቀስኩ። በይሁዳ ውስጥ ራሴንም ወቀስኩ።መፅሐፉ ክርስቶስን ወደ ይሁዳ ለፍርድ እያንገላቱ ሲወስዱት በህሊና ወሰደኝ ጲላጦስ ፊት እያንገላቱ አቆሙት እኔን ጌታ ሆይ እያሉ የእየሩሳሌም ወዛዝርት ሲያለቅሱ ሳይ አብሬያቸው ላለቅስ ዳዳኝ...ከጲላጦስ ሄሮድስ ክርስቶስን እያንገላቱ ተቀባበሉት~በሁሉ የሚፈርድ እርሱ ላይ ይፈርዱበት ዘንድ አንዳች በደል አጡበት።ያዳናቸው ከሰሱት፤38 አመታት በደዌ ዳኛ ተይዞ የነበረው መፃጉህ ከእዚህ እስራቱ ያዳነውን አምላክ፤መላእክት ከመለኮታዊ ግርማው የተነሳ ፊቱ ስለሚያስፈራቸው በክንፍ የሚሸፈኑለትን የሚፈት የሚንቀጠቀጡለን አምላክ በጥፊ መታው።በሁሉ ላይ ለሚፈርድ ለእርሱ ፍርድን አጓደሉበት።"

በተመስጦ እያነበብኩ ቆየሁ። ልደርስ አካባቢ እናቴ ደወለች። እየመጣሁ ነው እማ አልኳት።ከሁለት ቀን በፊት የነበረው ሁኔታ አሳስቦኝ መፅሐፉን ወደ ሻንጣዬ መልሼ መብሰልሰል ጀመርኩ። ከባሱ እንደወረድኩ ታክሲ ለመያዝ ስጣደፍ አንድ የስራ ባልደረባዬ ክላክስ አድርጎ መኪናውን በእኔ አቅጣጫ ሲያቆም ተመለከትኩ።ጎንበስ ብሎ በመስኮቱ አጮልቆ እያየ "ሶፊ ወደ ሰፈር ነህ?" አለኝ። አዎ አልኩት እኔም አንገቴን በመስኮቱ አጮልቄ። እኔም ወደዚያው ነኝ ና እንሂድ አለኝ። ከፍቼ ገባው።እያወራን።ቤት አካባቢ ስንደርስ አቆመ።እንዲገባ ብለምነውም እንቢ አለኝ።ተሰናብቼው ለወሬ እየጓጓው ወደ ቤቴ አመራው የጊቡውን በር አልፎ ወደ ውስጥ ስገባ ያየውትን ማመን አቃተኝ።

ይ~ቀ~ጥ~ላ~ል።


👉👂😳 @bestletters

ለኦርቶዶክስ ተዋህዶ እምነት ተከታዮች እንኳን ለአብይ ጾም በሰላም አደረሳችሁ።መልካም ጾም ይሆንላችሁ ዘንድ እየተመኘው ይሄን "ኤፍራጥስ ወንዝ" ከተሰኘ የዲያቆን ሄኖክ ሀይሌ መፅሐፍ ላይ የተቀነጨበ "አባታችን ሆይ እንዴት ትላለህ?" የሚል ፅሑፍ እጋብዛችኋለሁ።
የበረከት ጾም ይሁንልን።
"አብይ ጾምንስ እንዴት ትጾማለህ?"
©ሶፊ

👉👂😇 @bestletters

"ተከራያችን"

ክፍል ፰

ደራሲ፦ሶፊ


የተከራያችን ቤት በሰፊው ተከፍቷል ውስጡም ባዶ ነው።እንደ ጨው ሐውልት ደርቄ ለደቂቃዎች ቆየው። የሆነ ነገሬ ሲሰበር ተሰማኝ።ቅስሜ ይሆን? ሐሞቴ ፈሰሰ።ስለእርሷ ምንም ማወቅም መስማትም አስጠላኝ። ምንም እንዳልተፈጠረ እናቴን እቅፍ አድርጌ ሳምኳትና።ራት እየበላን ቡና ስንጠጣ..."መቼ ነው የሄደችው ?" አልኳት።
"አልነገረችህም እንዴ" አለች እናቴ በግርምት።
"አዎ እማ " አልኳት ከእንግዲህ የምዋሽበት ምንም ምክንያት የለም።
ሁኔታዬን ስታይ እናቴም ሐዘን ገባት "እናቴ ጋር ልመለስ ነው ብላ የደወልኩልህ ቀን ነው የሄደችው።ለእኔም የዛኑ እለት የሚጭንላትን መኪና እደጅ አስቁማ፤እቃ ልታወጣ ስትል ነው የነገረችኝ።ሶፎንያስ ይሄ ነበር የእኛ እና የእርሷ ቅርበት? እንደ ልጄ ነበር የማያት ከስራ ስትመጣ አብስሎ ለመብላት ይደክማታል፤ ይርባታል እያልኩ እንጀራ እየሰደድኩላት። ብቻ ሆድ ይፍጀው ባዳ ባዳ ነው።አለች እናቴ በምሬት።"
እኔ ቃል አልተነፈስኩም እናቴ ስለእርሷ ወሬ እንዳትቀጥል ቴሌቪዥኑን የምመለከት መሰልኩ።
"የሰው ልጅ ፈፅሞ ልታውቀው የማትችለው እንቆቅልሽ ነው።" የሚል አባባል ሰምቼ አውቃለሁ።የዚች ግን ይብሳል።የእርሷ ቅኔ ሰሙ እራሱ ወርቅ ነው! ትብታቧን ለመፍታት ጫፍ እንኳን አታሲዝም። ዝም ብለህ ስትጠይቅ ትኖራለህ።
፨፨፨፨የመጨረሻው መጨረሻ፨፨፨፨፨፨፨፨፨
ሁሉም ያልፋል ይሉ አይደል ሰዎች እውነታቸውን ነው።ሁሉም አለፈ።ትዝታዋም አልቀረ ሁሉም ተረሳ።
አመት ከመንፈቅ ሆነ
...አንድ ቅዳሜ ላይ ግን እንዲህ ሆነ።ሳምንቱን በስራ ምክንያት ሳንገናኝ የሰነበትነውን ጓደኞቼኝ አገኘዋቸው።
አንድን መፅሐፍ አንስተን እየተጨዋወትን ሳለን...አንድ ስልክ ጥሪ ተደረገልኝ...ስልኩ አውጥቼ ስመለከተው የማላውቀው ቁጥር ነው።አነሳሁት "ሶፊ" አለች ከዛኛው ጫፍ የማውቀው ድምፅ ነው ማን እንደሆነች ግን ገና አለየዋትም።"ማን ልበል?" አልኳት።
ስሟን ነገረቺኝ...እሷው ናት!
"አል...ብዬ ከአፌ መለስኩት።(አምልጦኝ አልሞትሽም? ልላት ነበር።)
ሰላምታ ከተለዋወጥን በኋላ...እንዴት ልትደውል እንደቻለች ጠየኳት እንዲሁ ሰላም ልልህ እናም ከቻልክ ላገኝህ ነው አለቺኝ።
እንደማልችል እና አሁንም ከጓደኞቼ ጋር መሆኔን ነግሪያት...ሳልሰናበታት ስልኩን ዘጋውት።አንዳንዴ "አይሆንም"ማለትን መልመድ አለብን።የሚሆነውንም የማይሆነውንም ይሆናል እያልን ነው የተቸገርነው።
ማታ ቤት በተለመደው መልኩ ከእናቴ ጋር ካሳለፍን በኋላ ከመኝታዬ በፊት ስልኬን እየጎረጎርኩ ከአመት ከመንፈቅ በኋላ ለመጀመሪያ ጊዜ ፕሮፋይሏን ልመለከት...ብሎክ ሊስት ውስጥ ገባሁ...
ፕሮፋይሏ በመንፈሳዊ ምስሎች እና በአባባሎች ተሞልቷል...ማሞ ሌላ መታወቂያው ሌላ።
ፕሮፋይላችን ግን እኛን ይገልፃል? በጣም የውሸት አለም ውስጥ ከመዘፈቃችን የተነሳ፤የራሳችን ምስል እንኳን እኛን መግለፅ ትቷል።
እያልኩ ከደረደረቻቸው 80 ፎቶዎች ውስጥ 27ተኛው ላይ ስደርስ ያዝ አድርጌው ቆየው።የወንድ ምስል ነበር። የእኔ አለም እወድሀለሁ የሚል ተፅፎበታል።ቅናት ቢጤ አንጨረጨረኝ።ቀጥሎ ያለውንም ከፈትኩት ራሱ ፎቶ በትልቁ ተስሎ ግርግዳ ላይ ከተሰቀለ ምስል ላይ የተነሳ መሆኑ ያስታውቃል።
29 አየሁት።ራሱ ልጅ ወደ ደረቱ አስጠግቶ አቅፏት የሚያሳይ ፎቶ ነው ከፊታቸው ኬክ እና ልዩ ልዩ ዲኮር ተቀምጧል።እንዲህ የሚል መግለጫ ፅሑፍ ተፅፎበታ "ሦስት አመት በፍቅር"
ማመን አልቻልኩም።
30ኛውን ምስል ከፈትኩት አባባል ነው "መታመን ለራስ ነው" ይላል።
"ቱ ቀጣፊ !" አልኩና ስልኩን አሽቀንጥሬ ወረወርኩት።
ፍቅረኛ እያለሽ ነበር እኔን ያ ሁሉ ነገር ውስጥ የከተትሽኝ? ከእሱም ጋር ከእኔም ጋር ነበርሽ? ፍቅረኛ እያለሽ ነው ከእኔ ጋር እንደዛ ስትሆኚ የነበረው? እሺ ከነገርሽኝ ውስጥ የቱ ነበር እውነት? ሰው እንዴት በእንባ እየታጠበ ውሸት ይናገራል?

እሞታለሁ ያልሽኝም ውሸት ነበር ?

አጠገቤ እንዳለች ሁሉ በንዴት ጦፌ ጥያቄዎችን አግተለተልኩ።መልስ የሚሰጥ የለም።
እንቆቅልሹን ግን ጊዜ ፈታው።እንደራሷ ግራ የገባው አደረገቺኝ ለሰው ያለኝ አመለካከት ተዛባ።


አሁን እኔ ሰው ባላምን ይፈረድብኛል ?



ተ

ፈ


ፀ

መ
?

እዚህ ድረስ ስላነበብከው/ሽው ከልብ አመሰግናለሁ።

👉👂🙄 @bestletters

አንቺ ሐሳብ ውስጥ እንዳለሁት አይነት ጥሩ ሰው አይደለሁም፤ብዙ የህይወት ጉድለቶች አሉብኝ።ቃላቶቼ አንቺ ፊት አምረው እንደቀረቡት በጎ በጎ ብቻ አይደሉም፥ብዙ ሰዎችን ሰብረው ያውቃሉ።ሐሳቤም እንደምታስቢው ንፁህ አይደለም ክፉ ምኞት ይበዛዋል።ምግባሬ ቢመዘን ከሰዶም ኃጢያት ያይላል።እግዚአብሔር ቃሉን አያጥፍም እንጂ፤በእኔ ኃጢያት አለምን ለዳግም የጥፋት ውሀ በዳረኳት ነበር።

እንደምታስቢኝ አይነት ሰው አይደለሁም፥በአንቺ ዘንድ መልካም ሆኜ መታሰቤ ደስታን የፈጠረልኝ አይምሰልሽ፤ይባስ አስመሳይ የሆንኩ እየመሰለኝ በፀፀት ቆሰልኩ እንጂ...

ሁሌም እንደምታስቢኝ አይነት ሰው በሆንኩ እያልኩ እመኛለሁ፥ዳሩ ግን እንደምታስቢኝ አይነት ጥሩ ሰው አይደለሁም።


ከተቀደደው ማስታወሻ
®ሶፊ (@umsofi27)

እ ጠ ብ ቅ ሻ ለ ሁ !

✍ ኤልያስ ሽታኹን

በሶፊ😃

👉👂😌 @bestletters

ልነግርሽ ነበረ ☹️

ከበላይ በቀለ ወያ 👏

"ወንዶች እብድ ሴት ይመቻቸዋል ስለተባሉ ብቻ ያበዱ ብዙ ሴቶች አሉ።"

©በሶፊ

👉👂😍 @bestletters

ከተቀደደው ማስታወሻ 😍
©ሶፊ

Post card story by sofi

(ከ112 ሰው 61 ሰው በድምፅ ብሏል...እነሆኝ በምርጫችሁ።)

👉👂🙄 @bestletters

የሶፊ ደብዳቤ

ቁጥር አይታወቅም🙅‍♂


"ብዙ ውብ የመሰሉኝ ቃላት ሊገልፁሽ ስላልቻሉ ሰርዣቸዋለሁ..."


"እሳት ሲሆን ኑሮሽ ወርቅ የሆንሽው አንቺ
ነጥረሽ እየወጣሽ ደክሜ እንዳልቀር የምታበረቺ
ምሰሶ ሳትሆኚው ጎጆ መች ይቆማል
ሙሉነት ያላንቺ እንዴት ይታለማል"

እናቴ💙

#Worth to share ❤️

👉👂😮 @bestletters

ሞኝ ነኝ አይደል?!

ከተቀደደው ማስታወሻ
©ሶፊ

👉👂🤌❤️ @bestletters