من ردو من الشام زينب والعيال
ما لگوه بس اگبور لاعم ولا خال

استجن خاف الريش بجناحك يصير
حت الخفت جنحان ما عدة ويطير

حتى بزعلنه وياك ضلينه صحبان
تعبرنه واحنه نكول ما منتبه جان

تدري الرخيصة اشلون تعرف امرها
لمن تشوف ارجال تحوي بثمرها

هاي الرخيصة وشوف اشكد عليها
الوصخ. والنمام. يسله. بيها

كون الاصيلة تصير برحية بالسوك
يحويها زلمة وحيد من تحمل عثوك

غافل / وچومة حجار ذبها اعلى مگفاي

وانه ارش دمعي بطوس من اگفه وياي.

خليني اورجي الناس و بعالي صوتي
من راسي صاح أحاه مگوار اخوتي

حتى الينافق چان هم بي رجوله ؟!

ماسولفش للناس غير التگوله

شيطني هسه وراح مدري شحچوله
شيطت جدر عالنار راعيته ثوله!!!

اضحك وسلي الروح وبگلبي غصه
بس .انه.. بالغربيل. چالولي .حصه

ارد اشلع الدلال وبعطبه اچويه
ماغربل الصحبان وستطمعو بيه

اتنفهوو. عگب الضيج واتعادو اوياي
واني اشكثر رديــت لكصصهم الماي

مو كل بشر ينهاب بفلوسه والدار
تحت الخفت مرات موجوده اكو نار

الما تنكضي بعباس اشطب عليها
الحاجه لو مو خوش لو رچه بيها

ياعلي الجار يصير هم على همك
جاورتك وشبرين ماعندي يمك.

من مثلي فارغ جيب يوميه بالسوگ
وكاشخ بچود اعداي ومسكت الحلوگ

جفي انترس فــرگاس من چــد حلالي
حتــه ارد واني بماي وجــهي لجهالي

شمسوي حته بطيف ماترضه احاجيك؟
مو بيدي ساعه نوم وتحلمت بيك!

لو بيدي اكضَ هواي برياكي اضمه..
لان مثلي بالعباس ماحبته امه..

تسمعهم يكولون هالضل ورانه
عز الله بالمو خوش مو يمكم انه