Католікі з Мар'інай Горкі і Рудзенску прывялі ў парадак могілкі на Серафінавай гары каля вёскі Суцін Пухавіцкага раёна. Гэта сапраўдная па беларускіх мерках гара, паміж вяршыняй, на якой знаходзяцца могілкі і калісьці стаяў драўляны касцёл Святога Антонія, і ракой Талькай, якая яе агібае, каля 30 м перападу (9-павярховы дом).

Актывісты расчысцілі старыя каталіцкія надмагіллі, намалявалі наноў літары на іх, у тым ліку надмагіллі Уладзіслава Азямблоўскага (пам. 1900) і Казіміра Аколава (1847-1914).

Тэхнікай выцягнулі велізарны камень, які, як кажуць, ляжаў каля касцёльнай сцяны. Гэта надмагілле Антонія Рудзіцкага, суддзі Барысаўскага павета, які памёр ў 1851 годзе ва ўзросце 85 гадоў, і ягонай 22-гадовай дачкі Станіславы з Рудзіцкіх Бербашовай (1832-1854).

А як выглядаюць старыя могілкі ў вашай вёсцы?
Фота
#могілкі

Вось як бачыць беларускае барока твітарская нейрасетка Grok. Відавочна, Беларусі для яго не існуе. Па такіх запытах нейрасеткі выдаюць вінегрэт з вобразаў маскоўскага барока, грувасткага кіеўскага барока і занадта дэкараванага заходнеўкраінскага барока. Тут ужо, здаецца, без рускага ўплыву, але ўкраінскага больш, чым беларускага. Уласна нічога беларускага я не бачу на карцінках.

З готыкай увогуле без каментарыяў. Хіба што ў апошняй карцінцы ёсць нешта ад капліцы ў Закозелі.

Антырэстаўрацыя капліцы ў Завушшы Нясвіжскага раёна. Разабралі франтон і не змаглі паўтарыць страчаную тэхналогію гіпербарэйцаў продкаў, фарміруючы дэкор самой цэглай. Цяпер будуць калгасіць і ляпіць пенапластавую бутафорыю. Ёсць адчуванне, што нават з вышынёй франтона памыліліся, але, магчыма, гэта ракурс здымкі скажае прапорцыі.

Фота
#Завушша #антырэстаўрацыя #капліцы