قصيدة الى الامام الكاظم /ع/
الوزن وسيله


آه ياونت السجين شگد ثجيله
والحديد الشايله عذب دليله

ৡ✵ ৡ✵ •┈┈┈• ✵ ৡ✵ৡ

الكاظم بسرداب خلصهه حياته
بعينه ماشاف الضوه لساعة مماته
تبجي معصومه عليه ومددللاته
للمنيه ظل دمع عينه يسيله

✍️العلويه ام اياد

ৡ✵ ৡ✵ •┈┈┈• ✵ ৡ✵ৡ

تجـري ادموعــه امــام الرافضيه
بالسجن شاف شكثر موسى اذيه
تالــي سموه ابغـدر اهل الرديـــه
والنعش وسفه حماميل التشيله

✍️ سهام علي المالكي

ৡ✵ ৡ✵ •┈┈┈• ✵ ৡ✵ৡ

يعالج لوحده امامي ابوحشة الليل
قصته ولله عظيمه اتهدم الحيل
نعش موسى وسفه اتشيله حماميل
وين عنه بني هاشم خل تجيله

✍️ام علي المالكي

ৡ✵ ৡ✵ •┈┈┈• ✵ ৡ✵ৡ

من بعد ضيم السجن ذاك وعذابه
نعشه عافوه عالجسر ابن الهيابه
لاعمام الفزعت او لاله گرابه
وين ابن موسى يجي اترابه يهيله

✍️ام محمد تقي الموسوي

ৡ✵ ৡ✵ •┈┈┈• ✵ ৡ✵ৡ

اتلگته الشيعه تنوح وتدگ علراس
ياحسافه بالتمر سموه الارجاس
مات مسموم وتراده بغربه ياناس
واجت معصومه تون اعليه نحيله

✍️☘️ام فراس الساعدي ☘️

ৡ✵ ৡ✵ •┈┈┈• ✵ ৡ✵ৡ

بالمنيه ايعاتب الكاظم احبابه
وراد من عدهم يحضرون بمصابه
بالسجن خلص حياته وكل شبابه
دنيته صارت مظلمه مثل ليله

✍️العلويه ام اياد

ৡ✵ ৡ✵ •┈┈┈• ✵ ৡ✵ৡ

#تمت باقلام شاعرات رابطة خادمات سيد الشهداء"ع"
https://www.tgoop.com/ssrgk

🥺نعـي للامام الكاظم عليه السلام

🖊️🖊️🖊️

امــام الرافـضــيـه امعذبينه

بـطـامـوره ظـلمـه ساجنينه

بــگيــد الحـديــد امگيدينه

بســم بــن جـعـفـر سامينه

*سهـــــ✍ــــام المالكي*

┈┉┅━━━┉┉┈

ابسـم الحـقــد سـمـاه هارون

ويــن اهله عـنـه مايحضرون

وعـــد راسـه اولاده يگعدون

ايودعون الابو وعليه يبجون

*سهــــــ✍ــــام المالكي*

┈┉┅━━━┉┉┈

يـودعـون الابـو هـاي المسيه

وعـلـى مصابـه الدمعه جريه

يــونــون والـــــونه شجــيه

اديـاره بـقـت ظلـمه وخليـه

*مريـــ✍ـــم الحجيمي*

┈┉┅━━━┉┉┈

أتـنـوح كلـها وتنحب اليوم

حزينه لمصـابـك آ يمسموم

الكون المحنتك حيل مالوم

تصب المدامع كلها ادموم

*ام زهــــ✍ــــراء الزيداويه البصراويه*

┈┉┅━━━┉┉┈

دم الــدمـــع اعليك يجره

والـگـلــب ماينـجبر گسره

وبصـدورنا امكسره العبره

اعله مصابك تنادي الزهره

*ام زيـــــ✍ــن العابدين المحمداويه*

┈┉┅━━━┉┉┈

ماتـفــــك ياسجـــان گيده

مايگـــدر يشــمـــرها ايـده

لـمــــوت وناته شـــديــــده

روحه گضت مضهد حديده

أم محــــ✍ـــمد علي الشيباني

┈┉┅━━━┉┉┈

يحـضرونه ويعلون الونين

عمــره كضه بين الملاعين

عـــنــه وسف اهله بعيدين

يلوج ويون ويشمر الايدين

*ام عبـــ✍ــــاس السكيني*

┈┉┅━━━┉┉┈

يسجان بالله عليك هده

غريب الاهل طالت المده

ويوم النزع ياهو العده

فـاض الصبر والله وتبده

*ام محــ✍ــــمد الساري*

┈┉┅━━━┉┉┈

مســموم سمك ريته اليه

وتديرلي كــــــون المنيه

عالجسر من سوده عليه

*العلوية ام كــ✍ـــــرار الغالبي*

┈┉┅━━━┉┉┈

*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*

✍️✍️✍️✍️✍️

https://www.tgoop.com/ssrgk

فزاعيه للامام الكاظم عليه السلام

🖊️📙

ويلي عالجسر خــــــــلوا

نعش الكاظم المسمــــوم

┄┅═✧❁✧═┅┄

خلوا عالجسر  وحــــــده

ويلي ومنفطر  جبــــــده

ماحضرت هله  عنــــــده

تشيع جثـــة هاليـــــــوم

┄┅═✧❁✧═┅┄

تشيعه بدمعه سجـــــابه

وتنصب مأتمه احبــــابه

صعب الكاظم  اغيــــابه

شايل وين ياجيــــــدوم

┄┅═✧❁✧═┅┄

شال اليوم ابن جعفـــــر

ودليلي الفگده اتفطـــــر

وناره بروحي تتوجـــــر

عالمات بسجن مضلــوم

┄┅═✧❁✧═┅┄

الكاظم  مات هاللـــــيله

وخله رواحنه انحــــيله

عليه المدمع  انســـــيله

والفگده الگلب مالـــــوم

┄┅═✧❁✧═┅┄

الفگده الدمعه مجـــريه

ضلت جثتــه  مرمــــيه

وسفه ابــن الافاعــــــيه

مگيد بحـــــر العلـــــــوم

┄┅═✧❁✧═┅┄

فلوا الگيد مـــــــن ايـده

ونته ويــلي شـــــــديده

جاوين الرضا ولـــــــيده

يحضر والدمع مسجـوم

┄┅═✧❁✧═┅┄

تــــمت بقــــ✍️لم خادمات أهل البيت عليهم السلام

*الشاعره سهــــــ✍️ــــــام المالـكي*
*الشاعره مـــريــ✍️ـــــم الحجيمي*

لا أجيز حذف أسماء الشاعرات
نسالكم الدعاء لتعجيل الفرج لصاحب الزمان(( عج ))
http://www.tgoop.com/youoo25

ابوذيات للإمام موسئ ابن جعفر {عليهالسلام}

▬▬▬▬▬▬▬▬▬▬

أسـد بـغــداد انت النه... وسيله

أهل دمعي دمه الفگدك... وسيله

السجـنـك رايد اتعنه... وسيله

*((وگله اشصار ساعات المنيه ))*

*ام زهـــ✍ــــراء الزيداويه البصراويه*

▬▬▬▬▬▬▬▬▬▬

مصابـك نـحـل العضمي... وشاله

جـف دمعي وابد ماضل... وشاله

عله الـمـحد لـفه لنعشه... وشاله

*((وضل اعله الجسر نعشه رميه))*

*مريــ✍ــــم الحجيمي*

▬▬▬▬▬▬▬▬▬▬

چبده مــنمرد والسـم ... سره بــيه

ياوسفه النعش مــحد ... سره بـيه

من رب الجلاله اسمه ... سره بيـه

*((ابو الحاجات هذا ابن الزجيه))*

*أم صـــ✍️ـــــادق المنصوري*

▬▬▬▬▬▬▬▬▬▬

كـتـاب احــــزان للكاظم ... يشيعه

ابــنـــه وساعدو الوالـي ... يشيعه

رميه اعلى الجسر ياهو ... يشيعه

*((غريب وضل يون ونه خفيه))*

*الحجيه ام عـــ✍ـــلي*

▬▬▬▬▬▬▬▬▬▬

الــك رفــعـت الساده دوم ... رايه

وعـلـى فـگـدك الشيعي ... تاه رايه

اصيحن وانتو صيحو من ... ورايه

*((وسفه عليك امام الرافضيه))*

*ام منــــ✍️ــذر الحجار*

▬▬▬▬▬▬▬▬▬▬

علي ابــــن سويد يتنطر ... علامه

يــــوم الجمعه ومحضر ... اعلامه

متاني اعله الجسر تظهر ... علامه

*((وعد واطاه ابن سيد البريـه))*

*أم محــ✍ــــمد علي الشيباني*

▬▬▬▬▬▬▬▬▬▬

عـيــونـــه بشـوگ تتنطر ... ترابيـه

يگـــــول اتعطـل اعليه ... شترابيه

ولن هـــذا النعش مجبل ... ترابيه

*((امامك ياعلي سوده عليه))*

*أم محـ✍ــــمد علي الشيباني*

▬▬▬▬▬▬▬▬▬▬

يمـن جفك گضه الكلفه ...مردها

مصابك بالحزن روحي ...مردها

گلبي الغيـركم يهـوه ...مردها

*((اصلكم من محمد والزجيه))*

*ام زهــ✍ـــراءالفاطميه*

▬▬▬▬▬▬▬▬▬▬

بمصابك يموسى الروح ... هامات

الك ابـجي ودگ الـيـوم ... هامات

يصيـح عليك هالسجان ... هامات

*(( ابن جعفر امام الرافضيه))*

*سهـــــ✍ـــــام المالكي*

▬▬▬▬▬▬▬▬▬▬

*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*

✍️✍️✍️✍️✍️

https://www.tgoop.com/ssrgk

#قصيده للامام الكاظم عليه السلام
🖊🖊

معصومه اعله ابوها اليوم عازوهــا
مهضومه اعله فگده بحسره خلوها

❀❀❀❀❀❀➠❀❀❀❀❀❀

معصومه اعله ابوها ويلي حزنانه

على فراگه تـون والروح خلصــانه

تصد للدار وحشه  أوخالي امجانه

بمصاب الأبوا هالگوم فجعـــــوها

*سهـــــــــ✍ــــــام المالكي*

❀❀❀❀❀❀➠❀❀❀❀❀❀

تبجي اعله الابوا المات بسمــومه

على امصابه تون ولفگده  مالومه

گضه عمره بسجن ومنه محـرومه

ظلت بالحزن من عنده  حرمــوها

*سهــــــــــ✍ــــــام المالكي*

❀❀❀❀❀❀➠❀❀❀❀❀❀

علكاظم تون ذبو  ابزنـــــــــــــزانه

واديه ياوسافه  مگـيده  ابــــــزانه

أبنيته .  عليه. ياناس حـزنـــــــانه

على امصاب الغريب اليوم عينوها

*هديــــــ✍ــــــل المياحيه*

❀❀❀❀❀❀➠❀❀❀❀❀❀

عينوها على المسموم ومصابه

وابجوله وهلو العين سجـــابه

مات بغربته ولايمه احبــــــابه

بلكاظم يشيعه اعداه صابوها

*هديـــــــ✍ــــــــل المياحيه*

❀❀❀❀❀❀➠❀❀❀❀❀❀

للكاظم تون  والدمعه  مجــريه

ولفراگك تصيح اليوم  الابنـــيه

شايل مايرد وانه الهضم  بــــيه

معصومه ببوها اليوم هضموها

*مريــــــــ✍ـــــــم الحجيمي*

❀❀❀❀❀❀➠❀❀❀❀❀❀

مهضومه تنوح بحزن يالوالــي

مسموم الابوا وانه انشده بالي

بعد عينك تره بلضيم  ياحالي

وبفراگـك ينور  العين  اذوهـا

*مريـــــ✍ـــــــم الحجيمي*

❀❀❀❀❀❀➠❀❀❀❀❀❀

تــــمت بقــــ✍️لم خادمات أهل البيت عليهم السلام
لا أجيز حذف أسماء الشاعرات
نسالكم الدعاء لتعجيل الفرج لصاحب الزمان(( عج ))

http://www.tgoop.com/youoo25

قصيده للامام الكاظم عليه السلام

وزن عگيلي
🖊️📙

نشيع هالليله مولانه
لمصابه انعلي مبجانه
★-----------✾-❀✾------------★
انصيح بحسره يامسموم
عل المات بسجن مظلوم
ونواسي الزهره هاليوم
امصابه الكاظم اذانــــه

✍ سهام المالکـی
★-----------✾-❀✾------------★

نعشه فوك الراس نشيله
والمدمـــع من دم انســـيله
اليوم انعزي حامي ادخيله
والـــرضا انعــينه بأحــــزانه

✍أزهار جبار الجياشي
★-----------✾-❀✾------------★

واجـــب نتعـــنه مشايه
للكاظم نرفعـــهه الرايــه
فوگ الجسر ندگ الثايه
وانواسي ابنه بأشجانه

✍خادمة الزهراء// ليلى زغيب
★-----------✾-❀✾------------★

للكاظم نلــطم عالهامه
الخلصهه بالسجن ايامه
هارون ايلعنه وازلامه
وبسم الظالم فجعانه

✍ام حسين الفريداوي
★-----------✾-❀✾------------★

هالليله تنعاه احبـابه
ولعین منهم سجــابه
ويلي عالكاظم ومصابه
بطاموره سموه عدوانه

*مــــــــ✍ــــريم الحجيمي*
★-----------✾-❀✾------------★

كل شيعي نار اتوج كلبه
يصرخ عالمظلوم أبغربه
دمعاته وشكواته الربه
ايصيح ابحركه يامولانه

✍ام اسعد الشمري
★-----------✾-❀✾------------★

تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))
http://www.tgoop.com/youoo25

فزاعيه للامام الكاظم عليه السلام
بدايتها نعي

امشنه لعـــد معصومه نعازيـها
حزينه تنوح من فگدت اهاليها
على الكاظم وخلـونه نواسـيها
جبير امصابها الدمعات تجريها

المستهل 👇

خل نلطم على الهامات
وي معصومه هالليله

شايل ياواليها اليعدل الميله

┅┈●⇝╭✶╮⇜●┈┅

خل نلطم على الهامه ونعاونها
يا اخت الرضا ماينحمــل ونها
ياشيعة علي هاليوم واسنـها
ثكيله احمولها العلويه اثـگيله

اعله الوالي // انوح اوياها

┅┈●⇝╭✶╮⇜●┈┅

ثكيله احمولها بـت السلاطين
واليها انچتل بيـــــد الملاعين
وسمو جبدته ابــــن الشياهين
گاضي الحاجه والكلفات ونيله

ماجوره // النصبت ماتم

┅┈●⇝╭✶╮⇜●┈┅

ماجوره التون ودگ على الهامه
وتبجي الغربته ابــروح محتامه
موسى بالسجـن خلصهن ايامه
ضلت فاطمه ابعبـرات تنعـــــيله

واسيها // معصومه الليله

┅┈●⇝╭✶╮⇜●┈┅

مـاحضرت لبــوها ساعـة الموت
على افراگه تون والگلب مفتوت
وتجريه الدمع عالوجنـه بسكوت
مـن كثر الهظايم روحها انحـيـله

التوديعه // ماحضرت حيف

┅┈●⇝╭✶╮⇜●┈┅
تــــمت بقــــ✍️لم خادمات أهل البيت عليهم السلام
✍ام نـور الزهراء الزينبيه
✍سهام علي المـــالكـــي
نسالكم الدعاء بتعجيل فرح قائم ال محمد
https://www.tgoop.com/ssrgk

موشح للامام الكاظم عليه السلام
🖌🖌📙

هل جنازه امنين ضلت عالجسر
ويـن اهلها وين خـــل بيها تـمـر

وأ اماما واسجيناه ٠٠٠ وأ اماما واسجيناه
▬▬▬▬▬▬▬▬▬▬

خل تجـي اهله وتشيل اجنازته
اطالب ابـثار السجين وسمـتــه
موسى اتهـــد الـرواسـي قصته
وحـــــده وبطاموره گضاه العمر

وأ اماما وا سجيناه ٠٠٠ وأ اماما وا سجيناه
▬▬▬▬▬▬▬▬▬▬

گضه عمره يـاحسافه بالسجـن
والحباب اعليه كل لحضه تحن
وبدموع الشوگ تدعيـله وتون
والدليل لفـــــرگــته يلهب جمر

وأ اماما وا سجيناه ٠٠٠ وأ اماما وا سجيناه
▬▬▬▬▬▬▬▬▬▬

والدليل اعليه نــــاره مسعره
بفرگته والگلب شنهي ايصبره
مثل أسد بغـداد ماجابت مره
سمته ياحيف ويلي اهل الغدر

وأ اماما وسجيناه ٠٠٠ وأ اماما وا سجيناه
▬▬▬▬▬▬▬▬▬▬

سمته يــــــاحيف زمره الظالمه
من السناسل جفه يجزيه الدمه
الليله تنعه اعليه امــــلاك السمه
الانس والجــــان دمعـتها مطــر

وأ اماماه واسجيناه ٠٠٠ وأ اماماه وا سجيناه
▬▬▬▬▬▬▬▬▬▬

الانس والجان نصبت مــاتــمه
تنوح لمصابه ابن حامي الحمه
روح كــل شيعي عليه امهدمه
شال عنه البيه نفخـــر بالحشر

وأ اماما واسجيناه وأ اماما وا سجيناه
▬▬▬▬▬▬▬▬▬▬
تــــمت بقــــ✍️لم خادمات أهل البيت عليهم السلام

✍سهام علي المـــالكـــي
✍ام نور الزهراء الزينبيه

نسالكم الدعاء بتعجيل فرح قائم ال محمد

https://www.tgoop.com/ssrgk

حبيبي يا أبا صالح ...

  💌سأرسل شوقي نحوك.. يقبل قدميك..
يسلم على سجداتك.. ويصغي لترتيل دعواتك .. ويراااك. ويسرق من قدسك راحة ...
ثم يعود يزرعها في حنيني. فيغفو فرحا" ...
ويعود شوقي إلى مقلتي حاملا" عشقا" من عشقك ..
فأخبئه بقلبي وأنتظر تلك الصرخة التي تهز عرش السماوات واﻷرض ...

سيدي ذابت القلوب💔 .. وعميت العيون😭 ... لشوق اللقاء . يا ابن الاتقياء

#اللهمّ_عجل_لوليك_الفرج ..

#أسعد_الله_صباحكم_بنور_مهدينا☘

الشاعره سهام علي المالكي

قصيدة حزن وأشتياق للصاحب الزمان ( عجل)

• •↬❁❥【】❥❁↬• •

عجل ظهورك سيدي مو طال الغياب
گلب الموالي منــجرح والدمع  سچاب

يمته ظهورك
ننتظر نـــورك
گلب الموالي منجرح والدمع سچاب

• •↬❁❥【💔】❥❁↬• •
گلب الموالي منجرح امن الغيبه تعـبان
خلصهن ايام العـمر عــايشهن احــــزنان
يالمهدي عجل نندعي والفكـر حيــــران
خافنه يلفــيني الـــقدر وعليك ولــــهان

حاير ومتعوب
ولاغلى محبوب
گلب الموالي منجرح والدمع سچاب

• •↬❁❥【💔】❥❁↬• •
حاير يمولاي المحب ويــنك يغايب
وبلهفه ينطر جيتك او الگلب ذايب
وبعبره المدمع يصب من  الــنوايب
شاف بغيابك سيدي شگد العجايب

شافاهــا  الهموم
خلافك يجيدوم
گلب الموالي منجرح والدمع سچاب

• •↬❁❥【💔】❥❁↬• •
اخلاف مهدينه الوكت ضوگنه شوغات
ومرينه بسنين الـعسـر وشلون صعبات
لا ماكو راحه وبس تعب وايام عسرات
وبـلـهـفـه ننتظر الـفـرج يـبـن الكرامات

وتكحل العين
يالجدك حسين
گلب الموالي منجرح والدمع  سچاب

• •↬❁❥【💔】❥❁↬• •
يمته تجينه  سيدي وتفـرح الگـــــلوب
ايــــام صعبه بغيبتك عشنـه  يمهيــوب
مثل الشمع گلب المحب لفراگك ايذوب
ويندبك بدمع الحزن لو صــار  الـغروب

طالت سنينك
يالمهدي وينك
گلب الموالي منجرح والدمع سجاب

• •↬❁❥【💔】❥❁↬• •
طالت سنينك والفجـــر طول صباحه
يالمهدي خلصنه العمـر مابيه راحــــه
وكل يوم مولاي الزمن ايهيج جراحه
وبغيبتك يبن الحسن سهمي المناحه

وينك يضرغام
صعبه هالايـام

گلب الموالي منجرح والدمع سجاب

• •↬❁❥【💔】❥❁↬• •
تــــمت بقــــ✍️لم خادمات أهل البيت عليهم السلام
*✍️الشاعره ام علي الحلفي*
*✍️الشاعره سهــــام المالـكي*
لا أجيز حذف أسماء الشاعرات
نسالكم الدعاء لتعجيل الفرج لصاحب الزمان(( عج ))
https://www.tgoop.com/ssrgk

مولد قمر العشيره ابا الفضل العباس (ع)

🖊️📙

عباس احله من الگمر

ياهلا ٠٠ ياهلا

بمولده الكون ابتشــر

ياهلا ٠٠ ياهلا

🦋ــــــــــــــ🦋ـــــــــــــــ🦋

انولد عباس سبع الگنطـــره

ياحلات اسمه وكله مفخـره

يشبه الكرار والله حيـــدره

والده بجيته فرحان أفتخر

🦋ــــــــــــــ🦋ـــــــــــــــ🦋

شاله عوده وقبله بجفـــوفه

كله غيره ومرجله ايشـــوفه

ونزلت املاك السمه اطــوفه

بجيته هالليله الكون ازدهر

🦋ــــــــــــــ🦋ـــــــــــــــ🦋

ابشهر شعبان هالدنيا ازهــرت

بمولد العباس كلـها استبشـرت

بجيته الاكوان كلـها تعطـــرت

فاح عطره عل الدنيا وانتشــر

🦋ــــــــــــــ🦋ـــــــــــــــ🦋

فاح عطره الگمر اعلـــــــــــــينه

مولد العباس كلنه جـــــــــــــينه

ونطش ورد والياس ويه الـزينه

ونهني ام عباس بهاذه الشهـــــر

🦋ــــــــــــــ🦋ـــــــــــــــ🦋

فرحانه بي ام البنين اللــــــيله

مبتشره بيه وضلت اتلولـــــيله

عالمهد ضوه الگمر قنــــــديله

وشعشعت انواره هالليله الگمر

🦋ــــــــــــــ🦋ـــــــــــــــ🦋

تــــمت بقــــ✍️لم خادمات أهل البيت عليهم السلام

*الشاعره سهــــــ✍️ــــــام المالـكي*
*الشاعره مـــريــ✍️ـــــم الحجيمي*

لا أجيز حذف أسماء الشاعرات
نسالكم الدعاء لتعجيل الفرج لصاحب الزمان(( عج ))
https://www.tgoop.com/ssrgk

اللهم عجل لوليك الفرج...🤲🏻
قصيده للامام الحجه المنتظر عجل


يالغبت عن النواظر طولت ساعة ظهورك
ننتظر يالمهدي وينك ننتظر يلفينه نورك
................✾✾................
...............✾✾................
الغيبه طالت يابو صالح والعجب ثارات عندك
يمته تكـصد للـبريه ويكمـل بساعتــها وعـدك
طالت اهواي الاعادي ونته. غايب لسه بعدك

الدنيه ممليه مظالم يابو صالح هسه دورك
يالغبت عن النواظر طولت ساعت ظهورك

. ✍الشاعره مريم العبوديه اسيرة الاحزان 💔
................✾✾................
...............✾✾................
طَوَل علينه ظهورك واحنه يا سيدي ظعنه
وإنتَ بس إنتَ الوسيله البيهه يتغير وظعنه
أجروحنه التندب تريدك إدركنه يا مولاي صحنه

الدنيا صارت بحر لُجِي احظر وخل يضوي نورك
يالغبت عن النواظر طولت ساعة ظهورك

. ✍الشاعره أزهار جبار الجياشي
................✾✾................
...............✾✾................
طالت الغيبه علينه وكثر مولانه الظلم
بلا ذنب مهدور دمنه وعشنه بالام وهظم
يمته تظهر ياولينه ابجيتك انشد العزم

وبدرك اينور سمانه ونعتني ابلهفة ونزورك
يالغبت عن النواظر طولت ساعة ظهورك

. ✍الشاعره ام زهراء الزيداويه البصراويه
................✾✾................
...............✾✾................
ابعدت عنـه يغايب أبحـسره. خليـت الگلوب
كثرت اعلينه النوايب ورواحنه بالهم تذوب
يمته يامولاي تظهر تنجي كل هاي الشعوب

والله ملينه الضلم نرتاح انريد بحضورك
يالغبت عن النواظر طولت ساعة ظهورك

✍خادمة السيده رقيه ع الشاعره سهام المالكي
................✾✾................
...............✾✾................
يمته تظهر يابو صالح كلي يمته الظهور
كلوب هالشيعه حزينه تنتظر يطلع النور
عليك ضلع امك الزهره سيدي وذيج نحور

الفرج يمته يمهدي عدت اسنين وشهورك
يالغبت عن النواظر طولت ساعة ظهورك

✍الشاعره مريم الحجيمي
................✾✾................
...............✾✾................
طولت يلمهدي تدري غيبتك صارت بطيه
عليك ضلع امك يغالي نندب احنه بكل
عشيه
طالت اسنينك ييوسف عشنه باهات ورزيه
ندري بجروحك مآسي ونعرف احنه هم شعورك

يلغبت عن النواظر طولت ساعة ظهورك

.✍الشاعره خادمة الزهراء ليلى زغيب
................✾✾................
...............✾✾................
تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))

https://www.tgoop.com/ssrgk

قصيده للامام الحجه المنتظر ( عج)

وزن شبكها

بالدعاء نـرفع ادينه

يعجل الباري لولينه

•───✧◐◐✧───•
ندعي الله بهلمسيه

بجاه حماي الحمـيه

وامه الزهره الزجيه

ايعجل الطلعه علينه
•───✧◐◐✧───•
علينه ايعجل ظهوره

اينـور الدنيا أبنــوره

نريد انعيش بحضوره

من جور العده يحمينه
•───✧◐◐✧───•
يحمينه الغايب نريده

وياخذ الثارات بيـده

وثار الگطعوا وريده

وعمه حماي الضعينه
•───✧◐◐✧───•

ماضل ياربــي صبر

عجل ابهذا الأمـــــر

بلوعه گاضين العمر

يمته الغايب يجينه

•───✧◐◐✧───•
انصيح ياأبن الوديعـه

بينه ضاگت هالوسيعه

انهض او احيي الشريعـه

ابـــجـاه الهادي نبينه
•───✧◐◐✧───•
تــــمت بعون الله تعالى
بقــــ✍🏻لم خـادمة السيده رقيه عليها السلام
الشـــاعره سهام المـــالكــي
لاأجيز حذف الأسم
https://www.tgoop.com/ssrgk

مقطوعه إشتياق لمنقذنا وحبيبنا المُنتظر
أقول ياحبيبي ياصاحب الزمان(عج)💔

-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-

شعلنة ارواحنه مو بس الشموع

ونناطر جيتك جمعه اعله جمعه

-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-

ومو چكليت الك طشيت السنين

اعله حبك مستعد كل عمري اوزعه

-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-

فرحنالك نعم بس فرح منقوص

لانك لا زلت بالعين دمعه

-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-

كون النحتفل بي يمنه موجود

وابو الميلاد كون بوسط ربعه

-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-

يايوسف الزهره و منية الروح

يمتى الأمل بأحبابك تزرعه

-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-

وماردنه قميصك أنت بالروح

نريد نشوف مهدينا ونسمعه💔

-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-

جهاد البصيراوي

امنيتي رقيه اليوم كون بحضرتچ
وقــرا الزياره هناك وشتم تربتچ

✍️💔 سهام علي المالكي

❀🩷❀﹍﹎﹍﹍﹍❥✿||🌷🕊

*‏🩷🕊️السّلام عليكِ يَا نَقَاء الْنَدّى وصَفَاء الْكَوّثَر.*
🌷•°…

*✨زيارة السيدة رقية بنت الامام الحسين (عليهما السلام)✨*

*السلام عليكِ ياسيدتنا رقية عليكِ التحية والسلام ورحمة الله وبركاته*
*السلام عليكِ يابنت رسول الله*
*السلام عليكِ يابنت امير* *المؤمنين علي بن ابي طالب*
*السلام عليكِ يابنت فاطمة* *الزهراء سيدة نساء العالمين*
*السلام عليكِ يابنت خديجة* *الكبرى ام المؤمنين والمؤمنات السلام عليكِ يابنت ولي الله*
*السلام عليكِ ياأخت ولي الله السلام عليكِ يابنت الحسين الشهيد*
*السلام عليكِ إيتها الرضية المرضية السلام عليكِ ايتها التقية النقية السلام عليكِ إيتها الزكية الفاضله السلام عليكِ ايتها المظلومه البهية*
*صلى الله عليكِ وعلى روحك* *وبدنكِ فجعل الله منزلكِ ومأواكِ في الجنة مع آبائك وأجدادك الطيبين الطاهرين المعصومين*
*عليكم بما صبرتم فنعم عقبى الدار وعلى الملائكةالحافين حول حرمك الشريف ورحمة الله وبركاتة*
*وصلى الله على سيدنا محمد واله الطيبين الطاهرين*
*وسلم تسليماً برحمتك ياارحم الراحمين🤲🏻*

*🩷🌸متباركيــטּ*

*🕊️نسألكم الدعاء🕊️*