tgoop.com/stopluka/6462
Last Update:
Беларускі цэнтар нацыянальнай памяці накіраваў лісты ў вайсковыя часткі і Офіс прэзыдэнта Украіны з просьбай аб прысваеньні пасьмяротна званьня «Герой Украіны» з уручэньнем ордэна «Залатая Зорка» двум беларускім добраахвотнікам — Эдуарду Лобаву і Дзьмітрыю Рубашэўскаму.
Пра гэта паведаміў кіраўнік зарэгістраванага ў Львове фонду «Вільна Білорусь» Аляксей Францкевіч.
Дзьмітры Рубашэўскі загінуў 12 красавіка 2022 году. У траўні 2023-га Зяленскі пасьмяротна ўзнагародзіў яго ордэнам «За мужнасьць» III‑й ступені.
Эдуард Лобаў загінуў 26 студзеня 2023 году пад Вуглядарам. У верасьні ўказам Зяленскага ён і яшчэ адзін загінулы беларус Даніл Ляшук таксама былі ўганараваныя ордэнам «За мужнасьць» III‑й ступені.
Зяленскі ўзнагародзіў ордэнам Мужнасьці двух беларускіх добраахвотнікаў, якія загінулі ва Ўкраіне
Пасьля пачатку поўнамаштабнай вайны ва Ўкраіне загінулі больш за тры дзясяткі беларускіх добраахвотнікаў.
Першым беларусам, які ў 2017 годзе атрымаў званьне Героя Ўкраіны, стаў Міхась Жызьнеўскі, які адным зь першых загінуў у 2014 годзе ў Кіеве ў часе масавых акцыяў пратэсту.
У красавіку 2022 году званьне Героя Ўкраіны пасьмяротна прысвоілі беларускаму добраахвотніку Аляксею Скоблю, які загінуў 13 сакавіка 2022 году, прыкрываючы адыход сваіх байцоў пад Кіевам. Яго пахавалі ў Кіеве.
BY STOP LUKA
Share with your friend now:
tgoop.com/stopluka/6462