#رواية_موعد_لقى_مبني_على_نية_فراق
بارت٤٧
'
'
الـعصـرية على ٤:٣٠ ، عِـنـد عروستنا الجميلة
ابـتسمت برضـا وهي تشوف شكلها بعد المكياج
لـمـى دخلت: هاه سارونه خلصتِ؟
سـارة: ايه تعالي
ودخلت شافتها: ماشاءالله تبارك الله وش هالحلاوة هذي يابنت!
سـارة ابتسمت: مررة يجنن حتى أنا عاجبني صراحة ماتوقعت
لـمـى: مرررة يجنن تبارك الله تكفيننن تحصني
سـارة: ان شاءالله انا خلصت خلاص انتِ كيف؟
لـمـى: خلاص انا بعد
سـارة: مين بياخذنا؟
لـمـى: مدري مو على أساس اخوك؟
سـارة: راح ياخذ فستاني بيطول كذا
لـمـى: خلاص أكلم متعب يجي ياخذنا ريلاكس
وابتسمت ولفت تتصل عليه
_
في بيت أهل سـلـطـان
كان يتجهز وينادي امه..
دخلت وشافته : انت بقي ما خلصت ياويلك
سـلـطـان: يمه خلصت بس شوفي هذه اللي بلبسها ولا لخبطت
أم سـلـطـان: لا صح هي اصلًا لـمـى مطرفتها لك يلا اخلص بقي بتتصورون قبل ما يجون المعازيم
سـلـطـان : طيب طيب انتِ بتجين معي؟
ام سـلـطـان: ايوه يلا انتظرك تحت
سـلـطـان: تمام خمس دقايق واجيك
وطلعت وهو صار يعدل شكله ويلبس الكبك
_
عند البـنات
لـمـى: يلا سارة وصل متعب؟
سـارة: الله بالسرعة ذي
لـمـى ضحكت: أنا حاطة بدائل ياروحي عشان كذا قلت لا تشيلي هم
سـارة: ياحظي والله
لـمـى ابتسمت: يلا امشي
ولبسوا وطلعوا للسيارة~
أخذهم للقـاعة ودخلـو قسم العروسة
فـهـد جاب الفستان وحاطة بالغرفة~
لـمـى: سـارة أنا بلبس واجيك طيب
سـارة: تمام ياعمري
وطلعت وقفلت الباب، سارة أخذت جوالها واتصلت على امها..
سـارة: هلا يمه وينكم؟
عـلـيـاء: نصلي المغرب ونطلع ياروحي
سـارة: وي يمه ليهه تعالوا الحين
عـلـيـاء: أفضل عشان تصورون براحتكم وفهد عندك ترا قال بيتجهز ويشوفك اول واحد
سـارة: تمام ياعمري
عـلـيـاء: يلا ياروحي حصني نفسك
سـارة: ابشري من عيوني
وقفلت واتصلت على فـهـد
سـارة: فهود حبيبي
فـهـد: هلا قلبي وينك؟
سـارة: وصلت بالقاعة انت وينك؟
فـهـد: بقسم الرجال البس واجيك
سـارة: تمام لو جيت اتصل عشان معايا لـمـى
فـهـد: تمام عيوني
سـارة: يلا اخليك تتجهز يا اخو العروسة
فـهـد ضحك: تمام يا أجمل عروسة
وقفل وكمل يتجهز وهي قامت تعدل فستانها عشان تلبس
_
#اعادة_توجية_للفائدة
https://www.tgoop.com/+QFHXLxcEWaet_3BD

#رواية_موعد_لقى_مبني_على_نية_فراق

‏بارت٤٨
'
'
بـعـد مرور الوقت دخل فـهـد وهي واقفة قدام المرايا ابتسم وهو يشوف قفاها: واضح انك تغيرتِ
سـارة لفت : والله صدق!
فـهـد ضحك: ماشاءالله تبارك الله وش هالجمال يابنت خذيتي عقلي كيف الرجال!
سـارة ضحكت ومسكت ايده واختفت ابتسامتها: خايفة
فـهـد: ليه تخافين ياروحي؟
سـارة: مدري فيني شعور غريب
فـهـد: لا تخافين وأي شيء بيصير أنا معك لا تخافي ياقمري
سـارة ابتسمت باطمئنان
وشوي دق الباب ..
سـارة: لـمـى فـهـد هنا
لـمـى: طيب ترا المصورة وصلت لو بيتصور معك يروح ويرجع عشان بيجي سـلـطـان أول
سـارة: تمام عيوني
فـهـد: يلا خل سـلـطـان يجي بشوف وجهه وهو يشوفك
ضحكت سـارة: طيب
دخـل سـلـطـان وهو يناظر فيهم وأول ما شاف فـهـد ابتسم .. ولف نظره على سـارة كانت منزلة راسها~
فـهـد: ارفعي راسك يابنت حمد
ابتسمت وهي ترفع راسها وسلطان ناظرها وابتسم وهمس : ماشاءالله تبارك الله
فـهـد: الحين انا مثل حبة الهيل في الرز
ضحكوا كلهم عليه وناظرهم : بطلع ولو تبوني اتصور نادوني
وطلع وقفل البـاب سـلـطـان كـان يتأملها وهي استحت سـلـطـان: أنا ماقد شفت أحد بالجمال هذا
سـارة رفعت حاجب : ليه قد شفت؟
سـلـطـان: لا طبعًا ما ابي عيوني تشوف غيرك
سـارة صغرت عيونها وهي مبتسمة: أنت بياع كلام ترا
سـلـطـان ضحك: افااا عروس تقول كذا ما يصلح!
سـارة: يلا نبغا نتصور قبل يجون الناس
سـلـطـان: ابشرري
لـمـى دخلت: ياحلوو العرسان يناس
سـلـطـان: ياحلوك انتِ والله وش الحركات ذي تبارك الله
لـمـى ابتسمت: حبيبي أنت
سـلـطـان: يلا عروستي تبغا تتصور
لـمـى: يلا اصلًا المصورة جاهزة بتصوركم فديو الزفة وانتو تحت أول بعدين بتصوركم هنا واللي يبغا يتصور معاكم
سـارة: طيب شوفي لـمـى شكلي مرتب؟
لـمـى ارسلت لها بوسة: ايه بسم الله عليك قمر والله خلك مستعدة -لفت على سلطان- ساعدها لو سمحت الفستان ثقيل
سـلـطـان: ابشري
وصاروا يمشون عبال تشتغل الزفة
_
#اعادة_توجية_للفائدة
https://www.tgoop.com/+QFHXLxcEWaet_3BD

#رواية_موعد_لقى_مبني_على_نية_فراق
بارت٤٩
'
'
وصاروا يمشون عبال تشتغل الزفة
ابتسمت وهي تشوفه كل شوي يمسك فستانها من جهة : خلاص خلك ضبط شكلك وأوقف
سـلـطـان: لازم نهتم فيك ولا لـمـى بتذبحني
سـارة: الله يعني الاهتمام عشان لـمـى!
سـلـطـان: لا عشان سـارة
ومد ايده ومسك ايدها واشرت لهم ينزلون
وبدأت الزفة والمصورة تصورهم~
لحد وصلو الكوشة
المصورة: مررة حلو الآن نبغا نصوركم صور لحال عالكوشة وبعدها نطاع نكمل فوق
سـارة ابتسمت : تمام
وجلست وصارت تصورهم
سـلـطـان بملل: خلاص؟
المصورة ضحكت : شفيك طفشت
سـلـطـان: لا بس خل نطلع فوق أفضل
سـارة: سـلـطـان اصبر نتصور صور حلوة بعدين
سـلـطـان: طيب يلا
وبعد ما خلصوا طلعوا للغرفة~
لـمـى: يلا تصوروا وشوي بيجي فهد يتصور معكم وعبال الاهل يوصلون
المصورة ناظرتهم: كلهم بيتصورون معاهم؟
سـارة: لا موب شرط يكفي فـهـد
ابتسمت المصورة: فـهـد اخوك؟
سـارة ابتسمت لها وتكلمت وعيونها مليانة حب: أخوي وصديقي وحبيبي
سـلـطـان: الله عندك حبيب؟
سـارة ضحكت: ايه فهود
سـلـطـان ابتسم وهو مصغر عيونها وحاوط خصرها: قولي والله
سـارة ابتسمت بخجل : ايه ليه تغار؟
المصورة استغلت شكلهم وصارت تصورهم
سـلـطـان قرب منها: لا ما أغار من فـهـد بس خلاص صرتِ ملكي!
سـارة: والله؟
سـلـطـان ابتسم وهمس في اذنها: وبلا استئذان في قلبي دخلتِ
سـارة ابتسمت: بكمله لك بعدين يلا خل نتصور
فـهـد تنحنح عند الباب: هاه ندخل؟
سـارة بعدت عن سـلـطـان: ايه تعال
فـهـد ابتسم ووقف جنبها : لو سمحتِ اهم شيء صورة لي أنا و حبيبتي
سـلـطـان ناظرهم: الله يا فـهـد خلاص عاد!
فـهـد ضحك: تحمّل عاد حبيبة القلب قبل لا تكون حبيبتك
سـلـطـان ضحك والمصورة صورت فـهـد وسارة لحالهم بعدين صورتهم كلهم مع بعض
فـهـد: اسمعي ابغا الصورك تبعي أنا وسارة نسختين نسخة لي ونسخة لها تمام؟
المصورة: طيب لازم تدفع لي حق الصورة
فـهـد: عادي مو مشكلة عطيني حسابكم احولكم
سـارة مسكت ايده: هوو خلاص أنا بدفع ياروحي زيدي على الدفعة الثانية حق الصورة وبحولها لك مع بعض
فـهـد ابتسم .. وسلطان كان يناظرهم وهو مبتسم
بعد مرور الوقت طلعت المصورة ووصلوا اهاليهم
سـلـطـان: قلبي أنا بنزل للرجال وبعدين اجيك
سـارة: تمام عيوني
سـلـطـان ابتسم وطلع وهي كانت جالسة ومسكتها جنبها..
لـمـى كانت عند الباب صادفت سـلـطـان وهو طالع..
_
#اعادة_توجية_للفائدة
https://www.tgoop.com/+QFHXLxcEWaet_3BD

#رواية_موعد_لقى_مبني_على_نية_فراق
بارت٥٠
'
'
-مـا اسامح اللي يقرون بدون لايك🤍-
'
لـمـى كانت عند الباب صادفت سـلـطـان وهو طالع
لـمـى: وين رايح؟
سـلـطـان: بدري مرة بنزل عند الرجال وبعدين قرب الزفة اجي
لـمـى: طيب يلا
سـلـطـان: انتبهي هاه
لـمـى: طيب
_
عـند سـارة دخلت امها وشافتها
ابتسمت عـلـيـاء: يارروحي بنتي الجميلة تبارك الرحمن
سـارة: هلا يمة وين البنات ماجو عندي
عـلـيـاء: عشان زوجك كان عندك ياروحي بسم الله عليك وش الجمال هذا
سـارة ابتسمت: جمالك ياعمري انتِ وش الزين ذا كله
عـلـيـاء : الله يسعدك ياروحي وجعلها زواجة الدهر يارب
سـارة: آمين غريبة بابا ما جاء؟
عـلـيـاء: قال بيطلع اكيد انشغل مع الرجال
سـارة: كيف الحريم تحت كثير؟
عـلـيـاء: ايه ماشاءالله وبقي قاعدين يجون
سـارة: ماشاءالله طيب خلي البنات يجون بشوفها
عـلـيـاء: طيب ياروحي اشوفهم لك
سـارة: ماما صحباتي جو؟
عـلـيـاء: بقي أعتقد ماشفت أحد لو شفتهم بخليهم يجون كمان
سـارة: تمام
وطلعت تنادي اخواتها وتدور صحباتها
_
شوي دخل ابوها ومعه فهد..
حـمـد: السلام عليكم
وقفت سـارة: وعليكم السلام يا هلاا
حـمـد ابتسم وهو يشوفها ومد ايده ومسك يداتها : بسم الله تبارك الرحمن يا زين بنتي ماشاءالله
سـارة : ياعمري يبه
حـمَـد: الله يسعدك ياقلب بابا الف مبااارك لك
سـارة: الله يبارك بعمرك يالغالي
فـهـد ابتسم وهو بعد كان حزين وسعيد بنفس الوقت: مبروك يا ياروح الروح الله يسعدك ويتمم لك ويسخرلك سلطان
سـارة: الله يبارك بعمرك ياروحي وعقبالك ان شاءالله
حـمـد ابتسم: على يدك ان شاءالله
دخلت عـلـيـاء ومعاها البنات: ماشاءالله انتم جيتو
حـمـد: اكيددد ما نفوت هاللحظة
زهـراء شافت سـارة وابتسمت: ياروحييي شكلك يجنن ماشاءالله
ابتهال: مبروك ياعمري الله يتمم ليلتكم على خير
سـارة ابتسمت: آمين ياربّ
_
#اعادة_توجية_للفائدة
https://www.tgoop.com/+QFHXLxcEWaet_3BD

#رواية_موعد_لقى_مبني_على_نية_فراق
بارت٥١
'
- ما أسـامح اللي يقرون بدون لايك🤍-
'
'
كـنـت بين أهـلي ولمتهم اللي ما أحـب إني أفقدهاا
حنيـة زهـراء رُغم انها ما تبين هالشيء، وتحب تكون قاسية دايم .. رقـة ابتـهـال.. لُطف بابا وحبه
ماما وحنيتها وحبها لنا ،، فـهـد اللي دايم السّند لي.. لـو كنت عارفة اللي ينتظرني كنت مستحيل أفارقهم ومستحيل أبعد عنهم.. مـا توقعت انه كل اللي قـاعدة أعيشه مبـني على كذبة! سـلـطـان كان حنون وجدًا رقيق معي ما توقعت راح يطلع هالشيء من وراه.. كنت طـايره يوم زواجي ..
ما كـنـت عارفة اني راح أنـدم عاليوم اللي قابلته فيه..
_
نـرجع ليوم الزواج ..
ابـتسـمت عليهم وتصوروا مع بعض وطلعوا كلهم بقي فـهـد بس اللي كـان أكثر واحد متمسك فيها
مايبغا يتركها أو بالأصح كأنه حاسس باللي يصير
ابتسم وهو ماسك يداتها : سـارونتي!
سـارة: قلبي وروحي شفيك؟
فـهـد: تأكدي انه مهما صار أنا دايم ظهرك وسندك بس باتصال واحد بتلقيني عندك سامعة؟
سـارة: الله لا يحرمني منك يا عزوتي
فـهـد ابتسم بحنيّة: يلا بروح لأبوي
سـارة: الله يحفظك
وطلع وقفل الـبـاب
دخـلت لمى وشافتها ابتسمت : سـارة مستعدة
سـارة: الزفة الحين؟
لـمـى: ساعة ان شاءالله وتنزفوا
سـارة ابتسمت: نقول ان شاءالله
لـمـى: شفيك احسك حزينة؟
سـارة : مافيني شيء بس توه طلع فـهـد وتعرفين لحظات الوداع مؤلمة
لـمـى ابتسمت بحنيه: افااا ليه وين أنتِ رايحة ترانا أهـل
سـارة : فـهـد غير يا لـمـى حسيته قلقان وكم مرة سأل لو أنا متأكدة أو لا
ابتسمت لـمـى وهي تضيع الموضوع: طيب خليني اشوف صحباتي بيجون عندك
سـارة: طيب
وطلعت راحت لعلياء وقالت لها تخلي صحبات سارة يطلعون لها وكان فيه فـاتن وندى ومعاهم وحدة ثالثـة، طلعوا ودخلوا عطول صرخوا : احنااا جيناااا ياعروسسس
سـارة ضحكت : ياهلااا ما بغينا شفيكم ما جيتو
نـدى: جالسين تحت ياروحي
فـاتـن: شوفففي مين جاء
سـارة صرخت: رغووود!
رغـد ابتسمت وحضنتها: مبروووك ياروحي الله يتمم لك على خير
سـارة: الله يبارك ياعمري -وغمزت لها- عقبالك ياقميللل
نـدى: يلا يلا بسرعة تصوير لـمـى قالت نص ساعة وبيطلع زوجك
سـارة ابتسمت : طيب يلا شوفوا الأساور هناك عالطاولة البسوها
نـدى: طيب يلا
وأخذتها وصارت تعطي كل وحدة اسورتها
وسـارة تناظرهم وهي مبتسمة..
_
#اعادة_توجية_للفائدة
https://www.tgoop.com/+QFHXLxcEWaet_3BD

بارت٥٢
'
'
وأخذتها وصارت تعطي كل وحدة اسورتها
وسـارة تناظرهم وهي مبتسمة..
وبعـدها جلسوا يتصورون..
لـمـى دخلت: بنات يلا سـلـطـان جاي
نـدى: يلا أجل ننزل ننتظرك تحت ياروحي
سـارة: تمام حبايبي
وطـلعوا وقفلوا الباب
لـمـى: جاهزة سـارة!
سـارة: أيوه قلبي بس اديني الروج الأحمر بغير روجي
لـمـى: طيب خذي
وعدلته وكانت واقفة قدام المرايا تشوف شكلها
سـلـطـان دخل تنحنح وهو يقول السلام..
لـمـى: هلا بالعريس وعليكم السلام ورحمة الله وبركاته
سـلـطـان ابتسم وهو يشوف سـارة مغيرة روجها والأحمر عليها ياخذ القلب
لـمـى ؛ أنا بنزل عاد لو اشتغلت الزفة امشو ونفس البروفا
سـلـطـان مشى لها ومد ايده مدت ايدها له ابتسم وهو يبوسها: مبروك ياقلب قلبي أنتِ
سـارة: الله يبارك بعمرك حبيبي
سـلـطـان: أظن اني اليوم أسعد إنسان بالعالم
سـارة ابتسمت: لهذي الدرجة؟
سـلـطـان: وأكثر مما تتصورين
سـارة: يلا تعال ياويلك تسوي حركات قدام الناس
سـلـطـان ضحك: حركات زي وش مثلًا
سـارة ضحكت بخفيف: انك قاعد تضحكني لانه دايم بموت وأعرف وش يقول العريس للعروسة في الزفة فمابغا يموتون الناس
سـلـطـان فطس ضحك بصدمة من تفكير سـارة: شدعوة سـارة ماتوقعت خفة الدم هذي منك توقعتك أعقل بكثير
سـارة ابتسمت وهي كاتمة ضحكتها لانه زفتهم اشتغلت : ليه عبالك اقرأ كتب يعني دمي نفط
سـلـطـان ضحك وهو يمشي وسـارة كانت مبتسمة
سـارة: خلاص لا تطيح هيبتك بالعادة العروس هي اللي تضحك خلك رزة
سـلـطـان: طيب خلاص اسكتي أنتِ
سـارة: والله لا تسكتني ترا أجري واخليك
سـلـطـان: لا والله ما تقدرين مع الفستان هذا
سـارة: خلاص ترا زفة الحين ينتظرون نستحي وكذا
سـلـطـان ابتسم على جنب وعدل بشته وهو يناظر بالحضور ، وكملوا مشي لحد الكوشة..
وبعدها اشتغلت أغنية لام العريس وطلعت ام سلطان وخواته يباركون لهم ورقصوا معهم، وبعده طلعوا خوات سـارة وصحباتها ..
بعد سـلـطـان عن سـارة عشان يسلمون عليها
وجات لمى وعطته مويا ووقفت جنبه، كان يشرب وشوي شرق بالمويا ناظرته لـمـى: سـلـطـان شفيك؟
سـلـطـان نزل المويا وهو يكح: غـديـر!

#اعادة_توجية_للفائدة
https://www.tgoop.com/+QFHXLxcEWaet_3BD

#رواية_موعد_لقى_مبني_على_نية_فراق
‏rwaiah91__ ‏بارت٥٣
'
'
لـمـى: غـديـر وش عندها هنا؟
سـلـطـان: شوفيها جاية تسلم على سـارة رجعيها وانا بخلي سـارة تعجل ونطلع بسرعة
لـمـى تنرفزت ومشت بتجاه غـديـر..
سـارة كانت تضحك وتسولف مع خواتها وشوي نزلوا وصحباتها بعد نزلوا كانوا بطاولة قريب منها يشوفونها~
سـلـطـان: سـارة
سـارة ابتسمت: هلا عمري
سـلـطـان: يلا نمشي
سـارة: يوه سـلـطـان شوي!
سـلـطـان: سـارة ما يمدي لازم نمشي اصلًا طيارتنا الساعة ٤
سـارة: صدق!
سـلـطـان: ايه
سـارة : طيب يلا
سـلـطـان اشر لامه وكلمتهم انهم بيطلعون وصاروا يغنون لحد ما طلعوا هو وسارة~
_
عـِند لـمـى مسكت ايدها وهي ترجعها على وراء
غـديـر: ايي يدي شفيك!
لـمـى كانت شـادة على أسنانها: أمشي وأنتِ ساكتة
غـديـر: شفيك انتِ تستهبلين
لـمـى: أنا أخت سـلـطـان بسرعة قدامي
غـديـر مشت وهي متنرفزة .. لحد الممر
لـمـى: وش جايبك هنا؟
غـديـر: مافي شيء جاية أحضر زواج زوجي عندك مانع لا سمح الله
لـمـى ناظرتها باستحقار: لا والله زوجي اكيد عندي مانع حبيبتي مكانك مو هنا ارجعي بيتك واحترمي نفسك
غـديـر: ليه خايفة تنفضحون للدرجة ذي؟
لـمـى ضحكت: حبيبتي ماحد بينفضح غيرك ولا أشكالك أحد يسمعهم؟
غـديـر: أكيد بيسمعوني شكلك تنسين من بنته
لـمـى: زمان كان لك قدر لما ابوك كان عايش بس يوم مات حتى قدرك مات معاه وبسبب حركاتك ما صرتِ تسوين شيء ومدري كيف خدعتي سـلـطـان ولعبتِ بعقله بس ماعليك هو عرف غلطه والحمدلله لقي بنت الحلال اللي تليق فيه وبأهله
غـديـر ناظرته بحدّه وتكلمت: لـمـى..
ما كملت وقاطعتها لـمـى: لا تخليني ازعلك اكثر تفضلي ارجعي بيتك وكرامتك محفوظة ماحنا ناقصين
ومشت لـمـى للقاعة وهي طلعت أخذت عبايتها وطلعت وعيونها مليانة دموع وكانت ترجف~
كـان واقف عند الباب مـتـعـب و فـهـد جالس بالسيارة ينتظرهم~
فـهـد نزل الشباك: أسمع أنا رايح عند البوابة عشان سارة وفستانها
مـتعـب: تمام تمام
ومشـى فـهـد ومتعب راح بيرجع الا غـديـر طالعة وكانت ترجف وبدون ما تنتبه ضربت بصـدره~
متعب مسكها: بسم الله عليك شوي شوي
غـديـر رفعت نظرها له وعرفته..
بنفس اللحظة وصل سواقها ويوم شافه متعب عرف إنها غدير، نزل السواق فتح لها الباب وطلعت السيارة بدون ما تتكلم وهو مشى وهو مستغرب من وجودها اليوم..
_
#اعادة_توجية_للفائدة
https://www.tgoop.com/+QFHXLxcEWaet_3BD

#رواية_موعد_لقى_مبني_على_نية_فراق
بارت٥٤
'
'
عادي أبكي وأصرخ بس أنا عـارفة ماحد راح يسمعني، لأن ببسـاطة ماعندي أحد!
صحباتي! -ضحكت- ودموعها تنزل وشعور الخيبة يزداد مع نبضات قلبها .. صحبات المصلحة!
كانت تنـاظر بالطريق ودموعها تنزل! مـاهي عارفة هي تبكي قهر ولا غيرة ولا كُـره ..
_
من الجهة الثـانـية طـلعوا من القاعة بعد ما ودعت امها واخواتها وبدلت الفستـان، كانت الساعة ٢
وطلعت وفيها بكـية ماسكتها.. شافت بوجها فهد
كان واقف ويأشر لهم يلا يطلعون للسيارة وحست كأنه فاتح احضانه لها رمـت نفسها بحضنه وشهقت بكـاء بقق عيونه فـهـد بصدّمة وهو يناظر في سـلـطـان!..
فـهـد: سوسو حبي شفيك بابا؟
سـارة استوعبت ورفعت راسها وناظرته : لا ولاشيء
فـهـد: شفيك يا روحي؟
سـلـطـان ابتسم وهو يسحبها من حضن فـهـد لحضنه: مشاعر اللحظة بس يلا نمشي
فـهـد ابتسم وطلع وهم طلعوا وراء..
سـلـطـان: ودينا الفندق أول
فـهـد: مو المطار؟
سـلـطـان: لا بناخذ أغراض من المطار -مسك يد سـارة- وبنتجهز عشان نكون مرتبين
فـهـد ابتسم : تمام
سـارة ابتسمت من بين بكاءها وشدت على يده..
_
في الـقـاعة كلهم طلعوا..
بقي لـمـى وطلعت مع متعب
متعب: هلاا بأم العريس
لـمـى: والله بمووووت تعب متخيّل ما دخل بطني أكل من العصر بس تقهويت مع سارة ومن بعدها ماقعدت يمهه بموت
متعب: ياروحححي أنتِ الحين ينزل أحلى أكل وأحلى قهوة
لـمـى: يافديتتتك الله لا يحرمني منك
متعب حرك وراح للمطعم : تبين ناكل هنا ولا بالبيت؟
لـمـى: لا حبيبي البيت
متعب: طيب بنزل أطلب واجيك
لـمـى: تمام
ونزل وقفل الباب وهي جلست تتفرج عالسنابات..
_
أهل سـارة.
دخلوا بيتهم أبوها وامها واخواتها رجعو بيوتهم
حـمـد تنّهد: يالله يالشعور!
عـلـيـاء ضحكت: شفيك؟
حـمـد: أعيش شعور آخر بنت راحت من ذمتي
عـلـيـاء ابتسمت بقلّ حيلة: كلام بس أنا أعرفك
_
#اعادة_توجية_للفائدة
https://www.tgoop.com/+QFHXLxcEWaet_3BD

#رواية_موعد_لقى_مبني_على_نية_فراق

بارت٥٥
'
حـمـد: أعيش شعور آخر بنت راحت من ذمتي
عـلـيـاء ابتسمت بقلّ حيلة: كلام بس أنا أعرفك
حـمـد ابتسم: الله يسعدها يارب ويسخرلها زوجها ويحفظها من كل شر
عـلـيـاء: آمين ياربّ
_
فـي الفندق
أخذت شوار وبعد ما شالت كل الفوضى ولبست ترنق مريح ورفعت شعرها واحد ولبست شوز سبورت
ابتسم سـلـطـان: مسرع سـارة!
سـارة ابتسمت: عشان نمشي وبعدين ما أحب الثقل أنـا الحين احس اني حُره
سـلـطـان: طيب يلا نمشي ينتظرنا فـهـد
سـارة: يلا ياعمري
وطلعـوا للسيارة~
_
فـهـد ابتسم وهو يشوفهم: هاه كيف المود سارونه؟
سـارة: الحمدلله تمام
فـهـد: يلا الحين اوصلكم وخذوا قهوة من المطار
سـلـطـان: اكيد عطول الرحلة نحتاج
فـهـد: الله ييسر وتوصلون بالسلامة يارب
سـلـطـان: آمين حبيبي
_
بـعـد مرور الوقت
طلعوا الطيارة كان مكانها عند الشباك وهو عالطرف، بدأت تستعد ترتب مكانها وطلعت كتابها وسحبت السماعة وجلست ..
ابتسم سـلـطـان: جايبة كتابك ماشاءالله يعني حاطة احتمال تملين؟
سـارة ابتسمت: مو بدواعي الملل ولكن بدواعي قضاء الوقت في شيء مفيد
سـلـطـان: حلوينن
سـارة ناظرته: بالـعـادة العرسان الطبيعيين يروحون الفندق وحنا نروح المطار شرايك؟
سـلـطـان ضحك: مميزين ومختلفين
سـارة ضحكت: ياسلاممم ما كأنك تهربني من أهلي
سـلـطـان ابتسم بهدوء ومسك يدها: لا يروحي ما أهربك من أحد بس حبيت من البداية نسافر وننبسط ونبدأ من مكان ما، ونبعد عن اهلنا واصدقاءنا وتكون هالفترة بس لنا أنا وأنتِ لانها هي اللي تحدد نجاح زواجنا
سـارة ابتسمت وناظرته: لا تخاف النجاح ما يعتمد عالمكان يعتمد عالاشخاص طالما احنا واضحين مع بعض ونحب بعض راح يكون زواج ناجح بإذن الله
سـلـطـان كان يتأملها ثم قال: مبروك لك ومبروك لي اني خذيتك
سـارة: الله يبارك بعمرك يارب وحياتك ورزقك
سـلـطـان تنّهد: آمينن آمين ياروح سـلـطـان أنتِ
_
عـند لـمـى
وصلت البيت وعطول طلعت غرفتها بدلت بسرعة ونزلت معاها لتين~
متعب: الله الله شوي شوي الاكل موب طاير
لـمـى: جووووع يامتعب
وقعدوا ياكلون ويسولفون~
_
#اعادة_توجية_للفائدة
https://www.tgoop.com/+QFHXLxcEWaet_3BD

#رواية_موعد_لقى_مبني_على_نية_فراق
بارت٥٦
'
'
عـند لـمـى
وصلت البيت وعطول طلعت غرفتها بدلت بسرعة ونزلت معاها لتين~
متعب: الله الله شوي شوي الاكل موب طاير
لـمـى: جووووع يامتعب
وقعدوا ياكلون ويسولفون~
وتين: اخخخ الحمدلله الله يسعدك متعب
ابتسم متعب: بالعافية عليكم
لـمـى: روحي سوي لنا قهوة وجيبي حلا خل نسولف
لتين: تمام
لـمـى قامت غسلت يدها ورجعت ومتعب جالس..
لـمـى: اشبك؟
مـتـعـب: افكر باللي شفته
لـمـى: وش شفت؟
مـتـعـب: شفت زوجته وهي تطلع من القاعة
لـمـى: لا تشغل بالك متعب خلاص هم اختاروا هالشيء الله يعينهم على حياتهم
مـتـعـب: طيب وش ذنب سـارة يا لـمـى مو حرام!
لـمـى: ما نقدر نقول شيء وما لنا شغل ماعليك أنت لا تفكر وبس هم يصلحون مع بعض أنا شخصيًا واقفة مع سـارة ومستحيل اخليه يستغلها أو يزعلها
مـتـعـب: بس هي زوجة ثانية يا لـمـى والبنت ماعندها خبر وش شعورها لو عرفت مرة حرام!
لـمـى: قلت لك حبيبي لا تفكر فيهم ربنا بيسر وانا حاسة انه سـارة مناسبة له وهي قادرة تغيره
لتين دخلت: اشبكم مشتطين
لـمـى ابتسمت: وهذي قهوتنا جات يلا فقرة سواليف الزواج
مـتـعـب ابتسم وهو باين عليه الحزن: وش صار
لـمـى ضحكت: ماشاءالله تحمست
لتين ابتسمت وهي تناظره: متعب لو تعبان روح نام
مـتـعـب ابتسم: داخل الحين..
_
فـهـد دخل البيت
وكان هُـدوء امه وابوه نايمين، دخل غرفته اخذ شوار وبدل ملابسه وانسدح بتعب وهو يفكر
ونام بدون ما يحس..
_
عِـنـد غـديـر
كـانـت تشوف فيلم ودموعها تنزل بدون ما تحس
قامت وهي تناظر نفسها بالمراية وكانت عيونها حمراء بكت بقهر وسحبت العطر رمته عالمرايا اللي قدامها وهي تصرخ .. الله ياخذك يا سلطان اكرهك.. وجلست عالأرض وهي تبكي وتشهق بقهر..

#اعادة_توجية_للفائدة
https://www.tgoop.com/+QFHXLxcEWaet_3BD

#رواية_موعد_لقى_مبني_على_نية_فراق
بارت٥٧
'
'
فـتحـت عيونها وهي مبتسمة ناظرت جنبها وشافته استوعبت وابتسمت قامت بسرعة وهي مستحية رتبت شعرها وغسلت وجها وفرشت اسنانها وتعطرت بخفيف وراء اذنها ورقبتها وحطت قـلوس ورجعت جنبه ~
ابتسمت بشطانة وهي تحاول تصحيه وهمست في اذنه : سـلـطـان !
ولا قام آخر شيء قربت لاذنه وعضته فيها بخفيف فتح عيونه: يـا سـارة وش حركات الاطفال هذي
سـارة ابتسمت وهي ترمش: خلاص قوم!
سـلـطـان ابتسم وهو يناظر فيها ومد يدينه وهو يحاوط خصرها وكاتم راسه في حضنها : شرايك نرجع ننام ما شبعت منك
سـارة: يوه سـلـطـان خلاص يكفي ترا من يوم وصلنا ما طلعنا وبعدين لازم ننزل نفطر مرة خاطري!
سـلـطـان ابتسم وهو يناظرها: وش الحركات ذي؟
سـارة ضحكت: وشو ؟
سـلـطـان ضحك وقرب لها لحد ما تلاصقوا وجيهم وباسها ما لحق يبعد الا وهي تبوسه وكمل….
سـارة حاولت تبعد: سـلـطـان خلاص عاد قلت لها بفطر يلا قوم!
سـلـطـان ابتسم وهو يقوم: طيب هذي كانت صباحية مباركة يا عروس
سـارة كان خدودها حمراااء: تسلم حبيبي يلا قوم
سـلـطـان: طيب تجهزي
سـارة: خلص أنت وأنا بجهز ملابسنا
سـلـطـان: تمام
دخـل للحمام ياخذ شوار وهي قامت فتحت شنطته وطلعت له ملابس وحطتها عالسرير وبعدها طلعت ملابسها واغراضها ~
طلع من الحمام: ياعيني عالزوجة الفاهمة العاقلة
سـارة ابتسمت: شوف حطيت لك هالطقم طبعًا شنطتك مرتبة مرة مين مرتبها لك؟
سـلـطـان ضحك: للدرجة ذي باين
سـارة: اكيد طبعًا
سـلـطـان: لمو مرتبتها
سـارة: ياحلوهاا لـمـى الله يسعدها ما قصرت لازم ناخذ لها هدية تسوا ما قصرت
سـلـطـان صار يلبس ويتكلم: أنا أخذت لها هدية
سـارة : وش هي؟
سـلـطـان: أفضل زوجة اخ
سـارة ضحكت: ياسلاممم شكرًا بس لازم هدية
سـلـطـان: ابشري ياحبيبتي كم عندي سـارة طلباتك أوامر
ابتسمت سـارة برضا ودخلت هي الثانية تاخذ شوار وبعدها لبست وتجهزت وبعد ما خلصوا نزلوا يفطرون.. وكانت يداتهم ببعض..

#اعادة_توجية_للفائدة
https://www.tgoop.com/+QFHXLxcEWaet_3BD

#رواية_موعد_لقى_مبني_على_نية_فراق
بارت٥٨
'
'
كـانوا يفطرون ويسولفون
سـارة: حبيبي بكلم أهلي
سـلـطـان: ابشري الحين أفعلك شريحة
سـارة ابتسمت: ما نحرم منك ياروحي
سـلـطـان ابتسم ومسك جواله..
_
عـند غـديـر
كانت في بيتها وصحبتها عندها ويسولفون..
مـودة: الله يصبرك ياعمري
غـديـر: أنا مابغا الصبر أنا ابي أخذ حقي منه
مـودة: بس يا غـديـر وش بتسوين له!
غـديـر: ما أدري بس لازم أسوي شيء
مـودة: غـديـر انتِ من البداية غلطانة من متى البنت تطرد وراء واحد عشان يتزوجها وهو ما كان يبيك بس عشان الشركة وانتِ عارفة هالكلام كله مع ذلك كملتي معليش بس الغلط منك
غـديـر: الله الله يا مـودة هذا كله بقلبك! وانا اقول صحبتي وافضفض لها طلعتي تاكلين فيني!
مـودة : غـديـر عمري أنا ما أكل فيك أنا أعلمك الصح من الغلط واحنا في مجتمع فيه عادات وتقاليد انتِ عبالك لو ما تزوج وراح قدمك لاهله بيقبلون فيك !
غـديـر سكتت وهي تناظر بدون تتكلم
مـودة ابتسمت: أنا ما اقول كذا عشان ازعلك انا اقول كذا عشان اواجهك بالحقيقة
غدير: تعور
مـودة: حتى لو تعور تظل حقيقة حتى لو وداك لاهله ترا امه ماراح تتقبلك وحتى لو سكتوا وماخلوه يطلقك راح يظلون يكرهونك والكره هذا ينتقل لعيالك وتصير حياتك جحيم لذلك يا صحبتي حبيبتي انهي العلاقة هذه وربي بيعوضك بالأفضل من سلطان صدقيني
سكتت غـديـر وكان فيها حزن بدون تتكلم عيونها تنطق.. هي من يوم عرفت نفسها وهي منبوذة!
أمها تركت أبوها بعد ولادتها .. أبوها مرض بعد تخرجها .. عمتها اللي كانت تحبها وتهتم فيها ماتت وهذ تحاول تنقذها من الحادث! حـيـاتها جحيم!
عمرها ما ما عاشت الحب والألفة والمودة!
عمرها ما حست بشعور الدفىء والحنان!
نزلت دموعها وكانت تحدّق في فراغ ..
وآه من حرقتِ الدمعِ..
الذي ما عاد يُفيد.. آه من بؤس الحياة..
ولدتُ وحيدًا .. وعشتُ حزينًا .. وسأموت وحيدًا..
لا حياة لي.. ولا جلوس يفيديني.. هذه دنيتي
فكيف آخرتي!
_
شرايكم في مبدأ مودة؟
وكمان الأبيات🤔💕؟https://www.tgoop.com/+QFHXLxcEWaet_3BD

#رواية_موعد_لقى_مبني_على_نية_فراق

‏بارت٥٩
'
'
ابـتسمـت وهي تشوف أمها: وحشتوننني!
عـلـيـاء: حتى أنتِ وحشتيني والله كيف حالك؟
سـارة: الحمدلله بخير
عـلـيـاء: كيف حال زوجك؟
سـارة: الحمدلله طيب هذا هو هنا
عـلـيـاء: ياعمري الله يحفظكم
سـارة: ماما وين بابا؟
عـلـيـاء: برا راح مع أصحابه
سـارة: ايوه وفهد؟
عـلـيـاء: في غرفته فوق
سـارة: طيب بتصل عليه
عـلـيـاء: تمام قلبي الله يحفظك
قفلت من أمها واتصلت على فـهـد
سـارة ناظرت بسلطان: تعال كلم معي عادي ترا
سـلـطـان ابتسم: كلمي أنتِ
ابتسمت وهي تسمع فهد : هلااا بقلبي هلا
سـارة وناظرته وهي مادة بوزها وعاقدة حواجبها : وين قلبي وما أرسلت ولا رسالة!
فـهـد ابتسم: والله ما بغيت ازعجك
سـارة: لا يا شيخخخ ولا افتكيت مني!
فـهـد تنهد وهو يبتسم: لااا ويننن القلبب وشلون يعيش بدون نبضه!
سـارة ابتسمت: يابعددد الدنياااا كيفك وحشتني مرة
فـهـد: الحمدلله بخير كيف حالك انتِ وكيف زوجك
سـارة ناظرت بسلطان ورجعت للجوال: الحمدلله بخير وسلطان بخير
فـهـد نقص صوته وهو يناظرها بحنيه: مبسوطة؟
سـارة: حيللل الحمدلله
فـهـد: وينه زوجك خليني اكلمه
سـارة نادته: سـلـطـان تعال فهد يبيك
سـلـطـان قام وجلس جنبها: هلاا
سـارة ابتسمت وهي تناظره
فـهـد: هلاا فيك شخبارك يا عريس
سـلـطـان: الحمدلله حبيبي بخير ونعمة كيفك انت
فـهـد: الحمدلله شلونك مع اختي
سـلـطـان ناظرها وحاوط كتوفها: بعيوني اختك
فـهـد: هالله هالله انتبه لها
سـلـطـان: بقلبي ياحبيبي لا تخاف عليها
فـهـد: الله يحفظكم ويسعدكم
سـلـطـان: آمينن
فـهـد: يلا استودعتك الله يلا سوسو باي
سـارة: باي حبي الله يحفظك
وقفلت وناظرت بسلطان ..
سـلـطـان ناظرها: ليه حبي أنا حبك بس!
سـارة ضحكت: ليهه تراه حبي لا تحاول
سـلـطـان: أنتِ قلبي ومابي أحد يشاركني فيك نسيتِ كلامك لي!
سـارة ابتسمت على جنب: وأنت تفتكر كلامي كويس
سـلـطـان: اكيدد بس انتِ ما تطبقينه
سـارة كانت تلعب بأصابعه : بس هو أخوي مو أحد غريب وأنا لما قلت كذا كان قصدي انه ما تشاركني فيك أنثى غيري
سـلـطـان ابتسم ..
_
https://www.tgoop.com/+QFHXLxcEWaet_3BD

#رواية_موعد_لقى_مبني_على_نية_فراق
‏بارت60
'
'
سـارة كانت تلعب بأصابعه : بس هو أخوي مو أحد غريب وأنا لما قلت كذا كان قصدي انه ما تشاركني فيك أنثى غيري
سـلـطـان ابتسم وهو يمسك يدها اللي تلعب بأصابعه: حتى لو أخوك ماحد يشاركني فيك أبد
سـارة: تحبني طيب؟
سـلـطـان: أموت عليك وأحبك وأحبك
سـارة: طيب قد ايش!
سـلـطـان: قد حبي لاكل امي
سـارة ضحكت: سلطااان بلا سماجة
سـلـطـان ابتسم على ضحكتها: أحبك يا حبيبتي قد البحر وبعد السماء عن الأرض
سـارة: متى صرت تحبني!
سـلـطـان: من يوم عصبتِ عليّ
سـارة: الله
سـلـطـان ابتسم : ليه
سـارة: اذا أحد عصب علي اكرهه موب احبه
سـلـطـان: أنتِ غير وش أسوي
سـارة: عيوني أنت
سـلـطـان: ترا بيتنا قرب يخلص
سـارة : حلو الحمدلله
سـلـطـان: تقدرين تغيرين ترا
ابتسمت ولا علقت..
_
بـعـد مرور الوقت كانوا
كلهم متجمعين بالصالة سواليف وضحك
فـهـد: يمه كلمتِ سارة؟
عـلـيـاء: ايوه
حـمـد: شدعوة ماحد منكم قالي اكلم معاه
عـلـيـاء: كنت برا
حـمـد: الله يالدنيااا هذا وانا الابو
فـهـد: ماعليك تكلمك بعدين
ابتهال : خلوها شفيكم مو لازم تكلمكم ترجع ان شاءالله وتشبعون منهاا
فـهـد: حتى لو ما نقطعها لازم نتطمن
زهـراء: عاد الا سـارة عند فهد مدري كيف بيعيش بدونها
عـلـيـاء: بيتزوج ان شاءالله
زهـراء: والله مينن!
حـمَـد ابتسم: عند سارة الموضوع
فـهـد ابتسم ولا تكلم
ابتهال: دام ابتسمت اكيدد مخططين على حاجة
عـلـيـاء ابتسمت وهي تغير الموضوع: صبي لي قهوة
ابتهال : تبشري تراني فاهمتكم
حمد: كلموا رجالكم يجون يتعشون عندنا عيب من زمان ما نعزمهم
زهـراء: زوجي عند امه
فـهـد: عادي عذري عليه امكن يغير رايه
ابتهال : كلمهم أنت أفضل
فـهـد: لو كلمتهم بيستحون لكن انتم لو عندهم شيء بيقولون لكم
زهـراء: تمام

#اعادة_توجية_للفائدة
https://www.tgoop.com/+QFHXLxcEWaet_3BD

#رواية_موعد_لقى_مبني_على_نية_فراق
بارت٦١
'
'
عِنـد سـارة وسلطان
طلعوا يتغدون
وكانوا يسولفون
سـارة: سـلـطـان وريني البيت
سـلـطـان: لا اصبري لو رجعنا تشوفينه عاد موب عناد!
سـارة: ياربي منك
سـلـطـان: بعدين أنا ابية تتفاجئين فيه
سـارة: الله
سـلـطـان ابتسم: هذا غدانا وصل
سـارة: بموت جوع بناكل وبنروح نشرب أحلى قهوة
سـلـطـان: تم أبشري
_
بيت أهل سـلـطـان
كانوا متجمعين في الصالة يشربون قهوة
أبو سلطان: متعب كيف الشغل معك؟
متعب: الحمدلله ماشي
لـمـى: شفيك عابس طيب انبسط!
متعب: ولا شيء
لـمـى: ماش مانت عاجبني لك كم يوم حسيتك مو تمام اشبك؟
أبو سلطان : ضغط الشغل شكله
ام سلطان دخلت ومعاها صحن: شوفوا وش سويت لكم
لتين: يماااه تكفين ابغااا
متعب اول ما شافها بيد لتين فز واخذ الصحن من امه وصاروا ياكلون سوت لهم لقيمات وحمر😂♥️..
ابو سلطان ضحك: اجل شكله يبغا لقيمات بس
لـمـى ابتسمت : بالعافية عقلبك
متعب: الله يمههه جعل يدينك ماتمسها النار
ام سلطان: امين ياروح امك
لـمـى: يمه سـلـطـان ما كلمك؟
ام سلطان: لا والله شوفيه لي وحشني القاطع
لـمـى: تمام وقامت ارسلت واتس
وكتبت له ولد أتصل على امي تسأل عنك
_
سـلـطـان: الحمدلله الله يديم النعمة
سـارة: آمين يارب
وناظر بجواله: اوه ذي لـمـى
سـارة: شفيها؟
سـلـطـان: امي تبيني اكلمها
سـارة: ايه كلمها لا يكون ما كلمتها!
سـلـطـان: لا والله باقي
سـارة: ماشاءالله عليك المفروض امك أول ماتوصل
سـلـطـان: يلا الحين نطلع ونكلمها سوا
سـارة: طيب قوم
وقـاموا طلعوا عشان يروحون الكوفي
ورسل للمى اوصل واكلمكم
_

https://www.tgoop.com/+QFHXLxcEWaet_3BD

#رواية_موعد_لقى_مبني_على_نية_فراق
بارت٦٢
'
'
وصلوا الكوفي وطلبوا قهوة
وجلسوا .. طلع جواله واتصل على اهله
سـلـطـان: ياهلااا والله
لـمـى: هلا بالقاطع
سـلـطـان: هلا فيك عطيني امي
لـمـى: خذي يمه
ام سلطان خذت الجوال وهي تشوف طلع متصل فيس تايم: هلا هلا عيوني كيف حالك؟
سـلـطـان: بخير الحمدلله كيفك انتِ
ام سلطان: الحمدلله بخير دامك بخير كيف عروستنا
سـلـطـان ابتسم وهو يناظرها: بخير ماعليها
ام سلطان: عطني هي
ابتسمت سـارة وخذت الجوال: هلا عمه
ام سـلـطـان: هلا فيك حبيبتي كيف حالك
سـارة: الحمدلله بخير كيفك أنتِ وكيف عمي والبنات
ام سـلـطـان: الحمدلله كلنا بخير كيف ولدي معك؟
سـارة ابتسمت: كويس الحمدلله
لـمـى: يمهه عطيني بكلمها
سـارة كانت مبتسمة: هلاا قلبي
لـمـى: كيفك وحشتيني
سـارة: الحمدلله ياروحي طيبة وانتِ اخبارك
لمى: الحمدلله
سـارة: توصين شيء؟
لـمـى: لا حبي سلامتكم بس
سـارة: قلبي
سـلـطـان قام وقف وراء سـارة: يلا لو سمحتِ خليني مع حبيبتي
لـمـى: ياي يلا باي
سـارة: مع السلامة حبي
لـمـى: باي
وقفلت وهو خذا جواله وابتسم
سـارة: اخخ منك ياسلطان
سـلـطـان: وش سويت
سـارة: أبد ما سويت شيء بتجنني
سـلـطـان ابتسم: بنكمل أسبوع هنا
سـارة: طيب وش مخططاتك
سـلـطـان: يومين ونسافر اليونان
سـارة: حلو
سـلـطـان ابتسم: أنتِ مافي في قاموسك معارضة؟
سـارة ابتسمت: ما أحب أعارض هذا واحد ، واثنين أي شيء أنت تقوله أنا موافقة عليه لاني عارفة انك تحبني وبتختار شيء يعجبني ويسعدني
سـلـطـان: ما تخافين مني!
سـارة: ليه أخاف منك!
سـلـطـان: مدري بس أنتِ من قبل وأنتِ مطمنة وواثقة
سـارة ابتسمت بحنية واخذت قهوته من يده حطتها عالطاولة ومسكت يداته الثنتين حطت وحدة حوالينها والثانية على بطنها ومسكتها وهي مدخلة نفسها بحضنه .. وتكلمت : أنا دايم معاك ودايم لك ودايم واثقة فيك لا تخاف طالما ماراح تخذلني ماراح أخذلك..

#اعادة_توجية_للفائدة
https://www.tgoop.com/+QFHXLxcEWaet_3BD

#رواية_موعد_لقى_مبني_على_نية_فراق
بارت٦٣
'
'
سـارة ابتسمت بحنية واخذت قهوته من يده حطتها عالطاولة ومسكت يداته الثنتين حطت وحدة حوالينها والثانية على بطنها ومسكتها وهي مدخلة نفسها بحضنه .. وتكلمت : أنا دايم معاك ودايم لك ودايم واثقة فيك لا تخاف طالما ماراح تخذلني ماراح أخذلك
سـلـطـان: ولو خذلتك؟
سـارة تنهدت: ما تخذلني ان شاءالله
سـلـطـان: ولو صار هالشيءوش بتسوين
سـارة: بدفن حبك بقلبي واتركك
سـلـطـان: بس!
سـارة ابتسمت ولفت له: شفيك؟
سـلـطـان ناظر فيها وكانت ناظرته فيها تأنيب ضمير قدام نظراتها اللي كلها حنية: مافيني
سـارة: سـلـطـان ؟
سـلـطـان: يلا نقوم؟
سـارة ابتسمت ومدت له كوبه: اشرب أول
وخذت كوبها وصارت تشرب قهوتها..
كـانـت تناظر فيه وهـو شـارد فـكـريـًا..
تحس بالخـوف منه، كم مرة يسأل اسئلة غريبة!
دعت داخلها انه ربي يسخره لها ما هي ناقصة خيبة أمل جديدة..
سـلـطـان: يلا نمشي؟
سـارة: يلا
وقـاموا .. كانوا يمشون وجوال سـلـطـان كل شوي يدق..
سـارة: هو سلطان ردّ
سـلـطـان: اتركيه موب مهم
سـارة: أحل حطه سايلنت
سـلـطـان: طيب
وفتح يحطه صامت وناظر كانت غدير رد عليها: أنا برا لو رجعت أكلمك وقفل الجوال..
سـارة: وين بنروح الحين؟
سـلـطـان: بنروح السوق ناخذ أشياء وبعدين نرجع للفندق
سـارة: طيب يلا
_
بيت أهل سـلـطـان..
أم سلطان: الله يسعدهم يارب
لـمـى: آمين يارب
ابو سلطان: حتى احنا يبغا لنا سفرة
لتين: لازمم يبه
لـمـى ابتسمت: عطول حشرتي نفسك امكن قصده هو وامي
لتين: لاننا عياله لازم نروح معه
لـمـى: ايه زين
ام سلطان: متى بيرجعون سارة وسلطان؟
ابو سلطان: مدري والله ما قال بس مقدم اجازة شهر بالتمام
ام سلطان: ايوه وبيته خلص؟
أبو سلطان: ايوه خلاص خلص
لـمـى: كويس عاد سـارة تستاهل كل خير يا حظ سلطان فيها..
ام سلطان: ايه والله الله يصلحه يارب
كلهم امنوا..
_
https://www.tgoop.com/+QFHXLxcEWaet_3BD

#رواية_موعد_لقى_مبني_على_نية_فراق
بارت٦٤
'
'
بعد مرور شهر بالضبط ..
في الفندق لبسوا عشان ينزلون يتسوقون
سـلـطـان: حبيبتي تدفي ترا مرة برد
سـارة ابتسمت وهي تقفل البالطو: حتى لو بردت أنت تدفيني ولا؟
سـلـطـان: اكيد بس بعد تدفي كويس عشان ماتبردي
سـارة: حاضر ابشر
وطلعوا .. كانوا يتمشون في ثالث مدينة وهي المحطة الأخيرة بس كانت باردة عليهم بسبب أختلاف الأجواء..
_
عـنـد غـديـر..
طلعت من بيتها وراحت لكوفي
جلست تتقهوا وهي كل تفكريها وش بتسوي بحياتها وقاهرها حقران سـلـطـان لها..
رفعت نظرها وشافت مـتـعـب استغربت
ورجعت تتقهوا وجوالها بيدها..
مـا حست فيه إلا وهو واقف عند راسها: السلام عليكم
رفعت نظراها له: هلا وعليكم السلام
مـتـعـب: ممكن أجلس؟
غـديـر: تفضل
مـتـعـب جلس ورفع يده طلب له قهوة : كيف حالك؟
غـديـر ناظرته وسكتت ما تكلمت
ابتسم مـتـعـب وضحك بسخرية: وحدة زوجها بشهر العسل كيف بيكون حالها
غدير رفعت حاجب وزمت شفايفها على جنب ولا علقت
مـتـعـب: شفيك تكلمي اسأل عنك صدق مو مزح
غـديـر: الحمدلله تمام انت كيفك وكيف امك وسلطان؟
مـتـعـب: سألتِ عن أمي؟ تعرفيها؟
غـديـر: ايه
مـتـعـب ناظرها وتنهد: تدرين! أحزن عليك والله! ماتعرفين سـلـطـان أنتِ يوم تخلينه يتزوجك؟
غـديـر: اعرفه
مـتـعـب: لا ما تعرفينه!
غـديـر ناظرته: متعب وش بتوصل له؟؟
مـتـعـب: عارف ليه تزوجتيه بس هذا أبدًا ما كان حل يا غدير!
غـديـر ابتسمت: بس أنت قلت انك تبي حل سريع وأنا تصرفت ومسكتك من يدك اللي تعورك
مـتـعـب تنرفز منها: سـلـطـان مو يدي اللي تعورني يا غـديـر مهما صار بينا يظل أخوي سـلـطـان يلعب عليك والحين بيلعب على سارة وغير السوالف اللي ما نعرفها ما كان لازم تتصرفين كذا..
غـديـر ناظرته وتنرفزت: كان عندك فرصة! كان بإمكانك تتمسك فيها! أنتِ تركتني وأنا تمسكت بسلطان أنت خسرتني وأنا خسرت سلطان خلاص انتهى تعادلنا..
مـتـعـب: غديررر
_
https://www.tgoop.com/+QFHXLxcEWaet_3BD

بــصــدق الــحــب أهــنــئــكــم
وبأكـالـيـل الـورد أهـديـكـم أجمل
التهاني واطيب التبريكات بمناسبة
قدوم *عــيــد الــفــطــر الــمــبــارك*
أعاده الله علينا وعليكم أعواماً عديدة
وأزمنةً مديدة ونحن وأنتم في أحسن
حال وأسأل الله أن يتقبل منا ومنكم
صالح الاعمال والطاعات

*💝 عـــيـــدكـــم مـــبـــارك 💝*

*✨ كـل عـام وأنتم بـخـيـر ✨*