#رواية_موعد_لقى_مبني_على_نية_فراق
‏بارت: ٣
.
'
'
بيـت آل مـتـعـب
كـانوا حـمَد وعلـيـاء جالسين بالـصالة حـمَد بيده الجـريـدة يقرأ الجديد، وعلـيـاء معاها سبحة وتسبح جات الشغالة وحطت القهوة وطلعت
رفع نظره حـمَد: وينهم الشباب مـا جو؟
علـيـاء: لا بـاقي أكيد شوي ويجون
حـمَد: الله يصلحهم بـس
علـيـاء مدت له القهوة: بسيطة ماعليك
حـمَد: تسلمين
علـيـاء: الله يسلمك ياعيوني
وشوي أنفتح الـبـاب ووصلهم صوت سـارة: احنا رجعناا لو فيه أحد فقدنااا
ابتسم حـمَد يوم سمع صوتها ودخلو للصالة ..
فَـهدْ: السلام عليكم
ردوا عليهم ..
فَـهدْ: يمه مصبحه اليوم غريبة
علـيـاء ابتسمت : وش أسوي مع ابوك
فَـهدْ: كيف حال الغالي؟
حـمَد: الحمدلله وين رحتو؟
سـارة: البحرررر
علـيـاء ابتسمت: كان انتظرتوني طيب!
فَـهدْ: على أساس ما أعرف انك تخافين منه
حـمَد ضحك: عـاد تذكرت
علـيـاء: لا تقول ترا عرفت
حـمَد ضحك: ترا علمتهم من وراك بس بعيدها عشان سـارة تحبها
سـارة ابتسمت : ايه يبه قولها بالله
حـمَد: يوم تزوجـنا كنت بطلعها وحجزت قارب وطلعنا وبالجهة الثانية بننزل في الشالية -ضحك- المهم وصلنا وأنا شفتها ميتة خوف وما تبغا تبين يوم جينا بننزل للشالية بدل ما تحط رجلها على اليابسة حطتها على البحر وطاحت فيه -فطس ضحك-
وكـلهم ضحكوا و علـيـاء غطت وجها بيداتها الثنتين وهي ميتة من الحياء، ابتسمت سـارة وهي تشوفهاا : عدت عدت خلاص انسي
فَـهدْ: الا أقول البنات اليوم جايين
علـيـاء مسحت وجها: ايه جايين عالغداء جمعة لازم
فَـهدْ: اوه طيب أنا رايح أريح صحوني قبل الصلاة
حـمَد ناظر بساعته: ترا ما بقى شيء الساعة عشرة
فَـهدْ: ايه يبه تكفيني ساعة بعدين بيجون عيال زهراء وابتهال وبيزعجونا خلني أريح
سـارة مدن يدها له: خذني معك
فَـهدْ سحبها : يلا صحوني هاه
علـيـاء: تمام حبيبي نوم العافية
وطلعو هو وسارة كل واحد فيهم دخل غرفته..

#اعادة_توجية_للفائدة
https://www.tgoop.com/+QFHXLxcEWaet_3BD

#رواية_موعد_لقى_مبني_على_نية_فراق

_ ‏بارت: ٤

بيـت آل متعب
بـعـد صـلاة الجمـعة، كـانت سـارة بغرفتها حذت العود عالفحم وبخرت شعرها لبسها عبارة عن فستان ناااعم لونه روز ورافعه شعرها واحد ولابسة صندل، ماحست إلا بـزهراء وهي داخلة ابتسمت وهي تشوفها : يـاهـلا مساء الخير
زهـراء: هـلا فيك كيف حالك؟
سـارة: الحمدلله بأحسن حال
زهـراء: وين عطرك هذاك ابغاه
سـارة ضحكت: طيب شوي شوي شوفيه هذا
زهـراء: مافي شيء يضحك ترا
سـارة: طيب اسفين
شوي خلصو ونزلوا، الا ابـتهال داخلة : السلام عليكم .. ردوا عليها هلاا حياك الله ..
ابـتهـال: يالله يالجو حر حر ذبحنا!
فَـهدْ: طبيعي تونا بعز القوايل لو انكم تجون العصرية أحسن
زهـراء ناظرته: أقول يوم نجي بيتك تفلسف
حـمَد تنحنح : خلاص لو سمحتوا صلو عالنبي اليوم جمعة واحترموا اني وامكم موجودين
دخلت سارة ومعاها عصير بارد ومدت لهم كلهم
فَـهدْ ابتسم: الله يبرد على قلبك ياشيخة
سـارة: عيوني أنت
علـيـاء: هاه بنات كيف حالكم وكيف العيال زهـراء ليه ماجبتِ عيالك؟
زهـراء: نايمين يمه خليتهم عند ابوهم
ابـتهـال ابتسمت: بعدين اليوم لنا حتى لو صاحين
زهـراء: ايه يبه نبغا المزرعة
ابـتهـال: ايه يبه الله يخليك
حـمَد ابتسم وناظر سـارة: وأنتِ؟
سـارة: عادي لو تبينا نروح رحنا
فَـهدْ: وأنتِ يمه؟
علـيـاء: معاكم طبعًا
حـمَد: حلوين خل نتغدأ ونطلع بحول الله
سـارة: أجل بروح أجهز أغراضي
وقامت وطلعت غرفتها ..
علـيـاء: وأنا بحضر الغداء وقامت..
فَـهدْ فتح جواله وصار يقرأ سورة الكهف، حـمَد لف عالبنات وصار يسولف معهم بصوت واطي..

#اعادة_توجية_للفائدة
https://www.tgoop.com/+QFHXLxcEWaet_3BD

#رواية_موعد_لقى_مبني_على_نية_فراق
بارت: ٥
.
'
'
عِـنـد سـلطـان..
طلع من البيت ومشى يقابل أصحابه
وهو جـالس أتصلت عليه..
رفـع الجوال وحطه طيران
نـاظر فيه صديقه غـازي وفهم انها هي
هز راسه بقل حيلة وسكت وجاء الغداء وصاروا يتغدون ويسولفون عن الاشغال والمستثمرين
_
بيـت آل متعب..
خلصـوا غداء وطلعو، سيارتين فهد وابوه
فَـهدْ معه سارة والبنات وامهم كانوا مع أمهم
في سـيـارة فَـهدْ كانت سـارة تقرأ كتاب وهو يدندن مع الأغنية اللي مشغلها ..
فَـهدْ نقص الصوت وابتسم : سـارة وش تقرين؟
سـارة : اقرأ سعادة السفير
فَـهدْ: لغازي القصيبي
سـارة: ايه
فَـهدْ: شرايك فيه؟
سـارة: حلو بس أحزن على يوسف الفلكي ياخي
فَـهدْ: افااا ليه!
سـارة: كذا حبوه زوجته ماتت وأحس حياته عشوائية مرة غير الكوابيس اللي يشوفها!
فَـهدْ: يوه لا تحزنين لكل امرء ما عمل والأنسان يقاضى بعمله
سـارة: بس ماتحسه مظلوم بس عشانه سفير
فَـهدْ: مو مظلوم هذه حياته هو اختارها!
سـارة ناظرته : لا فَـهدْ مو دائمًا جنا نختار حياتنا أحيانًا الإنسان يكون مجبر على ذلك
فَـهدْ: عمره ما أحد انجبر يعيش حياة مو حياته يا سـارة
سـارة: فَـهدْ لا تحاول ترا أحيانًا تضطر تلبس ثوب مو ثوبك زي ما يقولون عشان تجاري الحياة والناس
فَـهدْ: تتكلمين بثقة كبيرة يا سـارة وكأنك تمارسين الشيء هذا إلى متى وأنا أفهمك انه حنا نبيك مثل ما أنتِ!
سـارة: ياخي أنا ماقلت أنت أنا أتكلم عن المجتمع ككل افهم
فَـهدْ: الله المستعان
سـارة: كم بقي ونوصل؟
فَـهدْ: مابقي واجد
سـارة: تمام باخذ غفوة عبال نوصل
ضحك فهد وهي غمضت عيونها وعدلت راسها
وتحاول تنام،،

#اعادة_توجية_للفائدة
https://www.tgoop.com/+QFHXLxcEWaet_3BD

#رواية_موعد_لقى_مبني_على_نية_فراق
‏
بارت: ٦
.
وصلـو المزرعة وعطـول نزلت سـارة وراحت لغرفتها بدلت ملابسها وطلعت تساعد أمها فرشوا فرشة في الحوش وجلسوا وحضرىا القهوة والشـاي..
حـمَد طلع من عند الحيوانات ينادي : سـارة يا سـارة تعالي
سـارة قامت تركض : هلا يـبـه
حـمَد ابتسم : تعالي شوفي وش جبت
سـارة بحماس : وشو!
حـمَد ضحك على تعـابير وجها : تعالي ادخلي
دخـلت وشافت غزلان صرخت : يبببه!
حـمَد: شوفيهم حلوينن مرة
سـارة: الله مرررة حلوين يالله!
حـمَد ابتسم : اكيد امك بتنجن عليهم
سـارة: ياعمري يبه
حـمَد: يلا أنا رايح أتقهوا
سـارة كانت لاهـية وتناظرهم بتأمل طلع ابوها
وهي جلست وصارت تصور وهي مبتسمة..
هذه سـارة انـسانة تحب الحرية والطبيعة والريف جوها المزارع والكتب والورود عكس الباقين..
بـرا كانوا يتقهون
ابـتهـال: وين سـارة ؟
حـمَد ابتسم: عند الحيوانات
ضحكت زهـراء: هذي البنت ماتكبر أبد
ابـتهـال: ايه والله مدري متى تعقل دلعتوها صراحة
فَـهدْ: ليه عشانها تلعب مع الحيوانات ترا طبيعي الإنسان يداعب المخلوقات الثانية
علـيـاء ابتسمت وتشوفها جاية : هلا وش شفتِ؟
سـارة ابتسمت ؛ بابا جاب غزلان يمه!
علـيـاء: قولي والله
سـارة: والله شوفي -فتحت جوالها-
علـيـاء: ياسلامممم عليك ياحمد أجل انساني في المزرعة وارجع البيت
حـمَد: لا ياشيخة
سـارة ضحكت عليهم ومدت لفهد شوكلاته ابتسم واخذها، وصب لها قهوة ..
ابـتهـال : أقـول سـارة فيه واحد كلمتني امه يبغا يتزوج ماشاءالله ضابط في الحرس الملكي
سـارة عقدت حواجبها: مابغاه..
زهـراء: ليه بالعكس جربي
سـارة: تكفون ما ابغا المرة الألف بتصير لما ربي يكتب نصيبي بتصير
علـيـاء: طيب مين ولده هو؟
زهـراء: عنزي يمه
سـارة: والله لو تطلعون للسماء ماخذيته ولا راح أروح ..
وخذت فنجانها وقامت راحت وراء وجلست بين الزرع وصارت تتذمر مع نفسها : على أساس حياتي كلها موقفه على رجال مايفهمون ذولي!
_
#اعادة_توجية_للفائدة

https://www.tgoop.com/+QFHXLxcEWaet_3BD

#رواية_موعد_لقى_مبني_على_نية_فراق

بارت: ٧
.
كـان جـالس مع صديقه غـازي يشربون قهوة ويسولفون وسلطان يتذمّر من الوضع اللي يمُر فيه.
غـازي: ياخي أنت والله غريب!
سـلـطـان: بوش الغْريبّ!
غـازي: شلون يعني ما تعلم أهلك معاها حق البنت تخاف على نفسها وبعدين حرام عليك يا سـلـطـان مو عشانها يتيمة تخليها!
سـلـطـان: ياخي أفهم عمري صك الثلاثين ولا تزوجت بنظرهم وابغا ولد ياخي قبل لا أكبر!
غـازي ناظر فيه: ياخي تبغا ولد خلف، وقول لامك أنا مو على الزواج أنا عالاسرار أتكلم أفهمنّي!
سـلـطـان: المهم ماعلينا علمني أنت متى زواجك؟
غـازي ابتسم: خلاص الأسبوع الجاي
سـلـطـان: ماشاءالله تبارك الله الله يتمم لك ويسعدك
غـازي: آمين يـالـغالي وياك
_
بيـت آل متعب
وبالتّحديدّ عند سـارة، كـانت تحضـر لمحاضرتها
وبعد ما أنتهت دخلت للمكتبة وقفت على أصابع رجلها وتحاول تاصل للكتاب بيداتها ما حست إلا بـ فهد وهو يمد يده ويشيل الكتب ابتسم لها: تقدرين تناديني وأخذه لك
سارة ابتسمت: شسوي مابغا اشغلك بس شكرًا
فَـهدْ: ولو حبًا وكرامة
سـارة: وش عندك بالبيت؟
فَـهدْ: أبد حسيت ودي أرجع أنت شتسوين؟
سـارة : عندي بكرة مقابلة عمل بالجامعة، وغير كذا أجهز لمحاضرة
فَـهدْ: ليه بتتركين اللي أنتِ فيها؟
سـارة: أكيد طبعًا الجامعة ذي ما تتقارن باللي أنا فيها
فَـهدْ: الله يوفقك يارب
سـارة: وياك حبيبي
ومشـت وطلعت من المكتبة لغرفتها، رفعت شعرها وصـارت تستعد بطريقتها المعتادة تحضر للمقابلة..
_
اليوم الثـاني الصبـاح
طلعت سـارة للمقابلة وبعد ما خلصت اتصلت عليها صحبتها وطلعت معاهم
سـارة: سلامم كيف حالكم
نـدى: هلا بالحبب الحمدلله وأنتِ
سـارة: لحالك وين فاتن؟
نـدى: للأسف ماقدرت يلا بوديك أجمل كوفي تتقهوين وتروقين
سـارة: يلا يا وحش طير
نـدى: ابشري
وصـاروا يسولفون عن المقابلة واش سألوها وهي تسولف وتضحك

#اعادة_توجية_للفائدة

https://www.tgoop.com/+QFHXLxcEWaet_3BD

#رواية_موعد_لقى_مبني_على_نية_فراق
‏
‏بارت:٨

'
وأخـيـرًا بعد مرور الوقت وصلو البنات
للكوفي نزلوا وجلسوا وكـانوا يسولفون
بنفس الوفت دخـلوا ثلاثة شباب وجلسوا عالطاولة اللي قدامهم، كانت سارة معطيه الطاولة ظهرها
ونـدى بالوجه..
سـارة: أيوه وأقولك خلاص يعني ما حسيت أحتاج أسهب في الكلام كأنه كلمتين كفت ووفت
نـدى: يالله أنا الحمدلله فتحت لي مكتب خاص لأن حرفيًا ما أتحمل المقابلات ياختي!
سـارة: حـرفيًا لكن التجربة تفيد
نـدى: ياليل من هذولي!
سـارة: وشبك بسم الله؟
نـدى: المتخلف اللي بالـطاولة اللي قدامي!
سـارة لفت وشافتهم يناظرون : نـدى قومي نبدل أماكنا
نـدى: اوك تعالي
وتبدلوا وجلست سـارة وما كـانت تناظر فيهم كانت تسولف مع نـدى ومتفاعلة معاها، وبنفس الوقت تحس بنظراته الحادّة عليها.. حرفيًا ما رّفع عينه عنها ،، رفعت نظرها وناظرت بعيونه
سـارة وقفت : خير أخوي فيه شيء؟
صديق الرّجال : لا أختي ماعليك ارتاحي
سـارة: ياخي من أول ما جلسنا وهو يناظر ما عندكم أخوات انتوا احشموا نفسكم
الرّجال اللي يناظرها: أخواتنا ما يجون أماكن زي كذا
سـارة بققت عيونها وبصوت عالي : لو سمحت هالمكان للناس الكلاس موب لك لو سمحت خليك راقي ولا بتطلع
جاء المدير وشافهم لف على سـارة وهو مبتسم: أهلًا وسهلًا انسة سـارة يا صباح الخير شرفتينا
سـارة ناظرته: وش هالاشكال اللي تدخل هنا ياخي
المدير ابتسم بخجل: سـارة هاد سـلـطـان واصحابو
سـارة كبرت عيونها : سـلـطـان سـلـطـان ولد سلمان؟
المدير: ايه هوا بزاتو
سـارة: تمام
نـدى: هاه نمشي؟
سـارة: أيوه ياعمري بس ثواني ابغا دورات المياة وخذت شنطتها وطلعت~
دخلـت للحمام عدلت حجابها وطلعت, عدلت الروج وطلعت من المـكان .. جت بتمشي ما حـست فيه إلا وهو يسحبها .. ورجعها عالجدار وحط يده عالجدار كأنه محـاصرها..
سـارة قلبها عورها من تصرفه: لو سمحت ممكن تبعد
سـلـطـان: ومين أنتِ عشان تعامليني كذا عارفة أنا مين؟
_

#اعادة_توجية_للفائدة
https://www.tgoop.com/+QFHXLxcEWaet_3BD

#رواية_موعد_لقى_مبني_على_نية_فراق
‏
‏بارت:٩
'
سـارة غمضت عيونها وظهرها يعورها من حركته : سـلـطـان لو سمحت بطل تصرفات الاطفال المفروض أنت ما تكون هنا الآن تكون بشغلك
سـلـطـان بقق عيونه: وش عرفك اني سلطان؟؟
سـارة ابتسمت وهو كان يناظر تعابير وجها اللي تتغير مع أي كلمة: أنا سـارة بنت حمد وعرفتك ياليت تبعد وتحترم نفسك شوي -وبسخرية- عيب تطلع عنك هالسمعة وأنت منا -ودفته ومشت وهو يناظرها مصدوم-
سـارة وصلت لطاولتها: يـلا نـدى ؟
نـدى: ايه ياعمري مشينا
جـاء سـلـطـان جلس عالطاولة
غـازي: شفيك؟
سـلـطـان: مافيني شيء
_
في بيت آل فهد
كانت جالسة أم سلطان مع البنات ويسولفون..
لمى : يمه خلاص ترا ولدك رجال لو بيتزوج بيقولك مو لازم تصرين عليه
ام سلطان: لازم يابنتي
لمى : طيب من تبين تخطبين له؟
ام سلطان: مدري افكر بقي
ضحكت لمى : احس ببالك أحد
ام سلطان: ابتسمت ايه بس مدري يوافق عليها ولا
لمى : مين؟
ام سلطان: سـارة بنت خـالك حـمَد
لمى: حسيتتتت بس ماظنتي بيوافق
ام سلطان: طيب إذا رجع افاتحه بالموضوع
لمى: تمام
_
سـارة دخلت البيت وهي تعبانة شافت امها وابوها في الصالة : صباح الخير شتسون
حـمَد: صباح النور نتقهوا
علـيـاء: هاه بشري شصار معك؟
سـارة: الحمدلله جيدة تعتبر
حـمَد: الله يبشرك بما يسرك يارب
سـارة: آمين ياقلب سارة أنت
وقـامت: أنا بروح غرفتي أبدل وارتاح
دخلـت غرفتها نزلت عبايتها وشنطتها رفعت شعرها وجلست وهي تفكر في اللي صار وحست تنرفزت مو طبيعي كيف وقح ماتوقعته ولا واحد بالميه كذا
_
'
#اعادة_توجية_للفائدة

https://www.tgoop.com/+QFHXLxcEWaet_3BD

#رواية_موعد_لقى_مبني_على_نية_فراق
‏
بارت:١٠

'
مرت الأيـام سريعة وبحكم معرفتهم لبعض ..
كـانوا كلهم معزوميـن لِـ زواج غـازي
على الـطـاولة كـانت جالسة علـيـاء وبناتها
وجو معاهم أم سـلـطـان وبناتها..
وكانت أم سـلـطـان عينها على سـارة تصرفاتها وسوالفها وأشرت حق لمى تجلس جنبها..
لمى: شخبار الجامعة سـارة
سـارة ابتسمت: خلصت ياروحـي من زمان والحين قدمت على معيدة وكـان عندي مقابلة بداية الأسبوع دعواتك عـاد..
ابتسمت لمى : ماشاءالله عليك والله انك كفو
سـارة: وأنتِ؟
لمى : والله تقريبًا لي ٣ سنين من تخرجت وأنا في البيت
سـارة: افااا ليه كملي دراستك أقل شيء
لمى: لا تكفينن ماصدقت وأنا أتخرج
ضحكت سـارة ولفت لخواتها كانوا يسولفون ..
_
عـند غـديـر رفعت شعرها وهي تتجهز عشان تروح الزواج وكانت تكلم مـودة: خلصت خلاص
مـودة: تحسي انه قرار صح انك تروحي؟
غـديـر: بروح وبسلم على امه وعادي مع نفسه
مـودة: يوه الله ييسر انتبهي لنفسك أجل
غـديـر: ابشري ياروحي
ولبست عباتها وطلعت..
_
فـي العرس كـانوا كلهم جالسين بصالة الحريم
لمى قامت : أنا بطلع تجين معي سـارة ؟
سـارة: ايه يلا
وأخذوا جوالاتهم وطلـعوا كان فيه فاصل ويطل على جهة الرجـال، جلسوا يسولفون عنده..
وبنفس اللحظة مر سـلـطـان من عند الباب ووقف يناظر عرف لمى شافها قبل لا يطلعون وكان يناظر اللي وراها، بنفـس الوقت دخلت غـديـر انتبه لها..
اتصل على لمى وردت: الو
سـلـطـان: وش تسوين برا
لمى: قاعدة مع صديقتي الجديدة
سـلـطـان: من معك؟
لمى : سـارة بنت خالي حمد
سـلـطـان بقق عيونه بصدمة: طيب ادخلو ادخلو
لمى: هيه كيف تشوفنا
سـلـطـان: الباب مفتوح يالأخت
لمى شهقـت : سـارة امشي
سـارة: بسم الله شفيك!
لمى: الباب مفتوح عالرجال يشوفون يلا امشي
سـارة: لا وين مقفل
لمى اشرت : شوفي مناك
ولفت ناظرت و..
_
'
#اعادة_توجية_للفائدة

https://www.tgoop.com/+QFHXLxcEWaet_3BD

#رواية_موعد_لقى_مبني_على_نية_فراق

‏بارت:11
'
لفت بتشوف ما كان واضح لف
وشافت قفاه: يالله امشي شوفي ذا واقف
غـديـر كانت عند المدخل ابتسمت يوم شافتهم : لو سمحتوا
سـارة ابتسمت: هلا
غـديـر: انتو من أهل العريس؟
لمى: لا
سـارة: آمري ياروحي
غـديـر ابتسمت: تعرفي وحدة اسمها ام سلطان
سـارة: أم سلطان مين في كثير سلطان عندنا
غـديـر ابتسمت : سـلـطـان ولد سلمان
لمـى عقدت حواجبها: خير ليه وش فيه سـلـطـان ومن أنـت ووش تبين ؟؟
غـديـر استغربت وناظرتها بتعجب: ليه مين أنتِ؟
سـارة ابتسمت وهي تهدي لمى: هذي اخته ياروحي وشوفي ام سلطان على الطاولة هذيك تعالي
غـديـر: شكرًا
ومشت دخلـت وسلمت عليها, وجلست عالطاولة وكانت أم سـلـطـان مستغربة بس سلمت عادي ولمى طول الوقت تناظر في غـديـر.
_
وأخـيرا مر الوقت وانزفوا العرسـان..
خلص الزواج وكل واحد رجع بيته..
في سيارة سـلـطـان وصل أهله نزلوا كلهم وبقت لمى ناظرها مستغرب: شفيك انزلي
لمى: سـلـطـان أنت مخبي شيء عنا؟
سـلـطـان: لا ليش؟
لمى : اطمن بس انتبه تغلط وتعور قلبي امي وابوي تراك املهم الوحيد ويحبونك ويثقون فيك
سـلـطـان: ماعليك ياعمري
لمى نزلت : يلا سلام
ودخلت وهو عـطول حرك سيارته ومشـى..
_
عِـند غـديـر كانت جالسة وتسولف مع مـودة وتحكيها عن اللي صار تقريبًا ربع ساعة وسمعت دق الـبـاب قامت فتحت وناظرت بوجهه بتعجب: سـلـطـان وش جابك؟
سـلـطـان كان يـناظرها وباين الغضب بملامحه..
غـديـر: دودي عمري بقفل سلام
وقفلت وناظرته مـا لحـقـت تتكلم إلا وهو حط يده على رقبتها وسحبها عالجدار، ناظرته بخوف غـديـر وهمست : سـلـطـان حبيبي عورتني شفيك!
سـلـطـان همس لها: وش كنتِ تسوين في زواج غـازي
غـديـر: أنا بزواج غـازي مارحت!
سـلـطـان شد عليها بقوة : غـديـر لا تكذبين!
غـديـر ناظرته وبصوت هامس : سـلـطـان ما سويت غلط رحت بشوف أهلك
سـلـطـان وكأنه بدأ يلين اتجاهها سحب ايده وهمس وهو يقرب وجهة من وجها : بس حتى لو ماتروحي بدون علمي وهالشيء غلط
غـديـر ابتسمت وقربت له أكثر: أكيد طبعًا ولو ما أخذت رايك باخذ رأي مين -وقربت له وباسته على خده-
سـلـطـان ابتسم وحاوط خصرها: تمام سامحتك
غـديـر ابتسمت وهي الثانية حاوطته : أكيد تسامحني وبعدين لك كثير ماتجيني الحمدلله وأنا سويتها عشان تجي اشتقت لك!
سـلـطـان : وأنا اشتقت لك بس انشغلت
غـديـر مسكته من ايده وسحبته معاها لغرفة النوم..

#اعادة_توجية_للفائدة
https://www.tgoop.com/+QFHXLxcEWaet_3BD

#رواية_موعد_لقى_مبني_على_نية_فراق
بارت:١٢
.
'
'
في بيت أهل سـلـطـان
وبـالـتّـحديد في غـرفة أبوسلطان وامه..
أم سـلـطـان حطت كريم ومشت وهي بتجلس: والله يا سلمان تجنن سـارة أدب وأخلاق وجمال وعلم كاملة والكامل الله صراحة مرررة تمنيتها حق سلطان
أبو سلطان: بس يـا فطوم ماتدرين أمكن هو في وحدة بباله تراه مو عاجبني حتى لما رحت الشركة ما كان موجود الولد مو مضبوط!
أم سـلـطـان عقدت حواجبها: غريبة وين بيكون!
أبو سلطان: مدري والله حتى الحين وصلكم وراح وين راح ما أدري كنت بقول مع غازي بس غازي مع زوجته الحين
أم سـلـطـان: نشوفه ان شاءالله بكرة الصبـاح بكلمه عن سـارة لأنها تجنن وأنا حبيتها وفيها خير تبارك الله
أبو سلطان ابتسم : أكيد بنت أخوك بطيرين فيها
أم سـلـطـان: ياربي سلمان أنت تعرف اني مو مرة مع علـيـاء ولا أزورهم وأول مرة أتقرب من سـارة بس أنت عارف أصلًا البنت من زمان غيررر عن الكل حتى عن خواتها تكفى خلنا ناخذها
ضحك أبو سلطان : طيب طيب ان شاءالله بناخذها
أم سـلـطـان: اليوم تتكلم مع لمى انه لازم تكمل وماتوقف حتى لو توظفت وانه الحياة دايم فيها محطات جميلة وصراحة مت عالعقلية آخر مرة جربت أعدل علاقتي مع بنات أخوي زهراء كانت تتكلم عن أهـل زوجها وابتهال كانت تتكلم عن عيالها وشقاوتهم!
أبو سلطان ابتسم ورددّ بنبرات مُختلفة: اهتمامات اهتمـامـات يا حبيبتي
ابتسمت وانسدحت وهي تتدفأ استعدادًا للنوم، وهو فتح الكتاب يكمل قراءة..
_
بـغرفة سـارة كانت تنزل الاكسسوارات ودخل فَـهدْ: سارونه وش تسوين؟
سـارة : أنزل الأثـقـال التي أرتديها
فَـهدْ ضحك: ياهوه ، طيب لو خلصتِ نطلع،
سـارة: وين؟؟
فَـهدْ: ناكل ولا نتقهوا أي شيء
سـارة: طيب خلني ابدل واجيك نتفق
فَـهدْ: تمام ياروحي
وطـلـع وقفل البـاب..
خلصت سـارة وراحت له..
فَـهدْ: هلاا
سـارة: هلا فيك مرة ودك بالطلعة؟
فَـهدْ: والله شوفي مو ودي بس ودي نطلع أحس اني متضايق ومابي أطلع مع الشباب
سـارة ابتسمت بحنيه : طيب البس واجيك
فَـهدْ: كفو هذه أختي
وطلت لبست عبايتها وخذت شنطتها ونزلت : يلااا
فَـهدْ: يلااا ياحلوتي
وطـلعوا راحوا كوفي وجلسوا يسولفون..

#اعادة_توجية_للفائدة https://www.tgoop.com/+QFHXLxcEWaet_3BD

#رواية_موعد_لقى_مبني_على_نية_فراق
بارت:١٣
.
'
'
صـحـي الصباح وراسه يعوره فتح جواله وشاف الساعة وفز حست فيه وقامت معه
غـديـر: بسم الله حبيبي شفيك!
سـلـطـان: الله يهديك ليه ماصحتيني الحين لو قاموا ما بيشوفوني موجود ولا عطيت أحد خبر
غـديـر قامت : عادي الحين أعطيك ترنق وقول طلعت تمشي موب صعية
سـلـطـان: صح يلا فزي عبال أخذ شوار
غـديـر قامت جهزت ملابسه وسوت له ساندوتش توست وكوب قهوة، طلع وشافها ابتسم: وش تسوين يا غـديـر؟
غـديـر ابتسمت وضمته: عيوني أنت
سـلـطـان وخر عنها: يلا بروح ألـبـس
ولبس وطلع خذ فطوره وطلع وقفل الباب، طلعت من دورات المياة وهي مبتسمة نادت عليه: سـلـطـان؟ ما سمعت حـسّ عرفت انه راح عبسّت ومشت لغرفتها..
_
في بيت أهل سلطان
كـانوا كلهم يفطرون، لمى جلست وكان وجها مقلوب ناظر فيها ابوها باستغراب: لولو شفيه وجهك اليوم؟
لمى ابتسمت : مافي شيء يبه
دخل سـلـطـان : السلام عليكم
ام سـلـطـان: هلاا وعليكم السلام تعال افطر
جلس : صباح النور يا أجمل أم
لـمـى ناظرته : وين كنت؟
سـلـطـان عقد حواجبه باستغراب: رحت أمشي
لـمـى ابتسمت بسخرية: مع غازي؟
سـلـطـان ضحك: لا طبعًا الرجال عريس مع نفسي
لـمـى : ماشاءالله عليك -ولفت لمتعب- يبه أنا بداوم وأمسك الشغل مع متعب
أبو سلطان: على أتفاقنا خلصي اللي بيدك وحياك
لـمـى: تمام
مـتـعـب: غريب وش الطاري عليك؟
لـمـى: كذا بس
سـلـطـان قام : أنا بتجهز عشان أداوم
أم سلطان: لا خلصت تعال أبغاك بسالفة
سـلـطـان: تمام بمر عليك
وطلع لغرفته ..
راحت أمه لغرفتها وخلص ودخل لها دق الباب وسمحت له بالدخول~
أم سلطان: تعال يمّه
سـلـطـان: هلا عيوني
أم سلطان ابتسمت: اجلس شفيك واقف
سـلـطـان: هذا حنا جلسنا يالغالية
أم سلطان ناظرته: ودي أفرح فيك يا سلطان
سـلـطـان اختـفـت ابتسامته من وجهه وناظر أمه: غريب وش الطاري؟
أم سلطان: وي فيها طـاري هذي! ابغا أفرح فيك يمه والله لو تشوف سـارة توافق الحين
سـلـطـان عقد حواجبه: سـارة؟
أم سلطان: أيه سـارة بنت خالك حـمَـد
سـلـطـان قام: طيب يمّة أفكر وأعلمك
أم سلطان وقفت معاه: يلا ابغا خبر حلو
ابتسم وطلع-
#اعادة_توجية_للفائدة
https://www.tgoop.com/+QFHXLxcEWaet_3BD

#رواية_موعد_لقى_مبني_على_نية_فراق
‏بارت:١٤
.
'
'
بـعـد مرور أسبـوع وأخيرًا سـلـطـان وافق…
أما بالنسـبة لسارة توها عمتها فاطمة كلمت أبوها عشان تقوله، حـمَـد رحبّ بالفكرة بحكُم انه يحبّ
سـلـطـان وفي المُقـابـل عـليـاء توافق حـمَـد في رأيه.. وكلم فهد يكلم سـارة ~
الـعـصـر بغرفة سـارة ..
كانت جالسة بغرفتها منسـدحة وتقرأ كتاب
دق الباب وقـالت له يدخل ..
فهد ناظر : وش تسوين؟
سـارة: اقرأ تعال
فـهـد: ياعيني عالقارئة
سـارة ضحكت: تعااال شفيك
فـهـد: قالت لي العصفورة انك طفشانة وجيت شرايك نطلع؟
سـارة قامت : مـا أقول لا
فـهـد: يلا تجهزي
وطلع وهي لحقته، فـي السيارة
سـارة: هاه وين؟
فـهـد: بوديك كوفي يجننن هااادي ورايق
سـارة: تمامم جديد؟
فـهـد: ايه ماتعرفينه
سـارة: حلوينن
وصـلـوا ونزلوا طلبوا قهوة وجلسوا يحلون ويسولفون، سـارة ناظرته وهي عارفة عنده كلام
سـارة: فـهـد قول شعندك
فـهـد ضحك وهو يشوف تعابير وجها: طيب بقول
سـارة: يلا
فـهـد ابتسم: سـلـطان ولد عمتي فاطمة خطبك
سـارة بققت عيونها : سلطان ماغيره!
فـهـد: ايه سلطان مافي غيره
سـارة: لا
فـهـد: وش لا ترا الكل موافقين عليه!
سـارة: ويعني هم بيتزوجون ولا أنا!
فـهـد: مو عن كذا بس انه كويس جربي
سـارة: لا مو كويس من قال
فـهـد: طيب خليني أجيبه واجلسي معه
سـارة: ياربي فهد كل مرة نفس الموال تخليني أجلس وأتكلم وكل واحد أغبى من الثاني!
فـهـد: جربي وش بتخسري حتى شوفيه وصل
سـارة: اوفف ولفت تناظر عالجهة الثانية وفهد قام يسلم على سـلـطـان وقاله يجلس وهو بيروح السيارة ..
سـلـطـان جلس وهو مبتسم على جنب: السلام عليكم
سـارة كانت مثل ماهي ولا لفت عليه..
سـلـطـان: ردّ السلام واجب يا سـارة
سـارة لفت : وعليكم السلام والرحمة
سـلـطـان عقد حواجبه وبسخرية : شفيك معصبة غصبوك تجين؟
سـارة ناظرته بقرف: لا حبيبي أنا ما أحد يجبرني على شيء
سـلـطـان ضحك : طيب شفيك أعصابك مشدودة أهدي
سـارة: سـلـطـان اخلص وش تبي أنا وأنت ما نصلح لبعض ومستحيل يكون بينا عامل مشترك
سـلـطـان: من قال؟
سـارة: أنت تقول تصرفاتك تقول!
سـلـطـان تكلم بهدوء وبحنيّة : سـارة أنا مشتريك وودي أستقل ببيت وزوجة وعشان أمي وابوي كمان يرتاحون.
سـارة قامت: صدقني أنا مو المناسبة لك
وقام معاها مشت ومسكها بيدها وقربها منه وهمس : لا تخلين موقف يغير نظرتك ترا ما كنت أعرف انك سـارة وبعدين ما أحب البنت تتواقح عليّ عشان كذا كانت ردة فعلي كذا - وكمل- أنا اسف لو جرحتك
سـارة حست بقشعريرة بجسمها كله سحبت يدها من يده وطلعت وهو ابتسم وجلس..

#اعادة_توجية_للفائدة
https://www.tgoop.com/+QFHXLxcEWaet_3BD

#رواية_موعد_لقى_مبني_على_نية_فراق
‏بارت:١٥
.
'
'
طـلـعـت الـسـيـارة حطت شنطتها وربطت الحزام
سـارة: مو منـجدك ياخي!
فـهـد ضحك: شفيك معصبة
سـارة: اص اسكت ولا كلمة
فـهـد فطس ضحك وهو يقلد: اسكت ولا كلمة بكرة العرس راسي بينفجررر
سـارة ابتسمت واخفت ابتسامتها وهي تضربه: غبي والله انك غبي من زينه سلطان عشان تخليني اقابله ياخي كان قلت!
فـهـد: وش قال لدرجة عصبك كذا!
سـارة: ما قال شيء بس أنت عصبتني!
فـهـد: يعني أفهم انك تبين خطبة رسـمـي ووافقتي
سـارة: ياربي فـهـد عطوني مجال أقرر والله نفس السالفة دايـم
فـهـد ابتسم: شوفي أنا أشوف انه خير لك ارجعي صلي صلاة استخارة وعلميني ويصير نخليهم بكرة يخطبون ونشهر الخطوبة وعاد أنتِ لو ارتحتِ معه فترة الخطوبة نملك وكذا
سـارة: تمام ان شاءالله
_
فـي بيت أهل سـلـطـان..
لـمـى كانت تسولف مع أمها وهي مهمومة
أم سلطان: لمى شفيك؟
لـمـى: مافيني شيء
أم سلطان: لا ماش مو عاجبتني ولا يالتين
لتين: ايه مرة حتى بالغرفة أكلمها بس سرحانة اشبك؟
أم سلطان ناظرتها: هاه ماما؟
لـمـى: لا يمّة مافيني إلا العافية شصار على سلطان وسارة
أم سلطان: مدري والله اليوم بيردون لنا شكله سـارة تتغلى
لـمـى ابتسمت: يحق لها أكيد ياحلوها
أم سلطان: يارب توافق
لتين: آمين ياربّ
لمى سكتت ولا علق
_
سـلـطـان طلع من الكوفي وراح على بيته
فتح الباب ودخل وكـانت غدير بغرفتها..
سـلـطـان: غدوره شفيك؟
غـديـر قامت: تعبـانة شوي غريبة جاي هالوقت
سـلـطـان ابتسم وهو يحاوط كتوفها: وش متعبك؟
غـدير همست: الـبُـعـد يا سـلـطـان
سـلـطـان دن لها وباس رقبتها: من قال إني بعيد أنا قريب منك بمقدار كلمة!
غـديـر ابتسمت: طيب متى راح تقول لاهلك وتشهر زواجنا تعبت أنا إلى متى راح أظل متخبية كذا!
سـلـطـان تنّفس: من قال انك مخفية ومتخبية!
نـاظرته بقلّ حيلة ولا عرفت تتكلم تصرفاته معه
وأخذه للأمور بسخرية يرفع ضغط الدم عندها..

#اعادة_توجية_للفائدة
https://www.tgoop.com/+QFHXLxcEWaet_3BD

#رواية_موعد_لقى_مبني_على_نية_فراق
‏بارت:١٦
.
'
'
بـغرفة سـارة دخلت أمها وشافتها لابسة
شرشف الصلاة وتتمشى في الغرفة
عـلـيـاء: شفيك؟
سـارة: أفكر
عـلـيـاء ابتسمت:لا تشيلي هم شيء احنا دايم معاك وأنتِ عارفة لو قررتِ ترفضينه ماحد بيقولك شيء لانه الرأي رايك بـس على كلام فهد انه سلطان مشتريك
سـارة: طيب يمه أنا موافقة
عـلـيـاء ناظرتها بصدمة: متأكدة؟
سـارة: ايه الله يكتب اللي فيه الخير
عـلـيـاء: ياروحي أجل استعدي بكرة الخطبة
وطلعت تبشر حـمـد عشان يكلم أخته..
_
عِنـد سـلـطـان كان هو وغدير، قاعدين يشوفون فيلم وهي بحضنه سمع صوت الرسالة فتح جواله
وطـلـعت من فـهـد ابتسم ابتسامته الخفية وبانت غمازته في الخد الأيمن .. رفعت راسها وشافته
غـديـر: شفيك حبيبي؟
سـلـطـان: ولا شيء ياروحي صفقة ونجحت
غـديـر ابتسمت: صدق! الله يوفقك يارب
سـلـطـان ابتسم : يلا أنا برجع البيت الساعة صارت ٩ وامكن بكرة ماحجي
غـديـر: ياربي يا سلطان ترا مليت لحالي!
سـلـطـان: معليش ياروحي صبرك عليّ
غـديـر: طيب عادي أعزم صحبـاتي؟
سـلـطـان: لا طبـعًا تعرفين أتفاقنا في الموضوع هذا
غـديـر: تمام
سـلـطـان: يلا قفلي على نفسك وانتبهي
غـديـر: مع السلامة
وطلع وقفل الباب وهي جلست
_
في بـيـت أهل سلطان
لـمـى: يمه مين بيروح بكرة؟
أبو سلطان ناظرها: بنروح أنتِ وامك وانا وسلطان
لـمـى ابتسمت: ماشاءالله حلو
أم سلطان: لتين ماما شوفي لبسي بالغرفة وش البس طلعت كذا قطعة
لتين: اوك تمام
وطلعـت لغرفة أمها..
دخل سلطان: السلام عليكم
ردوا عليه السلام
أم سـلـطـان: هلااا تو مانور المعرس
سلطان ابتسم وهو يجلس: هاه وش تجهيزات بكرة..

#اعادة_توجية_للفائدة
_https://www.tgoop.com/+QFHXLxcEWaet_3BD

#رواية_موعد_لقى_مبني_على_نية_فراق
‏
‏بارت:١٧
.
سـلـطـان: وش تجهيزات بكرة؟
لـمـى: مافي تجهيزات بس أنت روح العصر اشتري الدبل
سـلـطـان: تمام بإذن الله
وطلع لغرفته عشان ينام..
_
الـيـوم الـثـانـي الصبـاح قامت من النوم
وابـتسمت مستبشرة خِـيـر بالصباح هذا..
قـامت أخذت شوار وصلت صلواتها وجهزت ملابسها طلعت جمبسوت أسود طويل وبأكمام طويلة، وكعب أسود نفس اللي بالصورة ..
اكسسوراتها فضيّة وشعرها كانت مخططة تسويه ويڤي~
نـزلت عند أهلها شافتهم يفطرون : صـباح الخيرر
فـهـد: هلا هلا يالله صباح خيرر
عـلـيـاء ابتسمت: يازيننن الصباح اللي تكونين رايقة فيه الله لا يحرمنااا هالابتسامة
حـمَـد: آمين ياربب
فـهـد ضحك: اليوم الأضواء كلها عليك يا حلوتي
سـارة: خلاص خلوني أفطر وأنا رايقة
فـهـد: افطري جعله عافية يارب
_
فـي بيـت أهل سـلطـان..
كـانوا يفطرون وكلهم متجمعين عالفطور..
لـمى : يلا سلطان قوم ونروح
سـلـطان: تمام افطري زين أول
لـمـى: ابشر
أم سـلـطان: خذوا الخواتم وخذوا طقم هدية للعروس وخذوا بعد شوكلاته وبوكيه ورد
سـلـطـان: الله الله يمه ترا كلها خطبة
أبو سلطان: تستاهل بنت أختي تستاهل هذه سـارة موب أي وحدة غيرها
ابتسمت لـمـى وقامت غرفتها تتجهز عشان يطلعون، طلعـوا هيا وسـلـطـان..
وراحـوا كذا سوق عشان ياخذون الأغراض..
وأخيرًا لما وصلـوا محل الـورد جاب البوكية
وحطه ولـمـى ابتسمت وهي تشوفه طلع وتنهد بتعب : وأخـيـرًا! خـلصـنا ما بغيـنا
لـمـى: اللي يبغا الـدح ما يقول اح
سـلـطـان: والله لو اني بتزوج من الأسرة الـحـاكـمـة
لـمـى: خلاص عاد ما تسوا عليك ترا سارة تجننن فضة يا حظك فيها عقليتها راااقية جدًا
سـلـطـان: العجيب انك حبتيها رغم قِـلة تواصلك معاها
لـمـى: والله جلست معاها مـا يُقـارب الثلاث ساعات فقط إلا إنها تجنننن راااقية والله
ابتسم سلطان وهو يشغل سيارة ويحرك..

#اعادة_توجية_للفائدة
https://www.tgoop.com/+QFHXLxcEWaet_3BD

#رواية_موعد_لقى_مبني_على_نية_فراق
‏بارت:١٨
.
'
'
ابتسم سلطان وهو يشغل سيارة ويحرك..
لـمـى: بعدين يا سلـطـان الزواج مو لعبة لازم تكون قدها بعيد عن انه عمرك صك الثلاثين لازم تكون الرجال اللي يصون سـارة
سـلـطـان: ابشري عيوني
لـمـى: الله يوفقك ويسعدك ويارب تكون فاتحة خير لحياتك الجديدة والسّعيدة
سـلـطـان: الله يـسـمع منك يارب
_
الـمـغـرب في بيت أهل سـارة
كـانـت ريحة العود مالية المكان والقهوة، بـغرفة سـارة وأخيرًا كانت تحط مكياجها كان مرة ناعم ورسمت ايلاينر وحطت روج أحمر وكان شكلها ياخذ القلبب فعـلًا اللبس البسيط والمكياج الناعم ولما حطت روج أحمر ومناكير أحمر صارت مُـثيرة بشكل! مع لو بشرتها الفاتـح.. دخلت أمها شافتها وابتسمت عـلـيـاء: تبارك الرحمٰن وش هالـجمال انا ما شفتك من قبل استعديتِ كذا يارب انها خير عليك
ابتسمت سـارة: آمين يمّة..
عـلـيـاء: خلصتِ؟ عشان أجيب لك البخور
سـارة: ايه خلصت بس أبغاك تعطريني من ذا وبعدين اتبخر
عـلـيـاء: الله يجنن مرة وش ذا لذر!
سـارة: ايه فخممم أحس اني ملكة بحط منه وبعدين اتبخر بالعود وبحط دهن وأتعطر من التوباكو
عـلـيـاء: الله يـرحم سـلـطـان اليوم
ضحكت سـارة ولا علقت وطلعت أمها
تجيب لها البخور عشان تتبخر ~
فـي الـمُـقابل عند سـلـطـان عطرته لمى وبخرته أمه ولبس شماغ أبيض وثوب أبيض وهو الثاني شكله كان فـخـم جدًا .. ومُهيب .. قعدوا أخواته يتصورون معه..
لـمـى كانت لابسة فستان ناعم مشجر وأمها كانت لابسة جلابية تيفاني بحكم انه خطبة وشيء رسمي وعائلي..
سـلـطـان : يلا يمه نمشي أحس تأخرنا..
أبو سلطان : حنا قلنا على الساعة ٩ والحين ٨ يلا نطلع عشان نوصل بدري
سـلـطـان: يلا أنتظركم في السيـارة أنا
ومشـى.. وهم أخذوا الأغراض ولحقوه..
نـِرجع عند عروستنا أو بالأصـح الفاتـنة❤️..

#اعادة_توجية_للفائدة
https://www.tgoop.com/+QFHXLxcEWaet_3BD

#رواية_موعد_لقى_مبني_على_نية_فراق
‏بارت:١٩
.
نـِرجع عند عروستنا أو بالأصـح الفاتـنة❤️..
كـانت جالسة تتصور وهي مبسوطة من قلبها
دخل فـهـد شافها وابتسم: يا تبااارك الله وش هالحلاوة يا سـارة الله يرحم سلطان
سـارة ابتسمت: حبيبي أنت والله
فـهـد: ترا بخليك معاه لا أشوفك تعصبين
سـارة: اوك ماعليك!
فـهـد: حلوين يلا بنزل عشان لو وصلو
وطلع وقفل البـاب وهي كانت واقفة قدام
المرايا وتتأمل نفسها..
وبـعـد مرور الوقـت وصلو، دخلو الحـريم أول
والرجـال راحو المجلـس..
عـلـيـاء: يلا سـارة تجين؟
سـارة: تمام روحي وبجي
طلـعت أمها وهي خذت عطرها وبخت عالسريع وطلعت ، وكانت تحس ببرودة دخلت وسلمت
وعطول استقبلها عمتها أم سلطان ..
ام سلطان: ماشاءالله تبارك الرحمن وش هالجمال يا عـلـيـاء بسم الله ماشاءالله حلوت سويره..
عـلـيـاء ابتسمت: قصدك وش هالجمال يـا سـارة بسم الله عليها من يومها جميلة مو مني
لـمـى ابتسمت وضمتها: ماشاءالله تبارك الله وش هالزين ياختي شكلك بتذبحين اخوي
سـارة ابتسمت: شدعوة
لـمـى: لا خلاص يـمـة ترا سلطان بيقول خلو الزواج الأسبوع الجـاي هذاني قلت
ضحكوا كلهم.. لـمـى كانت تبي تجس نبض سلطان مسكت يد سـارة وصورتها ونزلت سنابه.. وكتبت عليها "عروستنا الله يبارك❤️".. وبعد مـاخلصوا واتفقوا قرروا يدخل سلطـان..
ودخـل هو وخالة حـمـد ..
حـمـد: السلام عليكم يا حريم
ردوا عليه وهو ابتسم : حياك يا سلطان ماحد غريب
دخل سـلـطـان وكان منزل راسه ورفع راسه وشافها قدامـه بقق عيونها بصدمة وكان يتأملها، وحس جته قشعريرة!.. ضحكت لـمـى وهي تأشر قدامه لحد ما فاق وابتسم : السلام عليكم كيف حالكم
عـلـيـاء: الحمدلله بخير ونعمه حياك الله يا سلطان
ابتسم سلطان: الله يحيك يا خالة
حـمـد: خلك جنب سـارة عشان تلبسها الدبلة.
جـلس جنبها وكان حريص انه ما يلامسها، وهي كانت جالسة من أول جنب لـمـى فقامت وجلس سلطان مكانها.. طلعت جابت الخواتم وعطت خالها..
حـمـد: تسلمين يالمى عقبالك
لـمـى ابتسمت: باقي باقي يا خال خلنا نفرح بالعصافير ذولي أول
_
#اعادة_توجية_للفائدة
https://www.tgoop.com/+QFHXLxcEWaet_3BD

#رواية_موعد_لقى_مبني_على_نية_فراق

‏بارت:٢٠
'
ابتسم حـمـد وفتح العلب حطها قدامهم
لـمـى: سلطان لبسها يلا!
وابتسم وخذا الخاتم يلبسها ولمى كانت تستغل كل حركة لهم وتصور يداتهم وهم متقاربين، وبعد ما خلص أخـذت سـارة الخـاتم وهي حرفيًا شوي وتذوب من قوة الحـيـاء ويدها كانت بـاااااردة
مد لها ايده ويوم جت بدخل الخاتم تلامست يداتهم ومن الرجفة طيحت الدبلة تبع سلطان وكلهم ضحكوا عليهم ابتسم سلطان بتوتر ومسك يداتها من برودها ومد ايده الثانية خذا الخاتم
وفتح يدها وحطوا فيها وهمس لها: لا تخافين!
سـارة شوي وتبكي من التوتر لبست بسرعة وسحبت يدها من يده..
حـمـد: يلا أنا استأذنكم خلوهم يدخلون الغرفة
لـمـى: ايه تعالوا حطيت لكم قهوة وعصير وكيك
سـلـطـان وسارة قامت معاه ومشت معاه..
دخلو الغرفة ولمى ابتسمت وهي تقول: يلا نخليكم وترا الخدمة ذاتية
وطلعت وقفلت الباب~ وعطول عمّ الصّمت الأجواء..
تنحنحت سـارة وقالت بصوت واطي: تبي قهوة ولا عصير؟
سـلـطـان ابتسم: قـهـوة
سـارة: قامت وكانت الفرشة حقتهم ريش وهي كعبها في فتحت صغيرة دعست عالفرشة ومشت خطوتين جت بترفع رجلها عيت،، وكانت تحاول بقوة .. سـلـطـان انتبه وقام ما لحق يقولها انتظري الا طاحت عليه وعطول فتح لها حضنه وطاحت بين أحـضـانـه.. شعرها ضرب على وجهه وهو ماسك خصرها كان يستنشق الريحة الجميلة اللي غزته لحد ما همست سـارة: سلطان!
سـلـطـان فز: بسم الله عليكِ تعورتِ؟
سـارة: لا بس رجلي شوي
سـلـطـان ابتسم بحنيّة: خلاص خليكِ جالسة وأنا بقوم أجيب لنا قهوة ..
وبعدها عنه وقام صب فنجانين قهوة وحط بصحن قطعة كيكة وجابها .. وشافها تناظر برجلها وهي معقدة حواجبها وواضح انها تتألم بس تكابر ..
حط القهوة ونزل عالأرض ومسك رجلها وهو يتكلم : لما مكان يعورك لا تكابرين قولي عورني !
ونزل الكعب من رجلها وصار يمسج لها مكان الألم ووجها يعطي تعابير بالألم .. لحد ما ضغط عليها بقوة وصرخت : أي سلطااان!
سلطان ضحك على خفيف وهو يكمل: خلاص الحين تمام بس طق
سـارة ناظرته وبزعل : عورتني مو كـذا الواحد يمسج
سـلـطـان ابتسم وتكلم بنبرة حنونة جدًا: أسف
سـارة عقدت حواجبها واستغربت تصرفاته كلها..
#اعادة_توجية_للفائدة
https://www.tgoop.com/+QFHXLxcEWaet_3BD

#رواية_موعد_لقى_مبني_على_نية_فراق

‏ ‏بارت:٢١
'
سـلـطـان: تقهوي
سـارة: تسلم
سـلـطـان ابتسم: توقعتك ماتوافقين غريبة وافقتِ!
سـارة رفعت حاجب: ليه ما كنت تباني أوافق؟
سـلـطـان غمض عيونه وقال : تصو -الصوت اللي نقوله بمعنى لا🙄- توقعتك تعبيني!
سـارة ابتسمت وهي تنتظر بعيونه بتحدي: مو شرط انه هالموافقة أكيده سلطان أنت العريس الخامس عشر اللي يجيني -رفعت حاجب- متخيّل!
سـلـطـان عبسّ بوجهه: وكلهم شفتيهم!
سـارة ضحكت لانها لمست الغيرة بنبرته: لا طبعًا بس أغلبهم قابلتهم نفس مقابلتك أمس -وهمست وكأنها تتأمل اسمه- سـلـطـان -وكملت- أنا مابغا أتزوج عشان الزواج بذاته أنا بتزوج عشان يكون معي شخص شريك روحي يشاركني مسراتي الصغيرة وانجازاتي البسيطة وحياتي المملة شخص ما يمّل من التوافه اللي بنظري مهمة..
سـلـطان كان يناظرها بإعجاب كيف تُصوغ مفرداتها وكيف ترقق الحروف وتفخمها كان يناظرها ويتذكر كلام لـمـى لما قالت "ررراااقية"..همس راقية
سـارة ناظرته بتساؤل: وش قلت؟
ما كـمّـل إلا وفتح الباب فـهـد ودخل : وأعتقد كذت يكفي ..
سـارة ابتسمت يوم شافته لدرجة انها زادت حلاوة بنظر سـلـطـان وقامت وعطول حضنها فـهـد..
وابتسمت وهي تناظر سـلـطـان وتقوله وهي تأشر على فهد: زي عندك هذا الفارس العظيم هو حبيبي الأول بعد بابا دايم يشاركني مسراتي ودايم يهربني من الناس ودايم هو ملجأي فأنصحك تاخذ عنده كورسات ..
فـهـد ضحك وهو يبوس خدها: يـا روح روحي أنا يلا ادخلي
سـارة: عيوني
ودخلت وقفلت الباب و سـلـطـان بقي يناظر عند الباب ضحك فـهـد: هيهه خلاص بح
سـلـطـان ضحك: ياخي عجيب وش هالساره!
فـهـد ابتسم وتكلم عنها وكأنها قدامه : هي كذا رقيقة بشكل ممكن تنكسر وبنفس الوقت حازمة لدرجة تكسرك قلبها طيب رغم كل شيء تعرضت له، أعظم متعة عندها هي انها تقعد عالبحر مع شخص يسمعها، وأجمل متعة هي انها تشرب قهوة مع شخص بعد تحبه.. وابتسم بحب: سلطان أنا ما أقول كذا عشانها أختي بس سـارة غير عن كل خواتي فلو تبيها لازم تحط ببالك انها ماتحزن لان لو سـارة حزنت صدقني ماراح تلاقي اللي يسرك مني!
_
#اعادة_توجية_للفائدة
https://www.tgoop.com/+QFHXLxcEWaet_3BD