سلطان: لاهشام لا ماتوسخ ايديك فيهن وتدخل عالسجن بسببهن، سلمهن للشرطة وهنن بيتولو امرهن
هشام(بحقد): لا ورحمة ابي لا ورحمة تراب مجدي بيك لحتى اشرب من دمهن
سلطان: هدي هدي هشامو، طول بالك، مابدنا نقتل حدا ،زتهن بالحبس ولاتنزل لمستواهن
بيلتفت هشام ناح الدرج وبيشوف ماجدة قاعدة مكانها بيقوم من مكانه بسرعة وبيهجم عليها
بيشدها من ايدها بقوة
ماجدة(بصراخ):شوووبدك مني
هشام(بحقد): شوبدي؟ منك. والله لحتى خلي الموت حسرة بقلبك والله
بيجرها من ايدها وبيضل ماشي فيها ليوصل ع قبو
بيرميها جوا وبيوقف عالباب
وبيتطلع فيها بشراسة
ماجدة: مشان الله لاتتركني هون اخي
بيأشرلا باايدو (تحذير) وبتصير تعابير وجهو اشرس
هشام:بحيااتك ماتقوليلي اخي، انا مالي اخوكييي
وبيصرخ فيها: فهمانة وليييه
وبيطلع من القبو وبيسكر عليها الباب
بتقرب ماجدة لعند الباب وبتصير تخبط وتصرخ
ماجدة:هشاااام فتحلي ببوس ايدك ،كرمال الله فتحلي
بيتجاهل صريخها وبيطلع لفوق بدون مايعمل اي ردة فعل
----------
ببيت الدكتور
كانت هناء قاعدة عالبرندة
وقدامها موبايلها
عم تتطلع فيه وعم تبكي
اجا لعندها عامر وقعد جمبها
عامر(بقلق):شبك ليش عم تبكي
هناء: اتصل فيني خالي وخبرني انو الحقيقة نكشفت، والكل صار بيعرفها
بيبتسم بفرح وبيمسك ايدها
عامر: طيب ليش عم تبكي شوهدول الدموع دموع فرح ولاحزن
هناء: مابعرف مابعرف هالدموع دموع شو
انا مابعرف افرح انو بين الحق ولاابكي على كل شي صار
عامر: ماتفكري بالماضي فكري بكلشي حلو رح يصير بالمستقبل
، فكري بالايام الحلوة يلي مستنيتك
وبتظهر ع وجهو تعابير الحزن وبيحاكيها بغصة
عامر:بتعرفي هناء رح اشتقلك كتير وقت تتركي هالبيت
هناء: وانا كمان
عامر: انتي شو
اطلعت فيه ومسحت دموعها ابتسمت ابتسامة صغيرة
هناء: رح اشتقلك واشتاق لكلامك ورح اشتاق لغادة وجيهان ولتيم وكل الناس يلي بهاد البيت انا عنجد مابعرف كيف اتشكركن انتو عاملتوني احسن من اهلي
عامر: ونحن ولا يوم حسيناكي غريبة من اول مادخلتي عهاد البيت وانتي صرتي واحد من افرادو ، من اول مادخلتي على هاد البيت وانتي عم تغيريلي حياتي ، انا لما شفتك حسيت بطعم للحياة حسيت حالي عايش كرمال شي بحياتي ، وهالشي هو انتي انا عنجد حبيتك هناء
هناء: ....
عامر: ليش سكتي هناء ليش كل مابفتح هالموضوع معك بتسكتي جاوبيني انا شو بالنسبة الك
هناء: مابعرف
عامر: كيف يعني مابتعرفي
هناء: مابعرف عامر ، اتروك هالشغلة للايام ازا الله بدو يانا نكون لبعض رح نكون لبعض ،
بياخدها لحضنو وبيضمها وبيغمض عيونو
عامر: .وانا رح ضل استناكي ، ومارح ازعل شوماكان قرارك انا بس بدي ياكي تفكري منيح قبل ماتاخدي قرار.
بيرفعلا راسها وبيبوس جبينها وبيطلع عليها بحب
عامر:دخيل هالوجه انا
----------------
عند العصابة
قاسم: لككك انت كيف بتخليها تهرب كيف ياحيوان
--:والله يامعلم غدرتني ماحسيت الا دقت بخوانيقي ودفشتني ع ضهري
المسدس وقع مني عالارض ومابعرف كيف سحبتو مني تقول جنية ،كانت بدها تقوصني
مسكو من قميصو وشدو ورماه بالارض وبلش يخبطو برجلو ع بطنو
قاسم: الله لايوفقك يابغل شوف ولاه بشرفي ازا البنت مابترجع لحتى موتك واشرب من دمك ياحقير
--:دخيلك يامعلمي سامحني
قاسم(بصراخ): خررراااس ولاه سد بوزك مابدي اسمع صوتك
-------------
ببيت مجدي بيك
عم يندق باب الفيلة بقوة
فتح احد الحراث الباب
كانت فداء هي يلي عم تدق
ساندة حالها بصعوبة عالحيط وعم تلهت وكانو تيابها وسخين ووجها مليان كدمات
الحارس(متفاجئ): فداء خانم شبك؟! شوصاير معك
فداء(بصوت متعب): دخيلك سندني ماعاد اقدر امشي
عطاها الحارس ايدو ودخلها لجوا الفيلة
دخلت فداء عالبيت وهي عم تتسند عالحيطان
واول ما دخلت لجوا صالة القعدة
تفاجئت باادهم قدامها
عم يتطلع فيها بشراسة
فداء(مصدومة):ادهم؟
ادهم: موعلى اساس انتي فطستي، تاريكي لسا عايشة
فداء(بخوف): انت كيف رجعت
قرب منها بخطوات بطيئة ومسكها من تيابها وجرها لعندو
ادهم:رجعت لحتى اشرب من دمك اجيتي برجليكي ع موتك ياكلبة
سحبها من ايدها واخدها لعندها هشام دق الباب ودخل لعندو
كان قاعد وايدو ع راسه ودمعتو ماعم تنشف
رماها بين رجليه
ادهم: ستلم اخي عمول الي بدك ياه فيها
رفع راسو هشام بهدوء واطلع بفداء
قام من محلو وقرب منها ببطئ
سحبها من ايدها وقعدها عالكرسي وقعد قدامها
هشام: وين كنتي
فداء:.....
هشام(بصراخ):سالتك وووووين كنتييي
فداء(بخوف);مخطوفة كنت مخطوفة
بيمسكها من رقبتها وبيضغط ع رقبتها بقوة
هشام: لاتكذبيي وليك احكييي وين كنتي ياقليلة الشرف ياواطية
فداء(تبكي): والله كنت مخطوفة والله هالكلب صافي باعني لجماعة تجارة اعضاء

ترك رقبتها وحاول يمسك اعصابو
هشام: وكيف تركوكي
فداء: ماتركوني انا هربت
بيضحك وبيتطلع فيها بحقد
هشام: اسوء شي عملتيه انك هربتي، بتعرفي لو انك ضليتي كنتي متي ورتحتي، اما انا ف رح خليكي تتمني الموت كل دقيقة ياحقيرة
وبيرفع ايدو وبيضربها كف
فداء(باالم):لككك ليش عم تضربني ليش
هشام: مابتعرفي ليش ياحيوانة
وبيتطلع بطرف عينو عاادهم
هشام: خدها لعند اختها
قرب ادهم من فداء وشحطها
وطالعها ونزلها لعند ماجدة
ورماها جمبها
ادهم:يكون بعلمك انتي وياها، هاد المكان صار قبركن بالحياة، مارح تطلعو من هون الا لتفطسو
بيلف ضهرو وبيجي ليطلع
بيرجع بيلتفت لعندهن
وبيطلع فيهن بااشمئزاز
ادهم: تفيي عليكي منك الها
وبيسكر الباب وبيطلع
بينما فداء لسا مو مستوعبة الي صاير
ركضت لعندها ماجدة وحضنتها
وصارت تبكي
ماجدة: فداء وين رحتي وتركتيني يااختي وين
فداء: قوليلي شوصاير هاد ادهم كيف رجع ليش انتي هون فهميني
ماجدة: ااااه يافداء اه نفضحنا كشفونا
ريما وادهم خبرو هشام بكل شي
فداء(بصدمة):ولييي ولييي ازا هالحكي صح
ماجدة:اتدمرت حياتنا يااختي اتدمرنا نحن اتدمرنا شكلو الله عم يعاقبنا ع كل شي عملناه ابني نخطف حياتي تدمرت وهلق اكيد رح يطلقني اياد اكيد
فداء(بحرقة):ازا انتي تدمرتي. مرة انا تدمرت الف مرة، الشخص الي حبيتو غدر فيني وباعني ،بتعرفي شو يعني باعني!! ،كانو بدو يدبحوني
ماجدة: ااخ شو عملنا بحالنا اخ ياريتنا ماعملنا الي عملناه ياريت يااختي ياريت
ضلو حاضنين بعض لوقت طويل وعم يبكو ويتحسرو على نفسهن يلي ظلموها باايديهن
هيك نهاية الظالم يلي مابيخاف من الله
هيك الي بيقتل وبينهب بتكون نهايتو
عدالة رب العالمين دائما موجودة ومستحيل الظلم يدوم قد ماطول
كل ساق سيسقى بماسقى ولايظلم ربك احد....
------
بعد كم يوم
عند عماد وصافي
كانو الشباب معلقينهن من ايديهن وعم يجلدوهن
انفتح عليهن باب المستودع
ودخلو هشام وادهم وسلطان
وهنن عم يمشو بخطوات بطيئة
قرب هشام لعندهن
بينما كانو سلطان واقفين بعيد
نقل هشام نظرو بين صافي وعماد بحقد وغل
كانو عم يتطلعو فيه بخوف
ورفع ايدو وضرب عماد كف
عماد: اااااخ
والتفت لعند صافي
وضربو بوكس ع وجهو
صافي(باالم):ااااخ دخيلك يابيك خلص
هز براسو هشام
ومد ايدو ع جيبو
هشام: وانت قلتا خلص
طالع مسدس ووجهو عليهن تنيناتهن
انهارت اعصابهن وصارو يصرخو
عماد وصافي: دخيلك ياهشام لا
قرب سلطان لعند هشام ومد ايدو ليسحب المسدس من ايد هشام
سلطان: هشام بلا جنان
هشام(دفش ايدو عنو); ولككك تركنييي ،
سلطان: لا هشام لاتصير مجرم كرمال هالوسختين
هشام(بيكز ع سنانو بقهر ): بدك ياني اسكتلن؟!! هدول قتلو ابي ،مجدي بيك، بدك ياني روح دمو هدر! !
سلطان: لاتروحو غدر سلمهن للشرطة وهنن بيتصرفو
هشام: ولك مابديي سلم حدا، يااما بقتلهن باايدي،يااما بقتل حالي،
سلطان: بس هشام هيك مابصير
هشام: لا بصيير بصيير وكتير. هنن يلي بلشو بالاذى العين بالعين والسن بالسن والبادي اظلم
تركني سلطان تركني اقتلهن واشفي غليلي منهن هالاندال
بيلتفت سلطان لعند ادهم يلي كان ماعم يعمل اي ردة فعل بس واقف مكانو وحاطت ايديه بجيوبو وصافن
سلطان:ادهم حكيلك كلمة شبك!!
بيفيق ادهم من شرودو وبيقرب من سلطان وهشام بهدوء وبيمد ايدو لهشام
ادهم: عطيني المسدس
هشام: مارح اعطيك شي بدي،اقتلهن
بيتجاهل هشام
ادهم وسلطان وبيرفع ايدو وبيصوب المسدس ع صافي اول
وبحركة سريعة ادهم بياخد المسدس من ايدو وبيرميه بعيد
هشام(بصراخ):لكككك ليش هيك عملت
يتبع..

تكملة البارت 19
وفجأة بيسمعو صوت سيارات الشرطة
وخلال ثواني بينتشرو الشرطة بكل مكان من المستودع
بينزل من السيارة الضابط
وبيدخل ووراه العناصر
بيقرب ناحهن وهشام لسا مصدوم
الضابط: يعطيكن العافية
سلطان: الله يعافيك سيادتك
وبيأشر باايدو ع صافي وعماد
سلطان: ستلمو هدول المطلوبين
بيأشر الضابط للعناصر
ضابط: فكوهن وخدوهن عالسيارة
بيقربو العناصر وبيفكو عماد وصافي وبيحطو الكلبشات باايديهن وبياخدوهن
بيقرب سلطان ناح الضابط وبيسلم عليه
سلطان:شكرا كتير سيادتك
الضابط: ولو ماعملنا غير الواجب
وبيطلع الضابط من المستودع واول مابيطلع
بيقرب هشام ناح سلطان وعيونو عم يقدحو نار بيمسكو من قميصو وبصير يهزو
هشام: ليش خبرت الشرطة ليييش مو قلتلك بدي اقتلهن
بيبعد سلطان ايدين هشام عنو وبيصرخ فيه
سلطان: لك انت مجنون شي،؟!! بدك توسخ ايديك فيهن؟ بدك تفوت عالسجن بسبب تنين مابيسوا صرمايتك
هشام(بصراخ): لككك انت شو دخلكك شو دخلك
سلطان: كيف مادخلني يعني لك لو بتموتني مابخليك تضيع حالك اصحا بقا هشام اصحا
بيقرب ادهم لعند هشام يلي كانت اعصابو منهارا وبيعانقو وبصير يطبطب ع كتفو
ادهم: طول بالك اخي مشان الله خالك معو حق،
هشام: اااخ يااخي اخ جواتي نار وشاعلة مافي شي بطفيلي ناري ولااي شي
ادهم: سلامتك اخي سلامتك
وبيبعد عنو وبيمسكلو وجهو
ادهم; شد حيلك اخي. انت ابن مجدي بيك، وولاد مجدي بيك ماحدا بيكسرهن
هشام: لككك انا موبس نكسرت قتلوني لك اخي قتلوني
ادهم: كلو رح يتصلح بااذن الله بس انت شد حيلك
هشام(بحسرة(:شوالي بدو يتصلح؟ منقدر نرجع بابا للحياة؟ ولاهناء
وبيغص بالبكي وبيرتمي ع كتف ادهم
هشام: لككك اخ ع هناء اخ كسرت ضهري ،انا السبب بموتها الله لايسامحني الله لايوفقني
ادهم: خلص اخي ببوس ايدك خلص حاج تدعي عحالك،
وبيبعد عنو. وبيصير يمسحلو دموعو وهو عم يبتسم وبيمسكلو ايدو
ادهم: تعال معي
هشام: لوين؟ !
ادهم: بدنا ناخدك ع مكان
هشام: مابدي اعرف وين بدي روح؟
ادهم: مادخلك بعدين بتعرف
بيسحبو من ايدو وبيطلع لبرا المستودع
وبيلحقهن سلطان
بيطلعو بالسيارة وبيقعدو هشام من ورا
هشام: مابدكن تقولولي لوين رايحين؟
سلطان(وهو عم يسوق): نضب ولاه بيك صغير بعدين بتعرف
وبعد وقت طويل شوي
بيصفو سيارتهن قدام بيت الدكتور عامر
بينزل سلطان ومعو ادهم بيفتحو الباب لهشام وبينزلوه وهو لسا موفهمان شويلي عم يصير
هشام: لك لوين جايبيني انتو؟
ادهم: لاتستعجل هلق بتعرف
بيدخلو ع حديقة البيت
وبيوقفو قدام الباب
بيدق ادهم الباب
بتطلع هناء من غرفتها بسرعة وبتفتح
واول مابتصير قدام عيون هشام
بيوقع قلبو من محلو وبيتبسمر باارضو مصدوم
تجمعو الدموع بعيونو وحكا بصوت ممزوج بالبكي
هشام: ه ه هنااااء!!؟
ابتسمت بوجهو ابتسامة مختلطة بغصة
وركضت عليه وضمتو وانهارت بالبكي
هناء: ياعيون هناء ياروحا لهناء
وموبس هي يلي انهارت بنوبة بكا هو كمان
ماكان عم يقدر يوصف شعورو يلي كان باالف شعور
فرح مع غصة مع راحة
هشام: ياروح قلبي انتي عايشة، فكرتن قتلوكي ،سامحيني ياقلبي سامحيني لااني ظلمتك
هناء: مسامحتك ياقلبي ليش انا فيني ازعل منك ياتقبرني
هشام: ااااخ ياروح اخوكي شو شتقتلك
هناء: وانا شتقتلك وانا
بيضلو ضامين بعض وعم يبكو تنيناتهن
وعيون سلطان وادهم عليهن
بيقرب ادهم لعندهن وبيبعدهن عن بعض وبيصير يهديهن
ادهم: خلص بقا انت وياها بكفي بكي حاج بقا ماعاد بدي دموع
هشام(بقهر): انت حسابك بعدين ياكلب
ادهم: الله يسامحك اخي ليش!!
هشام: شايفني عم موت من القهر مفكرها ميتة ومابتقلي انها عايشة
هناء: ادهم مو ذنبو اخي، انا يلي طلبت منو مايحكي اني عايشة
هشام: وليش بقا!
هناء: كان بدي تحس شوي بعذاب،الضمير لحتى ماترجع تظلمني
بيرجع بيضمها وبيمسح ع شعرها
هشام: ياعمري انت، انا اسف ياروحي
وبيبعدو عن بعض لما بيسمعو صوت عامر
يلي اجا من جوا ووقف بيناتهن
عامر: اهلا وسهلا فيكن تفضلو
بتقرب هناء من عامر وبتطلع ع هشام
هناء: اخي بعرفك هاد عامر هو صاحب هاد البيت
كل هالفترة انا كنت عايشة معو ومع اخواتو
والله بيشهد انهن ماعاملوني الا على اني وحدة منهن
وبتطلع بعامر
هناء: اخي هشام
بيقرب هشام يلي ماكان فهمان شي ومابيعرف شو الي صاير وليش هي موجودة هون
وبيمد ايدو لعامر
هشام: مع اني لسا مو فهمان شي، بس اهلا وسهلا فيك
عامر: اهلين فيك سيد هشام ،هناء حكتلي عنك كتير، وكتير تشوقت اتعرف عليك
هشام: بس انا لازم اعرف شو القصة ليش هناء هون وكيف وصلت لاادهم، انا ماني فهمان شي
ادهم: خلص اخي بفهمك كل شي بعدين
عامر: طيب تفضلو دخلو خلينا نقعد بدنا نضل واقفين عالباب!!
-------
ببيت مجدي بيك
اياد: مرت عمي انا لازم شوف ماجدة

مريم: ماجدة محبوسة بالقبو وممنوع تطلع منو
اياد: طيب اقل شي خليني احكي معها من برا
مريم:شوبدك منها!
اياد: هلق بتعرفي نزليني لعندها
بتقوم من محلها وبتأشرلو باايدها
مريم: لحقني
قام اياد من مكانو ونزل هو وياها عالقبو
وقف قدام الباب وصرخ
اياد: ماجدة
قامت ماجدة من مكانها بلهفة
وركضت لعند الباب
ماجدة(بحزن): اياد ببوس ايدك خليهن يطالعوني من هون
اياد(بحقد): هه يطالعوكي من هون؟! بتعرفي لو انا مكانهن؟ كنت قتلتك وشربت من دمك،ياحقيرة
ماجدة (بتصير تبكي): اياد سامحني
اياد; الله لايسامحك يامجرمة وبيسكت لثواني وبيرجع بينطق
اياد: ماجدة انتي طالق طالق طالق
بتشهق وبتحط ايدها ع تمها
وبتوقع بالارض وبتنهار اعصابها
ماجدة: لاااا لااا الله يوفقك اياد لا
اياد: روحي الله لايسامحك لادنيا ولااخرة، لك اصلا كل شي صار باابننا بسببك، كلو عقاب الك، عالشي يلي عملتيه بمجدي وبهناء، انا مارح سامحك ماجدة مارح سامحك لو بتصيري تحت التراب بكرررهك انا بكرهك
وبيترك المكان وبيطلع هو ومريم
بينما ماجدة قاعدة باارضها وعم تضرب ع حالها وتصرخ
قامت فداء من مكانها وقربت لعندها حضنتها وصارت تبكي معها
-------
ببيت الدكتور
كانو سلطان وادهم وهناء وهشام قاعدين لحالهن
هشام: يلا اختي قومي جهزي حالك بدنا نمشي
كانت هناء قاعدة جمبو بتطلع فيه بنظرات غريبة وبتصير ترفع حواجبها
هناء: ماحزرت مابدي روح معك
هشام: بالله شو! ! بدك تضلي هون مابدك ترجعي ع بيت اهلك؟
هناء: مبلا بدي ارجع، بس عندي شرط
وبتقرب لعندو وبتحط راسها ع كتفو
هشام: شو هو الشرط
بترفع راسها وبتطلع بعيونو وهي خايفة تحكي
هشام: شو، شوبدك؟
هناء: بدي ترجع سارة
بيلتفت هشام لعند ادهم وسلطان
وبيرجع بيتطلع بهناء
هشام: حكولك؟
هناء: اي حكولي، واصلا انا كنت بعرف بقصتها مع رائد من زمان بس ماكنت بعرف انو لهون وصلانة معها
بيدير وجهو عنها وبيطلع بالارض وبيغص بالدموع
هشام: مستحيل سامحها
بتمسكلو وجهو وبتفتلو لعندها
هناء: ليش مستحيل اخي؟
هشام:سارة خانتني ،وانا ياهناء فيني سامح بكل شي، بس مستحيل سامح بالخيانة
هناء: بس هشام سارة ماخانتك
هشام(بضحكة وجع): هه ومجدي!
هناء:بعرف انو هي غلطت بس سارة بتحبك ، هشام صح هي كذبت عليك بس يمكن هي ماكانت بتعرف انو رح تحبك وتتعلق فيك ، وكانت متأملة انو تتزوج رائد بس بعدين حبتك وماقدرت تعترفلك بالحقيقة لانو ازا عترفت كانت رح تخسرك
هشام: بالعكس لوكانت اعترفت كنت سامحتها
هناء: بجوز هي خافت انو تحكيلك وتقوم تطلقها لهيك خبت عليك
هشام انسى كل شي صار بالماضي وبلش انت وسارة من جديد، انا بعرف انك بتموت فيها ، وقلبك عم يدوب عليها وبعدين ماتنسا انو هي حامل هلق
يعني رح يصير عندك منا ولد حرام يجي عالدنيا وانتو منفصلين
هشام: ....
هناء: شو اخي
هشام: شو شو؟
هناء: رح ترجع سارة؟
هشام(بحزن): بس انا بدي فترة لحتى اقدر انسا
هناء: يعني رح ترجعها ؟
هشام: بحاول
هناء: بس انا بدي تاكدلي
هشام: خلص كرمالك رح حاول انسا
ادهم(بمسخرة): دخيلك شو بتحب تمسح جوخ قال كرمالها قال ، على اساس انت مابدك ياها لسارة ، وبدك ترجعها بس كرمال هناء تسامحك
سلطان(بضحك): اي اي هو بس كرمال هناء
هشام(بعصبية): شرفي استلمونا الشباب
هناء: هههه تؤبرو قلبي مااحلاكن اي
هشام: بعيد الشر عن قلبك يلا اختي روحي ضبي اغراضك وجهزي حالك بدنا نرجع على بيتنا هلق امك رح تفرح كتير بس تشوفك المسكينة داب قلبها ع غيابك
هناء: دخيل قلبها شو شتقتلا ، يلا اخي شوي وبكون جاهزة
راحت ضبت اغراضها ولبست احلا تياب عندها
ودعت اخواتو لعامر وراحت لعند عامر كان قاعد بغرفتو والباب مفتوح
دقت الباب
هناء: فيني ادخل
عامر: تفضلي
دخلت لعندو ووقفت قدامو عم تطلع فيه بحزن
هناء: انا جيت لحتى ودعك
بيقوم لعندها وهو يادوب ماسك حالو
عامر: بالرغم من اني فرحان انك رح ترجعي عند اهلك بنفس الوقت حاسس روحي رح تطلع لانك رح تروحي وتتركيني
هناء: هيك الدنيا بتبعدنا عن الناس يلي منحبهن
عامر: وانا هيك حظي كل الناس يلي بحبهن بيتركوني وبيروحو
هناء: رح اشتقلك كتير عامر،
عامر: من قلبك هالحكي
هناء: اكيد ،
مسكت ايدو وسحبتو
وطلعت معو عالصالة لعند اخواتها وخالها
هشام: شواختي خلصتي
هناء: اي انا جاهزة ،
قرب هشام لعند عامر وصافحو ،
هشام: شكرا كتير دكتور
عامر: على شو
هشام: على كل شي عملتو مع هناء عنجد شكرا الك
عامر: ماعملت غير الواجب هناء غالية على قلبي والله بيعلم انو مكانها بقلبي كبير كتير
هشام: يلا اختي خلينا نمشي
اخدوها وراحو طلعو عالسيارة وكان عامر عم يتطلع بهناء بنظرات حزن
وكانت هناء عم تبادلو النظرات طلعت بالسيارة وكانت عم تشوفو من المراية ضل واقف وعم يراقبها لحتى اختفت عن نظرو

ولما ختفت دخل عالبيت وهو حزين ومتضايق
سكر الباب ووقف وراه وسحب نفسو بصعوبة
عامر: الله معك ياحبيبة قلبي
______
بعد ٣ ساعات
وصلو هشام وادهم وسلطان ومعهن هناء
على بيتهن
دخلت هناء عالبيت وكانت عم تتاملو بفرح
هشام: نورتي بيت اهلك اختي
هناء (بحزن) : يالله شوشتقت لهالبيت
شتقت لكل ايامنا الحلوة وزكرياتنا
وبتطلع عالمرجوحة يلي مكانها قريب من المسبح وبتأشر عليها
هناء: بتتزكر هديك المرجوحة هشام قديش كنا نقعد عليها ونتغالظ على بعض ونحكي كل اسرارنا وقصصنا عليها يالله شوحلوة هديك الايام
هشام: ا ن شالله رح نعوض كل الايام الي مضت
ادهم( بااستهزاء ): خلصونا بقا انت وياها حاج دراما رح ابكي الا شوي
هشام: تضرب مااغلظك انت ،
هناء: هاد عدو اللحظات الحلوة مابيحب يشوف حدا مبسوط دودي بيك 😒
هشام: ابدا النكد بدمو
ادهم: اي دخيلكن انتو خليت الفرفشة الكن 😒
دخلت عالبيت وكانو ياسمين وريما قاعدين بالصالة اول ماشافوها تعلقت عينيهن فيها بصدمة
ابتسمت بوجهن هناء. وتخنصرت
هناء: شووو مابدكن تستقبلوني؟؟ ولا ارجع روح
ياسمين(بفرح): هناء حبيبتي تؤبري البي
ركضت لعندها وضمتها بقوة
هناء(بحزن): شتقتلك كتير ياروحي
ياسمين: وانا كمان حبيبتي
كانت ريما واقفة بعيد شوي قربت لعند هناء وبعيونها دموع ندم
ريما: سامحيني اختي انا ظلمتك واذيتك كتير الله يخليكي سامحيني
بتبتسم بوجها وبتضمها
هناء: الله يسامحك اختي
ريما: انتي بتعرفي غلاوتك عندي بس انا كنت مجبورة اسكت ع كل شي
هناء:بعرف عمري بعرف
كانت الست مريم مو بالبيت ورجعت
لما دخلت عالبيت وشافت هناء
جنت وماعاد تعرف تضحك ولاتبكي
كانت مو مصدقة عيونها
اطلعو هي وهناء ببعض
كانت مريم عم تحاول تتاكد ازا هي بنتا ولاعم تتخيل ، بس هناء قطعت عليها افكارها
وركضت لعندها تعانقها
بلشو دموع الفرح ينزلو ع خد الست مريم حطت ايدها ع وجه هناء تتحسس ازا كانت بحقيقة ولابحلم.
مريم(تبكي): هناء ياروحي قالولي انك متي
هناء: انا صح متت بس رجعتلي الروح لما شفتك ياست الكل
اخدتها الست مريم لحضنها وصارت تبوسها
مريم: ياعيوني انتي لك وين رحتي وتركتيني ياروح قلبي
شتقتلك ياروح امك
هناء: وانا شتقتلك امي وانا كمان قلبي داب ع غيابك، والله انا بدونك مابسوا شي والله
ادهم: مشان الله انتو اليوم مصرين تبكوني
بتلتفت مريم لعند ادهم يلي كان واقف وراها
مريم (بعصبية) : انت حسابك بعدين، لك كيف بتقلي انها ماتت كيف
هناء: ماما والله ادهم مادخلو انا طلبت منو هالشي
مريم: ليش ياعمري ليش كنتي حابة تعاقبيني
هشام(بحزن): كان بدها تعاقبني الي
ياسمين: يلا بقا المهم انو هنوئة رجعت بخير وسلامة
مريم تبكي : تؤبري البي ياعمري
شوشتقتلك ياروح امك انتي دخيل قلبك انا
بيقرب سلطان لعند الست مريم وبيحط ايدو ع كتفها
سلطان; الحمدلله ع سلامتهن اختي، الله لايفرقكن بقا
بعدت الست مريم عن هناء والتفتت لعند سلطان
مريم(بحرقة قلب): امييين يارب الله يسمع منك
__
بعد كم يوم
كانت هناء نايمة بغرفتها
فاقت على رنة تلفونها
كانت مكالمة من عامر فتحت الخط وردت عليه
عامر: صباح الخير
هناء: صباح الخيرات
عامر: شتقتلك
هناء: وانا كمان
عامر: وينك انتي
هناء(مستغربة): ببيت اهلي وين بدي كون يعني
عامر: بعرف بس وين بالظبط
هناء: بغرفتي
عامر: طلعي لبرا الفيلة
هناء: وليش بقا
عامر: طلعي ولاتكتري اسئلة
هناء: طيب ليش شوفي
عامر: سمعي الكلمة واطلعي
هناء: طيب بس خمس دقايق
نزلت وطلعت لبرا الفيلة
وكانت حاطة التلفون ع ادنها وعم تتلفت يمين شمال
هناء: اي عامر انا صرت برا
عامر: اطلعي لوراكي
اطلعت وراها وشافتو واقف قدام سيارتو ومعو باقة ورد
ابتسمت
وراحت لعندو
عامر: ماقدرت اتحمل البيت بدونك ،
ابتسمت بخجل ونزلت راسها بالارض
عامر: هناء بتقبلي تتزوجيني
هناء بصدمة : اه شو؟
عامر(بصوت عالي): بتقبلي تتزوجيني. ، سمعتي ولا علي اكتر!
هناء: لك لا خلص خلص سمعتك 😅
اي بقبل
عامر: بحبك
هناء: وانا كمان
عامر: انتي شو
هناء(متلبكة): خلص بقا روح هلق حدا بيشوفك
عامر: مارح روح لتقوليلي انتي شو
هناء: بعدين بقلك
عامر: بس انا هلق بدي اعرف
هناء: خلص عم قلك بعدين
عامر: وعد؟
هناء: اي وعد
عامر: انا المسا جاي اطلب ايدك
هناء: منتشرف
عامر: يعني بتستقبليني؟
هناء: ههه اكيد
عامر: اكيد اكيد؟
هناء: ولك ايي اكيد خلص بقا رووح من هون
عامر: مالي قلب روح
هناء: عامر خلص بقا
قرب من خدها وباسها واطلع بعيونها بحب
عامر: خاطرك
هناء: الله معك ،
ركب بسيارتو ومد راسو من شباك السيارة وحكا: لاتنسي انا المسا جااي

هناء: ههههه اهلا وسهلا
شغل السيارة ومشي
دارت ضهرها هناء وكانت راجعة عالبيت لقت قدامها اياد انصدمت وتبسمرت باارضها
كان عم يتطلع فيها بعصبية والدموع بعيونو
اياد: مين هاد
هناء ببرود : وانت شودخلك
اياد: سالتك مين هاد
هناء: وانا سالتك انت شودخلك
بيقرب منها وبيحط ايديه ع ايديها
اياد: هناء لاتعملي هيك معي لك انا بحبك والله بحبك
هناء: اه والله؟ طيب شكرا
اياد: ماتحكي معي ببرودة اعصاب
هناء(بمسخرة): كيف بتحبني احكي معك ، قلك شكرا يااياد ياحبيبي السابق عالجرح يلي تسببتلي فيه
اياد انا نسيتك وشلتك من بالي وانت كمان شيلني من بالك
اياد: كذابة هناء ، انتي لساتك بتحبيني ، هالشي واضح بعيونك ، لك ازا انتي كذبتي هنن مابيكذبو انا بعرف انك بتحبيني
هناء: اياد ازا سمحت تركني روح على بيتي
وانت روح على بيتك ياصهري
اياد: انا طلقت ماجدة
هناء: اي شواعملك
اياد: هناء انا بحبك رجعيلي
هناء: مستحيل اياد
مستحيل انا مالي متلك انا مابخدع الناس يلي بيحبوني بدك تعرف مين هداك الشب؟ رح قلك هداك الشب هو اكتر انسان حبني ووقف جمبي بالاوقات الصعبة
بالوقت يلي كنت محتاجتك فيه كان هو جمبي ساعدني وقواني ، وحبني من كل قلبو
مو متلك انت بعتني كرمال نزوة
اياد: هناء انا مابعتك انا كنت مجبور اتزوج ماجدة
هناء: بعرف هالشي بعرف انك تزوجتها لانو غلطت معها ، بس سمحلي قلك ، عزرك اقبح من ذنبك ، روح عيش حياتك اياد وتركني عيش حياتي ، عن اذنك
وبتتجاوزو وبتمشي
اياد: هناء ستني
هناء(بعصبية): خلص بقا اياد
مسكها من ايدها وشدها لعندو
غمرها بشوق كبير وبلش يبكي ع كتفها
اياد:اشتقتلك كتير لوتعرفي قديش تعذبت بغيابك ، وين كنتي دورت عليكي بكل مكان ، ليش ماجيتي لعندي لما قلعك هشام ، والله كنت حطيتك بعيوني
بعدت عنو وصرخت فيه وكانو عيونها حمر من كتر القهر
هناء: اجي لعندك؟؟؟ من كل عقلك اياد؟؟ بدي اجي عند الشخص يلي خانني وقلو خبيني عندك؟؟ من كل عقلك بدي اجي لعندك ؟
اياد: بس هناء انا ماخنتك لك انا الي صار معي غصب عني والله غصب عني لك الحقيرة ماجدة حطتلي حبة بالقهوة وحياة غلاوتك الي صار ماكان باايدي انا اصلا ماكنت حاسس ع حالي شوعم اعمل والله ماكنت بوعيي والله
هناء: هههه وانا هلق لازم صدق؟
شوف اياد ، انا ماني بنت صغيرة لتضحك عليي بهالكلمتين، الله يوفقك تركني روح بطريقي
وانت روح بطريقك
تركتو ومشيت بطريقها وهي عم تبكي
وهو كان عم يراقبها من بعيد ،، بحسرة وندم
اياد: كيف بدي خليكي تسدقيني هناء كيييف
-------
بالليل
كانو الكل مجتمعين ببيت مجدي بيك
على شرف الدكتور عامر
كانت هناء بغرفتها واقفة قدام المراية عم تجهز حالها ومعاها
ياسمين وريما عم يساعدوها
لبست فستان سومو لعند الركبة ومن فوق موديل ملكة
حطتلا ريما ميكب خفيف وفردتلها شعرها ع كتافها وحطتلا حبسة الماس على طرف
ريما: وهي خلصنا
مسكت فستناها وصارت تتفتل حواليهن
هناء: كيف طالعة بالله
ياسمين: بتجنني حبيبتي متل القمر
ريما(بااعجاب): بسم الله من عيننا والله قمر
هناء: تقبرو قلبي ع قبال ماافرح فيكن،يلا بقا شدولي همتكن انتي وياها
بتطلع ريما ع ياسمين
ريما(بمزح): اول شي خلينا نفرح بالست ياسمين، وحبيبها السيد محمود ابو عيون خضر ونخلص منهن
بعدين بتفرحو فيني انا
ياسمين : نننن مهضومة كتير 😒اي جكارة فيكي عن قريب كتير رح نخطب
ريما: اي خطبو حبيبتي شو بزعل يعني
بتطلع هناء ب ريما بضحك
وبتضربها ع كتفها
هناء: اي عقبال ماتخطبو انتي وخالو، يامرت خالو
ياسمين; ههههه حبيتا هي
ريما(بخجل): تضربو مااغلظكن اي
هناء: والله وصبرتي ونلتي يارمروم، اي شو بدك احسن من هيك سلطان العمري بجلالة قدرو خطفتي قلبو
ياسمين: هههه اي والله نيالك شوبدك احسن من هيك
بتصير بتبتسم بخجل وبيحمرو خدودها
وبيصيرو ياسمين وهناء يضحكو عليها
ياسمين:ليكي ليكي كيف صارت حمرة متل اشارة المرور
هناء: هههه قال يعني خجلانة
عصبت منهن وضربتهن
ريما: نضبي بقا انتي وياها وليه لعما بعيونكن
هناء: هههه اي امرك مرت خالو امرك
ريما: تضربي شو زنخة
ياسمين: هههه خلص بقا يابنات خلونا نطلع نطفنا قلبو للدكتور
بياخدوها وبيطلعو لغرفة الضيوف
بيدقو الباب وبيدخلو
واول مابشوفها عامر بيطير عقلو بجمالها واناقتها
بتقرب هناء لعند عامر وبتسلم عليه
هناء: اهلا وسهلا فيك نورت بيتنا
عامر:منور البيت بوجودك
بتشيل ايدها من ايدو وبتروح بتسلم على اخواتو
وبتقعد جمب امها
بيقعد عامر وبيتطلع ب هشام
عامر:سيد،هشام انا بشرفني اطلب ايد الانسة هناء على سنة الله ورسوله
هشام: نحن منتشرف فيك يادكتور، يعني،انا منين بدي لاقي احسن منك لااختي،ولاشو ياام هشام

وبيتطلع ع امو
مريم: اي والله معك حق ياابني، الدكتور عامر مافي منو ومابنسا الي عملو مع هناء طول حياتي وبتشرف فيه يكون صهري
بيبتسم عامر وبيطلع بهناء وبيرجع بيتطلع ع الست مريم وبيحكي
عامر:تسلمي ياخانم انا الي الي الشرف ناسبكن وكون واحد منكن
هشام: لكن خلونا نقرأ الفاتحة ع نية التوفيق
الكل رفعو ايديهن ليقرأو الفاتحة
وقفهن صوت سلطان: لحظة ازا سمحتو
وصارت عيون الكل عليه
هشام: شبك خال في شي!
سلطان: اي في شي
بصير يتطلع بالكل
واخر شي بيتطلع بريما بحب وبيبتسملا
سلطان: انا حابب تصير الفاتحة فاتحتين
هشام(مستغرب): مافهمت!! كيف يعني
سلطان: يعني انا كمان بدي اخطب من عندكن ازا بتسمحولي طبعا
بيتطلعو هشام ومريم ببعض مستغربين وبيرجعو بيتطلعو ع سلطان بنظرات تساؤول
بيلتفت سلطان ع الست مريم وبيبلش يحكي
سلطان: اختي انا كمان بشرفني ناسبكن واطلب ايد ريما منك ومن اخواتها ع سنة الله ورسولو
بتبتسم الست مريم وبتظهر ع وجها علامات الفرح
مريم;والله انا بتشرف فيك ياقلبي انت، بس بدنا ناخد رأيي ريما
والكل بيلتفتو لعند،ريما يلي كانت حاطة راسها بالارض وخجلانة
مريم:شو يابنتي،انتي موافقة تتزوجي اخي ؟ !
ريما:...
بيتطلعو ادهم وهناء ببعض وبيضحكو
ادهم: امي لاتخافي مو بس موافقة باصمتلك بالعشرة كمان حمدي ربك مااجت هي خطبتو
الكل: هههههه
ريما(بزعل):الله يسامحك يااخي هلق انا هيك بدي،اعمل
سلطان; لك انت الله لايعلق حدا بلسانك ياابو لسان
هشام : اي،بس شوبدنا بالحكي، ابو عضل عريس مابيتفوت
ادهم(بمسخرة): اي مزبوط كتير مدسم
سلطان: عم تتمسخر سيد ادهم!
ادهم: لاا اعوذ بالله شو اتمسخر
سلطان: ع كل حال حسابك بعدين خلينا هلق بموضوعنا
مريم: ازا ريما موافقة خلينا نقرا الفاتحة
سلطان(بثقة): وتسترجي ماتوافق اصلا
ريما(بجكر): بالله شو ؟! واذا ماوافقت
ادهم: مابتلحقي ما توافقي هلق بيقوم بيضربك بوكس بيهرلك سنانك
سلطان (بيغمز ريما): متل ماعم يقلك
ريما بتطلع فيه بعصبية وبتضم ايديها ببعض بدون ماتحكي شي
هشام: خلصونا بقا شو صار معكن! ؟ نقرا الفاتحة ولا لا
سلطان: اكيد منقراها
هشام: بس انا بدي اسمع من ريما
وبيلتفت على ريما
هشام: شو ريما نقرا الفاتحة؟
ريما(بخجل): متل مابدك اخي
مريم(بفرح): على بركة الله
خلونا نقرا اول فاتحة عامر وهناء
بيفتحو ايديهن وبيقرأو الفاتحة مرتين
وبالاخر
الكل: صدق الله العظيم
مريم: ان شالله الف مبروك يابنات الله يتمملكن ع خير
هناء: الله يبارك فيكي ماما
ريما: الله يبارك فيكي خالتو عقبال ماتفرحي باادهومة
وبتطلع فيه
ادهم(بيتنهد): الله يسمع منك لك اختي
الكل بصيرو يباركو لهناء وريما
وسلطان وعامر وبتعم السعادة بالبيت بعد مااكلو الحزن لسنين وايام طويلة
---------
ببيت اياد
واقفة ع شباك غرفتها وصافنة
وضامة ايديها ببعض
وعم تفكر بكل الايام الحلوة والمرة يلي قضتها هي وهشام عيونها ماعم يوقفو بكي وقلبها من جوا محروق،كل اللحظات الحلوة معو عم تمر ببالها متل الشريط
سارة(بقلبها): اااخ ياهشام شو مشتاقتلك ، كيف بدي فهمك اني بحبك،كيف بدي وصلك فكرة انك من لما دخلت لقلبي مااطلعت عيني ع حدا تاني،
بتمسح دموعها وبتقعد ع تختها
وبتنتبه على بطنها يلي بلشت تكبر وبتصير تتحسسها
سارة: معقول يجي ابني عالدنيا وانا وابوه منفصلين، االله لايقدر والله ازا مابرجع لهشام يمكن موت حالي
وبترفع راسها للسما وبتدعي بقلب محروق
سارة: دخيلك يارب تردني الو. انت بتعرفني قديش بحبو وبعشقو دخيلك ماتحرمني منو
بتسمع صوت باب البيت نخبط بقوة
بتقوم من مكانها وبتطلع برا غرفتها
لتشوف شو القصة
بيكون اياد واقف وساند حالو عالحيط وعم يبكي
سارة(بقلق): شبك اخي! !
اياد(بغصة): انخطبت، راحت، اجا مين اخدها من ايدي
وبوقتها بتفهم انو قصدو ع هناء
بتقرب منو وعينيها عم يتطلعو فيه بشفقة
سارة: موانت يلي تركتا. شوبدك فيها
بيشد ع ايديه وبيحكي بصوت مليان قهر
اياد: ولككك انا ماتركتا هيككك بدون سبب
انا تركتا لانو الحقيرة ماجدة كانت بدها تزتني بالحبس،تركتها لانها ورطتني معها ،لك ازا هناء نجرحت مرة انا نجرحت الف مرة ، الكل اتهمني اني خاين واني كنت عم اضحك ع هناء بالوقت يلي انا فيه بموت فيها، شو ساوي ازا ماجدة ضحكت عليي وخدعتني، شوبعرفني بليلتها انها رح تحطلي شي بالقهوة شووو،
نجبرت اتزوجها لانها كانت حامل وهددتني تحكي اني اغتصبتا ازا مابتزوجها،
وبيخطر عبالو ابنو كرم يلي اختفا بيوم وليلة
وبيغص اكتر وعيونو بتنطفى
اياد: وياريت الشي الي تزوجتا كرمالو ضل،ابني اختفى بغمضة عين وماعدت عرفت عنو اي شي، اختفى ياسارة وكانو نشقت الارض وبلعتو
كان عم يحكي وملامح وجهو وتعابير جسدو مليانة قهر

قربت منو سارة وعانقتو وصارت تهديه
سارة: خلص اخي خلص اهدا طول بالك
اياد: مابدي طول بالي ،والله والله ازا هناء بتتزوج غيري لحتى سم حالي واخلص من هالحياة المقرفة
سارة: لا ياعمري مشان الله لاتحكي هيك خلص سلم امرك لاالله، هاد نصيبك
وبيبعد عنها وبتنهار اعصابو
اياد: لا موهاد نصيبي، انا يااما بتكون هناء الي، يااما والله لحتى موت حالي
وبيتجاوزها
وبيدخل ع غرفتو وبيخبط الباب بقوة
بينما سارة بتضل واقفة مكانها وزعلانة عليه
سارة: الله يهدي بالك يااخي، والله مابتستاهل الي عم يصير فيك
-------------------
باليوم التاني
كان الوقت حوالي الساعة 9 المسا
وكانت ياسمين قاعدة مع محمود
بالكافتيريا وعم يحكو
بيرفع ايدو محمود وبيحطها على وجه ياسمين وبيتأملا بحب
محمود: ياسمينتي
ياسمين: ياعيونا
محمود:بدي قلك شي
ياسمين:قول ياقلبي
بيطالع علبة حمرة وبيفتحها وبيحطها قدام ياسمين
ابتسمت ونزلت راسها بالارض اول ماشافت المحبس يلي فيها
محمود: بتتزوجيني؟!
ياسمين: هيك!
محمود: اي هيك وهون وقدام الكل
ياسمين: يعني مابدك تجي تطلبني من اخي؟ !!
محمود: ماتاكلي هم اخوكي انا حكيت معو واتفقنا ع كل شي
ياسمين(متفاجئة): يامحتال ايمتا؟!!
محمود: خلص شو دخلك انتي، خلينا بموضوعنا
سندت وجها باايدها وابتسمت بدلع
ياسمين:شو
محمود: عملي حالك مابتعرفي 😒
ياسمين: نسيت شو قلت عيدها
محمود(بمسايرة): بتقبلي تتزوجيني حبيبتي ؟!
ياسمين(بمزح): امممم بفكر
محمود(بزعل) حاج غلاظة ولو نطفتي قلبي
ياسمين: هههه ييعلي سلامتو لقلبك، اي موافقة حبيبي
بترتسم ع وجهو علامات الفرح وبيقوم من محلو وبيقعد ع ركبتو قدامها
محمود: بحياة ربك
ياسمين(بحب): بحياة ربي
انحنا لعند ايدها وصار يبوسها وهو عم يضحك وطاير من الفرحة قام على حيلو
جاب المحبس من عالطاولة ورجع انحنا ع ركبتو ولبسها ياه
وكل يلي موجودين بالكافتيريا عم يتطلعو عليهن
مسكلا ايدها وباسها وحطها ع قلبو
محمود: مبروك حبيبتي
ياسمين: الله يبارك فيك ياقلبي ،الله يخليلي ياك
محمود: بحبك
ياسمين: وانا بحبك وبموت فيك
بيلتفت محمود لعند الناس يلي عم يتفرجو عليهن
وبيصرخ عليهن بفرح
محمود: هيي انتو بدال ماعم تتفرجو حدا منكن يسمعنا زلغوطة وزقفولنا
بصيرو الكل يضحكو ويصفقولهن
وبتبلش تعلا اصوات الزغاريد
بيتطلع محمود ع ياسمين وبيمسك ايدها بيقومها من عالكرسي وبياخدها لحضنو وبيضما قدام الكل
ياسمين: خلص بقا يامجنون
محمود: لا ماخلص بدي الكل يعرف اني بحبك
وبيضل ضاممها قدا م الكل لدقايق
وسط تصفيق وتصفير من الناس يلي موجودين بالكافتيريا
بيبعد عنها وبيأشر للكرسون
محمود: ازا سمحت
بيجي لعندو
الكرسون: امور استاذ
محمود: نزلي حلوان مرتب لكل الموجودين
الكرسون: تكرم عينك
---------------------
مرق فترة
وكان اليوم هاد
هو يوم كتب كتاب هناء عالدكتور عامر
كانت واقفة جمبو وعم يلبسها المحبس
وكانو الكل مجتمعين حواليها
لبسها عامر المحبس وكانت هي على وشك تلبسو المحبس وقفت لما شافت اياد جاي من بعيد جمدت باارضها وصارت تطلع عليه
وهو كان عم يتطلع عليها نظرات حسرة
وعيونو مليانين دموع
انتبه الكل. لوجودو
ولنظرات هناء الو يلي ماقدرت تسيطر عليها
كانو ادهم وياسمين كانو واقفين وراها قربو لعندها وصارو يحكو باادنها
ياسمين: هناء شو صرلك لبسي المحبس لخطيبك
ادهم( بعصبية) : هناء استحي على حالك عيب يلي عم تعمليه
ياسمين: يلا هناء
فاقت هناء من صفنتها ولبست المحبس لعامر
والكل صار يصفقلهن
مريم: الف مبروك حبيبتي ،
هناء: الله يبارك فيكي ماما
قرب لعندها هشام وكان عم يحاول يسيطر ع عصبيتو
ابتسم بوجه الدكتور وسلم عليه
هشام: ، مبروك دكتور
عامر: الله يبارك فيك
قرب لعند هناء وزورها وسلم عليها وهمس باادنها
هشام: حسابك بعدين
وبعد عنها وابتسم بتصنع وحكا
هشام: مبروك اختي
هناء كانت لسا عم تتطلع بااياد
قرب اياد لعندهن وسلم عالعريس
اياد: الف مبروك
مدلو عامر ايده ببرود
عامر: الله يبارك فيك
قرب لعند هناء ومدلو ايدو وهو عم يرجف
اياد(بنظرات حزن): الف مبروك بتمنالك السعادة
هناء(بوجه ناشف): الله يبارك فيك شكرا
شال ايدو من ايدها وقعد بين المعازيم وهو عم يحاول يخبي حزنو والمو
بقي كل الوقت عم يتطلع على هناء وعامر بحسرة
وهييك لحتى خلصت السهرة
وراحو كل. المعازيم
طلع عامر من مكان الحفل
شغل سيارتو ومشي
وكان اياد قاعد بسيارتو وعم يراقبو
واول مامشي عامر شغل اياد سيارتو ولحقو ،،،،
--------------
باليوم التاني
كانو ادهم وريما وياسمين وهشام قاعدين وعم يشربو القهوة سوا ،،
هشام: شفتو بالله اختكن المصون شوعملت شفتو عالتصرف الغبي يلي تصرفتو

ادهم: فعلا غبية
هشام(بعصبية): بتعرفو لو انا بدال العريس لكنت زتيت المحبس بوجها وتركتها ورحت
ياسمين : طولو بالكن ولو مابدها كل هالقد
ريما: معها حق اياد كان حبيبها ومو بالسهل تنساه
ادهم: حاج تدافعو عنها انتي وياها التصرف الي تصرفتو هناء تصرف بايخ وفيو تقليل قيمة للدكتور 😒
كانت هناء جاية من غرفتها ولابسة وكانها طالعة لبرا
شافها هشام دار وجهو عنا وحكا باانزعاج
هشام: شرفت الخانم
قربت لعندهن واتخنصرت
هناء: شبك سيد هشام شوفي
اطلع فيها وحكا معها باانفعال
هشام: سلامتك اختي ، بس شوهالتصرف الغبي الي تصرفتيه مع عامر ؟
اتلبكت وحطت راسها بالارض
هناء: .....
هشام: وشو شايفك لابسة وكانو طالعة لوين رايحة ؟
هناء: اتصل فيني عامر وقال بدو يشوفني
هشام: اكيد بدو يبهدلك عالشي يلي عملتيه مبارح ، حقو وبتستاهلي
رفعت راسها وحكتو بعصبية
هناء: هشام ماني ناقصتك ها
ومشيت بطريقها
ادهم: اجي معك؟
هناء(التفتت لعندو): لا ارتاح انت التاني 😒
وتركتهن وطلعت من البيت
هشام: يبعتلا حمى شو هبلة وغبية
ياسمين:خلص ولو هشام طول بالك
هشام(بمسايرة): اي رح طول بالي، لشوف شو اخرتا مع اختك المصونة
-------------
بغرفة من غرف الفندق
قاعد على البلكون
وصافن بالاطلالة يلي قدامو
وسارح باافكارو وكان مبين ع وجهو اثار الزعل والقهر
فلاش بااك:
بالليلة الماضية
بعد ماخلص الحفل
ورجع هو عالفندق
دخل ع غرفتو وسكر الباب ع حالو
وكان عم يتذكر نظرات هناء واياد لبعض
والقهر والغيرة عم تاكلو اكل
اجا ليقعد عالكرسي وقفو صوت الباب
استغرب ومشي بخطوات بطيئة ناحو
فتح الباب وتفاجئ بالشخص يلي كان واقف قدامو
اياد:فينا نحكي شوي
عامر:...
اياد:اذا بتريد دكتور
بعد عن الباب واشرلو باايدو
عامر: تفضل
دخل اياد وقعد هو وعامر
وعم السكوت بيناتهن
وكانت نظراتهن لبعض غريبة
وبعد لحظاات
عامر: اكيد ماجيت لتسكت
كان اياد متلبك وعم يطقطق اصابعو
بيرفع راسو وبيتطلع ب عامر وبيبلش يحكي
اياد:صح ماجيت لااسكت
عامر: طيب احكي لاتسكت
بيدمع عيون اياد وبيبلش يحكي بصوت فيو غصة
اياد: دكتور انا جاي اطلب منك طلب
انا بعرف انو عيب عليي اطلبو، بس انا يادكتور جاية وكلي عشم فيك ماتردني خايب
عامر(مستغرب):خير شو القصة؟
اياد: هناء يادكتور هناء
بيتغيرو تعابير وجه عامر وبتبان عليه علامات الانزعاج، بيدير وجهو عن اياد
عامر:شبها هناء
بياخد اياد نفس عميق وبدون مايحس بتنزل دمعتو يلي كانت واقفة بطرف عينو
اياد: بدي ياها
بيتطلع فيه عامر مستغرب وبيضحك بسخرية
عامر: هه هلق صار بدك ياها! ،ماانت الي تركتا ؟
اياد:صح انا تركتها، بس والله العظيم غصب عني كنت مجبور والله مجبور
اياد: وشو يلي جبرك
اياد: رح احكيلك رح احكيلك كل،شي وانت احكم اذا كان معي حق او لا
عامر: تفضل عم اسمعك
بيبلش اياد يحكي
لعامر كل قصتو مع ماجدة
وعامر بيضل عم يسمعو لحتى يخلص
اياد: وهاد كل شي صار
عامر(بصدمة):فظاعة عنجد، بعمري ماشفت حدا بهالحقد هاد، يعني عملت كل هالقصة ووسخت سمعتها كرمال تبعدك عن اختها
اياد: هاد الي صار، وانا بليلتها قلتلا انو جيتها مو حلوة لعندي بوقت متاخر، بس هي عندت، وماكنت بعرف انو في شي براسها
بس مع الايام فكرت فيها
وقلت انو مستحيل انا اعمل هيك شي بكامل قواي العقلية اكيد بتكون حطت شي بالقهوة يلي عملتها
وبيوم من الايام سالتها،وطلعت فعلا عاملتا
عامر: طيب وانا هلق شو المطلوب مني
بيحس بالاحراج
وبينزل راسو بالارض
اياد: انا يمكن كون قليل زوق بس ماكان في قدامي غير اني اجي لعندك واطلب منك
انو
وسكت،،،
عامر: انو شو؟
قوا قلبو واطلع بعامر
اياد: دكتور عامر انا بدي ياك تترك هناء
عامر(بيتطلع فيه مستغرب):.....
اياد (بخجل):بعرف اني وقح وقليل ذوق، بس يادكتور انا مو بس بحبا لهناء انا بعشقا، والي بحب
بيطلع معو كل شي
وانا كرمال هناء مستعد اعمل كل شي
الله يوفقك دكتور تركلي ياها
انا خسرتا وضيعتا مرة مابدي ارجع اخسرها مرة تانية
انهار بالبكي وبدون مايحس وقرب لعند عامر
وحط ايدو ع ركبة عامر
اياد:بترجاك لاتحرمني منها انا ستنيت كتير لاارجع لاقيها ببوس ايدك ماتحرقلي قلبي اكتر من ماحترق
كان عامر شارد وماعم يعمل اي ردة فعل
انتبه اياد ع حالو وبعد عنو اياد وقام على حيلو
اياد:انا اسف دكتور، بس حبي لهناء عمى ع قلبي
انا حكيتلك كل شي بقلبي وفهمتك كل قصتي
والباقي عليك،
بخاطرك
ولف ضهرو ومشي بخطوات بطيئة ناح الباب وهو عم يستنا كلمة من عامر تطمنو او تبرد قلبو
بس خاب املو
وعامر كان مكتفي بالسكوت
طلع اياد من الغرفة وسكر الباب
ووقف قدامو مسح دموعو ومشي بطريقو
باااك
صحي عامر من صفنتو ع صوت موبايلو

كان الاتصال من هناء
فتح الخط ورد ببرود
عامر: اي هناء
هناء: وينك انت انا وصلت لمكان ماقلتلي
عامر:يلا جاي
سكر التلفون
وقام من مكانو ونزل
------------
ببيت سلطان
كان قاعد على كرسيه الهزاز
وشارد وفجأة
في ايدين بينحطو ع كتافو
بيطلع فيهن وبيبتسم وبيتطلع لوراه
سلطان: اهلا وسهلا بالحب
ريما: تأخرت عليك؟ !
سلطان: شوي صغيرة دقيقة الا عشر ثواني
ريما(بدلع):مو كتير مشيها
سلطان:امرك بمشيها
ريما: مايؤمر عليك ظالم
بتنحني وبتبوس راسه
بيمسكها من ايدها وبيسحبها بيقعدها جمبو
وبيحضنها
سلطان: شتقتلك حبي
ريما: لسا المسا شفتني بالحفلة لحقت تشتاق؟
سلطان: انا بشتقلك ازا بتغيبي ثواني
وبيحط راسه راسها
سلطان: بحبك
ريما: وانا كمان بحبك
سلطان:قديش
ريما: اكتر من مابتتخيل بكتير
وبترفع راسها وبتبعد عنو
وبتطلع فيه بجدية
ريما:صح شو الموضوع يلي جبتني مشانو
بيظبط قعدتو وبيحط ايديه باايديها
سلطان: كنت بدي خبرك، اني فتحت فرع جديد لشركتي
ريما(بفرح): جد ؟ اي نشالله الف مبروك حبيبي
سلطان: الله يبارك فيكي،بس مو هاد الي كان بدي قلك ياه،
ريما:لكن شو؟
سلطان: كان بدي. قلك انو شو رايك انتي تستلمي ادارة الفرع الجديد
ريما(متفاجئة):انا؟
سلطان: اي انتي ليش شوناقصك انتي
ريما: ماناقصني شي، بس يعني وشغلي بشركة العيلة؟!
سلطان:تركيه
ريما:بهالبساطة!
سلطان: اي بهالبساطة
ريما:بلكي هشام زعل مني
سلطان:لا ليش ليزعل البيك الصغير، مابدها زعل الشغلة وعادي، بعدين يعني انتي رح تصيري مرتي
ولازم تعملي الي انا بدي،ياه مو يلي بدو ياه حضرة جناب اخوكي
ريما: اي بس يعني حلوة اتركو لحالو بالشركة!
سلطان: ليش لحالو؟ بسلامة ادهم وياسمين
ماهنن معو بالشركة
ريما(ب حيرة):مابعرف تركني فكر
سلطان: لامافي تفكري بدك توافقي
ريما(بنرفزة): بالله شو، يعني مو بكيفي
سلطان:لا مو بكيفك
ريما: يالطيف مااقواك كل شغلة عندك اوامر
سلطان(بغرور):حقي وبيلبقلي ،
ريما(بغيظ): ايوا
سلطان: ليكون عندك اعتراض
ريما: لاماعندي سيد سلطان
سلطان(بفخر): اي فكرت
وبيحط ايدو ورا ضهرها وبياخدها لعندو وبيبوسها
سلطان: دخيلو الي بيسمع كلمة انا
ريما(بحب):ليش انا بسترجي مااسمع كلمتك
سلطان:ومو بس مابتسترجي، مابيجي من قلبك بعرف
ريما: اي والله مابيجي
سلطان: يسلملي الحنون انا
---------
عند عامر وهناء
كانو قاعدين عااحد المقاعد ب ساحة الفندق
يلي نازل فيه عامر
هناء: اي عامر شوفي ليش جبتني بسرعة
كان عامر قاعد وحاطت راسو بالارض
رفع راسو واطلع فيها
نظرات غريبة
نظراتو شغلت بالها وحيرتها
هناء: ليش هيك عم تتطلع فيني؟
عامر: هناء انا اسف
هناء (بااستغراب ): على شو؟
عامر: انا كنت بدي اسرقك من حبيبك سامحيني هناء ماكنت بعرف انك بتحبيه كل هالقد ، انا مبارح شفت نظراتك الو وشفت نظراتو الك وحسيت قديش انتي وياه بتحبو بعض
هناء انا مافيني وقف بوجه تنين بيحبو بعض وفرقهن اياد بيموت فيكي ، انا ماتربيت انو اخد شي مو الي صح انا حبيتك كتير بس يبدو انك مو الي
هناء(بصدمة); كييف يعني عامر؟؟
شلح محبسو وحطو باايدها وهو بيتطلع فيها بحسرة
عامر: يعني فرصة سعيدة ، انا مارح وقف بوجهك انتي واياد انا مالي اناني واهلي ماربوني انو كون هيك ، روحي هناء روحي لعند حبيبك اياد ، تزوجو وازا اجاكن صبي بتمنا تسموه على اسمي ،
هناء (بعصبية ): لك شوهالجنااان عامر؟؟ شبك شو صرلك ، بدك ياني اتركك انت انت يلي حبيتني من كل قلبك ووقفت معي بااصعب ايام حياتي، وروح لعند الي خانني؟؟
عامر: هناء اياد ماخانك ، اياد بيحبك وبيحبك كتير ،وانتي بتحبيه ، لهيك انتي مالازم تقتلي هالحب، انتي لازم تعطيه فرصة
هناء: لك فرصة شووو فرصة شوو شوعم تخبص انت عامر، انا مستحيل اتركك
عامر: بس انا اسف ، رح اتركك ، لاني مابدي وقف بوجهك، ومابدي اظلمك ولااظلم اياد،
انا شفت اياد مبارح وحكالي قديش هو بيحبك ، وعرفت انو هو ماخانك ، هناء اياد بهديك الليلة ماكان بوعيو ، اختك حطتلو حبة بالقهوة خلتو متل السكران موحاسس ع حالو شو عم يعمل ،
هي كانت مخططة لكلشي ، كانت راسمة خطتها انو تغلط معو وتجبرو يتزوجها ، هو بعمرو ماحب ماجدة ،وبعمرو ماحب حدا غيرك ، رجعيلو هناء حرام تظلميه ،،
كانت عم تتطلع بعيونو ومصدومة بكلامو ،،
واخيرا عرفت الحقيقة
واخيررا عرفت انو الشي يلي صار ماكان باايدو لااياد
وقف عامر ع حيلو ليمشي
عامر: بخاطرك هناء ، انا لازم روح
دار ضهرو ومشي وكانت هي لسا
صافنة فاقت من صفنتها واطلعت عليه
هناء: عامر
وقف والتفتت لعندها والدمعة بعيونو
قامت من مكانها وقربت لعندو وهي عم تطلع فيه بتأنيب ضمير
هناء: انت احسن شب بالدنيا انا كتير بحترمك ، انا الي لازم اطلب منك تسامحني لاني ماكنت قد المسؤولية ، عامر انت بتستاهل احسن مني بكتير ، الله يوفقك ويبعتلك البنت يلي بتستاهل طيبة قلبك واخلاقك العالية

ابتسملها ابتسامة وجع ولف ضهرو ومشي بدون مايحكي ولاكلمة
عامر(بقلبه): رح انساكي هناء ، انا مالي زعلان منك انا حاسس فيكي انا زعلان من الدنيا يلي بتاخد مني كل شي بحبو
ضلت عيون هناء عم تراقبو لحتى اختفى عن انظارها
رجعت قعدت عالمقعد
وسندت راسها عاايديها
وصارت تفكر بالي صار
وشوي شوي بلشو دموعها ينزلو ع خدها
كيف هيك صار، كل هالايام. وهي عم تظلم اياد
وبالاخر طلع هو كمان ضحية
افعال ماجدة الظالمة
ضلت ع حالها لدقايق
وفجأة بتنحط ايد ع كتفها بتلتف لوراها
بتلاقيه واقف وعم يتطلع فيها بنظرات شوق
قامت من مكانها وركضت لعندو وهي عم تبكي
وضمتو ب لهفة
اياد(بحسرة): ياالله بعد زماان
هناء: ليش خبيت عليي ليش ماقلتلي الي صار اقل شي كنت عزرتك
اياد: ماقدرت احكي، شو كان بدي قلك ،كيف كنت بدي بررلك ماكنت بعرف
هناء: اااخ شوشتقتلك اخ،
اياد: وانا شتقتلك يامدللة قلبي، لوتعرفي قديش تعذبت بغيابك، والله العظيم مانمت ولايوم مرتاح ،كل الوقت كنتي ببالي، وكان قلبي يوجعني عليكي كتير، بس ماكان طالع باايدي شي، غصب عني ياروحي انتي كل شي صار غصب
هناء: بحبك اياد بموت فيك، الله يوفقك لاترجع تتركني الله يخليك
اياد: مارح اتركك والله العظيم مارح ارجع اتركك طول مافيني روح
وفجأة اتجمعو غيوم الخريف بالسما
وبلشت حبات المطر تنزل عليهن حبة ورا التانية
بعدت هناء عن اياد واطلعت عالسما بفرح
هناء: واخيرا مطر. يالله شو بحبو
بتعطيه ايدها وبتغمزو
هناء: يلا مااشتقت تمشي معي تحت المطر؟
اياد: اكيد اشتقت، وكتير كمان
هناء: معناها تعا معي
سحبتو من ايدو ومشيو تحت المطر
وهنن عم يضحكو والفرحة غامرتهن
وقفو بنص الطريق ورجعو ضمو بعض من جديد
بعد مالمطر غرقهن
اياد: لاتبعدي عني هناء، انا بدونك بضيع
هناء: مارح بعد عنك ابدا ،بس انت وعدني انك ماترجع تتركني
اياد: بوعدك ياقلبي بوعدك
-----------

يتبع ....
المقطع الاخير

#ابناء_البيك_
المقطع الاخير
بعد اربع اشهر
ببيت مجدي بيك
كانت الست مريم قاعدة بغرفتها قدام الشباك
وباب الغرفة مفتوح نصو اجا ادهم ووقف عالباب ودقو
اطلعت لوراها وابتسمت لما شافتو
مريم:فوت امي فوت
دخل لعندها وقعد قدامها ومسك ايديها وبوسهن
ادهم: ارضي علينا ست الكل
مسحت ع راسو بحنية
مريم: الله يرضا عليك ياامي ويحفظك
تغيرت تعابير وجهو وتوتر وجلس قعدتو وشبك ايديه ببعض
لاحظت عليه مريم انو مانو ع بعضو
مريم:خير امي؟ حاسستك بدك تحكي شي
ادهم(بتوتر): امي بصراحة اي
مريم:خير ياروحي شبك حكيلي
ادهم: امي يعني، ليكا هناء تزوجت وريما وياسمين
كل وحدة صارت ببيت زوجها، ماصار وقت انا كمات اتزوج! ؟
مريم: ياعمري انت، ليش انت قلتلي وانا رفضت، هلق قلي عالبنت يلي بدك ياها وبراسي بروح بخطبلك ياها
ادهم: امي بس يمكن ماتوافقي عالبنت الي بدي ياها
مريم: وليش حتى ماوافق؟!
ادهم(متوتر): لانها مطلقة وعندها ولدين
مريم(عم تحاول تستوعب): مين قصدك؟ ليكون! !!
بيهز براسو باايجاب
ادهم:بتول
مريم: امي مالقيت غيرها!
ادهم:امي انا لساتني بحبا وبدي اقنعها ترجعلي
مريم: بس انت نسيت مين كانت متزوجة؟ ! وولادها ولاد مين
ادهم: مانسيت، بس لا هي ولا ولادها الهن ذنب ب الي صار
مريم:،يعني انت ماعندك مشكلة تربيلا ياهن ابني؟
ادهم: لاماعندي مشكلة، امي انا بحبا لبتول ومستعد حط ولادها بعيوني، وبرجع بقلك هدول اطفال مالهن ذنب بشي
مريم: مابعرف ياامي شو بدي قلك، انا مابدي وقف بوجهك واظلمك، اذا شايف انو سعادتك مع هالمخلوقة الله يقدملك الي فيه الخير
ادهم(بنظرات فرح):يعني انتي ماعندك مشكلة؟
مريم: المهم تكون مبسوط ياقلبي،انا ماصدقت رجعتلي وشفتك قدامي
بيقرب منها وبيضمها وبيبوس راسها
ادهم: الله لايحرمني منك ياحنونة انتي
مريم: ياروحي انت الله يسعدك ويريح بالك
---------------------
واقف قدام مرايتو وعم يظبط الكرافة تبعو
ضربت عينو على الصمدية يلي كانت محطوطة عالشوفنيرة كان محطوط عليها محبسو
بهدوء مد ايدو وحملو وصفن فيه لدقايق
وبعد تفكير طويل
هشام(بقلبه): معلش هشام، سامح، الي بحب لازم يسامح، هي صح غلطت، بس بشرع الحب ماخانتني، لانها بالاصل كانت مغصوبة عليي،
قرب المحبس من صدرو وضمو وتنهد
هشام: والله شتقتلا لك انا شو حياتي بدونها، والله مالها طعمة
لبس المحبس باايدو
والقى نظرة اخيرة ع حالو عالمراية
وظبط شعرو وطلع من الغرفة
-----------------
بقبو تحت الارض
مليان بالكراكيب والاغراض القديمة
قاعدين وساندين حالهن ع بعض
بهدوء بتحرك راسها ماجدة وبتطلع بطرف عينها ع فداء
ماجدة: فداء
فداء:شبك
ماجدة: هلق نحن قديش صرلنا هون
فداء: ليش ماعم تحسبي
ماجدة: لاوالله ماعم احسب
فداء(بحزن): انا عم احسبهن عالليبرة النا هون 4 شهور خمس ايام
ماجدة: ياترا لساتنا مطولين
فداء(بضحكة حزن): ازا طلعنا شي يوم حمدي ربك
ماجدة(بتبلش تبكي): ياالله انو شوكان صار لو كنا منيحين، وماعملنا الي عملناه
فداء: ياريتنا اتقبلناهن، ياريتنا مااذينا حدا،
ماجدة: مابتنفع كلمة ياريت، خلص الي صار صار
فداء: بس نحن منستاهل،كل شي صار فينا بنستاهلو حمدي ربك لسا هشام عم يسمحلن يدخلولنا اكل وشرب لو واحد غيرو كان قتلنا بعد كل شي عملناه معو، بس الله عاقبنا كمان ونخدعنا متل ماخدعناه لحقنا هالكلب الي اسمو عماد وامنالو،اتاري الحقير هو الي قتل بابا وبصمو عالاوراق
ماجدة(تبكي): الله لايوفقو شو واطي
فداء(بااستهزاء): ونحن اوطا منو لسا
ضلت ماجدة ساكتة وعم تبكي وتشهق
وجعها قلبها فداء عليها
اندارت لعندها وضمتها
فداء: حاج تبكي حبيبتي خلص اهدي
ماجدة(بحرقة):بدي ابني فداء شتقت لاابني
بتغص فداء بالبكي وبتتزكر الجنين يلي قتلا ياه صافي بتشد ع ماجدة وبتصير تبكي هي وياها
فداء: خلص مشان الله خلص والله قلبي مو متحمل
ماجدة: ااااخ ااخ والله احترق قلبي عليه،
فداء: سلامة قلبك حبيبتي سلامتو لقلبك
------------------------
ماشية بممر المشفى وعم تتفتل بين غرف المرضى وتطمن عليهن وفجأة
بيجي حدا من وراها وبيحط ايديه ع عيونها
هناء(مبتسمة): لهون لاحقني يااستاذ
اياد: طيب شو اعمل اشتقتلك
وبيقرب من خدها بيبوسها
بتشيل ايديه عن عيونها وبتلتفت لعندو
وبتتخنصر
هناء:شوبدك؟
اياد: ولاشي اشتقت لمرتي الحلوة وقلت اجي شوفها
هناء:ياغليظ مابقا تستنا لاارجع عالبيت
اياد(بيهز براسو بالنفي): لا ماضللي صبر
هناء: مجنون، ورح تضل كل عمرك هيك
بيقرب راسو من راسها وبيطلع فيها بحب
اياد: الي عندو مرأة حلوة متلك طبيعي يكون مجنون،انتي اخدتيلي عقلي ومدوبة قلبي بجمالك
هناء: اي دخيلو لقلبك انا شو بحبك
اياد: وانا بحبك وبجنون

بتنتبه انو هنن بالممر
وبتبعد عنو بيرجع هو بيقرب منها وبيحاوطها باايديه
هناء: خلص استحي نحن مالنا بالبيت
اياد: ماحدا دخلو مرتي وحلالي
هناء(بخوف): اياد خلص بعد هلق حدا بيشوفنا
اياد: بعشقك
هناء: وانا كمان بس خلص هلق روح وانا شي ساعتين برجع عالبيت
وبتدفشو عنها
وبيضل هو ملزق باارضو
اياد: لاتطولي عليي ماشي!
هناء: خلص ماشي امرك بس روح بقا اياد
اياد(بيغمزها): ناطرك انا
هناء(بعصبية): ولك خلص بقا روح
بيقربلا خدو وبيأشر عليه
اياد:بوسيني لحتى روح
هناء: لك. حاج جنان بقا رووح
اياد: مابروح لحتى تبوسيني
هناء(عم تكزكز ع سنانها): لك هلق حدا بيشوفنا عيب روح بقا
اياد: وعديني انك ماتطولي
هناء(بملل): ديقتلي خلقي اياد روح بقا
اياد: رايح بس بدي بوسة
هناء: هفف لاحول ولاقوة الا بالله، امري لاالله
بتتلفت حواليها لتشوف ازا في حدا وبتقرب من خدو وبتبوسو بسرعة
وبتطلع فيه بحب
هناء: يلا بقا روح حبيبي
اياد(مبسوط):امرك انا ياست الكل، ماتطولي ماشي
بيفور دمها منو وبتصير تضربو بمزح
هناء: ولك جننتني والله ديقت خلقي،روح بقااا
بيصير يضحك وبيمشي وهو عم يبعد ايديها عنو
بيكمل طريقو وكل شوي بيلتفت عليها وبيزتلا بوسة هوا
وهي واقفة بالممر وضامة ايديها ببعض وعم تضحك عليه
اياد(من بعيد): ايلافيو ماي بيبي

هناء(بضحك): يالطيف شو معلاق
-----------------------
بمكان تاني
صفت سارة سيارتها قدام بيت اهلها
ونزلت منها واجت لتفوت عالبيت
واتفاجئت لما شافت هشام واقف قدام الباب وعم يستناها
سارة(بحزن) : هشام هاد انت ، ماتوقعتك تجي
هشام( بحب) : ماقدرت مااجي ، اشتقتلك
بتحط راسها بالارض وبصيرو يدمعو عيونها
سارة: .....
هشام: سارة تعي ننسا كل الماضي ونرجع لبعض
سارة: وبتقدر تسامح وحدة خانتك؟
هشام: ازا كنت بحبها بسامحها ، سارة انا بتنفسك
ماقدرت ضل بعيد عنك اكتر من هيك
رفعت راسها وصارو دموعها يهرو وحدة ورا التانية
سارة: وانا بموت فيك صدقني ياهشام انا خبيت عنك بس لانو حبيتك وماكان بدي اخسرك اول شي كنت بكرهك وتزوجتك بس كرمال اوصل لرائد ولما عشت معك وتعلقت فيك ماقدرت اتركك وبعد عنك لقيت حالي عم اوقع بحبك شوي شوي
بيحط ايدو ع وجها وبصير يتحسسها بحنية
هشام: بيكفي ياالبي خلص تعي ننسا كل الماضي ونبلش قصة حب جديدة قصة مافيها لااغش ولاخداع قصة مافيها حدا غير انا وانتي
وبيطلع ع بطنها وبيبتسم وبيكمل
هشام: وابننا الحلو
قربت لعندو وضمتو وصارت تبكي اكتر
سارة: يالله شو بحبك، خفت كتير يجي ابننا عالدنيا وانت مانك مسامحني
هشام: ماقدرت بلاكي والله هالشهور مرقو عليي متل السم
سارة: وانا كمان، وحياتك عندي مانمت ليلة الا وانا بكيانة، كنت رح موت من شوقي الك،انا بحبك هشام بحبك اكتر من مابتتصور
هشام: وانا بحبك ياعروقي الله يخليلي ياكي
سارة: ويخليلي ياك ياتاج راسي
------------------
بمكان تاني
على مقعد من مقاعد جنينة
كانو قاعدين تنيناتهن وساكتين
وكل واحد فيهن عم يستنا التاني يحكي
التفت هو لعندها واتطلع فيها بقهر
ادهم: وبعدين معك
بتول(ببرود):شو
ادهم: شو شو؟ مانك ناوية ترجعيلي يعني!
هي عماد ونزت بالحبس وخلصنا منو وطلاق واطلقتي ، شو لسا بدك
بتول: قلتلك من الاول انو مافيني ارجعلك
ادهم(باانفعال): لييش بتول لييش ،لك ليش هيك عم تعملي،فيني، ليش عم تستغلي حبي الك وتعذبيني
بتول: انا لاعم استغل حبك ولاشي، بس انا قلتلك اني مافيني اترك ولادي كرمال اي حدا
ادهم: وانا مابدي تتركي ولادك قلتلك انا بربيهن وبحطن بعيوني،ورحمة ابي تحت التراب لحتى عاملهن احسن من ولادي،انتي بس رجعيلي بتول حرام عليكي
وبتظهر ع وجهو اثار الزعل
بتطلع فيه بتول. ب حيرة
هي كمان بتحبو بس بنفس الوقت مابدها ولادها ينظلمو
بيمسكلا ايدها وبيتطلع فيها ب لهفة
ادهم: ليش سكتي
بتول:...
ادهم: موافقة ترجعيلي!
بتول: بلكي ظلمتلي ولادي
ادهم: حلفتلك برحمة ابي رح عاملهن احسن من ولادي
بتول: بس اهلك مارح يتقبلوهن
ادهم: اطمني امي ماعندها مشكلة واخواتي مارح يعارضو، وقت رح يشوفوني مبسوط معك، اساسا انتي شو ذنبك
بتول(بتردد):مابعرف
بيحط راسو ع كتفها وايدو على خدها
ادهم: يلا بتولتي كرمال الله وافقي، كرمال الحب الي كان بيناتنا
بتول:...
ادهم: وافقي حبيبتي الله يوفقك والله انا بموت فيكي ومستعد اعمل كل شي لااسعدك
بترفع راسها وبتطلع عليه وبتحط ايدها باايدو
بتول: موافقة
دانيه مابتعود تصدق الكلمة يلي سمعتها بيفز من مكانو وبيوقف قدامها بيمسك ايديها وبيقومها
ادهم(بعدم تصديق):شوقلتي عيدي؟ !!
بتول: قلت موافقة
ادهم: عنجد! !! يعني خلص موافقة ترجعيلي ونتزوج؟!
بتضحك بوجهو وبتهز براسها باايجاب

بتول: مافيني خليك تروح من ايدي من جديد، انا موافقة ارجعلك ادهم
بيمسك وجها باايدو
وبيصير يضحك متل المجنون
ادهم: يعني خلص!! انتي رح تصيري الي؟
بتول: اي حبيبي، رح صير الك
بيغص وبيتجمعو بعيونو دموع الفرح اول مابيسمع منها كلمة حبيبي
وبيحضنها وبيشد عليها
ادهم: ياااالله شو شتقت لهالكلمة من لسانك، رجعي عيديها بحياة ربك
بتول: حبيبي وعمري وروحي وحياتي كلها
ادهم: ااااخ مااحلاكي ومااحلا كلامك انا بعشقك بتولتي بعشقك
بتول: وانا كمان بعشقك، وبموت فيك، وربي بيشهد انو ولايوم قلبي دق لحدا غيرك،بعدني بحبك لهالحظة
بيبعد عنها وبيشيلها بين ايديه وبصير يدور فيها وهو عم يضحك ويصرخ
ادهم: تقبري قلبي تكفنيني باايديكي اي
بتول(خايفة): نزلني ادهم بترجاك والله بخاف
ادهم: ماتخافي ياعمري انتي بين ايديي مستحيل يصرلك شي
بتول: بلا جنان ادهم والله قلبي رح يوقع
ادهم: مابدي تركيني فرحان رح طير من الفرح
بتول: يالله منك مابتبطل حركاتك هي
واخيرا بينزلها وبيقرب منها لحد مايختلط نفسو بنفسها وبيحاوط خصرها باايديه
ادهم: لساتك متزكرة حركاتي
بتول: معقول يعني انسا زعرنتك وحركاتك
ادهم(بجنان): بحبك وسع هالكون
بتول: وانا بحبك اكتر بكتير
قربت ع خدو وباستو وحطت راسها ع كتفو وايدها ع كتفو التانية
ونسيت الدنيا كلها والعذاب والايام السودا يلي قضتها بدونو ،
وقررت تفتح صفحة جديدة بحياتها وتبلشها معو هو وبس...
------------------
وهيك كانت نهاية قصة ابناء البيك
كل يلي نظلمو عاشو بسعادة بعد المعاناة يلي مرو فيها
والظالم اكل جزائو ، بس بكل قصة بحياتنا
لازم يكون في حدا مضحي بسعادتو على حساب سعادة حدا تاني،
لانو بالنهاية مافي حلم بيكمل ، ومافي نهاية سعيدة وكاملة ......
#ملاحظة: القصة قديمة الي وعدلت عليها وضفتلا احداث..
لاتنسوني من تعليقاتكن وارائكن الحلوة..
مع تحيات:Amina Thhan

بداية القصة 🫶🏼

شو رأيكم نعدل التفاعل عالقصص حتى تقوى القناة ونستمر بالنشر 🫶🏼
اتفاعلوا بس على عنوان الرواية عادي بس المهم نتفاعل ونقوي القناة أكتر 🤍.

كل يلي بدنا منكم تفوتوا على الرسائل المثبتة وتتفاعلوا على عنواين القصص 🤍.

📛 عاااااااااااااجل 📛

🎶 اكبر مكتبة اغاني في الوطن العربي

﹎﹎﹎﹎﹎﹎﹎﹎﹎﹎﹎﹎
➕ للإنضمام الى ليستة المدراء ➕