شغف:وينك انت
صلاح:والله هلا اصحيت شوفي
شغف:خلص بلاها
صلاح:لك شوفي
شغف:صرلي ناطرة نص ساعه تكسي وبدي روح للمرسم
صلاح:تكرمي مسافه الطريق وبكون عندك
اخ كنو جوزي الي تاركني روح مع شوفيريه التكاسي وقت اطلعت على بلكون ببتنا كان بسام واقف وعم يتفرج عليي لعمى ما اوقحو ما زحزح عيونو وانا طنشتو دغري ولا كانو موجود ولو فيه دم كان نزل لعندي او يوصلني بس باين اني مو بالقائمة ابدا عندو وقت وصل صلاح اطلعت معو وصلاح سلم عليه هلا شفتو كيف مرتب حالو لابس قميص ازرق سماوي وجينز فاتح وحاطت النظارات على راسو
شغف:صباحوو
صلاح:صباحوو يا نشيطه
شغف:ههه
صلاح:شو بسامك صاحي
شغف:اي
بقلبي حرام بسام يعمل متلك ويزبط حالو لك الي بشوفو بفكرو وحش من الغابه جاي شغل اغاني صلاح وحبيت اتسائل عليه
شغف:شو عشقان
صلاح:ههه لا والله
شغف:بس في ببالك حد
صلاح:لا ولوو
شغف:ليش خجلان مني ما بخبر حد
صلاح:طيب احكيلي مين رامي عشقان
شغف:ههه وشو علاقتك فيه
صلاح:مبارح تشارطنا وما حزرت يعني خبريني بخبرك
شغف:انا ما بعرف بس على طول جيانا بتعيرو ب الفت بنت الجيران
صلاح:ههه هيك لكن ماغيرها
شغف:اي هي وانت
صلاح:بدك الصراحه ما بعرفها بس بلمحها على طول بتشتغل ب مجمع
شغف:عهههه وايمتى بدك تتعرف عليها
صلاح:وقت روح بروح مع اصحابي وبخجل اطلع بس باين انها مو مرتبطه
وصلنا لهنيك وعزمتو عزيمه عفويه بس دغري نزل انا جيت لرتب اللوحات يلا بساعدني شوي عملت قهوة الي والو وبلشت بالتعزيل وساعدني بترتيب اللوحات شطفت بسرعه
صلاح:شو في عندك
شغف:باين اني مستعجلة
صلاح:كتير مو شوي
شفف:بدك الصراحه في زميل ل جيانا وحابب يشوف الرسمات ويعطيني رايو
صلاح:اي وايمتى جاي
شغف:ما بعرف بس لسى بكير
صلاح:ولحالو جاي
شغف:لا مع اختي
صلاح:ورامي راح يكون
شغف:اكيد لا رامي بشغلو
صلاح:وانتو راح تستقبلوه لحالكن
شغف:يعني وين الغلط
صلاح:بس مو حلوة تكونو لحالكن راح ضل
شغف:بياثر
صلاح:بنظري اكيد شغف انتي مرة اخي وما بدي يطلع عليكي اي كلمه هيك او هيك
حتى رامي ما بيغار علينا هيك كنت عم اطلع فيه بس ابتسمت
شغف:طيب متل ما بدك
قعدنا ننطر هو راسو بموبايلو وقت اندق الباب رحت لاستقبلهن انا وصلاح ما فكرت جان يكون هيك بيجنن شخصيه طول بعرض ومع انو لابس قميص بس مفصل عضلات جسمو وصلاح ما عجبو ابدا هيك منظر بس سلم عادي
جيانا:هي انت هون
صلاح:شايفه
جان:كيفك مدام شغف
شغف:الحمد الله تفضلو
بالاول قعدنا بارض ديار وبعدها
جان:شو هالمكان عنجد خيلة
شغف:كلك زوء
جان:بس ما شفت اللوحات لحد هلا
شغف:طيب اتفضل
راح هو معي وصلاح وجيانا كانو عم يحكو بصوت واطي من اول ما دخل للغرفه انبسط
جان:هاد كلو الك
شغف:اي وحاليا عم ارسم هي
جان:عنجد شي روعه وايمتى معرضك
شغف:ما قررت بس قبل الشتى راح كون مخلصه
جان:ايه لو عندي هيك جو ومكان كنت استمريت
شغف:ليش بطلت الرسم
جان:ما بطلتو لسى عم ارسم بس يوم افتتاح معرضي صار حريق هنيك وراحو كل اللوحات يعني نفسيتي تعبت وما طلعت من الحاله الا لسجلت باختصاص تاني بالمناسبه كم عمرك
شغف:٢٥ سنه
جان:العمر كلو انا اكبر منك بسنتين
شغف:تسلم
جان:بس للامانه بتعطي على اصغر فكرت بينك وبين جيانا سنه
شغف:ههه عم تمزح
تركتو يتفتل بين اللوحات خلص وارجعنا لعندهن
جان:صار لازم امشي
صلاح:وانا كمان
شغف:ونحن رايحين
مشيو سوى وانا وجيانا وراهن
جيانا:شو حكالك
شغف:باين عجبو
جيانا:زوقو بيجنن
رجعت مع صلاح وجيانا راحت معو بسيارتو
صلاح:اختك كيف بتصاحب شباب
شغف:ههه والله ما بعرف
صلاح:كنتي مصاحبه انتي
شغف:ههه لا بس انتو
صلاح:مين نحن
شغف:ههه بسام وانت ويمكن ليث بس مو كتير
صلاح:الحق على رامي انا بفرجيه
شغف:عههه
صلاح:صحيح بكرة كتب كتاب براءة
شغف:ليش وافقت
صلاح:اي بس جوزك رافض يحضر اقنعيه
شغف:انشالله صلاح وين رحت ب صورها
صلاح:خبيتهن عندي
شغف:وبسام
صلاح فهمتو هالحكي والسيارة بعتها
شغف:وعرف
صلاح:اي عرف
شغف:ما عصب
صلاح:لا اخي وبعرفو عنجد حاول يضربك
شغف:لا حاول يقتلني ما بعرف كيف صحي لحالو
صلاح:الله يصلحو بس
شغف:انزل
صلاح:لا غير مرة ..شغف
شغف:نعم
كنت بدي انزل بس هو خلاني ارجع
صلاح:ديري بالك على بسام اكتر
شغف:مع انو كلشي بيمنعني كون مرتو
صلاح:لاء تقبلي هالشي وهو راح يتقبلو اول عن تالي
شغف:ما بعرف شو مناسبه الحكي
صلاح:لا بس ما بدي تفكري بغيرو
شغف:لا صلاح انا مو لهدرجه
صلاح:اسمعي مني منيح هاد الي اسمو جان وسخ كتير
شغف:شو يعني شو شفت منو
صلاح انا بفهم الشباب من نظرة نظراتو الك ما كانت عادية
حسيت من كلامو ليخوفني منو مو اكتر
شغف:صلاح لو بدي خون بسام ما تجوزتو
صلاح:بفهم بس في شي بيخليكي تفكري بغيرو

شغف:الاهمال
صلاح:تماما
شغف:ماني لهدرجه رخيصه
صلاح:بعرف على كلا فكري منيح بكلامي
شغف:انشالله
....
'مايا الحجازي'من الصبح تجهيزات حجزت بصالون تجميل وانزلت لحالي عملت شعري ومكياجي وارجعت للبيت كملت لبس الفستان والسكربينه ونطرت صلاح ييجي ياخدني وقلت بقنع بسام كان ع البلكون شارد وقت شافني زورني
شغف:ما بتغير رايك وبتروح
بسام:لا
شغف:عبالي نفوت سوى وتفرح حماتي فيك
بسام:انتي بتكفي وبتوفي
قعدت قبالو اطلع بعيونو
شغف:تحمم وجهز حالك منروح سوى
بسام:مالي مزاج
شغف:ولا حتى انا بس منغير جو
بسام:انا ما بقبل روح لاي مناسبه الا مع اكرام
وكانو انكب عليي سطل مي باردة
شغف:بس هي ماتت
اشر على قلبو
بسام:هون هي عايشه عم مارس حبي معها وكانها عايشه
شغف:بس هالشي غلط
بسام:ما بسمح لحالي خونها
شغف:وانا
بسام:انتي ولاشي
شغف:بسام انا ..انا تعلقت فيك
بسام:هي نحن سوى
شغف:لا انا بدي نكون متل اي تنين
بسام:لا ما بشوفك بهيك مكان
شغف:ناقصني انوثه
بسام:ناقصك كتير ناقصك تكوني اكرام
شغف:بصير متلها
بسام:لا ممنوع تتشبهي فيها
شغف:احكيلي عنها
بسام:هي نبض قلبي تفكيري حاضري مستقبلي هي النفس هي عيوني من وقت دفنوها وانا انعميت
شغف:ياريت كون متلها عم اتمنى كون متلها
بسام:مستحيل الشغله مو فيها او فيكي بقلبي بعقلي بعيوني بتفكيري بس يسمحولي شوف غيرها برجع بسام القديم
مسكت ايديه وقربت اكتر منو
شغف:مكانك مو هون ابدا انت مكانك اكبر لو ما وقفت حياتك كنت هلا عم تتكرم بشي مكان او عندك مؤتمرات برا البلد انت خسارة كبيرة لكل الي بحبوك
ما بدي احلى من هيك كان عم يتأمل عيوني وانا مغرمه بلون عيونو بلمعتهن بحزنهن بادق تفاصيلو وقت مسكت ايديه حسيت بدفا بشي قوي حدي ما حاول يسحبهن
شغف:بسام..انت كلشي بالنسبه الي
بسام:..
شغف:بتمنى اصحى وشوفك بسام القديم
بسام:اجى صلاح
شغف:..
نظراتي كلها حزن ورجاء عم اتوسلو يعطيني فرصه لعوضو عن كلشي اول مرة بترجى حدا وبعرف انو ما بحبني بس قلبي عم يتحكم بكلامي
وقفت وتركت ايديه ابتسمتلو لاخر مرة واطلعت صوت الكعب عم يرن بالارض اخدت الجاكيت وانزلت لعند صلاح كان ناطرني برا السيارة وراكي حالو عليها
صلاح:اهلين مدام شغف
شغف:عههه خجلتني
دغري فتحلي الباب
صلاح:شرفي شو وينو
اشرتلو ع البلكون كان بسام عم يطلع فينا
صلاح:كيفك يا حب
اشرلو بعمنى اهلين
صلاح:استقبل الصور هلا
هزلو براسو
اطلعت معو صلاح فرحان اكتر من براءة هيك مبين اغاني الفرح ما طفاها ابدا ولا نوص للصوت وصلت لبيت حماي كان الجمهور كلو هنيك اهلي الجيران وقت دخلت الكل استقبلني بدل ما سلم عليهن ورحت لعند براءة كانت منورة الحفل باركتلها
براءة ما اجى
شغف:لا ما رضي
براءة:يلعن عقلو الصعب
شغف:ههه
براءة:يلا المهم انتي اجيتي
شغف:ما اجى العريس
براءة:ع الطريق
ندهلي عمي وبابا ورحت لعندن
بابا:القالب غالب
شغف:تسلملي
عمي:وين جوزك
شغف:بالبيت نايم
عمي:الله يصلحو كيف فيه ما يحضر فرح اختو
حماتي ما اجى بسام
شغف:لا مارضي
ماما:اتركوه براحتو
حماتي:لا شو براحتو انا محضرلو فيلم مرتب
شغف:شو كيف يعني
حماتي:هلا بفهمك
ما فهمت ابدا بس اجى رامي وصلاح واخدوني معهن انضمينا لقائمه الدبيكه ومعي جيانا وصلاح كل شوي عم يصور ويبعت ل بسام رقص وضحك ومزح تزكرت ايام زمان وشو كنت انبسط بالافراح هي وقت وصلو اهل العريس اهدينا شوي رقص مع براءة رقصه كتير هاديه كانو بجننو الله يحميهم ورحت باركتلو
شغف:مبروك
مجيد:الله يبارك فيكي..شو وينو بسام
مليت من هالسؤال بس مجبورة جاوبو
شغف:بالبيت
مجيد:هاد جوزك دواه على ايدي
شغف:ههه عنجد
مجيد:اي دافنينو سوى
شغف:شو هو
مجيد:سر
'مايا الحجازي'لا هلا انشلشت عنجد يمكن ما صارت الساعه طنعش والهدوء سيطر ع المكان ورجليي تكسرو من الرقص اخدتني حماتي على غرفتها
شغف:خير شو في مرت عمي
حماتي:مشان بسام انا سالت وحدة بنتها كانت متلو هيك وكيف رجعت طبيعيه
شغف:كيف
حماتي:لازم تمثلي عليه المرض
شغف:كيف
حماتي:تغمي فجاة
شغف:ههه بخاف ما يهتم وبعدها اصحى لحالي
حماتي:لك لاا بكرة سهيلة جايه وانتي حضريلي حالك للفيلم ومنعملك زيارة
شغف:بس
حماتي:منحاول فيه بشتى الطرق بعدها انا بدي اتصرف
شغف:انشالله خير
دخل صلاح وشو ضحكت عليه وعلى حركاتو
صلاح:شو مؤتمر نسواني الله يجيرو
شغف:بلاا شو
صلاح:ما بدك وصلك
شغف:امبلا يلا بخاطركن
ودعتها قال فيلم مسدءة حالها كتير حماتي ودعت براءة ومجيد وبوشي على سيارتو وصلني واشترالي بوظة دعمني الليلة وهو دخلني للبيت
شغف:فوت
صلاح:لا مستعجل
سكرت الباب ورحت للصاله كان قاعد عم يغلي غلي
بسام:ليش ارجعتي
شغف:..
بسام:كمان ساعه خليكي
شغف:..

بسام:ليش ساكته
رمى السيكارة من ايدو ووقف واجى لعندي كنت متجمدة بارضي خوف منو
بسام:ولا كانو في حمار بالبيت ناطرك
شغف:ناطرني انا
بسام:اي انتي مين بدي انطر لكن
شغف:انو ليش يعني من ايمتى
بسام:من اليوم
صرخ بوشي ورجعت لورا خطوة
بسام:انا فكرت بكلامك يلا امشي للغرفه
شغف:اي بمشي بس شبك ليش هيك ليش
بسام:صرلنا متجوزين فترة كبيرة وانتي الك عليي حق
شغف:لا لا عادي انا
بسام:هسس لا تكملي واضح تقربك مني لشو
شغف:لا وربي ما فكرت انا ما قصدت هيك شي انا بدي تحبني وانو نكمل
بسام:هلا متل باقي المتجوزين راح نكمل
شغف:بس مو هيك انا بالاول بدي اتاكد من انك بتحبني لشخصي
بسام:بعدين منفكر
'مايا الحجازي'هالفكرة جننتني شو يعني بدو يغصبني على حالو ابتسمتلو ابتسامه باردة ورحت بسرعه للحمام سكرتو على حالي مسحت المكياج وضليت عم فكر وقت تسكر باب غرفتنا اطلعت كل فكري فات للغرفه طلع ناطرني باب الحمام لعمى شو عندو مخ بجيب اجلي اشرلي يعنى اتفضلي
شغف:فوت انت بالاول
بسام:لا السيدات اولا
شغف:ههه بس من هلا عم قلك
بسام:لا لا تقولي شي انا ما بزعجك
شغف:بس بتعرف ازا بتطلع كزاب يا ويلك وانو بدك تتقرب لحاجتك وبس
بسام:يلا بدنا نتناقش هون
مع انو الفكرة ضد عقلي بس طاوعتو الزلمه كان معصب وهلا ناطرني ومو حيلا نطرة وقفل الباب يا حبيبي ع اساس بدي فك الفستان بس ما خلالي مجال وحاولت قد مافيني ضل طبيعيه ما بعرف بشو عم يفكر بس ما عم اتخيل حالي ضل معو ويمكن عم يشوف بعيونو اكرام هيك حسيت اغلب الوقت مغمض عيونو الي بيسحروني بدون سبب يمكن كنت عم اعطيه بحب بس هو عم ياخد مني بانانيه كنت عم اطرد كل فكرة سيئة بتحوم براسي وعم ركز كيف ممكن خليه يحبني وبدون اي حاجز غفي قبل ما اغفى وانا ضليت عم اتأملو وهو غيفان ما اقدرت ضل بعيدة عنو حطيت راسي على صدرو وغمضت الليلة اجتني فرصه لضل قريبه منو والصبح بنفس الوضع اصحينا الباب اندق اكتر من مرة تجلست بالاول انا وهو صحصح وتجلس
شغف:بدك تفتح
بسام:اي رايح لشوف مين
اف غريبه بتتسجل بتاريخ عمرو راح ليفتح وانا البست قميص النوم كنت بعرف انها سهيلة فتحلها وراح للحمام وبلشت بالتعزيل دخلت بعدو ع الحمام اخدت دوش واطلعت البست بالغرفه بنطلون بيجامه لونو رمادي وبلوزة زهر غامق ربطت شعري واطلعت شارك بسام القهوة عم اتبسملو وهو جامد يخرب بيتو من حالو حسيت اني اكلت منو كم مرتب بس راح اتحملو بسام:حلوة الحفله مبارح
شغف:اي كتير تمنيناك معنا
بسام:ومبسوط مجيد ولا
شغف:كتير وحتى براءة يعني لو ما بعرف انو زواج تقليدي كنت قلت انهن بحبو يعض
بسام:كلو وارد
شغف:وانت
بسام:شبني
شغف:انو مشان مبارح
بسام:خلص انسي
شغف:شو انسى
بسام:لا انو عادي بتصير
شغف:بس لازم تحدد موقفك مني
بسلم:خلص بعدين
بقلبي شو هي بعدين ياربي والله الي عم احسبو هو الصح بسام راح يضل متل ما هو باين من زورتو رحت ساعدت سهيلة بالفطور افطرنا سوى وكنت بدي اطلع من المطبخ
سهيلة مدام
شغف:شبكي
سهيلة:مشان تمثلي انك مريضه شو نسيتي
شغف:ههه ليش خبرتك حماتي
سهيلة:اي وشوي راح يوصلو حاولي تبلشي اعراض المرض
شغف باين عليي شي
سهيلة:لا مشالله عنك خدودك موردين بس معلش بتنهضم
شغف:المشكلة بسام دكتور وبيعرف
سهيلة:لا ما راح يعرف يلا دوبك تلحقي
'مايا الحجازي'حسيت وراي مشوار وشفت بسام ع البلكون حطيت ايدي على جبيني ب تعب مع انو واضح اني عم مثل وسندت حالي على الحيط اكتر لانو ما بدي اوقع واتوجع مشان حضرة جنابو
وبعدها رميت حالي واول صوت كان من سهيلة
سهيلة: مدام مدام ولي على قامتي
ما فكرت انو الايد الي عم تضرب على وشي بسام الا وقت تنفس
بسام:شغف شغف انتي منيحه
واخدت الدور وغفيت عنجد حملني بين ايديه وحطني على الكنبايه بس بعد الكفين تخدر خدي ولي صار لازم اصحى
بسام:سهيلة ب غرفتي في شنته الي جيبيها وجيبي معك بارفان
وعلى صوت دقه الباب ما اهتملو ابدا
سهيلة:تفضل
بلش يفتح فيها صوت حماتي وعمي وسهيلة عم تحكيلهن شو صار معي الله نجاني من ابتسامه عريضه او ضحكه تفضح الي صار
عمي:سلامتها
حماتي ولي على قامتي شو صارلها
شميت ريحه البارفان كانت كتير تقيله وتنفست غصب عني وبعدها فتحت
بسام:انتي منيحه
هزيت براسي مع انو مافيني البلا
بلش يقيس الي ضغط وانا نص مفتحه عيوني وبعدها فوت ايدو ببلوزتي وحط السماعه على بطني
بقلبي:يارب صبرني ما بدي اضحك عشت الدور وبعدها
بسام:ضغطك طبيعي بس يمكن السكري عندك نازل لازمك تحاليل
على شوي بدي احكيلو يسلمو دكتور
تجلست ب تعب وقعد حدي وعم يطلع بعيوني
بسام:من شو دختي
شغف:اه ما بعرف
مع انو حماتي هون وعمي بس ما اهتم حط ايدو ورا راسي وقربني من وشو عيوني قابلو عيونو وفرط ضحك

بسام:شو من اولها
شغف:ههه لا مو معقول
بسام:يعني اول مرة بدوخي
فرطنا ضحك انا وياه ياربي صبرني قدام هالعيون
حماتي:على شو بتضحك انت وياها اه
بسام:اه لا ولاشي
عمي كيف صرتي
شغف:منيحه احسن
ولساتو مبتسم ابتسامه الخباثه خلاني افرط ضحك من جديد
حماتي:ما ع قلبك شر
حماتي فرفحت من ضحكه بسام
بسام:اعمليلها كاسه عصير طبيعي
سهيلة:حاضر
حماتي:يعني مافي شي خطير
بسام:لا مافيها شي بس يمكن تعب او ارهاق على كلا هلا هي منيحه

......
ما حل عن سيرة الحبل بيضحك بسام كنت افرط ضحك عليه حابه خبرو عن تمثيلة حماتي واخراجها للفيلم بقوة بس بسام ما حب يغير اكتر من معاملتو يعني شوي جافه ولساتو بدقنو شعراتو المنكوشين بس عم يتحمم كل يوم ويترتب بس متل ما حكالي صلاح خطوة مهمه بحياتو رحت للمرسم على بكير وبلشت ارسم بنفسيه كتير عاليه وطبعا دخاني مرافقني على طول وهيك اقضيها بالمرسم رسم ودخان وبرجع للبيت لحتى شوف بسام بنفس المود يا بيتفرج ع افلام او ع البلكون شارد ومشالله عنو ما بعرف كيف عم نعيش بس هو ابرد من التلج معي وانا ما بدي هيك معاملة بدي رومنسيه زايدة يحضني يبوسني بدون موعد يحسسني بقيمه حالي بس ابدا ما ببادر وانا على طول قرب منو او اغمرو وهو متلو متل الحيط ما بيتحرك رتبت حالي ورحت اسهر معو عملت بوشار وبلشت معو الفيلم ما حبيت ضل بعيدة عنو قربت منو ولفيت ايديي وحدة ورا ظهرو والتانيه على صدرو ركيت راسي على كتفو وبلشت اتفرج ما حرك ساكن ابدا كان متابع لدرجه بس انا متابعه عيونو وعم اتاملو شقفه شقفه وابتسملو معقول شايف مني هالاهتمام ومطنش يعني ليش عم يعمل معي هيك حبيت اغريه اكتر وعلى طول انا اعمل جو رومنسي شموع وحركات بلا طعمه بس هو ينهي السهرة يحمل باكيت دخانو ويروح للغرفه ينام طبعا ما مليت وبكل فرصه اثبتلو اني بحبو وبدونو ما ممكن عيش ومتل العادة سهران ع البلكون وساكت
شغف:تشرب قهوة
بسام:متل ما بدك
شغف:ثواني وبتكون جاهزة
اسهرت معو اتمنيتو يحكي وقت اسالو بس يجاوب وانا بلشت مل من هالعلاقه الي عم هين كرامتي فيها وعم اقنع قلبي يجافيه ما عم اقدر سيطر عليه
شغف:شو رايك نسهر ببيت حماي
بسام اتصلي ب صلاح
شغف:انا بدي روح معك
بسام:مالي نفس
شغف:صرلك زمان ما طلعت ما مليت من البيت انا لو ما بروح للمرسم بختنق
بسام:لا عادي مرتاح كتير هون
شغف:مو ناوي ترجع للمشفى
بسام:لا
شغف:انا شو بالنسبه الك
بسام:مراة
شغف:بقصد كيف بتشوفني
بسام:كمان مراة
شغف:بس انا ما بشوفك بس رجال بشوفك حبيبي وكل حياتي
بسام:بتصير كتير اسمو حب من طرف واحد
شغف:يعني هيك برايك ما ممكن كون حبيبتك
بسام:لا تفكري كتير بتتعبي
شغف:كيف بدي اوصل لقلبك
بسام:صعب كتير ما تفكري اني قربت عليكي لاني بحبك
شغف:لكن
بسام:حسيت اني ظالمك معي
شغف:كلامك قاسي كتير
بسام:بس هي الحقيقه
شغف:انا بقبل عيش معك العمر كلو وبدون ما تكون قريب بدي تقتنع فيني ما تجبر بخاطري
بسام:هالحكي ما منو فايدة ابدا لهيك بدي انام
شغف:بس ما راح سامحك
بسام:ولا راح سامح حالي اذا حبيتك
راح للغرفه وما اقدرت اسهر لحالي الحقتو دغري وتسليت ب موبايلي وكان بهالاثناء غفيان وعم يشخر كمان
شغف:كيف قبلت بهيك مهزلة عم يجبر خاطري عم ينام معي لحق شرعي مو اكتر لعمى انا باخر هالعمر هيك يصير فيني لك شو مفكر حالك انت اه
رحت للمرسم لغير جو مو اكتر كنت تعبانه تعب نفسي وارهاق كبير مسيطر عليي تمددت على الكنبايه الي مقابلة اللوحه الي عم برسمها شغلت سيكارة وبلشت اسحب عليها
شغف:كيف فيني ارجع شغف القديمه لازمني دعم معنوي لكفي المعرض انا متاكدة راح يعجبو ل بسام ما الي الا جان راح اتصل فيه خليتو يجي لعندي عملت قهوة وبلش يحكيلي شو ضيف على كل لوحه
جان يعني ايمتى بتخلصيه
شغف:بشهر تسعه
جان:اف الشهر الجاي
شغف اي بسرعه صح
جان:هيك شي بس باقي لوحتين
شغف:ويمكن الغيهن
جان:بيضل مكتمل بس شو هاللوحه الرماديه بحس جواتها معنى كبير
شغف:في الها اكتر من معنى بتحكي عن الظلم بس مو اي ظلم!ظلم الزمان وقت يجور على شخص وهالشخص يجور على شخص تاني
جان:بتمثل شي منك
شغف:تقريبا
جان:خليني فرجيكي على كم رسمه من رسماتي قبل يحترقو
بلش يفرجيني انصدمت لدرجه حلوين
شغف:واو عنجد هيك بترسم
جان حلو
شغف:بتعرف لوحاتي ولاشي
جان:بلعكس انا عم غار منك ومن أفكارك
شغف:ليش
جان:شوقتيني ارجع ارسم
شغف:خود فيك ترسم هلا
جان:هلا
شغف:اي هلا
جان:بس
شغف:بساعدك راح امزج الالوان
جان:طيب
بلش يرتب لوحه وانا خلطت الو كم لون طلبهن وبلش رسم طريقتو بتجنن رسم شي اشبه بالغابه ببساطه وكم طير لونهن ابيض
شغف وسريع كمان
جان:بعشق هالمجال
شغف:بهنيك عنجد مبدع
جاد:مو اكتر منك ها صار لازم اتعلم طريقتك

شغف:ههه خلص منعمل تبادل
جان:جيانا بتعرف اني هون
شغف:خبرتها انت
جان:اي خبرتها كان بدها تيجي بس ضغط دراسه
شغف:بتعرف اشتقتلها
جان اي بتحكيلي انك مبعدة عنهن
شغف:بتحكيلك عني
جان:اي كتير مو شوي
شغف:بس اكيد مو بالعاطل
جان:هه بالمنيح اكيد
شغف:بتعرف صار لازم امشي
جان:اوك
اطلعنا من المرسم ما ملينا من الحديث عن اهم الرسامين والفنانين والمعارض وصلني للبيت ودعتو ب ضحكه واطلعت للبيت من دخلتي
بسام:مين وصلك
شغف:اهلين
بسام:ما سلمت مين وصلك
شعف:جان
بسام ما عرفت مين هاد
شغف:زميل جيانا
بسام:وليش ليوصلك
شغف:..شافني بالصدفه
بسام:صدفه معقول صدفه
شغف:شو بدها تكون تخطيط يعني
بسان:وين كنتي انتي وياه
شغف:لا هيك كتير بسام
تركتو ورحت للغرفه كان معصب كتير
بسام:لو شو ما صار ما بسمحلك تلعبي من ورا ظهري
شغف:شبك
بسام بس لتكوني على علم
شغف:ليش معصب
بسام:انا حر بس يا ويلك ازا بسمعك عم تلعبي هون او هون
شغف:لا انت صايرلك شي
بسام:اي انا مجنون بس ضد عقلي الخيانه
شغف:خيانه..لك لا شو خيانه انا ما ممكن شوف بعيوني غيرك
بسام:اي واضح
تركني عم فكر بكلامو ما اقدرت اهدا او ارتاح شي بيوجع الراس

..
'مايا الحجازي'وقت اندق الباب تجلست انا ورحت لشوف كان لساتو بسام نايم وع غير العادة اليوم الجمعه
شغف:مين
مجيد:انا مجيد
شغف:لحظه شوي
كيف بدي افتحلو وانا بقميص النوم رحت بسرعه لعند بسام قعدت حدو
شغف:بسام..مجيد برا
بسام:مين مجيد
شغف:لك خطيب اختك
بسام:افتحيلو
شغف:ماني مجبورة لساتني بقميص النوم
بسام:البسي وافتحي واحكيلو بسام نايم
شعف:ليش ما تروح تشوف شو بدو اكيد جاي لعندك
عصب ودغري وقف وهو عم ياخد لبلوزة ويلبسها وبدون ما يغسل او يمشط فتحلو وانا التزمت الغرفه بعد ما بدلت تيابي
مجيد:بدل ما تباركلي يا صاحبي
بسام:على شو
مجيد:خطبتي من اختك
بسام:ما لقيت غيرها
مجيد:ههه والله خفت من تهديدك مجنون بتعملها
بسام:حزرت دغري اخبث منك ما راح شوف
مجيد:بس انت مصر تتخبى ورا اصبعتك وما تسدء الي حكيتلك اياه عنها
بسام:اي مصر
مجيد:لا تنسى بسام انا بعرف كيف ماتت
بسام:شو بتقصد
مجيد:بسام انا شفتك دفشتها من اول الدرج وكيف كرجت لاخرو
بسام:من وين جبت هالكلام
مجيد:شو من وين انا شفتك ما حدا خبرني وما واجهتك لانك عم تعمل دور المظلوم
بسام:بلا تخريف
مجيد:لا يا سيدي هي الحقيقه واصلا مو لاقبلك دور المظلوم ابدا بيطلعلك دور اقوى
بسام:جاي مشان هيك
مجيد:اي حابب خبرك بيطلعلك دور القاتل بعدين قتلت روحين مو روح وحدة
بسام:وطي صوتك
مجيد:خايف تعرف مرتك
بسام:لانو كلامك مو صح
مجيد:كانت حامل مرتك وانت دفشتها وبتعرف انها راح تنزف وتموت
بسام:خلص مجيد خلص
مجيد:كل هاد لانك ما تحملت خيانتها الك
وقف بسام وعصب
بسام:انا ما بدي اتخيل او حتى اسمع هيك كلام انا ما بدي شوف فيها الا الزوجه المخلصه وبس
مجيد:هي نتيجه زواجك منها قتلتها
بسام:لك ما قتلتها والله
مجيد:كان لازم تتحاكم ويفتحو تحقيق بموتها بس يلا من حظك وكمان هيك كتير عليك تركت المشفى وهاد انت ارمل بالبيت ليل نهار
بسام:انا ما عم اطلع لانو الحياة تسكرت بوشي
مجيد:لو بدقق مزبوط بتلاقي حالك بجنه بس كمان كتير عليك ضل هيك لا ترجع عاقب حالك اكتر
بسام:على شو على شو فهمني
مجيد:على قتلك الها
بسام:ما انت شهدت بانها خاينه صح انت حكيت انها تقربت منك
مجيد:واسال امي اجت للبيت لعندي اكتر من مرة وانا صديتها بحكم المعرفه
بسام:خلص بترجاك خلص
مجيد:بس بدي فهمك انا ما خنتك هي عرضت حالها عليي وانا رفضت انا بعرف انك كنت عشقانها من طرف واحد
بسام:كزب
مجيد:خبرتني كيف تزوجتو وكيف طلعت حامل
بسام:مجيد خلص بترجاك
مجيد:قبل امشي اطلع حواليك بتعرف كل الحقيقه لا تضل اعمى ومتخبي ازا بدك تتغير بلش بحالك بالاول
بسام:..
مجيد:ناطر تيجي للمشفى
بسام:..
راح مجيد وبسام ضل واقف بمكانو عم يتحسر مرة عم يشد على ايدو ومرة عم يفتحها وكانو ناوي على شي اطلعت من الغرفه وكاني ما سمعت شي وقت اندق الباب رحت فتحت
سهيلة:صباحوو مدام
شغف:صباحو تفضلي
سهيلة:بلش بالتعزيل ولا لفطور
شغف:لا فطور
عملت قهوة الي والو كلام مجيد لدرجه خلاه يجن عصب ومعاد عرف شو بدو يعمل
شغف:معقول هو قتلها
معاد اقدرت اكتم اكتر
شغف:كلام مجيد صحيح
'مايا الحجازي'كان شارد وانا قطعت شرودو اطلع فيني نظرة حادة كتير
بسام:اي كلام
شغف:عن موتت اكرام
بسام:كنتي تتسمعي علينا
شغف:لا اصواتكن واصله لنص الغرفه
بسام:لا هو كزاب وعم يفتري مو اكتر
شغف:بس وقت ماتت اكرام الكل عرف انها حامل ونزفت
بسام:على شو عم تلمحي
شغف:لا بس كلامو فيه وجه نظر
بسام:هاد مجيد حقود ولدرجه بيكرهني اكيد راح يحطها بظهري واسمعيني شغف

قرب اكتر ومسكني من رقبتي للتهديد
بسام:ازا بسمع او بدرى او بحس انو ببالك عم يدور شي من هالكلام راح لحقك بأكرام
مسكت ايدو وشديت وانا عم اترجاه
شغف:خنقتني بترجاك بسام
بسام:اوعك تجيبي هالسيرة سكري عليها دفشني بكل قوتو ودغري سحبت حالي ورحت للغرفه ما قبلت افطر ولا شاركتو بالاكل وما سدءت ايمتى خلصت سهيلة واطلعنا سوى من البيت وقت ارجعت كان في صوت عم يصدح من بيتنا اغاني قديمه وقت فتحت كان عتمه
شغف:يا حبيبي افلام رعب
شغلت كلشي والظاهر انو ادايق كتير
بسام:وين كنتي
شغف:كنت بمرسمي
بسام:انتي وجان
شغف:هلا شو جاب سيرتو
بسام:ع اساس جوزك حمار وما بيعرف عم تلتقو هنيك بعرف انك عايشه معو قصه حب
شغف:شو هالحكي بسام
تجلس واجى لعندي
بسام:اول ما اتاكد من خيانتك الي راح اقتلك
شغف:يعني عم تعترف بانك قتلت اكرام
بسام:وراح اقتل اي حدا بيغدر او بيخوني بس اول ما اتاكد
شغف:عنجد انا ما عم سدء شو سمعت اليوم
بسام:لا سدءي
'مايا الحجازي'وكانو تعب من جديد مسكني من ايدي وشد
بسام: هي الي اضطرتني هي الي استفزتني كنت عم اسالها وين كنتي كنت هلا راجع من المشفى وهي كمان راجعه من مشوارها التقينا على باب البيت كانت بحاله وسخه كتير جادلتها كتير لاني كنت خايف يكون شكوكي وكلام مجيد بمحلو بس هي ما نكرت وصارت تكبر بالكلام ومن كلمه لكلمه دفشتها و وقفت مصدوم بس الي صار صار وماني ندمان على شي وتاخرت لاسعفتها لحتى تموت
شغف:وكيف عم تمثل انك زعلان عليها وبتحبها
بسام:انا ما عم سدء الي صار وليش عملت هيك فيني ما اقدرت اكرها رغم انو الي عملتو معي كبير لحد هي اللحظه بحبها بس ما اقدرت كون مغدور او اجدب عندا انا يمكن زعلت عليها اكتر بكتير بس ما كنت بدي ابقى طول عمري عم اندم او او كون الشخص التاني بحياتها ويمكن التالت والرابع والاخير
شغف:وهيك هي ماتت وانت دفنت حالك بكل بساطه والي عم تعيشو كل يوم اخلاص الها
بسام:معاد همني شو المهم اعمل شي يريحني لانو معاد بدي حط عيني بعين اي حدا انا مجبور شوفك وشوف اهلك واهلي مجبور انا بتمنى موت ولا ارجع عيش لحظه خيانه حتى لو كانت منك انتي وانتي ما بتعنيلي اي شي
شغف:ما بهمني شو انا بالنسبه الك بس بدي تعرف انو الحب بعمرو ما تحول لكره وهاد الدليل يمكن انت ما بتحبني بس انا بحبك وبالعكس يمكن اكرام ما حبتك بس انت حبيتها وما عم تكرها وهاد الي فهمتو من علاقتي فيك انا معاد بدي انطر منك اي كلمه او مبادرة خلص راح ارضى بقسمتي ونصيبي بس بترجاك ترجع متل قبل لا تحبني ولا تشوفني بعيونك بس ارجع للمشفى لاهلك روح مشواير احلق دقنك وشعرك ارجع بسام القديم
بسام:صعب ما بدي انزل وشوف مكان ما ماتت بتعرفي اني بخاف اطلع بسيارتي لانها نزفت فيها
'مايا الحجازي'شفت لمعه لدموع بعيونو تركني وراح للغرفه تمدد ب تعب وضد عقلي شوفو حزين لهدرجه قعدت حدو وحطيت ايدي على جبينو
شغف:لا تتزكر انا عندي امل انك ترجع بسام القديم حاول لو شوي السيارة صلاح باعها وازا بدك مننتقل من هالبيت
بسام:لا لا
شغف:طيب لا تنهم انت كون مرتاح ما بدي تفكر باي شي
غمض عيونو وانا بدلت تيابي وتمددت حدو حطيت راسي على كتفو وغمضت يمكن ما بحس متل ما انا بحس بس وقت كون حدو اسمع دقات قلبو وشم ريحه نفسو برتاح راحه مو طبيعيه وبتمنى منو لو غمرة صغيرة نظرة حب بس خلص لازم اتعود كون انا العاشقه مو هو .
مايا الحجازي'كنت التقي ب جان على طول بالمرسم ما كنت خاف من علاقتي فيه ولا حتى انو بسام يدرى بالتقائي فيه لاني بعرف ولا يمكن يطلع من البيت كان بيعرف اني مهمومه وقت انهيت اخر لوحه كتير فرحت تاني يوم جهزت حالي واجى هو اخدني من الشارع التاني لحتى بسام ما يحس على شي وما كان لحالو مع جيانا واتصلت ببراءة واجت هي ومجيد يساعدونا بترتيب وتنظيف المرسم كنت حابه اعمل المعرض بشي صاله كبيرة بس جان اقترح يضل هون وراح يحقق نجاح اكيد يوم كامل من التنظيف وترتيب اللوحات بالاماكن المناسبه يمكن ما سدءت وقت شفتو هيك جاهز وما قدرت فارقو كل شوي اطلع فيه راح يكون خيلة رحت مع جان وطبعنا كروت دعوة ما خليت حدا ما عزمتو باول شهر تسعه حماسي مليون للمعرض ومو بس انا اهلي وبيت حماي قبل باسبوع بلشت تجهيزات وقبل بيوم واحد جهزت حالي 'مايا الحجازي'انزلت مع صلاح للسوق وخليتو يجيب بدلة ل بسام متاكدة راح يطلع من هالحزن الي جواتو مجرد يشوف لوحاتي حبيت اعملو اياها مفاجئة وعادي متل ما هو لا يحلق ولا يزبط خليه بسام المهم بعيوني هو احلى شب بالكون اصحيت الفجر وما غمضت طول الليل وانا احلم فيه وابتسم عملت دوش صباحي مدلل وعملت اظافيري وكويت شعري مكياجي انا كمان عملتو وقت صحي الظهر استغرب كتير وانا عم اتجهز
#يتبع
مايا الحجازي

#قصة #قلبي_بيده
للكاتبة: #مايا_الحجازي
القسم الرابع

بسام:شوفي عندك
شغف:هلا بتعرف
ما اهتم راح عمل فنجان قهوة وحط على نشرة اخباريه كنت بدي البس الفستان بس قلت قبل راح طالعلو البدلة ورحت لعندو
شغف:يلا مشان تلبسها
بسام:مو لافهم لشو
شغف:اليوم المعرض وحابه تشاركني فيه
بسام:ههه شو لا عم تمزحي
شغف:اي لا ما عم امزح يلا قوم
بلشت اشحطو من ايدو ما اهتم ورجع ركى حالو اكتر حط رجل على رجل
شغف يلا بسام ما تخجلني هلا راح تكون حدي وتفتخر فيني
بسام:هههه من كل عقلك كون حدك الك ليش
شغف:سند الي تقويني نكون سوى
بسام:لا مستحيل روح بعدين يعني رسمتي كم لوحه صرتي رسامه اصلا ما بقبل الناس تشوفني حدك ييي وناقص والله اشر للناس على شخابيطك وهبلك
شغف:صرلي سنتين عم ارسم لحتى تحكيلي شخابيط
بسام:ههه ما بشوف فيكي الا شغف لمولدنه وقلتلك الرسام فنان باخلاقو مو هيك بدك روح معك لا هيك كتير
شغف:شو الي بيمنعك
بسام:بخجل فيكي اصحي لحالك ع اساس معجزة معرضك سدءيني راح يضحكو بوشك ويمدحوكي بعدها راح يطلعو يضحكو عليكي اولهن اهلك
شغف:..
بسام:لو بمطرحك ما ممكن اعمل هيك شي روحي من وشي كان ناقصني هبل ولاد صغار
معاد طلع معي الكلام كنت لسى حاضنه البدلة ارجعت للغرفه اتاملتها
شغف:..
معقول انا مولدنه وانو عنجد صير مسخرة لوحاتي ما فيهن شي مميز معو حق لازم الغي المعرض هلا اتصلت ب براءة دغري كنت عم اشهق بكي
شغف:تعالي لعندي
براءة:شوفي
شغف بسرعه امانه لازم تيجي
رحت فتتحلها ودخلنا للغرفه
براءة:شبكي شو صاير
شغف:لازم هلا الغي المعرض دبريها من عندك
براءة ليش شو صار لك هبلة
شغف:اي هبلة انا كيف سدءت وعشت دور الرسامه ولد بالصف الاول بيرسم احسن واشطر مني براءة بترجاكي يلا خلينا نخبر الناس انو التغى
براءة:ما عم افهم مبارح كنتي متحمسه
شغف:يمكن كنت مو وعيانه
براءة بسام صح
شغف:معو حق
براءة:لك بدو يحطمك شايفك عم تسعي ورا نجاح هو عجز يعملو لو فيه خير كان فيه خير لنفسو مو الك الي بيشوفو راح تسد نفسو عن الحياة
شغف:معو حق هو
براءة:لك لا تخليه يحطمك يا هبلة وين فستانك
شغف:لا لا ما بدي ما بدي
براءة:شو ما بدك بسرعه لازم نروح ونكون هنيك جيانا ورامي وصلاح سبقونا ناطرينك ومجيد عم يستنى
شغف:بس راح صير مسخرة
براءة:بالفعل ازا لغيتيه بتصيري مسخرة لازم تلبسي وتكسري عينو
معقول عم تحكي عن اخوها هيك
'مايا الحجازي'خلتني البس غصب عني وخلتني افرد وشي بس قدام بسام واطلعنا من البيت بدون ما نشوفو كنت مترددة كتير كتير وطول الطريق صافنه بكلامو وخايفه يكون معو حق وقت وصلنا شفت كيف مزين باب المرسم ومحطوط اسمي بخط بيجنن فوق الباب(معرض شغف)
ما كنت بعرف انو باقات الورود هيك منثورة عند الباب في فرقه موسيقيه جاهزة للعزف اهلي وبيت حماي ضحكتهن ردتلي روحي وحتى جان وجيانا كانو عم يرتبو وصلاح ورامي مهتمين بالبوفيه المفتوح
براءة:منيح لو لغيتيه اسمعي شغف يمكن بنظرو فاشل بس بنظرنا اكيد ناجح هاد إنجاز الك مو لاي حدا ويعتبر بدايه المشوار
شدت على ايدي وتشجعت هلا اكتر كانو عم يوصلو المدعوين للمعرض صحفيين وتصوير من ترتيب براءة يمكن مو مسدءة حسيت بقيمه كل لوحه وكيف الناس عنجد انبسطو وكل شوي حدا ياخدني لشي لوحه لاحكيلهن عن شو بتحكي وكم استغرقت معي من الوقت ضحكات وتشجيع ناقص بس يكون بسام معي صلاح كان عم يبعتلو اول باول صور هيك خلص هاليوم مع اني رافضه ارجع للبيت بس رجعت مع بيت حماي ومعهن كيك وعصير لنحتفل قدام عيون بسام ما سدء او ما شال الموضوع من ارضو
حماتي:عنجد ما توقعت يطلع منك هيك
صلاح:بس بكرة اسمها راح يتصدر المجلات
بسام:ليش
عمي:شو ليش معرض كان بيجنن اسمها لحالو معرض
بسام:هه وقت تكبرو راس واحد حتى ع غلط بيكبر
براءة:ولو كان شغف لو غلطت بتجنن وحلوة بعدين ما صار شي المهم نجح الكل طلع يتغنى فيه
بسام:اوف هيك مرة وحدة
حماتي عنجد ما عم سدء شي خيالي
بسام:ههه
صلاح:على كلا بكرى بتشوف
بسام:اي بشوف الله يسمعني الاخبار الطيبة راح ارفع راسي فيكي ههه
تركنا وراح للغرفه
عمي لا تردي عليه
براءة هو محبط وحابب يدمر شغفك
صلاح:عهههه
ضحكنا سوى وقت ودعتهن واسوني كتير ورحت للغرفه البست بيجامه واتمددت حدو بس درت وشي دغري شفتو صحيان بس ما اهتميت
بسام:عم يطبلولك منيح
شغف:بحبهن
بسام:ههه اي وعنجد في حضور
شغف:مو شغلك
بسام:وبكرى كيف راح يكتبو بالعناوين )شغف الشغوفه ومعرض شغف هههه
شغف:ما بهمني المهم اتصدر العناوين
بسام:ههه انتي نهفه من نهفات الزمان
شغف:بتعرف ما بهمني ومنيح ما اجيت معي كان اخجلت فيك
بسام:..
دغري سكت وانا مثلت النوم بعيوني في دموع ما اقدرت اخفيهن وبقلبي غصه كبيرة

...
الصبح كنت كتير نشيطه متحمسه لروح افتح مرسمي البست ورحت لهنيك وقت وصلت شفت جمعه ناس قبل ابتسم شميت ريحه حريق بالاول فكرت حالي موهومه بس بعدها اتاكدت دخلت اركض كان المرسم عبارة عن رماااد
ضليت مصدومه وقت اسمعت صوت رامي وجيانا وجان بلشت ابكي'مايا الحجازي'
شغف:مين عامل هيك
رامي:مبارح اتصلو فينا الجيران كان في حريق وما استرجينا نتصل فيكي خفنا عليكي
جان:طولي بالك شغف
جيانا:لا تبكي
شغف:مين كيف وليش يعني
رامي:شوفه عينك
ولا لوحه متل ما هي كلهن محروقين قربت عليهن وانا عم اتلمس اللوحات المحروقه
شغف:ههه كيف احترقو لك كيف مو انا تعبت عليكن لحتى هيك صرتو ليش
جيانا:حدا حاقد اكيد ونحن لازم ما تركنا المعرض
شغف:بسام اكيد مافي غيررو
رامي:شو عم تخبصي
شغف امبلا هو بعت مين يحرقو ليحرق قلبي
جان:لا مو لهدرجه يمكن عطل او
شغف:لا لا هو هو
جيانا:طولي بالك
شغف:لك لا تحكولي طولي بالك هاد سهر وتعب سنين لحتى يروح هيك بعود ثقاب لا انا ما عم سدء
قعدت بالارض وبلشت ابكي
بابا:حبيبتي طولي بالك صحتك اهم من معارض الدنيا كلها
شغف:كيف اهم كيف ما عم سدء كيف احترق تعبي بلحظه وربي ما بحب حدا ينأذى ليش حرقولي قلبي عليه
ماما الله كبير يا بنتي
شغف:اي بعرف انا بدي افتح تحقيق وهلا
رامي:شو بيأثر التحقيق ما راح يرجع شي
شغف:راح يتعاقب الي عمل بمعرض شغف هيك عم تفهمو
بلشت اصرخ بالكل كنت فاقدة السيطرة على حالي وما عم شوف بعيوني الا بسام وكيف عم يشعل النار بمعرضي بيحرقو وبالفعل اتصدر اسم معرض شغف المحروق المجلات وبراءة اجت بسرعه ما تحركت ضليت بمكاني عم ابكي
براءة:شغف
شغف:شفتي ادريتي
براءة:هلا شفت الخبر بالمجلة ما سدءت كيف
شغف:ما بعرف بس راح ينفتح تحقيق هلا بدي اتصل بالشرطه
ماما:بعوضك الله يا بنتي
شغف:ولو كان بدي افتح تحقيق بترجاكن اتركوني طفي ناري
براءة:انا معك وراح يتعاقب الي عمل هيك
جان:ما وقفت الحياة هون
شغف:لا ما وقفت بعرف
سحبت حالي واطلعت من المرسم دغري للبيت بدون جميلة حدا بدي اوصل بسرعه وقت دخلت للبيت كانت براءة عم تركض وراي لتوقفني كنت عم دور على بسام كان بالمطبخ وقدامو المجلة الي حاملة الخبر
شغف:مبسوط سيد بسام ..هيك منيح ارتحت ارتاح ضميرك
بسام:شغف طولي بالك
شغف:لا تحكي بطيخه ليش حرقتو ليش
بسام:والله ما دخلني
شغف:كزاب انت وبس
براءة شغف لا تظلميه انتي معصبه مو اكتر
مسكتني من كتافي
براءة:هو ما بياذي
شغف:بس بيقتل بيدمر دمار اي معك حق
بسام:شغف بشو احلفلك ما دخلني انا مصدوم
شغف:واضحه الصدمه بعيونك من وينلك هالمجلة
صلاح:انا جبتها
التفتت وزورتو هو كمان
شغف:شفت انبسطت سيد بسام تصدر اسمي بس متل ما بتحب انت بس ما بقول غير الله يحرق قل
براءة:لا شغف امانه خلص لا تدعي انتي معصبه بسام ما دخلو
شغف:امبلا هو والله هو
بسام:ازا تحققتي راح تعرفي انو مو انا
شغف:أي راح بتحقق وراح بسجنك يا عديم الاحساس يا حقود يا مجرم حيوان
صلاح:شغف خلص
شغف:ما حدا يحكي خلص انا صبرت كتير عليه كلب تافه يلعنك وسخ
تركتو واقف ورحت ل غرفتي ايديي لسى بلون الرماد طالعت شنته وبلشت ضب تيابي متل المجنونه
براءة:شو عم تعملي
شغف:ما بدي اياه معاد بدي اياه ندمانه على كل لحظه على كل شي
كلشي الي عطورات رميتهن بكيس وكريمات وما خليت شي حتى سكربينات سكرت الشنته
صلاح: من كل عقلك
شغف:اي من كلو الحق عليي انهنت كتير واخر شي هاد جزائي ناطرة ورقه طلاقي سيد بسام
بسام:لحظه شغف وحياة الله انتي فهمانه الموضوع غلط
شغف:لو شو ما كان ما ممكن ارجعلك ولا ممكن سامحك ازا مو مشان الحريق مشان الاهانه
بسام:خليني اشرحلك انا متلك مصدوم والله زعلان على تعبك متلك ويمكن اكتر والله صعبه بلعكس هني احلى لوحات شفتهن بحياتي مبارح وقت بعتلي الصور صلاح ما سدءت أفرحت وقت شفتك بين محبينك عم تتصوري فرحت وقت شفت رسوماتك الي بجننو تمنيت كون معك والله وافتخر فيكي
شغف:من هيك حرقتهن
بسام:مافيني احرق حالي لاحرقهن كيف فيني احرق قلب انا موجود فيه
شغف:بيطلع منك كتير
كنت بدي اشحط الشنته
صلاح :طيب روقي بالاول روحي غسلي وشك كلو رماد
شغف:ههه هاد تعبي عادي هاد جزائي
براءة:لا تتهوري
شغف:اكتر من هيك
صلاح:خلص هاتي الشنته عنك
بسام:شغف
'مايا الحجازي'طنشتو وامشيت ورا صلاح عم امسح دموعي وجر الخيبه وراي الله ياخدو ل قلبي كان عم يفارق بسام وعم يغص ما بدي التفتت بس مر شريط ذكرياتي معو وصلني لبيت اهلي كنت اسمع مواساتهن الي وبيت حماي ما تركوني ابدا ما كنت اقتنع اني اكرهو قلبي بايدو ل بسام هو عم يتحكم فيني بس يمكن هاد احسن شي عملتو صار فيني متلو ابدا ما بدي فراق بس مجبورة اهملت حالي متل ما عمل هو معاد تحممت ولا مشطت ولا اطلعت من البيت حاولو فيني الكل بس ما اقدرت لوقت زارني جان

جان:شغف انا اسف
كنت عم اطلع فيه بغرابه
شغف:على شو
جان:ما بعرف من وين ابدا
شغف:شوفي
جان :بدك الصراحه انا ورا الحريق
كان فيني شويه عقل طار
شغف:كيف كيف
جان:مو انا طبعا بس الي حرق الي المعرض رجع فكر انو هالمعرض الي وعمل متل ما عمل بالمعرض الاول
شغف:عم تمزح
جان:والله هاد الي صار شكيت فيه رحت واجهتو وحكالي اي انا.
شغف:طيب مين هو
جان:بيكون اخ رفيقي
شغف ليش
جان:اخوه مات معي بحادث سير فكروني مدبرو لاقتلو فيه وهيك عم ينتقم مني
شغف:عنجد عم تحكي
جان:اي والله يمكن هالحكايه ما حكيتها الا ل جيانا وهي شجعتني خبرك لانك عم تظلمي بسام
شغف:اي ولو كان بسام ما راح ارجعلو شو انا بلا كرامه وخلص انا معاد بدي من حدا شي
جان:طيب انا بدي تسامحيني
شغف:الله يسامحك
جان:بعتذر عنجد والله لو بعرف انو هيك راح يصير ما كنت تعرفت عليكي ولا حتى
شغف:خلص لا بقى تعتذر الي صار صار
رجعت للغرفه تعبانه بس هالفكرة ما خلتني شوف بسام ملائكه هو كان سبب بتحطيمي من جديد
كنت واقفه على شباك الغرفه عم شوف منظر المطر وكيف برد الشتى بيسرقني لعند بسام غصب عني وقت دخلت جيانا
جيانا:شغوفه حبيبي
شغف:شو
جيانا:بحبك وليه
ضمتني بدون مناسبه
جيانا:اليوم المسا حضريلي حالك.
شغف:ليش
جيانا:انتي اعملي متل ما عم قلك وبس
_ يا ترى شو محضرة جيانا مفاجئة ل شغف انتو خبروني؟
'مايا الحجازي'
المسا خلتني البس غصب عني ورتبتني على كيفها وما كنت بعرف لوين اخدتني هي وجان بس طول الطريق متل المجانين هي وجان مشغلين اغاني وعم يغنو سوى(الدنيا حلوة واحلى سنين منعيشها واحنا يا ناس عاشقين؟:
صرعوني بس كتير عشقانين بعض هالجوز وصلنا لحارة المرسم خفت وقلبي غص وقت تزكرت لوحاتي كيف احترقو
شغف:بلا جايبيني لهون
جيانا:انزلي بلا كترة حكي
نزلوني وامشيت معهن كان اسمي عم يضوي باب المرسم (شغف)
دخلت على ريحه الياسمين الورد وصلت لارض ديار شفت بيت حماي كلهن واهلي ورفقاتي هجمت عليي براءة
براءة:وهي احلى واغلى هديه مننا الك
بلشت اتاملو كان جديد ولا كانو محروق ابدا عم يضوي وريحتو بتجنن كل لبواب و الشبابيك البحرى مليانه ورد جوري
صلاح:يلا تعالي قطعي الكيك بسرعه
دورت على بسام ههه مسدءة حالي يمكن يكون معهن بس متخبي ما كان يبين بس الفرحه الي جواتي ما اعطيتها لحد اكلنا الكيك وجاب رامي وصلاح شي مخبى فتحوه كانت لوحه بيضا جان مسك الالوان وخلطهن
جان:يلا ابصميلك بصمه لبدايه لوحه جديدة
شغف:بلا ويمكن انا ما بدي
جان:بدنا نرسم سوى انا وياكي وكل واحد بيعرض لوحاتو بتوقعيو
الكل ضحك رسمت قلب مكسور
عمي:لا هيك ما اتفقنا
شغف:بس البدايه هي
دخلت لكل الغرف عنجد شي بيجنن
شغف:ترتيب مين هاد
جيانا:حدا بتحبيه
شغف:بايخه
جيانا:خههه
شغف:مين بحب وليه
جيانا:اسالي قلبك ما تسأليني
صلاح:امم ع الحب يا عمي ما حدا متلك
شغف:ههه خلص بدي صير نام هون
رامي:سكنيني معك
شغف:فشرت
جيانا:انا
شغف:لحالي بدي ضل
ماما:بلا شو
شغف:اي بدي ارتاح منكن
حماتي:ههه بس بدي ترجعي ترسمي الغابه ها
شغف:هي رسمه جان
جان:خلص ولا يهمك
بابا:يعني خلص
شغف:اي خلص حمستوني من جديد والله
جبت كل اغراضي وزبطت غرفه نومي وجيانا ما تركتني استقرت معي صار كل همي هالمرسم عندي اياه بالدنيا وبلشت رسم من جديد واقضيها اتفرج على جان وجيانا وهنني عم يتمعشقو عندي بالبيت
شغف:مو عيب
جيانا:ههه لا
شغف ما بدو بخطبك
جيانا امبلا بس متردد
شغف ليش
جيانا:مشان جامعتي
شغف:اي ولايمتى هيك الوضع
جيانا:خلص راح استنى ازا ما بادر انا بروح وبخطبو
شغف:ههه كفو والله ورامي بيعرف
جيانا:هو بس رامي وابو رامي وام رامي
شغف:ههه مجنونه
كانو يتركوني نص لنهار ويرجعو معهم اكلات طيبة وغدا جاهز يسهرو عنا صلاح وبراءة ومجيد وحددو وقت للعرس باول الربيع طبعا فرحت كتير لهيك مناسبه
من الصبح جهزت حالي لرسمه جديد البست فستان للبيت جينز خفيف البست مريول لحتى ما عبيه الوان وكل شوي اخدلي قسط راحه مع سيكارتي لوقت اندق الباب تزكرت انو جيانا مو هون رحت لافتح طبعا محضرة بهدلة الها ازا نسيانه المفتاح فتحت الباب وقبل اتركو لفوت انصدمت 😓وقت شفت بسام واقف متل الزعران على الباب مبتسم وييي ما اقدرت ما ارسم ابتسامه خفيفه
بسام:هون مرسم شغف
شغف:لا انت غلطان.
بسام:بلا شو وهاد الاسم لمين وازا خربطت بالمكان بالشخص ما خربطت ابدا
ولي على قلبي كان مخفف دقنو وكتير مرتبه ملامح وشو مبينه منيح وبتجنن وشعراتو على مستوى واحد محلوقين ولابس قميص جينز فاتحو وتحتو بلوزة بيضه
بسام:شو مافي تفضل
شغف:.
كمل فتح الباب وفات عم يتامل المكان وانا من هبلي مشيت وراه
بسام ايه شو هاد وريحه البيت من ريحه اصحابو

شغف لو سمحت انا قليله نظافه
بسام مين لحمار الي هيك حكى
شغف:الحمير كتار
بسام:انا حمار
شغف:ما حكيت عليك
بسام:يا سلام في ريحه الوان شو عم ترسمي
شغف:اوف منك ممنوع تشوف شو عم ارسم
بسام:ههه ليكون عم ترسميني بعرف انو عيونك بتشوفني منيح
شغف:..
ما رد وفات للغرفه الي عم ارسم فيها شاف السيكارة واستنكر
بسام:له وكمان عم تشربي دخان
شغف:انت السبب
بسام:بس بيلبقلك ها الزعرنه
شغف:بسام
بسام:بسام مشتقلك مو هاللقد
اشر باصبعتو
بسام:هالقد
فتح ايديه
شغف ما بهمني
بسام:على كيفك لانو
التفت للوحه
بسام:فكرت عم ترسميني
شغف:عايش الدور كانك
اخد السيكارة وكملها
بسام خفيفه متلك
شغف:ليش بتشرب اتقل
بسام اي انا بطلتو
شغف مبروك
بسام:امم هيك ما بينفع معي مبروك وما بهمك
شغف:اي ولا ينفع شو يعني
بسام:عيب تكبري كلام على جوزك
شغف:لا متزكر اني مرتك
بسام واحلى مراة
شغف:ايوا هي نغمه جديدة
بسام:حطيها نغمه للموبايل
يخرب بيتو معاد اتحملت لا هلا اتاكدت انو بسام ابو الضحكه العاليه
قعدت على طرف الكنبايه اضحك وقعد حدي نزل رجلو والتانيه طواها بعد شعري عن وشي والتانيه قرصني فيها من خدي
بسام:ضحكتك بتسوى الكون كلو
شغف:خلص بسام
بسام:اشتقت لاسمي من صوتك عم تولدي جواتي طاقه ايجابيه
شغف:هه اي منيح
بسام:هاتيلك بوسه
شغف:لا ممنوع
بسام:ما بحقلي
شغف:بعد الي شفتو منك حرام تلمسني
بسام:وانا بعد الي شفتو منك حرام تبعدي عني
شغف:اممم تاخرت كتير
بسام:ليش بقى
شغف:هيك مزاج وبعد عني
بسام:ما بدي بعد
شغف:بتعرف كلشي صار كان خير الي
بسام:والله وخير الي كمان
شغف:شو يعني
بسام:كان لازم من زمان نعرف بعض وتتعمقي بحياتي لحتى اعرف انك بس انتي بتستاهلي هالحب
شغف:لا حياتك بتجنن بطير العقل
بسام:امانه صح
شغف:هه ليش رجعت للمشفى
بسام:امممم وبدي افتتح مشفى جديدة وبدي تكوني حدي
شغف ما بشرفني وبعدين بحكو هي زوجه لمعقد
بسام:ههه دخيلو الي بيردلي الكلام والمعاملة بس مو من قلبكك
شغف:..
بسام:انو وبعدين مع هالجفى والله انا مسكين حرام
شغف:ما بعرف شو احكيلك ومين شجعك لترجع
بسام:انتي وبس
شغف:اممم من هيك اجيت يوم رجعت افتتحت المرسم
بسام:ههه انو يلا معلش بتقطع هلا انتي حليانه ولا انا عشقانك
شغف:انا كنت استمد بشاعتي منك وهلا ردتلي الروح
بسام:عههه انتي وبس مسموحلك تحكي الي بدك اياه وانا هلا بدي تسمحيلي ببوسه
قرب مني بس ما اعطيتو مجال وهلا انا وياه خجلنا
جيانا وجان:برافووو
بلشو يسفئو
جيانا:يا عيب يا صهري هي مداخله وبنص بيتنا
جان:لا هيك ما بتزبط
شغف:..
بسام:والي بدو يبوس مرتو عليه رقابه
جان:ههه
جيانا:اي عيب
بسام:لا عيب ولا شي يلا اطلعو
جيانا:ههه كيف قهوتك
بسام:بتسلم عليكي
شغف:ههه
ضحكنا سوى تركونا على راحتنا بس انا دغري وقفت ورحت لعند لوحتي
بسام:ما بدك اياني
شغف:لا
بسام:وانو معاد بدك تشوفيني
شغف:اي
بسام:وعادي ارجع اتعزب بغيابك
شغف:ما بهمني
بسام:بتقدري بدوني
شغف:اي عشت قبلك كتير وبعدك اكتر
بسام:وانا عشت معك انتي نقطه تحول بحياتي
شغف:مستحيل
بسام:طيب على راحتك راح بعطيكي وقت بس ممنوع تتاخري
شغف:لا تنطر مني شي
بسام:ما راح جادلك اكتر
جيانا:يلا القهوة جاهزة
قعدنا وكل شوي اطلع ب بسام يكون صافن بس لا انا ما بتحمل كتير حليان وربي ما عرفتو وكل شوي يقطف ياسمينه ويرميها على وشي
جان:شو هالحركات
بسام:ايي انت شو دخلك
جيانا:هي ياسمينه شغف
بسام:اي بتجنن وريحتها طيبه
جان:ههه
بسام:هو البيت كلو بجنن متل شغف
جيانا:يا حبيبي
بسام:شبو حبيبك
جيانا:ههه
بسام:استعجلو واخطبو خلينا نحضر مناسبه مع حرمي المصون
جيانا:ايوا بدك تصلح العلاقات
بسام:ههه بدنا واسطه تقيلة الحلو مو معبرنا
زورتو 😍اخ دبت من نظرات هالعيون الي بتجنن وبيغمز وشاطر بيعرف يدوبني من نظرة
بسام:يلا انا صار لازم امشي
جيانا خليك
جان:اي خليك
بسام:والله ياريت عندي بعد ساعه عمليه ولازم روح جهز حالي
ما سدءت بس كلامو عنجد وطلعت لودعو
بسام:بدك شي قبل روح
شغف:سلامتك
مسحلي على وشي بنعومه
بسام:راح بتركك على راحتك لانو الحق معك انتي وبس بس بتمنى منك تفكري فيني بشكل جديد رجعت الك لاني حبيتك من كل قلبي وما عم اتخيل حياتي بدونك وبدون عيونك كنتي حياة بالنسبه الي
شغف:..
بسام:عادي فكري وشو ما قررتي راح وافق راحتك بتهمني
شغف:انشالله
ضليت واقفه عم شوفو كيف طالع من الحارة وعلى شوي بدي روح معو بس هيك مجنونه انا رجعت بسرعه لغرفتي تمددت ب تعب وغمضت عيوني 😍ما عم سدء الي صار ابدا
وفوق من كل هاد صار ينشر الو صور ع الفيس وع الواتس وانا مراقبه مية بالميه كل تحركاتو طلعاتو اخبارو عم اسمعها من براءة اشترى شقه قريبه من المشفى وبلش بمشروع جديد مع مجيد وعلى طول يسهر مع جان ورامي وصلاح ومجيد شوف صورهن بالقهوة او بشي سهرة وبكل اجتماع نجتمع العيلتين نقضيها عيونا على بعض وخجلانين يعني مو مطلقين ولا متزوجين ووالكل تاركنا على راحتنا وبعرس براءة رحت معها للسوق اشتريت الي فستان لونو خمري والو طبقه دانتيل

وسكربينه عاليه عملت شعري ومكياجي ورحت مع بيت اهلي للحفل قعدنا سوى نحن وبيت حماي ودغري قنصت بسام لابس ومتشيك واجت معو صبيه بتجنن صغيرة وحلوة باين بيناتهن كيميا وعم يتبسمو لبعض وقدام الكل غص قلبي مية مرة بس عملت حالي مو شايفيتو
حماتي:انشالله على طول نلتم للفرح
ماما امين يارب
حماتي:يلا شدي همتك وجوزي رامي
صلاح:ليش انتي جوزتي صلاح
حماتي:ههه ليش صلاح رضي وانا ما وافقت
اشر لشوف على بنت هلا راح اطلبها
صلاح:احم احم هلا هلا
عمي اي هلا
بسام:اشر لشوف
صلاح:اشر انت بالاول
عمي:بلا هو متجوز
جان:جيانا قومي نرقص
رامي:ايوا وبدون اي صله
ماما اي شوفيها
بابا لا مافيها شي جان راح يجيب جاهة ويجي يوم الجمعه
جان:اي ليش ما دريت
رامي:لا والله خبر عاجل وجديد
همستلي ماما
ماما:روحي اقعدي حد جوزك
شغف:ليش هو معبرني
ماما:مين هي الي حدو
شغف:ما بعرف اول مرة بشوفها بس مبسوطين سوى
جيانا:عن شو بتحكو
شغف:خلص ولاشي
جيانا:باين عروس الو بس لابقين لبعض
دعست على رجلها
جيانا:ههه بتغاري يا بعدي لك والله حليان كتير على حظك وقت كنتو سوى ما كان هيك
شغف:اي وبالناقص منو
جيانا:بالناقص بالناقص
#يتبع

#قصة #قلبي_بيده
للكاتبة: #مايا_الحجازي
القسم الخامس
سرقت نظرة عليه كان ملتهي بموبايلو وصلو العرسان وقفنا كلنا طبعا التهيت بشوفتهن بجننو مشالله طبعا من طول عمري بحلم بهيك عرس فستان انحرمت البسو وخاتم كمان وصاله ومعازيم صوت اغاني الفرح كانت براءة عم تأشرلي مبسوطه فيني وتبعتلي بوسات ع الهوى وانا بعتلها بوسه حسيت على ايد اندمت وحاوطت خصري اطلعت دغري
بسام:يا عمي البوسات لناس وناس
شغف:شو هالحركات
بسام:مو حلوين
شغف:..
بسام:بحبك وليه
شغف:حب هديك الي كانت حدك
بسام:ههه جابت نتيجه والله
شغف:يعني عم تجاكرني
بسام:قلت حلوة وفرفورة و
شغف:😭لا تكمل
بسام:ههه بتحبيني
نفيت براسي
بسام:راح اعلن خطوبتي منها
شغف:بتعملها
بسام:اي وقدام الكل ترقبي
تركني 😭وانا رجعت للطاولة لحالي ضليت مكشرة وبراءة كل شوي تضحكلي وانا معصبه زورتها وشفت ضحكات وهمس وغمز بيناتهن 😭ما راح اصبر ابدا ضل عم شوفو هيك رحت لبرا اخدت نفس عميق وحاولت خفف من توتري ما بدي ينتزع هاليوم عليي وبعدها رجعت للصاله كانو الكل عم يباركو ومحاوطين براءة وقلت بشاركهن وقفت بعيد عن بسام وبعدها طلب انو تتوقف الموسيقى وصوتو صار مسموع
بسام:بالاول شكرا لكل حدا اجى يشاركنا هالفرحه فرحه مجيد رفيقي وزميلي فرحه بتعنيلي كتير جيتكن غاليه كتير وبالمناسبه هي ما راح ضيع فرصه من بين ايديي وقدام هيك جمهور من لمحبين انا اليوم راح اعلن زواجي
طالع علبه من جيبتو الداخليه كانت مخمليه ولونها خمري
بسام:طبعا راح جدد زواجي
تقدم ومدلي ايدو ما اقدرت خجلو بس خجلت قدام الكل ومعاد شفت قدامي جيانا ورامي خلوني اتقدم وكملت لصرت قبالو فتحلي العلبة وركع قدامي
بسام:بتقبلي ترجعي مرتي لكل العمر
مسكتو من ايدو
شغف:اكيد بقبل
وقف وغمرني 😭والله بكيت من قلبي بهديك اللحظه وضل غامرني وهمسلي
بسام:لا تبكي انا بحبك دموعك اغلى من الالماس
مسحلي دموعي اخد ايدي ودغري لبسني محبس بيجنن وطالعو الو محبس لبستو اياه بتسفيق كبير من الكل
شفت الفرحه بعيون الكل وهلا تاكدت صحيح ما صارلي عرس متل كل هالصبايا اليوم صار شي مميز الكل راح يحكي فيه
بسام:يلا شغلولي اغنيه بدي ارقص مع حبيبتي
حماتي:هههه يا عمري بدك غنيه معينه
بسام:حيلا دبكه ودبيكه المهم ارقص
صلاح:لا شو دبكه ودبيكه شغلو اغنيه ع بالي حبيبي
بسام:يلا متل ما حكى صلاح
اخدني من ايدي كنت عتبانه كتير عليه
شغف:حلوة هالحركات
بسام:امم بتجنن
شغف:بس انا خجلت يا الله منك
بسام:بس مني ما بتخجلي انا بعرفك
شغف:بلا شو
بسام:ع اساس كنت كون غفيان وقتها
شغف:انو وقت هاد
بسام:كنت حس على غمراتك وبوساتك
شغف:بسام☹
بسام:ههه ما حدا بيعرف الا انا بس لشو الكزب استفقدت الهن كانو طيبين كتير
شغف:خلص سكر ع الموضوع
بسام:يلا منبلش بالموضوع الي بعد البوسات يا ترى شو كنتي تعملي كمان
شغف:😭😭
بسام:حدا حكالك بحبك قبل
شغف:اي حبيت قبلك كتير وحكولي بحبوني
بسام:مين هالحمير
شغف:الي بحبوني حمير
بسام:خهه لا بقصد مين حكالك
شغف مو مسدء
بسام:ههه بعرف ما حدا اطلع فيكي غيري
شغف يكتر خيرك
بسام:ههه خلص انسي الحكي كلو خليني عم اسمع دقات قلبك وشم ريحتك
شغف:اي بكون احسن
جان وجيانا عم يرقصو وبراءة ومجيد بس صلاح ورامي عنجد وحدانيين انتهت الحفله واتجمعنا باب الصاله نودع العرسان
حماتي الله يهنيكن
صلاح وعقبالي يا جماعه
بابا:اي شد همتك
صلاح:اكتر من هيك شد بتنقطع
بسام:خلص صرعتنا يا زلمه روح شوفلك شحادة تقبل فيك
رامي:هههه
صلاح:بربك ليش عم تضحك الفت خانم
الضحكات عليت كتير ورامي عصب
بسام:يلا انا بتسمحولي فيها
ماما:لمين
بسام:لمرتي
بابا:اي على حسابك
شغف:بلا شو ويمكن ما بدي
بسام:هيك لكن
مشي لحالو ما اقدرت اتركو انا عنجد مجنونه فيه ركضت للحقتو وودعتهن وبلشو يلوحو يايديهن شبكت ايدي بايدو
بسام:شفتي كيف رجعتك
شغف:اي مافيني بلاك
بسام:بس حلو الي صار
شغف:مو احلى منك
بسام:شغف
شغف:هه بسام
بسام:بحبك وليه تعي نركض
شغف:وين سيارتك
بسام:صفطتها بالباركنغ بعد هداك الشارع
شغف:جيت مشي
بسام لا مع صلاح كان زحمه هون
شلحت لسكربينا وركضنا سوى المهم رجعتلو اركبنا بالسيارة وعلا للصوت على اغنيه بفرح فيكي وكان عم يغني ومبسوط والله بعرف انو مجنون بس مو هيك الشقه كانت راقيه وبحارة ارقى يمكن الي صار كلو من الاول خير الي والو كان مرتبها بتجنن كتير بس مو احلى منو ومجهز فيلم وسهريه حاسب حساب الجدبه شغف ترجعلو بسرعه بدون ما يتعزب بس اكتر من هيك معاد في عزاب البست بيجامه قطن كتيرة عليه ل بسام وقعدت حدو ودغري ضيفني فنجان القهوة
شغف:قهوة حدا بيعزم على قهوة واكيد تقيلة
بسام:ههه شو بدك بيرا ولا شمبانيا

شغف:وبتعرف بانواع الخمر
بسام:اي معلم انا
شغف:لا دكتور اخر زمن
بسام:تعالي وليه الك مني كف ليش بتشربي دخان
شغف:انت السبب
بسام:اي ما بقى في تشربي
شغف:بفكر بالموضوع
بسام:يا ويلك ازا لسى بشوف بايدك سيكارة
شغف:مين عم يحكي
بسام:والله بطلتو
شغف:كان اهم من المي عندك
بسام:اي كان هلا بسام تغير كلو
شغف:ههه اي راجع متل ايام زمان وصايع
بسام:ههه زعرنه هي بلا احكيلي كيف غرتي عليي من دلع
شغف:اسمها دلع كمان
بسام اي زميلتي
شغف:احسنين
بسام:هه غرتي صح
شغف:كنت بدي شقفك انت وياها
بسام:ههه صلاح معجب فيها لهيك عزمتها
شغف:اي ممنوع تاني مرة تقعد حدها
بسام:يا عمري حدا عندو قمر وبيطلع بلنجوم
شغف:اي العب عليي
بسام:ههه والله
شغف:انو كيف صرت تحبني ع اساس مستحيل تحبني
بسام لك بعد هداك اليوم بعد كلمه حيوان ووسخ وكلب والي هو معاد اتحملت وقت شفتك مشحرة
وهون طق لفيوز حطيت الفنجان من ايدي واطلعت فيه
شغف:انا مشحرة
بسام:لك بقصد من الحريق
شغف اي ابدع
بسام:معاد اقدرت حسيت انو انا اخسرتك ولازم كنت عنجد سند الك ما حدا بحبني قدك ..شغف؟
بسام:عيونها
بسام دخيل عيونك انا رجعت زبطت مرسمك
شغف:عنجد
بسام:اي اخد معي وقت لعملتو بالديكور الي بتحبيه وهاد شي قليل قدام حبك الي بتمنى ندوم لبعض كل العمر ومن هلا ها راح نوصي على بيبي
شغف:هه عيب عليك
بسام:لا شو هي عيب ما عيب النا زمان ما شفنا بعض لهيك راح باكلك هلا
شغف:ههه
بسام شو ناطرة بدك تضلي هون
شغف:ما بدك نكفي الفيلم
بسام:انا حافظو هلا بكملك اياه بالغرفه
شغف:ههه مجنون
بسام:فيكي وبس
.....
كان واقف عم يجهز حالو كالعادة لبس البدلة وبلش بتعطر
بسام:يلا شغف راح نتأخر
شغف:مع انو مبارح كنا عندهن
بسام:وعزمونا ع الغدا منخجلهن
شغف:كنت ناوية روح لبيت اهلي
بسام:بكرة منروح سوى خلص
شغف:لا بكرة عندك مناوبة
بسام:راح يستلم عني مجيد
شغف:مع انو بحس راح يجيك شي حاله اسعاف ضرورية وتروح
بسام:يعني شو اعمل ارواح الناس هي
شغف:اي وانا مقتنعه بس لا توعدني بمشاوير
بسام:طيب خلصي لازم نطلع اتاخرنا
قعدت على طرف التخت والبست سكربينه واطلعت بحالي لاخر مرة انزلنا سوى وشغل السيارة وانا دغري حطيت اغاني على زوقي وعايشه الجو كانت فكرة وحدة عم تحوم براسي انو بسام بعد ما تقربنا من بعض بلش يمل مني ما بعرف او انا عم اتحسس زيادة وصلنا لبيت مجيد وبراءة كانو مجهزين سفرة بتجنن
بسام:ليش عزبت حالك
مجيد:مافي شي من واجبك
بسام:ههه
وصل جود وخطيبتو كمان جمعه دكاترة الله بجيرنا منهن نحن قعدنا بالصاله وهني بالتراس عم بتبادلو الاحاديث المرضيه والحالات الإسعافيه بس ما بعرف كيف كنت عم اطلع ببسام ما عم اشبع منو وجانه عليه غيرة حتى من اكرام ولدرجه بلشت اتغير كنت انقهر ازا بيطلع بنص الليل للمشفى وبكون عندو حاله اسعافيه وضل صاحيه لحتى يرجع لو الظهر ودغري ينام يعني حياة ولا احلى من هيك وباجازتو هي قضيناها من بيت مجيد ل بيت جود ل بيت اسماعيل وما عدا اهلي واهلو يعني ما عم شوفو ابدا هلا شفتو كيف فرط ضحك وأكيد هالمزح من جود وبس
براءة:دخيلو الي شايف حبيبو ومو مسدء
كارين:ههه لهدرجه بتحبيه
شغف:شي طبيعي جوزي
كارين:بس قبل كان متجوز صح
براءة:اي ورجع تجوزها ل شغف وبعدين بموت فيها
كارين:بس بتعرفي جود حكالي انو بس من فترة قصير رجعو لبعض شو السببب
براءة:السبب انو اخي كان زعلان على مرتو القديمه وبعدها صحي لحالو وهلا شايف شغف ومو مسدء
كارين:اي واضح
براءة:شو بتقصدي
شغف:ههه خلص براءة
براءة:لا بدي اعرف
كارين:على كلا الله يهنيكن بس بتعرفي في صورة ل بسام عند جود وحدو صبيه ليكون نفسها مرتو
شغف:..
براءة:اي اكيد هي
كارين:وصحيح ما عملتو حفله زواج
شغف:لا
كارين ييي خسارة
براءة:مع انك حضرتي عرسي وشفتي شو عمل
كارين:اي والله بتزكر وعنجد كنتو كتير حلوين
براءة:اي شغف مو ناوية تبلشي رسم
شغف:امبلا بس مو هلا حابه خلي غرفه عندي بالبيت للرسم
براءة:كمان فكرة
اطلعنا نتمشى سوى كنت بعالم تاني اسمو بسام مو معبرني وشايف اصحابو ومو مسدء طولنا بالسهرة كمان ضربت بوز بس اطلعنا بالسيارة
بسام:شبكي
شغف:مو ملاحظ على شوي نمنا عندهن
بسام:ههه اي عم نتسلى
شغف:وكانو خلصت اجازتك بدون ما نقضيها سوي
بسام:ليش وين انا
شغف:بربك هلا هاد مشوار ازا كل ماعم نطلع عم تقضيها مع اصحابك وعم نرجع هلكانين انا كان بدي نقضيه ع البحر اي مكان بس مو هيك
بسام:هي عاداتنا من زمان ويعني هلا راح تتحكمي فيني
شغف:اي ما اختلفنا يعني يا بتقضيها بالبيت محبوس يا اما ما بتهدي
بسام:لا انتي صايرلك شي اكيد
شغف:اي والله صايرلي كتير مو شوي
بسام:هاتي لشوف
شغف:هي خطيبه جود كانت عم تلمح وحسيت كل حكيها مسخرة وعم تستفزني

بسام:شو بدك فيها
شغف:طيب ليش جود ليحكيلها عن علاقتنا وكيف تركنا وارجعنا
بسام:كمان بدي اتحكم بلسان جود
شغف:انا مشكلتي معك ليش لتخبر جود عن الي صار
بسام:والله متل ما بتخبري براءة
شغف:براءة مو غريبه وبتعرف كلشي
بسام:وجود من اقرب الناس الي
شغف:طيب متل ما بدك
بسام:يعني على شو مقهورة ما فهمت
شغف:هيك مقهورة بانو ما الي مكان عندك ابدا بأني اخر شي بتفكر فيه
بسام:هلا هيك يا شغف يعني لو بحرق حالي كرمالك ما ببين معك
شغف:مستحيل تحرق حالك كرمالي بس وقت الجد حرقت حالك كرمال اكرام
بسام:ييي ارجعنا
شغف:اي رجعنا ويا سيدي انا قليله عقل بس ما بعرف في شي مو مزبوط بحياتنا هلا ازا بموت بتعمل متل ما عملت كرمال اكرام
فجاة وقف السيارة متت رعبه
بسام:ممنوع تقارني حالك فيها
شغف:كمان اي كتر خيرك
انزلت بسرعه دموعي شقو الطريق ومعاد اقدرت اتحمل يعني لحد هي اللحظه مقتنع بحبو القديم مقتنع بكلشي طنشتو وهو عم يندهلي
بسام:شغف ..شغف
وقفت على طرف الطريق وقف تكسي وبالفعل وقفتها بس بسام ركض وخلاه يمشي
بسام:روح يا معلم يعطيك العافيه...شو عم تعملي يا مجنونه
شغف:عم اعمل الي بيرحني وبس
بسام:لك ليش هيك صايرة شو صرلك
شغف:خلص مشان الله بسام اتركني بحالي
بسام:لك ليش ازعلتي ليش شو حكيتلك
شغف:لك لسى بيحكيلي شو حكيتك كل هاد وما حكيت شي
بسام:لك مجنونه انا ما بدي تقارني حالك بهديك لانو بدها دهر لحتى توصل لمستواكي
شغف:ما فهمت
بسام:خلص راح فهمك
قعدنا على الرصيف كان مرتفع قدامنا وعم نتامل كل الجو
شغف:اشرحلي
بسام:رغم اني مسكر عن هالموضوع وما بدي احكي فيه بس لحتى تتاكدي من علاقتي فيكي ومن اني بحبك
شغف:أي كمل
بسام:انتي بتعرفي شوفي بيني وبينها
شغف:ابدا
بسام:انا بخبرك من اول ما تعرفت عليها هي كانت تنظف بالمشفى يعني مستخدمه مو اكتر كانت ملفته لدرجه صحيح انا دكتور بس ما اقدرت طنشها كان على طول يبين عليها الزعل والحزن وتنام بالمشفى وبيوم دقت الباب وجابتلي فنجان قهوة وضلت واقفه عم تطلع فيني وانا كتير اغرتني هالنظرة
بسام:شو بدك
اكرام:فيني احكي معك بموضوع دكتور بسام
بسام اكيد تفضلي
اكرام:..
قعدت وضلت عم تفرك بايديها متلبكه وانا حملت حالي وقعدت قبالها بس لافهم منها
بسام:شو ليش ساكته
اكرام:خايف تفهني غلط
بسام:لا راح افهمك اكيد صح
اكرام:انا انا
بسام:اي احكي
اكرام:انا حامل
بسام:هههه...
بوقتها ضحكت بدون ما اعرف شو عم تقصد بس دغري دمعو عيونها
بسام:وشو دخلني انا
اكرام:انا تعرضت للاغتصاب واحبلت
بسام:شو عم تمزحي
اكرام لا ابدا تنين شباب سكرانين تهجمو عليي وو
بسام:طيب وين اهلك ليش ما اشتكيتي عليهن
اكرام:انا امي مريضه وبابا متوفي وعم اركض لحتى امن لقمه نظيفه
بسام:خلص فيني ساعدك
اكرام:بس انا ما بدي نزل الجنين
بسام:..
اكرام:انا والله ما غلطت وو
بوقتها النخوة اكلت راسي معاد فكرت الا خلصها من مصيبتها بالزواج انا ما بنكر اني كنت غلطان بس انا تعاطفت معها وفوق منها تعلقت فيها لدرجه عيوني معاد شافو غيرها وانتي بتعرفيني كيف بسيط وما عندي اي حركات واكرام اجت بوقت مناسب كنت مخلص مراهقتي عرفان شو بدي وليش حاولت اوصل معها لنعرف مين اغتصبها ما اقدرت كان فيني اسجنهن اعمل اي شي وبعدها انا عرضت عليها الزواج وقتها فرحت وغمرتني وما بنكر انو الدنيا صغرت بعيني وحسيت بالامان لاول مرة وقت خبرت اهلي رحبو بالفكرة وبتعرفي بالاول صعبو الموضوع بخصوص اهلها وتحججنا انهن مسافرين وتم هالزواج يمكن الشهرين الي عشتهن معها خلوني انسى الماضي وعيش معها بس الحاضر
طالعتني من حالي من اهلي من كلشي وانا لحتى حافظ عليها اعترفت بالجنين على اساس انو الي بس ما كنت بعرف انها مصاحبه شباب وهي مهنتها الا من بعد ما علقت فيها كنت اتاخر بدوامي وما شوفها ترجع بحاله واضحه مية بالمية انها كانت بحضن رجال تاني واخر شي توقعتو انها تبلش تتقرب من مجيد وقت حكالي معاد اتحملت اكتر و
شغف:كفي ليش سكتت
بسام:يمكن تحكي هاد مجنون او مهستر بس شغف هاد الي صار بعد محاولات فيها معاد تحملت صارت تحكيلي بالعلن انا كنت بحضن فلان وانا معاد صبرت عليها ولا شوي وقت رجعت من سهرتها
بسام:وين كنتي
اكرام:احزر وين
بسام اكرام عم احكي معك بس كلام جدي بسام الاجدب تغير
اكرام:اممم مع واحد
بسام:عم تحكيها هيك
اكرام ههه يعني احكيلك مع تنين
بسام:لا انتي عنجد وحدة وسخه
ما بدي طلقها ابدا لانو الطلاق ما بيأثر بوحدة متلها كان بدي انتقم منها بطريقه انتقم لكرامتي لحبي الي منحتها اياه ونكرتو وقت شفتها على اخر درجه من الطابق عصبت عليها ودغري دفشتها كنت عم انطرها لتنزف وبعدها انزلت لعندها حسيت عليها عم تنتهي ومثلت باني عم اسعفها وماتت

شغف:وليش هيك عملت بحالك
بسام:لانو ما اقدرت واجه الناس اهلي وكيف فرضتها عليهن ما اقدرت اطلع بحالي انا من وقتها معاد شفت حالي بالمرايا لاني بخجل انا كتير صغير واجدب قبلت على حالي مهانه ونزلت من كرامتي وكرامه اهلي بس لاني حبيتها
شغف:بس هاد مو ذنبك
بسام:شغف انا حتى بعد موتها ما اكرهتها حاولت كتير مع قلبي ما اقدرت والله ما تخيلت انك توافقي ما تقبلت فكرة المس حدا غيرها كنت بدي تضل معي لو غلطانه حبها عمى على قلبي وقلبي كان بايدها وهي عم تضغط عليه لتوجعو وتسيطر عليه اكتر بالمقابل تزوجنا انتي ما بتتخيلي كيف عشت معك كل هالفترة غيرتي نظرتي بكل الناس تحملتيني وتحملتي وسخي
شغف:ما تحكي هيك
بسام:امبلا هاد الي صار تحملتي كلامي وبرودي تحملتي كلشي وكنت بعرف انك بتحبيني كنت ندمان على كل لحظه عشتها بعيد عنك كنت من قبل شوفك شغف البريئة الحلوة الي على طول مسالمه افرح وقت اعرف انو طفولتك قضيتيها معنا كنت بدي قرب منك بس انا وجهتلك كلام قاسي خفت ما تتقبليني او ترفضيني وانا بامس الحاجه الك وانتي الي حضنتيني بحب حسستيني بحنان انا فقدتو مع الايام احييتي الروح فيني من جديد
شغف:..
بسام:انا ما بدي تقارني حالك فيها لانك الافضل هي فشرت توصلك او توصل لاخلاقك عم تفهمي انا من بعد ما تركتيني انجبرت ارجع بسام لرجعك لحضني خفت تروحي لغيري لانو عنجد بعدها راح افقد كلشي حصلت عليه يمكن لو ما صار معي الي صار كنت ولا فكرت بشغف ابدا وعلى طول بحمد ربي لانك معي
شغف:..
بسام:انا هي حكايتي مع اكرام واعرفتيها من بعد اليوم فيكي تفكري اني لساتني بحبها
شغف:انت اثبتلي
بسام:خلص راح اثبتلك بس بدي توعديني تتركيني اعمل الي بيريحني
شغف:بس انا الي عليك حق
بسام:خلص راح حاول قد ما فيني اني وفق بينك وبين شغلي
شغف:بسام
بسام:عيونو
شغف:ليش كنت تخانقني كرمال صورتها
بسام:لاني بدي تضل قدام عيوني لضل عايش بذل اكتر كنت عم عاقب حالي فيها كنت مرة سدء الي صار ومرة حسو كابوس كنت جيب سيرتها بالمنيح لاضحك على حالي لمثل ع الكل باني كنت عايش قصه حب لاتخبى باصبعتي بسبب جهلي وغبائي براءة كانت تعرف عن الموضوع لهيك كنت اتناقر معها كتير وبتعرفي شغله والله حبيتك وانتي معي وما قربت منك الا لاني مغرم لاخر نفس فيكي كنت غار منك غار من لوحاتك الي بخلوكي تفرحي عكسي انا كنت زعلك وخليكي محبطه وبس هداك اليوم وقت رجعتي مكسورة وعم تبكي صحيتي جواتي كلشي تجاهك كنت بدي امنعك تروحي بس ما الي عين اطلع فيكي بعد الي صار
شغف:طيب انا بحبك
بسام:وانا بموت فيكي انتي وبس الي قلبي حبها
شغف:من قلبك
بسام:ها تعالي اسمعي
طبعا ما سمعت الا نبضو بس نبضو لحالو بالنسبه الي حياة
بسام:بتعرفي شغف
شغف:شو
بسام:بحب طفولتي الي عشتها معك بكرة راح نحكي لولادنا اننا كنا مبسوطين سوى
شغف:ههه بس هيك
بسام:راح احكيلهن مرة أمهن اجت من المدرسه وشها احمر اكلة كف من رفيقتها ورفيقتها سرقتلها سندويشه وما دافعت عن حالها
شغف:هلا هاد الي حافظو من طفولتي وانا راح بحكيلهن مرة ابوكن حب يجرب سيارة ابوه وفات بالحيط
بسام:ههه لا تزكريني امانه
شغف:وراح بحكيلهن كيف كنت رئيس عصابه الحارة وقت تاخد حجار وتاخد وراك صلاح ورامي وتعملو مشاكل مع ولاد الجيران
بسام:عههه لا هيك صار اسمها فضيحه وانا بحكيلهن انو امهن كانت على طول تخسر بلعبه الطابة وانو انا كنت شوط الطابه على وشها وهي تقضي لنهار بكي
شغف:لاا هيك كتير وانا راح خبرهن انو مرة ابوهن حب يقلد سبايدر مان وعلى شوي راح ينتحر من الاسطوح
بسام:ههه والله لحد هلا بتزكر الكف الي اكلتو من بابا
شغف:ههه كنت راح تموت حالك
بسام:ههه خلص وليه جننتيني
شغف:لحتى تعرف مافي مفر من الماضي بتحكيلهن عني بحكيلهن عنك
بسام:بس بربك مين الي كان الاشطر
شعف:اي انا كنت صغيرة وغير هيك كنت راح فرجيك
بسام:ههه لا مو صغيرة جبانه 😝
شغف:لا صغيرة
بسام:بلا وبراءة وجيانا كانو اصغر منك ومفرجينك الويل
شغف:ههه والله ما بحب أأذي حدا
بسام:بتتزكري مرة سرقولك اللعبة جيانا وبراءة و رحت عملت معهن مشكلة لرجعولك اياها
شغف:اي بربي بتزكر 😂
بسام:اي كنت انقهر وقت شوف دموعك بتعرفي انا والله بحبك من زمان
شغف:ههه حاجتك حاجتك تاخرنا ع البيت
..
بعد مرور عدة سنوات

كنا قاعدين على الشط كل شوي المي عم توصل لرجيلنا وبسام عم يقربني منو كل شوي وكاني راح اهرب
بسام:شايفه هالبحر شو كبير
شغف:اي شايفيتو
بسام:حلو صح
شغف:اي حلو
بسام:انا احلى منو
شغف:وبعدين معك يعني ما بدك تحكيلي كبر البحر بحبك
بسام:والله سامع هالعبارة وين
شغف:ما بعرف وين برايك
بسام:اممم معقول غنيه تكون
شغف:بسام شايف هالسما شو بعيدة

بسام:شايفها
شغف:ازا ما بدك تبطل سئاله راح شوطك عليها
بسام:هههه فكرت راح تحكيلي بعد السما بحبك
شغف:كانو سامعه هالمقطع وين
غمرني هالمجنون والمي طرشتنا
رامي:عيب تضبضبو
صلاح: استحي من بناتك صارو طولك
بسام اويلي دخيلهن تعالو يا بابا بدي احكيلكن عن الامير والاميرة
صلاح:ماما ابنك مجنون
حماتي دخيل قلبووو
رامي:قوم حرك حالك ونظف معنا السمك
بسام:لك دكتور اضرب واطرح بدك نظفلك سمك
صلاح اي ولا شاطرك بالاكل
بسام اي بس شاطر بالاكل ويلا روحو قطعتو عليي خلوتي بحبيبتي
صلاح اخ بس
صلاح اخد مرتو دلع وراحو يتمشو ورامي مع الفت عم يكملو تنظيف السمك وبراءة ومجيد عم يلاعبو كل لولاد بناتي وابن صلاح وابن رامي وبنتهن وابن جيانا واهلي واهلو قاعدين سوى عم يتفرجو على اولادهن المجانين مع اولادهن
بسام:اي منكمل عن هالسما والبحر
شغف:كمل لشوف
بسام:هلا شايفه هالبحر شو كبير
شعف:وبعدين معك بسام
بسام:هه عنجد بلا شايفه
شغف:اي شفت
بسام لو انو مليان زيت قديش بدو زعتر
شغف:ههه اخ منك هلا بتشوف
بلشت اركض وراه وعم رش عليه مي نزلنا لاول البحر حملني وصرنا فرجه للكل
بسام:بتعرفي كبر هالبحر وبعد هالسما بحبك ومو بس بحبك بموت فيكي انتي كلشي بالنسبه الي الهوى والمي ياريتني بعرفك من زمان
شغف:هه نزلني شو نسيت نحن ولاد جيران
بسام:اخ ريتني بحبك قبل اخلق ع هالدنيا
شغف:ههه بس كنت لساتني بعالم الظلمات
بسام:ههه المهم ياريت حبيتك من زمان
شغف:طيب ما صار شي هلا عم نحب بعض
بسام:ما عم اشبع منك راح موت كنتي قدامي وما كنت حبك ولا حتى حسيت فيكي
شغف:ههه طيب نزلني والله صرنا فرجه
بسام:صلاح صورني يلا
صلاح:بس الصورة بمليون
بسام خود تنين صورني يلا
باسني هالمجنون
شغف:بسام والله جرصتني الي مو الك
بسام ههه والله هاد الحب بدك تتحملي مني لسى
هيك قضينا لنهار والمسا نيمنا لولاد واطلعنا نسهر سهرة شباب وصبايا عملنا نارة صغيرة وحاوطناها وكل تنين لزقانين ببعض وعم يتهامسو
بسام:ما احلى هالجو
شغف:هه اي حلو والله بس مو احلى منك
بسام:هلا عنجد انا حلو
شغف كتير مو شوي
بسام:والله عيونك الحلوين
شغف:معقول
بسام:وقلبك لسى احلى
شغف:ليش بتحبني
بسام:اسالي قلبي هو بحبك
شغف:ههه وانا بحبك
بسام:ريت ما حدا حبني غيرك
شغف:حماتي بتحبك
بسام:ههه اي وبتحبك انو هيك الله خلقك حلوة او بعيوني بس حلوة
شغف:بسام اكلت راسي خلص
بسام يا روح بسام وعمرو
شعف:ههه خلص
صلاح هيي انتو حاجتكن عيب انتو اكبر تنين هون
بسام واع انت صغير
صلاح:بس انت كبيرنا استحي عيب
بسام:شو مدايقك انا ومرتي انت ليش مزعوج
صلاح:ماني مزعوج بس خففو هالشغلات لمولدنه
بسام:هههه بتغار وربي
جيانا:اتركهن يا زلمه انت ما عشت قصه حب عميقه متلهن
رامي:اي قليله كيف ذلو بعض
جان:ههه يا حرام
براءة:يمكن لهيك عم بحبو بعض هلا
مجيد:ليش انتي ما تعزبتي معي
براءة:ههه الي بعرفو تزوجتني جكارة ب بسام
بسام:خبيث مو بايدو
مجيد احكيلهن ليش
بسام:لا لا يستر عليك انا ما بدي افتح ولا صفحه
مجيد:ليش
بسام:حرقتهن بمرسم شغف
جان:ههه
شغف:بسام لا تزكرني
بسام:اي بتعرفو يا شباب
صلاح:لا والله نورنا
بسام:هالبحر شو كبير
فرطو ضحك
بسام:جاوبوني
صلاح كتير كبير
بسام:اي انا كبر هالبحر بحبها ل شغف
براءة:يا سيدي الله يهنيها شغف بتستاهل احسن منك كمان
بسام:لااا لهون وبس
مجيد لا تعصب بتمزح
بسام ممنوع تمزح هيك شغف ل بسام ونقطه انتهى..يلا انا نعست اوعى تجيبو سيرتي وانا نايم
صلاح ههه والله لنحطك ع الدف هلا
بسام: ولو كان
جان اسهرو
بسام:لا بكرة راجع على بكير عندي موعد مهم
مجيد:ونحن راجعين معكن
بسام:تصبحو على خير
)يمكن البدايه كانت حزينه وبتوجع بس النهاية كتير حلوة بتعرفو انو هالدنيا كتير فيها عداله يوم الك ويوم عليك صحيح بتبكينا بس بترجع تفرحنا صحيح نحن منوصل لدرجه اليأس من كل شي بس ع الاكيد راح يجي يوم ونفرح ونتفائل ونحقق احلامنا بنهاية كل قصه عم حاول ترجم مشاعري اي مشاعري انا ما بكتب بس قصص انا عم عيش واقع هيك بيشبهني متلي متل اي انسان عادي الدنيا وقفت بوشي كتير بس رجعت صفت معي بكتني كتير ورجعت فرحتني اخدت مني بس اعطتني باسمي انا مايا الحجازي راح خبركن انو اعطو لكل شي حقو احزنو وخدو وقت الحزن وابكو لا تمسحو دموعكن دغري خليهن يحرقو عيونكن وخدكن بس بتعرفو انو هالدموع راح يكون مصدر لقوتكن اعطو لكل شي حقو افرحو وارقصو وجنو لا تعيشو كل حياتكن جد عيشو كل يوم بيومو انسو الماضي واي ذكرى بتحاول تحطمكن الغوها احرقوها بس لا ترجعو للماضي خلوه درس وامشو عليه خلوه مصدر لقوتكن واتاكدو ما صار شي بحياتكن الا خير صحيح نحن منريد شي بس ربنا ببختارلنا الافضل وفي حديث شريف عن عمر رضي الله عنه قال ( لو عرضت الأقدار على الإنسان لاختار القدر الذي اختاره الله له".
وهيك بتكون نهاية قصتنا لليوم وانشالله برجعلكن ب قصه تنال اعجابكن
مع تحياتي :مايا الحجازي

رأيكن بصرااحة

بداية القصة

📛 عاااااااااااااجل 📛

🎶 اكبر مكتبة اغاني في الوطن العربي

﹎﹎﹎﹎﹎﹎﹎﹎﹎﹎﹎﹎
➕ للإنضمام الى ليستة المدراء ➕