Інфармацыйнае паведамленне.

Паважаныя прадстаўнікі прэсы, дарагія сябры!

❗️Мы хацелі б праінфармаваць вас пра бягучую сітуацыю ў “Беларускім моладзевым хабе”, які ў верасні 2023 года аднавіў сваю працу.

Асацыяцыя была заснавана і зарэгістравана ў 2018 годзе. Згодна са Статутам аператыўнае кіраўніцтва дзейнасцю асацыяцыі ажыццяўляе праўленне ў асобе прэзідэнта, які ў сваю чаргу прызначаецца (здымаецца з пасады) Назіральнай радай асацыяцыі. Акрамя таго Назіральная рада ажыццяўляе кантроль за дзейнасцю арганізацыі.

У лістападзе 2021 года ўрад Варшавы перадаў нам памяшканне на адрас: pl. Konstytucji, 6 для правядзення грамадска-палітычнай дзейнасці беларусаў.
Аднак апошнім часам нашая арганізацыя сутыкнулася з шэрагам праблемаў, зьвязаных з дзейнасьцю былога кіраўніка Аляксандра Лапко.

На працягу апошніх месяцаў Аляксандр Лапко неаднаразова перавышаў свае паўнамоцтвы і парушаў фінансавую дысцыпліну, у прыватнасці:

🔺 у абыход астатніх чальцоў асацыяцыі і Назіральнай рады, пачаў працэдуру пераафармлення памяшкання па адрасе pl. Konstytucji, 6 на карысць структуры, афіляванай і падкантрольнай Аляксею Лявончыку;
🔺 адмовіўся прадставіць поўную дакументацыю для праверкі празрыстасці разлікаў па атрыманых грантах;
🔺ухіляўся ад выканання сваіх абавязкаў, прадугледжаных Статутам арганізацыі, у прыватнасці параграфаў 18 і 21, ігнараваў патрабаванні Назіральнай рады (правы Савета вызначаны параграфам 22 Статута);
🔺 акрамя таго, былі ўстаноўлены факты пералічэння грашовых сродкаў у адрас Аляксандра Лапко з парушэннем патрабаванняў, устаноўленых польскім заканадаўствам. Гэта адлюстравана ў акце юрыдычнага аўдыту, праведзенага незалежнай юрыдычнай арганізацыяй.

Неаднаразовыя парушэнні Аляксандра Лапко выклікалі неабходнасць правядзення крызісных мер з боку Назіральнай рады, а таксама кадравых і структурных зменаў:

🔺 былі накіраваныя лісты ў адпаведныя інстанцыі;
🔺 была пададзена заява ў паліцыю, якая пасля правядзення праверкі 22 жніўня 2023 года ўзбудзіла крымінальную справу па артыкуле 276 Крымінальнага кодэкса;
🔺 быў накіраваны ліст прэзідэнту горада Варшавы як вышэйшаму нагляднаму органу асацыяцыі з просьбай аказаць садзейнічанне ў правядзенні аўдыту.

Дзякуючы гэтаму мы змаглі спыніць працэс скасавання дамовы арэнды і правялі рэструктурызацыю асацыяцыі. Новым прэзідэнтам асацыяцыі быў прызначаны Сяргей Бульба. Таксама зменены склад наглядальнай рады.

🤍 Мы рады аб'явіць аб аднаўленні нашай работы пад новай назвай "Беларуская Прастора", пры гэтым захоўваючы лепшыя традыцыі "Беларускага маладзёжнага хаба".

❤️ Мы дзякуем усім, хто прымаў актыўны ўдзел у жыцці нашай арганізацыі і спадзяемся на далейшую паспяховую сумесную працу.

🤍 Усе зацікаўленыя ініцыятывы могуць выкарыстоўваць нашу прастору для рэалізацыі творчых, бізнес- і прафесійных ідэй.

❔Па дадатковую інфармацыю звяртайцеся на адрас:
pl. Konstytucji, 6 з 9:00 да 21:00 Пн-Сб.

З павагай,
🗺 Прэс-служба "Беларускай Прасторы"