2000 - æм азæй абоны онг æрвылаз 21 февралы ЮНЕСКО - йы уынаффæмæ гæсгæ бæрæг кæнынц мaдæлон æвзæгты Æппæтдунеон бон. Уый фæдыл aрæзт æрцæуы мадæлон æвзæгты райрæзтæн ахъаз чи у, aхæм бирæ алыхуызон мадзæлттæ. Уыимæ нæ республикæйы дæр. Сæ фылдæр арæзт æрцæуынц ахуыргæнæндæтты бындурыл: скъолаты, техникумты æмæ уæлдæр ахуыргæнæндæтты. Уыимæ "Аланты Ныхас" - ы ахурады æмæ ирон æвзаг бахъахъхъæныны фарстаты фæдыл Комитеты уæнгты хъæппæрис æмæ архайды фæрцы.