مجتمعك والناس الحوليك هم الحيحددو شكل مستقبلك اوعي تنسي.... 🌻

لو اصحابك بحبو الفارغه انت حتطلع إنسان فارغ ...

لو اصحابك طموحين وناس مجتهدين حتطلع إنسان مجتهد ...

القروش بتجيب القروش 🌻..
الأصحاب الكويسين ببقوك كويس 🌻..
الاهل الواثقين فيك بخلوك تنجح 🌻..
الناس الكعبين بفقروك 🌻...
الناس السمحين بسمحوك 🌻...

كل الطاقات معدية والعلاقات معدية والناس وتصرفاتهم معدية ف اختار أصحابك والمجتمع الشايف فيه نفسك بعناية عشان نفسك 💛

تخير من ترافق ... 🌻
ُصُحبة الصالح تُصلح ...🌻

#مكتوب بحب
#مشكاة

لاحول ولاقوة إلا بالله💛.

لابأس إنها فقط القليل من الأيام التي تحتاج إلى المزيد من الاجتهاد عليك أن تبذل فيها ماتستطيع لانها ستصنع مستقبلك💛😍.

ﻗُﻞ ﻟﻠﻔﺆﺍﺩِ ﻭإﻥ ﺗﺮﺍﻛَﻢ ﺑﺆﺳﻪُ،
‏ ﺭﺑّﻲ ﻣﻌﻲ ﻣﻦ ﺫﺍ ﻳﻌﻴﻖ سبيلي🌼🌼.

لو اي زول شاف الحاجه العايز يعملها صعبه ومابقدر يعملها مافي زول كان أنجز وحقق حاجه في الدنيا ...

نكون واقعيين 🌻 ...

إتذكر كل مشكلة وليها حل بس أنت فكر في الحل وحتلقي 💛💛...

إتذكر كل النفسك فيه بتقدر تعمله مدام عندك هدف وخطه شغال عليها وساعي حتوصل 💛💛...

إتذكر مافي حاجه مستحيله، المستحيل ده لسه مالقيت ليو طريق يوصلك بس 💛💛....

أتذكر مدام في ناس قدامك وصلو أنت حتوصل 💛💛...

إتذكر على قدر سعيك على قدر إجتهادك على قدر إنك حتلقي نتيجة مُرضية بالنسبك ليك💛💛..

ماهو مافي زول بحب النوم والراحة والكسل والتسويف وكل ملذات الحياة وعايز ينجح ، نجاحك مقرون بالسعي وبس 🌻...

خليك شغوف بالحاجة البتحبها لانو شغفك هو الحيوصلك ل بر الأمان يافنان 🌻...

#مكتوب بحب
#مشكاة 💛🌻

*كيف أكون إيجابي طول الوقت*💛🦅


علمياً ونفسياً وعاطفياً انت البتخلي حياتك إيجابية....

نبدأ بفكره "العقل اللاوعي" ...
حصل سألت نفسك ليه سُمي عقل لا واعي ؟
ببساطة ...

لأنك أنت البتتحكم فيه ،بتدي أفكار لعقلك هو ببدأ يتأقلم عليها ..
أديت عقلك فكرة إيجابية حيخزنها والفكرة حتنعكس عليك وعلى حياتك بشكل إيجابي 🌻

أديت عقلك فكرة سلبية حيخزنها والفكرة حتنعكس عليك وعلى حياتك بشكل سلبي 🌻


أعتبر عقلك زي المزرعة ...

إذا زرعت فيه أشياء سلبية ف حتطلع أشياء سلبية ...

وإذا زرعت فيه أشياء إيجابية ف حتلاقيها في حياتك ...

فحاول دائماً تزرع في مزرعتك الأشياء الإيجابية عشان تشوفها في حياتك ...
💛🦅

الحياة مادائما حلوة بس أنت البتحليها 🌻...

#مكتوب بحب
#مشكاة
💛🌻

"تمشي على مَهلِها الأحلامُ فانتظروها، ففي اشتدادِ اللَّيالي يسطعُ القمرُ."🌕✨

"كلما فكّرتَ في الاستسلام تذكّرْ أمرين:
الأول: لماذا تماسكتَ كلَّ هذه الفترة؟
الثاني: أولئك الذين سيفرحون برؤيتك فاشلًا"🍂

لا تستسلم يا رفيق. 🌾💛

لو ماوضعت ل نفسك ول حياتك خطة واضحة وخططت ل أهدافك ووضعت إستراتيجية معينة حتبقي زي الزول البركب عربيته ويمشي ويجي ويلف وهو ماعارف نفسه ماشي ع وين وفي الاخر حيلقي البنزين خلص،،،

نفسه انت لو بتصحي من الصباح وانت ماعارف عايز شنو في حياتك دي حتلقي العمر ماشي بيك والزمن رايح،حياتك مسؤوليتك أنت، مافي زول حيجي يقول ليك قوم اشتغل عشان نفسك لو أنت منتظر البجي ينصحك عشان تقوم تشتغل حتكون طول عمرك تحت الصفر،،،

الشغل عبادة وحياة
💛💛
اشتغل واجتهد واسعي وراء أهدافك ، أحلامك عشان لمن تتححق تطلع افضل نسخه منك،

،ويابخت البجيب كل مافي نفسو من قِرشو🫶🏻

#مكتوب بحب
#مشكاة 🌻

#بوست نهايه السنة 💛🦅..

شغلك ولا تطوير نفسك ؟

تطوير نفسك أهم من شغلك ...
لانه شغلك ممكن يستغني عنك أو انت تستغني عنه لو أنت موظف أو صاحب بزنس خاص ..

ف فعاليا وقتها حتحتاج ..
مؤهلاتك/مهاراتك/علاقاتك
عشان تلقي فرصة تانية تبدأ فيها من جديد ...

شغل مابديك فرقة تطور من نفسك سوا في مهاراتك او علاقاتك الاجتماعية او مابخليك تضيف للسيرة الذاتية حقتك اضافه حقيقة أحسن تكسب عمرك ...

طور من نفسك في كل مجالات الحياة المختلفة ماتتوقف على حاجة معينة عشان مع مرور الوقت حتلقي نفسك ولا حاجة غير انك بتشتغل وتأكل وتنوم...
💛🦅

#مكتوب بحب
#مشكاة 🌻

كيف تقدر تكسب ثقتك في نفسك ؟

سؤال عميق جدآ ومعظمنا تلقاه بدا في برنامج وقف ماعشان هو مابقدر، لا عشان هو وصل نص الطريق ولاقته عقبه واستسلم ..

ابدا من الان في اللحظه دي في الموضوع الخطر على بالك وكنت متردد منه واقطع فيه شوط حتواصل وحتصل 💛...

حاول تتحكم في مشاعرك حتدي نفسك ثقة أكبر لمن تكون انسان ناضج واعي ومابتدي مشاعرك الا للبستاهل 💛...

ماتزهج ولا تمل لو الحاجة الانت بتعمل فيها بقت صعبه استمر واتذكر
(لو أن الناس استصعبوا أمراً تركوه ماقام للناس دين ولا دنيا) واستمر على كده 💛...

لو إنك قررت تعمل حاجة ياريت تستمر وتكملها حتي لو كانت صعبة عشان نفسك 💛...

#مكتوب بحب
#مشكاة 💛🌻

الواحد فينا بشتكي من مرتبه وشغله وتلقاه شايل تلفون بقروش كتيره ...
او بصرف قروشه في حاجات ماليها اي داعي ...

قروش التلفون الكتيرة دي ممكن تبدأ بيها بمشروع صغنوني وتعبر ...
القروش البتصرفها ساي دي ممكن تدخرها ...

الواحد فينا م بكون عارف انه ده ممكن يغير حياتك بس بسبب الضغط النفسي في المجتمع اللي فيو ناس بتقيمك ب مظهرك وتلفونك نوعو شنو ووو ف بخليك في ضغط نفسي وتاخد قرار غلط عشان مظاهر ...
أفضل إنسان في الدنيا البعرف يستغل موارده بشكل جيد حتى لو المجتمع الانت فيو ضاغط ...

عموما كلام الناس مابنتهي اعمل البريحك بس ...

الليله انا معاي ١٠٠٠ج وانت معاك ١٠٠٠ج
انا ممكن اجيب ١٠ تفاحات وابيعهم واكسب ان شاءالله ولو ٢٠٠ج
وانت تجيب ١٠ تفاحات وتاكلهم ...
وقيس على كدة في كل أمور حياتك ...

📌هنا الفرق كيف تستغل مواردك صاح المجتمع السوداني كلو تحت ضغط اجتماعي مظاهر بصورة غير طبيعية في سبيل إرضاء الناس ...

حاول دائما أرضي نفسك وبس
💛🙌🏼...

#مكتوب_بحب
#مشكاة 💛🌻

ينعاد علينا بالصحه و العافية و الامن و السلام 🤍💚❤️🖤👩🏼‍🦯

إبتسمي يا وصية الࢪسول
عسَى القادم جبࢪاً لڪُل خيباتُڪِ♡"