tgoop.com/surxoneko/25462
Last Update:
Sherabod tumanining “Ko’hitang” tog’ tizmalarida joylashgan “Surxon’ davlat qo’riqxonasini rivojlantirish, bu yerda mavjud bo’lgan noyob turdagi yovvoyi hayvonlar populyatsiyasini rivojlantirish, xavfsiz migratsiya zonalarini tashkil etish borasidagi ishlarni jadallashtirish maqsadida “Turkmaniston va O’zbekistondagi qo’riqxonalar o’rtasida salohiyatni oshirish va ekologik uzviylik muhofazasini yaxshilash”loyihasi doirasida seminar-trening tashkil etildi.
Tadbirda “Surxon” davlat qo’riqxonasi xodimlari, Fanlar akademiyasi Zoologiya instituti hamda Termiz davlat universiteti professor o’qituvchilari,Turkmaniston Respublikasi “Koytendag” davlat qo’riqxonasi xodimlari, Keng ko’lamli landshaftlarni muhofaza qilish markazi mutaxassislar ishtirok etdi.
Seminarda ushbu uchrashuvning maqsad-mohiyati, Turmaniston Respublikasining “Koytendag” qo’riqxonasi hamda “Surxon” davlat qo’riqxonasi bilan o’xshashligi, hayvonot dunyosi turlari populyatsiyasini muhofaza qilish hamda o’zaro hamkorlik doirasida Burama shoxli echki ya’ni morxo’r, Buxoro tog’ qo’yi, silovsin kabi hayvon turlarini rivojlantirish, ularni qulay va xavfsiz migratsiya zonasini tashkil etish borasida zarur fikr va mulohazalar almashildi.
Shuningdek, seminar davomida “Surxon” davlat qo’riqxonasida bo’lgan ikki kunlik o’rganish ma’lumotlari, fazoviy va ekologik tahlil natijalari hamda Ekologik tarmoqlar doirasidagi ekologik yo’laklar bo’yicha LUCN hamda SMART patrul tizimi tatbiq etish haqida taklif va tavsiyalar berildi.
Mazkur mavzu doirasidagi muhokamalar davom etmoqda.
Surxondaryo viloyati Ekologiya boshqarmasi matbuot xizmati
Kanalga ulanish :https://www.tgoop.com/surxoneko
BY Surxondaryo viloyati Ekologiya boshqarmasi
Share with your friend now:
tgoop.com/surxoneko/25462