🥯🎙Open call: яңа татарча стендап йолдызларын чакырабыз!

Татар телендә шәп шаяртасың һәм моны күбрәк кеше ишетергә тиеш дип саныйсыңмы? Димәк, бу мөмкинлек синең өчен!

🎤 19 сентябрьгә кадәр катнашу гаризасын тутыр һәм сине менә ниләр көтәчәк:

• тәҗрибәле шаяртучылар ярдәме белән беренче монологыңны язу
• күңелле редактура һәм читкалар
• ачык микрофоннарда катнашу
• видеотапшыруга әйләнәчәк концертта чыгыш ясау
• иң текәләргә — акчалата бүләкләр.

✏️ Катнашу шартлары:
- сиңа 18-35 яшь
- милли юморда үсәргә телисең
- сентябрь ахырына кадәр Казанда булачаксың

Гаризаңны җибәр һәм татар юморы дөньясына кер! Сине көтәбез! 🇷🇺

Пссс, безнең open-call дәвам итә! Бу атна азагында редактура вә читкаларга җыелырга исәп. Яңа татарча стендап йолдызы булу мөмкинлеген ычкындырма! 🎤

Гариза тутырырга: https://forms.gle/fUHvVNj3Z1LQdYZm9

Фаил Баязитов һәм Руслан Царевич ситуация конкурсында🤴🏻

«Шалт, Мөхәммәтҗан!» юмор проекты 🎤

Безне ВКонтакте һәм YouTube челтәрләрендә дә карагыз 🎤

Татарча StandUp концерт-телесъемкаларына чакырабыз🎙

Кайнар табадан төшкән татар юморын тыңларга килегез! Сентябрь дәвамында без тәҗрибәле һәм яңа комиклар белән бергә яңа материал тупладык һәм аны яраткан тамашачыбызга җиткерергә әзербез. Шаяртучылар төп приз — 10 000 сум акчалата бүләк өчен көрәшәчәк, ә концертлар TMTV каналы өчен видеога төшереләчәк.

🗓 30 сентябрь, 18:30 һәм 20:30 (ике мотор)
📍 StandUp Club | Kazan (Бауман урамы, 44)
🎟 Керү бушлай, исемлекләр буенча:
• 18:30 башланачак концертка теркәлү
• 20:30 башланачак концертка теркәлү

Үзең кил, дусларыңны чакыр 😉

🔺🎙 «Түбәтәй»дә ачык мирофон!

Яңа мәзәкләрне беренче булып ишет! Съемкага әзерләнәбез — чыгышларыбызны публика алдында тикшереп карыйбыз!

🗓 29 сентябрь 16:00
💚 «Түбәтәй» кафесы (Кремль урамы, 21)

🔥 ИРТӘГӘ! Татарча StandUp концерт-телесъемкаларына чакырабыз🎙

Кайнар табадан төшкән татар юморын тыңларга килегез! Концертлар TMTV каналы өчен видеога төшереләчәк.

🗓 30 сентябрь, 18:30 һәм 20:30 (ике мотор)
📍 StandUp Club | Kazan (Бауман урамы, 44)
🎟 Керү бушла!й, исемлекләр буенча:
• 18:30 башланачак концертка теркәлү
• 20:30 башланачак концертка теркәлү

Үзең кил, дусларыңны чакыр 😉

Бу нинди монстр татарского юмора? «Түбәтәй»дә репетиция! 🔺

Абау, нишлиләр монда? Иртәгә килегез дә белерсез 😍

«Түбәтәй»дә хәләл юморлар гына сөйләдек 🤌🟠 Калганын иртәгә тыңларга килегез 💚

Җәмәгать, кичә кәнсиртләребез ут булып узды бит! Барлык катнашучыларга һәм кунакларыбызга зур рәхмәт ❤️‍🔥

Без, теге җырдагыча «в моменте» булгач, кичә каналга һичбер пост куярга өлгермәдек. Шулай да барлык тугры фанатларыбыз стендап-клубта булып, барысын үз күзләрегез белән күргәнсездер дип ышанып калабыз! Кем күрми-ишетми калды — бераз рефлексия 👇

🙂Яңа шаяртучылар. Сентябрь ае барышында без опен-колл оештырып, яңа татар шаяртучыларын тупладык һәм аларга беренче (кемгәдер — икенче) монологларын язып, шомартырга ярдәм иттек.

Нәтиҗәдә концертларыбызда 6 яңа татар шаяртучысы катнашты: Алсу Хәбибуллина, Баязит Зәйдуллин, Ләйсән Насырова өчен бу икенче чыгышлар булса, Зилә Хөсәенова, Хәлим Шәйхетдинов һәм Гүзәл Вәлиуллинаның дебютларын күзәттек!

Ай дәвамында алар белән онлайн һәм офлайн редактуралар, читкалар оештырдык, хәтта «Түбәтәй» кафесында ачык микрофон үткәреп алдык — шулай итеп, әзерлек тә, чыгышлар да дастуйный булды!

✨ Тәҗрибәле шаяртучылар. Гадәттәгечә, «Шалт, Мөхәммәтҗан» сәхнәсенең резидентлары — Рамиль Агдеев, Айназ Абдуллин, Ленар Галәү, Илнур Илалов, Владислав Шунский, Илһам Шакиров, Динара Зиннәтова чыгыш ясадылар. Чараны алыштыргысыз Фаил Баязитов алып барды, ә музыкаль кәефне яңа треклары белән Рамиль Закиров булдырды.

🪧 Жюри буларак беренче моторда GAUGA фронтмены Оскар Юнусов, алып баручы һәм шоумен Рамиль Шәрәфиев, «Сәләт» яшьләр үзәге директоры Айгөл Габдрахманова, икенче моторда — шоумен Булат Байрәмов, җырчы һәм комик Рамиль Закиров, «Татар радиосы» һәм TMTV телеканалы алып баручысы Назлыгөл Сөнгәтова катнаштылар. Рәхмәт аларга!

💰 Акчалы бүләкләр кемнәргә эләкте?
• Илнур Илалов — үзенең бүләген ул дебютантка Зилә Хөсәенова белән бүлешергә булды!
• Гүзәл Вәлиуллина энергетикасы белән публиканы яулады!
• Рамиль Агдеев — үзенең бүләген ул Алсу Хәбибуллина белән бүлешергә булды!
• Баязит Зәйдуллин супермощный мәзәкләре белән залны көлдертеп хәлсез калдырды.

🏟 Тамашачылар. Һәрбер концертка 80шәр тамашачы теркәлде, заллар шыплап диярлек тулды — бу суперкүрсәткеч! Рәхмәт сезгә!

Тиздән фотолар әзер булачак — аларга сылтманы аерым пост итеп куярбыз. Алга таба концертлар TMTV каналында тапшыру форматларында чыгачак — хәбәр итәрбез👌

🎙 Шулай итеп, татар юморы яңарыш кичерә, татар стендапы үсә, яңадан-яңа шаяртучылар сәхнәгә чыга, яңа татар мәдәниятенә үз өлешен кертә. Яшибез, җәмәгать! Безнең белән булыгыз, безне күзәтеп барыгыз — милләтебез өчен яңадан-яңа сыйфатлы контент булдыруны дәвам итәчәкбез, Алла боерса.

Дуслар, кем рус телендә дә Татарстан яшьләренең юморын тыңларга тели — бүген республика КВН лигасының ярымфиналына килегез 🎤

Финалга чыгу өчен Татарстаннан һәм Марий Элдан 9 команда көрәшәчәк.