🟥🔥Арча районында Кыш бабай белән Кар кызы резиденциясендә булып кайттык.
Спойлер: билетлар кыйбат, татарча берни юк.

🎄 Билетлар баланың яшенә, барасы көнеңә карап төрле хактан: 1750-2550 сум тора. Казан үзәгеннән махсус автобуслар да йөри икән, анда өстәмә хаклар түләнә. Без ике олы кешегә һәм 5 яшьлек балага 6100 сумлык билет алып, үз машинабызда бардык.

❔ Видеоларда күрерсез: курчак спектаклендә махсус рәвештә акцент белән сөйләшүче Кыш бабайга ис китте. Ул Рөстәм Миңнехановны пародиялиме икән?! Нишләп аны шундый акцент белән сөйләштерәләр икән?!

⁉️Кыш бабай һәм Кар кызы резиденциясендә татарча берни юк, өмет итеп бара күрмәгез. Сайтларында "татарча программага заказ биреп була" дип язылган. Гадәти программалары шул хакта булганны, татар теленең нинди кыйммәт йөрүен күз алдына китерәсездер.

🙅‍♂️Биредә халык күп, тамаша берөзлексез диярлек бара. Балаларга азактан Кыш бабай грамота белән баллы бүләк тапшыра. Коймак өчен өстәмә түләп, кайнар чәй эчәргә була.

😈Бала убырдан, аҗдаһадан бик курыкса да, тамашаны ошатты. Ләкин менә Кыш бабайның сакалы ябыштырылган булуы күренеп тору сәбәпле, аның чын булмавына күңеле төште. Хәзер чынын таптыра. Каян табарга инде анысын?!😒 #ЭФ

📍 @todaykazan
🔴 @tatartoday 🗞 🚀